رواية الحب قدر لا خيار الفصل الحادي عشر 11 والثاني عشر 12 بقلم غاده عبد الرحمن
الفصل_الحادي_عشر💥💥
اشد انواع الظلم ان تتهمني بما ليس في
شعرت وكأن نظراتهم لها كالاشواك ولكن نظراته هو بالاخص كانت اشد قوة وايلام
- متقوليش كده انا معملتش حاجة
ثم توجهت اليه باكية مستنجدة به
= تميم والله ما عملت حاجة ده ايمن............
لتنتفض بذعر حينما ازاحها بقوة من امامه ويهدر بصوت عالي
- اخرسي مش عايز اسمع صوتك
ويتركهم ويتجه الي الداخل ليلقي النظره الاخيرة علي زوجته
رهبة الموت تنهي فكرة الفرصة الاخيرة التي لم تعد متاحة فجأة
جلس بجوار سريرها صامت لبعض الوقت ينظر ويتذكر كيف كانت في ريعان شبابها والان مغطاة بلا حياة جسد بلا روح ليخيم الحزن علي عينيه شعر بألم في صدره علي حالها فأخذ بيدها قبلها بندم شديد علي كل ما صدر منه تجاهها لم يكن يوما زوجا صالحا جديرا بها يعلم انها بسببه عانت كثيرا
- سامحيني واغفريلي اللي عملته في حقك انتي كنتي تستاهلي حد احست مني اطمني بنتنا هتبقي امانه في رقبتي هحميها واعوضها لتدمع عيناه وهو يكمل انا عارف انك كنتي بتحبيني بس سامحيني مقدرتش قلبي كان مختوم بحب تاني معرفتش اتخلص منه سامحيني اني مكنتش الزوج اللي بتتمنيه سامحيني اني معرفتش اسعدك سامحيني لاني مكنتش جنبك وانتي بتسيبي الدنيا وتمشي
لتتغير نبرته الي قسوة متناهية توازي القسوة التي احتلت عينيه
= واللي كان السبب في موتك انا لاوم ادفعه التمن غالي وغالي اوي
جميهم منتظرون في الخارج في حالة انهيار فللموت هيبة لا يضاهيها شئ فوالدة الاء تبكي بحرقة في حضن زوجها و توليب منزوية في طرف بمفردها في حالة من الصدمة اما ايمن فهو في ملكوت اخر يتذكر كل التفاصيل التي جمعته بأخته منذ طفولتهم الضحك البكاء الحزن الفرح ختي ولادتها ل توليب الصغيرة لم تغب عنه تفصيلة واحدة جمعتهم معا لم يعكر عليه لحظاته سوي رنين الهاتف المتواصل الذي لا ينقطع مرة واثنتين وثلاث وووو حتي بلغ ذروته ليبتعد عنهم ويجيب منفجرا
- عايزة ااايه
= انت فين يا ايمن انا ...
- انتي انتي شيطانه انا اختي ماتت ماتت وانتي السبب
= ازاي ده حصل
- اللي كان نفسك فيه حصل واختك عرفت بجوازها من تميم وموتتها ايوه هي اللي موتتها انا هحسابكو حساب عسير اختي راحت من ورا خططكو و من جريكو ورا سي تميم
واغلق الهاتف في وجهها
لم تهتم صدقا لم تهتم بتاتا بموت الاء فقد تخلصت من عقبة واتجهت للعقبة الاخري والاخيرة في طريق وصولها اليه
هاتفت شقيقتها تحاول ان تستعلم منها ما يحدث
- توليب ازيك
= ازيك يا لميس
- مال صوتك انتي بتعيطي
= الاء ماتت يا لميس ماتت
لتجهش في بكاء مرير لتحاول لميس تهدئتها وتستفسر عن اسباب حدوث الكارثة ولكن توليب كانت في حالة انهيار لم تستطع اكمال المحادث واغلقت الهاتف
جلست كما هي علي طرف الفراش تجمع الخيوط من مكالمتها لايمن ولتوليب لتتوصل الي خطة بديلة وهي تبرر لنفسها ان في الحب والحرب كل شئ مباح لتهب واقفة وتركض ذاهبة الي هدفها التالي
ان تعيش بلا حب خيرا من ان تعش حبا بني علي كذب
دخلت الي منزل تميم وهي ترسم ملامح الحزن والبكاء المزيف وتصرخ بشكل هستيري
- عمو محسن عمو محسن يا رنيم انتو فين يا عمو محسن
ليخرج محسن من مكتبه فزعا
= خير في ايه ايه اللي حصل يا لميس
لم يتلقي منها رد سوي البكاء فقط
- يا بنتي قولي في ايه حد جراله حاجة
لتتظاهر بمحاولاتها لتمالك انفاسها الباكية
= الاء الاء ماتت يا عمو
- لاحول ولا قوة الا بالله الله يرحمك يا الاء
= حصل ازاي وعرفتي منين
كادت ان تخبره انها عملت من ايمن ولكنها تراجعت في اللحظة الاخيرة
- من توليب لسه مكلماني وقالت لي انا مش قادرة اصدق لتكمل في بكاؤها الخادع
لتتلجلج في الحديث مردفة
- بس مش ده كل حاجة
= خير ايه تاني كمال كويس جراله حاجة
- لا يا عمو اصل تميم اااا تميم ......
