رواية خلقت لأجلك الفصل الاول 1 والثاني 2 بقلم ايمان عبد الحفيظ
______________________________
الشخصيات :
فرح : بطله القصه شعرها بنى مائل للنحاسى طويل و كثيف عيونها عسلى و بيضاء جدا و رفيعه جدا عمرها 23 سنه
زين : بطل القصه شعره اسود لامع جدا جسمه رياضى عيونه سوداء عمره 27 سنه وسيم جدا ذو لحيه
حنان النجارى : والده فرح و عمه زين ست طيبه جدا و بتحب ولادها و زين جدا جدا عندها 50 سنه بيضاء جدا شعرها ناعم طويل ورثته فرح عنها بس متغطى تحت حجابها
يزيد : اخ فرح الكبير طويل و اسمر شويه ورثه عن ابوه مهاب عز الدين و جسمه رياضى و انيق جدا و دمه خفيف جدا عنده 27 سنه
مصطفى عز الدين : عم فرح و يزيد و بيكره حنان جدا عنده 55 سنه
عامر : ابن مصطفى طويل و اسمر شويه بس بتاع بنات و عامل فيها كازانوفا عنده 25 سنه
شاهندا : سكرتيره مكتب زين عسوله اوى بيضاء و شعرها بنى و عيونها عسلى عندها 25 سنه
نادين : بنت عسوله بيضاء شعرها اسود فيها شبه بسيط من فرح و هى صديقتها جدا عندها 23 سنه و كانت زميلتها فى الجامعه
زياد : صديق عامر بس عكسه تماما عنده 25 سنه وسيم برضه بشعره البنى و عيونه البنى و غمزاته اللى بتظهر لما يضحك
شاهى : عارضه ازياء مشهوره جدا و بتشتغل مع حنان و هنعرف قصتها بعدين
________________________
الحلقه الاولى من خلقت لأجلك
#ايمان عبد الحفيظ
________________________
تجلس تلك السيده تقرأ الصحيفه بعد ان ادت فريضتها الى الله .. لتشرد بذكرياتها بعيدا منذ 30 عاما
flash back
فتاه ترتدى حجابا انيق يبين مدى رقتها و هدوء شخصيتها تصطدم بذلك الشاب الغنى فوقعت منها متعلقاتها .. الفتاه بخجل ( انا اسفه جدا .) انحنى الاثنان معا لجمع متعلقات الفتاه .. فتلامست ايديهم لبرهه .. فرفعت الفتاه بصرها لتصطدم عيونها السوداء بتلك العيون البنيه الواسعه .. فابتسم الشاب بابتسامه خفيفه ( و لا يهمك يا انسه .... ) همست الفتاه ( حنان يونس النجارى ) .. الشاب بابتسامه ( تشرفنا .. انا مهاب عز الدين ) .. اعطاها متعلقاتها ثم قال و هو مسلط بصره عليها متعجب من وجود فتاه من عائله مشهوره كعائله النجارى ترتدى حجاب .. ( فرصه سعيده .. عن اذنك ..) .. ذهب و صورتها قد حفرت فى قلبه الى الابد اما هى فدعت ربها فى صمت بان يرزقها الزوج الصالح .. و بعد عده ايام تفاجأت به يجلس مع والدها و يطلب يدها للزواج .. هو مهاب عز الدين من عشقته من اول نظره .. تزوجته و انجبت ثمره حبهم .. يزيد و فرح .. لكن الحياه لا تبتسم دائما كان مهاب غنى جدا و لديه اخ صغير يدعى مصطفى .. كان لا يهتم باى شيى سوى نفسه حتى حين توفى والده لم يهتم سوى بأخذ امواله و عدم مشاركه اخيه فى الشركه بل انفصل عنه تماما .. لكن بعد مرور عده سنوات شأءت الاقدار ان تفرق بين الحبيبين حنان و مهاب و ذلك لموت مهاب بحادث سياره .. منذ عده سنوات لسبب مجهول ..
