رواية ضحية فرعون الفصل السابع والثلاثون 37 بقلم منه محمد
دخلت المكان تدور عليها لحد ما لقتها قالت : ايمان
ايمان : ماما
صابرين فتحت دراعتها: اه امك يا ايمان
ايمان جريت رمت نفسها في حضنها بشتياق جارف
صابرين خرجتها وقالت: ليه مجتيش تعيشي معانا هساعدك في تربيه الاولاد , مخطرش ع بالي ابني يعمل فيكي كده سود وشي قدامك, انا حاسه بالعار والله مكسوفه منك
ايمان: ماما انا كويسه , قادره اتعامل مع كل ده لوحدي
صابرين سالت دموعها: لو مكنتش اترجيتيك ترجعي له زمان مش هتضطري تعيشي كل الوجع ده بس هو ندم واترجاني اقنعك فكرته هيحطك في حبابه عيونه لكن شوفي وضعك سامحيني يا بنتي انا اسفه
ايمان ماما انتي ملكيش ذنب في حاجه , انا مش بلومك , انا رضيت بامري انا كويسه دلوقت وحاليا بشتغل مع حنين وهبدء حياه جديده مع ولادي
صابرين : ربنا يوفقك بس ليه متجيش تعيشي معانا
ايمان : ماما المسأله مش اني مش عايزه ابقي معاكي, اتمني تفهميني عايزه اكون مستقله عايزه ابدأ حياتي الخاصه ,مبقتش اتحمل المذله والاهانات والنقد بعد كده , ارجوكي اديني فرصه القي سعادتي بنفسي ومتزعليش يا ماما ومتاخديش الامر ع محمل شخصي
صابرين: زي ما تحبي يا بنتي , انا واقفه معاكي وفي دهرك انتي مش بتكرهيني صح
ايمان: لا خالص مفيش سبب يخليني اكرهك انا بحبك اوي انتي امي في الدنيا والاخره
صابرين: وانا كمان بحبك اوي خلي بالك ع نفسك لو قابلتك مشكله بلغيني امير محتاج يتربي من جديد ايمان عطفي هيفضل عليكي دايما افتكري ده
..............قصص منه محمد كاتب..............
في المكتب قاعده بتلف خصل من شعرها ع اصبعها وافتكرت لما حاتم جه سلم ع حسام وقالت لـ نفسها((حاتم مهران ده نفس الشاب الي كان مع ايمان في المول اليوم اياه..... ايمان طلعت مش سهله ...فعلا واحده ماديه
امير دخل ومعاه ملف: هاي اسف اتاخرت شويه لسه مخلص الاجتماع حالا ولازم اقابل عميل مهم ,,هيديني من وقته ساعه قبل ما يسافر فرنسا
جيجي قامت قربت منه وقالت: ليه الاستعجال مش بحب كده , امير هروح معاك وممكن نتغداه سوي
امير بصلها جامد وقالها : مش المفروض تروحي تجيبي الاولاد من المدرسه
جيجي بلمت: انا سوري نسيت
امير: اتفاقنا كالتالي انتي تاخدي الاولاد وبعد ما اخلص مع العميل نتقابل ونتغداه سوي , هتضايقي لو الغداء اتاخر شويه
جيجي : لا عادي وايه عن ساره طردتها
امير : لا لسه شويه لو طردتها مين هيهتم بوجبات الاولاد, انتي عايزه تهتمي بيهم في كل حاجه
جيجي: لا مش دلوقت ,لو كنا متجوزين كان الموضوع اختلف , احنا حاليا كل واحد عايش في ناحيه
امير ابتسم : واضح انك مستعجله
جيجي قربت جسمها منه اوي: انا المستعجله ولا انت
فاتن فتحت الباب : مستر امير
امير بعد عنها بأحراج وقال بتوتر: نعم
فاتن : اجتماع اليوم اتلغي لان العميل عنده اجتماع مهم لازم يحضره
امير بضيق: تمام شكرا
جيجي راحت قعدت ع الكنبه الجلد الاسود وحطت رجل ع رجل
امير بصلها: كام الساعه مش المفروض تتحركي للاولاد
جيجي قامت من مكانها وخطفت الشنطه وراحت اتجاه الباب: تمام باي
..................قصص منه محمد كاتب............
