رواية ضحية فرعون الفصل الخامس والثلاثون 35 بقلم منه محمد
قاعد يشات مع جيجي ع الموبيل ويبتسم
ايمان بهدوء: امير ممكن اتكلم معاك
امير من غير ما يبصلها: في ايه تاني
ايمان: لحد ما تكتب كتابك ع جيجي ,,ممكن تحافظ ع حدودك قدام الاولاد وساره احترم كبر سنها
امير بحتقار: بتحاولي تنصحيني ,,شايفه نفسك احسن مني بعد ما غازلتي راجل تاني , عارفه ليه بتساهل مع جيجي لاني حاسس بالملل لدرجه مش طايق ابقي جنبك بمعني تاني انا بكرهك ,,عندك فكره انا ليه اتغيرت وبقيت كده بسببك
ايمان: لو كان الامر كده اتجوز من جيجي بأسرع وقت ممكن,, حلل الي هو حرام مش مستاهل تاخد ذنوب بسبيي
امير صرخ فيها بجنون: بس كفايه مفيش داعي تسخري مني,, لو في امكاني اتجوزها الليله هعملها ,,لكن مش ممكن لانها بنت ناس محترمه, ومن عيله غنيه عايله ,,اصيله وابوها عايز يعمل فرح كبير لبنته , وانتي عارفه انك دخلتي نفسك في ورطه ,,كنتي مستعده تسلمي نفسك ليا لانك خططتي تتجوزي من شاب غني ,,اتنازلتي عن فستان وفرح واتجوزتي بسرعه حتي اهلك عالم في منتهي الوقاحه , وناس غلابه من قريه معندهمش ذره حيا عايزين بس يستفادوا من ثروه الناس
ايمان: تمام لو دي خطتك هوافق عليها
ايمان بتلف عشان تنام جنبه هو سبقها وحدف لها مخده ع الارض وقالها بغيظ: ممكن تنامي ع الارض ,,مش عايزك تنامي جنبي
ايمان اخدت المخده وفردت جسمها وقالت في سرها ....اللهم لاتجعل مصيبتنا في ديننا .......ولا تجعل الدنيا اكبر همنا .....ولا مبلغ علمنا ولا تسلط علينا بذنوبنا من لايخافك ولا يرحمنا برحمتك...... يا ارحم الراحمين
.................قصص منه محمد كاتب.............
جريت عليها ضمتها بكل قوتها وهي كمان
حنين خرجتها من حضنها: شكلك تعبان ,, عارفه قلبك مكسور بس رضيتي بالامر مش كده ,,عايزه تبقي صابره انتي يا ايمان الي عايزه الامور تقف لحد كده
ايمان: عشان خاطر ولادي هسيبه يعمل الي يعمله ان شا الله يتجوز عليا تلاته موافقه ,,مبقاش خلاص يهمني اي حاجه طالما مش هيتخلي عن مسؤلياته ناحيه ولاده
حنين: وايه عنك ,,عايزه تعاني ,,عايزه تتعذبي ,,لحد امتي طيب
ايمان: طالما مطردنيش واخد مني الاولاد
حنين: لو قلت لك انك واحده غبيه هتزعلي,, انتي طالبه متفوقه درستي في ارقا الجامعات مستحيل تفكري كده ,,ده واحد مريض علاجه يتساب
ايمان: سبيني ابقي غبيه وحماره ,, طالما ولادي هيبقوا في حضني وصدقيني بحاول ابقي بارده ومش بخلي حاجه تستفزني وبوفر طاقتي عشان ولادي مش عايزهم ضحايا للطلاق يعني متعرفيش ان الاطفال بعد الطلاق بيعانوا في مشاكل ,استني ابعت له رساله
حنين: ليه تبعت له رساله عشان تقوليله هتجيبي الاولاد , هو هيتجنن لو عرف ان انا الي هيجيبهم
ايمان : اه ده الي بيحصل عشان كدا هساله الاول يمكن مشغول اكيد ولا هيهتم
.............قصص منه محمد كاتب..............
في المكتب قاعد بيشتغل
جيجي جابت علبه : حبيبي يله عشان تاكل وبعدها نروح نعمل شوبنج لسه نقصنا حاجات لخطوبتنا بكره , اه اولادك عندهم هدوم
امير : بعدين عايز اقوم اصلي الدهر ( اتنبه) استني هدوم لولادي ليه
جيجي : مش بكره خطوبتنا انت سخيف لايمكن تكون نسيت جيب الاولاد معاك عشان يعرفوا اننا هنتجوز , وهكون امهم الجديده
امير : مفيش داعي الاولاد يكون موجودين وجودهم هيسبب ازعاج
جيجي : خلاص هات بس اميره معاك انا بحبها انت عارف انا وهي اصحاب وهشترلها فستان حلو , ارجوك يا بيبي اميره هتحب تحضر اكيد
امير جات له مسج فتح الموبيل كان من ايمان قال: يالله ازاي بس نسيت كان لازم اروح اجيب الاولاد من المدرسه
جيجي: اكيد ايمان دي الي فكرتك
امير: ايوه نسيت افكرك ترجعي العربيه لان ده عملي مشاكل
جيجي بمكر: انا بعت العربيه المغسله , ريحتها وحشه لسه فيها ريحه ابو فاس بس تقدر تاخد تاكسي
امير: اه قالت لي ده بس كنت مشغول , او معنديش وقت اروح هي تجيبهم
جيجي: مشكلتك اتحلت سيبها تجيبهم
امير: بس مش عايزها تركب تاكسي لان ده بيضايقني
جيجي: امير اكيد ايمان بتعاملك بلطف لانها خايف تسيبها , خليها تجيب الاولاد عشان تحس انها ولا حاجه في البيت سيبها تتحمل مسؤليه ولادها لايمكن تعتمد عليك لوحدك ,,انت مشغول
..............قصص منه محمد كاتب................
