رواية من الذي احبه الفصل الثامن8 بقلم لولو وائل
استيقظ مراد وعندما فتح عيناه وجد وجه ادهم أمامه
= عاااااااااااااا
فزع أسر من صوت مراد واستيقظ=فى اى حصل اى حد مات الشقه ولعت فى اى
=صحيت يعم لقيت البيه فى وشى يرضى ربنا ده
=اى يا عم ادهم حرام عليك فزعته وفزعتنى فى اى يعم
=صحيت لقيت نفسى على الأرض فى البلكونه ليه انا عملتلكو حاجه امبارح علشان انام فى البلكونه انا مش فاكر حاجه
رد مراد متسألا=انت مين دلوقتى فيهم ادهم ولا دياب
=انا ادهم
=حمدلله على السلامه ضربتك طلعت فيها الشفا يا اسر والله
= فى اى يا جدعان متفهمونى اى إلى حصل
رد عليه أسر= انت امبارح خدت دش دخلت ادهم خرجت دياب وكنت مصمم انك تمشى علشان كده حاولنا نسيطر على الوضع
قال ادهم بضيق=تسيطرو على الوضع تضربونى صح كدا
اكمل أسر= والله حضرتك امبارح ربطناك اكتر من مره والبيه كل شويه يفك نفسه مراد ربطك جامد على الاخر وبرضو اتفكيت معرفش دياب ده خارق بقى ولا فى اى
=انا هروح اخد دش احسن بدل ما نتخانق مع بعض على الصبح
رد مراد واسر سريعا=لااااااا
=فى اى يا جدعان همشى منتن يعنى
=امشى منتن احسن احنا مش قادرين على الفرهده بتاعت امبارح والله
= مراد عنده حق استحمى فى بيتكو لما تروح يعم لكن طول ماانت معانا لا
رد ادهم بضيق=طيب هنمشى امتى
= كنا بنفكر انا واسر امبارح أن البنات كانو عايزين يخرجو فى شوارع القاهره امبارح قولنا نخرجهم شويه وبعدها نتغدا فى اى حتى وبعدها نتحرك
=وانا بقى هلف معاكو كل ده من غير ما اخد دش حتى
=عايز تاخد دش ماشى بس بشرط حد فينا هيدخل معاك
=نعم
=مراد عنده حق إلى احنا شوفناه امبارح مكنش قليل ها ردك اى
= ردى أنى هقعد منتن لحد ما اروح بيتى وبعدها ابقى استحمى
= جدع
= يلا بقى نجهز نفسنا ونلم حاجتنا علشان نتحرك
فى غرفة البنات كانت روح نائمه على سرير وسلمى فى الآخر ودعاء على الأرض
استيقظت دعاء وجدت نفسها على الأرض ووقفت على الفور ونادت عليهم بصوت عالى بغضب
= اصحووو انتو الاتنين اصحووووو
فزعت روح وسلمى أيضا ونظرت عليها روح بضيق شديد بسبب صراخها=فى اى حرام عليكى حد يصحى حد كدا
=فى اى يا دعاء على الصبح بتزعقى ليه
= مين فيكو إلى زقتنى على الأرض
ردت روح بضيق=طيب بالعقل كده انتى بليل نمتى فين على أنهى سرير
= مكان سلمى
= يبقى اكيد مش أنا يعنى
= كنت عارفه انها مش هتطلع غير منك
= وانا مالى انا امبارح لما جيت نمت انتى كنتى على الأرض مش بتاعتى بقى
=كدابه
= هو اى إلى كدابه انا هرميكى على الأرض ليكى غاويه وجع دماغ انا
=وانا هرمى نفسى على الأرض ليه
= معرفش بقى وبعدين اصلا انتى كنت عماله تضريى فى السرير امبارح وصحيت كتير بسببك كان ممكن اصحيكى ساعتها بس سبتك نايمه علشان انا احسن منك
= شكلكو انتو الاتنين بتحورو عليا بس ماشى هعديها بمزاجى انا هدخل اخد دش
= نعيماً يا قلبى
نظرت لها دعاء بنفور وذهبت إلى الحمام
= إلهى تغرقى فى البانيو يا بعيده
ردت روح بضحك= دى لو عرفت أنك انتى امبارح إلى ضربتبها برجلك وزقتيها على الأرض لكانت مسكت فيكى
= وانتى بتبعينى اخص
= انتى بتعرفى تردى عليها احسن منى انا خايفه اتعصب اقول إلى حصل علشان كده خليتك منك ليها
= اقنعتينى تعالى نلم حاجتنا بقى عقبال ما الخاله تخلص وبعدها كل واحده تدخل بعدها بقى
= ماشى يلا
فى فيلا مراد استيقظت مرام واغتسلت ونزلت الى الاسفل
= صباح الخير يا خالتو
= صباح النور يا قلب خالتو نمتى كويس
= اه الحمدلله الا فين مراد لسه مرجعش
= لا انهارده هيرجع بإذن الله
واتت مى فى هذه اللحظه= صباح الخير يا اهل الدار
