الفصل_ التاسع 💗💗
قبل ان تكون عاشقا كن رجلا .. فالرجولة صدق واحترام ومسؤلية
ذهب عقله مع رؤيتها في هذه الوضعية قد لا يكون لها عاشقا ولكنها جزء لا يتجزأ من حياته ويجمعهم صلة دم و ابنه
الاء الاء فوقي الاء ردي عليا
ليقوم بحملها بين ذراعيه ويضعها علي الاريكة بحث في حقيتها عن دوائها ولكنه لم يجد فتذكر انه يوجد منه في غرفة النوم
ركض الي هناك وجاء به ... اسندها علي ذراعه وجعلها تتناول الدواء ومرت عدة دقائق حتي بدأت في الافاقة
كانت نظرات الاء الي تميم عند افاقتها تحمل الكثير من العتب والملامة ... شعرت كم هي ضئيلة الاهمية له فهو حتي لم يكلف نفسه اخذها الي مشفي ليطمئن وهذا زاد من شعورها بالخذلان
- متبصيش ليا كده ... انا عملت اللي عليا وزيادة ...الورطة اللي انا فيها دي بسببكو انا كنت بس عايز اساعدكو واقف جنبكو
= ممكن يكون الكلام ده في الاول ... بس احنا دلوقتي استقرينا و حياتنا مشيت وبقي عندنا بنت
- انتي عارفة كويس ان كل ده مكنش عن اقتناع مني وان الظروف هي اللي اضطرتنا لكده
= انت معلق نفسك بوهم توليب مش شيفاك ادامها اصلا وبتلومني علي اني سيبتهم في البيت وجيت
مع ان ده مش قصدي لانها ف الجامعة وايمن في الشغل بس انت فعلا وحشتني
لتكمل حديثها تحاول اثبات وجهة نظرها
- وبصراحة انا شيفاها ميالة ل ايمن وتقريبا كده بتحبه
ليستنكر تميم بشدة قولها
= بتحب ايه .. توليب دي لسه عيلة صغيرة ومشاعرها مش ناضجة ... اللي بتقولي عليها بتحب أيمن دي كانت لسه قبل ما تيجي هنا كانت متشعلقة في حمزه وبتحبه صدقوني لما اقولكو انها عيلة مش فاهمة حاجة
ثم يلتفت اليها مذكرا لها بما حدث في الماضي
= ويعدين تعالي هنا مش ده أيمن اللي كان عايز يجوزك لواحد قمرجي من اصحابه لا نعرف اصله من فصله عشان يسدد ديون البيه والدك ... انا عملت اللي عملته ده عشان خفت عليكي وكنت عايز اصونك عشان ظروفك وعشان وصية امي عليكي ... جاية دلوقتي وتقوليلي توليب وايمن ده لا يمكن يحصل ابدا
خيمت سحابة من الحزن علي الاء كانت تتمني دائما ان ينسي ظروف زواجهم وتستمر الحياة بينهم في حب ودفء ولكنه لم ولن يسمح بذلك
- كلامك كله صح بس ده كان قبل ما يبقي في ما بنا بنت
= انا عمري ما قصرت معاها وانت عارفة
- وهي لما تشوفك كل كام شهر ده يبقي العدل
= متنسيش ان برده ده كله بسبب أيمن
لينظر الي الامام وهو يتذكر كيف تم هذا الزواج بعد ما كان مجردزواج علي ورق ويكمل حديثه
= نسيتي استنجادك بيا وان ايمن هيرفع قضية ويطلقنا وكانت المحكمة هتكشف عليكي عشان تشوف صحة جوازنا
ليلتفتت لها صارخا
= اخوكي كان هيفضحني في كل الدنيا لو كانت القضية دي كملت بس اديني اديته جزاؤه اللي هيفضل يفتكرني بيه دايما ....... ارجوكي متضغطيش عليا اكتر من كده
- خلاص يا تميم اللي انت شايفه وانا عند وعدي توليب مش هتعرف اي حاجة عنا
= شكرا ليكي انا عارف انك عند وعدك
- طيب هتوصلني لان السواق مشي ولا ايه
= ايوه طبعا يلا
لم يتحدثا طوال الطريق كلا منهما في ملكوته الخاص حتي وصلو الي المنزل
لتسأل الاء تميم مستفسرا
- بالنسبة لعيد ميلاد توليب هتعمل ايه
ليجيب سؤالها بسؤال
= هي توليب هتعمل حفلة ولا ايه
لتجيبه الاء منزعجة وقد طفح كيلها
- انا بكلمك علي توليب بنتنا دي اللي تهمني وانا مالي ومال توليب هتعمل حفلة ولا لا
ليشعر بها انها علي حافة الانهيار فتوليب قد تملكت كل تفكيره
= ممكن نحتفل احنا الثلاثة بس بكره في بيتي يعني قبل عيد ميلادها بيوم
- ماشي زي ما تحب عن اذنك
لتتركه وتتجه الي داخل المنزل و هي تتأكل من الغضب لتجد أيمن يجلس في استمتاع يشاهد احد مباريات كرة القدم
= اهلا بأختي العزيزة , متوقعتش ترجعي انهارده
- واديني قدامك اهو في مشكلة
= بس بس براحة وهو انا قلت ايه ... ايه مضايقك
- هو في غيره تميم ... انا حاسة بالاهانة يا أيمن يعني لما اروحله يطردني ولما يحب يقولي تعالي نحتفل بتوليب في البيت
= بقي كده طب سبيلي انا الموضوع ده و زي ما سمعتي كلامي في موضوع الدوخة وانك اغمي عليكي سيبي انا هضبطلك الموضوع ولولا ان توليب كانت في الجامعة كنت بعتهاله علي هناك وتشوفك معاه بس متقلقيش خيرها في غيرها
لتنفعل الاء عليه مردفه
- انت خططك شكلها فاشلة وانا تعبت
ليقطع حديثهم دخزل توليب الكبيرة والصغيرة يدا في يد
لتسارع توليب الصغيرة بالركض الي احضان والدتها والتي ما لبثت ان اتجهت الي ايمن لاحتضانه ليداعبها ايمن قائلا
= حبيبت خاااالو يا ناس مين عيد ميلادها بعد يومين
لترفع توليب الصغيرة يدها وفي نفس التوقيت تصيح توليب بأنها صاحبة العيد ميلاد لتتفاجئ بأن عيد ميلادهم متطابق وليس فقط أسمائهم
ليغمز أيمن بعينه الي الاء مردفا
- معني كده هنعمل حفلة مضروبة في اثنين يا حلوين
🌟🌟🌟🌟🌟🌟🌟🌟🌟
الابن يحذو خطوات الاب ..فأحذر أيها الاب أين تخطو
- يا بابا اسمعني
= اسمع ايه يا بني ادم انت .... اللي بتقوله ده مستحيل يحصل
- طب بس افهمني ...
