رواية ضحية فرعون الفصل الخامس والعشرون 25 بقلم منه محمد
اميره: ماما احنا فعلا هنمشي من بيتنا
ايمان: ايوه عشان ظروف بابا وحشه
اميرة ببكاء : لا مش عايزه , حتي بابا لو مش معاه فلوس نفضل في بيت جدو , مش عايزه اروح مكان تاني
ايمان: اميره مش انت بتحبي بابا صح , لو كنتي فعلا بتحبيه لازم نساعديه حاليا بيمر بظروف صعبه , هو مش معاه فلوس عشان كدا هياخدنا في بيت تاني مؤقت, ولما يشتغل وظروفه تتحسن هنشتري فيلا اجمل من دي , انا عارفه بنتي قلبها طيب ورحيم وبتحبنا
اميره: ازاي بابا ظروف وحشه ومش معاه فلوس , مش جدو غني ومعاه فلوس كتير ما يطلب منه
ايمان: حبيبي بابا مش عايز يزعج جدو ,يا بنتي يا حبيبتي مفيش مشكله لو روحنا عشنا في بيت تاني , طالما كلنا هنبقي مع بعض
اميره ببكاء: انا هروح اتكلم مع بابا ميتخانقش مع جدو , انا مقدرش اعيش في بيت تاني , كل صحابي هنا لو روحنا بيت جديد مش هيبقي عندي اصحاب
ايمان بتمسحلها دموعها بحنيه: هتشوفيهم في المدرسه
اميره: لكن انا مش عايزه امشي من هنا
ايمان رفعت عيونها للسماء: يارب اديني الصبر .....ولين قلوب جوزي وولادي
................قصص منه محمد كاتب.................
وصلوا الحي الشعبي وامير وقف بالعربيه
امير بضيق: يله استعجلوا واخرجوا
يامن لمح جنينه قدام المساكن بيلعبوا فيها شويه اطفال
يامن لاميره: اميره احنا هنروح نلعب في الجنينه دي تيجي
اميره بغرور: لا دي في الشارع اكيد قذره
ايمان بصتلها بعتب: اميره عيب تقولي كده
امير: اتحملي شويه يا اميره احنا هنعيش هنا فتره مؤقته
اميره بتذمر : بابا مش عايزه اعيش هنا عايزه ارجع بيتنا القديم
امير اخد نفس : مبقاش بيتنا انا بعته , ومفيش اي فلوس افهمي , والي معايا ع قد الاكل اصبري خليني اشوف اي وظيفه الاول وبعدها هشتري بيت اجمل من بيتنا القديم
يامن: ماما انهي بيت فيهم
ايمان وهي بتشاور: الي في البيت ده الدور الخامس
ياسين: ده عالي اوي , يامن نركب الاسانسير ماشي
امير: مفيش اسانسير فيه سلالم
اميره بتذمر: ايه كمان سلالم بابا ده دور عالي مقدرش اطلع انا ع السلم
امير: مفيش مشكله لو مش قادره تطلعي اشيلك
ايمان: استني يا امير, اميره ممكن تطلعي لوحدك, بابا هيشيل يامن
يامن: ليه يشلني يا ماما انا اقدر اطلع لوحدي
ايمان: حبيبي مش عايزك تتعب, انت عارف لو عملت مجهود كبير نوبه الربو هتجيلك , ياسين اميره يله حصلوني وانت يا يامن استني هنا مع بابا امير خليك مع يامن وانا هطلع الشنط
امير: مفيش داعي سبيهم انا هطلعهم , انتي استنيني مع يامن هنا
ايمان مسكت الشنطه وبتشدها: مش تقيله اقدر اشيلها
