رواية ضحية فرعون الفصل السادس والثلاثون 36 بقلم منه محمد
اميره طلعت تجري بين العربيات وهو بيجري وراها لحد ما قدر يمسكها
امير بعصبيه: ايه عمايلك دي
اميره ببكاء هستيري:عايزه ماما
امير : متعديش الشارع كده , ده طريق عربيات
اميره بدموع: عايزه ارجع البيت عايزه اشوف ماما
امير نخ قدامها: حاضر هنرجع بس متعديش الشارع بالطريقه دي, افرضي عربيه خبطتك, هوصلك البيت بس ارجوكي يا حبيبتي احضر الخطوبه الاول وهنرجع ع طول اول ما تخلص
اميرة ضربت الارض برجليها: لا عايزه ارجع البيت,, عايزه ارجع البيت
امير زعق فيها بجنون: امييييره
اميره: مش عايزه اشوفك ببتجوز جيجي
امير : وبعدين يا اميره وبعدين
اميره سابته وجريت بين العربيات بس وهي بتجري عربيه خبطتها وقعتها بقوه ع الارض وامير صرخ بجنون
................قصص منه محمد كاتب..................
في عربيه اكرم الي واخد ايمان وسايق بطريقه مسرعه
ايمان فتحت عيونها بوهن شديد : اميره
حنين: الحمد لله انك صحيتي , انتي كويسه اوعي تغيبي عن الوعي تاني
اكرم بقلق: اصبري يا ايمان قربنا نوصل
ايمان بتتكلم بالعافيه: انا تعبانه اوي , حنين اميره مقدرش اشوفها ,,عامله ايه دلوقت
حنين بتعجب : يعني ايه عامله ايه , وازاي مقدرتيش تشوفيها
ايمان بلعت ريقها بصعوبه: امير اخدها معاه , حنين لو جرالي حاجه اهتمي بولادي ارجوكي
حنين : ايه الي بتقوليه ده مجرد نزيف بسيط, ان شاء الله هتبقي بخير
اكرم : ايمان متفكريش في اي حاجه سلبيه ادي الاولويه لنفسك والطفل الي في رحمك
ايمان ببكاء : حنين اكرم الطفله دي امير بيكرهها مسكينه
حنين صرخت بجنون: انا متعصبه , متتكلميش عنه, اجري شويه يا اكرم
اكرم : انا سايق ع اخر سرعه
................قصص منه محمد كاتب...............
سواق العربيه زعق في اميره لما خبطها وفرمل: مش تاخدي بالك حد يجري كده كنت هخبطك
امير : تمام اهدا انا اسف
اميره واقعه ع الارض بعياط : رجلي
امير : شوفتي عمايلك
اميره بعياط: رجلي بتوجعني
امير نخ قعد قدامها ومسك رجلها : قلت لك كذاا مره متجريش , متعيطيش بقي خلاص
اميره :عايزه ارجع البيت
امير بمسايسه : خلاص يا بنتي كفايه هوصلك البيت لكن ارجوكي اوعديني متعمليش فيا كده تاني, لحسن الحظ ان العربيه فرملت, خلاص يا بنتي اوعديني متعمليش كده مره تانيه وهنرجع البيت
اميره : رجلي بتوجعني
امير رفعها ع ايده بحنيه وقعدها جوه العربيه ولف قعد جنبها واتحرك من المكان لحد ما موبيله رن وفتح سماعه البلتوث
امير: ايوه
شاهيناز بحده خفيفه: انت فين
امير: لازم ارجع اميره البيت
شاهيناز برقت عيونها : ايه مرجعها ليه
امير : البنت منهاره مصممه ترجع , والحمد لله العربيه فرملت , والا كانت هتدوسها قدام الفندق
شاهيناز: لو هي عايزه ترجع البيت ليه اخدتها , كنت ممكن تقولي وانا اطلب من السواق ياخدها
امير : يالله مفكرتش في كل ده
شاهيناز : وايه عن الخطوبه المشكله مع مراتك اتحلت صح , دلوقت تظهر مشكله عيالك , دي غلطتك عشان لين معاهم
امير اتعصب ع خفيف: ايوه الخطوبه مهمه لكن ولادي مهمين كمان ,,حتي لو حضرت ولقدر الله حصلتلهم حاجه وحشه هقعد مبسوط
شاهيناز اتكت ع سنانها بغيظ :هتخسر حبك بسبب ولادك, تعال حتي لو متاخر مش مهم , حسام هدد وقال لو محضرتش هيسحب منك كل حاجه
امير بقلق: ايه بجد , يالله تمام اميره انتي بجد مزعجه
اميره بصتله وهي بتعيط من الالم ومن انها هتتجنن وتشوف امها وامير اتصل بساره تنتظره بره البوابه وبالفعل دخل البوابه وركن العربيه
امير: انزلي خديها يا ساره بسرعه
اميره لساره: ماما فين عايزه ماما
ساره: اميره ماما مش هنا مشت
اميره لفت عليه: بابا ماما راحت فين
امير :رجعت القريه
اميره بخضه : ليه ماما رجعت القريه من غير ما تستناني , ارجوك يا بابا خدني ليها : عايزه اشوفها
امير بعصبيه : اميره انتي بتعمليلي مشاكل تانيه , وعماله تعيطي عشان امك ,,امك من اليوم ورايح لو اساتي التصرف مره تانيه هضربك , خديها يا ساره
اميره عيطت ودخلت بتعرج برجولها ع جوه
امير بستفهام: فين يامن وياسين هما ناموا
ساره : ايوه ناموا
امير: يله ادخلي واقفلي البوابه
ساره بطاعه :حاضر
.............قصص منه محمد كاتب................
