رواية غدر وقدر الفصل الثالث3بقلم دانيا
صلوا على النبي.....
هيثم بنبرة حاده قال لي انا قبيل قلت ليك شنو قبل ندخل في الدوامه دي م قلت ليك اتريس وخلينا نشتغل بشهاداتنا لكن انت ركبت راس ... عاينت ليهو بأسف قلت ليهو معقولة انت لسه بتفكر بالطريقه دي بعد كل شيء انت شكلك نسيت في الزمن داك كنا مارين بشنو وكنا في ياتو موقف !! شكلك نسيت ال15 مؤسسه المشينا ليهن ورفضو ويوظفونا انت عارف ناس المدينه ديل وظائفهم هم م لاحقات عليهم كيف عاوزهم يوظفونا نحن ناس القرى وهم متين شافونا ناس عشان يوظفونا ؟! والزينا كتااار .
لو بقينا نفتش في العمل بالشهادات كان اهلنا الزمن دا ماتو من الجوع وشهاداتنا دي إلا كان نبلها ونشرب مويتها صبربتو في صدرو وقلت ليهو انت تحمد الله إنو بسبب قراري داك حالياً اهلنا عايشين وماكلين وشاربيت .... بقى يعاين لي وقبل يرد لي سمعت صوت إنزار في تلفون الكان قاعد في العربيه ،، عاينت لهيثم وهو عاين لي والإتنين بدأت على وجوهنا ملامح التوتر قلت ليهو الله يلعنها وقمت ماشي وانا بقلع في الملابس الجابها لي عشان امشي البس الملابس الحيت بيها ،، هو فضل واقف في محلو وقال لي شكلها الملكه حست اشرت ليهو بأصبعي بمعنى اسكت .
لبست بسرعة البرق وجريت على العربيه دورت ومشيت هو عاين لي مسافه لمن العربيه اختفت من قدامو وبعدين قال " ربنا يعينك يا إبراهيم " ومشى لم الملابس من الأرض محل انا خليتهم دخلهم في الكيس ومشى .
قبل اصل البيت جاني إتصال عاينت للتلفون حسيت مزاجي اتعكر ابتسمت وهديت نفسي ورديت على التلفون " الو يا ملكتي " من دون مقدمات قالت لي وين ؟ قلت ليها قريب قالت لي والمايك مالو م كان شغال ؟ عاينت للمايك المركب في واحدة من زرار القميص حقي وقلت ليها هااا... دقيقه شكلي زحزحتو بيدي وانا م منتبه بسبب السواقه ،، سكتت مسافه وبعدها قالت لي المعلبات وصلت الحدود الشرقيه قبل تصل البيت من طريقك لهناك طوالي ومستر Y ح يلاقيك في الطريق " قلت ليها تم .
عند غفران :
بعد فطرنا لميت حاجات الخبيز ومع معاز شلناهم ومشينا بيت عمي عشان نخبز معاهم كل سنه بنخبز مع بعض جينا داخلين سلمت على عمي ومرتو كانو قاعدين في الحوش بتونسو مرتو قالت لي تلقي البنات في المطبخ من قبيل راجياتنك .... مشيت عليهن سلمت عليهن وقعدت إبتسام قالت لي جبتي كم كيلو المره دي ؟ قلت ليها كالعاده خمسه قالت لي خلاص نبدأ نشتغلو ليكي انتي بالأول عشان كان الزمن فات حقنا نحن م مشكله لو بكره بنتمو قلت ليها لالا م مشكله اصلاً نحن اجزو لينا إجازة العيد ،، نطت إلهام اختها الأصغر منها قالت لي م وريتك الحصل شنو ؟ عاينت ليها وقلت ليها اها انتي يا بتاعت الشمارات قالت لي اخسي عليكي هسي م بوريكي قلت ليها خلاص النبي وريني .
ابتسام قالت لي ح يكون حصل شنو غير إنو امي الليله مشت السوق ورسلت رسالة لإبراهيم اخوي وكذب ليهو إنو ابوي عيان عشان يجي ... قلت ليها حرام عليكم تمرضو عمي الله لا يقدر ،، قالت لي م كدا يابت لكن هو غير كدا م بجي ، في قلبي قلت ليها إن شاء الله م يجي .