back
مسحت الدموع التى تساقطت على وجنتها .. و همست بحزن ( الله يرحمك يا حبيبى .. الله يرحمك يا مهاب ) .. وقفت امام خزانتها و ارتدت ملابسها السوداء العباءه الفضفاضه الواسعه و الحجاب الطويل المطرز بفصوص الماسيه صغيره .. هبطت درجات سلم منزلها الواسع .. جلست على طاوله الطعام .. دخلت الخادمه زينب .. هتفت بابتسامه واسعه ( صباح الخير يا ست هانم ) .. حنان بضيق ( هانم ايه يا زينب عالصبح .. قوليلى حنان بس .. ) .. زينب بابتسامه ( حاضر .. ) كادت ان تتكلم لولا قاطعها رنين جرس الباب .. هتفت حنان بابتسامه ( افتحى الباب يا زينب ) .. توجهت زينب بخطوات مسرعه لتفتح الباب فهى تعرف هويه الطارق .. فتحت لتجده ممسك بثلاث باقات من الورود .. هتف الشاب بابتسامه جذابه ( صباح الخير يا زيزى ) .. زينب بسعاده ( يا صباح الفل على زين الناس ) .. ضحك زين ثم قال ( عمتو صحيت و لا لسه .. ) .. زينب بابتسامه ( صحيت من شويه و بتفطز دلوقتى .. ) .. زين بابتسامه ( طيب انا دخلها .. بس و النبى فنجان قهوه حلو كده افوق بيه علشان انا تعبان شويه ) .. زينب ( عيونى ) .. ثم توجه الى حجره الطعام .. وجدها تتناول طعامها فى هدوء .. فاقترب منها و قبل وجنتها ( صباح العسل على احلى حنون فى الدنيا .. ) .. ابتسمت حنان ( صباح النور يا حبيب قلب عمتو .. ايه اخبارك يا زين .. ) .. زين بتنهيده ( و الله مرهق جدا يا عمتو .. الشغل كتيييير جدا ..) .. رتبت على قدمه بحنو ( انا عارفاه يا حبيبى انو شغل كتير بس مفيش غيرك انت و يزيد اللى تديروا الشغل ده .. انا خلاص راحت عليا من بعد موت مهاب ) .. زين بلوم ( متقليش كده يا عمتو ده انتى اللى باقيه ليا من بعد موت ماما و بابا الله يرحمهم ) .. حنان بابتسامه ( انا بقول الحقيقه انا من بعد موت مهاب و انا بكافح علشان فرح و يزيد و لما احمد و هويدا الله يرحمهم ماتوا بقيت انت كمان فى رقبتى .. ) زين بحزن ( الله يرحمه يا عمتى .. كنتى بتحبيه ؟؟ ) .. حنان بابتسامه ( جدا جدا يا زين فوق ما تتخيل .. مهاب كان الهواء اللى بتنفسه .. كنت بحبه جدا لدرجه انه لما مات انا فكرت اموت نفسى بس فرح اللى منعتنى .. ) .. دق قلبه بعنف لمجرد سماع اسمها .. اميرته الصغيره فرح .. فرح التى ترسم الفرحه على وجهه اى شخص تقابله .. ابتسمت حنان لانها لاحظت شرود زين عند ذكر اسم فرح .. قاطعت ابتسامتها دخول زينب بفنجان القهوه .. وضعته امام زين الذى لم يشكرها بسبب شروده .. خرج من افكاره على صوت حنان تقول بخبث ( صحيح يا زينب .. متنسيش تنضفى اوضه فرح علشان هتوصل مصر بعد يومين ..) .. اطلقت زينب زغروطه .. فالزغروطه شيئ اساسى لتعبير المرأه البسيطه عن فرحها .. ابتسمت حنان بينما هتفت زينب بسعاده ( توصل بالسلامه الست فرح .. انا هروح علشان اشوف اوضتها .. ) .. ابتسم زين و هو يردد اسمها كأنه يتذوقه .. سعيد برجوع صغيرته الى القاهره مره اخرى .. هو تحدث مع والدتها فى شأن الخطبه .. لكنها رفضت لانها صغيره لكنها وعدته بتزويج فرح له .. هتف زين ( عمتى .. ) .. التفت له حنان .. فقال زين ( انتى فاكراه وعدك ليا ؟؟ ..) حنان باستغراب مصتنع ( وعد ايه !! ) .. هتف زين بخوف لاعتقاده بانها نسيت ( وعدك انك هتجوزينى فرح .. ) .. حنان بخبث ( اممم .. معتقدش انى هقدر اوفى بالوعد ده ..) .. انتفض زين من مكانه و اسقط ملعقته و هو يقول بزهول ( ازاى يعنى ؟؟ .. ايه معتقدش دى . ) .. حنان بابتسامه ( ايه يا بنى مالك ؟؟ .. انا بهزر بس انا وعدتك انى هجوزهالك بس فى نفس الوقت مش هقدر اجبرها انها تتجوز واحد زيك .. ) .. زين و هو يرفع احد حاجبيه باستغراب ( زيى !! .. ليه هو انا معفن و لا عندى جرب .. ايه واهد زى دى يا عمتى .. ) .. ضحكت حنان لانها نجحت فى استفزازه ..ثم قالت ( مقصدش طبعا يا حبيبى .. بس بمنظرك ده معتقدش ان فرح هترضى تبصلك اصلا .. ) .. زين باستغراب ( ليه ماله منظرى .. عره انا و لا ايه ) .. قاطعهم صوت احب الى قلب كلاهم ( صراحه .. عره جدا يا زين .. ) .. زين بغيظ ( بس يا زفت خلينى افهم .. و بعدين فى حاجه اسمها صباح الخير .. ) .. حنان بابتسامه ( سيبك منه يا زين و ركز معايا .. ) .. يزيد بغيظ ( سعات بحس انك يا امى لقتينى على باب جامع .. طب قوليلى صباح الخير .. اقعد افطر .. حسسينى انك امى ..) . هتفت حنان بابتسامه ( بس يا ابن مهاب احسن ما اقفلك بالشبب و انت حر .. ) .. يزيد بمرح ( يا حنون يا عسل انتى .. صباح الفل .. ) .. قالها و هو يقبلها من وجنتها بحب .. ثم جلس فى مقابله زين .. و هو يقول ( بص يا زين .. ماما عندها حق انت بشكلك ده فرح استحاله تبصلك اصلا ..) .. زين بضيق ( برضوه مش فاهم ماله شكلى ؟؟ ) .. صرخت حنان و يزيد ( انقرض .. ) .. ثم اكملت حنان جملتها ( شكلك انقرض يا زين .. بزمتك فى حد بيلبس زيك كده .. ) .. اخفض بصره يتمشى به على ملابسه التى هى عباره عن بدله زيتيه اللون بها بعض الخطوط السوداء .. و قميص يبدو انه ليس مناسب لسنه ابدا .. و نظارته الحافظه للنظر الدائريه الشكل .. و ذقنه الطويله بشكل مبالغ فيه قليلا .. استكملت حنان برقه ( حبيبى احنا مش قصدنا نجرحك بس انت لازم تتغير علشان تتجوز فرح او خلينا نقول تحبك .. ) .. يزيد مؤكدا ( بالظبط .. فرح لازم تحبك و الا عمرك ما هتتجوزها .. و هيتجوزها .... ) .. ترك باقى جملته المعلقه .. فقال زين بغضب ( هو مين هو اللى هيتجوزها ؟؟ ) .. حنان بغيظ ( عامر .. ابن مصطفى .. زق ابنه على بنتى علشان يكوش على ثروه مهاب الله يرحمه .. غير ان عامر واكل دماغ فرح على الاخر .. و انت قاعدلى هنا عامل زى مدير المدرسه بشكلك ده .. ) .. هتف زين بحيره ( طب و العمل ؟؟ .. انا بحبها يا عمتو .. ) .. يزيد بابتسامه ( اتغير علشانها يا زين .. لازم تشوفك احسن من عامر ده الف مره .. ) .. زين بتفكير ( تفتكر هتحبنى .؟؟..) .. يزيد ( اختى و انا عارفاها .. هتحبك بس عدل فى نفسك شويه .. ) .. زين ( اعدل فى نفسى ازاى؟؟ .. ) .. حنان بلهفه ( سيب الحكايه دى عليا انا .. بس قوم بينا ؟؟ ) .. زين باستغراب ( على فين ؟؟ ..) .. حنان ( على شقتك !! ).. زين بتعجب ( شقتى !! ليه ؟؟ ) .. حنان بابتسامه ( شويه حجات كده عاوزه اعملها .. ) .. زين باستسلام ( طيب ماشى .. يلا .. ) .. يزيد بخبث ( اجى معاكم !! ) .. حنان ( قوم علشان هعوزك .. ) .. زين باستغراب ( هو انتى ناويه على ايه يا عمتى ؟؟ ) .. لم ترد عليه بل توجههت بخطوات ثابته نحو باب الفيلا بثقه .. فهتف زين بهمس ( هى امك ناويه على ايه ؟؟ ..) يزيد بهمس ( هو انت لسه شفت حاجه !! ده انت وقعه اهلك سوده لان ماما هتبقى حماتك .. امى دى دماغها توزن بلد .. انا مش عارف بابا حبها ازاى ؟؟ ) .. انتفض كلاهما على صوت حنان الصارخ ( يزيييييييييد .. انت يا حيوان ) .. يزيد بابتسامه ( شفت .. يلا انت شكلك ناوى تخليها تطردنى .. قدماى يا عم .. ) .. توجه كلاهما الى سياره زين الذى كان يمنع نفسه من الابتسام تحت دعابات يزيد طوال الطريق ..
