رواية عذراء علي حافة الهاوية الفصل الثامن والثلاثون 38 والتاسع والثلاثون 39 من بقلم سما سيد
البارت الثامن والثلاثون
القمر بعيد كل البعد
يصبح كنجم وحيد حزين بدون سماء
فالنجوم شريدة وعنة بعيدة
داخل الشقة المتواجدة بالدور السفلى بعمارة \ عائلة العطار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعد صلاة عيد الاضحى المبارك
تهللت ملك الصغيرة تصفق قائلة..........هيــــــــة
اتصورت جمب البقرة والصورة طلعت حلوة
فضحك إياد ومن ثم قال مداعباً....خلاص ياملوكة
اوعدك هنزلهالك ع الفيس بوك
فضحكت ولاء قائلة.........البنت اخدت مع البقرة سيلفى
ومن ثم تحدثت ولاء بمزاح قائلة.......متنسيش ياملك
تتصورى سيلفى مع الخروف بتاع جدو عبد الرحمن
فضحك الجميع بسعادة كبيرة
جائهم آدم يحمل مصطفى الصغير بين ذراعية وهو يقول.......
خدى ابنك ياولاء واكلية الولد نازل رفص وفرك لما تعبنى
فتحدثت رقية قائلة.........اطلعى فوق ياولاء اكلى ابنك وخدى
مرات اخوكى معاكى عقبال ما نخلص دبيح
ولاء بإمتعاض........لاء ياماما انا عايزة احضر الدبيح
وصاصا انا هلهية بأى حاجة لحد ما تخلصوا
إياد موجهاً حديثة الى زوجتة.......طب اطلعى انتى يا آيات
علشان احنا خلاص هندبح
فتدخل آدم قائلا.....ماتخليها هى كمان يا إياد واهى تتفرج مع ولاء
رقية بلهفة.......لالاء ولاء تستنى اة لكن آيات لاء
دى عندها فوبيا من منظر الدم
آدم بأسف....اة سورى مكنتش اعرف
فتحدثت آيات قائلة......طب خلاص انا هطلع واخد مصطفى معايا
علشان ميلخمكوش ولما تخلصوا ابقى انزل
فتحدث بدر اليها قائلا........طب وحياتك يا آيات
وانتى طالعة خبطى على عمك عبد الرحمن
علشان ينزل هو ومراتة وولادة
خليهم يحضروا معانا الدبيح من اولة
رقية مستفهمة.......انت هتخلى الجزار يدبح البقرة الاول وللا الخروف
اجابها بدر قائلا......لاء يدبحلنا البقرة الاول لانها بتاخد وقت
ومن ثم وجة حديثة الى آيات قائلا........معلش يابنتى
كان نفسنا تحضرى الدبيح معانا
وخصوصا اننا اول مرة ندبح وانتى وسطينا
آيات بخفوت.......ولا يهمك ياعمى وعقبال كل سنة يارب
اخذت آيات مصطفى الصغير وصعدت بة الدرج
واثناء تواجدها بالدور الثانى وجدت كل من
كاميليا وعبد الرحمن وسامح يهبطون الدرج
فأبتسمت آيات قائلة.......داانا كنت طالعة اندهلكوا
عبد الرحمن بسعادة.........شكل الجزار مستعجل لما ننزل بسرعة
اكملت آيات صعود الدرج فوجدت منى تغادر من باب الشقة
وهى تستدعى والدتها بلهفة
فوقفت آيات مقابلها ومن ثم قالت........اية يامنى عايزة حاجة
منى بأمتعاض....كنت عايزة الحق ماما قبل ما تنزل علشان
اديها الميزان والاكياس اصلها نسيتة
فتحدثت آيات قائلة........طب ماتنزلية انتى
منى بتأفف........لالالاء انا مبطقش ريحة البهايم دى
خدى انتى نزلية وهاتى مصطفى اشيلة لحد ما تطلعى
فرحبت آيات بالفكرة واعطت مصطفى الى منى
واخذت منها الميزان ومن ثم شرعت تهبط الدرج
فتأففت منى قائلة........آل انزل آل دانا كنت افطس من الريحة
داانا عايزة قبل ما يفتحوا بطن الضحية اهرب من البيت كلة
وحينما وصلت آيات الى الدور الارضى
تسارعت خفقات قلبها بجنون واتسعت حدقة عينيها بشدة
حينما شاهدت الدماء التى تتدفق امام عينيها الى خارج الشقة
ارتعشت كامل اعضائها ومن ثم تركت الميزان يفلت من بين قبضتيها
فأصدر صوت جلبة قوى وهو سقط ارضاً
ولكن صوت صراخها كان اقوى واعنف
حينما صرخت قائلة........لاء لاء آحـــــــــــــلام
ففزع الجميع حينما استمعوا الى صوت صراخها
فتركا الجميع ما بيدهم وغادرا الشقة فوجدوا آيات
مستلقية على الارض بدون حراك
فعلى الفور اقترب اياد اليها واخد يضرب بخفة على وجهها
التى يتوارى خلف نقابها
فتحدثت رقية بإنزعاج......ياحبيبتى اية بس اللى نزلك تانى
دااحنا بعتناكى فوق علشان متشوفيش الدم
فعلى الفور حملها إياد بين ذراعية وصعد بها الدرج
وصعدت ولاء من خلفة وعندما شاهدتهم منى
استوقفت ولاء ومن ثم استفهمت منها عن سبب ما حدث
فأجابتها ولاء على عجلة بأن آيات لديها فوبيا من رؤية الدماء
ومن ثم تركتها ولاء وتركت مصطفى الصغير برفقة منى
..........................