ليهزها من كتفيها لحثها علي اكمال حديثها قاعصابه لم تعد تتحمل اكثر من ذلك
= ماله تميم انطقي ماله جراله ايه
- تميم كان متجوز الاء ومخلف منها
لم يصدر الرد منه ولكن شاهقة عالية اتت من خلف لميس لينظروا ويجدوا رنيم واقفة اسفل السلم وتبكي بشده
= انتي متأكده من كلامك ده
- طبعا يا عمي توليب لسه قيلالي مع انها عارفة من ساعة ماراحت بس مرضتش تقولنا ليحصل مشاكل وتضطر ترجع
لتنتفض رنيم قائلة بعصبية
= لانها انانية ومش بتفكر غير في نفسها ومستقبلها
تاه محسن في افكاره هلي يحزن علي الاء التي فارقتهم وهي في ريعان الشباب ام يثور ويغضب علي فعلة ابنه المخزية ماذا ينقصه ليتزوج سرا وينجب ايضا
التقط هاتفه واتصل ب تميم
- اول طيارة وتكون عندي هنا
= جايين يا بابا جايين الاء ماتت و هتدفن مع ماما
- ربنا يرحمها
وقبل ان يغلق معه
= ومتنساش تجيب بنتك معاك يا تميم
🌟🌟🌟🌟🌟🌟🌟🌟
ان تخدع شخصا ما فلا تظن انه غبي بل لسوء حظه قد وثق بك
بعد مرور اسبوع , المعروف لن يضيع عند الكرام
جلست تنتظر قدوم رفيقتها في احدي الكافيهات علي النيل ... تعلم انها ستتفاجأ بالتغير الذي طرأ عليها فهي طوال عمرها كانت تعاقب نفسها بإهمالها لما شعرت به من خزي في حياتها ولكن ان الاوان ان تعود الامور الي نصابها وستقوم نفسها بنفسها
- مساء الخير ازيك يا فريال
= اهلا يا شاهي وحشتيني
- معلش والله بس عندنا ظروف وحالة الوفاة الاخيرة دي خلت الكل حزين
= ربنا يجعلها اخر الاحزان
- قوليلي بقي خير قولتيلي عايزاني في موضوع مهم
= انا عايزة اشتغل
- تشتغلي؟ !!! ليه انتو محتاجين حاجة
= مش محتاجة ونادين كمان رجعت الشغل زي ما محسن طلب منها واهو ماشي في اجراءات السجل المدني
= امال ايه خير
- هعمل اللي ياما طلبتيه مني وهرجع لنفسي القديمة اللي كلها شغف وطموح
- بجد انا فرحانة ليكي اوي اوي
= انا عايزة اشاركك انا فاكرة انك قولتي عايزة تعملي مشروع عشان تستقلي بمصروفاتك عن يزيد
- ايوه فعلا بس الفلوس مكفتش
= الفلوس اللي معايا علي اللي معاكي و نفتح بوتيك راقي وان شاء الله نعمله فروع
- يعني ساكته مردتيش
= اقولك ايه بس علي خيرة الله ونبدأ ندور علي مكان
لتبدأ صفحة جديدة في حياتهم يملؤها الامل و التفاؤل بغد افضل
جالس في مكتيه مع صديقه المخلص
- اسبوع عدي يا تميم وانت علي حالك
= عايزني اعمل ايه يعني , مهما قلت لابويا من مبررات واسباب مش قادر يسامحني ده غير احساسه بالخديعة من امي و انها السبب في ده كله بس انا اعمل ايه ذنبي ايه
- بطل تفكير في نفسك شوية وفكر في بنتك هتعمل ايه معاها وهتربيها ازاي
= انا مش عارف انام بسبب تفكيري فيها انا مش هقدر لوحدي شغلي وسفري و هي بنت وهتحتاج لام
- بس مين اللي تتحمل مسؤلية زي دي
ليطرق الباب وتدخل نادين
= استاذ تميم اتفضل الميزانية اللي حضرتك طلبتها
- شكرا يا نادين اتفضلي انتي
لاحظ تميم ان معاذ لم يلتفت لها حتي او يهتم بوجودها ليحاول بعثرت افكاره
= ايه رايك في نادين
- نعم نادين مين دي كمان اللي تأمنها علي تربية بنتك بلاش هبل و اعقل كده
= طيب براحة بتزعق ليه
- لا بزعق ولا زفت انا رايح مكتبي
تركه وذهب ولكنه لم يستطع ان يسيطر علي غضبه المتأجج بداخله فاتجه الي مكتبها لا ينتوي الخير
- هو انتي ايه .. جنسك ايه مش كفاية لعبتي عليا وعلي حمزه اللي طلع اخوكي كماااان عايزة تلعبي علي تميم بس ده انا مش هسمح بيه ابدا
= تميم ايه وبتاع ايه اصلا تميم لسه معرفش اني بنت يزيد عشان يرضي يبصلي
- فعلا امي كان عندها حق في كل كلمة قالتها عليكو
لتتقدم منه وتصفعه بكل ما اوتيت من قوة لن تتهاون في حقها من بعد اليوم ولن تتقبل الاهانة من اي شخص
= اااااه قول كده الست الوالدة الدكتورة شيرين اللي جت لحد عندي في بيتي عشان تهزئني وتهني انا وامي فعلا كلامها صح و هي اللي خلتني اعمل كده مع حمزهعشان اقدر اظهر الحقيقة وتعرف انا بنت مين بدل ما كانت بتبيع وتشتري فيا اوعي تكون فاكر اني هسكت لك لا انا لما سكت للست والدتك كان احترام مش اكتر
- ايه اللي بتقوليه ده وانا امي تجيلك ليه
= والله اسالها هي متسالنيش انا او اسال سيد البواب وكفاية لحد كده من فضلك تعاملك معايا في حدود الشغل لا اكثر ولا اقل
لم يعلم بماذا يجيبها او ماذا يقول ما يشعر به انه كل يوم يفقدها اكثر من سابقه
