رواية ضحية فرعون الفصل الواحد والعشرون 21 بقلم منه محمد
بعد شهور من الاحداث ليلي خرجت المستشفي لكن في حاله يرثي لها ونايمه مشلوله لا حول لها ولا قوه ووشها نصه محروق لدرجه ملامحها اتغيرت كليا
ليلي بندم شديد: ايمان انا اسفه غلطت في حقك كتير , وكل الي قلتيه عني صح انا واحده غنيه لكن متكبره ومغروره وربنا عاقبني واقتص مني خلاني مشـ وه ومشلوله سامحيني
ايمان: اتأسفي مليون مره ده الي قولتيه من ساعه ما فوقتي من الغيبوبه , وانا سامحتك من قلبي
ليلي نزلت دموعها: انا ندمانة علي كل حاجه عملتها فيكي وامير وبابا وماما
امير مسح دمعه نزلت من عينه وقال: كفايه يا ليلي احنا كلنا سمحناكي , واعرفي الي انتي فيه ابتلاء من الله المهم تكوني صبوره وراضيه , وانا بصلي وبدعيلك تقومي بالسلامه في اقرب وقت
ليلي بشهقه تقطع نياض القلب: مش قادره اتحمل الالم يا امير
ايمان طبطبت ع كتفها بحنيه: متفقديش الامل ياليلي , طنط شاهيناز بتقول انك رافضه تتعالجي وفات ثلاث شهور وانتي ع الحال ده متسبيش جسمك يضعف كده
ليلي : انا وضعي معقد
الكل اتأثر من وضعها وطلعوا قعدوا في الصالون
شاهيناز ببكاء : حاولت اقنعها بما فيه الكفايه , قالت معندهاش امل تعيش حتي لو وافقت واتعاجلت من غير فايده , عشان كدا اتوسلت لك كتير تيجلها هنا يمكن تقدري تقنعيها هي عايزه تتكلم معاكي انتي وبس اما معانا قافله ع نفسها
ايمان : باذن الله يا طنط هحاول اقنعها مره تانيه في النهايه اكيد هتلين
شاهيناز: حالتها الصحيه كل يوم بتزيد للاسوء وانا مش قادره اتحمل اشوفها كده وهي بتعاني وببتالم كتير كل ده غلطي شجعتها عمري ما قلت لها الي بتعمليه غلط انا الي وصلت بنتي للحال ده لو كنت ربيتها كويس مكنش كل ده حصل ايمان امير ارجوكم سامحه ليلي
امير : اطمني يا مراه عمي انا وايمان مفيش اي ضغينه ضدكم واحنا بشر وبنسامح وننسي الماضي المهم دلوقت اننا نكون جامدين وقتها ليلي هيكون عندها اراده تعيش
ايمان: انا دايما بقولها تبقي قويه , ومتفقدش الامل وان شاء الله لما تستجيب وتخضع للعلاج هترجع بصحه كويسه , وتقدر تمشي تاني
الخادمه دخلت بفزع: الحقوا ست ليلي
شاهيناز :مالها بنتي
الخادمه :مش قادره تاخد انفاسها
شاهيناز قامت تجري عليها ومسكت ايدها : ليلي فتحي عينك
ايمان: امير
امير :نعم
ايمان :ناخدها المستشفي حالا شكل حالتها بتسوء
شاهيناز: ليلي لا يمكن تسبيني وتمشي , انتي لسه شابه صغيره , ارجوكي متسبنيش وتوجعي قلبي عليكي يا بنتي افتحي عينك يونس بنتنا
يونس ببكاء يدمي القلب : ليلي لا يمكن تسبينا
شاهيناز ماسكه ايد ليلي بنهيار هستيري: لا بنتي لا يمكن تموت وتسبني لاء يارب حطني مكانها ليلي
ليلي بصوت طالع بالعافيه نطقت : ايمان
ايمان قربت عليها : عايزه ايه قولي
ليلي وشوشت ايمان بكلام في ودنها وايمان نزلت دموعها وقالت لها قولي الشهاده واغلقت صفحه ليلي للابد
.............قصص منه محمد كاتب..............