___________________________________
تشرق الشمس على مدينه لندن بأشعتها الدافئه لتداعب نسمات شعرها النحاسى اللون .. و هى غارقه فى نوم عميق .. فتمذ يدها لتأخد وسادتها لتضعها على وجهها لتحجب اشعه الشمس المشرقه و هو شيئ نادر فى لندن .. فينفتح باي غرفتها لتظهر تلك الجميله بأعينها العسليه و هى تصرخ بغضب ( فرررررح ..) .. لتنتفض الفتاه من نومها مزعوره ( ايييييه فى ايه ؟؟.. البيت بيولع ايه ؟؟ ) .. لتنطلق ضحكات نادين صاحبه العيون العسليه ( على اساس انى مش بصحيكى كده كل يوم .. ) .. فرح بغيظ ( يا نادين ارحمينى .. نفسى مره اصحى زى البشر الطبيعين .. ) .. نادين ( لا مستحيل .. و بعدين كلها يومين و ننزل مصر و هترتاحى منى .. ) .. فرح بعصبيه ( انتى عبيطه يا بت .. ارتاح منك ده ايه ؟؟ ده انا هزعل جدا انك مش هتكونى معايا ؟؟ .. نادين انتى اختى يا غبيه ) .. نادين بابتسامه ( بس بس متقلبيهاش دراما .. يلا بقى علشان ننزل نشترى هدايا للجيش اللى فى مصر ) .. فرح باستغراب ( جيش ايه ؟؟ .. ) .. نادين بغيظ ( عيلتك يا هبله !! ) .. فرح بسعاده ( جيش .. لا ده ماما و يزيد بس .. ) .. نادين بخبث لانها تعلم مشاعر زين تجاه فرح و تعلم مدى رغبه والدتها بتزويجها له ( طب و زين ؟؟ ) .. فرح بعصبيه ( ماله سى زفت ؟؟ .. ) .. نادين بدهشه ( مالك مش طايقاه كده ليه ؟؟ .. ) .. فرح بسخريه ( ده بينرفزنى لما بشوفه عامل زى مدير المدرسه .. و بعدين اطيقه و لا مش اطيقه هتفرق فى ايه ؟؟ .. ) .. اغتاظت نادين من فرح لانها ترى ان زين الزوج المناسب لها بالاضافه الى عشقه لها لكنها عمياء لا ترى ( يعنى عاجبك سى عامر بتاعك !! ) .. فرح بهيام ( طبعا .. يجى ايه زين بتاعك ده جنب عامر .. عامر ده حبيبى كفايه انه سافر ورايا لندن علشان مش قادر يعيش من غيرى .. ) .. نادين بخفوت ( طول عمرك غبيه .. لا و كمان عمياء .. ده عايز فلوسك يا بت عم مهاب ) .. فرح باستغراب ( بتقولى حاجه ؟؟ ..) .. نادين بابتسامه ( لا ولا حاجه يا حبيبتى .. يلا علشان ننزل نشترى الهدايا يلا .. ) .. فرح بابتسامه ( طيب بس هنروح الكليه فى الاول علشان الورق اللى هنحوله مع عامر لمصر .. وكمان لازم اكلم عامر اقوله انى هنزل علشان الهدايا .. ) .. نادين بغيظ ( اففف كل حاجه عامر .. هو كان جوزك و انا معرفش ؟؟ ) .. فرح بابتسامه ( لع بس هيبقى جوزى .. ) .. نادين بسخريه خافته ( ده فى المشمش على رايى طنط حنان ) .. فرح باستغراب ( انتى اتجننتى يا نادين بتكلمى نفسك !! ) .. نادين ( لا بس هتجنن على ايدك .. قومى يلا علشان نخلص بدرى ) فرح بتذمر ( طيب اوكى ) .. توجهت الى الحمام لتأخذ حماما دافئا ثم تخرج برفقه صديقتها لشراء الهدايا الخاصه برجوعها الى ارض مصر الحبيبه ....