النفس تميل لمن يشبهها والقلب يميل لمن يدخله دون استئذان
حاولت بكل الطرق المحببة للاطفال ان تستميلها و لكنها عنيدة كأبيها تحب من تحب وتكره من تكره بلا مراوغة
- اخبار الحلوة ايه حبيبة جدو ؟
لم يتلقي منها توليب الصغيرة رد ليكرر سؤاله موجها اياه ل لميس
= الحمد لله يا عمو اتغدت واخدت شاور
- ربنا يبارك لك يا لميس والله من يوم اللي حصل وانتي منزلتيش الشركة وقاعدة معاها ليل نهار
= متقولش كده يا عمو توتي دي حبيبتي ورنيم صغيرة مش هتقدر
لتنطق توليب الصغيرة بتصميم
- توتوليييب عايزة توتوليييب
لينادي علي الخادمة
= خدي توتي ل توليب في فيلا عامر بيه
بعد ذهاب الطفلة اردفت لميس قائلة
- توتي محتاجة لمتابعة وعناية حبيبة قلبي اتحرمت من مامتها بدري لتمثل الحسرة والحزن وهي تكمل
وانا للاسف اخدت اجازة اسبوع وهضطر ارجع الشغل واسيبها
= والله يا لميس انا ما شوفت اهتمام زي اهتمامك ب توليب حتي من توليب اختك نفسها انا صحيح شديت عليها جامد لما رجعت و انا عارف ان بسبب كده مش بتيجي هنا بسبب موقفي وموقفنا كلنا هنا منها
ليأخذها تحت ذراعه وهو يكمل
- بس متقلقيش انا عندي حل لكل ده انتي حبيبة عمك وعارفة اني عارف مصلحتك فين ومع مين
فهمت ما يرمي اليه عمها بحديثه لتجيبه و هي خجلة
= طبعا يا عمو وحضرتك عارف انا بحبه قد ايه اووبس قصدي بحبكو كلكو قد ايه
لتتركه وتذهب الي منزلها لتتقابل مع تميم وهو عائد من الشركة ليتبادلو التحيات والاسئلة المعتادة تحت انظار ابيه من النافذة ثم يتوجه تميم الي الداخل ينوي الصعود لغرفته لينال قسطا من الراحة ولكن استوقفه نداء والده الذي لم يتحدث معه منذ ما حدث
- اقعد يا تميم عايزك
= اتفضل يا بابا انا سامعك
- طبعا انا مش هدخل في تفاصيل وكلام لا هيقدم ولا يأخر بص يا بني اللي حصل حصل دلوقتي انتي بقي عندك بنت يعني مسئولية واحنا كرجاله منعرفش في الحاجات دي وانتو اهو بالرغم ان امكو ماتت وانتو كبار بس سوسن وشاهي كان ليهم دور في حياتكم كبييير
= اكيد يا بابا انا بعتبرهم في مقام امي
- حيث كده بقي انا شايف انك تتجوز والمرة دي هتتجوز من المغازية و تحت عيني
= انا مش صغير يا بابا للطريقة اللي حضرتك بترسم وتخطط في حياتي انا كان ممكن انفصل عن الشركة من زمان واسس لنفسي كيان بس انا فضلت اكون معاكو
- انا ابوك ولازم تسمع كلامي انا هخطبلك لميس البنت من يوم ما رجعتو وهي ملازمة لبنتك اكل وشرب ولعب و غيار وغيره فكر في مصلحة بنتك مش مصلحتك و مزاجيتك الوضع دلوقتي مختلف
= منكرش ان بيني وبين لميس حاجات مشتركة كتير بس انا مش بحبها هو انا مكتوب عليا اتجوز بسبب الظروف طب وانا يا بابا وقلبي مش من حقي احب واتحب واتجوز اللي احبها
لاول مرة يشعر ابيه بما يعتلي صدر ابنه فقد اسي الكثير وتحمل الاكثر
- يا بني الوضع دلوقتي مختلف انت بقيت اب ومعاك بنت ومفيش احسن من بنت عمك تصونك وتحب بنتك
= اللي تشوفه يا بابا انا خلاص اتعودت وقلبي دفنته
ليترك والده يتحسر علي حاله ولده الصلب القوي و هو كالورقة في مهب رياح الشتاء الشديدة
🌟🌟🌟🌟🌟🌟🌟🌟
يرفرف قلبها بين اضلعها بعد حديثها مع عمها ووصولها لهدفها ومبتغاها اول ما فعلت حينما دخلت غرفتها هي الاتصال بشريكها العتيد
- ايوه يا ايمن اخبارك
= الحمد لله يا لميس خير في ايه
- انا بس حبيت اعرفك ان خططي مش فاشلة زي ما كنت بتقول , وان اللي انت مقدرتش تعمله في 3 سنين عملته انا في اسبوع واحد بس
= قصدك ايه مش فاهم
- قصدي ان خطبتي علي تميم قريب و قريب اوي لسه عمو محسن مبلغني يعني خلاص هعيش الحلم اللي ياما حلمت بيه هتجوز تميم حبيبي رغم كل حاجة عدت علينا
= الف مبروك
اغلق الهاتف وهو يعتصره من فرط عصبيته ليردف بصوت عالي
مش هسيبك تتهني بعد ما اختي ماتت وهي زعلانة مني و ده كله بسببك انتي يا لميس لا يمكن اسيبك تتهني بجوزها و بنتها وهي ميته تحت التراب والله لاندمك
- الو اهلا ازيك يا توليب الحمد لله احنا بخير لا لا مش عايز توتي انا عايزك في موضوع مهم حياة او موت
= براحة طيب يا ايمن ... توتي روحي العبي مع نانا سوسن
- خير يا ايمن لو هتكلمني علي موت الاء الله يرحمها فانا اقسملك بالله ما عملت لها حاجة ممكن نكون انفعلنا في الكلام بس والله مش ذنبي
= انا عارف ان ملكيش ذنب ده عمرها وخلص لحد كده والدكاترة اصلا كانو فاقدين الامل
