رواية من الذي احبه الفصل السابع7 بقلم لولو وائل
= ورجعنا البيت ومكنتيش طيقانى واول حاجه قولتيها طلقنى
ذهبت إليه رحمه وهى تبكى=انت ليه مقولتليش الكلام ده من الاول ليه فضلت ساكت لحد ما العلاقه ادمرت ليه
ردت سلمى=انتى ليه لازم تنطى فى النص متستنى لما يخلص الحكايه كلها وبعدها ابقى اسأليه براحتك
صمتت رحمه وأكمل أسر=ولما طلبتى الطلاق وافقت علشان احميكى منه و اضطريت ان انا اعمل اللي هو طلبه مني وقولتلك انك تتنزلي عن كل حاجه في مقابل اني مش هقول لابوكي انك كنتى حامل مني في الحرام لما طلبت منك كده كنت مدمر مكنتش عايز اطلب طلب زى ده بس كنت عايز الطلاق علشان هو مكنش هيسيبك فى حالك نهائى وانتى وافقتى على طلبى بعد ما طلعتى إلى جواكى فيا ومشيتى ورجعتى لبيت اهلك وبعدها بفتره حسيت أن الدنيا بدأت تتحسن وابويا هينسى ويسيبك تعيشى حياتك وانا لما عرفت انك ارتبطى فرحت انك بدأتى تشوفى حياتك على الأقل تعيشى مع حد يبسطك مش يزعلك ولا يقهرك بس مكنتش اعرف انك كنتى لسه فى دماغه وانه مكتفاش بكل إلى عمله وقرر أنه يدمرك بس أنا معرفش والله هو عمل ليه كده لغى كل حاجه بتثبت جوازنا وبعت حد من رجالته يتظاهر أنه انا وراح فضح كل حاجه قدام ابوكى لدرجة ابوكى لما دور علشان يتأكد ابويا خبه كل حاجه بذكاء علشان كدا لما قالولك أنه واحد جه واسمه أسر انتى صدقتى فى ثانيه أنه انا حتى مفكرتيش تيجى تسألينى انا فعلا إلى روحت ولا لا انتى شيلتينى الذنب زى غيره دى كل حاجه حصلت
=ليه مقولتليش كل ده من الاول
حاول أسر الوقوف وساعده مراد فى ذلك واقترب من رحمه بغضب= علشان انتى مش بتسمعى حد انتى ولا مره شوفتينى زعلان من اول ما اتحوزنا وسألتينى حتى مالك كل حاجه عايزه ده ومش عايزه ولو بس قولت لا علشان ظروفى الماديه كانت صعبه بتتقمصى وتعملى مشاكل وانا علشان مزعلكيش بسيب البيت حتى بعد ما اجهضتى حلفتلك كام مره أنى مش أنا السبب وانتى مصدقتنيش ومرضتيش تسمعى حتى لما باباكى قالك أن أسر جه وعمل وعمل ليه مجتيش ووجهتينى وسألتى ليه صدقتى على طول إلى اتقال ليه مش بتسمعى حد حتى دلوقتى لولا روح مكنتيش هتسمعينى وهتفضلى تتهمينى وبس
= قصدك انى وحشه وانانيه صح كدا وانت الضحيه
= انا مقولتش على نفسى ضحيه بس زى مانا كنت بحاول احافظ على العلاقه وبموت نفسى كل يوم علشان مزعلكيش انتى فى المقابل عملتى اى جايه دلوقتى تقولى انك عشتى اسوء فتره معايا وانى بضربك وكمان قتلت ابنى بعد كل إلى عملته ده طلعتينى شخص وحش وزباله لكن انتى معملتش اى حاجه غلط خالص
ردت رحمه بصريخ= انا ذنبى اى أنى اخد انسان معقد زيك
صدم أسر من رحمه وأنه كان يظن أنها سوف تندم على ما قالته ولكن قالت إنه معقد لهذا كان لا يريد أن يخبر أحد بشئ كان سوف يذهب ولكن أوقفته سلمى
= استنى هتروح فين هتسيبها تقول عليك كده وتسكت
= مبقاش ليه لزمه الكلام معاها خلاص
