رواية ضحية فرعون الفصل الرابع والثلاثون 34 بقلم منه محمد
ايمان طلعت تلم هدوم الطفل الي رماها امير في الزباله
ساره قربت منها بتعجب: ست ايمان بتعملي ايه
ايمان: ساره وصلتيي امتي من البلد
ساره نخنت قعدت قدامها: لسه واصله حالا, سبيني هلم الهدوم
ايمان: لا عادي
ساره: ست ايمان ماله خدك هو امير بيه ضربك
ايمان عيونها جمعت دموع بقهره وقالت: لا انا مهمله لدرجه اتخبطت في درفه الدولاب بالغلط
ساره بحنيه : هحطلك عليها كمدات ميه دافيه عشان تخف بسرعه
ايمان بمتنان: شكرا يا ساره
ساره: يله قومي ندخل انا جبتلك من فطير امي ,كليه كله , وسبيني انا الم الهدوم
ايمان : ساره لو يعني متدخليش الهدوم دي جوه انا خايفه
ساره: متخافيش سيبهالي انا هتبرع بيها لـ اي حد
ايمان: الف شكر يا ساره
ساره ابتسمت لها واخدتها قعدتها جوه ع السفره وجابت طبق فيه فطيره وطبق اخر فيه عسل ابيض
ساره بصت لبطنها وقال بستأذان: هو انا ممكن المس الطفل
ايمان بصتلها وهي بتهز دماغها يعني ايوه
ساره جثته وقالت: حجمه مشاء الله كبير, عندي احساس بان الطفل ده لما يتولد هيكون هادي ورقيق زي امه
ايمان ابتسمت: انا رقيقه, انتي سخيفه يا ساره
ساره: والله رقيقه وناعمه واحلي واحده في الدنيا, يله كملي الفطيره
ايمان: مليش نفس يا ساره
ساره: لاء نركن خالص الزعل ع جنبك , وندي الاولويه لنفسنا لما تبقي صحتنا متينه نقدر نفكر بتركيز ونحل اي مشكله , بس لما نتعب محدش هيمسح دمعتنا حتي اقرب حد لينا
ايمان: انا فاهمه الف شكر ياساره بس هاكل بعدين ,انتي عارفه ايه الي حصل مش كده
ساره بحزن عليها: عارفه اكيد امير بيه اتعصب عليكي ,هاج مره تانيه اصبري يا ست ايمان يله هروح اجبلك كمدات ميه دافيه
ايمان :تمام
حنين دخلت متعصبه شويه: ممكن اعرف ليه مش بتردي عليا, بتهربي مني
ايمان قامت ومسكت ايدها بهدوء: لاْ تلفوني كان بيشحن ولسه فتحاه دلوقت , ولاحظت انك اتصلتي بيا
حنين: اكيد عارفه سبب مجيتي هنا , ومش متفاجئه للي عمله الحيوان جوزك وانتي كمان مش هتتفاجئ بالي هعمله فيه
ايمان اتنهدت: عشان خاطر ولادي لازم اتحمل واصبر يا حنين
حنين: انا حزينه عليكي وع الاولاد انا عارفه انك بتعاني من زمان, وعارفه ان امير رجع لـ اسلوبه القديم قوليلي ازاي اقدر اساعدك , مش عايزكي تعاني بعد كده قوليلي
ايمان عيونها رغرغت بالدموع: : انا رضيت بنصيبي , ومش عايز اتكلم في اي حاجه دلوقت
حنين بنرفزه شديده: رضيتي بأي واحد انك انضربتي منه , ولا هيجبلك ضره , انتي وعدتيني مش هترجعي لايمان القديمه, ليه دلوقت مستسلمه كده
ايمان: انا مش مستسلمه سبيني اتعامل مع ده طالما ولادي مبسوطين
حنين: ولحد امتي , لحد ما يكسر عضامك الفرعون الظالم , ولا يحطم قلبك من قلب التربيزه واتهاماته الوقحه , يله يا ايمان ولادك مش هيلموكي لو حاربتي عشان سلامتك , انتي وهما هتعيشوا مبسوطين من غيره تعالوا معايا يله ,مش عايزكي تعاني اخرجي من بيته واطلبي منه الطلاق وابني حياه جديده , انا جنبك ومش هسيبك , وهساعدك مهما كان الامر
ايمان: مش هينفع يا حنين لو خرجت امير هياخد مني ولادي هتحمل عشانهم
حنين بنرفزه وتعصب شديد: يعني ايه هي البلد فوضي هاخدك بالعيال ونمشي من القرف ده , انقذي نفسك وانقذيهم ولا هتستني لما تبقي جثه