قدام المدرسه ركنت العربيه وقالت بحقد يعني دلوقت هبقي السواقه بتاعه الي خلفتهم تمام اصبري لما اتجوز ابوهم متتوقعيش مني اهتم بولادك المشاغبين
يامن طلع بسؤال لياسين : هي دي ماما
ياسين كشر بضيق: لا دي جيجي
يامن: انا مش بحبها , انا عايز ماما
ياسين : مش ماما في القريه
يامن: لما مش هنا ليه بابا مجاش ياخدنا ,,انا مش بحب جيجي, عنيـ فه ودايما تشتمنا
ياسين: انا كمان مش بحبها , وبابا بيقول انه بيشتغل مش هيقدر ياخدنا
جيجي لمحتهم وقالت بحقد ..........هما الحمير دول واقفين عندهم ليه
جيجي نزلت من العربيه وصرخت : يله استعجلوا وادخلوا , مفكرين موريش شغل تاني اعمله , هو انا خدمتكم مايله قربوا
يامن وياسين من الخوف من هيئتها جريوا راحوا ناحيه العربيه وهيركبوا وري
جيجي بحده: استنوا مفكرني سواقه عندكم ,,عايزين تقعدوا وري واحد فيكم يقعد قدام , مفكرين ابوكم دافع لي مرتب عشان اسوق بيكم , مفكرين نفسكم ولاد واحد غني اعرفوا قيمتكم ,بسرعه واحد فيكم يقد قدام عايزني اشد ودنكم عشان تسمعوا
يامن : ياسين اقعد انت وري , وسبني انا اقعد قدام
جيجي صرخت بعصبيه: خلصوني فالحين تصعبوا الامور , حاجه قرف
................قصص منه محمد كاتب.................
في العربيه ماشيه ع الطريق بسرعه جنونيه
يامن بصلها وهو ماسك جامد في الباب : ليه بتسوقي بسرعه ,كده ماما مكنتش بتسوق بسرعه قدام المدرسه , ولو بابا ساق بسرعه ماما بتتعصب عليه , مش كدا ياياسين
ياسين: ايوه
جيجي بصراخ : بس اخرسوا , اخرسوا امكم دي ست غبيه عشان كدا ابوكم مش بيحبها بيحبني انا , وعايز يتجوزني
يامن : مش بابا متجوز ماما ليه عايز يتجوزك انتي
جيجي تأفأفت: فين اختك الي بتتصرف كانها نجمه, مخرجتش كل ده مش عارفه ان حد هيجي تقف بره انتم مزعجين , ودايما تعيطوا كتكم القرف
الاولاد بصلها ودموعهم مليانه في بؤبؤ عيونهم
جيجي بشخط: بتبصوا ع ايه , اياك تنطقوا اسم امكم بعد كده,, ابوكم خلاص مبقاش يحبها , وهكون انا امكم الجديده فاهمين, ابوكم طردها خلاص راحت في داهيه
يامن بدموع نزلت جري ع خده: انتي كدابه بابا بيحب ماما
جيجي شدت ودنه بقسوه: انت عيل صغير بس وقح
ياسين هجم ع ايدها يبعدها عن اخوه : سبيه كفايه
يامن بكاء: حرام عليكي ودني هتخلع
جيجي شدت اكتر: عارفه انها بتوجعك يمكن لو اتاملت تتلم
ياسين بيحاول يبعد ايدها عن يامن: خلاص كفايه
جيجي: لو رديت تاني عليا هشد ودنك اكتر من كده سامع
ياسين ببكاء هستيري: كفايه
جيجي صرخت في وشه, اخرس بطل عياط , ده بيعصبني ليه حبيت ابوكم الي عنده كوم عيال كل همهم يصعبوا الامور, لازم اكسب قلبه واتعامل مع سلوك ولاده المجانين, كان المفروض اخرج مع صحابي بس انتهي بيا الحال ابقي خدامتكم يارب ماحد يعرفني يشوفني هنا , امر محرج جدا