= صباح النور
= صباح النور
= طب انا هروح بقى ورايا حاجات هعلمها اقعدى انتى ومى مع بعض بقى
نظرت مى إلى والدتها بضيق لأنها تركتها بمفردها على مرام وقالت فى نفسها=متمشيش ياامى هتقعد تسألنى عن مراد لحد ما مراد يرجع ياريت كان في انهارده دراسه كنت هبات فى الجامعه ساعتها
= اخبارك اى يا مى وأخبار جامعتك
= كلو تمام وزى الفل
= طب الحمدلله كنت عايز اسألك سؤال
قالت مى بصوت منخفض لا يسمعه سواها= بدأنا اهو
= نعم
= قولى يا قلبى عايزه تسألى فى اى
= طبعا انتى عارفه انى بقالى اكتر من ٧سنين مسافر علشان ادرس بره طب
= اه طبعا طبعا بس سؤال معلش اى الفرق بين الطب هنا والطب بره
= علشان لما اجى اشتغل اتقبل هنا بسرعه ويتقال بقى دى دارسه بره ومعاها لغات وكدا
= اى التفكر العبيط ده
= نعم
= اقصد بالتوفيق يا حبيبتى
= شكرا يا قمر قوليلى طول مانا كنت بره مراد ارتبط كام مره
= عشر مرات
= نعم
= بهزر معاكى الله مراد ولا ارتبط ولا اى نيله من الشغل للبيت ومن البيت للشغل عامل زى البنت الى من عيله محافظه كدا
=مم طب هو فى الشغل معاه بنات
= اكيد مش هقولو متشتغلش مع بنات ده شغل يا حبيبتى مالك
= مش ممكن الشغل يولد حب
=شغل اى إلى بيولد حب يعنى عايزه تقنعينى أن اى حد بيشتغل مع واحده بيحبها
= انا شوفت كتير كده
= بصى يا حبيبتى علشان انا صحتى على قدى مراد لو حب حد مش هيقولى ولا هيقولك ولا هيقول لامه الا لما يتأكد من حبه ليها فعلا وأنه مش اعجاب حلو
= قصدك أنه مش بيحبنى
= مرام انتى فاكره لما امى وامك يتفقو يجوزكو هو هيوافق ويحبك بالعافيه يعنى انسى
= يعنى اى
=مراد مش هيبقى ليكى بالغصب يا يحبك يا لا لكن مش هيمشى ورا كلام امى ولا خالتى
= طب ما تساعدينى اخليه يحبنى
= بصى هى مش بالمساعدة ولا بأى حاجه لو هو من نصيبك هيكون
= منا مش هفضل قاعده لحد ما يحب بنت تانيه ويسبنى
= خلاص روحى بقى وقوليلو
= لا انا هشتغل معاه فى نفس المستشفى واقرب منه لحد ما يحبنى
= اى ده يا سبحان الله حد بيتصل انا هروح ارد بقى سلام
وذهبت مى مسرعه إلى الأعلى
= الحمدلله هربت منها يا حبيبى يا مراد هتشوفها فى البيت وفى الشغل ربنا معاك يابنى
فى الغرفه كانت تجهز مراد واسر وادهم وذهبوا من الغرفه إلى غرفة الفتيات
سمعت سلمى طرقات على الباب وذهبت لكى تفتح
اسر بإبتسامه= اى ده انتو صاحيين وجاهزين
كانت علامات الضيق تظهر على وجه سلمى
تعجب أسر من ضيق سلمى والباقى بالداخل = فى اى مالكو
= روح مامتها تعبانه اوى ونقالوها على المستشفى لازم نمشى بسرعه
شعر مراد بالقلق على روح=طب وروح عامله اى دلوقتى
=يعنى هديتها شوايه وجهزنا كل حاجه اهو يلا
خرجت روح بالحقائب وعلى وجهها معالم الحزن وعيناهم منتفخه من كثرة البكاء لم تنظر لأحد وذهبت مسرعه والجميع خلفها الى الاسفل
= روح يا مراد انت وادهم حطو الشنط فى العربيه وانا هخلص الإجراءات هنا واجى بسرعه
=ماشى
وذهبوا مسرعين إلى الخارج ووضعو كل الحقائب فى السيارات وكانو بإنتظار أسر إلى أن أتى وركبو السيارات ركبت روح مع سلمى ومراد واسر أخذ ادهم ودعاء
نظرت سلمى بحزن إلى روح = انتى كويسه
=هبقى كويسه لما اشوفها واطمن
= هتبقى كويسه بإذن الله متخافيش
=أهدى يا روح ان شاء الله مامتك هتبقى بخير
= انا خايفه عليها اوى يا مراد
عندما سمع اسمه دون القاب شعر بشئ ما بداخله = كل حاجه هتبقى كويسه أهدى انتى بس
وبعد ساعات وصلو الى المستشفى التى بها والدت روح خرجت روح مسرعه من السياره واتجهت إلى الداخل ووجدت اختها تبكى وذهبت إليها وأخذتها بين احضانها