امير اخدها منها: ايمان ممكن تسيبي , انا هطلع كل الشنط , مش عايز اهلك يلوموني بعدين بأني مش قادر اوفر الرفاهيه لبنتهم , ودلوقت بعذبها واخليها ترفع الشنط ابعدي
ايمان وقفت قدامه: انت تقصد ايه , انك بتعذبني وتخليني ارفع الشنط
اميره: انتي عايزه ايه هو انا هنقي كلامي قبل ما اتكلم , انتي ليه حساسه زياده لايمكن اهزر شويه وسط الي احنا فيه , اميره ياسين اطلعوا الاول , وانت يا يامن استني هنا هنزل اشيلك
يامن لف بص ع ايمان الي واقفه حزينه لقسوته الشديده معاها وطلع يجري بسرعه ع السلم
ايمان بصتله وطلعت تجري وراه : يامن متطلعش, انا هشيلك
يامن وقف ينهج وهو ساند بايده ع ركبه: مش عايزك تشليني , انتي مش هتقدري انا هطلع واحده واحده, ولما ينزل بابا يشيلني
ايمان: لاء يا يامن تعال اشيلك , بلاش تبقي عند يله
يامن سابها وكمل السلم جري وهي زعقت
امير نازل: شايف نفسك انقطع من الجري , وانتي لو مش عايزه تكملي معايا في الضيق مفيش داعي الاهمال في ابنك , مش هتحمل حد من اهلك يكلمني كلمه , وانتي بتتصرفي بالعناد , سيباه ابننا الي عنده الربو يطلع السلم لوحده
ايمان: امير هو الي سابني وطلع يجري فجأه
امير: مجرد اعذار وده تمرد ع الوضع الي بقينا فيه , عايزه تعاقبيني انا فاهمك وانت يله اشيلك
ايمان حست كئنه بيحملها ذنب الغلطه الي عملها في حقهم وحق نفسه
امير: ياسين ليه دخلت القطه دي هنا ارميها
اميره: ماما اوضتي صغيره اوي, التانيه هناك كانت كبيره , مش عايزه افضل هنا خلينا نرجع بيتنا , بابا خدنا لبيتنا
اميره: عايزه تروحي فين ده بيتك , مفكره لما نقع حد هيمد ايده يساعدنا روحي اطلبي فلوس من خالك مش موظف اكيد معاه فلوس كتير
ايمان كاتمه غيظها وقالت: امير ايه الي بتقوله ده
امير: روحي اطلبي منه يشتري لكم بيت كبير تعيشوا فيه كلكم , او اطلبي من جدك يرهن بيته الي في القريه اكيد يقدر يعمل حاجه لاحفاده
ايمان اتكت ع اسنانها: امير لو سمحت كفايه اهانه لعايلتي انت ليه بتكرهم اوي كده عملولك ايه
امير : كفايه شكوي انا متوتر وتعبان , وبدل ما تقفي تشتكي وترغي كده , رتبي البيت والفوضي دي
يامن : ماما هساعدك انا وياسين , مش عايز بابا يزعقلك , وانا مش بحب اشوفك بتعيطي
ايمان ابتسمت غصب عنها : انا مش بعيط بابا مزعقليش هو بس عايزني ارتب البيت يله عايزك تقعد وترتاح, واوعدني من دلوقت متجريش زي ما عملت من شويه اوعدني
يامن: اوعدك
ايمان : شاطر ومطيع
يامن :ماما ممكن اشرب عصير برتقال
ايمان : حاضر حالا اعملكم
ياسين ويامن ضموها وقاله: بنحبك يا ماما
ايمان ضمتهم :وانا بحبكم , يله العبوا , وانا هعمله
..............قصص منه محمد كاتب..................