قاعده في الفراندا تطمن ع عايلتها في القريه لحد ما قرب عليها ومعاه صنيه
امير: اتفضلي الشاي
ايمان بصتله وابتسمت: بجد انت الي عملته بنفسك
امير قعد جنبها: طبعا هو انا صغير
ايمان تبتسم اكتر: لا انت كبير وبشكرك عليه , وبشكرك تاني انك دخلتني في حياتك , وانا حقيقي سعيده معاك جدا جدا حياتي كدا اكتملت بوجود اطفالي قره عيني , وانت مالك قلبي
امير :انا كمان مبسوط معاكي جدا , وبشكرك انك دخلتي حياتي وبقيتي مراتي , وبشكرك ع هديتك الغاليه انك خلفت لي اولاد حلوين , وبحبك كتير كتير وانتي مالكه قلبي وكياني
ايمان :يارب الحب يربطنا جامد وميقلش لـ اخر العمر
امير : نفسي بجد السعاده تكون من بختنا ونصينا للابد قولي ان شاء لله
ايمان : ان شاء الله
امير :طيب ايه مش يله ننام ولا قاعده ومطوله
ايمان: لا قايمه معاك بس اصبر اشرب الشاي
بالفعل شويه وقاموا ناموا بعمق لحد ما ايمان لقت امير داخل عليها زي البركان وبيزعق
امير :هو انتي هتفضلي نايمه انا بخرج للشغل عشان اجيب القرش , وانتي مريحه في البيت
ايمان فتحت عينها بصدمه: فيه ايه يا امير
امير قلع حزام البنطلون ورفعه عليها: امير ايه وزفت ايه , نايمه ولا ع بالك اي حاجه
ايمان قامت بسرعه من مكانها وبتجري من خوفها منه برعب
امير جري وراها ومسكها من قميصها وسحبها للجدارولزقها فيه : تعالي انتي رايحه فين
ايمان نبره كلها رجاء: امير اياك تضربني
امير نزل عليها بالحزام لدرجه حست انه جسمها اتجلد
ايمان بصراخ: ابوس ايدك الحزام بيوجعني
امير ضربها بقسوه: انا لسه عملت حاجه
ايمان فتحت عينها وشهقت بصوت عالي جدا
امير قام اتعدل: حبي مالك
ايمان: استغفر الله حلمت حلم
اميرقال بصوت مهتم: اي حلم وليه متأثره كده , في ايه في الحلم قلب حالك بالشكل ده وبعدين ده مجرد حلم انسي متفكريش كتير والا هتتعبي يله ارجعي نامي
ايمان :لا نام انت هقوم اصلي ركعتين واحضر الفطار, ده الي بيحصلي لما بنام بعد صلاه الفجر ينتهي الحال احلم حلم سخيف مره تانيه
امير سحبها بقوه و قعدها على السرير وهمس:حبي ايه الداعي تقومي مش اليوم اجازتي ونادر لما باخد فرصه انام معاكي يوم طويل ومش بنصحا الا بعد الدهر وتهتمي بالعيال وانا بكون روحت الشغل ده اليوم الوحيد الي بناخد فيه فرصتن فيها ها هتفضلي معايا مش انتي بتحبيني
ايمان مسكت دقنه: لاني بحبك لازم اقوم احضرلك الفطار مش بيقوله اقرب طريق للراجل معدته , ولو ماكلتش معدتك هتتعب بس ايه رايك لو بعد الغداء خرجنا
امير بحنان جذاب ورومانسيه قال: موافق بس لوحدنا من غير العيال انا عايز ابقي معاكي براحتي احضنك ابوسك
ايمان معنديش مانع احضنك جامد بس البوسه ناجلها لبعدين لما تقوم تاخد شور وتغسل اسنانك
امير ابتسم على كلامها لانها خبيرة في تغيير المزاج: هو انا هبوسك بسناني تعالي
ايمان : لا مش مش قبل ما تغسل اسنانك الاول
يامن فتح الباب وطلع بسرعه ينط ع المرتبه السوست: بابا يله نطلع نجري
امير مسكه: متنطش اقعد جنبي
