رواية ضحية فرعون الفصل الرابع والعشرون 24 بقلم منه محمد
بعد ما طلعت لعبت رياضتها المعتاده وهي داخله حديقه الفيلا وقفت تبتسم
#فلاش
جيجي مسكت شعر اميره تسرحلها وقالت لها: المره الجايه متشديش شعرك احنا بنات منبقاش قاسين لازم صفاتنا تبقي الرقه مش احنا الطف الكائنات ها ايه رايك
اميره بصت في المرايا الي في ايدها: حلوه جدا
جيجي ابتسمت: انتي سكره واموره , مقدرتش امسك نفسي من جمالك , عشان كدا هشتريلك تاج الاميره بعدين
امير: بجد
جيجي بصت لامير: بتبصلي كدا ليه
امير: ولا حاجه بيعجبني لما تتشتكي اسلوبك لحد كبير نفس اسلوب اميره
جيجي: بجد
امير: هو لطيف التذمر بنتي بتعيشه وبتتصرف كأنها ديفا
جيجي: لا حرام تشبهني اني بتصرف زي الديفا , بس انا بحب اتعامل مع الاطفال الحلوين او يمكن عشان معندش اخوات
امير : بس جميل تبقي الوحيده وتبقي مدلعه
جيجي: لا انا مش مدلعه خالص ع فكره
امير: بجد
جيحي: والله بتكلم جد
امير: بلاش تبقي جاده كدا عامله زي التمثال مش لايق عليكي
جيجي رسمت وش التكشيره بطريقه مضحكه وامير قهقه بصهلله
#باك
شاهي: خير اتجننتي رسمي بتبتسمي لوحدك
جيجي: لا اصلي افتكرت امير , بجد دمه خفيف
شاهيناز: يعني اتقابلتوا مره واحده من سنين , وبقيتوا قريبين شكلك مهتمه بيه
جيجي: بصراحه لما شوفته امبارح حسيت بينا كيميا , هو كدا ودود مع كل الناس
شاهيناز: لاء هو ودود بس مع اصحابه , اما مع اقاربه مش بيحب يبقي دقيق ,ويتعامل بغرور وتكبر
جيجي: انتي دايما توصفيه انه متكبر ومغرور , بس لما اتعاملت معاه امبارح كان متواضع جدا
شاهيناز: انتي حبتيه
جيجي: لا مستحيل هو بس عشان ابن عمي
شاهيناز: جيجي لو حبيتي امير ممكن اساعدك توصليله
جيجي تهز راسها بالنفي : نو يا طنط مستحيل ده متجوز مش عايزه اعمله مشاكل
شاهيناز: يا حبيبتي الراجل له اربعه
جيجي اتحركت برتباك : نو يا طنط مستحيل, اوكيه انا لازم استعد لو اتأخرت ع الشغل عمو هيغضب, باي
شاهيناز: باي
...............قصص منه محمد كاتب...............
طلع حجاج يسأل عن المستثمر فص ملح وداب نزل واتصل بأمير يبلغه الي حصل
امير بنفعال: ازاي يعني يا حجاج ملقتش المستثمر , الارض انشقت وبلعته
حجاح: هو انت مش رايح الشركه اليوم
امير: اشتغل ازاي وانا متوتر , والمقاول كل شويه يتصل, وجه مكتبي طلب فلوسه, انا متوتر وع اعصابي اظن عارف
حجاج: متقوليش مش معاك مبلغ عينه ع جنب
امير: لو معايا هبقي زي المجنون كدا , انا حطيت كل فلوسي في الاسستثمار
حجاج: خلاص هدور عليه مره تانيه
امير برجاء: لو سمحت دور عليه لحد ما تلاقيه
ايمان قربت: امير
امير قفل الموبيل: نعم يا ايمان
ايمان: بتكلم مين من الشركه
امير: لاء اكلتوا
ايمان: بابا لسه نازل يله هتحط وناكل سوي
امير: تمام ادخلي اسبقيني
ايمان راحت المطبخ تجهز كان امير اخد نفس ودخل لقاه عادل ماسك دماغه
امير: بابا انت كويس
عادل فجأه قام ومسكه خنقه من رقبته وهو اتصدم: في ايه يا بابا ...سيبني
عادل بغضب: فيه ان سكرتيرتي اتصلت بيا من شويه ....واكيد عارف ليه اتصلت , انت عملت ايه بالعشرين مليون الي اخدتهم من فلوس الشركه , وديتهم فين
امير: انا استثمرت في تجاره الدهب
عادل: دهب بموافقه مين ..من امتي بقيت قادر تاخد قرارات بنفسك .....رغم الشركه التانيه مكتوبه بأسمك لكن قبل ما تاخد اي قرار الصح ترجع لمجلس الاداره ...احنا شغالين مع مستثمرين ......يعني لا بقراري ولا بقرارك لوحدك
امير : يابابا انا النيه عندي كانت خير
عادل زعق بحده: انت اتجننت في عقلك دي اسمها حماقه
امير رفع السبابه في وشه بغضب :متهنيش ع مزاجك
عادل : علي مزاجي انت شايف الي غملته صح , النوايا مش مبرر للوسيله , الغلط بيفضل غلط ,من امتي وانت شغال من غير ما تستعمل دماغك