- طيب الحمد لله في ايه بقي
= في ان كل اللي حصلك ولسه هيحصلك من تدبير حد قريب منك جدا
- حصل ايه وبيحصل ايه يا ايمن رتب كلامك كده وفهمني
سرد لها ايمن ما حدث منذ بداية الاتفاق مع لميس وحتي مكالمتها الاخيرة له لتبشره بخطبتها
لم يستوعب عقلها بل وقلبها ايضا كم الحقد والكراهية التي وصفها ايمن لها و من اختها شقيقتها
= اننننت بتكدب ايوه بتكدب بتنتقم مني عشان موت اختك ايوه اختي متعملش كده انت سامع متعملش كده
علي العموم انا قلت لك الحقيقة وافتحي الواتس هتلاقي محادثتنا و فويسات كمان وانتي حرة يا تكملي في سذاجتك وطيبتك يا تبقي قوية وتاخدي حقك
سقطت علي فراشها ترتعش بشدة من هول ما سمعته ليس من السهل ان تعلم انك تعرضت للغدر والخيانة والادهي عندما تأتي خيانتك من القريب بل اقرب الاقربين الذي طالما وثقت به وارتميت بين ذراعيه
🌟🌟🌟🌟🌟🌟🌟🌟
كان علي الموعد المرتقب لحظه السعيد كما يسميه
- اهلا يزيد بيه
= اركب يا سعيد
- اوامرك يا باشا
= بص بقي انا عايزك تكفر سيائتهم من الاخر مفيش يوم من غير ما تنط لهم و تبهدلهم مش عايزهم يشوفو راحة في حياتهم خالص
- وماله يا بيه سهلة هي اول مرة ما دي كانت حياتهم من قبل ما يسيبو البيت
= اااه وبالنسبة لفريال فانت جوزها يعني تطلبها في بيت الطاعة و تطلع عينيها
- حبيبي يا باشا هو ده الكلام
= وزي ما اتقفنا مش هتنام جعان وانت معايا ابدااا يلا مع السلامة
انتهي من مخططه الانتقامي الاول ليتجه الي الاخر ليتحدث في الهاتف
- ايوه يا حمزه هات الخاتم اللي انت قلت عليه ايوه خلاص انهارده عمك محسن عامل اجتماع بكره في البيت و هيخطب لميس ل تميم واحنا بقي نستغل انها منبوذة من الاغلبية دلوقتي ونخطبلك توليب هههههه وبكده ناكل نص التورته معاهم ولا ايه يلا ضبط امورك سلام
يجلس في صومعته يسطر في مذكراته
"إنها من ذلك النوع الذي لا يمكن أن تحب بعدها أبدا فهي تأتي لتكون الاخيرة"
عندما رن هاتفه ليعلن عن اتصال من معاذ
- ايوه يا تيمو
= عايز ايه يا معاذ
- براحة يا عم بقولك هو انتو عندكو مناسبة ولا حاجة من غير ما اعرف
= لا لا في مناسبة ولا غيره بتسأل ليه
- اصل حمزه كان في معرض مدينة نصر واخد خاتم بفص الماس وطلب علبه خشب زان يتحفر عليها حرف t بفصوص عليها
وطبعا ما دفعش وقال انه للعيلة
= بقي كده مش بيضيع وقت ابدا اكيد وصله خبر
- خبر ايه يا تميم فهمني
= ولا حاجة ولا حاجة خلاص انا هتصرف يا معاذ سلام
🌟🌟🌟🌟🌟🌟🌟🌟
اختي ....... أتينا من رحم واحد ...... قطعة من روحي.... نبض قلبي .....سفينتي ومرفأي .... سعادتي في ابتسامتها ...... اختي التي لن تخذلني ابدا
اصوات احاديثهم العالية تطغي علي صوت التحطم الذي تمتلئ بها الحجرة ... فهي الان كالجنيات خارجة عن السيطرة لن يأتيك سوي الاذب ان اقتربت منها فنيران قلبها قد تحرق كل من حولها
- كفاية كده كفاااااية هتأذي نفسك
= هو ايه اللي كفاية يا شاهي روحي بتتسحب مني
لتسقط ارضا غير أبهة بالزجاج المتناثر حولها واسفلها
= ازاي ده حصل و امتي ولييييييه ليه يعملوا فيا كده
ليعلو صوت نحيبها وكأن الموت خطف منها اعز ما تملك
- لييييييييه ياااااااارب ليييييييييه انا طلبته منك في كل صلاة في كل ركعة حفظت نفسي وقلبي ليه هو بس ياااااااااااااااارب اعمل ايه لو اي واحدة تانية كان ممكن تبقي اسهل بس دي اختي اختي اللي مليش غيرها
- يارب خدهم وريح قلبي من النار اللي جواه لا لا استغفر الله العظيم طب خدني انا اريح ليهم وليا
= حرام عليكي نفسك اهدي بقي ..... تميم ملوش ذنب بيفكر كأي اب محتاج ام لبنته بس انتي لازم تدافعي عن حبك ومتخليش حاجة تبعدك... انا لما عرفت اتفاق حمزه ويزيد جيت عشان اقولك ترفضي مكنتش اعرف كل الحاجات دي
لتمسح دموعها بكف يدها وتحتل نظرات التصميم النارية عينيها وتردف
- انتي عندك حق انا خلاص هاخد حقي بايدي توليب القديمة دي خلاص انسوها والقعدة دي هتمشي علي مزاجي وزي ما انا عايزة
- ايوه كده انا عايزاكي توليب القوية اللي محدش يقدر عليها
جلسو جميعا منتظرين ان يبدأ محسن في الحديث فهو صاحب الدعوة لهذا الجمع اليوم
- طبعا انا جمعتكو انهاردة اولا عشان نكون مع بعض في الظروف اللي احنا فيها دي مع بعض .....
بص يا عامر , احممممم انا انهاردة حابب اطلب منك ايد ........