= استنى انت هنا بس وسيبلى انا الطلعه دى بصى يا انسه رحمه معرفش انتى رحمه ازاى اصلا بس ده مش موضوعنا ربنا خلقك ودنك دى ليه اكيد مش علشان تلعبى فيها علشان تسمعى بيها صح كده معلش يعنى طول فترة الجواز مفكرتيش مره ولو بلغلط تبقى انسانه لمره واحده وتقوليلو مالك أو مثلا اى اخبارك واخبار دراستك واخبار شغلك اى اى حاجه انتى فكره انك متجوزه بنك يصرف عليكى وبس ما هو انسان وبيحس وبيتعب برضو لكن البعيده جبله مش بتحس وانانيه كل ده وجايه بكل بجاحه وتقوليلو أنه معقد هو معقد علشان كان بيحافظ عليكى ويحميكى معقد علشان كان خايف عليكى من ابوه ليعملك حاجه معقد علشان كان بيحب واحده معندناش احساس زيك معقد لأن حاول يعمل كل حاجه علشان ينقذ العلاقه وينقذ ابنه بس نصيب الطفل أنه يموت كل ده ومعقد صح كده تعرفى انتى الى زيك يا رحمه هو إلى معقد ومريض وعايز يتعالج مش هو
= ودى بقى البنت الى انت بتحبها ولا فى غيرها
= امشى يا رحمه ومش عايز اشوف وشك تانى
= مش همشى الا لما اخد حقى
ردت سلمى بعصبيه= حق اى يمو حق بعد كل إلى عرفيته ده وبرضو مصره على البجاحه
= احترمى نفسك
ردت روح حتى تنهى الاشتباك بين سلمى ورحمه= بصى يا انسه انتى كنتى جايه علشان سبب وعرفتى الحقيقه كامله هو طبعا غلط لما ضربك مش هبرر ده وكمان زعلك على ابنك انا مقدراه اكيد بس إلى هو مر بيه مكنش قليل بصراحه وكان بيحاول يعمل إلى عليه وزياده يعنى هو اتظلم ويمكن اكتر منك بكتير انتى إلى كنتى المفروض على الأقل تقللى من شعوره بالذنب بسبب موت ابنه تصلحى اى حاجه بكلمه حلوه منك لكن انتى بعد كل ده بدمريه زياده صح ولا انا غلطانه يا انسه يلى جمبها
شعرت هويدا بالحزن على أسر وبضيق من صديقتها=يلا نمشى يا رحمه وكفايا كده
=وحقى
=حق اى يا رحمه الحقيقه وهو قالها وهو مطلعش غلطان بل حاول يعمل إلى عليه وزياده وانتى زودتيها اوى يلا نمشى بقى
=حتى انتى يا هويدا
=انا لما وقفت جمبك وجيت معاكى بناء عن إلى سمعته منك و بس لكن فعلا الواحد مينفعش يحكم على اى موضوع من غير ما يسمع الطرفين
=انا مش مصدقه انك وقفتى ضدى وبقيتى معاه
=انا موقفتش ضدك بس لازم افهمك غلطك ممكن نمشى بقى وكفايا لحد كده
= طيب همشى بس مش مسمحاك يا اسر
نظر لها سلمى بنفور=يستى غورى بقى دانتى لزقه
ذهبت رحمه وصديقتها واراد أسر أن يذهب الى الفندق الذى سوق يقيمون فيه إلى الغد وذهبوا جميعا إلى هناك وتم حجز الغرف وكل شئ وكانت سلمى ودعاء وروح بغرفه وادهم ومراد واسر بغرفه
دخلت سلمى إلى الغرفه والقت بنفسها على السرير بسبب كثرة التعب = مش قادره جسمى وجعنى أوى
=وقفنا كتير اوى بس أسر صعبان عليا اوى
=تعرفى يا روح انا اخر ما كنت هزهق من البنت دى كنت هضربها بجد مستفزه
نظرت لهم دعاء ببرود= انتو الاتنين كنتو بدافعو عنه على اساس اى بقى بتحبوه انتو الاتنين
ردت عليها سلمى بسخريه = بعيد عن الكلام الى ملوش لزمه ده على الأقل حاولنا نساعد إلى بتحبه بقى كانت واقفه ساكته ليه ده كان انسب وقت علشان تقربى منه بس انتى مش بتحبيه يا دعاء انتى بتحبى نفسك وبس
=هو انتى دخلتى جوايا وعرفتى
= مش محتاجه ادخل ياقلبى علشان لو دخلت مش هلاقى غير سواد
نظرت لها دعاء بغضب وذهبت