امير: بابا انا اضطريت ادخل الاستثمار لان شركتي المحدوده بتواجهه مشكله ماليه مشروع الشاليهات اكتمل بنسبه 90% لكن لا يمكن ابيع فكرت بسرعه في حل بديل اغطي الخساره انا صرفت مليارات ع المشروع ده
عادل : ماهي دي المشكله لما تكون عنيد ورافض تسمع لي انا وحاتم
امير: ايه العظيم في حاتم عشان اسمع له
عادل: سواء كان عظيم ولا لاء ع الاقل و بيقوم بشغله احسن منك عنده حكمه وعقل مستحيل يضر الشركه ابدا عارف ليه لانه مش عنيد واناني زيك , قلت لك كذا مره الموقع الي اختارته للشاليهات مش مناسب , بس انت اتمسكت برايك وسمعت كتير لممدوح , واهدرت مليارات وشوف بقيت واقف فين
امير : بابا لو حتي دخلت السجن مفيش داعي تقلق
عادل: يعني دي اخرتها , وهتعمل ايه في الخساير الي هتسيبها وراك , كنت هتجدد الشاليهات في سنتين الموضوع دخل في ست سنين ومفيش اي جديد , وبقي مشروع مهجور مش انت لوحدك الي بتخسر , انا وحاتم هنتاثر
امير: انت ع طول مبتجبش غير سيره حاتم , تمام عارف انه استثمر فلوسه في شركتنا بس اكيد عارف ان فيه مكسب وخساره وهو يتحمل الخساره
عادل : الخساره جزء طبيعي من الشغل لكن مش مليارات بالشكل ده , دي خساره كبيره وواضح انك سطحي في تفكيرك لامور الشغل
امير: متهنيش تاني
عادل: انا مش بحاول اهينك, لكن بقول الحقيقه وانت هتقبلها غصب عنك, لو كنت فعلا عايز تلاقي حل لمشاكل الشركه مكنتش تروح تستثمر بطريقه غير معقوله
امير : يا بابا انا وحجاج وصحابي استثمرنا , وسالنا الاول عن الشركه الي هنستثمر معاها والشركه مسجله مفيش خوف اطلاقا
عادل : مش معني انها مسجله يعني مفيش نصب ولا احتيال , ولو اصحابك استثمروا مش ضروري تمشي وراهم ماكنت تيجي تسالني واتناقش معايا , خلاص اصحابك فطاحل اوي في الاستثمار لدرجه انك مستعد تخاطر بمستقبل الشركه , تعرف انت فقد الثقه كمدير تاخد ملايين من غير تفويض , لو اتقدم فيك بلاغ هتدخل السجن انا خاب املي فيك , لانك مش كفئ للثقه
امير : ده انا الي خاب املي اكتر فيك , بالطريقه الي بتتكلم معايا بيها خلتني واحد فاشل مليش اي فايده خالص بالنسبه لك , وكأن عمري ما قدمت اي حاجه مفيده للشركه ابدا , بس اسمع انا مش عيل عشان امشي وري كل كلمه تقولها , انا كبير بما يكفي اخد قرارتي الخاصه
عادل: بتفكيرك ده عمرك ما هتحقق ربع الي عملته , انا عملت شركتي دي بعد تعب وشقاء سنين , ومش هسمح لـ اي حد يدمر الي بانيته بما فيهم انت
امير: تمام هرجعلك كل فلوسك وهتحمل كامل المسؤليه مش ده كل الي يهمك الفلوس
عادل: انا الي يهمني الفلوس ، لو مكنتش انت جشع وطماع ليها مكنتش دخلت الاستثمار الغبي
امير: انا بس كنت
عادل: كنت ايه طول الفتره دي انا صرفت عليك بما فيه الكفايه لايمكن اللومك او اواجهك كله من غرورك الواصل للسماء مفكر نفسك عظيم عايز اشوف لـ مدي ممكن توصل بعد كده
امير: اللاسبوع ده هتاخد فلوسك وهردلك كل ملايينك متقلقش شركتك مش هتفلس وابنك الي بتدعي انه غبي هيرجعلك فلوسك ولو فشلت ابقي ارميني في السجن
عدل بصراخ :اخرس يا امير
امير :مش هخرس خالي فلوسك تنفعك ،او اديها لحاتم او اي حد مش عايز مليم منك ،انت مستقوي بفلوسك ،،انت مدي الاولويه ليها ،،من اللحظه دي تقدر تعيش حياتك وانا اعيش حياتي ،،متزعجنيش بعد كده
عادل رفع ايده لفوق يلطشه بالقلم: اه يا وقح
امير بص لايده المرفوعه لفوق وملامحه اتغيرت , اما ايمان كانت واقفه بره الغرفه لانها حاست ان النقاش لا يبشر بالخير
صابرين : عيب يا ايمان تقفي تتسمعي عليهم
ايمان بقلق: انا اسفه بس حاسه ان فيه مشكله كبيره , قلت يمكن اتدخل واقدر اساعد
صابرين: ليه بتقولي كدا
ايمان: مش عارفه بس بابا انفعل مره واحده واخد امير وبيتكلم معاه بعصبيه