ايمان: حنين هو طردني لوحدي بس انا اترجيته اخد ولادي بس رفض اطلع خطوه بيهم , سبيني هنا معاهم عشانهم مستعده اضحي وربنا كبير ومعايا ومطلع ع الي جوايا ان شاء الله هيحميني ويحمي ولادي
حنين: عشان كده في حالتك الشرع حلل الطلاق , ربنا كرم المراه لايمكن الست هتطلب الطلاق رفاهيه وفراغ , الحياه مؤقته لايمكن تضيعي حياتك مع راجل ميستهلش ياخد لقب زوج واب
ايمان : طبعا الف شكر انا فاهمه ومقدره خوفك , لكن في الوقت الحالي اديني شويه مساحه ووقت ارتب بس اموري , وصدقيني اول مبقاش قادره اتحمل همشي
حنين : انا سمعت انه بيتصرف كده عشان انتي حامل , ده مختل متسمعهلوش , هو واخدها حجه هو مفكر يقدر يلعب بينا, لما يموت ربنا هيحاسبه هو مفكر انك محتجاله عشان كدا متفرعن بنفسه لانك مستعده تتساهلي مع افعاله , وقابله بالتعدد هو مفكر انك بتحبيه اوي بس ربنا موجود
ايمان :صدقيني مبقتش حاسه باي حب ناحيته , كل همي ميبعدنيش عن ولادي
حنين بعياط: صدقيني في يوم هيركع, ولحد ما يجي وقته عايزه اشوف مدي كبريائه , ومش هسامحه ابدا ع الي عمله معاكي , واقسم بالله لو مد ايده عليكي بالمنظر ده تاني مش هسيبه غير وهو مرمي في السجن , ده وعدي ليكي
..................قصص منه محمد كاتب.................
مسك الكرسي حدفه بكل قوته في الجدار لما افتكر تهديدها
حنين((( افتكر كلامي زي عينك.... واليوم بمثابه بدايه معركتنا هجرجرك في المحاكم))))
امير مثل نبره الهدوء ولا مبالاه((( كفايه وامشي لبيتك)))
حنين (((متختبرنيش يا امير .......ولا تختبر صبر ايمان عليك....لما تقوم في النهايه كل الي هتشوفه هو دمار حياتك))))
#باك
امير حط الموبيل ع ودنه يتصل بأيمان لكنها مردتش عليه خاف وصرخ وقال: انا هربيكي يا ايمان ردي عليا ردي .....فعلا بتدوري ع المتاعب معايا عن قصد,, ما تردي يا ست يا غبيه
جيجي زقت الباب: امير ليه سكت لصاحبه ايمان دي اتجرأت وهددتك , ودلوقت ايمان اتجرأت متردش عليك كل ده عشان عم صاحبتها مستشار كبير , عندها دعم قوي ,حبيبي متخليش حد يعتقد انك بتتجنب سيطره مراتك او بتخاف منها
امير اتك ع سنانه ورن عليها تاني لحد ما فتحت الخط وزعق: ها ارتحتي بعد ما فضفضتي لصحبتك لو مرتحتيش اقعدي كملي معاها لبكره مش خايفه من كتر الذنوب لما تتكلمي عني بالسوء عن جوزك من وري دهره
ايمان: لا انـ
امير بصراخ : اخرسي متنرفزنيش تعرفي قالت ايه عني انا اوحش راجل في العالم , وعايزه تجرجرني للمحاكم مفكره بخاف , يله تعملها
ايمان: امير انا سايقه رايحه اجيب الاودلاد من المدرسه
امير: اخرسي انا اتصلت بيكي اربع مرات , ليه مردتيش ليه رديتي دلوقت انتي معاها مش كده بلغيها وقوللها انا ولا مهتم بتهدديها, اظن عرفاني ممكن اعمل ايه وقت ما اتعصب عارفه صح
ايمان: انا اسفه
امير: يالله يا ايمان انا زهقت دايما تعتذري مفكره اعتذارك ممكن يهدي غضبي لو كنتي قدامي دلوقت كنت سلمت ع خدك
ايمان: استغفر الله
امير: قلت اخرسي مش عايزك تتكلمي , دلوقت اسمعي للي هقوله الليله جيجي جايه تتعشا معايا اطبخي كميه زياده ونضفي البيت اياك تكسلي وحاجه كمان هطرد ساره في نهايه الشهر ده , متتصرفيش كأنك ست البيت وتقعدي من غير ما تعملي حاجه , افتكري انتي جايه منين انتي فقيره متتصرفيش كأنك غنيه
ايمان قفلت الخط ونزلت دموعها تجري ع خدها
امير قفل وقال لنفسه.......عشان بالغتي في مجامله صحبتك .....تستحقي ده
.....................قصص منه محمد كاتب...............