فتحت الباب ودخلت وزي كل مرة لقتها نايمه و تبكي واتوجهت لها وقعدت جنبها
ايمان: اميره يله قومي عشان تاكلي
اميره اتعدلت وهي بتعيط: ماما مش عايزه اقعد هنا , عايزه ارجع بيتنا
ايمان حضنت كفوفها بين ايديها وقبلتها بمحبة : انا فهماكي بس بابا بيمر بضيقه يعني عنده مشاكل في الفلوس في الوقت الحالي , وانتي لازم تفهمي واصبري شويه عليه
اميره: بس انا مش حابه المكانه هنا , وليه بابا مبقاش معاه فلوس زي الاول , ماما شجعيه يلاقي اي شغل ليه هو مش شغال
ايمان: اسمعيني كويس يا حبيبتي فاكره لما كنت دايما بقولكم نشكر ربنا علي الي عندنا فاكره
اميره: لكن ده كان زمان كان عندنا فيلا كبيره وعربيه حلوه , بس دلوقت معندناش حاجه
ايمان: مين قال معندناش , بصي حواليكي لسه عندنا سقف يئوينا وعندنا عربيه حلوه واكل , مش بتشوفي ع النت ناس كتير عندهم صعوبات اكتر مننا عشان كده نحمده ونشكره في كل وقت ان الله لا يحب الا الشاكرين , وبنتي طالعه شاكره , ويله كولي وانا الي هأكلك بنفسي
...................قصص منه محمد كاتب.............
ايمان راحت اطمنت ع اولادها وغطتهم بأحكام وبعدها دخلت غرفتهم لقت امير نايم بمرتبه ع الارض راحت تغطيه
امير رمي الملايا من عليه: مش عايز اتغطا الجو حر
ايمان: فيه مروحه اعلي السرعه
امير: دي مروحه قديمه , ودي اعلي سرعه فيها, لايمكن تزيد عن كده
ايمان: ايوه بس لو متغطتش الناموس هيقرصك
امير لف بجسمه للناحيه التانيه وقال: ليه خايفه عليا اموت , ياريتني موت وانا غني ع الاقل كنت سيبتلكم ثروه
ايمان: امير انا
امير قطعها: كفايه يا ايمان , انا مش محتاج تتظاهري بالتعاطف , ياريت تنامي أميره اكلت
ايمان: ايوه
امير: وحالتها احسن دلوقت
ايمان: ايوه
امير بغيظ : عمال اسألك وانتي تردي عليا بكلمه واحدة, انتي فعلا محتاجه تتربي
ايمان كانت غمضت عينها ونامت من شده التعب وامير لف وبصلها وقرب منها وهو بيلعب في خصل شعرها : حبي
ايمان: امير انا تعبانه دماغي بتوجعني محتاجه انام
امير بشويه عصبيه : يالله يعني تعبتي في الوقت ده بالذات
ايمان قامت: حاسه بصداع وتعب وعايزه ارتاح
امير: لا انتي زعلانه عشان اهلك وعشان كدا بتعصي رغبتي
ايمان: انا عملت ايه دلوقت , وده ملوش علاقه بتحاملك ع اهلي طول الوقت , ولا حتي عندي النيه اعصيك , بس دماغي فعلا بتوجعني ومش قادره افتح عيني , اسفه حاجه غصب عني
امير: لو فعلا تعبانه نامي , مفيش داعي تسمعيني حكم ومواعظ
ايمان: بس انت مضايق
امير: هو انا يعني سعادتي تهمك للدرجادي , سعاده اهلك اهم , منا مبقاش حيلتي حاجه بقيت فقير رسمي وعلي اد حالي
ايمان: يالله ايه لزومه الكلام ده , ياريت تبطل تتهمني, انا بحبك وحبي ليك هيفضل ثابت لحد اخر يوم في حياتي , والله ما عندي مانع اعيش في ضنك طالما انك معايا ده كفايه , انا مستعده ابيع الدنيا كلها لعيونك
امير: مجرد كلام, لكن الي في قلبك الله اعلم
ايمان حست انها عايزه تتقيئ وجريت ع الحمام وبعدها طلعت
امير: هو رجعلك مرضك القديم ولا ايه , يالله مش وقته الامراض تظهر دلوقت
ايمان حطت دماغها ع المخده وسالت دموعها شلال احزان كلامه زي طعنات الخنجر بصدرها
امير: ايمان سألتك رجعلك مرضك اتكلمي مع ابوكي يرهن بيته في القريه ويدفع تكاليف المستشفي والعلاج لان ممعيش اي فلوس حاليا
ايمان: متقلقش لو كان مكتوب لي امرض مش هكون عبئ عليك , لو كانت ساعتي هتقبلها بنفس راضيه
امير: كل ما اتكلم شويه تبدأ تعيط وكأن دموعها ممكن تنزل عليا فلوس من السما
...............قصص منه محمد كاتب.....................
