رواية من الذي احبه الفصل التاسع9 بقلم لولو وائل
كانت تقف صامته لا تستطيع التحرك شعرت بضربه قويه على رأسها وفجأه بدأت بصراخ= ماماااااااااااااا
ذهبت سلمى إليها لتحاول تهدئتها =أهدى يا روح بالله عليكى كفايا وادعيلها
كانت تبكى بشده حتى بدأت فى الهدوء تدريجيا حتى تستطيع أن تقف مع اختها الصغيره التى كانت تبكى وتصرخ على والدتها ذهبت اليها روح واحتضنتها وحاولت تهدئتها= أهدى يا اميرة العياط مش هيعمل حاجه دلوقتى احنا لازم ندعلها
=هنعيش من غيرها ازاى
=هنحاول يا اميرة هنحاول وهى هتفضل دايما عايشه جوانا
هدأت اميرة وانهى مراد واسر كل الإجراءات المطلوبه لدفن والدت روح وكان ادهم يساعدهم حتى تم دفن والدتها كانت روح تقف أمام قبر والدتها بحزن ولكن كانت تحاول الصمود لاجل اختها ورحل الجميع وتبقى زملاء روح وصديقتها سلمى
ذهبت اليها سلمى ووقفت بجانبها =بقولك يا روح تيجى تقعدى معايا انا عايشه لوحدى محدش قاعد معايا تعالى انتى واختك وعيشو معايا متبقوش لوحدكو
=لا مش عايزه اتقل عليكى يا سلمى
= ياستى تتقلى اى بس ده هيبقى على قلبى زى العسل تعالى بس انتى واختك واقعدو معايا بدل منا قاعده لوحدى
= اومال أهلك راحو فين
=بابا وماما سافرو بره لجدتى هيعيشو معاها على طول واخويا كدا كدا عايش بره
=طب وقرايبكو
= لا ما خلاص كل واحد راح لحاله ابويا وامى سافرو هيجو لمين
=مم ماشى يا سلمى هقول للأميرة الأول
= ماشى يا حبيبتى على راحتك انا هستناكى عند العربيه هناك
= ماشى
وذهبت سلمى إلى جانب السياره إلى أن أتى أسر بجانبها = قولتلها
= اه بس هتشوف اختها الأول
= طب كويس يارب اختها توافق بس
= انت ليه مطلبتش من دعاء الطلب ده
=علشان عارف دعاء مش بتحبها انتى شيفاها حتى معانا انا مش عارف اى سر الكره ده كله لروح لكن انتى وروح مقربين من بعض وانتى قلبك ابيض وجدعه يا سلمى بصراحه
= اى ده انت بتمدحنى انت سخن ولا موت والدت روح اثر عليك
نظر إليها أسر= ويمكن حد تانى اثر عليا
ابتسم أسر وذهب وتركها فى حالة صدمة وغير مصدقة ما قاله= معقول انا تأثيرى قوى لدرجادى
ذهبت روح إلى اختها التى كانت تجلس بجانب قبر والدتها وشارده
= سرحانه فى اى
= فى حالنا بابا وماما ماتو بنفس المرض هو ده وراثه
= على اساس انهم قرايب هما بس وقتهم جه
=طب واحنا هنعمل اى
= بصى يا ستى هقولك على حاجه
قاطعتها اميره= قبل ما تتكلمى فى موضوع مهم لازم تعرفيه
= فى اى يا اميرة خوفتينى
= صاحب البيت رن على تليفون ماما وانا رديت عليه لما كنتى بتخلص الورق معاهم وقالى أنه فى حد تانى جاى للشقه وهيدفع ايجار اكتر
= طب واحنا العقد بتاعنا لسه مخلصش
= ماهو فى حاجه تانيه
= فى اى تانى
= امك الله يرحمها مكنتش عامله عقد اصلا
= نعم اومال انا كل شهر بدفع الايجار على اساس اى
= كانت عملاه بالمحبه بس علشان سمعت بابا
= وهى فى حاجه بتمشى بالمحبه اليومين دول طب طالما بالمحبه عايز يمشينا ليه