شاهيناز بصتله بغمزه عين : امير اخيرا وصلت , بنتك عامله ايه في المستشفي , مين بيرعاها
امير ارتبك لكنه تماشي مع كدبها وقال: الداده معاها عندها جرح بسيط ومش عارف هتبات ولا هتطلع , مش قادر افكر بتركيز , اصلي جيت جري ع هنا , بس وانا جاي كان فيه حادثه ع الطريق, والسكه اتقفلت بسببها
راجل ما : نسيبك المستقبلي هايل يا حسام , رغم ان بنته عملت حادثه الا انه لسه بيحترمك وبيحترم الضيوف وجه رغم كل شئ لو كان واحد تاني كان فضل جنب بنته في المستشفي , تمام هنمشي احنا
شاهيناز : امير ادخل اظهر وشك خد صور مع جيجي
امير :بس هي جيجي بخير
انجي بحده وهي ماشيه من قدامه: لا بنتي مش بخير , لو مش هتسامحك هيبقي شغلنا الليله انتهي معاك
امير : يالله اعمل ايه
شاهيناز بتدفعه: ولا حاجه روح راضي جيجي بكلمتين, اعتقد شكلها زعلانه بجد , هي محروجه دي خطوبتها وخطيبها مش موجود , لكن لو اخدت معاك صور هتكون بخير اكيد
امير :طيب لو مسامحتنيش وطردتني
شاهيناز :دي غلطتك انت بتجيب المتاعب, الحمد لله انها مجرد خطوبه حتي لو مجاش العريس عادي تتم بس لو يوم فرحك هتبقي مهذله لو العريس مجاش دي غلطتك ليه تسمع لطفله لدرجه ترجع تندم بعدين
امير :مراه عمي ساعديني ممكن
شاهيناز :في ايه
امير: اتصلي بجيجي تطلع اكلمها هنا
جيجي كانت واقفه وسامعه كل الكلام وظهرت وقالت: مفيش لزوم
امير راح عليها : جيجي
جيجي بغيظ: انا بكرهك
امير : لاء يا جيجي اسمعيني سبيني اشرحلك
جيجي : قلت لاء طنط بلغيه مش عايزه اشوف وشه تاني قدامي
امير : جيجي يا جيجي
شاهيناز مسكته من دراعه: سيبها دلوقت لحد ما تهدا الاول بعدين صالحها ابعت لها رساله تقنعها مش تستسلم بسرعه, فاهم الي بقوله سامعه
امير: ايوه
شاهيناز : ارجع بيتك دلوقت متحرجش نفسك , سيبني احل المشكله دي بس افتكر متكررش نفس الغلط مره تانيه
امير :تمام يا مراه عمي تمام
..............قصص منه محمد كاتب...................
امير ماسك موبيله وعمال يكتب في رسايل(( جيجي حبيبتي انا اسف جدا متعمليش فيا كده مش متعمد اتاخر اميره عربيه خبطتها انا اسف سامحي المره دي ارجوكي قولي حاجه يا جيجي
امير انتظر شويه واتعصب: مش بترد هتصل بيها
جيجي بصت للرنه وقالت...... لو كنت خايف دلوقت .....عايزك تخاف اكتر من انك تخسرني يا امير ......عايزه اشوف مدي اهتمامك بيا
امير بزهق: رفضت مكالمتي يالله هي اكيد شايطه اوي , كل ده بسبب الست دي لو مفضلتش تنتحب وتتوسلي مكنش كل ده حصل , واتاخرت هي بسبب كل المشاكل حتي لو متكنش موجوده , ماشي يا ايمان
.............قصص منه محمد كاتب...............