= ماما بتروح مننا ياروح
= أهدى يا اميرة ماما كويسه وان شاء الله هتبقى زى الفل
= لا ماما مش كويسه انا حاسه بيها
كانت روح تشعر بنفس الشئ ولكن حاولت تجاهل الأمر
= هى حصلها اى
= مش عارفه من فتره ماما كانت بتصدع كتير اوى وساعات كانت بترجع ولما اقولها نروح لدكتور تقولى لا انا كويسه شويه برد بس وكانت دايما دايخه ومش بتاكل كويس خالص وكمان ساعات تقولى انا مش شايفه كويس ولما تيجى انتى كانت بتقعد تمثل انها كويسه قدامك وحلفتنى اكتر من مره أنى مقولش حاجه ليكى
عندما سمع مراد ما قالته اميره دعا ربه أن ما يفكر فيه يكون خطأ ونظرت روح إليه بدموع= اكيد مش هو صح
= مش شرط هو ممكن الأعراض مشابه بس
وخرج الطبيب فى هذا الوقت وذهبت إليه روح مسرعه
= ماما اخبارها اى
=انتو ازاى سايبين مامتك كدا كل ده
رد روح بقلق شديد= مالها يا دكتور
= مامتك عندها سرطان فى المخ وحالتها متأخره اوى ازاى سايبنها كل ده
صدمت روح من كلام الطبيب وشعرت بعدم التوازن ولكن سلمى منعتها من السقوط وساندتها= طب يادكتور فى امل فى حالتها
= لو كانت جت بدرى عن كده كنت ممكن احاول لكن دلوقتى انا اسف مش هقدر اعمل حاجه
نظرت له روح بصريخ= يعنى اى أمى هتروح منى بالله عليك اعمل حاجه
= روح انتى دكتوره وفاهمه أن فى الحالات دى العلاج بيبقى معاها صعب خصوصا انها مرحله متأخره انا اسف بس إلى قدمها مش كتير لو عايزين تشوفوها
سقطت روح أرضا وهى فى حالة صدمة شديدة كيف لأمها أن تخفى شئ كهذا عنهم وكيف هى لم تلاحظ شئ كهذا
حاولت سلمى أن تجعلها تقف ولكن كانت روح غير واعيه
حاول مراد التحدث معاها واسر ولكن كانت لا تستجيب وذهبت اختها إليها وصرخت فى وجهها= روووووح تعالى نشوف ماما بالله عليكى فوقى
ذهبت روح مسرعه إلى والدتها وخلفها اختها الصغيره ودخلت إلى الغرفه كانت والدتها نائمه على السرير واشتد عليها المرض كثيرا
=ليه خبيتى عليا ليه عملتى فيا كدا ليه
نظرت لها والدتها بحزن= علشان عارفه أن حالتنا الماديه متسمحش بده والعلاج هيتكلف كتير واحنا مش معانا يابنتى كفايا عليكى مصاريف اختك والبيت
= كنتى قولتيلى كنت هتصرف لكن متسبنيش يا امى
= كل واحد وليه معاده يابنتى وانا معادى خلاص جه
= بالله عليكى متسبنيش استنى أنا هحاول اشوف حل وان شاء الله هلاقى
خرجت روح من الغرفه مسرعه لرؤية اى طبيب
ورأها مراد ونظر له أسر أن يذهب ورأها وهو سيبقى هنا وذهب مراد ورأها إلى الطبيب
= ممكن اتكلم مع حضرتك
= ياروح انا قولتلك مفيش حاجه اقدر اعملها
= طب لو سفرتها بره هتتعالج
=حتى لو سفرتيها بره والدتك خلاص مفيش علاج هيجيب معاها ماانا قولتلك لو جت بدرى شويه كنت ممكن نلحق نعمل حاجه
= بالله عليك حاول تساعدنى بأى حاجه
=انا اسف يا بنتى
= قولو يا مراد حاول تقنعه بالله عليك
= طب ممكن تهدى روحى انتى عندك والدتك وانا هتكلم معاه واكيد هيبقى فى حل إن شاء الله
= بجد يعنى ماما هتتعالج
= بإذن الله روحى انتى بس اقعدى معاها
= ماشى
وذهبت إلى والدتها ولكن وقفت عندما سمعت صوت اختها تصرخ بصوت عالى
= اميره بتصرخ ليه
نظر لها الجميع بحزن شديد واقتربت منها سلمى واحتضنتها والدموع بعينها= معلش يا روح هى فى مكان احسن من هنا بكتير
= هى مين دى فى اى يا سلمى أميرة بتصرخ ليه اوعى يا سلمى
= أهدى يا روح
ردت عليها بغضب= بقولك اوعى يا سلمى
وذهبت إلى الداخل ووجدت الممرضه تغطى وجه والدتها
واتت اختها إليها وهى تبكى بشده = ماما ماتت يا روح
كانت تقف صامته لا تستطيع التحرك شعرت بضربه قويه على رأسها وفجأه بدأت بصراخ= ماماااااااااااااا