صابرين بأبتسامه: لاء ده طبيعي , هما كدا لما يتكلموا في موضوع مهم ,ياخدوه ويقفل عليهم المكتب
ايمان : بس احساسي
صابرين : متقلقيش هما ع طول بيتخانقوا بسبب الشغل , اطمني رايحه اشوف الاولاد وانتي حطي اللاكل يله
مشت ايمان بارتباك تحاول تخفي الخوف اللي حست بيه ..صح مافهمتش حاجه من الي بيقولوه بس صوتهم بيشرح ان فيه حاجه كبيره كملت في طريقها ودخلت المطبخ اما..... صابرين جمعت الاطفال وقعدوا ع السفره كان امير خارج متعصب جدا
يامن :يله يا بابا عشان ناكل
امير زعق بصوت مرتفع: ايمان يا ايمان
صايرين :فيه ايه بتزعق ليه كأنها مش هتسمعك لو ناديت براحة
ايمان طالعه بتمد حطت الطبق ع السفره وراحتله
امير بصلها: يله عشان هنمشي حالا
صابرين : ليه يابني عايز تمشي , قلت انك اجازه النهارده الصبح , والاولاد مرحوش للمدرسه خليكم قاعدين يومين معانا , انا لسه مشبعتش من العيال
امير :عايز ارجع بيتي يا ماما , ولما تسمح الظروف في المستقبل , تبقي تشوفي احفادك مره تانيه
صابرين: ايه الي بيحصل بتتكلم كأني مش هشوف احفادي تاني , عرفني هو فيه ايه
عادل خارج من غرفه المكتب وشكله منفعل جدا
يامن : جدو يله عشان ناكل
امير شخط فيهم : انتم مستنين ايه يله ع العربيه اتحركوا
صابرين بشخط: في ايه يا امير, ايه الي بيجري
امير اتعصب ع ايمان : وانتي واقفه مستنيه ايه , اتحركي بسرعه
صابرين نزلت دموعها : لانها مش فاهمه هو فيه ايه لكل اللاعصار ده
ايمان بقهر: يله يا ولاد سلموا ع جدتكم
صابرين: امير حتي لو عايز ترجع البيت سيب العيال ياكلوا الاول
امير: معلش يا ماما انا محتاج اروح حالا
ايمان: ماما انا اسفه غصب عني انتي شايفه الوضع
ياسين: يا ماما كنت جعان
امير اتعصب عليه: ياسين هو انا مش هقدر ائكلك , خلاص هتموت من الجوع لو مأكلتش في البيت هنا
صابرين: ليه يابني بتقول كده
امير: كفايه يله بينا
...............قصص منه محمد كاتب.................
ايمان رصت العشا ع السفره وراحت له كان راقد ع الكنبه بيفكر
ايمان بهدوء: امير قوم عشان نتعشا سوي , من ساعه ما رجعنا الصبح لسه خارج من اوضتك رافض تاكل هتتعب بعدين , متعملش كده في نفسك مفيش حاجه مستهله, ومهمها كانت المشكله هنحاول نحلها
امير اتعدل وبصلها: هو انا فعلا مفيش فايده مني , مش فاهم بابا اهاني بقسوه , انا في نظره واحد فاشل مستهتر كل كلامه اشاده في حاتم
ايمان: يمكن مايقصدش يعني اللانسان في وقت غضبه بيقول اي كلام , وكأنك مش عارف طبعه. اظن كلنا عارفين لما اللامر يتعلق بالشغل بابا بيبقي شديد جدا , حبيبي يله متطولش في الخصام غير كدا حرام نقطع ابونا وامنا
امير : الي نفسي افهمه حقيقي انتي ليه حريصه جدا تدافعي عنه , هو انتي خايفه لما اتخانق مع بابا نشحت ونطلع نكافح عشان نعيش , ومش هيقف جنبنا بعد كده للدرجه مش واثقه فيا اقدر اصرف عليكي وعلي الاولاد
ايمان: مين قال انت الي كنت موفر لينا كل حاجه , انا مش بشكك في مسؤليتك , انا بس مش عايزك تتخاصم مع بابا ده هدفي
امير : متتوقعيش اتصالح مع الراجل العجوز ده , ومش دلوقت انا مجروح من اهانته ليا مش هقدر انسي اهانته في يوم ولا يومين , هو لايمكن يتقبل اني اعارض للي بيقوله ولما احتج ولا اعترض يتهمني اني اناني , لكن هو مش اناني ابدا
ايمان: حبيبي غلط تتكلم كدا عن والدك , حتي لو كان غلطان ممكن تفهمه بلطف مش بالزعيق والخناق
امير: ايمان متدخليش دي مسأله عائليه , انا عارف الي بعمله , واجبك كمراتي تكوني مطيعه وتسمعي كلامي وبس , مفيش داعي تدي رايك هنا وهناك, انا بيهاجمني صداع حتي من التفكير
ايمان سكتت من غير ما تنطق بكلمه او حرف..الموقف والحالة ما بقاش ينفع فيها كلام
................قصص منه محمد كاتب................