قاعده ع سجاده الصلاه رافعه ايدها بالدعاء ودموعها شلال ع خدودها
حنين فتحت الباب وقالت: فكرتك نايمه انتي كويسه
ايمان بصتلها ودموعها محبوسه بالخنقه
حنين مسحت ع ايدها برحمه: طلعي كل الي جواكي بلاش تكتمي مشاعرك دلوقت عايزكي تفضفضي بكل الي جواك اتخلصي من ايمان القديمه ارميها بعيد عايزكي تخلي قلبك اقوي من الحجر لصوان
ايمان ببكاء : هو انا اقدر ع ده يا حنين
حنين بتشجيع : عارفه انك قويه صدقيني كل الناس الي بيتعاملوا مع شخصيه زي امير مجانين , لكن انتي لاء , ومن اليوم اوعديني انك مش هتخضعي له اوعديني
ايمان مسحت دموعها وقالت :اوعدك مش هتراجع مره تانيه ،،وعشان اخد ولادي هقوم واقف قصاد امير بكل قوتي
حنين : تلفونك بيرن ردي عليها طمنيها عليكي
ايمان فتحت الخط : السلام عليكم يا ساره
ساره : وعليكم السلام اميره عايزه تتكلم معاكي
ايمان بهدوء: ناوليها التلفون
اميره بعياط ونحيب: ماما انتي فين عايزه اشوفك
ايمان: انا في القريه يا حبيبتي بعدين هبقي ارجع البيت , متعيطيش كده هقعد شويه صغيرين خالص
اميره : ماما امبارح وقعت وركبتني بتوجعني اوي , وبابا محطليش مرهم حتي عليها , داده ساره هي الي حطت لي
ايمان نزلت دموعها: مسكينه اميرتي المره الجايه تاخد بالها مش عايزه بنتي الحلوه تتعب
اميره :ماما بابا شتمني وعايز يتجوز جيجي , انا مش عايزه كده يا ماما , ليه بابا وحش كده
ايمان: لا يا حبيبتي باباكي مش كده هو بيحبك, اسمعي يا وردتي كفايه كلام الفجر قرب , نامي وروحي للمددسه بحبك وارجوكي اهتمي باخواتك تمام يا اميرتي
اميره: حاضر هسمعلك, لكن ارجعي بسرعه للبيت , عايزكي ومش عايزه بابا يتجوز جيجي
ايمان: حاضر يا وردتي بعدين هرجع البيت
اميره :بحبك
ايمان : وانا كمان بحبك خدي بالك من نفسك , تمام يا قلبي ادي الموبيل لداه ساره
اميره : حاضر يا ماما بحبك
ايمان : وانا بموت فيكي
ساره : نعم يا ست ايمان
ايمان : ساره هي ركبه اميره مجروحه جامد
ساره :شويه هحطلها مرهم مره تانيه متقلقيش
ايمان : ويامن وياسين
ساره : مساكين ناموا بعد ما فرهدوا عياط, وشويه هصحيهم متقلقيش هما في عنيا اهتمي بس بصحتك
ايمان :شكرا يا ساره
ساره :ولا يهمك مع السلامه
ايمان : مع السلامه
ساره قفلت ولاميره : سمعتي الي قالته امك , يله نامي عشان شويه تروحي للمدرسه
اميره :اوكيه
.............قصص منه محمد كاتب..............
ايمان ببكاء: وقعت اميره وركبتها انجرحت , ولادي مساكين عشان عندهم ام زي لو كنت من عيله غنيه ماكنوش مروا بكل ده
حنين: متقوليش الكلام الخايب , ولادك يا بختهم عندهم ام صبوره زيك متحمله الصعب عشانهم انا متأكده انهم فخورين بيكي جدا , وفي يوم من الايام هيلفو وراهم يشوفه ان الحياه كانت بتكسر في امهم كل يوم بس عمرها ما وقعت قدامهم , رغم كانت بتنهار من جوه وتقوم من جديد عشانهم هما وبس, كانك اتخلقتي عشان تتحملي وتكملي لحد اخر نفس مش عشان ترتاحي , وحبك ليهم مستحيل يزعزعه اي شخص
ايمان: متشكره يا حنين , دايما واقفه جنبي في اوقات ضعفي وانتي يا بختك بزوج زي اكرم , هو بيحبك ووفي ليكي , انتي حامل مش كده
حنين : عرفتي ازاي
ايمان بسعاده: الصبح قبل ما احمد يروح المدرسه دردشنا سوي , وقالي انك مستنيه بيبي, اكيد اكرم فرحان ع عكس امير
اكرم دخل وقعد معاهم: ها يا ايمان عامله ايه , دلوقت حاسه بتحسن
ايمان: الحمد لله انا تمام زي الفل , وبشكرك انت وحنين سمحتولي اقعد عندكم
اكرم: بتتكلمي كاننا غرب, ايمان انتي واحده مننا , واكيد مفيش حاجه بينا اسمها ضيافه وانتي وحنين اكتر من الاخوات , متقوليش كده بجد هزعل منك
ايمان بمتنان: طول عمرك طيب وابن حلال ربنا يكرمك
اكرم: ايمان شايف اروح اقابل امير بكره
ايمان: ليه
اكرم : لانه مش عجبني ابدا الي عمله معاكي , ده اتعدي حدوده كتير مبقاش عنده ذره انسانيه ورحمه
ايمان: انسي يااكرم انا قفلت قلبي في وشه, لو كان عندك امل في الصلح انسي الامر انا مش هسمح انه يرجع لحياتي ابدا
حنين بحماس: وانا مبسوطه وانا بسمع منك ده
ايمان : لو فعلا عايز تساعدني اقف معايا لحد ما اخد حضانه ولادي, مش عايزه افكر في اي حاجه تانيه حاليا , تركيزي كله منصب عليهم وبس , حياتي كلها بتدور حواليهم
.......قصص منه محمد كاتب.................
الساعه سبعه ونص صباحا لقاه الباب بيخبط بطريقه جنونيه
يامن بيخبط جامد: بابا قوم ,,يا بابا قوم عندنا تمرين
ياسين خبط اكتر : بابا قوم
امير فتح عينه بصعوبه وسحب الموبيل بص فيه وقال: يالله الساعه كام
يامن بيخبط: يا بابا
امير: ازاي نمت الوقت ده كله نمت امبارح بأعجوبه
يامن خبط: يا بابا عايزه اروح المدرسه
امير : يالله جيجي مردتش ع رسايلي اكيد زعلانه اوي
ياسين: بابا اصحا بقي
امير: اه اكيد مضايقه حقها ازاي هراضيها
يامن : يا بابا
امير قام وفتح الباب: في ايه , ليه الدوشه عندي صداع ونازلين خبط خبط من الصبح
يامن: اميره وانا وياسين عايزين نروح المدرسه
امير : اي مدرسه مفيش لزوم للمدرسه , عندي صداع
يامن بس انا وياسين عندنا تدريب مهم
امير بشخط: هو فيه صعوبه في الفهم , قلت عندي صداع تمرين ايه الي بتكلمني عنه , عايزني اتكلم بايدي , يله انزلوا لتحت عندي صداع وهما مشغولين بالتمرين
يامن عيط لما امير قفل الباب في وشهم وشتمه
ياسين: يامن متعيطش انا هنا معاك , بابا عنده صداع مش لازم نروح المدرسه النهارده
يامن بدموع كتير: بس انا عايزه اتدرب عايز اخد المركز الاول, زي ما وعدت مما
ياسين : انا كمان عايز اخد المركز الاول بس شايف هيضربنا
ساره طلعت عشان تاخدهم: يامن ياسين يله ناكل جهزت الفطار
..............قصص منه محمد كاتب...............
