رواية لكل قلب حكاية الفصل الواحد والعشرون 21 بقلم محمد منصور
وفي نفس الليلة ومن جوة اوضة وحيد يقعد وحيد قدام مراته وهو كان بيغلي من اللي حصل وعمال يشرب سيجارة وراء سيجارة ومراته نرجس قالت له
واخرتها طيب خلصت علبتين سجاير في ساعة. هتموت نفسك
وحيد بمنتهي الغل
انا اضرب في بيتي واخويا الواطي يحط المطواة علي رقبتي.
نرجس
كل دة علشان الحرباية مراته. بس ما كنتش اعرف انك بتترعب من امين كدة
وحيد بعصبية
مين دة يا مراة اللي بيترعب من امين. دة ل عاش ولا اتخلق اللي يهز شعره في راسي
نرجس
كان باين وانت واقف قدام منه مرعوب
وحيد
بتتريقي يا نرجس طيب بكرة افرجك علي امين دة وانا بعمل منه عبرة. وهكسره قدام اخته، بس في الاول اعلم الواطي وليد الادب، ،،،،،،،،،،،،
وتاني يوم يصحي وليد من نومه ويبص ل مليكة ويقول لها
صباح الفل يا قمر
ابتسمت مليكة وقالت
صباح الفل يا حبيب القمر
وليد باسها في خدها وقال
عملتي الفطار
مليكة
جاهز برة في الصاله
وليد
يدوبك اكل وانزل اعملي كام فردة بالميكروباص قبل ما الدنيا تلييل.
وفعلا فطر وليد ووصلته مليكة لغاية باب الشقة ونزل وليد وهو بيبص له وقبل ما تقفل مليكة الباب سمعت صوت وحيد بيقول
مفتاح الميكروباص
فتحت الباب تاني وبدا تسمع اللي بيتقال. وكان وليد بيقول
لية ان شاء الله
وحيد
هو انت ناسي يا عسل. ان الميكروباص دة ب اسمي
وليد
الميكروباص دة بتاع ابونا
وحيد
وابوك قبل ما يموت عمل لي توكيل علشان اخلص رخص الميكروباص وادفع المخلفات.
وليد
وبالتوكيل دة بعت الميكروباص ل نفسك
وحيد
انا حر
وليد بعصبية
لا. مش حر دة ميكروباصي زي ما هو ميكروباصك
وحيد
عند امك
وليد
ما بلاش تخليها صعبه
وحيد بصوت عالي
ولا. انت النمرة بتاعت ليلة امبارح اللي انت عملتها قدام البرنسيسة مش هتاكل معايا. قصر وهات المفتاح
وليد
مافيش مفاتيح
هجم وحيد علي وليد وبدأ يضرب في بمنتهي القوة وهو بيقول
المفتاح يا ابن نعمه
هنا نزلت مليكة جري علشان تلحق جوزها لقيت وليد بيزقة بعيد عنه بمنتهي القوة وقام زي السبع ولف ايدة حوالين رقبة وحيد وقال
انا مابقتش اخاف منك يا وحيد وهقتلك وادفعك ثمن كل اللي عملته فيا قبل كدة
صرخوا نسوان البيت وجريت مليكة ناحية وليد وحطت ايدها علي ايدة وقالت
وحياة ابننا ل تسيية. انا مش عايزاك تضيع
بص لها وليد وقال
ينصب عليه وعايزاني اسيبة.
مليكة
دة برضو اخوك. بالله عليك سيبة.
وليد بدأ يهدا وشال ايدة من حوالين رقبه وحيد وجريت نعمة ووراء منها نرجس يطمنوا علي وحيد وقالت نعمه
انت مالك اية اللي حصل لك.