في كافيه الاولاد قاعدين حواليهم ياكلوا
حنين بصتلها بأبتسامه: كويس انه امير ولا سأل رجعتي العيال في انهي عربيه
ايمان بدلتها نفس الابتسامه وقالت: واستغربت لما مردش ع رسالتي وقالي بكل سهوله خدي الاولاد احتمال يكون نسي او مشغول اوي
حنين: هو لسه بيصلي
ايمان: معرفش وانتي عارفه الايام دي مش بقدر اقدم له اي نصيحه بس طلبت من ساره تفكره بالصلاه انا عارفه جيجي لما تاخده اجتماع ولا معاد مش بتهتم وبتعمل الي هي عايزه
حنين: يا باي لما بسمع كلامك بتعصب لاني بحس انك لسه قلقانه عليه هو بيودي الاولاد المدرسه ولا لاء هو بينسي هو اتاخر هو متكبر اوي اوي وبدعي من قلبي انه يكون قادر يراعي الاولاد لكن شكله مستهتر ووصلهم المدرسه متأخر ويرجعهم متأخر
ايمان: مش مشكله بعدين يتعود ع كده
حنين: يعني بجد خطوبتهم بكره
ايمان بقهر: اه
...................قصص منه محمد كاتب......................
في فيلا عائله امير
صابرين بحسره: خطوبتهم بكره يا عادل ,,وشاهي مبسوطه انها جمعت جيجي وامير ,,ومش مهتمه بكلامي
عادل بقهر: بونس غلب معاها مفيش فايده, لدرجه عمل خناقه معاها
صابرين: وانت هتحضر خطوبتهم حسام بعتلك دعوه , وشكله هو وامها متحمسين جدا
عادل: مش عايز اروح
صابرين: وانا كمان لاء مش رايحه وميقاش يهمني زعل امير , ومهما حصل مش هيهمه زعلنا المغرور لو محضرناش
عادل: كل الي شايفه ثروه ابو جيجي , الي هتخلي حياته اسهل
صابرين: مكنتش متوقعه انه يتسرع كدا قدام الفلوس لدرجه يقسي علينا وعلي مراته ,,معقول عشانها بقي مغرور ومتعجرف واعمي وقلبه حجر وقاسي لدرجه مستعد يتخلي عننا وعن ايمان ( صوتها اتخنق بحرقه
عادل بصلها :هو انتي حزينه
صابرين ببكاء: انا متحسره لما اببنا الوحيد يعمل كده , خلانا في نص هدومنا قدام نسيبنا
عادل: انتي عايزه تحضري روحي مش همنعك
صابرين: ولا انت الي عايز تحضر وتبقي معاهم هناك
عادل: اه عايز احضر مش عشان موافق ع خطوبه ابني العاق بجيجي الغنيه
صابرين بستفسار: امال ايه السبب عشان المرحوم اخوك
عادل: لا عشان اهين عايله جيجي وامسح بأمير الارض قدام كل الناس
صابرين: ايه ده يا عادل,, دول عالم جبله مش بتحس ولا هيتأثروا ,,ولا هيحسوا بالحرج لو خرجت عن شعورك وانفعلت هيجيلك ازمه قلبيه ,,هو احنا الي سيبناه هو الي سبناه ,, وربنا وكيل عليه وع افعاله الظالمه
................قصص منه محمد كاتب.................
ايمان نايمه ع الارض وبتذكر الله في سرها ........يارب شايله هموم ما تتحكيش عنها لحد غيرك وكلتك حزني المستخبي وكربي وتعب روحي الي بداريه الي مش بيخلص ...........وكلتك الابواب الي تعبت من الخبط عليها ومفاتيحها في ايدك هينه وبسطه .........وكلتك الطريق الي خايفه من طول المسافات الي مش عارفه نهايتها........ اجبر قلبي بجبرك العظيم امسح ع روحي بالسكينه واجعل لي من كل ضيق مخرجا ......فانك خير المستودعين اللهم يا من كشفت الضر عن ايوب ورددت يوسف بعد غياب الي يعقوب فرج همي وغمي وعجل لي بالفرج .....فانك عليك بحالي غني عن سؤالي
امير نطق بعد سكوت طويل وقال: ايمان كنت عايز اخد اميره نعمل شوبنج
ايمان قامت نص عدله وقالت بستغراب: شوبنج! وهتاخد يامن وياسين معاك
امير: لا اميره بس عايز اجبلها فستان تلبسه يوم خطوبتي , ومش هاخد ياسين ولا يامن
الباب اتفتح ودخلت يامن وياسين بيجروا ع ايمان
ايمان بخضه: في ايه حصل ايه ياولاد
ياسين: يامن مش قادر ياخد النفس
امير: خليتي ابنك يعمل ايه النهارده الصبح, لدرجه جاله ضيق نفس
ايمان: ولا حاجه , يعني مش عارف نوبه الربو ممكن تحصل في اي وقت
امير :ده مستحيل الا لو لعب في ميه او شرب حاجه متلجه , من المرجح يجي له صعوبه في التنفس , مش عارفه تهتمي بولادك مش قادره حتي تراعي ابنك المريض ورايحه تخلفي واحد تاني , مستنيه ايه قومي هات جهاز التنفس
ياسين: بابا ليه ماما نايمه ع الارض , وليه نايم لوحدك ع السرير
اميره ارتبك: اه البيبي مش مرتاح في نومه السرير, عايز ينام ع الارض مستني اي يله روح اضتك
ياسين :مستني يامن
امير وهو بيلف جسمه في الحاف: استنوا لحد ما امكم تيجي
..............قصص منه محمد كاتب.................