ايمان حطت ايدها في وسطها: يامن يا ابن امير كام مره قلت لك قبل ما تدخل اي اوضه تخبط ع الباب
يامن نزل وشه لتحت: اسف
ايمان :وايه كمان
يامن :اقول السلام عليكم
ايمان قعدت جنبه:فين سلامك مش سمعاه
يامن: السلام عليكم ماما بابا
ايمان وامير ردوا عليه السلام وهو تابع: بابا يله نجري
امير سحب اللحاف عليه: انا مرهق وتعبان ,ونفسي انام كتير
يامن كشر ومد البوز:خلاص هتصل بجدي يجي يجري معايا
امير :ايه ده انت كشرت عامل زي امك لما تضرب لي البوز شبرين
ايمان: مفيش فايده من ضربه البوز انت بتخلق حجه عشان تخرج مع جدك صح ,اكيد عايز لعبه جديده
يامن :يا ماما جدي هو الي اصر وجدتي يجبولي اللعاب
امير: وانا مصدقك اتصل بجدك ياخدك
يامن بسعاده : بجد
امير: بجد
يامن ضمه: بحبك اوي يا بابا
امير :وانا بحبك
يامن ضمها :بحبك يا ماما( طلع يجري)
ايمان :امير انت دلعت يامن ده كتير , مش واخد يالك انه كل يوم بيزيد شقاوه عن اخوه ياسين
امير : ياحبيتي سبيه في حاله ده لسه طفل نرجع للبوسه
ايمان :ياربي مفيش فايده
اميره خبطت ودخلت : بابا قوم اتاخرت ع درس الموسيقي , ماما فين فطاري
ايمان :رايحه اعمله غسلتي اسنانك
اميره :ايوه
ايمان بصتله :وانت ارجع نام
امير نط من السرير ووقف ع الارض: لاء لو هوصل اميرة مش هيبقي عندي الجرأه انام واطنشها لو اتعصبت وداني هتعاني يله اتاخرت بحبك يا اجمل شئ في حياتي
..........................قصص منه محمد كاتب.....................
علي السفره
امير دخل: حضرتي الفطار
ايمان: اه يله ناكل , معلش اميره طلعتك ع معده فاضيه
امير :والله ميت من الجوع , بس انتي عارفه اميره عصبيه بتخاف موت تتاخر ع الدرس
ايمان : هي كده مش بتحب تتاخر ابد , سواء كانت رايحه لدرس ولا مدرسه ,بنت امير بتحب تكون مثاليه
امير ابتسم: زي ابوها بالظبط
ايمان : خد عملت لك فول بالبسطرمه
امير :اه بالحق كنت عايز اسالك عن الحلم , حلمتي بايه خلاكي خايفه كده , ووشك اخضر واصفر , حلمتي بالعفاريت
ايمان في بالها لما افتكرت حلمها امس......... ليه رجعت الماساه البشعه تظهر بعد 8 سنين
امير حرك ايده قدامها : انتي سرحتي مني , انا بسالك حلمتي بالعفاريت
ايمان : بجد عايز تعرف حلمت بيه
امير مبتسم: تقريبا عرفت اكيد حلمتي اني اتجوزت عليكي واحده تانيه
ايمان : ياسلام
امير: انا بهزر
ايمان: فعلا حلمت انك اتجوزت عليا مش وسيم وعندك بنات معجبين كتير
امير: روقي انا بهزر ليه هتقلبيها , حبي حتي لو حلمتي اني اتجوزت واحده تانيه, ليه وشك كان خايف هو انا ظهرت عفريت
ايمان: انا شوفت عفاريت كتير الطويل , والقصير ,الطخين , والرفيع
امير : ده انتي فعلا غضبانه في ايه انا بهزر
ايمان قفلت ملامحها بضيق: معرفش كان كابوس
امير : تمام اتكلمي في موضوع تاني
ايمان بمرح: انا بحبك
امير : وانا بموت فيكي, اعملي حسابك اليوم المساء هاخدك انتي والاولاد نخرج في اي مكان ها موافقه
ايمان :موافقه
امير :جميل
...............قصص منه محمد كاتب..............