ليقاطعه صوت تميم القاطع
= ايد توليب يا عمي واتمني انك توافق
كادت العيون ان تخرج من مقلتيها و كادت الافواه ان تلامس الارض من شده اتساعها ما حدث قلب موازين الجميع وحساباتهم
لحظات الصمت والاندهاش لم تستمر طويلا حيث قطعها عامر
- انت ابني يا تميم بسسس.....
لتهب توليب واقفة لتردف بكل قوة وتحدى
= انا موافقة يا تميم انا موافقة يا بابا
لتثير غضب عامر بتصرفها
- انتي تسكتي خالص لما اكون بتكلم
= انا مش صغيرة و عارفة مصلحتي كويس ده غير اني معاشرة توتي 3 سنين يعني عارفة كل تفاصيل حياتها من فضلك يا بابا دي حياتي وده قراري
ليتدخل يزيد كالحية بين الاغصان المتشابكة
- سيب الولاد مادام عايزين بعض و برده احنا كمان حابين نطلب منك ايد رنيم و تبقي الفرحة فرحتين
ليجيبه محسن وهو يحاول الرفض بطريقة لبقة
= رنيم ل حمزه !!! بسسس دول زي الاخوات
لتهب رنيم علي شاكلة توليب
= حمزه مش اخويا يا بابا وانا موافقة ولا هو حلال ل توليب وحرام عليا انا كمان من حقي اقرر حياتي وانا عايزة حمزه وبحبه عاملونا بقي مرة زي ما بتعملو توليب وبتنفذوا كل طلباتها مع انكو عارفين ان لميس بتعشق تميم من صغرها ولا هي توليب بنت المغازية وانا لا
مهما حاول يزيد ان يداري ابتسامة التشفي التي ارتسمت علي وجهه كان يفشل
ليتدخل عامر ناهيا النقاش
- خلاص يا محسن بناتنا اختاروا واحنا لازم نتقبل قرارهم بس نتيجة القرار ده يتحملوه لوحدهم زي ما اختاروه لوحدهم
تفرق الجمع كلا ذاهب في اتجاه ولكنها لن تتركها هكذا دون عقاب ذهبت في اثرها و امسكتها من ذراعها لتلتف لها
= بتعيطي يا لميس عيطي عيطي كمان وكمان انا مش مسمحاكي ولا هسامحك في يوم وهخليكي تدفعي التمن غالي اوي بس اصبري عليا
لم تتصور لميس في اي وقت ان تكون تلك الكلمات الشامته الجارحة تصدر من توليب اختها وقد انكشف المستور وعندما رفعت وجهها لتواجه توليب فوجئت بأبيها الذي استمع لحديثهم لتبرر قبل ان تفشي توليب السر
- بابا اناااا..
ولكنه لم يهتم لها بل ادار توليب لمواجهته لتنال صفعة مدوية فهي وللمرة الاولي تمتد يد والدها عليها ولكن كلماته كانت اشد من الصفعة
= الظاهر اني معرفتش ارابيكي يا خسارة يا توليب يا خساارة
🌟🌟🌟🌟🌟🌟🌟🌟
الفصل_الثاني_عشر
خسرت الجدار الذي استند اليه ..... خسرت أبي
- بتضربني يا بابا
امسك بها من ذراعها يضغط عليه بقوه وهو يردف
= انا عمري ما مديت ايدي عليكي بس انتي تخطيتي كل الحدود
- وانا عملت ايه تميم اتقدملي وانا وافقت مش ده حق من حقوقي اوافق او ارفض علي شريك حياتي
= حقك مقلتش حاجة بس زي ما بتدوري علي حقك متدسويش علي حقوق غيرك اللي هو مش اي حد اختك اللي طول عمرها مش بتهتم غير بيكي
لتلتفتت توليب الي اختها وهي تلقي عليها نظرة حاقدة
- ااااه اختي .... بس معلش يا بابا هي عمرها ما قلت ولا صرحت وتميم لما اتقدم اتقدم ليا انا مش ليها هي
= انتي ازاي كده ازاي بجحة وعندك غيره بالشكل ده من اختك
لتتدخل والدتها في الحديث
- يا بنتي افهمي ده عنده بنت وانتي صغيرة انتي اصلا طفلة متفرقيش عنها كتير
= يا ماما افهميني انا اقرب واحدة ل توتي كنت معاها لمده 3 سنين يعني اعرف عنها كل حاجة بتحب تاكل ايه و تشرب ايه عندها حساسية من ايه وبتحلم بايه محدش هيهتم بيها ازاي ولا يحبها قدي
لتتذكر اخر كلمات الاء التي اخبرتها بها قبل ذهابها الي المشفي ... كانت جالسة علي الارض تسند الاء بيديها وتصرخ منادية علي الجميع لينجدهم احد لتهمس الاء ببعض الكلمات والتي اضطرت توليب للاحناء حتي تستطيع سماعها
"توليب بنتي امانة في رقبتك ملهاش ذنب وتميم انا حبيته بجد خلي بالك منهم "
ثم فقدت الوعي ولم تستعيده بعدها حتي سلمت روحها لخالقها ومنذ ذلك وقررت توليب ان تتحمل اي شئ في مقابل حماية توليب وان تكون بجوارها .