قدام المكتب واقف منتظر نزولهم بفارع الصبر
امير: ها ايه الاخبار
حجاج: الراجل اختفي
امير: بتتكلم جد
حجاح: عارف ايه الغريب, الموظف الي هنا قال مفيش حد بأسم السعدني نهائي
امير: انت بتقول ايه, انت نسيت مش سبق وجينا المكتب ده من شهر , ودلوقت بتقول مفيش موظف بأسم السعدني
حجاج: و المصيبه الاكبر بيقول المكتب ده بيتأجر بستمرار , وهو ميعرفش الاسم ده
امير: هو مش بيعرف يقرا ما يشوف اتأجر باسم مين اكيد هيلاقيه
حجاح: انا اخدت رقمه من الكشف
امير: واتصلت
حجاج: لا لسه
امير: هو انت غبي مستنيني انا اتصل هات رقمه
حجاج: له رقمين
امير: متسجل باسم مين
حجاح : مسألتش
امير حرك دماغه بضجر واتصل عطاله نأسف هذا الرقم غير موجود بالخدمه
حجاج: ها رد
امير: ده رقم مش في الخدمه
حجاج لطم ع خده: نهار ازرق طيب اتصل بالرقم التاني يمكن
امير: لايمكن تنجز عمل واحد ( امير اتك اتصال نفس الجواب نأسف الرقم غير موجود بالخدمه
حجاج : يعني ايه الكلام ده
امير: اتأكد يمكن كتبت رقم غلط
حجاج: اسهل حاجه عندك الاوامر , انت قعدت في العربيه وانا عليا ادور, لكن لما كنا قاعدين معاه مأخدتش منه اي بيانات
امير: انا دلوقت حاسس ان كل ده من افعال مديره المحتال, بس مكنتش افكر ابدا ان عندي صاحب غبي بالشكل ده ليه مسالتش الموظف عن اسمه يمكن يعرفه
حجاج بنرفزه: لو انت ذكي اوي دور عليه وجيبه , انا معنديش الي اعمله انا مش شغال عندك وعبد لاوامرك , لو انت استثمرت ملايين انا حطيت اكتر منك
امير : ونسيت مين الي شجعني ادخل الاستثمار الغبي
حجاح : امير مش وقته خالص نرمي اللوم ع بعض , احنا عايزين حل دلوقت
امير : مفيش قدامنا حل غير اننا نبلغ البوليس
حجاج: بس لو حتي دخل السجن فلوسنا هتروح علينا
امير: احنا فعلا في مصيبه فلوسنا كلها معاه
حجاح بحيره : ولو مقدمناش بلاغ النصاب ده هيهرب بفلوسنا ع بره
امير: يله بينا ندور عليه خلينا نوصل له ونصفي الحساب
..............قصص منه محمد كاتب................