في المول الاولاد اصروا يشتروا اللعاب جديده وايمان كالعاده بتعترض ان ده حرام وتبزير لكن امير بينفذ كل طلباتهم واخدهم للمحل لما موبيلها رن
ايمان وقفت ع جنب ترد: اكيد انتي فاضيه عشان تتصلي بيا مرتين في اليوم
حنين ضحكت: لا مش فاضيه يا ست ايمان , بس نسيت ابلغلك ان اكرم شاف ممدوح من يومين
ايمان: ايه ممدوح
حنين :اه قابله بالصدفه , وبيقول ان ممدوح بقي بيتاجر في الدهب
ايمان: ايه بيتاجر في الدهب بجد يا حنين , وده خرج امتي من السجن ,وجاب فلوس بالسرعه دي منين
حنين :مش متاكده اصل صعب اصدق الكلام ده , واحد فشار اكيد بيالف قصه زي عادته
ايمان :مش مهم لو فعلا عنده فلوس كتير ربنا يباركله لو كانت من الحلال
حنين :بس سال عنك وعن امير لكن اكرم رفض يتكلم كتير
ايمان بقلق في نبره صوتها:طيب
حنين :نبره صوتك اتغيرت فجاه انتي خايفه
ايمان: لا ليه اخاف, انا اصلا مش هقابله وبعدين كل واحد مننا بيغلط المهم انه يندم ويتوب ويبدا حياه نضيفه , ع كلا هو كان في يوم من الايام صاحب لـ امير
حنين : اه لكن من ايام الجامعه كان دايما حقير وضيع, يمكن السجن رباه وغيره وحاله اتحسن ايمي انا لازم اقفل خدي بالك ع نفسك سلام
ايمان :سلام وبلغي سلامي لـ اكرم
حنين :يوصل باي
ايمان : باي
ممدوح كان مراقب تحركاتهم من بعيد وقال بحقد وغضب .......مش هسيبك تلفت يا امير وزي ما حياتي ادمرت بسسبك هدمر حياتك بعدين ....وانتي يا ايمان لانك كنتي سبب ادخل السجن
..............قصص منه محمد كاتب.............
فايز : سرحان في ايه يا ممدوح , واضح عندك مشكله
ممدوح :معنديش مشكله يا فايز , انا مش بحب افكر في المشاكل , وبالنسبه لي معنديش مشكله مقدرش احلها طالما معايا فلوس
فايز وهو بيسحب كرسي ويقعد: كلامك مظبوط الفلوس مهمه ,بس كمان مش كل حاجه
ممدوح دفع جسمه لقدام: مين قال , مش انا فتحت محل دهب بالفلوس والاكل والشرب واللبس ضررويات الحياه كل ده محتاج فلوس , قولي من غيرها هتعيش ازاي
فايز :ايوه بس راي منبقاش عبيد للمال
ممدوح :انا افضل ابقي عبيد المال احسن الف مره ما اكون عبيد لشخص تاني ,ع الاقل هقدر اشتري كل الي نفسي فيه , لكن لو مش معايا فلوس هفضل ذليل وعبد لـ اي حد وهعيش في ذل واهانه وتهزيق واخسر كل حاجه زي ما خسرت
فايز :اصبر يا ممدوح وانا عارف وفاهم بس متخليش الغضب الي جواك يسيطر ع نفسك , انت لسه جواك ضغينه
ممدوح بحقد :طبعا جوايا وعمرها ما هتتمحي عارف ليه , لان امير اتمادي معايا كتير متهاونش مع اخوك الصغير ,ورماني في السجن , مفكرها سهله لما ضيع مستقبلي مستحيل انساه الي عمله فيا لحد ما امـ وت , ومش هسببه لا هو ولا مراته ابدا
فايز : كفايه انسي الي فات
ممدوح بحده شديده:عايزني انسي كل ده يبقي وفر كلامك لنفسك , ولا بعد مليون سنه
.............قصص منه محمد كاتب...........