اميره طلعت وشافاتها قربت ونفخت وفتحت الباب واغلقته بعنف
جيجي زعقت فيها: انتي بتهبدي الباب ليه يا وقحه , مفكره انا سواقه عند ابوكي
اميره بصتلها بنظرات من فوق لتحت وهي مبوزه جدا
جيجي بحقد: بتبصيلي من فوق لتحت , انا فعلا مش بطيق ابص لـ اي حد فيكم ( بصت ليامن) خاصه انت يا سوسه لما ابوك بيكون موجود تتصرف بكل شقاوه ــ خبطت دماغه جامد ف الشباك
يامن صرخ : دماغي
اميره طبطبت عليه بحنان: معلش يا يامن, جيجي ليه ضربتي اخويا في الشباك كان عملك ايه, انتي فعلا قاسيه ولما ارجع هقول لبابا يامن متعيطش لو بابا عرف انها ضربتك هيهزقها اكيد
جيجي ابتسمت : عايزه تعرفي ابوكي تمام ( فتحت مطواه) شايفه دي هقطع لسانك ومتقدريش تتكلمي , ولا عايزه تشوفي بخلص ع اخوكي الصغير
يامن جسمه اترعش بخوف: لاء
اميره والخوف متملك صوتها:جيجي لا
جيجي صرخت بنهيار : اخرسوا اخرسوا
اميره تحاول تبعدها عنه: يامن مريض اياك تعملي كده ,,خلاص مش هقول لبابا , كفايه يا جيجي كفايه
يامن بيشهق من بين دموعه: اميره انا مش قادر اتنفس, ماما انتي فين
جيجي بسخريه: انت هايل في التمثيل ابوك بيقول انك بتمثل حلو , اسكتوا
اميره : يامن متعيطش لما نوصل البيت هطلب من داده تديك العلاج ودلوقت خد نفس براحه
جيجي بتريقه: اه اتنفس يكش يبقي النفس الاخير
اميره نزلت تجري من العربيه لما وقفت قدام البيت وقالت بصوت عالي: داده ساره ساعدينا يا داده , وهاتي الدواء ليامن
ساره طالعه بتجري مفزوعه: في ايه
اميره: يامن تعبان
ساره رفعته ع ايدها وقالت بعجاله: يله تعالوا بسرعه
جيجي تلفونها رن برقمه وقفت وردت: الو يا حبيبي ليه متصل ايه وحشتك
امير :لما الامر يتعلق بيكي بشتاق لك كل يوم ها طمنيني ايه اخبارك اول يوم مع الاولاد كانوا هادين ولا مشاغبين
جيجي : كالعاده كل الاطفال بيميلوا يعملوا شقاوه خاصه يامن مش ممكن يقعد هادي عايز يستكشف كل حاجه وبعدها زعقلي لاني سوقت عربيه امه
امير بغيظ: الواد ده محتاج يتعلم درس
جيجي تصنعت الحنيه : لا عادي انا متفهمه مع اولاد زي دول علينا نتعامل بعلم النفس متقلقش هعمل كل جهدي عشانهم
امير بتنهيده: بحس بالراحه لكلامك ده ياجيجي , حاسس اني محظوظ لاني هاخد زوجه هايله زيك , اما بخصوص يامن هعاقبه بعدين هو عيل مشاغب شويه كل ده بسبب امه الي معرفتش تادبه عشان كدا بيتصرف بعناد
جيجي: فعلا وانا معنديش مانع لو سيبتهم لي, انا هتصرف معاهم
امير: تمام بس لو عصبوكي اتعاملي , بس متمديش ايدك عليهم
جيجي بزيف: لا انا مستحيل امد ايدي عليهم , انا بحبهم , اقفل عشان الحق اغدي ولادك قصدي ولادنا , وارجوك ارجع كمل شغلك
امير : باي يا حبيبتي
............قصص منه محمد كاتب..............