جيجي جريت علي الموبيل اعتقدت انه امير لكن بصت للاسم وكشرت بقرف ولنفسها....... ليه بتتصل الوليه القرشانه دي من الصبح بدري
جيجي فتحت الخط وحطت الموبيل ع ودنها وردت: الو
شاهيناز: واخيرا رديتي عليا انتي كويسه
جيجي: لسه غضبانه
شاهيناز : ماسمحتيش امير لسه
جيجي : عايزه اعلمه الادب, مش انا الي كنت دايما بجري وراه , دلوقت عايزه يعرف قيمتي , واني اهم من مراته وولاده , ولا اقول طليقته( ضحكت بسعاده)
شاهيناز: لا اسمعيني امير امبارح كان في حاله فوضه , تعرفي لو فضلتي كده, امير ممكن يغير رايه لما يشوف ولاده بيدمروا لان امهم مش موجوده خايفه يرجع الست دي البيت تاني وقتها هنعمل ايه
جيجي : طنط لما طردها ليه يرجعها
شاهيناز : غصب عنه خايفه لتكون بتعمل اعمال ولا سحر اسود , عشان كدا مش عايزاه يتخلي عنها
جيجي شهقت وحطت ايدها ع بؤها: ده بجد
شاهيناز : ايوه وبخصوص الاولاد بمجرد ما تتصالحي معاه ,ممكن اعرفك ازاي تعامليهم
جيجي: عندك خطه انا معجبه بيكي, و بحب كده اوي
............قصص منه محمد كاتب.............
علي السفره
يامن بصلها: داده هي ماما هترجع البيت امتي
ساره بهدوء: بعدين هترجع يامن ياسين كلو حبيتي اميرة ليه مش بتاكلي وبتبصي للطبق كلي شويه ولا اكلي طعمه وحش
اميره ببكاء: داده انا مش عايزه اكل عايزه اشوف ماما ,خديني اشوفها والنبي
يامن نزلت دموعه: وانا كمان
ياسين وانا ماما وحشتني اوي
ساره اتنهدت بقهر لحد ما سمعت رنه موبيلها وردت سلامو عليكم
ايمان : وعليكم السلام يا ساره , ولادي احوالهم عامله ايه , راحوا المدرسه
ساره : لا مروحش اليوم امير بيه قام متاخر ومش عايزين يفطروا حاولت اقنعهم بس بيعيطوا بستمرار
ايمان :ممكن اتكلم معاهم
ساره: اقولك كلميهم فيديو
ايمان :اوكيه
ساره قربت عليهم وقالت : عشان انتم ولاد طيبين شوفوا مين عايزه تكلمكم فيديو
الاولاد لما شافه ايمان في شاشه التلفون صرخوا بسعاده
ايمان ضحكت: ولادي وحشتوني كلكم
اميره بتزمر: ماما بابا رفض يوصلني للمدرسه
يامن : كان عندي تدريب
ايمان : تمام هتصل بالميس بعدين وهبلغها انت وياسين مقدرتوش تروحوا اليوم تمام
اميره : يا ماما مقدرتش اروح المدرسه وكان عندي تقيم مهم خايفه اسقط
ايمان: انا هكلم الميس وافهمها انه غصب عنك , ومش هتسقطك ياوردتي ها فطرتوا يا حلوياتي
ياسين: مش عايز اكل, انتي مش هنا , عايزك تاكليني
اميره كشرت: وانا مش عايزه اكل , عايزه اشوفك عايزه اجي اعيش معاكي في القريه
يامن :ماما ارجعي البيت بقي, بابا شتمني وقال انه هيضربني وانا معملتش شقاوه كل ده عشان صحيته يودينا المدرسه, ليه شتمني يا ماما
ايمان: انت بتحبني ولا لاء
يامن :بحبك
ايمان :وانا بحب ولادي اوي , يبقي لو فعلا بتحبوني يله كملوا جملتي لازم ايه
الثلاثه في نفس واحد: لازم ناكل
ايمان :برافو ولادي حلوين اوي, عايزهم ياكلوا كتير كتير عشان بعدين لما تقابلوني القي ولادي مقلبظين زي الفيل الصغير
الثلاثه ضحكوا معاها وهي تابعت وقالت: يله كفايه مش تضحوا كتير اوعدوني مش هتعملوا شقاره , ولازم تاكلوا تمام واسمعوا كلام بابا وداده سارة
يامن : ماما استني عايز ابوسك( باس الشاشه) بحبك
ياسين وانا عايز ابوسك( باس الشاشه) بحبك
اميره : ماما بحبك وارجعي البيت بسرعه
ايمان :مش عايزه اشوف حلوياتي بيعيطوا, انا بحبكم اوي اوي , هنتقابل بعدين سلام
الثلاثه: سلام يا ماما
ساره بأبتسامه: يله بقي تاكلوا
امير عرف انها واقفه تحت نزل يجري ع السلم وبصلهم: انتم ليه بتعيطوا