ايمان دخلت بصنيه مليانه اكل وحطتها جنبه كان هو عامل نفسه نايم
ايمان بصوت هادي: امير متزعلش مني لو جرحت مشاعرك , هسمع كلامك بعد كده, ارجوك متزعلش كده يله عشان تاكل
امير اتعدل وبصلها :بصراحه انا الي مش بحبك تزعلي مني وتكشري, انا بحب اشوفك مبتسمه _ شد خدودها بمداعبه_ لما بتبتمسي بتنسيني هم الدنيا
ايمان: ايدك جامده
امير قرب منها و مسك وشها بين ايديه وعيونه على شعرها وملامحها :وياسلام لو بوستيني شويه , هيختفي ارهاقي
ايمان رجعت لوري وسحبت نفسها منه: امير الباب مفتوح مش مكسوف الاولاد يشفونا
امير :ما يشفونا عشان يعرفوا قد ايه بنعشق بعض , وانك بتحبيني ودايبه في دباديبي
ايمان :هنكر اه بحبك لكن لو انت فعلا بتحبني لازم تاكل والا مش هبسطك بالليل , وهروح انام مع العيال , لما بتكشر تبقي ياساتر قبيح اوي
امير : معقول توصفي وسيم زي بالقبيح
ايمان :مفكر نفسك وسيم
امير :بصراحه كنت جعان ومعدتي بتكركب ,ممكن تاكليني
ايمان مشت ايدها ع خده برقه قالت:عيوني , استني لحظه اروح اغسيل ايدي ,بتكره تاكل بالمعلقه
امير ابتسم ابتسامه واسعه: مراتي لطيفه جدا عارفه بحب ايه ,وبكره ايه
ايمان رجعت وبدئت تاكل امير بأيديها
امير : الاكل ع فكره حلو اكليني تاني
يامن اتسحب ودخل وياسين فضل واقف وري الباب خايف لامير يتعصب عليه
امير: حبايب قلبي تعالوا هنا
يامن نط في حضنه: بابا انت زعلان مني
اميرداعب انفه بمرح: هزعل لما تكون شقي
يامن: ياسين مش شقي وحضرتك زعلان منه
ايمان لمحت ياسين: تعال يا ياسين واقف ليه بعيد
امير بصله: ياسين تعال يا حبيبي في حضني
ياسين قرب من ناحيه ايمان لكن امير شده واخده ع رجله
امير باس دماغه: انا اسف مكنتش زعلان منكم انا كنت مضايق من حاجه تانيه لسه زعلان مني
ياسين: انا مش زعلان منك
امير: انا بحبكم كلكم
اميره نطت ركبت فوق دهره: وياتري بتحبني
امير وهو بيضمها: طبعا بحبك يا ورده قلبي بحبكم كلكم قد عنيا وحياتي
اميره: طيب لو بقي عندي اخت جديده مش هتحبني بعد كده
امير بص لايمان وغمزلها
ايمان بعتاب: اميره ليه بتقولي كدا انتي سخيفه
امير مسح ع شعرها بحنيه: صح ليه بتقولي كده , هفضل احبك حتي لو ماما جابتلك اخت هتفضلي برنسيتي
ايمان: يله كفايه رغي روحي اوضتك ونامي متزعجيش بابا هو محتاج يرتاح انا ازعجتيه بما فيه الكفايه ساعه الاكل
اميره دغدغت بطن يامن بمرح وقالت وهي بتضحك: والوحش خلص اكله
يامن مدلها لسانه: ياسين يله بينا ننام الوحش نعسان
امير: يله روحوا ناموا بس ادوني حضن كبير الاول
الاولاد في نفس واحد: تصبحوا ع خير
ايمان: بالسلامه تصبحوا ع خير
اميره ضمت امير ورجعت ضمت ايمان
امير: حبي ايه رآيك لو جبنا اخت لاميره
ايمان: متبقاش سخيف زي بنتك
.................قصص منه محمد كاتب...................
علي السفره تلفون ايمان رن
امير بأمر: مترديش عليها
ايمان: امير دي والدتك الي بتتصل بيا
امير: ايه المشكله يعني لو كنت ماما
ايمان: ياامير
امير قطعها بحده: من اليوم مش هسمح لك تكلميهم ابدا
ايمان: انت ليه بس هدخل ماما في الموضوع , مش انت بتحبها , هي ملهاش ذنب
امير: بدل ما تشفقي عليها اشفقي عليا ,انا اتعرضت للاهانه والذل من بابا , مفكره معنديش كرامه , ع اي حال هثبت له اني اقدر انجح من غيره
ايمان : ايوه فاهمه لكن
امير قطعها: ايمان ارجوكي متجادليش من اليوم , هنعيش لوحدنا متعتمديش ع بابا نهائيا , هو بيحب حاتم اكتر مني يروح يتبناه رغم انا ابنه الحقيقي مليش اي فايده _ سابها وقام متعصب_
ايمان :يارب زيح الغمه دي عننا ......واهدي جوزي متخلهوش عاق لابوه وامه .........خايفه ولادي يبقوا عاقين رد ع عقوق ابوهم
.................قصص منه محمد كاتب..................
صابرين: انت سرحان من امبارح في ايه يا عادل
عادل بقهر ودموعه متعلقه في عيونه حسره: مفيش لزوم تعرفي والا هيجيلك جلطه بعيد الشر
صابرين: بس انا غصب عني سمعت شويه من كلامك انت وامير
عادل: سمعتي ولا اتصنتي , ابنك راح استثمر ملاين في كلام فارغ من غير ما حتي ياخد رأي
صابرين: المبلغ كبير
عادل : ايوه وغرقني معاه في ديون
صابرين :المبلغ قد ايه
عادل :عشره مليون
صابرين :مش كتير ولا حاجه
عادل : ايوه لشركتي مش كتير, لكن لشركته المحدوده الي بيديرها ابنك ممكن تفلس, لو خسر الاستثمار
صابرين :هو الواد ده جراله ايه ,عيبه مش بيقبل ابدا النصيحه
عادل : ومش مستغرب ايمان كان عندها حاجه طول اليوم امبارح ونفسها تقولهالي , بس خافت وطلبت مني اسال امير بنفسي
صابرين : ايمان عارفه طبع اببنا اكتر مننا , طيب العمل ايه دلوقت , لا يمكن تسيبه يفرقنا عن احفادنا وايمان
عادل : مش انتي امه اتصلي بيه
..............قصص منه محمد كاتب................