في الفندق
ايمان بصتلها بعتاب : حنين طلبتي اكل كتير ,, مين هيقدر يخلص كل ده
حنين بضحكه: انتي هنا عشان تخلصي كل ده ,ايمان كلي كتير انا شيفاكي نحفتي خالص
ايمان :ليه فجاه جبتينا نتغداه هنا , قبل كدا كنتي دايما تاكلي في اي مطعم
حنين : حسيت برغبه اكل هنا , ابني طلباته كتير مش زي بنتك هي قنوعه زي امها
ايمان : ليه بتقولي كده ابنك هيزعل منك, بالنسبه لبنتي حتي لو عايزه تطلب كتير مين هيلبلها طلباتها , هي عارفه امها محلتهاش حاجه
حنين غيرت الموضوع: يله ناكل مش هتقعدي تتفرجي عايزه اكل ,, والعيل عايز ياكل عشان لما يتولد ينزل مقلبظ
ايمان: بصراحه مشتاقه اشوف ولادي عند المدرسه, انا كدبت عليهم وقلت انا في القريه امير طلب مني اكدب كدبه غبيه عليهم المفروض اعمل ايه يا حنين
حنين بصت في الساعه وقالت لها : ايمان انا لازم امشي عندي مشاور مهم كنت نسيته ولما نتقابل في الجيم نقعد ونتكلم بخصوص الاولاد هنشوف حل اوكيه
ايمان مبتسمه: ع طول ناسيه نفسك
حنين ابتسمتلها واخدت شنطتها وغادرت المكان وايمان قعدت تكمل وجبتها في نفس الوقت حاتم بيسلم ع عميل وبيلف لمحها قاعده تاكل راح عليها بكل هدوء
حاتم وقف قدامها :سلامو عليكم
ايمان رفعت دماغها وبصتله: وعليكم السلام
حاتم : هو انتي لوحدك
ايمان: لا حنين كانت هنا من شويه ونسيت حاجه مهمه , كان لازم تمشي وانا قعدت
حاتم بأبتسامه: حنين نسايه بشكل , بتنسي كل حاجه ع طول مش مرتبه والف حاجه في دماغها, لما بقابل اكرم نقعد نتكلم في نفس الامر , مره نسيت شنطتها في القطر , ومره نسيت ابنها انتي متخيله, دي حنين دايما معاها فقره
ايمان ضحكت خفيف: فعلا صاحب صحبتك ع عيبها
حاتم بستأذان: هو ممكن اقعد
ايمان: اكيد انت اكلت , ممكن تاكل حنين طلبت اكل كتير
حاتم: لا لسه متغدي مع عميل , وخلصنا كلام وكنت ماشي لمحتك بس هطلب عصير بعد شويه كملي اكلك انتي وبعدها نطلب عصير
ايمان هزت دماغها بهدوء وفضلت تقطع في الييتزا بايدها وتاكل
حاتم بينه وبين نفسه..... ازاي قدر امير يتخلي عن ست هايله زي دي
حاتم بسؤال: انتي كويسه
ايمان: اه كويسه
حاتم: واولادك عاملين ايه
ايمان: بخير
حاتم: ايمان معنديش اي نيه ادخل في مشاكلك العائليه , عايزك تعرفي بصرف النظر عن قرارك او وضعك هدعمك دايما وعارف انك جامده وصبوره لو احتاجتي اي حاجه بس بلغيني هساعدك بكل ما في استطعتي بعد ما حكي لي اكرم كل حاجه عجز لساني عن الكلام مكنتش اتخيل ابدا ان امير يتجرا يعمل فيكي كده راي انه اتجنن
ايمان بنظرة مكسورة: اكرم قالك ايه كمان
حاتم : اسف يا ايمان ليله الخطوبه شوفتك مع امير واتصلت باكرم ع طول وطلبت منه ومن حنين يرجعوكي , بس الامور مشت بشكل مختلف وطلبت منهم مش يقلولك اي حاجه بصراحه اكتر عمي عادل طلب مني اراقب امير وارقبك
ايمان : حاتم اولا شكرا ع اهتماك بيا , بس انا بخير , همشي عندي شغل
حاتم: ازاي هترجعي
ايمان: هاخد تاكسي من قدام الفندق
حاتم : لاء انا هوصلك وسبيني ادفع الحساب ارجوكي استني دقيقه بعدها نمشي سوي
ايمان :لا ممكن ارجع لوحدي متقلقش عليا , وحنين دفعت الحساب قبل ما تمشي همشي سلام
حاتم بينه وبين نفسه بقهر .......للدرجه عايزه تبعديني عنك ايمان ارجوكي متعمليش فيا كده
ايمان كانت ماشيه بسرعه عايزه تخرج باي طريقه من المكان لكن كانت هتقع
حاتم لحقها ومسكها من دراعها وقال : اتنبهي ليه مرتبكه انتي كويسه
في نفس اللحظه امير داخل مع جيجي شاف المنظر قدامه وحس انه برج من عقله طار