________________________________________
بقلم #ايمان عبد الحفيظ
الحلقه الثانيه من خلقت لأجلك
بقلم #ايمان عبد الحفيظ
_____________________________________
فتح باب شقته الصغيره التى يعيش بها وحيدا .. رغم وجود فيلا والديه لكنها مغلقه حتى يتزوج ليعيش بها هو و زوجته فرح باذن الله .. دخلت حنان الى الشقه ثم تبعها يزيد .. حنان باستفهام ( فين اوضه نومك ؟؟ ..) .. اشار لها زين باصبعه ( هناك اهي ..) .. توجههت حنان ناحيه الغرفه .. فتحتها لتجدها مرتبه عكس غرفه يزيد تماما فهو لا ينظف غرفته ابدا بعد استيقاظه .. تقدمت ناحيه الخزانه لتفتحها .. اخرجت كل ما بها .. بعثرت جميع محتواياتها .. حتى وجدت غايتها .. بدله كحليه اللون بدون خطوط و قميص ابيض ناصع .. اخذتهم ثم وضعتهم على الفراش ..ثم نادت بصوت عالى ( يزيييييد ) .. اتى يزيد يتبعه زين لتجحظ عيناه من فعله عمته ..فقال بدهشه ( ايه ده يا عمتو ؟؟.. ليه عملتى كده فى الهدوم .. ) .. نظرت بغيظ ( هى دى هدوم .. دى هلاهيل (ملابس مش حلوه) .. ) ثم تابعت حديثها و هى تنظر ليزيد ( يزيد ! تنزل تنادى بواب العماره و تيجى او تأخد الهدوم دى و تتبرع بيها لدار المسنين بلاش ايتام للعيال تطلع كده .. ) .. يزيد بابتسامه كبيره ( يااااه كان نفسى اخد الهدوم دى و اولع فيها من بدرى .. اخيرا امنيتى هتحقق ..) .. زين بغيظ ( لا تعليق .. حرام عليكى خساره الهدوم .. ) .. حنان بحزم ( انت بتسمى دى هدوم ..بقولك ايه انت تنسى الدور اللى انت عايش فيه ده لانى ببساطه معنديش استعداد اشوف بنتى بتضيع مع عامر ابن مصطفى و اسكت .. انت بتحبها من زمان صحيح هى عاميه و مش شايفه حبك بس ده بسبب عامر .. لانه بصراحه متفوق عليك بكتير اوى فى وجهه نظر فرح ) .. صمت زين و لم يعلق لانه يعرف مدى حقيقه كلامها .. هى محقه بنسبه 100% .. لكن هل سيجدى هذا نفعا ..ذهب يزيد مسرعا لينادى البواب ليساعده فى حمل ملابس زين .. بعد عده دقائق ساد الصمت فيها .. دخل يزيد بصحبه البواب ليحملوا الملابس .. خرج البواب من الشقه و هو فرح و سعيد بالملابس و اخذ يردد ( ربنا يبارلكم فى الرزقكم .. و يوقف فى طريقكم ولاد الحلال .. و يبعد عنكم ولاد الحرام .. ) .. زين ( و دلوقتى بقى .. هتعملى ايه تانى يا عمتى ؟؟..) .. حنان بخبث ( هنخف اللحيه يا حضره الشيخ .. ) .. زين ( لا لا لا لا لا كله الا اللحيه .. دى بالذات لا ) .. حنان بضحك شديد ( يلا يا يزيد .. دورك يلا .. ) .. ركض زين مشرعا من يزيد الذى يلحق به و هو ممسك بالمقص ليحلق له اللحيه .. يزيد ( و حياه امى ما هسيبك غير لما احلقها دى غيظانى من يوم ما عرفتك .. ) .. زين بغضب ( لا مش هحلقها .. ) .. حنان بتصنع للصرامه ( خلاص مفيش فرح و فى جواز من فرح .. ) .. زين باستسلام ( خلاص احلق .. و امرى