في منزل عائله ايمان في القريه
بسيمه: يعني عزلوا لمكان بعيد , كدا العيال هيغيروا مدارسهم
ايمن: اه يا ماما امير عرض بيته لليع واليوم هينقلوا بس اخدوه هدومهم وبس
بسيمه: مرزوق ما تيجي نزورهم بكرة تطمن لو محتاجين اي مساعده
مرزوق بص لايمن بسؤال: ايه رأيك امير هيرحب بوجودنا في بيته
بسيمه ضمت حواجبها: ليه هيضايق اننا نزوره
ايمن: صعب نعرف ده يا ماما بابا عنده حق
بسيمه بشك: حاسه ان فيه حاجه مش طبيعيه هو مش كان امير بيشتغل مع ابوه ليه بقي عايز يستقل لوحده مفيش مشكله انا هحترم قراره واكيد عنده شغل تاني
ايمن بص لمرزوق بنظرات زايغه ما بينهم
بسيمه : ليه عمالين تبصوا لبعض كده في حاجه صح
مرزوق : هنزورهم قريب , احنا بس مش عارفين الوضع يمكن تعبانين من العزال , مش عايزين نزعجهم , يرتاحوا الاول
بسيمه: يامرزوق احنا رايحين عشان نساعدهم , مش نضايقهم
ايمن بهدوء: ماما خليني ازورهم الاول لوحدي ,ومتفهميش غلط انا خايف لامير ما يحسش بالراحه
بسيمه : ايه السبب قولي واضح ان فيه حاجه مخبينها عني
ايمن : امير قاعد عاطل مش بيشتغل دلوقت , واكيد هنكلفه لو روحنا نزوره
مرزوق: خلاص عرفتي الي فيها , وايمان مش هتقولنا ع مشاكلها , اظن عارفه طبع بنتك
بسيمه بدعاء من القلب: يارب سهل امور بنتي وعايلتها يا كريم
...........قصص منه محمد كاتب.........
قدام المدرسه الجديده لاميره وقفت عربيه امير وفضل قاعد مكانه وايمان نزلت معاها
اميره ببكاء: مش عايزه اروحها يا ماما عايزه مدرستي القديمه وعايزه ارجع بيتنا
ايمان بمسايسه: صدقيني الامر كله واحد هيبقي عندك اصحاب جديده قريب وده هيكون اجمل وامتع المدرسه حلوه والميسات لذيذه وشوفت كمان فصلك
اميره مش عايزه اصحاب جداد عايزه صحابي القدام
ايمان حبيبتي حاولي تتأقلمي وبعدين لو عايزه تكملي دراستك مش مهم اصحابك القدام ولا الجداد الي يهم تكوني شاطره في مذاكرتك
اميره: بس المدرسه دي وحشه متتقارنش بمدرسيتي القديمه ابدا مش بحبها يا ماما
امير قاطع نقاشهم وزعق: اميره في ايه ما تكبري شويه, يله ادخلي المدرسه هما ساعتين وهتمشي , مش هتباتي فيها ادخلي
ايمان بمسح دموع اميره بحب وقالت: بس كفايه عياط , واسمعي الكلام مش انتي بتحبيني يله ادخلي للمدرسه اتعرفي ع اصحابك
امير: ايمان اركبي يله بسرعه
ايمان فتحت الباب وركبت جنبه وبصتله بعتاب: يعني مش قادر تطول بالك عليها, ليه تزعق والبنات ياخدوا بالهم , وبنتك تتحرج
امير: انتي بتدلعيها وهي بدل ما تلم نفسها بتزيد فيها , وهتتأخر ع دخول الفصل
ايمان: اليوم اول يوم ليها في مدرسه جديده اديها فرصه , واتمني تتفهمها
امير: انسي ويله نطلع ع المستشفي
ايمان بتعجب: ليه
امير: نعمل تحاليل مش فاكره رجعتي امبارح وعندك صداع بستمرار , تطمن
ايمان: لا عادي لو مشغول ممكن اروح لوحدي
امير: اه عايزه تقوليلي اني عاطل , وقاعد من غير شغل, مش ده قصدك
ايمان: تاني يا امير جرالك ايه ع طول بتاخد كلامي في الحته الي انت عايزها بتفكيرك
امير مردش عليها وحرك العربيه لطريق المستشفي
...........قصص منه محمد كاتب...................