ماسك ايد اميره وداخل القاعه لحد ما سمع صوت واحده بتنادي عليه
امير وقف وقرب عليها: مراه عمي بتعملي ايه هنا , ليه مدخلتيش القاعه
شاهيناز : عندي حاجه مهمه عايزه ابلغك بيها , تعال نقعد هنا الاول
امير : لا مش هقدر استني كتير جيجي قاعده جوه مستنياني نشوف القاعه والترتيبات, ووعدت اميره ناخدها جوله للمحلات, اميره سلمي
اميره مدت ايدها سلمت وشاهيناز مسكت دقنها بأبتسامه :عايزه تحضري فرح الليل , انتي شاطره, اميره ممكن تقعدي هناك شويه , عايزه بابا في كلمتين
اميره بصت لـ امير الي هزلها دماغه وهي مشت قعدت ع كرسي بعيد عنهم شويه
شاهيناز : بنتك مطيعه تعال احنا نقعد هناك
امير: في ايه يا مرات عمي قلقتيني
شاهيناز: شوف يابني انا كست مقدره وفاهمه مشاعر ايمان , وحقيقي معجبه انها مستعده تقبل بضره
امير : ثانيه ليه شكرتي في ايمان فجأه , مش انتي بتكرهيها
شاهيناز مثلت الطيبه: شوف يا امير قابلت حسام وحط شرط فجاه رغم الخطوبه الليله , قالي ان جيجي في مقام بنته الوحيده ,,وقال لايمكن يسمح ان بنته تتجوز راجل متجوز , ولا يمكن يبقي لها ضره
امير عقد حواجبه: ايه الي جري ليه اتحول فجاه , كل حاجه كانت ماشيه تمام
شاهيناز : لو كان بايده لكن انجي ام جيجي رافضه تتجوز بنتها , هي نفسها في شاب اعزب, بس عارفه ان جيجي بتحبك كتير , عشان كدا امها استسلمت لانها لو عارضت بعدين هتخسر بنتها
امير :مراه عمي انـ
شاهيناز قطعته وقالت : لولا جيجي مكنش حسام عطالك مشاريع مختلفه لازم تفكر كويس وتقارن مشاعر ايمان ولا مستقبلك , واكيد الناس هتتكلم ايه الغلط الي عملته ايمان ماهي موافقه يكون ليها ضره , ليه طلقها وصعب الموضوع قاسي , لكن ميعرفوش بمشاكلنا لما نقع هما نفس الناس الي بيتكلموا علينا من ورانا , ومحدش بيجي يساعد
امير بص لاميره وقال: يا مراه عمي انا هحس بالحزن ع ولادي لانهم متعلقين بايمان لو طلقتها انا متاكد اهلي هيغضبوا عليا للابد
شاهيناز :ده كل الي قلقك امير اتجاهل كل ده , هما مش حسين بسهوله ولا صعوبه حياتك ’وغير كدا ايمان مبقتش بتحبك, لايمكن تدمر شغلك الخاص بسببها الي ملهاش معني لوجودها
امير: استني هروح الحمام ثانيه
شاهيناز جريت وراه واستنته لحد ما يخرج من الحمام وبصلها محتاج يهرب من حصارها
شاهيناز : امير انت بتكرها مش كده
امير: الكراهيه دي حاجه , بس هي دلوقت حامل هيبقي من القسوه اطلقها وهي حامل
شاهيناز :مطلبتش منك تعمل كده دلوقت , بطنها الكبيره لايمكن تروح للمحاكم , انت النهارده تطلب منها تسيب البيت , حسام وانجي قلقانين انها عايشه هناك , خايفين من الي ممكن تعمله
امير: هي تقدر تعمل ايه دي بتمشي بالعافيه
شاهيناز: انا مش بهزر , يابني الواحده لما تبقي يائسه ولا مشحونه مستعده تعمل اي حاجه, انشالله تسحر لجوزها عند الدجالين , مين عارف مش يمكن تسممك يارب ده مخوفني ده خطر يا امير خطر عليك, انا مرعوبه عشان كدا مشيها تروح اي مكان تاني
امير: مفيش داعي للقلق , انا مجهزلها مكان بس تولد , وهطردها بعد كده مع الطفل
شاهيناز: لا ده وقت كتير وممكن يحصل بلاوي , خدها تعيش في اي مكان وبعدين ابقي طلقها , المهم دلوقت متبقاش قريبه منك , خليك جامد متبقاش ضعيف زي ايمان
امير : انا جامد عليها, لكن مش عارف رغم بكرهها لكن قلبي مش مطاوعني امشيها وهي حامل
شاهيناز: براحتك مش مهتمه , انا حاولت اوضحلك انك لو موافقتش هتلغي الخطوبه , وحسام هيسحب كل المشاريع بما فيهم المشاريع الضخمه الي انت ماسكها , امير فكر الاول في الامر , انت مستعد تفلس وتعيش في بؤس تاني
امير: لاء طبعا لاْ , شوفي هعمل كل ده بس بعدين , وهطلب من ايمان تعيش في الشقه