لله .. ) .. حنان بابتسامه ( احنا مش هنحلقها احنا بس هنخفها .. علشان تبين وشك و تبقى اكثر وسامه من كده .. ) .. و بعد عده ساعات من العناء مع زين لمحاوله تغيره من حنان و يزيد .. خرج زين من الحمام بعد اخذه لحمام دافئ .. مرتديا بدلته الكحليه التى بقيت من ملابسه التى اخذتها منه عمته .. نظر لنفسه فى المرآه .. وجد نفسه غايه فى الوسامه .. خرج من الغرفه .. لتتسع حدقتى يزيد من الصدمه .. هل هذا زين الذى كان امامه منذ قليل .. بينما اتسعت ابتسامه حنان .. لانه اخيرا اتى من يتغلب على عامر .. حتى تنقلب الامور
____________________________________
تآوهت من الالم بسبب قدماها .. ثم صرخت بغضب ( كفايه بقى يا فرح رجلى مش قادره .. ) .. فرح بابتسامه ( مش انتى اللى قولتى ننزل نشترى هدايا .. اشربى بقى ) .. نادين بغيظ ( انا بنت ستين فى سبعين انى قلتلك ننزل نشترى .. يلا يا فرح نقعد فى اى كافيه نشرب فنجان قهوه و لا عصير و بعدين نكمل .. ) .. فرح بمرح ( طيب اشفاقا على حالتك يلا نقعد .. ) .. جلستا سويا فى كافيه ليشربا كوبين من العصير الطازج يستيعدا بهما طاقتهما .. كانتا تتحدثا فى موضوعات شتى .. حتى صدع صوت هاتف فرح ليعلن عن قدوم اتصال من حبيبها عامر .. ابتسمت فرح فى سعاده .. ثم ضغطت على زر الايجاب تحت نظرات نادين المتهكمه .. فرح بابتسامه ( الوو ) .. عامر بابتسامه ( حبيبتى و نور عيونى و فرح قلبى .. عامله ايه ؟؟ ) .. فرح بسعاده ( حبيبى انا كويسه .. انت ايه اخبارك ؟؟ ) .. عامر بخبث ( سيبك من اخبارى انتى وحشتينى اووى .. ) .. فرح بخجل ( كنا لسه مع بعض امبارح على فكره ) .. عامر بابتسامه ( حبيبتى انتى بتوحشينى و انتى معايا ..) .. فرح بخجل لتغيير الموضوع (صحيح عامر عندى ليك خبر حلو ..) .. عامر بترقب ( خير حبيبتى ) .. فرح بسعاده بالغه ( انا حجزت تذكره و هنزل مصر بعد يومين.. ) عامر بصدمه ( ايييييييييييه ؟؟ ) .. ثم تابع حديثه بغضب و عصبيه بالغه ( ازاى تعملى كده ها من ورايا .. احنا مش اتفقنا هننزل مصر بعد ما تخلصى جامعه و نتجوز و ننزل مصر زى ما انتى عايزه .. ) .. تلالات مقلتيها تهدد بسقوط الدموع ..ثم قالت بصوت مختنق ( عامر .. انا قولتلك قبل كده جواز من ورا ماما و يزيد مستحيل .. و كمان مصر وحشتنى و ماما وحشتنى .. و بعدين فى ايه يا عامر انت متعصب عليا ليه ؟؟ ) .. زفر بضيق ليتحكم فى انفعالاته حتى لا تفشل خططته و يثور ضدده والده لانه من الممكن ان يضيعها من يده .. ( براحتك يا فرح .. انا مش متعصب و لا حاجه .. عن اذنك لانى مشغول ) .. اغلق فى وجهها الخط لانه كاد ان ينفجر غيظا لاول مره تتخطاه و تفعل شيئ دون علمه .. اما هى فانفجرت باكيه لانها ازعجت حبيب قلبها منها .. لكنها ظنت ان هذا سوف يفرحه لكن النتيجه عكس ما توقعت ..