صابرين: بتصل بأيمان مش بترد عليا انا قلقانه
عادل: انا مضايق من امير بجد هو زعلان مني ليه يخلي مراته وولاده يعانوا بسبب كبريائه , ده مش بيستعمل اي منطق نهائي
صابرين: فات اكتر من شهر , من ساعه ما اتخانقت معاه اكيد نفسك تصالحه
عادل: انا الاب , وهو اللابن الي يجي ويصالحني
صابرين: ياعادل احنا ابوه وامه , لازم نتنازل عشان ولادنا
عادل: لاء انا عايز اشوفه هيوصل لحد فين , ولـ امدي هيقدر يستحمل ( سابها وماشي)
صابرين: عادل يا عادل , يوه الاتنين اعند من بعض
...............قصص منه محمد كاتب.................
وصلوا الحاره وايمان وقفت في سعاده: الحمد لله مطلعتش مريضه , مكنتش متوقعه اسمع اخبار حلوه , حامل في اربع اسابيع , انا مبسوطه جدا امير ليه مكشر مش فرحان
امير: حتي في عز مشاكلي مشغوله تخلف عيال بتزود شقائي
ايمان: امير
امير: نعم
ايمان: اقف عن المول لحظه عايزه اشتري بيتزا
امير: مش لازم اعملي حاجه كلنا نأكلها مع بعض
ايمان: متقلقش انا من بكره هروح السوق لان مفيش خزين كفايه
امير: مش لسه جيبلك حاجات اول امبارح , ناقص ايه , مش لازم تفتحيها كتير حاولي تدبري الامور بلاش تتصرفي زي العيله وتشبطي في ده وده , افتكري الظروف الي احنا فيها محتاجين ندبر كل قرش , متتصرفيش كأنك غنيه يله اطلعي متشتريش حاجه
ايمان اخدت نفس وطلعت السلم وراه لقت ايمن واقف مستنيها
ايمن ابتسم: امير عامل ايه
امير سلم بدون نفس وسابه ودخل الشقه
ايمان راحت عليه: ايمن عامل ايه
ايمن ضمها: وحشتيني انا الحمد لله بخير
ايمان: الحمد لله اتفضل ادخل
ايمن دخل وقعد: هو امير مش بخير
ايمان: لاء بخير يمكن طالع تعبان من السلم , بس ليه جبت الحاجات دي معاك
ايمن: نصها من امي بعتهالك من القريه , والنص التاني انا اشتريته مش ليكم لعيال , هما في المدرسه مش كده
ايمان بأبتسامه مرحه: اه في المدرسه شكرا يا خويا
ايمن بضحكه خفيفه: لا شكر ع واجب ياختي , جيت اشوف الاولاد وحشوني ونسيت خالص ده وقت المدرسه
ايمان: هقوم اعملك كوبايه شاي تشربها
ايمن: لا ملوش لزوم انا شارب من شويه , غير كدا انا جيت ابص بسرعه وامشي ع طول
ايمان: يا حبيبي انا هعمله بسرعه
امير طلع وتدخل في الكلام بطريقه مزعجه: وليه مش عايز تشرب يا ايمن , ولا الشاي وحش لما يعمله الفقراء
ايمان بتحذير: امير
ايمن: امير انا سيبت وظفتي
امير بتهكم: بجد
ايمن: ايوه
امير: ليه لقيت وظيفه غيرها
ايمن: اه
امير بص لايمان وسابهم ودخل
ايمان: انا اسفه
ايمن: عادي يا حبيتي انا متفهم وضعه مش سهل عليه يتقبل التغير الي حصل لحياته , طول الوقت متعود ع نمط حياه مرفهه , واتعود ياخد كل الي عايزه وهو ابن وحيد