ليحاول اقناعه بطرقه الملتوية
= الموضوع كله ورقتين عرفي واقضيلي يومين حلوين و خلصت
- مقلناش حاجة ودي مش اول مرة يعني
= طيب في ايه بقي
- في ان مليون مرة قلت لك الكلام ده برا الشغل وغير كده عايزني معاك ليه اشمعني المرة دي
= ده طلب ابوها بس باين عليه راجل بتاع مزاجه يعني قرشين و هيتكتم
ثم بدأ في اسلوب الاستعطاف
- ولا عايزه يطلع عليا في يوم ويغزني ولا يعملي عاهة
= خلاص خلاص رتب امورك وعرفني
قبل والده فرحا و انطلق الي الشركة ليري نادين ويتحدث معها
- هبه نادين جت ؟؟
= لا والله يا ا. حمزه هي اتصلت واخدت يومين اجازة لانها تعبانه
ليرد بتعجب
- تعبانه طيب ماشي
وترك هبه تتسأل عن سر العلاقة الجديدة بينهم وولج الي مكتبه وامسك بهاتفه ليتحدث الي نادين
تجلس في حجرتها لم تغادرها فهي لا تريد ان تتواجه مع والدتها او تتحمل سيل أسالتها التي لا تنتهي لتجدها تدخل اليها حاملة كوب من العصير
- مالك يا نور عين امك ؟
= مفيش يا ماما
- طب انتي تعبانة ؟
= لا والله كويسة
لتنزعج والدتها من طريقة حديثها
- امال في ايه مروحتيش شغلك ليه
= مفيش يا ماما مفيش برتاح شوية ايه بلاش
- لا يا حبيبتي ارتاحي بس طمني قلبي عليكي
= اطمني انا في احسن حال
ليقاطع حديثهم صوت رنين هاتف نادين لتستأذن والدتها لتجيب عن المتصل
- ايوه يا حمزه
= مجتيش ليه
- اجي ازاي وانا وشي كله كدمات و جسمي مكسر
= هو عمل فيكي كل ده ليه
- هو انت مشوفتوش كان عامل ازاي تخيل بقي اللي عمله فيا لما روحنا
= معلش كل حاجة هتتحل انا كلمت بابا وخلاص ضبطي امورك علي يوم الجمعة الجاية
- يعني هو وافق
= يا بنتي ابويا ده صحبي مش ابويا و بعدين متستقليش بيا اوي كده
- خلاص انا همد الاجازة عشان الحق اضبط امووري
= ايييوه بقي يا جميل يلا سلام
اغلقت الهاتف وشعور الزهو بانتصارها الكبير يملؤها وحينما التفتت وجدت والدتها خلفها ووجها محتقن من الغضب
عملتي اللي في دماغك برده
- ايوه ومش هسكت غير لما اخليهم يبوسو رجلينا واندمهم علي كل اللي عملوه فينا
= عليه العوض ومنه العوض .... رنا يهديكي يا بنتي
🌟🌟🌟🌟🌟🌟🌟🌟🌟
احضر الهدايا وزين المنزل ليستقبل طفلته فهو برغم كل شئ الا انه يعشقها فهي ابنة ابيها التي لن يتهاون ابيها عن ان يجعلها اميرة
انتظر وانتظر و مر الوقت ولكنهم لم يأتوا بدأ الشعو بالقلق يدب بداخله فما كان منه الا ان يتوجه الي منزل خاله حتي يطمئن قلبه
وصل الي هناك والافكار تتأكله ولكنه وجد الجميع مجتمع يضحكون ويتسامرون انتبهو له بعد لحظات ليرحب به خاله للانضمام اليهم وقد فرحت توليب الكبيرة بوجوده ظننا منها انه قد أتي حديثا من السفر ليحضر عيد ميلادها
- تميم حمد الله علي السلامة ... انت جيت اكيد عشان تحضر معانا حفلة بكره
= حفلة!! حفلة ايه
- حفلتي انا وتؤامي بكره هنعملها هنا نحتفل بعيد ميلادي انا وتوتي سوا
ليوجه عيونه التي تطلق اسهم من الشرر لشدة غضبه الدفين الي الاء
= ايوه طبعا ان شاء الله بس اسمحولي دلوقتي اخلص اللي ورايا عشان افضي بكره واكون معاكم
تشرف الاء علي الاستعدادات التي يقوم بها العاملون من اجل خفلة الليلة فهي برغم كل ما حدث مازالت متأملة ان يكون تميم لها ولها وحدها
قبل وقت الحفل بقليل جاء تميم في أبهي حلة مما زاده وسامة و رجولة حاملا بين يديه صندوق كبير من احد بيوت الازياء المعروفة في ايطاليا لتنصب كافة العيون عليه
عندما رأته مقبلا فرحت شديد الفرح بأنه لم ينسي عادته وأتاها بهدية عيد ميلادها كالعادة كل عام ولكن لكل قاعدة شواذ فقد مر بجانبها دون ان يلتفت لها لينحني الي توليب الصغيرة معطيا اياها الصندوق متمنيا لها الفرحة والسعادة
شعرت ولاول مرة انها بالفعل قد خسرت تميم لذلك استأذنت منهم للاستعداد ذهبت وهي تجر ذيول الخيبة خلفها تلاحقها العيون الشامتة من الاء وأيمن علي حد سواء
كانتا كالفراشات المزينة في ابهي حلة حازو علي اعجاب الجميع لرقتهم المتناهية ... سعدت كثيرا عندما وجدت صديقاتها قد حضروا فهي ولاول مرة تحتفل بعيد ميلادها بعيدا عن اهلها وشعور الحنين يقتلها اليهم قبلو التهاني والهدايا وبعد بداية الحفل بقليل عندما تقدم منها ليقدم لها هديته التي انتقاها بدقة وعناية
- توليب مش ناوية تاخدي هديتك
= شكرا يا ايمن بجد كفاية الحفلة الجميلة دي و انك كمان كلمت اصحابي
- دي حاجة بسيطة لكن الهدية لازم تاخديلها
لينحني بطريقة مسرحية ويقدم لها صندوق صغير من المخمل الكحلي التي تدل علي ان ما بداخلها ثمين لا مفر ليفتحها بحركة من يده ليظهر خاتم غاية في الروعة لا يصلح سوي ان يكون خاتم زفاف وليس هدية عابرة مما جعل تميم يجحظ بعينيه عندما رأه
= اتمني تقبلي هديتي المتواضعة ليداعبها بحديثه
مش يمكن نفك النحس والمرة الجاية يجيلك خاتم خطوبة ونفرح بيكي