في المطبخ تلفونها رن برقمه
ايمان: الو
امير: الحلوه بتعمل ايه
ايمان:هعمل ايه غير واقفه في المطبخ , عيالك زمانهم راجعين من المدرسه بعد شويه , و عارف ابنك يامن بمجرد ما يرجع البيت لو عرف اني مخلصتش بيعمل اظن عارف بيعمل ايه
امير ابتسم :عارف يتصل بيا ويشتكي ويحكيلي قصته الحزينه, لحد ما تخلصي الاكل وانا اتعطل عن شغلي وانا بسمع حكايته
ايمان :كويس انك حافظ
امير :حبي مش عايز اعطلك استمري, اه انا مش راجع البيت ع الغداء عندي مشوار مهم هقابل عميل هناقش مشروع استثماري والعرض بجد مغري
ايمان: ايه نوع الاستثمار الي داخل عليه ,ومن امتي بتشتغل خارج اطار اللانشاء والمباني
امير :حبي لازم اتحرك اشوفك الليله سلام
ايمان :سلام
................قصص منه محمد كاتب.............
يوم جديد
ايمان : يله ياولاد عشان ناكل
امير :حبي هاكل لقمه صغيره وبعدها خارج , عندي حاجه مهمه اعملها
ايمان : الاول فهمني ايه نوع الاستثمار الي ناوي عليه , وليه رافض تتكلم فيه الاول مع ولادك عشان يعني هيكلف فلوس كتير
امير :وليه اتكلم معاه في الموضوع هو انا مش من حقي اعمل استثمار بفلوسي الخاصه , ممكن متقلقيش مش هدمر الشركه انا عايز احسن كل حاجه , غير كدا بابا وماما مسافرين المانيا ,بابا عنده شغله متقلقيش انا قعدت مع الناس وسمعت وجمعت معلومات حوالين استثمار الدهب وفهمت كل حاجه لكن ماخدتش القرار
ايمان: بس انا شايف الاحسن
امير قطعها :حبي انا فعلا متاخر والادولاد مستنينا ع الغداء يله بينا
ايمان : بس انا شايفه تاخد راي والدك الاول
امير بضيق: ممكن متدخليش في امور شغلي , انا عارف بعمل ايه, انتي خليكي في البيت ورعايه الاولاد مفيش لزوم خالص تقلقي بخصوصي, ويله بينا الاولاد مستننا استعجلي
ايمان رفعت عيونها لفوق ودعت: يارب احفظ عايلتي من شر الناس ونفوسهم المريضه
...................
فتحت الباب ودخلت لقته بيلبس هدومه قدام المرايا
ايمان بتعجب: انت رايح فين يوم الجمعه , مش ده يوم راحتك
امير وهو بيمشط شعره : عندي معاد مهم هنتكلم فيه عن الاستثمار الجديد
ايمان: امير انت متاكد انك عايز تنضم
امير: ايوه
ايمان : بقولك ليه متجيش معانا الليله بيت والدك
امير: عشان عايزني اتكلم معاه عن اللاستثمار
ايمان :مش يمكن هو يفيدك اكتر
امير كشر: مش واثقه فيا زي بالظبط
ايمان : لا خلاص براحتك انا هروح انا ولاولاد ع العصر سوق ع مهلك
ايمان بالغعل اخدت الاود وطلعت ع بيت اهل امير ودخلت قعدت بعد السلامات والترحاب
صابرين :العيال كانوا وحشني بشكل
عادل :وجبنالهم معانا اللعاب كتير
ايمان: اه عشان كدا من الصبح نازلين زن عرفت السبب
صابرين : جدهم كان عايز يجيلهم الدنيا هو هيصرف فلوسه فين لو مش ع احفاده
عادل: انا برضو , ده هي الي كانت عايزه تشتري المحل كله