وبصت ل مليكة وقالت
من ساعه البت الصفراء دي ما دخلت البيت وانت قلبك بقي جاحد علينا كلنا
وليد بص ل امه وقال
يا اما اتقي الله. ياكل نصيبي عيني عينك في ميكروباص ابويا وتقولي عليه انا اللي جاحد
وحيد وهو بيدعك في رقبته
ومش بس الميكروباص يا وليد. الشقة اللي انت فيها دي باسم ابني. وانا بس مقعدك فيها جدعنه مني. لكن خلاص بقي عم عشم مات. ومن النهاردة حقي وحقك والميكروباص مفاتيحة هتيجي زوق عافية والشقة هتسيبها.
وليد بص ل امه وقال
وانا برضو اللي جاحد. ما تردي علي ابنك يا امه
وحيد
امك ملهاش تقول نص كلمة دي بيتي من فوق ل تحت وانا مقعدكم في. بالحب. ولو حبت تقول بم. هتخدها في ايدك وانت خارج
نعمه
كدة برضو يا وحيد. اهون عليك
وحيد بصوت عالي
خلصت. معاك النهاردة كله. وعايز ارجع الاقي البيت فاضي. انا هعرفك ازاي تمد ايدك علي اخوك الكبير
وخرج وحيد من الشقة وسابهم كلهم بيبصوا ل بعض وهنا قال وليد بمنتهي العصبية
عجبك اللي بيعمله ابنك. يعني اطرد من عربيه ابويا وكمان من بيته يرضي مين دة
نعمه
انت اللي عملت كدة.
ورجعت بص ل مليكة وقالت
قدمك اخضر. ولعتي في البيت كله بعد كام شهر بس من دخولك البيت
مليكة ما ردتش. فقال وليد ل امه. بمنتهي العصبية
انتي اية. حرام عليكي هي عملت اية ل دة كله. انا قرفت منك
مليكة
وليد. ما ينفعش كدة دي برضو امك. روح بوس علي راسها
استغربت نعمه من اللي قالته مليكة وحست نرجس ان نعمه بدات تميل فقالت نرجس
ايوة يا بت اعمليهم علينا والبسي وش الطيبة
مليكة بصت لها من فوق ل تحت وقالت ل وليد
بوس راس امك.
راح وليد وباس راس امه وكل دة ونعمه بتبص لها مستغربها وبصت مليكة ل وليد وقالت
تعالي نطلع فوق دلوقتي
وليد بعصبية
انا مش طالع في حتة الا لما ارجع حقي اللي سرقة وحيد مني. انا ليا النص في كل حاجة هنا
مليكة
بالعقل. مش وانت متعصب كدة
نرجس
اسمع كلامها واطلع معها دي كهينة وهتعرف ازاي تخليك تسم اخوك
مليكة بصت ل نرجس تاني وقالت
ربنا يهديكي.
ومسكت مليكة ايد وليد وقالت
اسمع كلامي لازم تهدئة قبل ما تقرر هتعمل اية. دة برضو اخوك الكبير
بدأ يهدي وليد وطلع مع مليكة شقتهم ونرجس كانت بتغلي وبتقول ل نعمه
شايفة البت الكهينة. وخدا فوق علشان تسخن وليد علي اخوه.
نعمه
يرضيكي اللي قاله وحيد دة. عايز يرميني في الشارع
نرجس
يا ام وحيد دة كلام وقت نرفزة. هو برضو يعمل كدة
نعمه
اللي عايز يرمي اخوة. سهل عليه يرمي امه
نرجس
وفيها ايه لما يرمي في الشارع مش علشان يتربي.
نعمه
يعني انتي موافقة. يرميني معه
نرجس
انتي لا. يا ام وحيد. لكن وليد ومراته زودوها اوي ولازم يتربو
نعمه
وليد ومراته اللي زودوها. مراتة اللي خلته يبوس علي راسي وما رضيتش انه يعلي صوته عليه. مش يرمين في الشارع يا بنت الاصول
نرجس
الله انتي قلبتي عليه انا لية. مش ابنك اللي اتكلم انتي حرة معه. انا مالي.