ليلبسها الخاتم في اصبعها حتي لا يكون هناك مجال للتراجع عن قبول الهدية كل هذا تحت انظار تميم النارية
كانت تقطع كعكة الميلاد عندما شعرت بيد صلبه تمسك يدها بشده لتنظر بجوارها لتجد تميم و هو يصك علي اسنانه بشده قائلا
- جه وقت حسابك يا برنسيسة
حاولت ان تفلت يدها من يدف فقد بدأ تخاف من نظراته ولكن خلال معافرتها جرحت اصبعها ب نصل السكين لتتأوه بصوت عالي لتأتي الاء علي صوتها
= تعالي معايا اشوف ايدك
ليمنع تميم الاء من المساعدة بشكل قاطع
- لا خليكي انتي يا الاء انا هروح معاها واطهرالجرح
لتتراجع الاء امام نظراته الحادة
ليأخذ تميم توليب من يدها وهو يكاد يجرها الي المطبخ ليغسل يدها تحت الماء ثم اتي بصندوق الاسعافات الاولية ليطهر الجرح
ولكنه عند تطهيره ضغط عليه بقوة نوعا ما لتصدر عن توليب آنه صغيره
- ده بس عقاب صغير ليكي عشان تاني مرة متسمحيش لحد يلمسك
لتسحب توليب يدها منه وتردف
= وانت زعلان ليه ولا دخلك ايه هو انت ولي امري
- تقدري تعتبريني كده طول ما انتي هنا
لتتمعن النظر فيه بشده ثم تجيبه ساخرة
= تصدق فعلا تنفع تبقي ولي امري حتي شوف شعرك فيه كام واحدة بيضا توء توء يا تيمووو شكلك كبرت فعلا
لم تعلم انها اشعلت غضبه فالسن هو خوفه الاول والوحيد بأن يكون حائل بينهم ولهذا كان رد فعله عنيف
ظل يتقدم منها وعيونه كلها وعيد حتي ألتصق ظهرها بالحائط وهو مازال يتقدم حتي اختلطت انفاسهم ليردف بصوت رخيم
- احذري مني ومن رد فعلي يا توليب بعد كده .... ده اخر انذااار
= وهتعمل ايه يعني
لم يمهلها فقام بقرصة خفيفة علي خدها الأيمن تبعها بقبلة حانية علي خدها الأيسر ثم قبل شفتيها بقوة ليضع صك ملكيته عليهم معلنا بأنها ملك له وله فقط
ابتعد عنها بهدوء تكفي بينهم النظرات الحارقة ظلو علي حالتهم للحظات دون ان يدروا بمن يراقبهم من بعد
انتهت الحفل وذهب كلا الي غرفته ماعادا ايمن الذي اتجه الي غرفة اخته ليتحدث معها
- الاء كد مش هينفع غباءك و سكوتك هيبوظ كل حاجة انا بعملها
= انا نفذت انهارده كل كلامك
اجابها بعصبية وهو يريها صور تميم وتوليب التي اخذها خلسة لهم في المطبخ
- عشان كده كل ده حصل وتحت عنينا
= متفتكرش اني ساكته يا ايمن .... انا خليت توليب تاخد توتي لدكتورة تخاطب و انا حاسة المرة دي انها ممكن تتحسن وتتكلم
ويمكن ساعتها تقول اللي انا وانت متلجمين مش عارفين نقوله
- ايوه كده انتي اختي الجدعة اللي بتاخد حقها
= صدقني يا أيمن انا عمري ما كنت اتخيل اني استغل مرضي في حاجة زي كده بس هو اللي اضطرني لكده
- لو كان بس اخدك للمستشفي زي ما كنت مخطط كان كل شئ اتكشف بس اقول ايه اصبري بس
🌟🌟🌟🌟🌟🌟🌟🌟
ساعات الانتظار طويلة وقاسية فكيف بمن انتظر عمر من اجل لحظة
جاء يوم الجمعة سريعا تجلس وقد بلغ منها التوتر والخوف مبلغهما , كيف ستواجهه بعد كل هذه السنوات وكان هذا اقل ما يشغلها بل ما يقلقها علي الاكثر كيف ستحمي نفسها وابنتها منه بعد ان يعلم بالحقيقة ... حارت من يستطيع حمايتهم اذ ثارت ثأرته فهو لن يتهاون عن قتلهم كما فعل بها سابقا ولكنها لم تجد مفر سوي بمهاتفة شاهي فهي تمثل طوق النجاة الوحيد لهم
- الو ايوه يا شاهي
= اهلا ازيك يا فريال عاملة ....
- مش وقت سلامات انا بكلمك عشان لازم تعرفي
= خير في ايه
- حمزه جاي هو وابوه يخطب نادين بنتي واخته
= ايه الهبل اللي بتقوليه ده
- مش هدخل في تفاصيل المهم يا تحلقي يا متحلقيش وانا كده عملت اللي عليا سلام
اغلقت مع فريال الهاتف وشعرت بأنها مقيدة لا تعرف ماذا تفعل يجب ان تستعين بأحد يستطيع الوقوف في وجه يزيد وجبروته وعلمت انه لا مفر من اخباره لتنطلق راكضة نحو هدفها
تجهزت نادين وكأنها عروس بالفعل ولم تترك مجال للشك ابدا عن مدي سعادته علي عكس الاعصار الذي يعصف بداخلها او عن ازدياد ضربات قلبها حد الانفجار عندما سمعت رنين جرس الباب معلنا عن قدومهم ولكنها اتجهت بثبات وقوة لاستقابلهم
- اهلا اتفضلو نورتونا
تطلع يزيد و حمزه اليها بإعجاب واضح حتي ان يزيد لكز حمزه في جانبه قائلا
= وقعت واقف يا واد يا حمزه
ليبتسم حمزه في حرج ثم وجهتهم الي الصالون مرحبه
- تشربوا ايه
ليجيبها حمزه بابتسامة
= مفيش داعي امال فين عم سعيد ووالدتك
- لا ازاي ثواني واجيب العصير الفريش اما عم سعيد فهو شويه وجاي وماما ثواني وجايه
قدمت لهم العصير وعيونها مركزه علي يزيد حتي ان حمزه قد لاحظ ذلك مما اثار حفيظته
- امال طنط فين ؟
= هروح اشوفها
لتطل عليهم نادين بعد لحظات وهي متأبطة ذراع والدتها ورأسها ترتفع الي الاعلي في علو وشموخ فقد حانت لحظة الحقيقة والحسم
رفعو اعينهم لملاقاتهم عند حمزه فقد ابتسم اما والده فقد جحظت عيناه حتي كادت ان تغادر مقلتيه فالماضي يعود ويتجسد أمامه من جديد ولكنه تدارك موقفه في لحظة موجها حديثه الي حمزه وهو يهب واقفا