امير دخل قبلها: ادخلي
جيجي بتلف تقفل الباب هو مسكه منها واغلقه وهي ابتسمتله في خروج ايمان نزلت من فوق وبصلهم بكل ثبات انفعالي
امير رفع حاجب بستفزاز : شوفتي حاجه غريبه ليه محطتيش الاكل , كنتي بتعملي ايه فوق كل الوقت ده, انتي بتتعمدي تتعجرفي
ايمان ببرود اعصاب: روحت اوصل الاولاد التمرين وطلعت اصلي
امير: كنتي بتصلي ايه في الوقت ده فوق , شيفاني غبي انتي قاصده تعملي احتجاج لانك مش عايزه تخدمي الضيفه
جيجي بخبث : كفايه يا امير مسكينه ست وحامل في اخر شهرها , ايمان مفيش مشكله ممكن اخدم نفسي , ده بيتي مش غريبه عنه
امير: لا يمكن نعامل بطيبه الناس دول , كل ما بقينا الطف اتمادوا علينا ازيد وميهمنيش لو كانت هتولد ولا حامل في اخر شهرها , اهم حاجه هو اني لسه مصمم اتجوزك , مش طايق اشوف وشها , خلي اهلك يوجهوني مش لسه عندك اهل خليهم يرعوكي
ايمان لفت بجسمها وماشيه ناحيه المطبخ بكل هدوء!!
امير اتجنن: ايمان سيباني ورايحه فين
ايمان: هحط الاكل
امير: هو انا خلصت كلامي معاكي , انتي ليه وقحه كده , لايمكن تفوتي يوم من غير ما تجرحيني
ايمان: اسفه
امير: ايه فايده الاعتذار كل مره تعتذري فيها ترجعي تتكلمي عليا بالسوء من ري دهري
ايمان منزله عيونها لتحت حرفيا مش طايقه تبصله لان شافت جيجي بتصور فيديو للخناقه اكيد بتبعته لشاهيناز
امير صرخ فيها: بوصيلي لما اكون بكلمك ,,, بصيلي وانا بتكلم معاكي اوعي تفتكري الحاشيه الي حواليكي هتخوفني , عايزني اجاملك زي زمان امشي من خلقتي ومهما قالولي ده مش هيأثر بسلب عليا اطلاقا , ولسه عايز اتجوز جيجي وهنعيش في البيت ده , وانتي هتعيشي في الشقه القديمه في الحاره انا تعمدت اخليها وكنت بدفع ايجارها كل شهر , وقبل ما اتجوز عايزك تمشي وتروحي تعيشي في الشقه , وبخصوص الاولاد سبيهم هما يقرروا سواء كانوا هيعيشوا معايا ولا معاكي, لكن متأكد انهم مستحيل يعيشوا معاكي في الفقر , وهيختاروني انا خصا اميره
جيجي قربت منه: حقيقي انا عايزه اعيش مع الاولاد كلنا سوي واهتم بيهم زي ولادي عشان كدا لو طبلت مني نخلف طفل بسرعه انا مستعده, اصلي نفسي اعيش الاول حياتي اسافر شهور عسل معاك
امير: سمعتي تفكيرها الصح , فاهمه مشاعر جوزها مهتمه بيا مش زيك فالحه بس تزعيجني وانتي فيه طفل في بطنك ,,لما بصلك ببقي عايز اديكي بونيه في وشك الي بيمثل المسكنه والشفقه, امشي حطي الاكل