وسابتها نرجس ونزلت شقتها. وسابت نعمه بتفكر في اللي حصل وبتقارن بين اللي عملته وقالته بنت الاصول وبين التانية ، ،،،،،،،،،،،،،،،،،،،
ومن علي القهوة يقعد وحيد مع عنتر وكان بيشيش. ووقف قدام منه امين بص له وحيد بغل وامين قال
عايز اتكلم معاك راجل ل راجل
وحيد
اية لحقت اتصلت بيك واشتكت لك مني. اسمع يا امين اختك مش هتفضل تخوفني بيك اللي يحصل في بيتي برة عنك
امين
هو في اية. ما تظبط يا وحيد وسيرة الحريم ما ينفعش تبقي علي القهواي
وحيد باستهزاء
حريم. هي اختك دي. حريم. قريب اوي هبعتهالك مطلقة
امين استغرب وقال
هو في اية يا وحيد ما تتكلم عدل
وحيد
ما احنا لما بنتعدل بتتعوج علينا. وارجع واقول انا السبب ان دخلت عيلة رخيصة زي مليكة بيتي
هنا ما حسش امين بنفسه الا وفي ايدة كرسي ونزل بالكرسي علي دماغ وحيد ساح الدم من دماغ وحيد وقام زي الطور الهايج ومسك في امين وامين مسك في وكانت خناقة ماحدش قادر يوقفها لغاية ما وقع وحيد ساكت والدم مغرق وشة ورقبته ومطواة امين في ايدة غرقانه دم، ،،،،،،،،،،،،،
وبعدها بساعتين يقف امين في القسم والكلبشات في ايدة ويدخل القسم عليه اخواته وكانت في اولهم مليكة وكلهم التفو حوالين منه. ومليكة قالت له وهي بتعيط
انا السبب في اللي حصل لك دة
امين
ما تعيطيش انتي مالكيش ذنب هو اللي غبي انا كنت رايح اكلمة في مصلحة بيني وبينه. افتكر انك حكيتي علي دقة النقص اللي عملها معاكي انتي وجوزك
ممدوح
مش كل مشكلة يا امين يبقي حلها الدم
امين
جري اية يا عم الشيخ اسيبة يعني يغلط في اختي واقف ساكت. ما تعقل الكلام
شيماء
مش وقته الكلام دة يا ممدوح. المهم دلوقتي ما جتلكش اخبار عن وحيد
امين
لسة امين الشرطة بيقولي انه مرمي في المستشفي بين الحياة والموت
عماد
يا دي النيلة. دة لو مات فيها مشنقة
امين
انا ما حستش بنفسي بقي الا والمطواة مغروزة في زقبته
ممدوح
طول عمرك غشيم وايدك سابقة عقلك
امين
يووووووو. بقي ما قولنا ما قصدش
مليكة
والنبي متتخانقو بقي. وخلونا نفكر هنعمل اية في المصيبة دي
امين
هترسي علي اية يعني. اعدام. يلا خليني اخلص من الدنيا الغم دي
مليكة
ما تقولش كدة ورحمة امك. حاكم انا والله مش مسامحة نفسي
امين
يابت الحوار بعيد عنك. هو اللي عيل قليل الادب
مليكة
يارب يعيش يارب، ،،،،،،،،،،،،
وفي نفس الوقت ومن قدام المستشفي يقف تاكسي وينزل منه حد لابس بلطو ابيض وبيمشي في طرقات المستشفي ولا كانه دكتور في المستشفي وسال عن الاوضة المحجوز فيها وحيد قابلته ممرضة وقالت له
اخر الاوضة علي الشمال يا دكتور
الشخص دة قال
وحالته اية
الممرضة
بتتحسن وبيستجيب للعلاج
الشخص دة في سرة
مش دة اللي انا عايزة
ووصل عند الاوضة المحجوز فيها وحيد وفتح الباب ودخل الاوضة وبص حوالين منه يمين وشمال وابتسم نفس الابتسامة الخبيثة وظهرت وراء الابتسامة شيطان اسمة عمر، ،،،،،،،،،،،،،