رواية غدر وقدر الفصل السادس6 بقلم دانيا
صلوا على النبي......
سلمت على ناس عمي وقلت لإبراهيم حمد لله على السلامه قال لي ربنا يقبل حمدك ومشيت منهم على ناس امي في المطبخ بعد مشيت منهم إبراهيم سرح فيني مسافه ومن دون ما يحس قال ماشاء الله كبرتي يا بت عمي !! عمي قال ليهو ااي ماشاء الله بقت عروس " رايك شنو " ابراهيم انتبه وخجل قبل على عمي وقال ليهو ما للدرجه دي ياابوي عرس شنو إن شاء الله نشوفها ناجحه كدا .... عمي قال ليهو قراية شنو يا ولدي كفاية القرتو وبقت تعرف الصاح من الغلط انت عارف البنات عندنا حدهن تامنة وهي الحمد لله امتحنت واصلاً انا جايبك من هناك للموضوع دا .
ابراهيم استغرب شديد من كلام ابوهو قال ليهو جبتني للموضوع دا ليه في شنو غفران جاها عريس ولشنو ؟! عمي قال ليهو ياولدي دا كلام شنو البتقول فيهو عريس بلا ود عمها انا ماني شايف ،، إبراهيم انفعل لأنو فهم الموضوع طالما هو ابن العم الوحيد .. قال لأبوهو مع احترامي ليك ياابوي لكن نضمك دا م منطقي وانا حاجه زي دي م مفكر فيها وانا جيت لأني جد طولت منكم وقالوا لي إنك عيان .
ابوهو قال ليهو هيا ولدي اكان م عملنا كدا م بتجي لينا انا ماني عيان بس العمر اتقدم زي ما شايف وداير اشوف اولاد ولدي قبل اموت ... إبراهيم قام على حيلو قعد قدام ابوهو وقال ليهو بعد الشر عليك ياابوي لكن انا م جاهز وحالياً م عندي نيه في عرس وزاتو إجازتي بسيطه كلها اسبوع وراجع ،، ابوهو طوالي شال عصاتو ووقف على حيلو وقال ليهو حررم ما بترجع غير تعرس ابراهيم داير ينضم مع ابوهو ابو سكتو وقال ليهو ماني عافي ليك لو ما سمعت كلامي .
إبراهيم للحظه الدنيا ضلمت في وشو بقى بين نارين وعارف ابوهو صعب لو قال كلام مافي زول بقدر يعترض وفي نفس الوقت م عاوز يورط بت عمو معاهو وهو عارف نفسه لو مشى يمكن بالسنين م يجي تاني .. إبراهيم سكت مسافه وهو مخو جايط بالأفكار وبعدها قال لأبوهو مع إحترامي ليك ياابوي لكن انا م ممكن اتزوج هسي .
ابوهو غضب ومشى خشى جوا النفرين الكانوا قاعدين قالوا لإبراهيم نستأذن ياولدي في واحد ختى يدو على كتف إبراهيم وقال ليهو ياولدي ابوك داير مصلحتك وهو عندو حق في كلامو لأنو القدرك هسي عندهم ولدين وتلاته ومرقو فاتو .
في المطبخ :
قلت لإبتسام مالكم لتتهامسو من جيت ؟ ضحكت وقالت لي مافي حاجه يابت بس عشان جيتي آخر زول زي الضيفه .. عمتي قالت لي امي نادي معتذ يجي يدوي الغداء للناس ديل قلت ليها سمح ،، طلعت برا ماشه على بيتنا لقيت إبراهيم قاعد في الحوش براهو وخاتي يدينو على وشو م اشتغلت بيهو طوالي مشيت ناديت معتذ وجينا عاينت ليهو لقيتو مركز معانا .. مشينا المطبخ معتذ شال الغداء مشى بهناك وانا قالوا لي لأنك م اشتغلتي معانا تعملي الجبنه .