ساره : يله كلوا لباباكم يتعصب , وافتكروا الي ماما قالته يله كلوا
امير بشخط: يله وبطلوا دلع ,اسمعو جيجي جايه , اتصرفوا باحترام
الاولاد بصوله بضيق وخصوصا اميره الي ظهر الاستياء الشديد ع ملامح وشها
امير خرجلها عند البوابه : جيجي انا اسف جدا , مكنش قصدي الي حصل
جيجي : ازاي قدرت تعمل فيا كده
امير :عندي ظروفي الخاصه , وعشانك نفذت شروط ابوكي وامك , اعتقد بعد ده تدخلي البيت وانتي مبسوطه انا طردت الست دي امبارح من البيت
جيجي بسعاده: بجد
امير : ايوه
جيجي : يعني انا صاحبه الفيلا
امير: واكتر من كده الفيلا ملكك
جيجي مشت ايدها ع صدره بحريه: مش عايزه اكون صاحبتها , عايزه بس ابقي مراتك
امير: هيحصل لو بأيدي كنت اتجوزتك ليله امبارح
جيجي: انت اكيد بتحبني بجد, طبعا انت خطبتني
امير بمرح: واكيد انتي بتحبيني اكتر, والا مكنتيش لمستيني حتي وانا مش مستحمي
جيجي مدت البوز برخامه: دايما تهزر وانا بكره سخافتك انا مروحه البيت
امير شدها من دراعها: متزعليش هو صعب ارضيكي يله تعالي
جيجي دخلت وقالت: هالو اميره ياسين يامن , بتاكلوا ايه ممكن اكل معاكم
امير: ساره هاتي مج نسكافيه لجيجي , هي مش بتشرب غيره
ساره: حاضر يا بيه
جيجي: ايه الامر ليه مبوزين كده
اميره: بابا ماما هترجع امتي من القريه , عايزه اشوفها
امير بجده: مش هتشفوها , ومش هترجع هنا تاني
يامن: قصدك ايه امال , امتي هنقدر نشوفها
امير: لما يجي وقته هنروح نزورها يله افطروا
ياسين: عايز اشوف ماما وحشتني
امير صرخ في وشهم : هو فيه ايه مش بتزهقوا تذكروا اسمها , انا زهقت ,ماما ماما , ماما هضربكم لو قولته اسمها تاني ,لو مش عايزين تاكلوا يله اطلعوا اوضكم يللله
اميره حدفت الشوكه ع الارض وقامت من مكانها متعصبه
جيجي: اميره جبتلك عروسه باربي , بعدين هي في اوضه الفندق
امير يشاور عليها وهو متعصب وثاير : قليله الادب , طالعه زي امها
جيجي: امير اهدا
امير لف ليامن وياسين بنرفزه : بتبصوا ع ايه, يله اطلعوا وراها
جيجي: اهدا مش كده لسه عندك صداع
امير: بيفرك جبينه: نمت بالعافيه امبارح , وقلت شويه وهيفك ,,لما صحيت الصبح لسه زي ماهو ,,ويامن بدأ يصرخ وينادي عليا اتفزعت ورجع الصداع فورا
جيجي : انت فعلا مسكين سبني اعملك تدليك
ساره طلعت بالصنيه ومستنكره من افعال جيجي الجريئه الوقحه مع امير ومشت وهي بتستغفر
جيجي بصتلها وابتسمت بخبث وقالت بغنج: فعلا حبيبي مسكين المره الجايه بلاش تجهد نفسك كده ,,شوفت يمسكك الصداع ,,طنط شاهي قالت انك كنت متوتر امبارح لما اميره خبطتها العربيه للسبب ده بابا وماما التمسوا ليك العذر ومزعلوش ,وطلبوا مني اجيلك هنا اطمن عليك وعلي اميره وشوفت اميره شكلها بخير
امير: بس ركبتها وجعها من اثار الخبطه , هي بتبالغ شويه عايزه امها جنبها
جيجي :حبي
امير :نعم
جيجي: الي قلقاني ان طنط شاهي قالت ايمان ليها في الدجل والاعمال وهي عمللاك سحر انت والاولاد عشان كدا دايما عندك صداع والاولاد بيعملوا مشاكل ,,ياتري الي قالته صحيح ,,وانت بتعاني فعلا من الصداع بقالك فتره كبير وجسمك بيوجعك ,,بسبب سحر ايمان يبقي ده السبب كمان فيه تغير ملحوظ من ناحيه مشاعرك ليا,, الست دي بنت ابلسه بجد , كويس انك اتخلصت منها والا كنت هتسوء واتمناه ميرجعش سحرها بما انها مشت من هنا امير هو انت فعلا فيه مشاعر ناحيتها
امير عقد حواجبه : ليه بتسألي
جيجي: لان يمكن فيه اثر لسحرها مأثر عليك, ايه رأيك ندور ع علاج انا بصراحه مش بقتنع بالخرفات دي, لكن لما سمعت من طنط شاهي بتتكلم عنها خلتني اخاف واقلق