- خلاص يا عامر تميم اختارها يعني عايزها وهي وافقت يعني برده عايزاه ولحد هنا وكفاية كلام
_ طب قوليلي هتعيش ازاي مع عمها في بيت واحد وهو مش طيقها من ساعة ما عرف أن الهانم كانت عارفة بجواز تميم ومقلتش لحد
لتتوجه توليب بالحديث الي ابيها
=كدب والله كدب انا عرفت يوم وفاة الاء ولو مش مصدقين اسالوا ايمن هو عارف الحقيقة
لتتنهد بتعب وتكمل
علي العموم يا بابا في حاجات كتير حضرتك متعرفهاش بس هيجي الوقت المناسب والكل يعرفها بس لما يجي اوانها عن اذنكو
لينتهي الحديث ويصعد كلا منهم الي غرفته
في غرفة توليب
رن هاتفها مجرد ما ان خطت داخل غرفتها
- ايوه يا تميم
ليقول بنبرة ساخرة
= مبروك يا عروسة
لم يتلقي رد
- اوعي تكوني فاكرة نفسك عروسة وهتتدللي وتكسفي لا يا ماما انا عملت كده عشان تدفعي تمن اخطاءك وتكفري عن اللي عملتيه في بنتي و انك السبب في يتمها
= وماله يا تميم بكره نشوف مين فينا هيكفر سيئات التاني وعلي العموم انا خلاص خسرت كل حاجة حتي ابويا
شعر بالتعاطف معها و لكنه لم يظهره
- ولسه عقابك هيكون اكبر من كده بكتييير سلام يا عروسة
دخلت لميس غرفتها لم تتواني عن تكسير كل ما هو قابل للكسر حتي تفرغ ما بداخلها من غضب ثم دفنت وجهها في وسادتها واطلقت العديد من الصرخات حتي لا يسمعها احد لم يقطعها سوس رنين هاتفها المتواصل
- الوو
= ونقول مبروووووووك لاحلي عروسة اوووبس قصدي اخت عروسة مش كده ولا ايه يا لميس
- انت قلت ل توليب مش كده بتبعني يا ايمن
ليجيبها بتوعد
= ولسه اللي عملته ده قرصة ودن والباقي اعظم بالشفا عليكي يا قطة
قذفت هاتفها لتهشم الي قطع صغير كسائر اغراض غرفتها وهي تتوعد بداخلها انها لن تترك احد منهم بخير حتي تميم بعد ان تخلي عنها
✨✨✨✨✨✨✨
من الطبيعي ان يطعنك احدهم في ظهرك ولكن ان تجده اقرب الناس اليك عند التفافك فهذا اقصي انواع الظلم
جالسان في غرفة المكتب يرسمون خطة بديلة بعد ان باءت خطتهم بالفشل
- انت اتسرعت يا بابا انا مش عايز رنيم ولا بحبها
= يعني هو انت كنت بنحب توليب ما احنا دفنينه سوا وبعدين كنت عايزني اعمل ايه بعد ما توليب طارت من ايدينا وسي تميم كده هيسيطر علي نصيب عامر و نصيب محسن وانا نصيبي ميكملش 10%
ليكمل حديثه وقد غلب علي صوته نبرة الاغراء والاقناع
- ناخد احنا بقي رنيم ونطلع بنصيبها من الشركة والمعارض وكله ها قولت ايه
= هقول ايه يا بابا ده انت دماغك الماظ
- طبعا يا واد امال ايه
= بس فاتت منك حاجة
- ايه تاني يا بومة
= نادين اختي وامها
- متقولش اختك يا زفت عكرت مزاجي الله يسامحك .... دول سيبهم لي انا هتصرف معاهم وزي ما خلصت منهم زمان هخلص دلوقتي
في مكان اخر تبني الاحلام وتصبح واقع ملموس ليمتلئ صاحبها بالزهو والفخر والامل ... تقف في المحل يدب النشاط في اوصالها وهي تتحدث مع العمال وتوجههم لعمل ما تريد لم تعد تشعر بعجزها او بالم قدمها
- السلام عليكم
لتلتفتت وتجد عادل مقبلا عليها حاملا في يده صندوق هدايا كبير
= وعليكم السلام اهلا يا عادل المكان نور
- ده منور بوجودك ... حبيت اول واحد يهاديكو في المحل الجديد وعقبال الافتتاح
= تسلم يا عادل والله
لتفتح الصندوق لتجدها برواز لاية قرآنية بتنسيق رائع
- احلي هدية فعلا هحطها في مكتبي انا وشاهي
= هي احلي هدية فعلا عشان ليكي
- ياااه يا عادل لسه كلامك حلو زي ما هو
= مش كلامي بس يا فريال وقلبي كمان زي ماهو
- خلاص معدش له لازمة الكلام
= انا مش هتكلم دلوقتي هستني لما تبقي حرة وبعدين اقدر اقول اللي نفسي اقوله من زمان .. هسيبك لشغلك بقي مع السلامة
في مكتب عامر في الشركة
- ممكن ادخل يا عمي
= طبعا اتفضل يا تميم
- انا مش عايز حضرتك تكون زعلان مني بس انا بفكر في مصلحة بنتي وحضرتك شايف متعلقة بتوليب ازاي
= ربنا يوفقكو يا بني ... انا بتمني الخير لبناتي و ليك
- طيب حيث كده نكتب الكتاب يوم الخميس الجاي وبالنسبة لظروفي مش هعرف اعمل فرح
= كل ده مفهوم و اكيد توليب مادام وافقت يبقي لازم تتقبل كل قراراتك علي بركة الله يا بني انا هبلغ سوسن
- وبالنسبة للجناح من انهاردة في ناس شغالين في البيت وبيضبطو الدنيا
= تمام يا تميم الف مبرووك
عاد الي منزله ليدخل غرفته دون حديث مع احد لتلحقه زوجته حتي تطئن عليه
- مالك يا عامر انت تعبان