ايمان راحت ورصت الاطباق ع السفره وطلعت فوق وامير فتح الكرسي لجيجي عشان تقعد
جيجي: قلت هتمشيها من هنا بس اياك بعدين تقولي هتروح تزورها
امير: ليه اروحلها بحس بالقرف لما ابص في وشها
جيجي: معنديش مانع تشاركني فيك , بس متنامش هناك اخاف انام لوحدي
امير: ليه انام هناك بقولك مش بطيق ريحتها,, بتخرجني عن شعوري كفايه ائكلها واصرف عليها, لو طلقتها اهلها هيقوله ايه واحد قاسي , غير كدا هي موافقه اتجوزك خلاص تتحمل العواقب
جيجي: مش عارفه خايفه لبعدين تشتاق وتحن لها
امير: مش هشتاق للست دي , ورجلي مش هتخطي عندها لسه فاكر ريحه الشقه القذره ولما دست ع فضلات القطط ولا ريحه الزباله لكن مناسبه لواحده زيها تعيش هناك
جيجي: بس واضح معندهاش دم , قلت لها كلام كتير بس بارده كدا لو كنت مكانها مستحيل اسكت لك طبعا متجرؤش تتعامل معايا كده
امير: لا مش هتعامل معاكي كده يا حلوه ياجميله , سيبك منها هي بتمثل الطيبه عشان تستفزني وتمثل التناحه لكن جواها بتبكي , في الواقع انا بكره الست الضعيفه كل ما اتكلم كلمه معاها تعيط وانا اتخنق
جيجي: بس لازم توعدني متضربنيش زي ما بتضربها ,,ايمان وشها كله كدمات اظن عارف طبع بابا حسام لو ضربتني ممكن يوديك وري الشمس ده مش زي ابو ايمان قروي ممكن بسهوله تمد ايدك ع بنته
امير : اطمني مش هعمل ده معاكي انا بحبك مش كده , احنا مستحيل ناذي الي بنحبهم
ايمان واقفه فوق وقالت....... حسبي الله ونعم الوكيل فوضت امري لله معقول بيكرهني للدرجه بسبب حاتم يالله سلمت امري اليك ( اخدت نفس طويل ونزلت ناحيه الباب)
امير بصلها وخاف لتكون ماشيه وقالها بحزم: انتي ريحه فين
ايمان: رايحه اجيب الاولاد
امير: ومين هيشيل الاكل مش واجبك تخدميني
ايمان: الوقت اتأخر مش هسيب عيالي منتظرين في الشارع
امير: مجرد عذر انتي عايزه تستغلي الفرصه وانتي عارف ان جيجي هنا , يعني تفضلي تخدميني لكن لا عايزه تعارضني والسلام
جيجي بدلع: سيبني انا اخدمك رغم لسه مش مراتك بس اخدمك بعيوني يا حبيبي , معنديش مانع سيبها تروح لولادها مش احسن نبقي احنا الاتنين لوحدنا , متزعلش هأكك يله كل
امير خطف منها العيش وهو بيمثل انه هيعض صوباعها
جيجي ضحكت ضحكه مايصه ملعلعه: حبيبي متعضش, انت عضتني صوباعي وجعني
ايمان قالت.......وبعدين في الحال ده مساكين يا ولادي
...............قصص منه محمد كاتب..................
