رواية لكل قلب حكاية الفصل العشرون 20 بقلم محمد منصور
وبسم الله توكلت علي الله وهو رب العرش العظيم
وتعدي تلت شهور . وتلاقي مليكة نفسها في بيت العيلة بتعمل الاكل وتشرب الصغير قبل الكبير وتطلع في النهاية شقتها وهي هلكانه. من كتر الشغل. ويجي وليد من برة فيلاقي مليكة تعبانه ونايمة علي ظهرها مش قادرة فيقرب منها ويقول لها
مالك
مليكة
شغل البيت كان كتير النهاردة ومرات وحيد ما بتحطش ايدها في اي حاجة وامك رامية عليه الحمل كله. وبصراحة بقي انا ما بقتش قادرة
وليد
يعني اية اقول ل امي هي اللي تخدمك
مليكة
انا ماقولتش كدة. بس كل اللي عايزا شوية عدل ما نبقاش اتنين ستات في البيت وواحدة تبقي هانم والدنيا خدامة والدنيا كلها فوق دماغها
وليد
هبقي اقول ل امي تخف عليكي شوية
مليكة
هو احنا ما ينفعش ناكل ونشرب لوحدينا في الشقة بتاعتنا
وليد
نفصل عنهم يعني
مليكة
اة. وفيها اية. انت بتكسب والفلوس اللي بتجيبها تعيشنا مرتاحين. بس لو تطبل المخدرات
ابتسم وليد في وش مليكة
خايفة عليه ولا خايفة علي الفلوس
مليكة
عليك
بص لها وليد اوي وقال
تكنيش يا بت بتحبيني
مليكة كاذبا
ومش هحبك لية مش جوزي
وليد
اصل انا ما بحبكيش.
اتصدمت مليكة من رد وليد وقالت
اومال اتجوزتني لية
وليد
كنت عايز واحدة اخدها في حضني والسلام
مليكة حست قد اية هي رخيصة. وانها غبية علشان اتجوزت جوازة زي دي. وعيونها رغرغت بالدموع وقالت
اروح احضر لك الاكل
وراحت ناحية المطبخ وهو دخل وراها وقال
شكلك زعلتي
مليكة
لية يعني.
وليد
علشان انتي طيبة وبان عليكي الزعل. بس عارفة اية مشكلتك انك ما بتعرفيش تكدبي
مليكة
وهو انا كذبت عليك في اية
وليد خرج من المطبخ ورجع بعدها بشوية ومعه الدليل اللي خبته مليكة ليلة دخلتها واللي يثبت انها بنت بنوت وحط الدليل قدام منها وقال
دة. يثبت انك كنتي عايزاني اشوفك شمال علشان اخلص عليكي. لكني شوفتك علي حقيقتك بت طيبة وغلبانه ووقعتي في ايدي بالغلط
مليكة وهي بتبص للدليل. قالت
هو انت وصلت له ازاي
وليد
كان تحت السرير وشكلك نسيتي تخبي.
وقرب من مليكة وقال
كنتي لية عايزاني اشوفك شمال. في بنت تتمني ل نفسها الفضيحة
مليكة بصت له وما بقتش عارفة ترد تقول اية. وهو قال
للدرجة دي بتحبي
برقت مليكة وقالت
تقصد مين
وليد
خطيبك عز
استغربت مليكة اكتر واكتر قال وليد
انا عارف كل حكايتك من المنطقة. وطراطيش كلام من وحيد مع اخوكي قدام مني. بس زي ما قولت لك كل دة ما كنش يفرق معايا.
مليكة
انت ازاي قدرت تفهم دة كله وانت ديما تحت تاثير المخدرات
وليد
انا اة ابان مسطول. بس انا مؤهل عالي ومن اي كلمتين يتقالو قدام مني. اقدر افهم اساس الموضوع بس ا
اتصدمت مليكة وقالت
انت سواق الميكروباص مؤهل عالي.