جيجي قربت عليه وهي مبتسمه: مش ده نفس الراجل الي كان مع ايمان في المول , انا مش غلطانه هو حاتم مهران
امير بصلها بستياء: وليه مبسوطه اوي كده , فيها ايه يعني لو حاتم مهران
جيجي : لا اصل انا اعرفه كويس , قابلته مره مع بابا وعجب بابا جدا قال انه راجل اعمال صغير في السن وناجح جدا , وايمان تلفت الاتنباه رغم في شهرها الاخير بس واضح انه معجب بيها , وواضح قريبين جدا اكيد لسه مخلصين غداه سوي حتي حاول يمسك دراعها واضح من نظراته انه معجب بيها
امير بنرفزه: ما كفايه لو عايزه تاكلي انجزي
جيجي راحت وراه وقعدت جنبه وتابعت سمها: لحظه واحده انا راي مراتك القديمه عملت لحاتم سحر اسود هو راجل اعمال ووسيم اكيد لايمكن تعجبه واحده زي دي فاهم الي اقصده مش لايقه براجل اعمال
امير قاطعها بعصبيه: ممكن توقفي كلام ,وبطلي تقوليه اسمه
جيجي: متفهمنيش غلط المسأله بس افتكرت حالا لما قدمني بابا له بصلي بلا مبالاه واتعامل كأني مش موجوده اطلاقا , واضح مغرور ومتكبر اوي عشان مفكر نفسه وسيم زباده لدرجه هعجب بيه
امير: وسيم جميل كل الي بسمعه منك مدح فيه , لو كان عجبك للدرجه روحي اتغازلي فيه مستنيه ايه
جيجي: حبيبي انا اسفه ارجوك متزعلش انا بس حبيت اوضحلك سلوك مراتك هي مستعده تجالس الرجاله رغم لسه ع ذمتك معقول مفيش دم تحافظ ع كرامتها
امير: ده الي مضايقني, الست دي معندهاش حياء
جيجي: تخيل لو حد شافها تاني مين هيحرج انت مش شخص عادي انت راجل اعمال ناجح ومعروف كويس انها سابتك وانك رفضت تشوف ولادها بيقوله ع الواحده الي زيها ناشز صح
امير: الي زيها ميستهلوش يكونوا امهات مثال سيئ للاولادي , الامر مختلف معاكي
جيجي: انتم الرجاله مسمحلوكم تعملوا الي يطلع في دماغكم , شايفين نفسكم مش بتغلطوا ابدا
امير بصلها نظره حاده وعضلات ايديه وصدرة بارزة بشكل يخوف وباين انها مشدودة شوي
جيجي: سوري انا قلت حاجه غلط مره تانيه
امير بملل: ممكن كفايه
............قصص منه محمد كاتب..............
وقفت العربيه وهو لف بسرعه ينزلها لقاها فتحت الباب ونزلت
حاتم بعتاب: ايمان مش قادره تصبري افتح لك الباب
ايمان مبتسمه: مش عايزه اتعبك , ممكن انزل لوحدي
حاتم : لا مش ممكن انتي في شهرك الاخير, من شويه كنتي هتقعي الحمد لله ان فيه بطل
ايمان ابتسمت : مش مستاهل لقب بطل
حاتم بعناد: لا بطل , بطلك انتي لوحدك , مش لحد غيرك
ايمان: الو انا لسه متجوزه متعاكسنيش
حاتم بصلها بعشق وداب في ابتسامتها الجميله وهي ارتبكت وقالت: شكرا انك وصلتني
حاتم : وانا يسعدني اشوفك بتضحكي كده زي ما كنتي في العربيه , فات وقت طويل مشفتش ابتسامتك , وافتكري حتي لو وقعني ولا وقفتي هفضل جنبك متخافيش ابدا من المستقبل
ايمان : هدخل عن اذنك
اكرم ركن عربيته ونزل وبصلهم وقال : اهلا انت هنا يا حاتم من امتي
حاتم صافحه مبتسم : لسه واصل من دقيقه تقريبا
اكرم: تمام تعال نقعد جوه
حاتم: لا ماتيجي نقعد في اي مكان ندردش
حنين خرجت: اهلا استاذ حاتم عندنا يامرحبا يا مرحبا مش تقولي يا اكرم
اكرم : والله انا داخل لقيته واقف هو وايمان
حاتم : كان عندي اجتماع وصدفت ايمان قلت اوصلها واسلم عليكم
حنين: تسلم ولا تدفع اشتراك الجيم يله ندخل
اكرم: لا تعالوا نروح مع حاتم نقعد في اي مكان ندردش
حاتم : تعالوا نروح بعربيتي
اكرم : تمام مفيش مشكله
ايمان: لا انا مش هقدر عندي شغل كتير, سوري مش هعرف اروح معاكم
حنين: ماتيجي
ايمان: لا انا اكلت وشربت متقلقيش
اكرم :تمام يله احنا بينا
حاتم: اه يله
............قصص منه محمد كاتب...............