عادل: من زمان كنت عارف ان ده هيحصل
صابرين: لو السافله دي مش بتغوي امير بحركاتها , وشاهي العقربه بتحرضه مكنش اتجوز تاني, انت عارف شاهي شيطان رجيم
عادل: لاء, لا بسبب شاهي ولا حد تاني , ابنك بقي كده لانه اتغر في نفسه زياده, فكر انه نجح واثبت بالفعل انه قادر يعمل كل حاجه افتري وماشي يشوط ويجرح فينا وفي ايمان
صابرين: انا اتقهرت وكنت هعيط لما شوفت جيجي بتحاول تجذب نظر امير ليها بوقاحه ومش مكسوفه وهي بتسرق راجل متجوز
عادل بعتاب: ليه بس هاجمتيها في الشركه
صابرين: امال اهاجمها فين متحملتش لما طلبت مني شاهي اخطبها للامير حسيت بالقهر والغضب
عادل: لما تهجميها وتهينيها قدام الناس ده هيخليها تعاند اكتر, طريقتك غلط
صابرين: امال ايه الطريقه الصح , من حقي اروح ابهدلها طالما دي اخلاقها مكنش فيه اي طريقه تانيه ولا يمكن نسيب ابننا يفلت من العقاب
..............قصص منه محمد كاتب................
ايمان دخلت هي والاولاد لقت جيجي بتعمله مساج ع دماغه وهو مغمض عيونه
اميره بحده: بابا انت بتعمل ايه
جيجي بعدت عن امير وهو ابتسم وعدل شعره وقال: اميره سلمي ع جيجي
اميره راحت تسلم عليها بدون نفس وجيجي اخدت بالها
يامن وياسين جريوا نطوا في حضن امير وهو ضحك وقال: ولادي مشاغبين كل ما يكبروا بيتقلوا , معنديش طاقه اشيلكم سوي
جيجي تدخلت: سيبني انا اشيل واحد في حضني, مسكين باباكم مش قادر يشيلكم انتم الاتنين , تعال يا يامن
يامن كشر فيها: لا مش عايزك , انزاحي ماما تعالي
جيجي فضلت لزقه في امير بعناد يامن زق جيجي بأيد جامد : اتخري شويه
امير: ايه ده يا يامن ليه زقتها
ياسين سحب ايمان : ماما بسرعه اقعدي هنا
اميره زقت جيجي جامد: ابعدي شويه , عشان اعرف اقعد مع ماما وبابا ويامن وياسين
جيجي قاعده حرفيا مش طايقه نفسها وبتغل من يامن واميره
يامن باس امير وايمان وقال: بحبك يا ماما بحبك يا بابا
ايمان: وانا بحبكم كلكم
اميره بصت لجيجي بقرف وضمت امير وايمان وباستهم من خدهم وقالت: بحبكم
امير ارتبك: ممكن اروح الحمام لحظه
جيجي قالت لما تضايق ايمان ودخلت جوه وطلعت بأكياس سوده وقالت لنفسها: هتتوجعي لما تشوفي البدل دي
امير كان خارج من الحمام وراح قعد مكانه
جيجي قربت عليهم وقالت مبتسمه: ايمان ممكن تقوليلي رآيك في البدل دي
ايمان قامت وقفت: يله ياولاد نطلع ننام بكره عندكم مدرسه
الاولاد كلهم باسه من خده : تصبح ع خير يا بابا
جيجي لاميره: اميره مش هتقوليلي تصبحي ع خير
اميره همشتها تمام وطلعت تجري ع فوق
جيجي بغيظ: امير بلغ بنتك تحترمني , وفهمها انا مين
امير : تمام متقلقيش هتكلم معاها, ياسين يامن يله اطلعوا فوق ناموا عارفين الساعه كام هتتاخروا بكره
جيجي اتكت ع اسنانها بتعصيب: امييير
امير رفع كف ايده لفوق بهدوء: هفهمها بعدين , مش ده الوقت المناسب
ايمان قامت ماسكه ايد ولادها: يله بينا
جيجي بكيد: استني يا ايمان مقولتليش انهي لون اجمل , الرمادي ولا الاسود عشان يبقي سهل عليا انقي بدلته بكره
ايمان حاولت تستجمع قوتها وبثقة: الاسود يناسب امير اكتر
امير باين أنه متنرفز من ردها : ليه الاسود مش كل الناس الي زيك بيحبه الابيض
يامن بزعل: ليه بتكلم مع ماما كده بابا انا بزعل من اسلوبك ده , واميره وياسين ده اسلوب وقح مش كده يا ماما
ايمان : كفايه يله نطلع
ياسين: بابا انت هتلبس البدله السوده كدا ماما هتلبس فستان اسود زيك ماما هو بكره عيد ميلادك
ايمان : لسه بعد شهرين
ياسين :الله هيكون معانا البيبي موجود
يامن: انا فرحان اوي هنحتفل بيه مع اخونا
ايمان : يله بينا
امير لنفسه......... ولادي فرحانين بوجود اخ جديد ....هو انا قاسي افرقهم هو انا اناني ومغرور بنفسي...... لا يمكن اتردد ...الي انا فيه هي السعاده الحقيقه مع حد يساعدني دايما في اصعب الاوقات وايما ن هسيبها تحدد طريق حياتها بنفسها
ايمان واقفه وبينها وبين نفسها ((.ليه قلبي متجمد خالي من اي مشاعر ناحيته اكيد تلاشت بس مهما حصل مش هسيب ولادي
...................قصص منه محمد كاتب..............