- قوم يا حمزه مفيش لا جواز ولا زفت
تعجب حمزه من موقف والده المفاجئ فمن لحظات فقط كان قد اثني علي اختياره وشعر بالخجل من طريقة حديثه
= في ايه يا بابا احنا لسه متكلمناش
- مفيش حاجة انت عيل لسه وبيضحك عليك امشي قدامي يلا
= هو ايه اللي عيل في ايه حصل
لتتدخل نادين قائلة هيقولك ايه ولا ايه لتصمت وهي تحدج يزيد بنظرات محتقرة ثم تردف
- هيقولك مثلا ان انا ابقي بنته اللي حاول يقتلها وهي في بطن امها ولا يقولك انه سبب عاهة مستديمة لامي اللي كل ذنبها انها حبته
لينفعل حمزه
= انتي بتقولي اي كلام وخلاص بقولك ايه انا قلت بت حلوة واقضي معاها يومين وتطلعيلك بقرشين لكن الطمع يوصلك انك تلعبي لعبة رخيصة زي دي عشان تزودي القرشين ف لا لعبتي مع الناس الغلط
ولاول مرة منذ اللقاء تحدثت والدة نادين وهي تتقدم من يزيد
- كدبني انت كمان يا يزيد قول ان انا مكنتش مراتك و ان دي مش بنتك قول ساكت ليه
هم يزيد بالرد عليها بعنف ولكن قاطعهم رنين جرس الباب الذي سارع حمزه لفتحه ظنا منه انه سعيد الجشع الذي سيردع كل ادعائتهم ولكنه فوجئ بأعمامه ومعهم أمه مما جعله في حالة اندهاش فلم يعترض عندما زاحوه عن طريقهم ليدخلوا
لم تكن المفاجأة من نصيب حمزه فقط بل ويزيد ايضا الذي حاول ان يبررو يروي قصص مختلفة في أن واحد
إلا انه صمت بفضل صفعة مدوية من اخيه الاكبر محسن وهو يردف
= القلم ده كان لازم تاخده من زمان اوي يا يزيد من وانت صغير من دلعنا كلنا فيك من وقت معرفتنا بمصايبك واحدة ورا التانية ونداري عليك ونصلح من وراك للدرجة دي حتي البنت اللي من صلبك مسلمتش منك
ثم التفت الي فريال التي كانت تبكي بحرقة بين ذراعي نادين
= حقك علي راسنا يا ست فريال و حقك وحق بنتك هتترد وده امانه في رقبتي نادين دلوقتي زيها زي حمزه
جال بعينه بين الحضور ولكنه لم يجده فقد ذهب حمزه دون ان يراه احد ذهب بدافع الصدمة مما حدث احساسه بالخديعة مرير لم يستطع ان يتقبله
التفتت فريال الي شاهي مردفة بإمتنان
- شكرا يا شاهي هانم شكرا
لتعود شاهي بذاكرتها ل ساعتين مضو
flash back
دخلت فيلا محسن لاهثة من الركض و لحسن حظها وجدته جالس يتناول القهوة مع عامر
- محسن الحقني يا محسن ابوس ايدك
ليهبوا واقفين وقد تملكهم القلق
- خير يا شاهي في ايه
ويتسأل عامر
= حمزه حصله حاجة يزيد طيب جراله حاجة
- لحد دلوقتي هم كويسين بس بعد شوية الله اعلم تعالو معايا بس نلحقهم
= نلحقهم من ايه عرفينا في ايه
- هحكيلكو كل حاجة بس في العربية الوقت بيجري ابني هيضيع
لييصعدوا جميعا الي السيارة بعد ان وجههتهم شاهي الي العنوان و في السيارة حكت لهم افعال الماضي المظلمة التي افتعلها اخوهم الاصغر
back
يجلس في شقته التي لا يعلم أحد بها ومن حوله اصدقاء السوء وعدد من فتيات الهوي يحاول ان ينسي ما حدث منذ قليل ولكنه لم ينسي بل زاد اصراره علي الانتقام من الجميع والجميع بلا استثناء والبداية ب نادين
انزوي في ركن هادئ وامسك بهاتفه ليبدأ انتقامه
الو يا زوز عامل ايه رجعت من السفر الف الحمد للع علي السلامة ... مهنش عليا تفضل حيران وانت يا عيني مش عارف نادين بتبعد عنك ليه فقلت انورك
ليصمت للحظات ثم يكمل بخ سمه في اذن معاذ
عارف ليه لانها كانت بتوقعني انا يا خفيف بس يا خسارة وهي بتوقعني طلعت اختي اه والله زي ما بقولك كده اختي اصلها طلعة زي امها عينيها علي ولاد المغازية عشان كده عمرها ما هتحط عينيها علي ابن الدكتورة دي عايز فلوس وريش نعام مش وضع اجتماعي سلام يا صاحبي
🌟🌟🌟🌟🌟🌟🌟🌟
الفصل_العاشر 💔💔💔
لا تعش حياة لا تليق بك , ولا ترتضي بمكانة أقل من شأنك لا تقبل بالخنوع والهوان كن انت دائما والسلام
ترجلت من السيارة فور توقفها لم تعد تحتمل ان تجتمع معه في مكان واحد , فما كان يبقيها قد انكشف وانجلي فلا داعي للتمثيل بعد الان اتجهت الي الداخل وهي علي وشك الصعود لغرفتها وجدت من يمسكها بقوة من ذراعها قائلا
- علي فين يا هانم مش لما نتحاسب الاول
لتنفض يدها من يده بعنف
= ده انت بجح وملكش مثيل
ليصل الي ذروة هياجه وعصبيته
- انتي عارفة انتي عملتي ايه .... انتي ضيعتيني وضيعتي كل حاجة مني انا وابنك ... انتي ازاي كده
ولا كل ده بتنتقمي مني لاخوكي الدكتور الكبير اللي كسرت قلبه ومن ساعتها وهو مترهبن ومقاطع الجواز
لتحتد عليه شاهي في الحديث
= متجبش سيرة اخويا .. لو عايز تعرف انا كده ليه فده بسببك انت بسبب ذلك وقهرك فيا بعلاقاتك المشبوهة طول عمرك نجس وماشي شمال
لم يستوعب عقله كيف ل شاهي التي لم تنطق بحرف لسنوات ان ينطلق منها كل هذه الكلمات ولم يتردد لحظة ليرفع يده ويهوي علي وجهها صفعات متتاليه لتستعيد نفسها السابقة لم يعير ادني اهتمام بصراخها و توسلها بل أكمل عنفه تجاهها وامسكها من شعرها ليجذبها منه ساحبا اياها خلفه في اتجاه الباب وهو يكيل لها اقبح الالفاظ