فايز: انت مسافر بره
ممدوح: ايوه
فايز: ع فين
ممدوح: مفيش داعي للفضول
فايز: مش من حقي اعرف ولا انت خايف ابلغ عنك البوليس
ممدوح: تبلغ عن اخوك
فايز: لو فضلت تتصرف التصرفات دي اتحمل العواقب لوحدك
ممدوح: انا مش هربان بس لازم اشتغل
فايز: شغل! شغل ايه الاحتيال والنصب ع الناس مره تانيه , مش كفايه الي اخدته من امير وصحابه عايز تحتال ع ناس تانيه , ممدوح مهما هربت الراجل الوسيط اتقبض عليه ليه لانك رفضت تساعده لما استنجد بيك , بس انت مردتش كان عايزك تدفع له الكفاله وتخرجه
ممدوح: هو انت مجنون اروح اساعده بعد ما ذكر اسمي , لازم اهرب قبل ما يمسكوني
فايز: انت بتقول عليا مجنون , مش انا الي احتالت ع الناس ودمرت حياتهم , انت المجنون مش انا
ممدوح رفع كتافه بعدم اهتمام: براحتك يا فايز لو هتعتبرني مجنون براحتك, المهم دلوقت انا راضي الراجل الي خلي حياتي صعبه بأستمرار انا عاقبته, انا عارف مين هو امير واحد ميقدرش يعيش تحت ضغط , ولا يقدر يعيش لما حد يفوز عليه , هو اجبن من كده بكتير ,عشان كدا سيبه ياخد الي يستحقه
فايز: مش خايف من ابوه لما يعرف انك دبرت لكل ده
ممدوح: ما تسيبه يعرف ايه الي ممكن يعمله عادل , لا يمكن يتهاون لو الموضوع يخص الشركه حتي لو كان ابنه هو الغلطان , والا ليه اجبر امير يتجوز ايمان عشان يحافظ ع اسم شركته
فايز: حط في اعتبارك احنا الي خططنا عشان يتمسكوا, يعني احنا المذنبين
ممدوح: مش مذنبين , عادل هو الغلطان لما اجبر امير يتجوزها مش انا , رغم كان عارف ان ابنه مش بيحب البت دي, مساكين زمانهم ماسكين في خناق بعض
فايز: وانت سعيد بخراب البيوت , مصيرك متلعق بخيط رفيع , وغلطه واحده هتدخل السجن مره تانيه عارف كده
ممدوح: كفايه اتأخرت ع معاد طيارتي, ولازم اتحرك فورا
............قصص منه محمد كاتب..................
في كافيه علي البحر
امير طحن اسنانه بغضب: ممدوح الواطي السافل , لو مسكته انا هقـ تله , اكيد مفكر هيقدر يفلت مني , بس هجيبه لو راح اخر الدنيا
حجاح: لما بلغني الظابط قريبي ان ممدوح هو المحتال اتصدمت, بجد مخطرش في بالي انه ممكن يخدعنا للدرجادي , صاحبنا يا امير متخيل
امير بتهكم: صاحب ! ده لايمكن يبقي صاحب , انا عارفه عايز ينتقم مني ,ودلوقت زمانه بيسخر مني
حجاج : ازاي هواجهه حمايا انا حقيقي في مصيبه كبيره المره دي
جيجي دخلت وراحت عليه بأبتسامه واسعه: امير مش معقول ,مكنتش متوقعه اشوفك هنا
امير استقبلها بجمود: جيجي
جيجي بصت لحجاج: بنجوز
حجاج: بنجور
جيجي تابعت: بالصدفه كنت مخلصه اجتماع وقلت ادخل اخد كوفي , ممكن اقعد معاكم وبعدها اروح معاك اسلم ع عمو عادل وبعدها اقعد في مكتبك اسألك اسئله محتاجه لاجابه
امير بجديه: انا اسف يا جيجي مش راجع المكتب اليوم , كنت قاعد بتكلم مع حجاج في امر مهم خليها مره تانيه
جيجي حست بنفسها زياده عدد ومش مهتم بوجودها قالت بأحراج: اوكيه مفيش مشكله ,خلينا نأجل الكلام مع بعض مره تانيه , باي
حجاج: مين دي يا امير
امير: دي بنت عمي
حجاج: تقصد اخت ليلي
امير: لاء ابوها متوفي ولسه راجعه من امريكا , بس ليه بتسألني كل الاسئله دي
حجاج: اصلها جريئه عن ليلي , اسمها ايه جيجي
امير: اه جيجي هو فيه حاجه
حجاج ابتسم: لا بس الطريقه الي بتبصلك بيها بتقول فيه مشاعر ناحيتك , امير خد حذرك متسبش جوازك ينهار مره تانيه
امير:يعني انا بزمتك فاضي للكلام الفارغ الي بتقوله, انا عندي مشاكل فوق دماغي افكر فيها متزودش مشاكلي, انا معنديش وقت حتي افكر في الامور السخيفه دي , مفكرني زي زمان بتاع بنات , فوق كده انا عندي اولاد , وعندي زوجه , معنديش حتي الوقت افكر في الهبل ده
حجاج: بس الجواز وخلفه العيال مش عذر يا امير
امير: حجاج انا بحب مراتي مش ممكن اخونها ابدا , الا اذا كنت عايزها روح اجري وراها متدخلنيش في الامر, وبعدين يااخي خلينا في الخيبه الي احنا فيها , عندنا كارثه كبيره وانت مشغول بجيجي , قلت لما اقعد هنا ممكن اتكلم معاك, لكن قعدتك زودت همي , انا قايم لو وصلتك اي معلومه عن الفلوس, اتصل بيا
...............قصص منه محمد كاتب.................