طلع لقاها نايمه بعمق والشئ ده جننه يعني هي مش غيرانه عليا مش هتغضب وتصرخ لا نايمه مسك مخده حدفها براحه في بطنها مرتين
وهي فتحت عيونها و قامت وتتعدل
امير بغيظ: مش فالحه غير في النوم وبس , مش مهتمه حتي تستنيني
ايمان : فكرتك هتتأخر وتوصل جيجي
امير: موصلتهاش رجعت مع نفسها, اخدت العربيه الجديده
ايمان: مش دي عربيتي امال هوصل الاولاد بكره ازي للمدرسه
امير بتهكم: ايه عربيتك اشترتيها بفلوسك, مش مكسوفه وانتي عارفه انها عربيتي مدفعتيش فيها مليم , وانا حر احدد مين ياخدها دي عربيتي , وانتي مجرد سواقه تودي وترجعي الاولاد متنسيش نفسك
ايمان: طيب هوصلهم وارجع اخدهم ازاي
امير: انتي بتتكلمي دايما عنهم ,مفكرني غبي لما عطيت العربيه للشخص ده معناه اعرف اتعامل مع ولادي مفيش لزوم تتصرفي كأن قلبكم عليهم
ايمات: يعني هتطلب من جيجي تتعامل معاهم
امير: اه عشان شوفتها الطف منك عشر مرات , وتعرف تكون ام مقارنه بيكي هتشوفي ده بعدين , وبكره الاولاد يحبوها ويعشقوها , ولحد ما يجي اليوم ده هتعرفي ايه هو مصيرك
ايمان: ليه كرهتني كل الكره ده عشان تبعدني عن ولادي , انا اتابعت وري كل رغباتك ولسه مش راضي
امير: ده غلطك لانك عايزه تخلفي الطفل الي في بطنك , غير كده مكنتش هكرهك الكره ده كله , تعرفي كل ما بشوف حجم بطنك بشوف عنادك بشوف غرورك تموتي وتردي عليا
ايمان بينها وبين نفسها قالت..... خلاص كدا قلبي اتقطع ميه حته مش قادره ادافع اكتر من كده هاخد ولادي ونمشي من حياته وهو حر
.....................قصص منه محمد كاتب...............