وليد
انا خريج الجامعه المفتوحة ومعايا ليسانس اداب. كملت تعليمي من وراء اهلي
برقت مليكة فقال وليد
هتفضلي تستغربي كدة كتير
مليكة
مش عايزني استغرب ازاي وانا اعرف انك خارج من تالتة ثانوي
وليد
كلهم هنا يعرفو كدة والسبب في كدة اخويا وحيد. الله يسامحه
مليكة
هو اللي خرجك من المدرسة
وليد
اة. علشان اشتغل علي ميكروباص ابونا وادخلو فلوس يصرف منها زي ما هو عايز من غير ما يتعب ولا يشقي. ويفضل ليل ونهار علي القهوة. وانا شغال في ملكي بالاجرة
وهربت دمعه من عيون وليد وقال.
ومش بس كدة. هو اللي عرفني سكة المخدرات علشان افضل مسطول مش دريان بالدنيا. اشتغل واشتغل واجيب فلوس وارمي تحت رجلة وهو ياكلني ويشربني ويكيفني بالمخدرات. لكن كنت ديما عايز افوق. عايز اتعلم عايز ابقي احسن واحسن وفعلا ذكرت من وراء هم ونجحت في تالته ثانوي وسحبت الملف بتاعي وقدمته في الجامعه المفتوحة واتخرجت. وكملت الفرحة بيكي.
دمعت عيون مليكة و وليد قال
تعرفي اني بقيت اغسل بوقي. وببطل المخدرات شوية ب شوية
مليكة
وكل دة علشاني
وليد
علشان ابقي بني ادم طيب يستاهل بني ادمه طيبة زيك
مليكة
انا عايشة معاك بقالي تلت شهور اشمعني النهاردة بتقولي الكلام دة
وليد
يمكن اكون بدات احبك
ومسك ايدها وباسها. ومليكة بصت له وما بقتش عارفة نفرح ولا. تحتار اكتر واكتر. لكنها لقيت نفسها بتقول
انت لية تخلي وحيد يكون سبب عذابك
وليد
زي ما انتي خليتي امين يكون سبب عذابك
مليكة
انا بخاف من امين
وليد
وانا بخاف من وحيد.
مليكة
انا بنت
وليد
وانا جبان
مليكة
وليد انت راجل
وليد
انا ولا حاجة. قبل ما اعرفك. لكن وعد بيكي هبقي كل حاجة. بس قلبي مش هيكون ملك لواحدة مش بتحبني
مليكة
انا ع،،،،،،،،
حط ايدة علي بوقها وقال
لما ابقي بني ادم يستاهلك. هبقي استني قلبك. يكون ملكي انا وبس. اعملي الاكل بقي علشان انا هموت من الجوع،
وسابها وخرج وهي فضلت تبص له والحيرة بدات تاكل كل ركن من اركان قلب وعقل مليكة. وياتري ممكن قلب يكون لي بدل الحكاية اتنين هنشوف، ،،،،،،
وتحمل مليكة وبدات تتعب اكتر واكتر وبدأ شغل البيت عند حماتها فعلا يهدها. وقررت في يوم ما تنزلش لانها كانت تعبانه اوي. ونايمة في اوضتها وهنا تلاقي باب اوضة نومها اتفتح عليها ودخلت حماتها نعمه وصحتها وهي بتقول
اية يا هانم. عماله اندهه عليكي وانتي ما بترديش
فتحت مليكة عيونها بصعوبه وقالت
غصب عني والله يا حماتي. بس انا تعبانه اوي وظهري مقطوم
نعمه
والله. والمفروض دلوقتي اعمل اية. انزل انا احضر الطفح
مليكة
ما في واحدة تحت. هي تعمل الاكل النهاردة
نعمه بعصبية وبصوت عالي
والله عال. دة انتي كنتي في جرة وطلعتي ل برة. طلع لك صوت وبقيتي تحكمي في بيتي وتقولي مين يعمل اية ومين ما يعملش
مليكة وهي مرعوبه من طريقة نعمه
والله ما قصدي كدة. انا بس ،،،،،،،،
نعمه قطعتها وهي بتقول
بت. انا كلمة منك تاني مش عايزا اسمع. ولما يجي المحروس جوزك. هيبقي لية كلام تاني معه.