= لا ما هو رجل مادى اوى ولما انتى نزلتى القاهره هو جالنا وقالنا انه عايز يرفع الايجار للضعف ولو موفقناش هيرمينا فى الشارع وامك قالتله ادينا مهله اسبوع وهندبر وهو وافق
= وبعدين
= ما خلاص بقى هو عرف اكيد أن ماما ماتت علشان كدا قال يرمينا فى الشارع
= وانتى مقولتليش ليه
= ما هو يعنى
= امك حلفتك طبعا متقوليش
= بصراحه اه
= الله يرحمك يا امى
= هنعمل اى دلوقتى
= سلمى صحبتى اقترحت عليا نعيش معاها
= طب وانتى قولتى اى
= كنت جايه اشوف رأيك
= انا موافقه مفيش حل غيرها دلوقتى
= بس علشان يبقى فى علمك مش هنعيش عندها على طول أنا هحاول اشترى شقه وتبقى ملكنا بدل بهدلة الايجار
= انتى ليه يابنتى غاويه بهدله
نظرت روح خلفها وعلمت أن سلمى سمعتها= اكيد مش هعيش عمرى كلو عندك يا سلمى اهلك اكيد هيرجعو وانا مش عايزه اتقل عليكى
= ياستى أهلى بقولك خدو كل حاجه ومشيو ولما قالولى اسافر انا إلى رفضت علشان شغلى وبعدين قولتلك مش هتقلى عليا بالعكس هنسلى بعض والله
= طيب يا سلمى يلا يا اميرة
وذهبوا معا وركبو سيارة اسر لكى يوصلهم وركب معه مراد وقام ادهم بواجب العزاء مع روح وقرر الذهاب
وانطلق أسر بالسيارة
= عامله اى يا روح دلوقتى
= يعنى بحاول اتأقلم شكرا على كل حاجه يا دكتور مراد
= لا دكتور مراد اى بقى دانتى من الصبح مراد مراد دلوقتى افتكرتى اللقب
= انا اسفه لو كنت ضايقتك أنى قولت اسمك كده
= ولا اضيقت ولا حاجه بره الشغل انا مراد وجوا الشغل دكتور مراد حلو كدا
= طب بالنسبه لياا انا كمان اقول مراد برضو ولا دكتور
= عيب عليكى يا سلمى دكتور مراد طبعا
= وانا إلى قولت فى مساواه
= ياستى بهزر قولى مراد برضو
=وانت يا دكتور أسر
= خير يا سلمى عايزه تشيلى اللقب
= لا طبعا ده حضرتك ترفدنى
= ارفدك علشان هتقوليلى يا اسر مش للدرجه يعنى
نظر له مراد بصدمه= انت اتغيريت كتير اوى يأسر والله غريبه انت لو بنت قالتلك يا اسر تانى يوم بتكون بره المستشفى
= انتو استثناء اينعم الفتره إلى قضينها كانت قليله بس مرينا مع بعض بحاجات كانت صعبه برضو وحلناها سوا صح ولا اى
=عندك حق والله
ردت اميرة = هو حضرتك متجوز
= مين ده
ردت سلمى = بتتكلم عنك انت يا اسر
= بتسألينى انا إلى متجوز
= اه
= لا مش متجوز
= ازاى
= ازاى ليه
= يعنى انا دايما بشوف أن الحلوين أوى بيتجوزو بسرعه
رد أسر بضحك = انتى شيفانى حلو ربنا يجبر بخاطرك يابنتى بس النصيب لسه مجاش
= ولا انت يالى جمبه
= مالى انا كمان
= مش متجوز
= ولا واحده تفت فى وشى حتى
= ازاى انتو مش متجوزين
ردت روح = مالك يا حبيبتى فى اى هو شرط اى حد حلو يتجوز
= كنت بشوفلك عريس
خجلت روح بسبب اختها = اسكتى يا اميره لحد ما نوصل
= سكتنا اهو
ووصلو الى منزل روح لتأخذ اغراضها هى واختها وذهبت معاها سلمى لتساعدها وظلت اميره بالسياره
=ممكن اقول حاجه بس محدش يقول لروح
رد مراد = قولى يا اميرة
=انا عارفه أن كل واحد فيكو فى مشاعر جواه لكل بنت فيهم ليه لحد دلوقتى ساكتين ومعترفتوش
رد مراد= ومين قالك الكلام ده