إبراهيم :
قاعد في الحوش وبفكر جاء معتذ جاب الغداء سألني من ابوي قلت ليهو خشى جوا مشى عشان يناديهو سمعتو بكورك عمي عمي ... دخلت عليهم لقيت ابوي راقد في السرير وبالعافيه بلقط انفاسو جريت عليهو بخلعه وبقيت بنادي عليهو بشكل هستيري وهو م قادر يرد علي ،، ناس امي سمعوا صوتي جوا جاريين قلت ليهم زحو من الباب سندتو وديتو برا الحوش قلت لمعتذ امشي برا جيب ركشه اي حاجه .. قال لي إلا اجهز الحمار ركشات هنا وين ؟! قلت ليهو دا كلام شنو بالحمار دا نوصل متين ،، والحريم مقضياتنها بكاء .
رفعتو وديتو برا سقناهو بالحمار وديناهو المزكر الصحي بعد سقنا امي معانا وخلينا الباقي في البيت وكل الوقت امي تبكي دخلناهو للدكتور ومنتظرنو برا .. مسكت امي وحاولت اهدئها وسألتها كم سؤال عن صحة ابوي قالت لي م حصل وديناهو الدكتور لكن احيانا كان بشتكي من جسمو ،، الدكتور قاطع حديثنا ونادانا مشينا عليهو قلت ليهو ابوي كويس يادكتور؟ قال لي اديناهو دربات واتحسن الحمد لله لكن خلوهو بعيد عن التوتر انتوا عارفين في عمرو دا الإنفعال بضر صحتو .
طلعناهو من المركز ومشينا البيت كان العشاء قرب يأذن رجعنا البيت هو نام وانا طلعت مشيت قعدت في الصالون والف علامة إستفهام في راسي اعمل شنو انا ؟ انا في وضع م بسمح لي اتزوج تاني المسكينه دي زنبها معاي شنو وفي النفس الوقت م بقدر اقول ليهم متزوج لأنو دي شيطان انا م بقدر اجيب سيرتها قدامهم زاتو عديت الليل كله بفكر نمت قريب الصباح لمن صحيت متأخر ... قمت الساعه عشرة مشيت اطمئن على ابوي م لقيتو مشيت صبحت على ناس امي وسألتهم منو قالت لي ابوك طلع على السوق .
وقفت مستغرب قلت ليهو ابوي عيان سوق شنو يا جماعه ؟ ! امي قالت لي عاد نقول شنو ياولدي ابوك وانت عارفو .. قلت ليهم سبحان الله قمت طالع امي قالت لي اشرب الشاي ياولدي ماشي وين ؟ قلت ليها بعدين ياامي ح امشي السوق واجي ... طلعت لقيت اولاد عمي قاعدين تحت الشجرة قدام بيتهم من شافوني معتذ جاء على صبح علي وقال لي ماشي وين ياإبراهيم قلت ليهو طالع السوق قال لي اقيف انا مجهز الحمار داير امشي الطاحونه خلاص نمشي سوى قلت ليهو سريع خلاص ،، جرى بسرعه ساقو وجاء .
الغدِر:
بعد وصلنا السوق مشيت على ابوي الكان فاتح دكانو حق المحاصيل وقاعد قدامو جيت قلت ليهو صباح الخير ياابوي .... م رد لي جريت لي كرسي وقعدت جنبو في صمت وهو برضو م نضم ،، قلت ليهو تمام تمام ياابوي ح اعرسها عاين لي وكان من جوا فرحان بس م بين الحاجه دي ،، قال لي كويس خلاص رسل لناس الشركه وقول ليهم يدوك شهر إجازه قلت ليهو لا ياابوي مافي طريقه والله بعد بكرا بس نعمل العقد والكرامه لأني بعد خمسه يوم راجع قال لي لكن تجهيزات العرس دايرة وقت ياولدي وم تنسى البت زاتا م بجهزوها ؟ قلت ليهو لا ياابوي انا كدا دايرها من دون اي شيء لو دايرين في اليومين دي يختو ليها حنه لكن انا دا م بغير اي شيء حنه دي ولااا تطروها لي