كانت نايمه لحد ما حست بحركته في الغرفه قامت بسرعه وراحت قعدت جنبه
ايمان ماسكه دماغها: انت رجعت, نمت غصب عني, معرفش مره واحده جالي دوخه جامده اتصل ايمن بيك كذا مره بس انت مردتش
امير بضيق: مكنش ليا مزاج ارد , وعارف الي هيقوله اكيد هيسالني عن الدفعه المتأخره للمقاولين كان المفروض ادفع بس اتخدعت تاني
ايمان: خدعك ممدوح مره تانيه
امير: السافل المنحط , معرفش ايه مشكلته معايا عشان يكرهني للدرجه , هو دايما عايز يضرني فكرت لما طلع من السجن هيتوب , لكن عمل نفس افعاله الوضيعه مره تانيه, بس انا هخليه يندم باقي حياته ومهما كانت الظروف هلاقيه مهما كلفني الامر وهواجهه
ايمان : طيب بالنسبه لممدوح دي مساله بينك وبينه ,ايه عن وضع الشركه
امير بسخريه لاذعه: اطمني شركتي مش هتفلس ,مش عادل بيه موجود وهو غني , اكيد شركته الكبيره هتنقذ شركتي المحدوده , هو هيعالج الامر وهيدفع سهل عليه
ايمان : يعني كله تمام
امير رفع عيونه فيها بغضب: انتي بجد مش فاهمه كلامي, انا زهقت من الكلام معاكي, المساله متعلقه بكرامتي مستحيل اسمح شركته تنقذ شركتي , كدا بقل من كرامتي واخليه يدهسني تحت رجله فهماني , هو شايفني انسان فاشل واتهمني عمري ما عملت حاجه نافعه تخليه فخور بيا , متوقعه مني اتحمل كل ده , ومتوقعه ادخل مكتبه واتظاهر كان لم يكن اي حاجه , وارسم البرود ع وشي واشتغل كالمعتاد لو حصل كدا هو هيبصلي بحتقار مدي الحياة ده الي انتي عايزه ليه لانك خايفه تعيشي في ضيق عايزه حياه سهله ومرفهه لحد ما تموتي , ده الي انتي عايزه
ايمان : لاء مكنش قصدي كده
امير: امال اقصدك ايه
ايمان : امير سواء عشنا في ضيق او غني الامر ميهمنيش, انا كل همي متتخانقش مع والدك مش عايزه عايلتنا تتفرق بسبب المشكله دي , خلينا نقعد ونلاقي حل , ده لسه ابوك من دمك ولحمك مش هتقدر تحذفه من حياتك والرابط ده هيفضل حتي بعد الحياه دي
امير بنفعال: لو معتبرني من لحمه ودمه مكنش اهاني للدرجه , هو يهمه الفلوس اكتر من ابنه , اما انا بالنسبه له ولا اي حاجه
ايمان: طيب اهداء شويه الغضب مش هيحل المشكله , تعال عشان تاكل عملت لك الاكله الي بتحبها
امير: انا فكرت في الوضع الي احنا فيه لازم ابيع بيتنا واسهمي والعربيه , محتاج ابيع كل شئ املكه عشان اسدد الديون الي اخدتها منه
ايمان: منه تقصد والدك
امير : مين يعني غيره الراجل العجوز بس لسه فيه مبلغ في رصيدي هيبقوا معايا متقلقيش وهنحت في الصخر واسدد دينه , وعندي وديعه هفكها وندور ع بيت تاني , حتي لو مكان شعبي يناسب ميزانيتي وهستعمل حاليا عربيتك
ايمان : وليه متبعهاش هي كمان
امير: لو بعناهم الاتنين هنركب ايه وهنوصل اولادنا ازي المدرسه والدروس , اهو يبقي عربيه موجوده اروح بيها الشغل , متقلقيش هدور ع اي شغلانه وهلاقي اكيد بصرف النظر عن المرتب
ايمان : خلاص اشتغل انا كمان , واساعدك
امير : ومين هيهتم بالاولاد , انتي اقعدي في البيت مفيش داعي للمرمطه , ولا هتجبلهم داده لو اشتغلت مفكره عشان اجيب مربيه ده هيكلف فلوس كام , مش معقول الي هشتغل بيه هدفعه كله لواحده تاخد بالها منهم هيفضلنا ايه فكري ياريت تفكري
..............قصص منه محمد كاتب.............