قدام البوابه هدت العربيه وركنت ونزلت منها
ايمان: كويس يا حنين انك جيتي ممكن تساعديني
حنين في ايه
ايمان عايزه اجيب الاولاد من المدرسه
حنين بستفهام: امال فين عربيتك
ايمان بعجاله: هقولك بعدين نجيب الاول الاولاد
حنين طلعت الموبيل وفتحت الكام: استني الاول اخدلك صوره
ايمان بتعجب: ليه تصوريني
حنين نزلت الموبيل بعد ما لقطت الصوره: الاول قوليلي ايه الي حصل
ايمان وهي بركب العربيه: حاضر هقولك بعدين, يله نتحرك الاول
حنين ركبت جنبها: اه يله بينا
بالغعل جابوا الاولاد التؤام من المدرسه وحنين اخدتها كافيه يدردشه وايمان حكت لها كل حاجه
حنين بقهر : قلبي وجعني لما سمعت حكايتك, البت دي سافله ووقحه اقسم بالله اروح اهلكها
ايمان: لو كان بايدي كنت صرخت ,,وصرخت ,,وصرخت زهقت من الاهانه بس بطول بالي عليه لاني مش عايزه يتجنن ويعمل الاسوء
حنين بغيظ: صوتي في ودنه يكش يطرش , بس انتي طيبه اوي
ايمان هزت رسها بالنفي: مش كدا خالص, بخاف اشد قصاده ويتجنن يرتكب فيا جريمه قتل , وانا مش عايزه اخسر حياتي ببساطه , وولادي يدمر مستقلهم ,,جيجي من نوعيه البنات الي معندهمش خشا ولا حياء, بتعمل كل حاجه تأذي مشاعري عشان تحس بالرضا ,انا فاهمه اخلاقها كويس
حنين : خليها تتمادي اكتر لما نشوف تقدر تعمل ايه , مش هسكت لها, بس لو اخد منك العيال اياك تسكتي
ايمان : ده الي خايفه منه وبدعي ربنا يساعدني , وانتي شدي حيلي وقويني خليني اكون صبوره
حنين :انا لو بايدي اخدك انتي والعيال لبعيد
يامن بصلها : انتي هتاخدي ماما بعيد
حنين :اه
ايمان بتحذير : حنين
حنين ضحكت بمشاغبه وقالت : عايزه اخدها واخدكم في رحله جميله نركب مركب في البحر
يامن :عايز اروح معاكم
ياسين : وانا كمان عايز
حنين رفعت كفاها وهما ضربوها بمرح وبصت لايمان : مش انا ذكيه لما الامر يتعلق بالكذب سبيه عليا
ايمان ابتسمت: انتي مجنونه
...............قصص منه محمد كاتب..............
ايمان مربعه ايدها قدام صدرها: اتاخرت جدا اليوم , اكلت تحب احضرلك
امير بستفزاز: ارجع وقت ما احب , مفكراني مش بشتغل زيك, اقعدي في البيت جثي بطنك براحه
ايمان بتهكم : براحه , اظن قلت مش هتتخلي عن مسؤلياتك ابدا , وكان المفروض ترجع الاولاد اليوم
امير سكت شويه وبعدها رد وقال: عندي شغل كتير, انا بتعب عشان اقدر افتح البيت , مفكره عندي وقت افتكر كل ده , لايمكن تساعديني اطلعي في تاكسي او اتوبيس اتصرفي
ايمان : انا حليت الامر طلبت من حنين نجيبهم , ممكن تطلع تستريح حبيت بس افكرك
امير وهو بيشاور عليها: لسه بتتعاملي مع صاحبتك الي بتحرضك تردي عليا تعرفي انا بكره الست دي من قلبي
ايمان : لو مكتش حنين ساعدتني اقول لمين لمراه عمك ولا جيجي
امير بكل أحتقار يمسك دقنها ويقرب وشه من عيونها: ايمان انتي حامل في شهرك الاخير, بس لسه بتتعاملي معايا من فوق انا عطيتك كذا فرصه رغم بكره الطفل الي جواكي , لكن لسه سامحلك تولديه عايزه ايه اكتر من كده
ايمان : انا مش بتكلم معاك عن الطفل, غير كدا امتي اتصرفت معاك بتعالي وغرور
امير : امتي مش هنسي ابدا لما صرختي في وشي , انتي مشغوله تدافعي عن الطفل ده الي سبب الكارثه
ايمان بحده: حرام تهينه هو ملوش ذنب , واسفه لو جرحت مشاعرك لكن لو كنت بتكره الطفل ده بسببي, اوعدك مش هدخلك في اي امر يتعلق بيه , انا كل الي طلباه تكتبه باسمك مجامله
امير : عايزه تاخدي اسمي
ايمان وبعدها تاكد انه مش هيزعج حياتك , لكن ارجوك ارحمني
امير: ايه الرحمه الي عايزها, عايزني اعمل ايه , الغي جوازي من جيجي عشان اشفق عليكي , وبعدها اقعد جنبك ادلعك , واهننك
ايمان بدون اهتمام: مطلبتش حتي ده منك
امير اتنرفز جدا من اسلوبها ورفع ايده عشان يضربها وايمان بصتله بقوه
ساره جريت: امير بيه عملت كيكه حلوه اجبلك منها , انت بتحبها
ايمان نزلت دموعها خلاص مبقتش قادره تتحمل اسلوبه العـ نيف اكتر من كده
ساره مشت ايدها ع اكتف ايمان بدموعها وقالت : اصبري يا ست ايمان , اصبري واياك تستسلمي
.............قصص منه محمد كاتب.............