شاهيناز: لاء لاْ , بعدين هتفهم انك لسه مهتم بيها سيبها تمشي زي ما تروح هي عارفه ازاي تهتم بنفسها , متفكرش فيها ابدا, كده كل الي تفكر فيه هي جيجي وبس
امير: لكن كدا هبقي شخص قاسي اوي
شاهيناز: الخير كتير لايمكن ترفضه , كونك تاخد جيجي كأنك اخدت جبل دهب ومجوهرات , مش هتندم ثق فيا
يونس قرب عليها بغضب: ما كفايه يا حربوقه تحبي اطلقك واتجوز واحده تانيه
شاهيناز: بتتكلم عن ايه , وبتدخل اصلا ليه , وانت متعرفش ايه الي جري
يونس: سمعت كل الي قولتيه لـ امير من شويه , وانا هزقت حسام وانجي سلوكهم يقرف ليه راضين ان بنتهم تسرق راجل متجوز , وانتي بتتمادي
شاهيناز: انا بعمل ده كله لمصلحه امير
يونس: ايمان الغلبانه قبلت بضره , وانتي بتحربي تطلقيها كمان( لامير) وانت جاي ع نفسك مش عايز تطلقها وتطردها من بيتها , انتم الاتنين مدهشين وفخورين جدا انكم امتلكتم الدنيا الفانيه
شاهيناز: احنا حرين في الي بنعمله لو مش عجبك امشي
يونس لامير: مفكر ايمان مش انسانه وليها كرامه عشان من عيله فقيره تبيعوا وتشتروا فيها ,وعايزين تهينوها , وانت فين انسانيتك مراتك حامل بتفكر ازاي
شاهيناز: كفايه متدخلش في شؤنا , ده متعلق بمستقبله ونيتي خير
يونس زعق: فين الخير ده , فين الخير في خراب البيوت , مش شايفه ولاده انتي مستعده تشتتيهم عشان تحققي انتقامك
شاهيناز: اي انتقام انت بتتهمني زي ما تحب ولا ايه
يونس: لو مكنش انتقام امال ايه الي في نبيتك الخبيثه
امير: كفايه ياعمي , مراه عمي ملهاش دعوه انا اخدت القرار بنفسي قلبي مبقاش يقبل ايمان , لايمكن تجبرني اعيش معاها عافيه
يونس: حتي لو مبقتش تحب مراتك , هي مسؤله منك مفيش سبب يديلك الحق تسئ معاملتها , مفكر المسؤليه الماديه هي بس الوفاء, لاء يا بيه المسؤليه المعنويه هي الوفاء الي بجد , العاطفه الرحمه مشاعرها احتياجاتها التانيه هي المسؤليه المعنويه
امير: ازاي اعاملها كويس وكل الي بحس بيه هو الغضب ياعمي , مبقاش ليا مشاعر ناحيتها فيه نفور
يونس: انت بتغلط جامد , انت مفكر ايمان مفكرتش زي مراه عمك اكيد نفسها تطلق , بس اعمل ده بأحترام رجعها لبيت اهلها الي اخدتها منه ,,والتزم بكل مصاريفها ,لحد ما تنتهي شهور العده مش تروح تطردها من البيت دي مش رجوله دي خسه وقله ادب , ومش هقولك هتخسر كتير فاكر لما غلطت في حقها زمان متكررش نفس الغلط
شاهيناز في سرها(((خطتي هتبوظ لو امير اتأثر بكلامه )) قربت عليهم: امير امشي واعمل ده ضروري وسيبني اخد اميره نتسوق انا عارفه زوقها كويس هي زي ليلي لما كانت طفله بتحب الموضه وعايزه كل حاجه جميله, وابوها يفكر بتمعن لايمكن يسيب ولاده يعيشوا في فقير ومعاناه تاني
يونس اتنرفز: يعني كل الي قلته مدخلش دماغك حتي لو شويه
شاهيناز بنفعال وغيظ منه : مفيش داعي تفرض نفسك علينا, عايزه امشي اشتري للبنت الفستان لو مش عجبك متحضرش الليله , واحسن انك متجيش هتبوظ الحفله خليك قاعد في البيت هادي
يونس نبره تهديد واضحه وصريحه: بمجرد ما يخطب امير جيجي, اتاكدي انك هتحسي الي هتحس بيه ايمان
شاهينا بغضب: ليه ناوي تتجوز عليا, ولا عايز تطلقني( ضحكت بستخفاف) ولا يهمني نسيت انا اكبر مساهمه في الشركه , اعملها لو عايز تبقي من غير مأوي
يونس بنظرات كلها احتقار: طز في فلوسك , عندي اعيش فقير ولا اكون ضعيف بسبب حقدك وغلك , وانت نصيحه اوعي تسمع كلام العقربه دي , هتندم اشد الندم , هي بتتصرف زي الشيطان في هيئه انسان
شاهيناز: ماله ده دافع عن الست النكره دي بكل قوته, بالظبط زي ابوك وامك طول الوقت يدافعوا عنها , يمكن عملت لهم عمل, ثق فيا لايمكن تأمن للست دي امير اطردها من البيت في اسرع وقت ممكن , خايفه تعملك عمل بالجنون
....................قصص منه محمد كاتب..............