= لا يا سوسن اطمني ... كتب كتاب توليب يوم الخميس شوفيها لو محتاجة حاجة اشتريلها اللي نفسها فيه
- وانت مش فرحان عشان كده
= بنتي برنسيسة عيلة المغازي تجوز واحد أرمل ومخلف لا وكمان من غير فرح يعني مش هشوفها في الفستان الابيض كل ده ومش عايزاني احزن عليها
- بس هي مش هتجوز اي حد ده تميم المغازي واللي ميلاحظش حبه ليها يبقي اعمي بس انا ياما كدبت نفسي وقلت صغيرة عليه وهو بيدلعها كطفلة
= طب ولميس بنتك انت مش عارفة هي بتحبه قد ايه
- بس هو مختارهاش كرامتها اهم الحب من طرف واحد مش ذنب نعاقب عليه تميم وتوليب ... طول الوقت كنت قلقانه علي توليب قلبها ابيض و متعرفش الحقد والشر كده انا هطمن عليها وهي مع تميم
= وكلامها لاختها وجرحها ليها
- ده اللي محيرني وعايزة اعرف السبب عمرهم ما كانو كده
= تميم فرق بناتي و طلع اسوء ما فيهم
- بلاش تشيل تميم كل حاجة واستني مع الايام كله هيبان انا هروح ل توليب
اصبحت علاقاتهم فاترة قد تكون منعدمة لا يتعدي الحديث بينهم حدود العمل وكلا منهم يتأكله الشوق للاخر
لاحظ تميم الفتور بينهم فحاول فهم الموقف من معاذ
- معاذ اعمل حسابك هتشتهد علي كتب كتابي انا و توليب
= حاضر الف مبروك مع اني مش فاهم اي حاجة بس حاضر
- الا قولي اخبار نادين ايه
= اشمعني بتسال عن نادين
- عادي يعني اصل في حد سالني عليها عايز يتقدم لها
= وده مين ان شاء الله
- رجل اعمال صاحبي بيتعامل معانا شافها وعجبته
= اه طبعا ماهي مغازية
- نعم بتقول ايه
= هههو انت متعرفش انها طلعت بنت يزيد
- يزيد وانا زي الاطرش في الزفة محدش استعني يقولي
ليتركه صافعا باب المكتب خلفه متجها الي مكتب ابيه
- ازاي يا بابا تسمح بحاجة زي دي
= تقصد ايه
- اقصد ان عمي يزيد طلع عنده بنت واحنا منعرفش او بمعني اصح انا معرفش وكمان نديهم رنيم
وحضرتك عارف وانا عارف ان حمزه نسخة مصغرة من عمي يزيد
= وهو انت خليت ليا مجال اني اقول او اعترض بعد اللي عملته واختك اختارته
- طب والبنت الغلبانة دي
= خلاص انا اتصرفت وعدلت كل حاجة في السجل بوسطاتي بس ربنا يبعد عنهم اذي عمك وبعدين اقولك ايه واعيد ايه وانت كنت في مصيبتك وتعالي هنا اقولك مرات خالك اتصلت لما عرفت بخبر جوازك وطبعا قالت كل اللي في نفسها و اوعي تكون مصدق كلامها كلنا عارفين ان الاء كانت مريضة اوعي تظلم بنت عمك انا صحيح زعلان منها بس مش هسمح تأذيها
- هحاول يا بابا هحاول ... ايه رايك نجيب نادين ومامتها يسكنو في الملحق معانا هو يعتبر فيلا زي بتاعتنا بس ع صغير مينفعش تفضل قاعدة عند معاذ و هي مغازية و عندها ملكها
- بس عمك يزيد
= هو ليه عين يتكلم سيب الموضوع ده ليا انا
لسنا مجبرين علي تبرير لمن يسئ الظن بنا انفسنا فالعين تكذب نفسها إن احبت
جاء يوم الخميس سريعا اقتصر الحضور علي الاهل فقط باستثناء لميس حتي تشعرهم بالذنب
توسط المأذون تميم و عامر ليردد كلا منهم وراءه حتي تم الزواج ودعي لهما بصلاح الحال
ليوجه عامر حديثه ل تميم اطلع هات عروستك يا تميم
ليبتسم تميم ويتوجه الي اعلي حيث غرفة توليب
خطفت قلبه بما ترتديه من فستان وردي هادئ يبرز عودها وجمالها الخلاب ولكن ما اسعد قلبه عندما راي توليب الصغيرة جالسة بجوارها مرتدية فستان منفوش وكأنها هي العروس ولكنه لم يظهر اي مشاعر عندما بدأ بالتحدث
- كويس انك ملبستيش فستان ابيض عملتي الصح هننزل يلا
= ليا طلب يا تميم
- اتفضلي
= قدامهم احنا في منتهي التفاهم والسعادة كفاية خسرت اهلي بلاش كمان اخلي الحزن والقلق يسكن قلوبهم
- وانا مش حابب حد يعرف عننا حاجة
ليهبطوا الي اسفل يتوسطهم تميم والابتسامة مرسومة علي وجوههم حتي مباركات كانت فاترة
اطالت توليب الكبيرة النظر ل رنيم لا تعلم متي اصبحوا بهذا البعد و البرود ولكنها عزمت ان تكتشف كل شئ في وقته
بعد ان نامت توليب الصغيرة توجهت توليب الي جناحها هي وتميم كم حلمت وتمنت هذا اليوم ولكن ليس هكذا ولكن ما باليد حيلة
دلفت لتجده جالسا في الغرفة الملحقة بغرفة النوم في انتظارها
- توتي نامت خلاص
= لازم تعرفي اني اتجوزتك عشانها مش حبا فيكي اوعي في يوم تقصري معاها ساعتها فعلا مش هرحمك
- مش محتاج تفكرني كل شوية انا من انهاردة اعتبرتها بنتي
ليضع امامها خاتم يمثل شكل زهرة التوليب من الذهب الابيض وتزينه فصوص زرقاء بلون عيون تميم

- ده خاتم لقيته في درج المكتب حاجة تلبسيها والسلام عشان كلام الناس