قاعد ومشهد وهي مقربه من حاتم هيجننه وقال بغيظ... زمان مردتش لاني حسيت بالصداع اني اقولك استني مصيرك بكره هحول حياتك لجحيم اكتر من الي انتي فيه ده وعدي
اميره قعدت جنبه : بابا ماما راجعه امتي
يامن : ماما وحشتني
ياسين :وانا كمان
اميره برجاء: بابا ممكن تسافر ترجع ماما , عايزها توصلني وترجعني انا واخواتي من المدرسه
يامن: ايوه عايزها هي الي توديني وترجعني زي زمان
امير :مش امتع لو جيجي هي الي توديكم وتجيبكم
يامن : جيجي قاسيه بتفضل تهزقنا
ياسين: ايوه قاسيه وانا خايف
امير : ده بدل ما تحمدوا ربنا , لانها عايزه توصلكم لازم تشكروها , مش تشتكوا كتير عايزني اقولك روحوا وراجعوا مشي ع رجليكم , هل عايزين كده اسمعوا ده الي عندي , ومش عايز شكوي وبطلوا عند وتحدي واسمعه الي بقوله تعرفوا بتتكلموا كتير الايام دي عارفين الاسلوب ده اسلوب امكم
...........قصص منه محمد كاتب...................
في فيلا امير قاعده تفكر ازاي تنتقم من الاولاد وتخوفهم يحكوله عن واصله التعذيب المستمره
جيجي بسؤال: ايه عن الولد هو كويس
ساره : قصدك مين يا انسه جيجي
جيجي بنرفزه شديده : هو انتي غبيه ولا طرشه مين الي كنتي شيلاه وطالعه بيه من شويه هو كويس
ساره : اه عطيته جهاز النفس, ليامن كويس دلوقت
جيجي ضمت حواجبها: جهاز نفس تقصدي انه عنده الربو
ساره: ايوه
جيجي مسكت دماغها بستياء : انا حظي قليل ازاي واجب عليا اراعي طفل مريض انا متعصبه انا متوتره عمالين تبصولي ليه يله كلوا
ساره: اميره انا طالعه اغدي يامن كلوه انتم
اميره وياسين قاعدين مكسورين
جيجي صرخت فيهم: ليه مش بتاكلوا يله كلوا, بتتعمدوا تفضلوا جعانين لحد ما يرجع ابوكم كنت محترمه معاكم طول الوقت ده( ضربت اميره في دماغها بالكمه)
امير : اه وجعتيني متزقيش دماغي
جيجي شهقت وحطت ايدها ع صدرها: بتقاومي انتي بتقاومي مفكره نفسك نجمه برنسيسه انا معملتش فيكي حاجه انا لسه هوريكي بسبب اسلوبك وصل ابوكي حفله خطوبتي متأخر مفكره ابوكي صرف فلوس شويه ع الحفله دي طبعا سهل تعملي كده ( شدت شعرها بكل قوتها
اميرة صرخت: اه شعري
ياسين صرخ: داده ساره الحقينا
جيجي هجمت ع شفايفه تضربه عليهم بحقد: اخرس, اخرس عايز تسمع الخدامه عشان تشتكي لباباك صح , تمام دلوقت هعرفكم ازاي تقلوا ادبكم عليا بعد كده
اميره نزلت دموعها وهي ماسكه شعرها وجيجي اتحركت ع المطبخ وطلعت بمج شوربه سخن وحطته قدام ياسين
جيجي وأبتسامة أستهزاء مرسومة على شفايفها: ياسين ليه مش بتاكل عايزني ائكلك , فيه فراخ مشويه لذيذه يله خد
ياسين حرك دماغه برفض وقال : لا مش عايز
جيجي بأمر: افتح بؤك وكل
ياسين: لاء
جيجي مسكت فكه بعنف وحشرت الارز فيه عافيه
اميره هجمت ع ايدها : متعمليش كدا
ياسين صرخ وهو بيشرق : ماما الحقيني
جيجي رمت الطبق ع الارض وصرخت بلهجه مليانه حقد :ماما ,,ماما انا متوتره جدا ليه امك دي متموتش وارتاح
اميره ضمت ياسين وهي بتعيط وقالت : متعيطيش يا ياسين انا هنا