= انا مش طفله علشان يضحك علياا انا فى الجامعه يعنى بفهم شويه فى الشخص إلى قدامى إذا كان معجب بجد ولا لا
= طب وعرفتى منين هل فى حاجه حصلت منى أكدت ده
= انت مشوفتش نفسك عامل ازاى وروح بتعيط ووقفت معاه فى كل الإجراءات ودفن ماما مع انك مجرد مدربها فى الشغل ده حتى حبيبها القديم معملش إلى انت عملته كل ده ومش باين أن فى مشاعر دانت لما بس بتقولك بأسمك بدون لقب عيونك بطلع قلوب
ضحك أسر على مراد= مفضوح من يومك
= على اساس انت كمان مش باين انك معجب بسلمى
= اديلو يا اميرة علشان يتريق كويس
= طب هو وكان واقف مع روح انا عملت اى يظهر ده
= طلبت منها هى ليه بالذات أنها تاخدنا انا وروح عندها ما كان فى بنت تانيه زميلة روح يعنى اشمعنى سلمى
= يعنى انتى كنتى عارفه
= صح أنا زعلانه على ماما ومكنتش مركزه اوى بس أنا مش عبيطه عن إلى بيحصل حواليا لو انتو عاملين عبط فى انا واضحه وصريحه وانا عارفه أن فى حاجه جوالك لسلمى وهى بصراحه بنوته عسوله وتتحب
ابتسم مراد على ذكاء اميرة = طب هى اختك ليه مش بتاخد من ذكائك ده شويه
= على فكرة روح مش هبله بس هى بتحب تتوه
نظر لها أسر بمكر = وانتى بقى عايزه تجمعينا وكدا
= بصراحه اه لانكو ليقين على بعض واهو اكسب ثواب فيكو بدل ما تعنسو
نظر أسر المراد =نعنس
= بصو يا حج منك ليه انا دلوقتى ربنا رزقني بدل الاخت اتنين وعايزه افرح بيهم اه بس مع اتنين يحبونهم مش يزعلوهم زى ما حصل مع روح زمان هل هتكونو قد المسئوليه هساعدكو غير كدا يبقى شكرا بقى وخليهم جمبى لحد ما يجى نصيبهم
=طب انا ممكن اتقبل ده لانى فعلا بحب روح انما أسر مش بيحب سلمى
= هو انت شايفنى معنديش احساس مثلا يمكن اه محصلش حب بس فى حاجه جوايا يعنى
= خلاص يبقى على بركة الله بس محدش يقول لحد فيهم اى حاجه بدل ما يموتونى
=طبعا طبعا احنا هنا التلاميذ وانتى الاستاذه
اتت روح وسلمى ووضعو الحقائب فى السياره وانطلقو لمنزل سلمى وبعد ساعات ووصلو وذهب الشباب لمساعدتهم فى تنزيل الحقائب ووضعوها بداخل وشكرتهم روح على ما فعلوه اليوم معهم وسلمى أيضا وذهبوا الفتيان وذهبو الفتيات للجلوس قليلا وأخذ قسط من الراحه
نظرت روح للأميرة بغضب= اى إلى هببتيه ده
قلقت اميرة من أن تكون سمعت روح الحديث الذى كان بينها وبين اسر ومراد = هو بصراحه
= رايحه تقوليلى قدامهم انك بتشوفيلى عريس
هدأت قليلا = ياستى انا قولت افرح بيكى دى كانت وصيت امك
= ماشى بس مش قدامهم
= خلاص انا اسفه مش هتتكرر تانى
=بصى يا اميرة انا عارفه أنك صريحه زياده عن اللزوم بس مش كل حاجه بتتقال كدا ماشى دول بس يعتبر المدربين بتوعنا لكن مفيش حاجه تانيه خلاص
= انتى بتقعنى نفسك بأى يا روح مفيش مدرب بيعمل إلى عمله مراد انهارده دول عمامك نفسهم معملوش حاجه زى كده ولا عبرونا مفيش حد بيقف محد كده غير لسبب واحد بطلى تتوهى زى عادتك
نظرت اميرة لسلمى = هنام فين
= الاوضه إلى فوق شمال
= ماشى