ركن العربيه لكنه فضل قاعد فيها ومش عارف يعمل ايه لحد سحب
بهدوء سجاره ومن بين أصابعه وحطها على شفايفه وبالايد الثانيه
شغل الولاعة وبدى ينفث الدخان والتفكير باين بملامحه الحادة لحد ما هي قربت وخبطت بكف ايدها ع الشباك وهو فتح الازاز
ايمان: ليه لسه قاعد هنا
امير فتح الباب ونزل لكنه لوحده
ايمان بسؤال: فين اميره
امير بهدوء: اخدتها مراه عمي معاها وهترجع معايا بالليل
ايمان: ادخل صلي العصر وكويت هدوم خطوبتك
امير وقف ولنفسه: واضح انها هاديه وابرد من الثلج ,,وكأن مفيش اي حاجه حصلت ,,رغم عارفه خطوبتي الليله هي متمكنه في التمثيل ,,ولا فعلا مبقتش اهمها ,,ومش قادره تستني لحد ما اطلقها
ايمان لفت وبصتله لما دخل وقالت بكل برود: انا جهزت كل حاجه بدلتك جميله طبعا فرحك ع جيجي هيحضروا ناس كبيره في البلد لازم تلبس بدله رسميه
امير بغيظ: امشي غيري هدومك بسرعه
ايمان حست بأنقباض في قلبها وردت بصوت مهزوز: ليه عايزني اروح معاك
امير: ده سؤال يتسأل, لا طبعا مش هاخدك معايا , عارف انك اتقبلتي اللامر بسهوله , لكن متعكريش جو الحفله للعالم
ايمان: تمام
امير: انا بتنرفز لما بشوف وشك وكل ما تمثلي دور التعاطف والشفقه بتنرفز واغضب منك اكتر كفايه بجد مش عايز اتكلم معاكي اكتر امشي من بيتي حالا
ايمان : واروح فين
امير :عايزك تطلعي من البيت دلوقت , وهطلقك بعد ما تولدي
ايمان مسكت دراعه: امير امييير
سحب منها دراعه بحده: سبيني وامشي
ايمان بتعصب: انا عملت كل جهدي ايه الغلط تاني , عايزني ابقي انيقه انت بتكره تشوفني كده تمام ( راحت تحط ميكب ع وشها وايدها بترعش) من اليوم اوعدك اتجمل كل يوم اوعدك
امير زعق: بتعملي ايه خلاص اتجننتي
ايمان رمت العلبه ع الارض وانفجرت صرخت فيه: اه اتجننت , لاني كل يوم بنهار كل يوم مش عايزه ابعد عنك عشان ولادي , مش هطيق فراقهم ,,امير امير ارجوك بصلي لو للحظه فاكر قلت مره انك بتحبني ابتسم , وقلت اني جميله وكلي انوثه وبتحب تشوف شعري , وشعري ناعم وجميل فاكر مش ده كلامك , فاكر طيب من 8 سنين كنت هتتخبط وانت بتشتري لي بيتزا , قلت مستعد تعمل كل حاجه عشاني فاكر
امير رافض يبصلها : سبيني وامشي
ايمان اتعلقت في دراعه تحاول انه يسمعها : امير
امير حاول يفك ايده وزقها: قلت متلمسنيش
ايمان: فاكر كنت دايما بتحب تحضني وتبوسني
امير: انتي بجد غبيه اسمعيني هنا ممكن توقفي احلامك من دلوقت , كل ده بقي من الماضي ممكن تقبلي الواقع , انا مخنوق حاسس بالفراغ من جوايا قلبي مبقاش فيه اسمك
ايمان: انت مكنتش كده خلاص همشي ماشي بس سيبني ع ذمتك عشان خاطر ولادنا
امير: افهمي اهل جيجي رافضين لبنتهم ضره ودلوقت قدامي اختيارين يا انتي يا جيجي وسهل عليا اختار جيجي مش انتي
ايمان: حسبي الله ونعم الوكيل
........................قصص منه محمد كاتب..............