_____________________________________
( لا يا عمتى لا .. ده كتيير ) .. هتف بها زين حانقا من الوضع الذى وضع نفسه به .. حنان بدهشه ( هو ايه اللى كتير .. كل ده علشان بقولك ارقص مع يزيد ..) .. زين بغيظ ( انتى شايفاه عادى .. هى دى مناظر حد يرقص معاها .. ) .. يزيد بغيظ ( مالها المناظر دى ياخويا احسن منك يا كونان انت بنظارتك دى .. ) .. حنان بابتسامه ( معلش يا زين .. عالى على نفسك و استحمل .. يلا بقى .. ) .. وضع زين يده على وسط يزيد و امسك يده .. بينما وضع يزيد يده الاخرى على كتف زين .. حنان ( يلا ابدؤا .. واحد .. اتنين .. تلاته .. اربعه .. خمسه .. سته .. سبعه .. ثمانيه .. ) .. ابتعد زين بحنق ( ايييه هو ده .. احنا بتعلم العد من اول و جديد و لا ايه ؟؟ ..) .. يزيد بسخريه ( دى اصول التدريب يا فلاح ) .. زين بسخريه ( انا برضوه اللى فلاح و لا انا اللى مليش فى الحال المايل .. ) .. حنان بعصبيه ( بس انتوا الاتنين ) .. ثم اكملت فى هدوء ( بلاش رقص بس افتكر انى حذرتك ان فرح بتحب الرقص جدا .. و انت حر .. ) ثم استطردت تقول بخبث ( لو قدامك بنت حلوه قاعده لوحدها فى حفله .. هتعمل ايه ؟؟ ..) .. زين بتلقائيه ( و لا حاجه ) .. يزيد بغيظ ( يا صبر ايوووب .. يا بنى افهم ماما قصدها لو لقيت مزه حلوه لوحدها المفروض انك تعمل ايه ؟؟ ) ؟. زين باستغراب ( و لا حاجه برضوه .. انا مالى و مالها ) .. يزيد بغيظ ( يخربيت سنينك السوده .. يا بنى المفروص تروح تكلمها .. تغازلها .. تتعرف عليها اى حاجه .. ) .. زين بدهشه ( اناا.. انا .. اعمل كده .. لا لا ده من المستحيل .. ) .. حنان بابتسامه ( يا بنى ده اساسى علشان مكسوره الرقبه بنتى .. فرضا ان انا بنت قاعده لوحدى و عايزك تغازلنى اتفضل بقى شوف هتقول ايه ؟؟ ) .. اخذت حنان وضع الجلوس و اصتعنة انها تقرأ مجله كانت ملقاه على الطاوله .. تقدم زين و جلس بجانبها .. فقالت حنان باستغراب مصتنع ( افندم !! انت مش شايف انه انا قاعده هنا و لا ايه ؟؟ ..) .. زين بدهشه ( ايه يا عمتى انا جاااى اقعد جمبك عادى فيها حاجه ؟؟ ) .. يزيد و هو يمسك قميصه ( اطلع من هدومى يا عالم .. يا ابنى ركز .. بنقولك دى دلوقتى مش عمتك دى مزه حلوه عاوزينك تعاكسها تعرف !! ) .. زين بتلقائيه ( انا عمرى ما عكست واحده قبل كده ) .. يزيد بصدمه ( نعم ياخويا ؟؟ و لا مره ليه انت مش عايش فى الدنيا و لا ايه ؟؟ ) .. زين بهدوء ( لا عايش بس بعتبر ان معاكسه البت دى مش من مبادئ الرجوله نهائيا ..) .. صمت الجميع بينما تهللت اساير حنان لانها تيقنت بانها وجدت الزوج الصحيح لابنتها .. فقالت بابتسامه حانيه ( ياااااه يا زين .. فكرتنى بمهاب الله يرحمه .. كان زيك كده .. ) .. ثم تلالات الدموع فى عيونها لتذكرها زوجها .. فترحمت عليه ثم قالت بحزم ( يزيد .. عاكسنى قدامه علشان يتعلم ..) .. يزيد بقلق ( لا بلاش .. ) .. حنان باستغراب ( لا ليه ؟؟ ..) .. يزيد ( اصلك هتزعلى وهتقولى ما عرفتش اربى و الجو ده ) .. ضربته على كتفه بخفه .. ثم قالت ( قول يلا .. ) .. يزيد بمرح ( مفيش منه اتنين .. ) .. حنان باستغراب ( هو ايه ده ؟؟.) .. يزيد بابتسامه واسعه ( جمالك .. قمر و لا ريحه برفانك تجنن ) .. حنان بخجل مصتنع ( ميرسى .. ده من ذوقك ) .. يزيد و هو يطلق صوت الصفاره بخفه ( تسمحيلى اتشرف و اقعد مع اجمل واحده فى الحفله ؟. ) .. حنان ( و اشمعنا بقى تقعد هنا ؟؟.. فى اماكن كتيره فى الحفله .. ) .. يزيد بخبث ( بس مش فى كل مكان فى الحفله فى انسه حلوه زيك ) .. زين مقاطعا بسخريه ( هى فين الحفله دى .. انا عايز افهم !! ) .. يزيد بغيظ ممسكا مجله امامه و القاها عليه ( يا بنى اعمل فيا معروف و شوف و انت ساكت ) .. زين بضجر ( طيب ؟. ) .. التفت مره اخرى الى حنان ثم قال بابتسامه ( صحيح هو حضرتك قلتى اسمك ايه ؟؟ .. ) .. حنان بدهشه ( لا انا ملقتش .. ) .. يزيد ( برضوه احب اعرفه .. ) .. زين بحنق ( على فكره انا زهقت .. كفايه هبل بقى .. ) .. حنان ( طيب على راحتك .. بس خد بالك ان كل حاجه اتعملت هنا .. انت هتعملها و لوحدك بس مش مع فرح مع حد تانى .. ) .. زين رافعا حاجبه ( ازاى؟ ..) .. حنان بخبث ( هتعرف بعدين ) .. ثم استطردت مكمله حديثها بجديه ( و يلا على الشركه .. و بعدها هتطلع انت و يزيد تشتروا بدل جديده و لبس كاجول مع كام ساعه شيك و برفنات كتييير .. هسيب الحكايه دى عليك يا يزيد .. ) .. يزيد بغيظ بصوت منخفض ( كل حاجه على دماغى ..) .. حنان بصرامه ( بتقول حاجه يا زفت ) .. يزيد بابتسامه واسعه ( لا ده انا بدعيلك .. تحت امرك اتفضلى على الشركه يا امى .. ) .. خرج جميعهم الى الشركه وسط ضحكات زين و سخريته من يزيد .. و بعد قليل من الوقت وصلوا الى مقر الشركه .. شركه M.A جروب للغزل و النسيج و فرع اخر للاستيراد و فروع كثيره بسبب دمج شركه احمد والد زين مع شركات مهاب زوج حنان و والد يزيد و فرح .. علت نظرات الاستغراب وجهه الجميع على الشخص الجديد الذى يمشى برفقه السيده حنان و ابنها .. و السؤال الاهم اين هو السيد زين !! .. استقلوا جميعهم المصعد حتى وصلوا الى الدور السابع و الذى به مكتب السيد زين احمد المدير العام للشركه .. و ترك عمته و يزيد يتجهون للدور التاسع للعمل بمكاتبهم الخاصه .. كادت ان يفتح مكتبه لولا فجآه صوت سكرتيرته الخاصه تقول بصرامه ( انت يا اخ .. انت داخل فين ؟؟ هى وكاله من غير بواب هنا ؟؟ ..) التفت لها بدهشه فحتى شاهندا سكرتيرته الخاصه لم تتعرف عليه .. فقال بحزم ( انتى اتجننتى و لا ايه يا شاهندا .. انا ادخل و اخرج زى ما انا عايز ده مكتبى .. ) .. ابتعلت ريقعها حين سمعت صوته .. فهو مديرها لكنها لم تتعرف على شكله لذلك منعته من الدخول .. فقالت بتلثعم ( زين بيه .. انا اسفه جدا يا فندم .. بس و الله ما عرفتك ؟؟ .. ) .. فأوما برأسه بخفه متقبلا اعتذراها .. ثم اشار لها بالدخول الى مكتبه وراءه .. فذهبت الى مكتبها لتحضر دفتر ملاحظاتها التى سيخبرها به هو .. همست فى نفسها ( يخربيت حلاوته .. ده طلع مز و انا معرفش .. ده انا معرفتش شكله .. ) .. دخلت المكتب و وقفت تنتظر ملاحظاته و هى تتفرس فى ملامحه تريد ان تسآل لما هذا التغير المدهش .. زين بجديه ( فى مواعيد النهارده ؟؟ ... ) .. شاهندا بتوتر ( لا .. اااه .. هو تقريبا في .. مش عارفه؟. ) .. زين بغيظ ( احنا هنهزر و لا ايه .. فى ايه يا شاهندا على الصبح .. ) .. شاهندا بتلثعم ( انا اسفه جدا جدا .. بس و الله انا متوتره من الموقف اللى حصل من شويه .. ) .. اخفض بصره و تنفس الصعداء و قال بهدوء ( شاهندا .. انا قلتلك محصلش حاجه .. يبقى خلاص انسى .. المهم دلوقتى فى مواعيد و لا لا .. ) .. شاهندا ( فى ميعاد مع رؤوف بيه الساعه 12 الظهر و فى ميعاد مع مصطفى بيه الساعه 3 بس ) .. زين باستغراب ( مصطفى مين ؟؟ ) .. شاهندا ( مصطفى عز الدين اخو مهاب بيه الله يرحمه ) .. زين بدهشه ( عم مصطفى !! و ده عايز ايه ؟؟ .. ) .. شاهندا ( هو حدد ميعاد و مقلش اى حاجه ؟. .. )