ايمان: شوفت ده اول حياتي معاه
ايمن بعقلانيه: احنا من عالم مختلف عنه , احنا ناس غلابه ومتعودين ع العيشه الصعبه والظروف القاسيه , انا عايزك تصبري هو حاليا محتاج دعمك وعارف انك قدها
ايمان :هدعمه دايما مهما الامر كلفني , بس شايف بنفسك كأن هو الوحيد الي بيعاني , مش قادر يقبل الوضع الحالي ولا قادر يتقبله ابدا
ايمن قال بعد فتره اتأمل فيها ملامحها : ايمان مش عايزك ترهقي نفسك كتير , شكلك تعبانه
ايمان ابتسمت وقالت : لا يمكن ده طبيعي عشان حامل
ايمن بسعاده : ايه انتي حامل
ايمان: ايوه
ايمن : الف مبروك مسكين يامن مش هيبقي الاخ الاصغر , ودلوقت يتصدم مكانه اتدهور لايمكن يبقي الدلوع بعد كده
ايمان ضحكت : انت صح عنده كل الصفات دي كلها, دلوع وشقي , وبمجرد ما يبقي في اليت كأن عندي عشر عيال , شقي بشكل رهيب
ايمن : فعلا هستاذن انا سلمي ع العيال لما يرجعه
ايمان : ليه اقعد شويه , لسه بدري
ايمن وهو بيفتح الباب: هاجي مره تانيه بلغي سلامي لـ امير
ايمان :حاضر
ايمن طلع مبلغ وحطه في كف ايدها : خالي دول معاكي
ايمان: ايه دول
ايمن: للاولاد
ايمان : مفيش داعي مش عايزه حاجه
ايمن : معايا فلوس
ايمان برفض: لا خدهم لاخواتنا هما محتاجين اكتر
ايمن : اختي ارجوكي خديهم, انتي كتير ساعدتيني وجه الوقت الي اساعدك بكل طاقتي يله خدي بالك ع نفسك , لو احتاجتي اي حاجه اتصلي مع السلامه
ايمان لنفسها : الحمد لله جه في وقتهم شكرا يا ايمن
امير بصوت خافت وهو يتمتم لنفسه : غبيه
...........قصص منه محمد كاتب...................
داخله بتجري : طنط شاهي طنط شاهي اقفي لحظه
شاهي وقفت مكانها: فيه ايه
جيجي بتسحبها من ايدها هي بتاخد نفس: خمني راجعه البيت بدري ليه
شاهيناز : متقوليش انك هربتي من الشغل
جيجي ضحكت ضحكه صاخبة مجلجلة: لا طبعا عندي حكايه حلوه , هشاركك بيها
شاهيناز: ايه هي
جيجي : امير قدم استقالته ,وساب شغله مع ابوه ,وانفصل عنه
شاهيناز: بتتكلمي بجد
جيجي :ايوه والله
شاهيناز : بس لا عادل ولا صابرين قاله اي حاجه
جيجي :عمو عادل قالي من شويه وواضح انهم اتخانقوا , بس عمو لف ودار عليا وقالي ان امير عايز يكون مستقل بذاته, ومش عايز يبقي تحت جناحه ده جوهر الحكايه
شاهيناز : ع حد علمي امير معندوش مال احتياطي بستثناء فلوس ابوه
جيجي: وانا راي فيه سبب تاني خلاه امير يسيب شركته فجاه , وحكايه انه عايز يبقي مستقل عذر من عمو عادل
شاهيناز رفعت حواجبها بمكر: لو فعلا امير عايز يأسس شركته الخاصه , دي فرصتنا
جيجي :تقصدي ايه
شاهيناز ابتسمت ابتسامه شيطانيه خبيثه: هقولك اقصد ايه
..................