مليكة
يا حماتي انا في اول الحمل والحمل تابعني اوي
نعمه
اوي اوي يابت. ما انتي اول واحدة تحمل. اية المفروض كلنا نخدمك بقي. وارجع واقول كلامي مش معاكي انتي كلامي مع حيلتها اللي دلعك
ومشيت نعمه وخرجت من الشقة ورزعت الباب وراء منه بصت مليكة للباب وقالت
دي بقيت عيشة تقرف،،،،،،
وبعد العشاء قعد وليد مع مليكة قصاد نعمه ووحيد ومراته نرجس وقال وحيد بعصبية
البت دي عايز تدلعها. انت حر. بس دلعك ليها يطلع علي مراتي وامك. مش هيبقي عندي غير الجذمة ليك وليها. فهمها كدة
وليد
وحيد ما ينفعش اللي انت بتقوله دة. دي برضو مراتي
وحيد
والله العظيم. لا. تشرفنا. اومال اية اللي ينفع يا روح امك انها تقارن نفسها بمراتي وتقول ل امك في واحدة تحت تقوم تطبخ النهاردة
وليد
وفيها اية. لما مراتك تطبخ مرة طالما مليكة تعبانه
وحيد
والله عال. عايزها تسيب اللي ورها وتقوم تعمل لك انت ومراتك الطفح
وليد
الطفح دة بناكل منه كلنا. وبعدين يعني هي مراتك بتعمل اية طول النهار غير انها تقعد جنب امك ويجيبوا في سيرة الخلق
وحيد بص ل امه وقال
بقول لك اية يا امه. الرغي كدة مع الجوز دول مش جايب همه. وشكل كدة الحوار نهايته سوداء عليهم وعلي دماغهم
نرجس وهي بتبص ل مليكة
كله من الكهينة دي. عاملة طيبة وهي سو
مليكة بعصبية
انا ما غلطتش فيكي علشان تغلطي فيا
وحيد راح ناحية مليكة وايدة كانت قبل منه. ايد نزلت علي وش مليكة قلم وقعها علي الارض. وكان بيقول
هي حصلت كمان تردي علي مراتي قصاد مني. دة انتي عيلة بنت ستين كلب ناقصة تربيه
بصت مليكة ل وليد اللي بص لها ورجع بص ل وحيد وقال
اللي انت بتعمله دة غلط. دي برضو مراتي
مليكة بحرقة
هو دة بس اللي قدرك علية ربنا
نعمه
عايزا يعمل اية يعني يضري اخوة الكبير
مليكة فضلت تبص ل وليد والقهر باين في عيونها وقامت وهي رايحة ناحية الباب قالت
طالما جوزي مش هيجيب حقي انا بقي هجيب امين ياخد لي حقي
راح لها وحيد ومسكها من شعرها ورماها ناحية وليد وقال
عرف مراتك انها لو خرجت من الباب دة غصب عني. هيكون ب كسر رقبتها
وليد مسك ايد مليكة وقال
تعالي نطلع دلوقتي يا مليكة
مليكة زقت وليد بعيد عنها وقالت وهي بتصت ل وحيد
انت فاكر اني محتاجة انزل علشان اجيب لك امين. من وانا في مكاني انا. امين هيحضر وانا اعرف انت بتترعب منه ازاي
وراحت ناحية شباك الصاله وصرخت باعلي صوتها وقالت
يا امين. اختك بتتهان. وحيد العرة بيعمل عليه انا راجل
راح وحيد ناحيتها وحاول يدخلها لكنها كانت ماسكة في الشباك بايديها وسنانها زي ما بيقولو وفضلت تنادي علي امين وتصرخ. وسمع امين صوت صريخ اخته بص لها من الشارع وشافه وحيد اترعب و امين طلع البيت جري وخبط علي باب. شقتهم بمنتهي الغضب وهو بيقول
افتح يا ابن المراة
بص وحيد ليهم وهو مرعوب زقته مليكة بعيد عنه وفتحت الباب ودخل امين واستخبت وراء ظهره وقالت
مشغلني خدامه ب لقمتي ولما قولت تعبانه بسبب الحمل. سمعني كلام وقله ادبه وضربني
امين بص لها بطرف عينه ورجع بص ل وحيد و وليد جوزها وقال
انا مديكم اختي تقلو منها يا ولاد الكلب
وحيد
يا صاحبي دة
راح امين ناحيته وضربه بالرجل في بطنة وقال
انا مش صاحب اللي يمد ايدة علي اختي
قومت نرجس وحيد اللي طلع المطواة وقال
بتضربني في بيتي. دة انت مش هتطلع منها علي رجلك
وليد
بس بقي. كفاية فضايح
امين
الفضايح دي تسال فيها اخوك.