يلا برا يا واط.ية يا زب.الة
ولكنه فوجئ عند الباب بعامر وسوسن الذين اتوا علي صوت شاهي
- انت فاكر نفسك بتعمل ايه
= ملكش دعوة انت يا عامر مراتي وبأدبها
ليتمسك به عامر من ياقة قميصه بقوة
- والله ما حد عايز يتأدب غيرك مش كفاية انها مقعداك في ملكها خارج داخل نايم يا بجاحتك يا اخي
لينصدم من حدث اخيه
= نعم ملك مين يا عامر انت بتستهبل
- لا يا شاطر فاكر زمان لما انت ضيعت شقي وتعب ابونا علي مشاريعك الفاشلة البنك كان هيحجز علي نصيبك من الفيلا بس انا اشتريته و كتبته باسم شاهي عشان نضمن حقها ونحافظ عليها منك واهو جه الوقت اللي كنت خابف منه لاني عارف انك واطي
= لا ده مستحيل
- مفيش معاك حاجة مستحيلة انت محترمتش صاحبة البيت اللي متفضلة عليك و مخلياك قاعد فيه
نظر الي شاهي وسوسن تحتويها بين ذراعيها و تحاول تهدئتها كيف انقلب الحال في لحظات
ليشعر بجرح كبير في كرامته وشعور بأنه قليل القيمة و المكانه مما زاد من حقده وكره وتركهم وذهب سريعا بسيارته تاركا لهم يتطلعون علي بقايا أثره في تحسر علي حاله
ليتقدم عامر من شاهي وسوسن وهو يشعر بالخزي من تصرفات اخيه
- انا مش عارف اقول ايه يا شاهي انااااا
= انت مش ملزم تقول حاجة انا دلوقتي عرفت فريال كانت خايفة تفضل معاه لوحدهم في مكان ليه
- انا الصبح همشي من هنا وهروح اقعد مع عادل اخويا
= انا قلت الفيلا بإسمك ومكدبتش هي فعلا كده ده حقك متتنزليش عنه ووعد مني مش هيقدر يقرب منك تاني
لتشعر بالاسف علي حالها وما وصلت اليه
لتدخل في نوبة بكاء مريرة
خذلتني .... وحطمت كل ما بنيت من آمال
💫💫💫💫💫💫💫💫
جلست في الشرفة تتناول القهوة في تلذذ ممتع ... لاول مرة منذ ولادتها تستمع فعليا بالحياة لم تعد تهتم بأي شئ فقد اخذت انتقامها كم شعرت بالشماته والتشفي عندما رأت الصفعة تهبط علي وجه يزيد لتغسل ما بداخلها من حقد تجاهه دوما ما اشتاقت له و ارادت وجوده بجوارها كأي اب طبيعي مثل سائر صديقاتها ولكنه أثر التخلي عنها عوضا عن ذلك
- صباح الخير يا نادين
= صباح الورد والياسمين يا فريال هانم
- ايه الانبساط من الصبح كده
= وهو حضرتك مش مبسوطة اخيرا اخدنا حقنا وقدام الكل
- انا فوضت امري لله فيه من زمان مادام انا وانتي في امان لكن دلوقتي قلقي وخوفي زاد وزاد
= اللي يقدر عليه يعمله انا كده مرتاحة
- مش هتروحي الشركة
= لا خلاص انا كنت رايحة هناك لسبب والسبب خلاص انتهي من بكره هدور علي شغل
قاطعهم رنين جرس الباب المستمر لتهب نادين واقفة متجهة لفتحه
وجدته واقفا علي الباب مرتسم علي وجهه الاعياء الشديد وعيونه تغذوها خطوط حمراء دليل علي عدم النوم وكأنه سافر طول الليل وصولا لها
= معاذ ؟؟ خير في ايه وانت عامل كده ليه
- هو سؤال عايز إجابته وهمشي علي طول
= وهو السؤال ده مكنش ينفع في التليفون
- لا انا جاي طريق سفر طويل عليكي علي طول عشان اعرف اجابة السؤال
= اتفضل اسأل
- انتي بنت يزيد المغازي واخت حمزه ؟؟
لم تتوقع ان تكون الاخبار قد وصلت اليه بهذه السرعة فهي كانت تعد العدة لتخبره بنفسها عند عودته وان تكون بداية جديدة لهم
= احمممم ايوه صحيح بسس...
- من غير بس ولا غيره يبقي اللي وصلي صح فعلا
= وصلك ايه؟! معاذ افهم
- شكرا انا فهمت كل حاجة عن اذنك
= لتأتي والدتها من خلفها لتري من علي الباب
- ايه ده معاذ مالك يا بني مبهدل كده ليه في نفسك .. شكلك تعبان تعال ادخل افطر معانا
= شكرا يا طنط واجبكو وصل من زمان
ليتركهم ويذهب ينظرون ليعضهم البعض بدون فهم
عاد الي منزله ليس لديه اي رغبة لتحدث مع احد كيف كان بهذه السذاجة ليخدع بتلك الطريقة كيف برائتها مزيفة اسال كثيره دارت بخلده ولكن دون جواب ... وجد والدته تتأهب للخروج وصعقت عندما رأته بهذا الشكل
- ايه المنظر ده يا معاذ عامل كده ليه في نفسك
= مفيش يا أمي انا راجع من السفر تعبان عن اذنك
- اوعي تكون الحالة دي بسبب البت الجربوعة اللي انت ماشي وراها
= جربوعة ؟ قصدك مين
- قصدي الست نادين وامها العرجة اللي رايح تديهم شقة طول بعرض بملاليم .... دي اكيد عيله بيئة زي ما فهمت من عادل كلا.ب فلوس والقرش هو سيدهم وما خفي كان اعظم
= وحضرتك أتأكدتي منين
- مفيش حاجة بتستخبي و بعدين عادل حكالي عليهم
= اااه دكتور عادل ومقالكيش كمان انها تبقي بنت يزيد المغازي و ان مامتها تبقي ضرة شاهي هانم سيدة المجتمع الراقي
انهي حديثه وتركها تستوعب ما قاله متجها الي غرفته لتقضم اصابعها من الندم لما تسرعت هكذا وقالت ما قالته فالأن قد اختلفت الموازين فالفتاة ابنة المغازية عنوان المال و السطوة و ملوك الذهب لتحدث نفسها
- غبية يا شرين غبية لازم تتصرفي وتحسني الوضع مع البت وامها
ليخطر علي بالها عادل فهو حلقة الوصل الوحيدة بينها وبينهم لتنطلق مسرعة الي المشفي علي امل لقاءوه.