=ليه كده يا سلمى
= ليه كده اى انتى زعلتى عليها
= لا بس ملحقتش اقول حاجه تضيقها
ضحكت سلمى على روح = فكك منها وكمليلى بقيت قصتك انتى وادهم
= تعالى فى البلكونه بقى الجو بره حلو
= ماشى يلا
وذهبوا وجلسو على الكراسى التى كانت بداخل
= كملى بقى حصل اى بعد الجامعه وصلك ولا لا
= بعد ما خلصت الجامعه خرجت لقيته واقف بره فعلا
فلاش بالك
= اى ده انت ممشتش
= مش قولتلك هستناكى انتى فاكره انى بعزم عليكى كده وخلاص عزومة مركبيه
=لا مش قصدى بس قولت هتنسى عادى يعنى
= انا انسى اى حاجه الا انتى
= لو اتكلمت كده تانى همشى
ضحك ادهم على روح= مش هقول حاجه تانى سكت اهو يلا بقى ولا هنبات فى الجامعه
= لا يلا
وفتح لها ادهم بابا السياره وركبت روح وهى تبتسم على ما يفعله ادهم وذهب هو الآخر وركب السياره وانطلق بها
تحدث ادهم اولا حتى يكسر الصمت بينهم = عامله اى فى دراستك
= كلو تمام وانت اى الاخبار
= كل تمام برضو خلاص هانت و اتخرج كلها سنه
= وانا هبقى لوحدى السنه الجايه طب مين هيوصلنى التوصيله الحلوه دى
= متقلقيش هجيلك كل يوم اوصلك
= لا انا بهزر اكيد انت هتبقى مشغول فى التقديم والشغل
= ولا اى حاجه تشغلنى عنك
= إلى يسمع إلى انت بتقولو يقول عليك واقع
= طب ما دى حقيقه
نظرت له روح = نعم
= انتى عايزنى الف وادور ليه وانتى فاهمه كل حاجه
صمتت روح ووصلو ونزلت روح من السياره وذهبت ولكن توقفت عند سماع ما قاله ادهم =روح انا بحبك
نظرت له روح بصدمه = انت بتتكلم جد
اقترب منها ادهم ووقف أمامها=ايوه بتكلم جد دى الحاجه الوحيده إلى مفهاش هزار انا بحبك ياروح بحبك من اول يوم شوفتك فيه حسيتك مختلفه عن كل إلى قابلتهم فى حياتى وقوفك جمبى و كلامك الحلو واحترامك كل ده مخلينى ابقى مش عايز غيرك فى حياتى ومستنى اسمعها منك
كانت روح متوتره ومتردده شعرت بأكثر من شئ بداخلها خوف وفرح تريد أن تبكى ولا تريد تشعر بكل شئ وعكسه
حاول ادهم أن يخفف من حدة توترها=خلاص أهدى وفكرى وابقى ردى عليا براحتك انا ماشى
وذهب ادهم وتوقف عندما سمع ما قالته وابتسم
=انا كمان
التف اليها ادهم بسعاده =انتى كمان اى
قالتها سريعا=بحبك
وذهب مسرعه إلى منزلها ووقف ادهم بضحك على ما فعلته ولكن لا يهم وما يهمه أنه سمعها قبل ذهابه
بالك
=اى تانى وقفتى ليه اتكسفتى ولا اى ما الدنيا كانت حلوه
=لا مش الفكره بس كل ما افتكر أنى جريت زى الهبله ببقى عايزه اضرب نفسى
= ما هو كان موقف محرج برضو طب كملى طيب وحصل اى بعد كده
=قربنا من بعض الستنين دول لحد ما هو اتخرج وانا بعدها بسنه اتخرجت واتفقنا على الخطوبه والباقى انتى عارفاه
=مم طب هى مامته كانت موافقه عليكى من الاول
=مكنش فى مشاكل فى اى حاجه خالص وهى كانت بتحبنى جدا انا معرفش ليه عملو كده
=وحصل اى بعد كده
صدمت روح عندما وجدت أسر ومراد خلفها
=مراد انت جيت امتى
سلمى بضحك= من اول القصه وانا شيفاهم فى البلكونه انا مكنتش اعرف ان البلكونات هنا قريبه من بعض اوى كده لا وكمان من حسن حظك أنهم فى الأوضه إلى جمبنا
= ومقولتيش ليه أنهم واقفين