حاتم قاعد في نفس الفندق الي فيه القاعه وطبعا وهو خارج مع يونس سمع كل الي حصل وقالت بقهر(( امير اتخطي كل معاني الانسانيه متعلمش من الدرس))
عادل قرب: حاتم
حاتم سلم: عمي ازيك ,,انا متأسف لاني طلبت تيجي بشكل مفاجئ
عادل: واضح انك مضايق ايه الموضوع
حاتم: طبعا مش قصدي ادخل في شؤن غيري ,لكن مش طايق اسكت بخصوص حياه ايمان
عادل: حاتم انت لسه ليك مشاعر ناحيه ايمان
حاتم: لاء يا عمي كان عندنا اجتماع في الفندق , وبعده لاحظت شاهي وعمي يونس وامير بيتخانقوا , وقفت وسمعت انه عايز يخطب فعلا
عادل بقهر: ايوه هو وجيجي خطوبتهم الليله
حاتم: ده مش منطقي قابلت ايمان بالصدفه من يومين قالت انها سعيده لكن كل ده كدب
عادل: كأنك مش متعود ع طبع ايمان ,,حماتها حبت تشوفها رفضت قالت خايفه تزعلها ,,وطلبت منا نصبر هو ده ممكن
حاتم: هي دي مشكلتها عايزه تحل كل مشاكلها بنفسها ,, هي علاقتها بربنا قويه تمام مختلفناش بس لازم تثور في النهايه
.................قصص منه محمد كاتب.................
ايمان رفعت ايدها لله: يارب لين قلب امير ميحرمنيش من ولادي
امير خارج من الحمام وفي ايده الفوطه بصلها وفات من جنبها
ايمان راحت جنبه برجاء: امير لو حبك ليا اتلاشي اشفق ع الاولاد هيحصلهم ايه لو اطلقنا
امير: بصي انا اصلا خايف لو اشفقت عليكي مقدرش اتجوز جيجي بعدين وكل الي املكه دلوقت يضيع مفكره مبلغ صغير دول 30 مليون وانتي عارفه انا عكسك انتي تستغلي فلوس حد تاني طول الوقت
ايمان : معقول اتغيرت عشان الفلوس
امير حرك دماغه بنفي: لا المسأله مش متلعقه بالفلوس بس, لازم اتخلي عنك لاني قلقان ع مستقبل ولادي, لو اختارتك هرجع اعيش حياه صعبه مع ولادي مش عايز ده يحصل
ايمان: ولادنا هيكونوا بخير الرزق بأيد ربنا و, بكره يتعودوا المهم احنا محتاجين نكون سوي عشان نفسيتهم
امير: انا عارف ولادي هما مش زيك ممكن تعيشي ع الهواء والملح قادر اشوفك شبه اسماء بتلمي الفضلات من الزباله ,, لو عايزه تاكلي من المصرف دي مشكلتك وابنك ياكل معاكي , بس متدخلنيش انا وولادي
............قصص منه محمد كاتب.................
حاتم: اكرم انا بجد مش قادر اقف ساكت , لازم اتحرك واعمل اي حاجه الليله
اكرم بقهره: عارف انك قلقان ع ايمان , بس مش هنبوظ خطوبه امير
حاتم: انا هطربق الفرح ع دماغه
اكرم: صدقني نفسي اعمل زيك واكتر , لكن ده يعتبر جريمه وهنبات في الحبس الليله
حاتم: وكونهم خرابين بيوت دي مش تعتبر جريمه
اكرم :هو مش شايف انهم بينتقمه منه قبل ايمان , كل همه يتمم الخطوبه والوضع بقي صعب
حاتم : فعلا بقي صعب اوي , مسكينه ايمان وولادها
................قصص منه محمد كاتب...............
ايمان وعيونها حمر: امير سبني افضل في البيت لحد عيد ميلاد اميره
امير من غير ما يبصلها : مبقاش فيه اي فايده تتوسلي ده قراري النهائي, امشي لمي هدومك
ايمان ببكا: طيب لحد عيد ميلادها , واوعدك اخرج من البيت حتي لو عايز تطلقني انا موافقه
امير: ايمان حاولت اتكلم معاكي براحه مش فاهم تحبي اسحبك بره البيت ولا اعمل ايه ولا مبسوطه بالدراما دي عايزه الجيران والناس يعرفوا مش فاضي اتكلم معاكي اتأخرت شهلي واستعدي
ايمان: طيب اسلم ع يامن وياسين ممكن
امير : بسرعه اذا سمحتي
ايمان راحت سلمت ع الاولاد واخدت الشنطه تسحبها ع السلم ويامن وياسين بيجروا بجنون وراها
يامن: ماما انتي رايحه فين راجعه عند جدو
ياسين ببكاء: ماما عايز امشي معاكي
يامن: بابا هي ماما رايحه فين
امير: هوصل امكم هي تعبانه هوديها عند امها تهتم بيها
ياسين: ماما هي هدومي الي جوه عايز اسافر معاكي
يامن: ماما لو مكنتش هنا انا هفضل اعيط
امي زعق: يله اطلعوا ناموا عندكم مدرسه بكره الصبح ,, متقلقوش هنزور امكم لما يكون عندنا وقت فاضي ,, ساره اقفلي البوابه لما امشي
ساره: حاضر
ايمان فتحت دراعتها وهي بتعيط بحرقه : تعالو احضنوني , انا بحبكم يامن متعملش شقاوه وانت ياياسين خد بالك من اخوك , يامن افتكر نصيحتي
يامن: هسمع كلامك ومش هعمل شقاوه و, هاخد بالي من ياسين
ايمان: غير كده داده ساره معاكم