وأخذت اميرة حقيبتها وصعدت إلى الاعلى وظلت روح صامته لأن اختها محقه فيما قالته
= مالك يا روح
= هو انا بتوه يا سلمى
= الصراحه ولا اكدب
= الصراحه
= باين اوى كل إلى بيعمله مراد علشانك يا روح من اول يوم شغل وهو دايما جمبك وبيتكلم معاكى اى مشكله بيقف جمبك ده أنا إلى شغاله معاكى واقدم منك معملش كدا معايا لكن انتى عمل كل حاجه وواقف معاكى فى الوحش قبل الحلو وباين اوى كل حاجه انتى إلى بتطنشى ده ولا خايفه يبقى زى ادهم
= مش عارفه يمكن انا خدتها على أنها جدعنه زياده مشوفتهاش بصوره تانيه ويمكن برضو يبقى عندك حق خايفه اعيد تجربة ادهم تانى
= بصى يا روح انا مش هجبرك تفكرى فى الموضوع دلوقتى علشان عارفه الظروف إلى مريتى بيها بس لما تحسى نفسك كويسه فكرى فيها وهتلاقى ان اختك نفسها لحظت وانتى لا
صمتت روح وفضلت الصعود إلى الغرفه وقالت لها سلمى عن الغرفه التى سوف تبقى بها وتوجهت اليها
فى السياره كان مراد ينظر الى أسر وغير مصدق أن هذا صديقه الذى كان لا يحب التعامل مع فتاه أصبح الآن يكن مشاعر لفتاه= مش مصدق والله
= طب ماانت قولت هبعد سنين ومش هحب واول ما شوفت روح حبيتها
= طب ماانت دلوقتى فى واحد بدأت تحبها
= لا منا مش سريع فى الحب زيك انا عايز اخد وقتى علشان معدش غلطة رحمة تانى
= بس سلمى مختلفه وطيبه ووقفت جمبك مش زى رحمه نهائى
= والله كل حاجه هتبان مع الوقت
= عندك حق
اوصل أسر مراد إلى منزله
= هخلى حد يبعتلك عربيتك
= متشكرين والله وشكرا على التوصيله
= يكش يطمر يلا سلام
= سلام يا خويا
نزل مراد من السياره وذهب إلى الداخل ووجد الجميع متواجدين
نظرت له والدته بقلق = اى يا مراد كل ده اتأخرت اوى
= كنت فى مشوار مستعجل
= طب ادخل وسلم إلى بنت خالتك
وذهبت اليه مرام مسرعه ومدت يداها لتصافحه
= ازيك يا مراد
= متوضى مش بسلم على بنات أنا طالع اريح
ردت امى بضيق= اى التصرف ده يامراد كده تزعلها منك
= طيب علشان ابقى على نور هنتعامل كا ولاد خاله وبس ماشى لكن شغل تخطيط فى الجواز ده مليش فيه حلو
اقترب منه والدته = مراد انت بتحب حد ومخبى عنى
نظر مراد لمى بغضب وقالت له مسرعه = والله مفتحت بوقى بكلمه
= بصلى هنا يا مراد انت بتحب حد
= اه يا امى بحب واحده معايا فى الشغل ومش عايز غيرها ارتاحتو انا طالع انام
ذهب مراد وكانت مرام تقف غاضبه من الذى سمعته من مراد = شوفتى يا خالتى
= اكيد مش هجبره يابنتى طلما بيحب
=يعنى اى كدا خلاص
= هو الحب والجواز بالعافيه يابنتى انا اتفقت معاكى من الاول لو هو مش بيحب هحاول معاه علشانك لكن هو بيحب انا مش هقدر اقف قدام سعادته
= ماشى يا خالتى انا طالعه اوضتى
ذهبت مرام إلى غرفتها واقتربت مى من والدتها = عشان تبقى عارفه بس مرام مش هتسكت وهتسود عيشتنا وكمان لما تشتغل مع مراد
= انا شكلى غلطت أنى جبتها هنا
ذهبت مرام إلى غرفتها وأغلقت الباب بقوه وكانت غاضبه للغايه وكانت تصرخ وتكسر اى شئ أمامها وقالت بغضب شديد = ماشى يا مراد يانا يا البت دى هنشوف بقى هتتجوزها ازاى