وصلت الي المشفي تسابق خطواتها لاتريد ان تضيع اي وقت لتحقيق هدفها وسألت اول ممرضة قابلتها
- دكتور عادل في مكتبه ؟؟
= ايوه يا دكتور موجود من بدري
لتتجه مسرعة الي مكتبه
- د.عادل صباح الخير
تفاجأ عادل بوجودها في مكتبه الذي حدث فقط مرات معدودة من قبل و المفاجأة الاكبر انها كانت بشوشة الوجه ولكنه احسن الظن بها
= صباح النور
لتجلس صامته لبضع لحظات
- خير يا د. شيرين في حاجة حصلت
= انا هقولك بصراحة انا محتاجة مساعدتك في موضوع شخصي
- اتفضلي انا سامعك
= في بنت بيحبها معاذ وانا كأي ام خفت علي ابني و كلمت البنت دي تبعد عن ابني ودلوقتي انا ندمانه علي تصرفي ده وكمان معاذ متأثر اوي
- كان المفروض متدخليش معاذ مش صغير بس برده انا ايه علاقتي عايزاني اكلم معاذ
= لا ... ما هي دي البنت اللي معاذ اخدك تكشف علي والدتها
- قصدك نادين ؟
= ايوه ... من فضلك يا عادل كلمهم و حاول تلطف الجو واشرح وجهة نظري وانتي اتصرفت من منطلق مشاعري كأم
حزن عادل علي وضع معاذ ونادين وذكره بما حدث له في الماضي ولم يشأ ان تعاد قصته مع فريال مرة اخري بما فيها من الم و فراق و معاناة
- خلاص انا هكلمهم واللي فيه الخير يقدمه ربنا
= شكرا جدا ليكي وهستناك تطمني عن اذنك
تركته وذهبت بعد ان فتحت جرح اعتقد لسنوات انه قد اندمل ولكن في الحقيقة فهو مازال جرحا غائرا ينزف بداخل قلبه لذلك قرر ان يذهب اليها متحججا بوضع نادين ومعاذ . استقل سيارته غير منتبه الي من يتبعه
التوكّل قوّة؛ ولو قابل الانسان كل أشكال المواساة وألوانها فلن يجد شيئًا يمسح على قلبه ويقوّي أركان طمأنينته مثل تفويض أمره لله واستشعاره أن الله كافيه أمره
كانت تجلس علي وضعيتها السابقة بعد ان تركتها نادين وذهبت لاحدي صديقاتها تتأمل النيل امامها وتتدفق الذكريات عليها وتتذكر احلامها وهي شابة كيف كانت تريد ان تحقق ذاتها و تصبح ذو قيمة واعلي شأنا ولكن حبها ل يزيد كان كحجر العثرة في طريقها وهد كل احلامها لا تحمله الذنب كله لانها شريكة فيه وكان ما فطر قلبها علي الاكثر عندما تخلت عنها عائلتها وتركوها ل سعيد دون السؤال عنها طوال سنوات غير مكترثين هل هي سعيدة ام تعيسة حية ام ميتة
قطع حبل افكارها رنين جرس الباب فنهضت لتجيب الطارق ظنا منها ان نادين قد نست مفاتيحها
- السلام عليكم ورحمة الله وبركاته
= وعليكم السلام ورحمة الله وبركاته . خير يا عادل
- كنت جاي عايزك انتي و نادين في موضوع
= بس نادين مش موجودة
- طيب اتكلم معاكي بس اكيد مش علي الباب كده
= اتفضل بس معلش هسيب الباب زي ما قولت لك نادين مش هنا
جلس قبالتها يتطلع اليها كيف ان الزمن لم يؤثر فيها سوي بعض الخطوط عند عينيها وبعض خصلات من الشعر الابيض ولكنه لم يكن يعلم كم حفر الزمن بداخلها من الام و جروح
= خير يا عادل
- خير ان شاء الله انا كنت جاي اتكلم بخصوص معاذ ونادين وسوء التفاهم اللي حصل
= وهو في ايه بينهم
- يا ستي معاذ بيحب نادين ووووو
= الله الله الله طب مش تقولو انكو متفقين ومضبطين مع بعض
فوجئ عادل بدخول حمزه بهذا الشكل وهو يتطاول عليهم بالحديث بصوت مرتفع يسمعه القاصي والداني ليهب مقتربا منه
- ايه اللي بتقوله ده يا حمزه احترم نفسك ووطي صوتك
= اوطي صوت ايه ده انا هفضحهم فضيحة يحلف بيها سكان العمارة مدي الحياة
- وانا اقول الست طيبة و مفتحتش بوقها اتاريكي متفقة ومضبطة مع دكتور عادل صاحب مستشفي واهو برده معاه فلوس اصل يزيد طلع اوت
= اسكت يا حمزه متغلطش اكتر من كده انت متعرفش حاجة
- لا ما انا عرفت كل حاجة هي مقالتش لك ولا ايه الهانم تبقي مرات ابويا و ست نادين اختي وانا قرطاس جوافة
ليلتفت الي فريال المذهولة ممايحدث
- الا قوليلي يا طنط هو سعيد ده جوزك فعلا ولا مقضياها معاها
لترفع يدها و تهوي علي وجهة بصفعة مدوية من قوتها ادمت شفته السفلي
= اوعي تكون فاكر اني لما سكت كنت خايفة منك ولا من ابوك لا انا كلي خوفي علي بنتي اللي ابوك كان عايز يقتلها من وهي في بطني انا مش ضعيفة ولا هبلة لكن تفكر انك تتطاول عليا وعلي شرفي فلا والف لا ودلوقتي اتفضلو كفاية اللي حصل
ليحاول عادل تبرير موقفه وانه لم يكن علي علم باي شئ
- فريال اناااا
= من فضلك يا عادل خد ابن اختك واتفضلو كفاية لحد كده
ليجذب عادل حمزه من ذراعه ويذهبوا تاركين خلفهم فريال جديدة كطائر العنقاء الذي يهب للحياة مرة اخري بعد ان كان رماد
اسفل العمارة بعد ان مرو بسيد البواب الذي من الواضح انه سمع كل الحديث
- انت عارف اول مرة اخجل من انك ابن اختي ... كان كلي امل انا وهي انك متطلعش زي ابوك ولا تاخد منه اي صفات انا بجد حزين عليك
💫💫💫💫💫💫💫💫
في مكان اخر لم تعتد الكذب علي والدتها ولكنها اضطرت هذه المرة فهي لم تكن في لقاء مع صديقتها بل ذهبت للقاء سعيد
- يا مساء الورد... ايه الاماكن الحلوة دي
= اقعد يا سعيد
- - قعدنا يا ست البنات
= من غير لف ودوران هتطلق امي ليه