رد أسر =انا قولتلها تسكت كان عندى فضول اعرف بقيت القصه
=حتى انت انا قولت انك لسه مضايق
=لا حاسس انى كويس من بعد ما حكيت كل حاجه انا كده مرتاح
ردت سلمى بمزاح=يعنى مش هتكره البنات تانى وهنفرح بيك قريب وكده
=هعتبر نفسى مسمعتش حاجه وهعديها علشان حركة الجدعنه إلى عملتيها معايا ومتخلنيش اغير نظرتى فيكى
= لا وعلى اى الطيب احسن
= يعنى انت كويس دلوقتى
= مخلاص يا روح مقالك أنه بقى كويس انتى ليه محسسانى انك أمه
رد أسر بمكر= فى اى يا صحبى بتتكلم كدا ليه الله مش بتطمن على خطيبها المستقبلى
= مم ولو حدفتك من هنا
= بهزر يعم خلاص
= مالك يا بشمهندس زعلان ليه
= لا مش مضيق بس بلاش انا اقول إلى فيها
= خلاص يا حج بلاش اهزر يعنى
نظرت روح لكل منهم بشك =انتو مخبيين اى عليا كل واحد ماسك على التانى حاجه اى الدنيا
رد مراد = لا ولا حاجه بنهزر بس
= مم هحاول اصدق
= الا فين ادهم قتلتو ولا اى
نظر اسر لمراد ليخبرهم ولاحظت سلمى ذلك
= نهاررر اغرق انتو قتلوه بجد
نظرت روح لهم =اى يا جدعان ساكتين ليه
دخل ادهم فى هذا الوقت ورد عليهم = ادهم مين إلى كلكو بتقولو عليه ده أنا أسمى دياب انتو مين انا بعمل اى هنا
نظر له أسر = فكيت نفسك ازاى
= تعالى نربطو تانى
وذهب ادهم ولكن امسكه مراد واسر قيده مره اخرى فى الكرسى فى الداخل وخرجو مره اخرى
نظرت روح لسلمى بصدمه = ازاى ده حصل
ردت سلمى = اى الصدمه إلى اتعرضها علشان يحصله كده
= هتقول انت يا مراد ولا اقول انا
= قول انت
= ماشى بصو هو دخل ياخد دش طول جوا اوى خبطنا عليه كتير لحد ما خرج بقى يزعق ويقولنا انتو مين وانا بعمل اى زى ما حصل دلوقتى ربطناه وفك نفسه وايدنا ربطناه تانى لحد ما نشوف هيعمل اى الصبح
ردت روح = هو وقع فى الحمام طيب
=مسمعناش صوت هبد او اى حاجه فى الحمام
ردت سلمى =يكونش اتلبس فى الحمام
روح بخوف= تصدقى ممكن انا عايزه أمشى انا بخاف اوى
رد مراد =يعنى انتى خايفه وانتى فى اوضه تانيه واحنا نعمل اى هنا وبعدين ملبوس اى انتى كمان اقعدى ساكته بكره الصبح هنصبح عليه بعلقه حلوه لحد ما يفوق
دخل ادهم مره اخرى إليهم =يجدعان حد يقول انا بعمل اى هنا انتو مين وانا فين
نظر مراد لأسر=يعم انت هو كل شويه يفك نفسه انت مش بتعرف تربط ولا اى
=روح اربطه انت
دخل مراد وامسك ادهم وقيده مره اخرى
=ورينى بقى هتخرج ازاى
ودخل مراد إليهم مره اخرى
= ربطه تانى لما نشوف اخرتها
ردت روح = طب اى هنفضل طول الليل كده
= مش عارف
ودخل ادهم إليهم مره اخرى
= فى اى يا جدعان بتعملو معايا كده ليه متردو على قد السؤال
نظر اسر لمراد= اتفضل يا عم اهو فك نفسه تانى ده مش مريض ده زى ما البنات بيقولو ملبوس
= مين ده إلى ملبوس يعم انت وهو انا ماشى من هنا
وضربه أسر على راسه حتى فقد الوعى
= كده مش هيقوم غير على بكره
= رأيك نربطه تانى
= ادخل نام يا مراد خلينا نلحق ننام ساعتين عندنا سفر وانتو روحو نامو يلا
وذهب كلا منهم إلى سرير وذهبوا فى نوم عميق
استيقظ مراد وعندما فتح عيناه وجد وادهم ينظر إليه عن قرب
= عااااااااااااااااا