جيجي: اتفضلي القهوه يا طنط شاهي
شاهي اخدته منها بابتسامه: ميرسي
جيجي العفو مش انا قابلت امير ليله امبارح
شاهيناز بصتلها بأهتمام: وبعدين سلمتي عليه , وكان معاه مين , كان مع البت الحقيره دي
جيجي : لا كان مع واحد صاحبه , بس قابلني مقابله فاتره كانه ولا يعرفني
شاهيناز عقدت حواجبها بستغراب: ليه لما كنا عندهم في الفيلا لاحظت انكم قريبين من بعض جدا
جيجي اتنهدت بقهر: ده الي حصل , يمكن عنده شويه مشاكل, اصلي شوفته كانت بيتكلم بنفعال شويه مع صاحبه , واضح ان المشكله متعلقه بالشغل بس قلت هينبسط لما يشوفني او يعزمني ع الغداء او ع الاقل هيطلب مني ازوره في مكتبه , رغم لمحت له بكده بس قالي انه مشغول فأستئذنت وانسحبت بهدوء
شاهيناز ابتسمت: واضح انك حسيتي بخيبه امل
جيجي : اه فعلا حسيت بالخيبه عشان ولا عطاني اي اهتمام , كان انا الوحيده الي عايزه اقعد معاه , حرجني جامد قدام صاحبه
شاهيناز ابتسمت بخبث : مش انتي برضو قولتي مش ممكن تحبي راجل متجوز
جيجي :انا قلت كده امتي
شاهيناز : بس شايفه غيرتي رايك
جيجي ضربتها في كتفها وهي بتضحك ضحكه صاخبه: طنط خلاص بقي بلاش تحرجيني
............قصص منه محمد كاتب.................
علي السفره
امير بسؤال: هو ايمن مكمل في الشغل في الشركه
ايمان: اه لسه ليه
امير: انا قدمت استقالتي اليوم وجايز لما مبقاش هناك ايمن ميحسش بالراحه وهو شغال مع عادل العظيم
ايمان: هو لازم ايمن يسيب الشغل هو كمان
امير: من غير ما تسأليني , اه كان الصح يسيبه للراجل العجوز , ونعرفه مش محتاجين منه حاجه واننا هنفضل عايشين ع قيد الحياه من غيره
ايمان: امير انا اسفه بس رآي بلاش تخلي غضبك يسيطر ع افعالك كتير , ايمن مش متورط في ده كله هو شغال يعول نفسه غير كدا انا متأكده بابا لا يمكن يدخله في الي بينكم
امير: الموضوع مش متعلق بالغضبي , متعلق بجميلي وفضلي عليه , قوليلي كان اخوكي هيستمر في الشغل هناك لولا وجودي , ونظر لقله خبرته وانه لسه متخرج من شهرين انا خاطرت ووظفته في الشركه , ودلوقت في غيابي من الشركه ليه يكمل فيها , المفروض يفتكر جميلي ويقف جنبي ويوري للراجل العجوز ان الي حصل معايا ظلم
ايمان : بس حاسه
امير ضرب التربيزه بكتله ايده: حاسه بأيه بالخجل , من الواضح ان اخوكي حريص يشتغل هناك , وكأن مفيش فرص شغل في حته تانيه
ايمان: ليه بتتكلم بالاسلوب ده مش فاكر مين كان متمسك يشغل ايمن , رغم كان عنده اكتر من فرصه يشتغل في اي مكان تاني
امير : واضح مش طايقه مني كلمه
ايمان : امير اخويا ممكن يلاقي وظيفه تانيه , وممكن اطلب منه ببساطه يقدم استقالته حالا , لكن ارجوك بلاش تتكلم عنه بالاسلوب ده , وايمن فاكر كويس جميلك ومعروفك , واهلي مديونين ليك بالكتير
امير: لو حاسه بالدين روحي بيعي ارض من الي عندكم في القريه , واديني الفلوس ابدا مشروع جديد
ايمان الدموع مرسومه بعيونها.: انت بتقول ايه, انت عارف اهلي ناس غلابه , محلتهمش الا بيتهم الي عايشين فيه معندناش ثروه الثروه الوحيده الي حيلتهم انا و اخواتي متقللش من شان اهلي كده
امير : لما انتي عارفه انك فقيره يبقي تسكتي , ومتقوليش اي حاجه , وافتكري جميلي عليكم
ايمان مقدرتش تحبس الدمعة..الكلمة اقوى وأقسى من الف كف من ايده .. كلامه يدمي الروح ..نزلت راسها وانسحبت من المكان بأنكسار هادئ