- ليه كده بس وانا اللي قلت هتقوليلي يا عم سعيد تعالي اقعد معانا ونونس بعض
= لا يا راجل بص هديك مبلغ حلو يعيشك ومرتب شهري
- ان كان كده وماله
= بس عندي شرط
- اامري
= لا انا ولا امي نشوفك تاني في حياتنا نهائي
- وانا هشوف القمر ياخي المهم المايه متقطعش الفلوس يعني
= خلاص اتفقنا هضبط الدنيا واكلمك سلام
لم يكد يتركها ويذهب حتي اعلن هاتفه المتهالك عن مكالمة واردة
- ايوه مين معايا
= انا يزيد المغازي
- يا هلا وسهلا متقلقش يا بيه انا هطلق المودام خلاص ويخلالك الجو
= اخرس يا حيوان ..... يعني هم طلبو منك تطلقها
- ايوه يا باشا لسه البت نادين قايلة لي
= طب اسمع بقي انا هدفعلك اضعاف اضعاف اللي هيدفعوه بس بشرط
- سامعك يا باشا وتحت امرك
= متطلقش مهما حصل اوعي تطلق وهبقي اكلمك هيكون بينا شغل كتير
- اوامر يا باشا اوامر
مر عام ونصف لم يحاول فيهم تميم من التقرب مرة اخري الي توليب سواء في ايطاليا حينما يذهب الي هناك او عندما جاءت توليب الي مصر في الاجازات حتي ان لميس باتت شبه متأكده ان العلاقة بينهم معدمة بعد انا كادت تنفجر عندما علمت بماحدث في حفلة العيد ميلاد ولكن ما طمأنها انه لم يتكررولكنه لم يتقرب منها ايضا فقد ضاقت ذرعا من الانتظار
يتحدث معها بملل فنفس الحديث يتكرر كل مرة
- يا لميس انا قلت لك انه يميل ليكي او يحبك ده في ايدك انتي انا مقدرش اساعدك بحاجة
= يعني ايه مش هتساعدني انت ناسي ان احنا دفنينه سوا
- بقولك ايه انتي عارفة كويس انا بعمل كل ده ليه .... عشان البيه لما ساعدنا وسد ديوان الوالد المتلتلة بالرغم من معارضة ابوه لانه كان تعب ومل من كتر ما سد عن ابويا ديوان ولولا عمتي ومرضها وضغطها علي تميم مكنش ساعدنا
لتمتلئ نبرته بالحقد والكراهية ويكمل
= بس هو دفعني الثمن و دفعهولي غالي اوي سد كل الديوان بس كتب 60% باسم الاء والباقي ليا انا وبابا وماما انتي فاهمة يعني ايه يعني حرمني من ورثي الشرعي وسبلي الفتات لو كانت بس الاء اتجوزت الراجل اللي جبته مكنش ده حصل ولا كان اتحكم فيا بالشكل ده بس انا لازم اطلقها منه واجوزها لصاحبي ده لو حابسني بالشيكات اللي عليه ليه هروح في داهية واخر شيك كان تمن الخاتم اللي جبته ل ست الحسن والجمال انا قلت لك بلاش خاتم وانتي اللي اصريتي عليا واهو من ساعتها ملبستوش .... لازم اخليه يخسر كل حاجة واغلي حاجة عنده زي ما عمل فيا لازم اندمه علي اليوم اللي اتولد فيه وعلي فكرة عمتي لما ضغطت عليه يتجوز الاء مش حبا فيها لا ده كره في المغازية لان محسن كان دايما بيلومها علي مساعدته لابويا لدرجة كرهت هو وكل المغازية
- كل ده شيله جواك يا ايمن بس انا مش عايزة انتقم منه انا عايزاه يحبني ويحس بحبي انا عايشة عشان هو موجود في الدنيا دي عارفة انك بتقول عليا هبلة و مجنونة بس دي مشاعري ومقدرش اغيرها حتي لما عرفت بجوازه من الاء رضيت وقلت ان شاء الله اكون زوجة تانية مع اني ممكن افركش جوازه في لحظة لو عرفوا هنا
= انا وافقتك علي كل خططك عشان اخليه يطلق الاء ويبعد عننا وساعتها هعرف اخد حقي من الاء و هتكتبه ليا وهي راضية بس للاسف محصلش اي حاجة بس انا بقي هخليه يرجع يجي زي الاول واكتر انا اتفقت مع صلاح صاحبي انه لو متجوزش الاء يلف علي توليب ويتجوزها اوعي تكوني فاكرة انه قمرجي بجد لا خالص ده مالتي ملياردير بس عمتي المصون الله يرحمها كذبت علي ابنها عشان تدبسه في الجوازة
التفت خارجا من غرفته ولكنه فوجئ بوجود شقيقته لا يعلم من متي ولكن يتضح من وجهها انها قد استمعت الي ما يكفي
- اقفلي دلوقتي يا لميس نتكلم بعدين
اغلق الهاتف وعيونه مثبته علي اخته
= انا مش عارف انتي سمعتي ايه بس اهدي لان الانفعال مش كويس عشانك
لتضحك باستهزاء ثم تردف
- وهو انا اهمك اصلا يا ايمن يا اخويا يا ابن امي وابويا وخال بنتي
= صدقيني انا بعمل كل ده لمصلحتك عشان بحبك
لم تعد تسطيع التحمل اكثر من ذلك فانفجرت صائحة
- انت مش ممكن تكون اخ انت عايز تفرق بيني وبين جوزي ابو بنتي مش همك اني بحبه ومش قاجرة ابعد عنه
لم يصمت ايمن ولم يحاول ان يمتص غضبها رفقا بحالتها المرضية بل صاح قاذفا الحقيقة في وجهها
= بس هو مش بيحبك مش عايزك انتي فين كرمتك طب لاش كرمتك مش هامك اللي عامله فيا في اخوكي او ابوكي الي حتي ميقدرش ياخد قرار في شركته من غير موافقته
بدأت تشعر ببعض التعب نتيجة انفعالها ولكنها تحاملت علي نفسها حتي تنهي المواجهة
- كل همك الفلوس و السلطة طب انا مخفتش عليا مش كفاية انه لما عرف بمرضي بعد جوازنا كمل فيه ومسبنيش حتي لو مش بيحبني فانا مدينة ليه لكن انت ندل جبان مش بتحفظ المعروف
لاحظ ايمن انها تعافر حتي تتحدث معه فحاول ان يهدأ الموقف فقلبها لن يتحمل مثل هذا الانفعال فمنذ ولادتها ل توليب رغم تحذير الاطباء من تأثير الحمل علي وضعها الاانها رفضت الاجهاض واكملت الحمل وكانت لنتيجة انها تعيش بقلب يعادل قوة وجهد ربع القلب العادي وهذا أحد اسباب كره الشديد ل تميم فهو يحمله مسؤلية مرضها