وبص امين ل وحيد وقال بتهديد
شيل المطواة دي بدل ورب الكعبه اخليك تطرش دم
نعمه
امين ما يصحش دة انا اخوات
امين بص بطرف عينه ل مليكة
اطلعي هاتي هدومك. من فوق ويلا علي بيت ابوكي
وليد بص ل مليكة وقال
هتسيبني يا مليكة
امين
لما تبقي راجل وتعرف ازاي تحمي مراتك تعالي خدها من بيت ابوها
بصت مليكة ل وليد وطلعت شقتها طلع وليد وراء منها دخلت مليكة عند الدولاب تلم هدومها دخل وليد وحضنها من وراء وقال
بالله عليكي ما تمشي من هنا. انا هيجري لي حاجة لو سيبتيني
دمعت عيون مليكة وحست بحب وليد واحتياجة ليها لفت وشها وقالت
واخوك اللي ضربني قدام منك وما قدرتش تاخد حقي
وليد
حقك هيجي لك دلوقتي وقدام الكل والقلم هياخدة اتنين بس بلاش تمشي. علشان خاطر ابننا اللي في بطنك
مليكة
عايزني اقعد هات حقي من اخوك وماشوفش منهم حد في شقتي. واكلنا وشربنا يبقي هنا
وليد
ماشي كلامك. وهتقعدي
مليكة
نفذ الاول
خدها وليد في حضنه ونزل وهو ماسك ايدها وقال ل وحيد
قولها حقك عليه
وحيد
حق مين يلا. ما تظبط
راح وليد ناحية وحيد ومسك من ايدة المطواة وحطها علي رقبته وقال بتهديد
قولها حقك علي راسي من فوق يا ست الدنيا كلها
نعمه ونرجس صرخوا ووحيد قال
وليد المخدرات هتطلع علية ولا اية
وليد
انت اللي علمتني المخدرات. وانت اللي هيسيح دمك لو ما قولتش حقك عليه
نرجس خافت علي جوزها وقالت
قول يا وحيد حقك عليه علشان خاطر عيالك
وحيد بص ل امين ومليكة وقال بصعوبه
حقك عليه
وليد
يا ست الدنيا كلها
وحيد بص له بطرف عينه ورجع بص ل مليكة
يا ست الدنيا كلها
رمي وليد المطواة وبص ل امه وقال
مفتاح الشقة اللي فوق. وما شوفش حد منكم في الشقة عندي ل بخير ولا ب شر
نعمه طلعت المفتاح من صدرها واديته ل وليد ابنها وبص وليد ل امين وقال
حق مراتي جه. ملهوش لزوم تروح معاك
بص امين ل مليكة وقال
مرضية
مليكة بصت ل وليد وقالت
مرضية،،،،،،،،
ومن جوة اوضة نوم وليد. ومليكة. ينام وليد وظهرة كان ل مليكة ومليكة لسة صاحية وبتبص له وبتقول لنفسها
بيحبني لية ما حبهوش. تعمل علشاني اللي ما عملهوش قبل كدة. وكفاية انه ابو ابني. اللي في بطني. يستاهل الحب وعز هيبقي ذكري حلوة. لكن وليد الحاضر والمستقبل.
وحضنته مليكة من ظهرة. وهي فرحانه. ياتري ممكن يتولد في القلب حكاية تانية بحب جديد. ولا. مليكة بتضحك علي نفسها ويفضل لقلبها حكاية حب واحدة اسمها عز. مستني رايكم. وباقي الاحداث هتجاوب علي السؤال دة. ،،،،،،،،،،