في منزل اكرم قعدت جنب تحكيله عن عذاب ايمان
اكرم بحزن: مش مصدق امير يعمل كده في ايمان
حنين بحمقه: انا هفضل وراها لحد ما تطلق منه
اكرم بهدوئه المعتاد: مش لازم نخرب الدنيا
حنين : ده هو الخراب نفسه
اكرم : انتي كدا بتكبري المشاكل , وبتحولي حياتها للجحيم
حنين : واجب علينا ننقذها منه
اكرم : ايوه عارف بس نتكلم معاه براحه الاول ,وننصحه مره تانيه ولما نوصل لطريق مسدود ويضربها تاني وقتها هندخل
حنين يعني عايزني اقعد اتفرج لحد ما ايمان تموت , ولا يضربها ضربه تدخل غيوبه , وتفقد روحها
اكرم : عشان كدا مش عايز الامور تسوء اكتر , فكري في ولادها زي ما هي قالت لك
حنين : لا انت بتفكر بغباء زيها , دي مستعده تتحمل وتعاني رغم كسر النفس والقلب , وايه عن مشاعر الاولاد لما يشوفه امهم بتضرب ع ايد ابوهم, عشان كدا قبل ما يزيد الامر للاسوء , تعال ننقذ ايمان
اكرم : للسبب ده خلينا نفكر امير بعدها هيدرك ومش هيتجرء يعملها حاجه
حنين بشخط: انت مستفز امير مش هيتغير لما قبلناه في اليوم ده بزمتك منظر وااحد يتغير للاحسن , لما بشوف وش ايمان بتاكد ان الراجل التافه ده مضربهاش بخفه , وده بس الي شوفناه امال باقي جسمها ايه احنا مشفنهوش , ده غير جرح مشاعرها كل يوم لاء مش هقدر اتحمل واقعد ساكته
اكرم : حبيبتي خليكي صبوره هنساعد ايمان , بس خلينا هادين عشان نعرف نفكر
حنين بقهر: مسكينه ايمان
.............قصص منه محمد كاتب...............
امير ضرب ايده في الحيط وقال: لو اتكلمت عن الطفل ده تاني هتموت
ايمان دخلت وبصتله: امير انا مش عايزك تلغي فرحك سيبني بس اربي ولادي وهعتبر بتعدل معايا
امير : هو انا من امتي مكنتش عادل معاكي, هل لاني هتجوز وقلت لك عيشي في الشقه القديمه
ايمان: لا انا مش مهتمه خالص اعيش فين بس مش عايزك تتصرف بقسوه معايا انا انسانه عندي قلب ومشاعر لو غلطت ممكن تتكلم معايا بهدوء واصلح لكن ارجوك متهنش اهلي ولا تضربني ده كل الي بطلبه بس منك
امير انا فاهم كل همك تحافظي ع شرف عايلتك وراي ترجعي القريه الي جيتي منها وتقعدي معاهم بكده مش هتسمعي اهانتهم ولا اهانتك لان هما عالم عظيمه لايمكن نزعجهم ممكن توقفي عياط انا مش برتاح انا ذهقت طهقت شايفه الهدوم الي ع السرير دي بصلها دي بدله خطوبتي ع جيجي عايزك تكويها هلبسها بكره
ايمان واقفه ساكته تماما قبل ما تنفجر العاصفه
امير بغضب: هو انا بتكلم مع خشبه , سمعتي ولا عايزني اديكي بالبونيه
ايمان بنظره غريبه ومش مفهومه : سمعت حاضر هكويها
امير اتعفرت انها مش رافضه انه يتجوز عليها حدف القميص ع الارض وسابها ومشي