= خلاص يا الاء ... انا بفكر في حل تاني اهو ل توليب وصلاح
- حل ايه وزفت ايه انت كل حلولك شيطانية انت ايه ياريتني ما اشتركت معاك ولا سمعت كلامك
= انا مضربتكيش علي ايدك وكله كان بالاتفاق ولا ايه
ليتأكلها الندم ويزيد من حالتها لتتركه وتتجه لغرفتها تجر ذيول الخيبة
وصلت توليب الكبيرة والطفلة منذ قليل وقد وصل الي مسامع توليب اصوات ايمن والاء العالية و توجهت الي مصدر الصوت لتحاول الحل بينهم ولكن اوقفتها والدتهم بطريقة فظة قائلة
دول اخوات في بعض ملكيش دعوة بيهم انتي هنا ضيفة وبس ولو ممكن عايزة اقعد مع حفيدتي شوية
لتجذب يد توليب الغيرة من يدها وتاخذها وتتجه لجناحها
لتشعر توليب بالاحراج ولكنها اعتادت علي اسلوبها وتذهب لغرفتها
💫💫💫💫💫💫💫💫
تجلس مع حفيدتها في جناحها بعد ان عادت من الخارج مع توليب الكبيرة فهي تحبها حبا جما ولكنها تكره تميم لما يجعل ابنتها الاء تعايشه فجلست تمشط لحفيدتها شعرها عندما ارهفت السمع لهمهمات تصدر من حفيدتها لتيدرها اليها مستفسرة
- بتقولي ايه يا توتي
= توتوتوتوللليب ااانننا توتوللليب
لتغمرها بشده وتنهال عليها بالقبلات
- انتي اتكلمتي يا حبيبتي اتكلمتي الحمد لله طيب انا انا مين
= ننننانا
- برافو يا قلبي انا نانا طب استني كده
لتأتي بصورة تجمع توليب الصغيرة و الاء وتميم
= عارفة مين دول يا توتي
- ممممامممما بببباببا توتوتوللليب
= برافو عليكي
لتضمها و هي فرحة ولكن الافكار الشيطانية لا تستأذن قبل ان تتواجد في عقل حامليها
- طيب مش يلا نفرح توليب ونقولها يلا روحي لها وخدي الصورة معاكي
لتنطلق الفتاة في اتجاه غرفة توليب فرحة
كانت توليب في غرفتها تضب محتويات مكتبها فقدا انتهت دراستها وباقي بضع شهور قبل انا تعود مرة اخري لتكون وسط عائلتها لتجد من يحتضنها من ارجلها
= قلللبي الصغنن مش عارفة هعيش حياتي من غيرك ازاي
لتضمها الي صدرها ل تسمع صوتها لاول مرة عذب طفولي متلجلج
- توتوتولللليب
= الحمد لله يارب انتي قولتي توليب صح
- اااايييووه
لتشارو عليها مرة وعلي نفسها مرة مردده في كل مرة اسمهم
جلست توليب واخذت الصغيرة في حضنها مداعبة اياها عندما لمحت الصورة في يدها
= ايه ده وريني كده يا توتي
صورة جميلة كنتو فين كده طب قوليلي اسماءهم يلا عشان اسقفلك
- مممماااممما ببببباببا توتوتوللليب
لتصدم توليب مما تسمعه وتحاول تصحيح المعلومة لها
= لا ده تميم مش بابا
- مممماااممما ببببباببا توتوتوللليب
= يعني ده بابا يا توليب؟!
- اااايييوه مممماااممما ببببباببا توتوتوللليب
لتضعها بجانبها وهي تستعيد كافة المشاهد التي جمعت توليب الصغيرة بتميم و حديث ايمن عن زواج الاء و ان ام زوجة توفت في نفس توقيت والدة تميم حالة الاء عندما يكون تميم متواجد ربطت كل الافكار معا ووصلت لنتيجة واحدة مؤكدة تميم يكون والد توليب الصغيرة لا مفر
حاولت الاتصال به مرارا وتكرارا لكن لم تستطع الوصول له لا تعلم بأنه في الطائرة قادما اليهم فتركت توليب الصغيرة وتوجهت للطرف الاخر في القصة وشعور بانها مخدوعة من الجميع يسيطر عليها فهي اعتبرت الاء اخت وصديقة اخلصت لها غير ان قلبها تناثر بداخلها لجزيئات محطمة حادة تقطع روحها داخليا فعشقها ل تميم فاق الحد كانت تفسر بعده عنها بعد قبلته انه في انتظارها لتنهي دراستها ويتزوجها ولكنها كانت اماني ذهبت ادراج الرياح
تجلس في غرفتها واضعة يدها علي قلبها الذي لم يهدأ نبضه منذ نقاشها مع ايمن وقد نفذ دوائها وبعثت احد الخدم لشراءه عندما دخلت عليها توليب وهي في ثورة غضب لا تعلم الاء سره بعد
= انتي ازاي قدرتي تعملي فيا كده
- مالك في ايه
= ازاي خدعتيني طول الفترة دي .. انا اعتبرتك اختي اعتبتك صحبتي اللي مليش غيرها وانا في الغربة مصعبتش عليكي وانت بتضحكي عليا كل يوم ورا التاني
لتنهرها الاء فقد طفح الكيل
= مين يصعب علي مين وانا حتي جوزي مش عارفة اكلمه عشان متعرفيش ولا وانا شايفة اهتمامه بيكي اللي عمره ما اهتم بيا ربعه و لا نظراتك انتي ودلعك عليها وانا الغيرة بتنهش فيا يا شيخة سيبيني باللي انا فيه
لتتمسك توليب ب الاء من اكتافها وهي تهزها من غضبها
- انا مش هسيبك لازم اعرف ليه وازاي ومن امتي وانتو متجوزين وليه محدش يعرف
ليييييه عملتو فيا كده لييييييه
ولكنها لم تتلقي رد من الاء الي سقطت ارضا مغشيا عليها مما اثار ذعر توليب ونادت علي الجميع ليتم نقل الاء الي المشفي
يقف الجميع امام غرفة العناية المركزة يتأكلهم القلق يريدون الاطمئنان علي الاء فقد سمع الجميع بما دار بينها و بين توليب التي لم تتوقف عن البكاء للحظة ليخرج الطبيب وعلي وجهه علامات الحزن والتأثر
- انا اسف لقد فقدنا المريضة, تعازي الحارة
لينهار الجميع في بكاء شديد لحظة وصول تميم اليهم بعد ان علم من الخدم في المنزل ليري اندفاع زوجة خاله الي توليب مرددة بعنف
انتي السبب انتي اللي موتي بنتي عمري ما هسامحك انتي السبب انتي السبب
💫💫💫💫💫💫💫