اخذته من علي الطاولة وارتدته بحزن ثم اردفت
= شكرا عن اذنك انا هنام
دلفت الي الحمام حتي تتجهز للنوم وقد اختارت اكثر ملابسها احتشاما وعندما خرجت وجدته قد تجهز للنوم هو الاخر وابدل ملابسه متجها الي السرير
- استني هنا انت هتعمل ايه
= انتي شايفة ايه هنام
- لاااااا انا هنام علي السرير اما انت نام علي الكنبة علي الكرسي برحتك
= يعني ايه
- هو كده زي ما بقولك
لتدفعه برفق بعيدا عن السرير ليستسلم الي اوامرها فهو كان لا يعلم كيف سيتحمل ان ينام بجوارها دون ان يلمسها ويأخذها بين ذراعيه ولكن الوضع علي الكنبة لم يكن اسهل كثيرا فلم يستتطع النوم الا بعد فترة من
حدد حمزه مع رنيم ميعاد فرحهم بعد اسبوع من زواج تميم وتوليب وان يقيموه بداخل حديقة الفيلا نظرا للظروف
- تميم انا هنزل اشتري فستان عشان فرح رنيم
= فرح رنيم !!! وانتي مين قال هتحضري الفرح
- يعني ايه
= يعني حضرتك هتفضلي هنا وانا هروح اقوم بالواجب وبس كده
- ازاي يعني وليه ان شاء الله
- تؤتؤتؤ انتي نسيتي انك عروسة لسه جديدة عيب ميصحش هههههههه
وكمان توليب بتنام بدري ولا انتي نسيتي انك هنا عشانها وعشانها هي بس
= ماشي يا تميم اللي تشوفه
تعجب من تقبلها للامر دون معافرة ولكنه لم يهتم معتقدا انه قد روضها
بدئت مراسم الزفاف وحضر الاهل وعدد من الاصدقاء تسال البعض عن توليب ولكن برر تميم عدم حضورها انها تهتم بتوليب الصغيرة
عند انتصاف الحفل طلت عليهم بجمالها الاخاذ وهي تتهادي في مشيتها حتي انصبت اعين الجميع عليها باعجاب عادا عينيه التي اشتعلت غضبا عليها بعد ان كسرت اوامره وقدمت للحفل

جلست مع عائلتها علي طاولة واحدة وكأنها منبوذة فموقفهم لم يتغير منها حتي الان تنظر الي تميم وهو يتمايل مع اخته علي انغام الموسيقي لا تعلم لما شعرت بالغيرة من رنيم فهي حتي لو اخته تغار عليه منها
وجدت يد توضع علي كتفها
- ايه رايك ترقصي مع عمك العجوز
= طبعا يا عمو وانا اطول
بدأو في الرقص سويا وانتهزها يزيد فرصة ليبخ سمه المعتاد
- مقدرتش مشوفكيش في الحفلة عشان كده كلمتك واصريت انك تيجي واهو الفرح نور بيكي
= شكرا يا عمو والف مبروك ل حمزه
- بجد انتي صعبانه عليا يا توليب ليه عملتي كده في نفسك
= ليه يا عمو وانا مالي ما انا كويسة وزي الفل اهو
- هتخبي علي عمو برده انا مش عارفة ايه حصل تميم كان موافق يخطب لميس فجأة غير رايه
= يعني تميم كان موافق
- طبعا يا حبيبتي وهو اللي طلب من محسن يطلبها الظاهر في بينهم حاجة واهو المرة دي ميقدرش يقول كان مغصوب زي اللي فاتت
اكملو الرقصة وهي تائهة في افكارها لم تشعر باقترابها من تميم ورنيم الا عندما صرح عمها
- ايه يا تميم سايب عروستك وبترقص مع اختك تعالي ارقص مع مراتك وانا ارقص مع مرات ابني حبيبتي
ليتبادلو الفتيات فيما بينهم
- انتي ازاي تكسري كلامي
= توتي نامت و سبت معاها الدادة و قلت عيب رنيم اخت جوزي وصحبتي لازم احضره
- ولا مش قادرة و عايزة تشوفي الحب القديم سي حمزه
ليشد علي يدها بين يده ويردف
- اوعي تفكري مجرد تفكير انك تخربي علي اختي ولا تبوظي حياتها هتلاقيني واقف في وشك
= حمزه حب قديم ههههههههه انت اكيد بتهزر
- كان نفسي لولا اني شفتكم بعيني عن اذنك في حد مهم لازم استقبله
لتنظر الي اين ذهب وتجده هو وشاهي في استقبال سيدة ما ومعها فتاة شابه فيها من الشبه منها الكثير
أما عند يزيد و رنيم
- مش قادر اوصفلك سعادتي بجوازك من حمزه يا رنيم
= شكرا يا عمو يارب اقدر افرحك دايما
-انتي عارفة انا بعتبرك بنتي فاسمعي مني النصيحة دي خلي بالك من جوزك ومتخليش حد يلعب عليه وياخده منك حرصي يا بنتي وخافي علي بيتك.
رات توليب تميم يأخذ بيد الفتاة و يعتلي المسرح ويوقف الموسيقي ليجذب انتباه الجميع له ولها وهي في قمة غضبها
مساء الخير جميعا شكرا لتشريفكم حفل زواج اختي رنيم وابن عمي حمزه بس حبيت اعرفكو علي مفاجأة الحفل
نادين يزيد المغازي بنت عمي اتمني منكو الترحيب بيها وهو يصوب نظراته التحذيرية الي كلا من حمزه ويزيد
ليلتف الجميع من حولهم مرحبين و مهنئين
اقترب يزيد من تميم كالفهد الذي تربص بفريسته
مفاجأة حلوة يا بن محسن بس انا مفاجأتي مبتخلصش الاولي توليب ومجيتها هنا والتاني اهي اتفرج
يا جماعة رحبو معايا بأيمن خال توتي ثم صمت للحظات ليزيد التشويق
وخطيب بنتي نادين ✨✨✨