امير دخلها المطبخ: بتعملي ايه
ايمان بهدوء: برص الحاجه الي جابها ايمن في التلاجه, هو بيسلم عليك
امير: ارميها
ايمن: يعني ايه
امير شدها من ايدها بغضب ورماها في جردل الزباله
ايمان: انت بتعمل ايه
امير: مفكر اننا هنموت من الجوع من غير حاجاته
ايمان: ليه بترمي النعمه ده ذنب كبير
امير: وانك تعصيني ده مش ذنب كبير
ايمان: احنا في وضع صعب دلوقت , وانت بترمي الاكل كده حركه مفتريه الصراحه
امير: انا مش عايز اخوكي يجي البيت
ايمان: هو عملك ايه عشان تكره للدرجه , طلبت منه يسيب وظيفته ونفذ , ايه الي معصبك منه تاني
امير: هحبه لما يسيب وظيفته, بلغيه اياك يستغفلني , ساب وظيفته لما لاقي الي احسن منها , دي بقي طريقته للتضحيه وبكدا ظهر امتنانه ليا , اخوكي اناني
ايمان: استغفر الله متقولش كدا
امير بشخط : بس كفايه , وخدي الحاجات دي ارميها في الزباله الي في الشارع
ايمان: اتغلب ع افعالك وارضا بالي كتبه ربنا , حرام الي بتعمله انت مش متعصب من ايمن انت متعصب من وضعنا
امير سابها وخرج بره وقف في البلكونه فكره ياخده ويوديه
ايمان رفعت عيونها للسقف وقالت ......يارب اديني انا وجوزي القوه ع التحمل , وامنحنا الصبر ع الابتلاء
ايمان اخدت نفس طويل وهدت اعصابها نوعا ما ....وخرجت وراه وكأن شيئا لم يكن ....جايز تتفاهم معاه
امير بصلها: انتي كل همك تدافعي عن اهلك هما مهمين للدرجه , لدرجه مليش اي اهميه عندك ده بيألمني لما بسمعك تقولي كده , لو كنتي معتبره نفسك متدينه زيادة ليه تعصي كلام جوزك
ايمان: انا مش بدافع عن اهلي , انا عايزك تتفهم ظروف ايمن , امير اتعاطف مع اهلي احنا ناس غلابه ع قد حالهم , وايمن هو املهم الوحيد يساعد بابا الي كبر في السن مبقاش قادر يتشغل شغلتين وتلاته , واخواتي الصغيرين لسه في المدرسه حاول تفهم لو سمحت وضعهم بلاش تتحامل عليهم
امير زعق بنفعال: اه تقصدي اني طول الوقت متحامل و, نسيتي مساعدتي ليهم انا ساعدت اهلك ورافضه تعترفي بكده , ايمن الي ساعدهم بقي عظيم دلوقت ونسيتي لما كنت غني اخدوا كل فلوسي , ولما بقيت بكافح رموني بعيد, هما ميستحقوش الجميل
ايمان صرخت في وشه بنفعال: بس بقي كفايه اهانه فيهم
امير شدها من صدرها وصرخ بغضب: انتي بتعلي صوتك عليا يا وقحه , يظهر اشتاقتي للضرب عشان كدا اتجرئتي تعلي صوتك عليا , نفسك ارجع زي زمان , يله جريي وارفعي صوتك , عايز اسمعه يله عالي صوتك
ايمان بصتله وسكتت وهي حاسه بالقهر ومش قادرة تتحمل كلام زايد وتجريح . وعيونها غرقانه بالدموع كلامه فوق أحتمالها
امير بصلها وقال: رايح اجيب الاولاد من المدرسه , ولما ارجع مش عايز اشوف حاجه اخوكي في المطبخ, لو عايزني ادوس عليكي اتحديني , واظن عارفه طبعي, لما بتعصب بفقد الكنترول على تصرفات