رحمه : الكيكه يله تعالوا كلوا
الاطفال فرحوا وهيصوا بصوت صاخب جدا
ايمان ضحكت: الي يشوفهم يقول عمرهم ما اكلوا كيكه ,وانتي ياداده هتشوفي كل مره هيجوا فيها هيطلبوها
رحمه :مش مهم انا عندي استعداد اعملها لهم طول العمر ,سبيهم ياكلوا وينبسطوا ،دول وحشوني بشكل
صابرين :يله قطعيها يا رحمه
رحمه :عادل بيه تاخد حته
عادل: اه هاتي بس ادي الاولاد الاول , وبعد كدا انا , ايمان هو امير مجاش معاكم ليه
ايمان: امير مشغول في شغله الخاص
عادل بستفسار: اي شغل , وليه انا معرفش , رغم ع درايه بكل اعمال شركتي
ايمان: الافضل تسأله خايفه اقول حاجه غلط ويزعل
صابرين: وانا راي بلاش تتدخلي هيجيلك صداع بعدين
عادل: ده بدل ما تنصحيه انتي ومراته , اظن عرفاه بياخد قرارت متهوره , ومش بيحب يناقش الامر وع طول بيفترض الاسوء في الناس
صابرين: قوله الكلام ده بنفسك ،لو احنا قولناه يمكن يعاند اكتر
عادل: هو ايه الغلط لو الزوجه والام قدموا النصيحه ,مش كلامكم هيبقي له تأثير اكتر
صابرين: اه ده لو ابنك هيقبله هو مش بيقبل كلام حد ,ولا نسيت لما كنت انت وهو تفضلوا تتخانقوا بخصوص الشركه احنا بقي مش عايز نتخانق ,عايزين نريح دماغنا ,ونعيش في سلام صح يا ايمان
ايمان: صح يا ماما
..............قصص منه محمد كاتب..............
ايمان طلعت وراه: امير انت فعلا ناوي تدخل في الاستثمار ده
امير: مفيش داعي للقلق يا ايمان , هتشوفي هفرقك بالالماس والدهب بعدين
ايمان: انا مش عايزه كل ده عايزك تتريث ومتخدش خطوه غلط
امير كشر: ليه بتتكلمي معايا كده ,اكيد قعدتي مع ماما وبابا ,وامبارح طلبوا منكم تقوليلي كده
ايمان: لا بس تمام مش عايزني اتكلم انا اسفه
امير بصلها وراح يحرك العربيه
ايمان: امير
امير: نعم
ايمان:هو انت مش فاكر اليوم هو اي يوم
امير: ايمان انا فعلا متأخر عندي اجتماع بره , ابعدي عشان هرجع بالعربيه
ايمان لنفسها: خلاص هفاجئه هينسط اكتر
دخلت اخدت شنطه اليد وطلعت رايحه تشتري تورته لقت موبيلها بيرن وكانت حنين بتفكرها بذكري جوزاهم
ايمان: شكرا يا حنين انك فاكره اليوم التاريخي
حنين :معقول اقدر انسي اليوم الي اتحولت فيه حياتك لعذاب , لكن نحمد الله حياتك اسعد دلوقت
ايمان :الحمد لله انا مبسوطه فيها
حنين :ها جهزتي مفاجاه له
ايمان: ايوه جهزت بس هو هيرجع المكتب اليوم متأخر
حنين: مش الاول بتروحي تجيبي العيال من المدرسه
ايمان: ايوه التؤام ع الدهر , اما اميره عندها درس موسيقي
حنين: لما نشوفها هتطلع بيكاسو المهم اكرم باعت سلامه لـ امير
ايمان : عيوني هبلغه , وانتي بلغي سلامه له
حنين :استني مشفتيش حاتم , سمعتي الي حصل لمراته
ايمان بتأثر: اه سمعت بابا قالي
............قصص منه محمد كاتب....................