امير: لاء مفيش داعي للقلق مبقاش ليا اي مشاعر ناحيتها , والا مكنتش طردتها بسهوله
جيجي: اوكيه معني كده بعد طلاقكم لو قررت انها تتجوز من راجل تاني مش هتمانع , ومش هتحس بالغيره
امير هرب بعيونه وقال : هي حره ليه اهتم , ولا هحس بذره غيره , الامر مختلف معاكي , لما بتتكلمي مع راجل تاني ده بيثير غيرتي
جيجي صقفت بأنيساط: اوكيه , عايزه اتكلم عن الاولاد دلوقت
امير: مالهم
جيجي: يعني مش شايف واضح مش بيحبوني , وكدا هنعيش في مشاكل لو فضل الوضع بيني وبينهم بالشكل ده
امير: وعايزني اعمل ايه
جيجي: اديهم لامهم تهتم بيهم
امير : ازاي وحياتها مش مستقره حاليا , وهي في وضع مش يسمحلها لا تراعهم ولا تاخد بالها منهم , لاء لاء , مش عايز ولادي يمروا بعيشه صعبه تاني , ولو عايزني ادعمها ماليا عشان تراعيهم انا برفض مش عايزها تعيش في راحه زي ماكنت قبل سابق , مجرد تقعد في البيت وتراعيهم وتاخد فلوس كل اول شهر لو فضل الحال كده هتبقي مطلقه غنيه
جيجي حطت ايدها ع كتفه وهمست جنب ودنه بمكر: بس انت عارف تقدر تطلب نفقه
امير: ايوه عارف بس هتاخد كام, تعرفي كانت بتعمل ايه لما كانت مراتي كانت تراعي الاولاد وتفضل قاعده في البيت وبس , كانها خدامه لو عندها ذره حياء تطلب النفقه مش عارف جات لي منين , واهلها ناس غلابه ودلوقت عايزه تطول من ثروتي,, استحاله ومجرد التفكير فيها عقلي بيشت انا طالع اخد شور استنيني
جيجي: اوكيه
..............قصص منه محمد كاتب.............
طلعت بره في الجنينه واتصلت بيها: شوفي بقي اتصرفي
شاهيناز: في ايه
جيجي ثايره : مش عايزه اشيل مسؤليه ولاده , مفكرني ايه خدامه
شاهيناز: ياربي متقوليش كدا هتسيطري ع امير لما تتجوزه, اما العيال اصرخي في وشهم بمجرد ما يخافوا هيسمعوا كلامك
جيجي: قبل شويه شوفت امير صرخ عليهم كانوا بيعيطوا عشان امهم , جالي احباط وانا براقبهم عيال مدلعين
شاهيناز: اصبري يا جيجي في الوقت الحالي امير تحت سيطرتنا , مهمتنا الجايه اننا تخلي ايمان تعاني اكتر سبيها تحس بفقدان الضنا
جيجي بلهجه مليانه حقد : اوكيه هتبع خطتك , وبالطريقه دي هكسب واسحب منها كل حاجه تخصها
.............قصص منه محمد كاتب...................
ايمان: حنين عايزه اشتغل
حنين: تشتغلي لا انتي ترتاحي , انتي في شهرك الاخير , استني حتي بعد الولاده وتربعني , بعدها ابقي فكري في الشغل
ايمان: لسه فاضل ع ولدتي شهر ونص , عايزه اكسب شويه فلوس قبل ما اولد , غير كده مش عايزه افضل في بيتك للابد, عارفه انت واكرم مرحبين بيا
حنين: ايمي في الوقت الحالي فكري في الطفله , الي في بطنك وبس
ايمان: انا قلت ان الاوان افكر في نفسي مش عايزه اضيع يوم زياده , مش عايزه يصعب عليا نفسي عايزه احط نقطه ومن اول السطر عايزه اعيش حياه تانيه جديده,, يوم جديد بروح جديده
حنين بمرح: بعلاقه جديده
ايمان: لا توبه افكر في صنف الرجاله , الي بياخده العلاقه كأننا مجرد كارت شحن يخلصوه ع مزاجهم , خلاص مش هاجي ع نفسي تاني , مش هدي قلبي للي ميستاهلش , ومش هسمح لحد يكسرني انا هرجع لنفسي وايامي وقيمتي وكرامتي , انا عندي اهون افضل مطلقه طول حياتي
حنين: اممم شكلك متحمسه للطلاق
ايمان: مش قادره انسي انه شاف وجعي بعينه وبرضه مهتمش , و بمجرد ما طردني من بيته اعتبرت نفسي ارمله مش مطلقه
حنين: ارمله امير لسه عايش ماماتش
ايمان: انا اعتبرته مات ودفنته وقرأت عليه الفاتحه في قلبي
......قصص منه محمد كاتب............