يوم الوقفه حقت العيد قمت بدري بقيت برتب في البيت م خليت شيء على حالو غيرت كل شيء في البيت ورتبتو بطريقه حلوه امي لمن شافتني لمن اتكيفت مني ودعت لي قالت لي إن شاء الله عقبال السنه الجايه ترتبي بيتك وتجيهي ... صريت وشي لكن نهائي م رديت على كلامها المساء بعد الفطور قالت لي انا ماشه على ناس عمك وجايه م بتأخر قلت ليها خلاص تمام.
يوم صباح العيد قمت بدري كالعادة زي كل يوم عيد بنعيد على بعض في البيت وبنتزكر ابوي وبنقعد نبكي وبعدها بنمشي نعيد على عمي لأنو في مقام ابونا .
عند إبراهيم :
م قدرت اقوم من السرير رغم إنو الدنيا عيد كله بسبب اليوم داك " بعد خلصت المكالمه مشيت محل الإستلام وقبل اصل البضاعه داهمونا في مكان الإستلام وحصل إنفجار كبير في الشاحنه المحمله المعلبات " المتفجرات " لكن الحمد لله الشرطه م قدرت تصل لأي شيء بدينا في موقع الإنفجار رغم خسارتنا الكبيرة بس عدت على خير اصلاً في مجالنا الربح الخسارة مقترنات ببعض " تلفوني اتصل بالعافيه اتناولتو من التربيزه دا هيثم رديت عليهو قال لي عيد سعيد يا إبرا قبل يتم كلامو قاطعتو وقلت ليهو اتأدب ياولد .
فوراً غير كلامو وقال لي بقيت كيف ؟ قلت ليهو الأسد بتألم لكن م بموت انجز عرفتو سبب الإنفجار ؟ قال لي اخبار غير اكيدة لكن عندنا شك في إنو الحبشي ود الحــ..ر.. ا م دا هو السبب ماانت عارفو مضاضينا كيف ؟! قبل اتم كلامي معاهو جات شالت التلفون من يدي وقالت لي الليله شغل ممنوع .... قعدت جنبي في السرير ومسكت يدي وقالت لي رأيك شنو نطلع المساء مشوار ظريف كدا نروق المنقه ،، عاينت ليها وابتسمت وختيت يدي التانيه على يدها وقلت ليها اكيد فكره ولاا اروع ياستهم عيوني ليك يا جميل للحظه اتغيرت ملامح وشها الجاده ديك من مرا مسيطرة لطفله تعشك الدلال ... قلت في نفسي يلا دي فرصتك ياإبراهيم لازم تستقل الوضع دا وفي الطلعه المساء توريها إنك مضطر تمشي البلد كم يوم .
نمت وانا بتخيل في شكل العيد مع الأهل ح يكون كيف !؟ لمة الأهل والونسه والطلعه مع الشاب نلف الحله بيت بيت ... صحيت على صوتها وهي بتقول لي قوم نمت كتير الليله فتحت عيوني لقيتها واقفه قدامي ومظبطه نفسها قالت لي طالعه كيف يا حلو ؟ عاينت ليها بدهشه وقلت ليها قمر كالعاده بتجنني ،، ابتسمت نظام خجلانه وقالت لي قوم اجهز عشان نطلع عارف الساعه كم ؟ العشاء زاتو قرب .. قلت ليها احسبي في يدك اتنين بتلقيني جنبك قمت بسرعه خشيت الحمام وطلعت جهزت سريع ومرقنا ،، شالت مني مفتاح العربيه ومدتو للسواق عاينت ليها وقلت ليها مافي داعي انا بسوق قالت لي لا المره دي هو ح يسوق انت تقعد جنبي بس ،، قلت ليها تكرمي ومشيت فتحت ليها الباب .
بعد وصلنا المطعم وقعدنا حبه كنت متردد اتكلم ول استنى شوية للحظه اتوترت لأني م ضامن ردة فعلها لمن لاحظت لي مسكت يدي وقالت لي مالك يا ... عندك كلام شكلك شلت نفس عميق قبل ارد ليها وبعدها قلت ليها شبه كدا ،، بقت تعاين لي بإبتسامه ووش بشوش رغم إنو