امير زعق بصوت عالي من بره: ما تخلصي الساعه بقت كام
ايمان: همشي دلوقت يامن متلعبش في الميه ومتاكلش ايس كريم كتير ياسين خد بالك من نفسك,, اسمع كلام اميره بحبكم وبحب اميره,, ساره خدي بالك من ولادي امانه عندك ,, اتصلي بيا لو في اي حاجه اهتمي اوي بيامن الربو عنده بيزيد في الفتره الاخيره ,, فاكره حطيت فين جهاز التنفس
ساره بدموع: ايوه جوه دولاب المطبخ هاخد بالي منهم كويس متقلقيش
خليكي صبوره ربنا موجود هيرجعلك حقك
ايمان: همشي دلوقت
يامن وياسين طلعوا يجروا وراها ويقوللها: متمشيش
يامن: خدينا معاكي مش عايز اروح المدرسه
ياسين: بابا عايزين نروح معاكم ليه عايز ماما تمشي لو تعبانه خدها للدكتور
امير : انتم ليه بتعاندوا يله ادخلوا, عايزين تقلدوا عناد امكم مش فاكر ضربتكم قبل كده عايزني اضربكم يله ادخلوا
ايمان: يامن ياسين انتم بتحبوني مش كده اسمعوني ادخلوا وهرجع البيت اول ما احس اني كويسه هقعد بس فتره صغيره خالص يله ادخلوا حببايبي
امير بعصبيه شديده : ساره مستنيه ايه دخليهم يله لضربك انتي
يامن: ماما متسبناش
امير: يله خديهم
ياسين ببكا: ماما عايز ابقي معاكي
ايمان: هغيب فتره قصيره
التؤام بيصرخوا: ماما
ايمان عيونها ع اولادها قلبها موجوع عليهم وبتحدف دموع ,, بس دموع صامته عاجزه ع قلب مات وهو لسه حي
امير: ايمان مستنيه ايه اركبي بسرعه اتاخرت علي الناس
حاتم واقف بره وبيكلم نفسه بقلبه ((المفروض اقابلها اكيد مقهوره دلوقت اكيد محتاجه حد يدعمها
عقله((متعملش مشاكل يا حاتم دي متجوزه راجل تاني هتعملها مشاكل ))
حاتم شاف امير واخد ايمان في العربيه قال بصدمه(( هو الراجل ده مجنون واخد ايمان عاه خطوبته مفروض عليا اعمل ايه هتصل باكرم ))
...............قصص منه محمد كاتب..............
في العربيه
ايمان شلال من الدموع نازل ع خدودها: هتخليني اشوف ولادي في اي وقت
امير: لو عايزه تشوفيهم شوفيهم ,, بس متجيش البيت جيجي مش بتحب كده ,, قابليهم بره لكن قبل ما تشوفيهم اتصلي بيا الاول ,, وتتصلي بيا بس عشانهم متتصليش عمال ع بطال ,, انا مش بحب كده ولما تولدي متتصليش حاجه اخيره عايزك تعرفيها معنديش وقت ازورك والي في بطنك بنت اطلبي من ابوكي ولا اخوكي يبقوا معاكي,, وبخصوص تكاليف المستشفي مليش علاقه بيها اطلبي من ابوكي يدفعها ,, ومن اليوم كل واحد فينا يهتم بحياته الخاصه مش هتدخل في حياتك ولا انتي تدخلي في حياتي ,, انتي زوجه ليا بالاسم فقط عشان بس حامل اعملي الي تعمليه مش ههتم
وقف عند محطه القطر وقال: يعني فيها ايه لو جيتي بنفسك بس عارف ده هيكون قاسي حتي لو عايزني اوصلك لبيت اهلك معنديش وقت
ايمان ابتسمت بسخريه وقالت ما بين دموعها : ع ايه هنا وكتر الف خيرك
امير: ولا حتي بوسه وداع انسي انا مستعجل
...........قصص منه محمد كاتب..............
في القاعه الكوافيره بتظبط الميكب اب ولمت ادوتها وخارجه
جيجي: طنط فين امير اتأخر الوقت , وبابا وماما مضايقين ,,وبعت له رساله مش بيرد
شاهيناز : انا هتصلك بيه حالا متقلقيش ,, امير مش هيتجرء يجيب لنفسه المتاعب
جيجي : بتهرجي ماعملها قبل كده لغي خطوبته ع ليلي مرتين , وتقوليلي متقلقيش
شاهيناز بهدوء: الوضع كان مختلف عن دلوقت,, الست دي مش هتتجرء تعمل حاجه هو محتاج الفلوس عشان يعيش حياه مرتاحه ثقي فيا
جيجي بحقد: لو لغي الخطوبه بسبب ايمان مش هسكت يا طنط
شاهيناز : ايوه مش هنسيبها تفوز مره تانيه ابدا, ثقي فيا تمام
اميره فتحت الباب ودخلت لابسه فستان لونه روز شيك جدا ورافعه شعرها كله لفوق
جيجي باعجاب مزيف: الله شبه الاميره
شاهيناز: هي زوقها يجنن حلو اوي
اميره: ثانكيو يا طنط شاهي ويا جيجي , بس هو بابا لسه موصلش
شاهيناز بأبتسامه واسعه : لسه جاي في الطريق , روحي اتفرجي ع التلفزيون ع ما يجي
اميره :تمام
جيجي: اميره استني جبتلك تاج الاميره اتفضلي
اميره بفرحه : الله عايزه البسه
جيجي : تعالي البسهولك, هتبقي جميله فيه
شاهيناز غمزت لها يعني اكسبيها عشان الخطه تنجح ((ولاد افاعي بصحيح))
.........................