في مطعم خارج البيت
جيجي مدت له الشوكه: حبيبي دوق السلطه دي , لذيذه موت
امير اخد منها وابتسم: فعلا حلوه
جيجي: مبسوطه وانا شيفاك هادي ومستريح من غير الاولاد حواليك , لما بتكون معاهم بتبقي متوتر وعصبي
امير اتنهد بصوت عالي وقال: فعلا لما بكون معاهم بحس بالتعب من اللف معاهم , بس دي حياتي سواء حبيتها ولا لا , هما في الاخر ولادي
جيجي : امير هتكلم معاك بصراحه مطلقه بس متفهمنيش غلط , معنديش ادني مشكله اتقبلهم انا اقصد فيه حل تاني
امير : حل تاني زي ايه, تقصدي ايه بالظبط
جيجي: مش عايزهم يشوفه امهم لحد لما نتجوز
امير حرك دماغه برفض: فيه مشكله انهم منفصلوش عنها فتره طويله قبل كده
جيجي : اه انا طبعا فاهمه كده , لكن انت تقدر تمنعها عشان مستقبلنا , مش خايف لايمان تسحرلهم وتقلبهم ضدك , وقتها يكرهوك, ويكرهوني
امير: لا معتقدش ايمان تعمل كده
جيجي خافت وغيرت الموضوع وقالت وهي بتبتسم: سيبك تعرف نفسي اتصور معاك وانا بالفستان الابيض, هكون في منتهي السعاده مش عايز يكون ولادك معانا اليوم المميز ده , اكيد عايز يبقي نبدا ندربهم من دلوقت انك هترتبط بيا , وتنسي ايمان
امير : اوكيه كلام منطقي, احنا فعلا محتاجين بندأ دلوقت , والا هيتمردوا ويطلبه يشوفه امهم الي مالانهايه
جيجي حطت كوعها ع كتفه وقربت منه: خطيبي الوسيم , القوي , الذكي متقلقش هتكفل بكل حاجه متخافش عليهم , وهاخدهم المدرسه وارجعهم اوكيه انت اهتم بشغلك
امير وهو بياكل: بجد وايه عن شغلك انتي
جيجي: اعرف انظم وقتي بمجرد ما نتجوز , ممكن تسمح لـ ايمان تشوف اولادها وقتها مش هيكون عندي اي اعتراض , انا واثقه ان اولادك هيكبروا علي حبي : امير انت موافق ع كلامي
امير : طبعا عشانك اعوم في النار
جيجي شدت خده بهزار: انت كلامك حلو , ولطيف
امير : طيب يله كلي
...............قصص منه محمد كاتب...............
ايمن بصلها وهو ماشي جنبها: سيبه لربنا ينتقم منه
ايمان: حاولت اقنعه يراضي ابويا هزقني , بابا وماما مساكين
ايمن بغيظ : واحد قليل الادب متعجرف, مستنه منه ايه
ايمان : سامحوني يا بابا وماما , حبيت راجل غلط واختارت اختيار غلط , وانتم الي اتحملتوا خيبه الامل
ايمن : انتي ملكيش ذنب , هو حد فينا عارف مستقبله , مكتوبلك تختاري طريق غلط وشخص غلط
ايمان : اوعدك يا خويا من دلوقت مش هسمح لـ اي شخص يقلل من احترام عايلتنا مره تانيه , عايزه اتغير ابقي واحده تانيه معتزه بكرامتي وعزه نفسي
ايمن بضحكه: هتخربشي يعني
ايمان : ايوه هخربش مش هسمح لحد يستهلكني هبطل ادي من غير حدود لان الي اوله تضحيه اخره خيبه امل كبيره فضلت اعدي ,,واسامح ,,وابرر وفي الاخر اكتشفت اني الوحيده الي كانت بتحارب عشان العلاقه تعيش بس هاخد الي حصلي مش نهايه دي بدايه عشان احارب لنفسي ولولادي
ايمن : ايوه اتغيري ابقي طيبه وجدعه, بس مش ع حساب نفسك , وكرامتك وصحتك لان في الاخر مفيش حد بيقدر
ايمان: ادعيلي كتير ان ربنا يوفقني في الحياه الجديده
......قصص منه محمد كاتب.................
في الشركه قاعده مكشره وماده البوز شبرين
حنين دخلت وهي بتسألها: مالك كدا مكشره
ايمان بتعصب: ازاي مكشركش اتصلت بيه مردش بعت له رساله مردش , فات اسبوع من اخر مره شوفت ولادي
حنين: مش فاهمه تصرفاته مفيش يوم يعدي الا لما لازم يأذيكي , يارب تقع صخره ع دماغه يستاهل كده , بس مش مشكله هطلب من اكرم يروح له مكتبه
ايمان : هو بيتعمد يأذيني
حنين: ايمي رآي خدي يومين اجازه, وارجعي القريه هدي اعصابك
ايمان: مش هسلم الرايا ياحنين قدامه
حنين: لا مش بقولك سلمي, بس انتي بتشتغلي وقت اضافي ممكن تسافري في نهايه الاسبوع, لو حبيتني تسافري بلغيني ممكن اسافر معاكي , مشتاقه اشوف امك وادوق اكلها
ايمان: حاليا مقدرش ارجع القريه
حنين: ليه
ايمان: مش عايزه اهلي يعرفه عن وضعي , هيزعلوا وامي تتحسر وتتقهر, كفايه سببت لهم متاعب كتير, سبيني استقر في حياتي الاول , ولما اخد ولادي هسافر
حنين: ايمن عرف بده
ايمان: ايوه عرف وطلبته منه يبقي سر
حنين سمعت ان حماتك راجعه لندن بلغني اكرم مش عايزه تشوفيها وتحكلهم عن اسلوب ابنهم الفظيع معاكي
ايمان : سبيهم في حالهم انا مش بحب اعمل مشاكل , ماما صابرين هتزعل وتعيط وبنصعب عليا اوي , واوعي تقولي لماما وبابا
حنين رفعت كتافها : هنشوف
ايمان بلهجه تحذير: حنين
حنين مدت لها لسانها: موعدكيش
............قصص منه محمد كاتب..............