دخلت الشركه وراحت تخبط ع باب المكتب مفيش رد
سوزي: اهلا يا مدام ايمان
ايمان لفت وبصتلها بأبتسامه: اهلا يا انسه سوزي ,مشفتكيش بقالي كتير
سوزي وهي بتضمها: : والله وحشتيني
ايمان: وانتي اكتر ,ومبروك ع الجواز واسفه مقدرش احضر
سوزي: ياه فات ست شهور , لسه مستر امير مجاش , كان عنده اجتماع بره اليوم الصبح
ايمان: اه ماهو مبلغني
سوزي بصت في الساعه: ع العموم هو زمانه ع وصول , لان عنده بعد نص ساعه اجتماع مع مجلس الاداره
ايمان: بجد
سوزي: اه
ايمان: تمام هستناه بره
سوزي: تمام
حاتم بندهاش: معقول دي ايمان
ايمان ضحكت: حاتم
حاتم: بقالنا كتير مشفناش بعض
ايمان: فعلا
سوزي: هسيب مستر حاتم يسلم ع مراه رئيس الشركه وهتعذر لازم اجهز غرفه الاجتماع باي
حاتم: باي
ايمان: عامل ايه
حاتم بمرح : كالعاده بس لسه وسيم زي الاول صح
ايمان: ياسلام , وروز صحتها عامله ايه دلوقت
حاتم بألم وحزن: زي ماهي بتتردد ع المستشفي, والدكتور قال الورم بيكبر بشكل كبير والضغط لسه عالي عشان كدا صعب تعمل عمليه
ايمان: ربنا يشفيها
حاتم: بس انا مستعد , وتقبلت الوضع لازم افضل جنبها وارفع معنوياتها
ايمان: ده ابتلاء شديد ليك وليها , وان شاء الله يقويكم عليه , وانا هرتب يوم وازورها
حاتم: وانا هقدر ده , هي فعلا محتاجه لحد يدعمها وانا ساعات بنشغل بامور شغل , وامور تانيه بس الي معاكي دي تورته
ايمان: اه وليك
حاتم بسعاده:بجد
ايمان :عايز تشوفها
حاتم بحماس: طبعا عايز اشوفها
ايمان وهي داخله في اتجاه المطبخ: انت صدقت بصراحه التورته دي مش ليك , دي لجوزي حبيبي بذكري جوازنا التامن
دخل عليهم وملامحه كلها ضيق وقهر وغضب مجنون كأن حد اعتدى على ممتلكاته ولو العيون تقتل كانت ايمان غرقانه في بركه من الدم وبتلفظ أنفاسها الاخيره من سهام عيون امير عليها
حاتم بصله مبتسم : امير تعرف انت راجل محظوظ جدا
ايمان :امير اليوم ده ايه
امير :اليوم الاتنين
ايمان: اليوم ذكري جوازنا الثامن
امير : بجد سوري نسيت
حاتم: والله انت ربنا بيحبك عندك زوجه , فاكره تاريخ جوازكم ,دي اشترت تورته تفاجئك بيها تمام يا ايمان همشي دلوقت, امير اشوفك في الاجتماع ذكري سعيده
امير بصلها شويه وسابها ودخل المكتب بسرعة مجنونة وهي داخله وراه ومعاها طبق فيه قطعه تورته
ايمان قعدت جنبه :كل ذكري واحنا مع بعض, ويارب يستمر جوازنا ويبقي مليان بالحب
امير نفخ بضيق واتغيرت معالم وشه واشتعلت عيونه بغضب مجنون
ايمان : عارفه انك مشغول عشان كدا طبيت عليك بمفاجأه , عشان بقيت ترجع البيت متاخر كتير الفتره الاخيره
امير نظراته لقدام: اوعدك ارجع البيت بدري الليله , ونحتفل مع الاولاد في المكان الي يختاروه
ايمان مدت له الشوكه:طيب يله كول
امير حرك دماغه برفض وقال بضيق: مش عايز
ايمان : تمام همشي دلوقت لان عندك اجتماع كمان شويه
امير: بصراحه انا مش حابب تيجي هنا كدا فجأه , لو عايزه تيجي ابعت لي رساله ,او اتصلي بيا الاول
ايمان :حبيت افاجئك ليه اتصل عشان اعملك مفاجاه
امير :وعايزه تفاجئي حاتم كمان
ايمان وهي مصدومة من أفكاره وكلامه: انت تقصد ايه
امير قال بنرفزه وغضب يحاول يكبته : قلت لك مش بحب كدا , انا بغير فارجوكي حاولي تفهمي شويه ممكن , متخلنيش افقد اعصابي
ايمان قامت من مكانها وراحت ناحيه الباب تمتص غضبه:أنا اسفه لو ضايقتك همشي
امير :كل ما قلت حاجه تجادلي , او تردي عليا , مش حاسه بغضبي من وقت طويل