داخل بيجري: فين جيجي
شاهيناز: جيجي دخلت القاعه استنتك هنا كتير , هي وابوها وامها
اميره دخلت وهما بيتكلموا وهو بصلها بأنبهار: مين دي بنتي اميره بجد طالعه روعه وانيقه
اميره بستياء: بابا ليه اتأخرت
امير: بس وصلت
شاهيناز: اه صحيح ليه اتأخرت
امير: هو سهل اطلعها من البيت
شاهيناز بفرحه: يعني مشت, امير تقدر من اليوم تأسس حياه جديده مفيش داعي تفكر فيها بعد كده
اميره بشك: بابا ليه لابس بدله بنفس لون فستان جيجي
امير: اميره مش انتي بتحبي جيجي
اميره: ايوه
شاهيناز: وجيجي بنت جميله
اميره: حلوه لكن ماما اجمل
شاهيناز بحقد: امك مش حلوه خالص ,,شوفي جيجي لابسه فستان جميل وطالعه مذهله غير كدا هي لطيفه ,, مش هي الي اهتمت بيكي وبشعرك وعلمتك تعملي دفيره
اميره: ماما بتعملي شعري حلو اكتر , ماما الطف منها بكتير , مش كدا يا بابا
شاهيناز بعناد: امك لطيفه بس جيجي اللطف منها
اميره باصرار: لا ماما اللطف منها بكتير ,,بابا ليه ماما مجاتش معاك هنا ,,ولا يامن وياسين
امير سكت وبص لشاهيناز لانه مش عارف يرد ع اسألتها بأيه
اميره صرخت: بسألك فين ماما
امير ارتبك: امك عيانه
اميره بتسحبه من ايده : يله نرجع البيت عايزه اشوف ماما , واهتم بيها يله بينا
شاهيناز: اميره ابوكي ميقدرش يرجع البيت دلوقت لازم يمشي معايا شوفتي الخاتم ده ابوكي هيلبسه لجيجي وناخد صور كتير
اميره: ليه
شاهيناز: لان باباكي هيخطبها الليله , وقريب اوي هيتجوزها وتبقي مراته
اميره تفتح عيونها على الأخر: ايه عايز يتجوز جيجي بس انت متجوز من ماما,, ليه عايز تتجوز جيجي بابا انا مش موافقه تتجوزها يله نرجع البيت يله
امير: اسمعيني انا هتجوز جيجي بس مش دلوقت
اميره ببكاء: عايزه ارجع البيت دلوقت
امير: استني
اميره زقت ايده من عليها وطلعت تجري ع بره وامير رايح وراها
شاهيناز وقفت قدامه: امير جيجي منتظراك في القاعه
امير طلع يجري وري بنته ومسكها من كتفها : اميره استني
اميره ببكاء هستيري: انا عايزه ارجع البيت
امير: اميرة متتصرفيش كدا احراج لو الناس شافونا
اميرة: عايزه ارجع البيت
شاهيناز: اميره متعمليش كده , مش انتي بتحبي بابا
اميره بتصميم واصرار: : انا عايزه ارجع لماما
امير: هنرجع بعدين
شاهيناز: يله ندخل القاعه يله ياحلوه يله, دي جيجي بتحبك اوي ليه مش عايزه بابا يتجوزها
اميره صرخت في وشها: انا مش بحبها ولا بحبك( ضربت امير في صدره بعنف) انا عايزه اروح لماما يله نمشي بقولك
امير: حبيتي اهدي مالك هضربك بالقلم ع وشك عايزه كده
اميره: انت وحش انا مش بحبك ( طلعت تجري للشارع)
امير طلع يجري وراها لكن وهي بتجري عربيه خبطتها
..............قصص منه محمد كاتب................
ايمان من كتر الضغط العصبي والنفسي جالها نزيف حاد قعدت ع المحطه وتبكي: اتحملي يا بنتي شويه ....متتعبيش امك ......والله ما قادره اتحمل الوجع عندنا جدتك وجدتك وصحابي كمان .......ان شاء الله يساعدونا وربنا موجود يساعد الكل
ايمان تلفونها رن فتحت الشنطه بصعوبه وردت: حنين اسفه عملت تلفوني صامت
حنين نبره كلها قلق: انا اتصلت بيكي الف مره , انتي فعلا في القاعه
ايمان: ساعديني يا حنين انا بنزف وتعبانه اوي ساعديني بسرعه