في كافيه
ايمان: امبارح لما كلمت ولادي ساره قالت لي ان امير مش هيتولي امر المدرسه بعد كده ,جيجي, شوفتي مين الي هتتولي امر ولادي تفتكري تقدر
حنين: مين الوضيعه دي تعرف تتحمل مسؤليه , دي بس تخرب البيوت , هو المعتوه امير اتجنن في عقله , يختار واحده بلياتشو زي دي تتولي مسؤليه ولاده من اول نظره اقدر اعرف حقيقتها الرخيصه المنافقه , بجد الاتنين لايقين ع بعض جدا حقير اتلم ع حقيره
ايمان بسخريه: فعلا ثنائي جميل بس ايه عن ولادي
حنيين: اكيد مش هتسئ معاملتهم متقلقيش , ده انا قلقانه ان ولادك يعمله معاها الجلاشه
ايمان: حنين عايزه اطلب سلفه ع المرتب ممكن عايزه اجر شقه عشان احس براحه مش قادره اشوف ولادي حزاناه عايزه اخدهم اهتم بيهم ممكن
حنين: الفلوس مش مشكله خالص بس ليه تدوري عن مكان ما تقعدي انت وعيالك معانا البيت واسع وكبير ايمي استقري في حياتك الاول واستني بعد الولاده بعد كده تقدري تمشي
ايمان: لاء
حنين: بت متبقيش عنيده اسمعي كلامي المساله مش هتطول كتير استني بعد ما تولدي بالسلامه وتربعني انتي خايفه تضايقيني صح
ايمان: انا دايما بضايقك بمشاكلي
حنين: مفيش الكلام ده خالص ياختي ضايقيني كل يوم, امال ليه كنا افضل اصحاب في الجامعه كانوا مسمينا التؤام المتلاصق
ايمان ابتسمت: ايوه فاكره
حنين: ايوه ابتسمي شويه اياك تكشري والا البت الي جايه هتزل مكشره وشها كله تجاعيد كلي يا ميمي كلي
ايمان: الف شكر ياحنين
حنين حطت الشوكه في طبق ايمان بمرح : كلي لو مش عايزه هاكله انا
.............قصص منه محمد كاتب................
امير : بلغت ساره ملهاش علاقه بأمور الاولاد, بس الاسبوع ده كان عندي كذا حاجه اوصل الاولاد وشت تركيزي في شغلي
جيجي: خلاص ارجع اطلب منها تهتم بيهم عادي
امير: عندها مشكله مش بتعرف تسوق
جيجي: امال ليه رفضت ان مراتك القديمه تهتم بيهم , وكنت سايبها تدخل وتخرج من البيت بحريه
امير بص لقدام ووشه بان عليه الضيق
جيجي حطت ايدها ع كتفه تغير الموضوع وقالت: بيبي مش اتفاقنا تديني مساحه اتعرف ع الاولاد
امير: وانا نفذت انتي من الدقيقه المسؤله عنهم
جيجي شرقت: عفوا انا
امير بصلها اوي: ايوه في ايه مش انتي الي ااقترحتي عليا ده ليه مضايقه دلوقت
جيجي بلعت ريقها: لاء مش كده انا بس متفاجئه
امير: ليه متفاجئه
جيجي بتوتر: لان انا مكنتش يعني متوقعه تثق فيا اهتم بالاولاد حاسه بتأثر عميق
امير: يالله فكرتك مش حابه الفكره من البداية, قلت يمكن تبقي مشغوله بعملك وفجأه رمت عليكي مسؤليه ولادي وانتي بتحبي تعيشي بحريه
جيجي: لا انا بتوتر بس لما بدخل في حيره بس انا بحب ابوهم كتير عشان كدا ههتم بيهم اوي
امير: شكرا لتفهمك يا جيجي
جيجي: افكورس وشكر ليك انك وثقت فيا اهتم بولادنا اوعدك اخلي بالي منهم
امير: ولادنا حلو ده بحبك
جيجي: وانا بحبك
..............قصص منه محمد كاتب.............
جيجي دخلت عليها المكتب: الحقيني مش قادره خلاص اتحمل
شاهيناز: ايه هو الي مش قادره تتحميله
جيجي: امير يا طنط طلب مني اراعي ولاده
شاهيناز: ده حلو سيبي العيال يحبوكي اكتر من امهم
جيجي: المشكله اني مش بحبهم ابدا
شاهيناز: وليه مقولتيش كده من الاول انك مش بتحبيهم
جيجي: اه مش بحبهم حتي البت اميره دي بالذات مش بطيقها هي واخوتها مش بيحترموني ابدأ مدلعين وباردين اوي مش بيسمعوا كلامي اطلاقا انا محبطه مش هقدر اتعامل معاهم
شاهيناز: فين المشكله لو كانوا مدلعين زياده خليكي شديده معاهم لحد ما يتعلموا الانضباط لو اهتميتي بيهم الوليه الحقيره هيطلعوا اخلاقهم زيها عيال متمرده اسمعي اظهري لـ امير انك احسن واحده وكفائه عن الفقيره ايمان
جيجي: اوكيه كلام صح
شاهيناز: طبعا صح ،هي دي جيجي الي انا اعرفها ،وميهمنيش اعملي فيهم الي تعمليه ،طالما هيسمعوا كلامكم