داخل شقة \مصطفى العطار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
دلف إياد بها الى حجرتهم ووضعها برفق على الفراش
ومن ثم نزع نقابها كلياً عن وجهها
حاول هو وشقيقتة بشتى الطرق معها حتى افاقت
فحجبت آيات وجهها بكلتا يديها وهى تقول بصوت متهدج........
لاء حرام والله حرام اللى حصل لها دة دى كانت
طيبة جدا دى صحبتى الوحيدة داحنا كنا
بنحتفل مع بعض باخر يوم امتحانات وخلاص كانت هتتخرج
حاولت ولاء ان تجعلها تردع جماح احزانها وهى تقول.......
كفايا يا آيات متعمليش فى نفسك كدا
فمنعها إياد قائلا........سيبيها يا ولاء خليها تخرج كل اللى جواها
فظلت آيات تبكى بإنهيار تام
غادر إياد الحجرة وترك ولاء تجلس بجانبها تربت
على كتفها بحنان وقد تأثرت ولاء بقوة فترقرقت الدموع بعينيها
وبعد ثوان كان إياد يدلف اليهم وهو يحمل كوب من الماء الفاتر
بين يدية ,,جلس الى جانبها على حافة الفراش
ازاح يدها الحاجبة وجهها ومن ثم ساعدها على الاعتدال لكى
ترتشف بعضاً من الماء لعلة يهدأها قليلاً
ولكنها عادت الى البكاء فضمها إياد الى احضانة
واخذ يربت على كتفها
فنهضت ولاء ومن ثم قالت.......لاء كدا مينفعش
احنا لازم نديها مهدئ لحسن يقلب معاها بإنهيار عصبى
إياد بحزن.......بس للاسف معنديش
ولاء بخفوت.......استنى آدم معاة مهدئ
ماانت عارف من كتر توتر الشغل مبيستغناش عنة
انا هروح اجيب منة حبيتين وهطلعلكوا تانى
تشبثت آيات بملابس إياد بشدة وهى تبكى بإنهيار
فتحدث إياد بخفوت.........خلاص يا آيات اهدى الله يخليكى
فتحدثت آيات بحروف متلعثمة........احلام ماتت قدام عنية
ابشع موتة ممكن تتصورها ودمها كان مالى المكان
ومن ثم تأوهت بعمق ومن ثم قالت.........اةةةةةةةةة
اةةةة يا قلبى اللى وجعنى عليكى يااعز صاحبة
دى هى ووالدتها اللى دائما كانوا بيقفوا جمبى
كنت ببات معاها على سرير واحد رحنا المدرسة مع بعض
ودخلنا كلية واحدة علشان منفارقش بعض
ظل إياد يستمع الى حديثها وهو متأثر بشدة
يالة من شعور صعب ان تفقد عزيز ما
امام عينيك وبهذة الطريقة البشعة
دلفت ولاء اليهم ومن ثم اعطتة الحبوب المهدئة وهى تقول.......
خليها تاخد الحبيتين دول وهى هتبقى كويسة
نظر إياد الى الحبوب التى براحة يدة ومن ثم قال........
اتنين ياولاء مش كتير
ولاء مطمئنة.....متقلقش ياحبيبى دا آدم بياخد اكتر من اتنين
خليها تاخدهم علشان تهدى شوية بدل ماهى
مموتة نفسها من العياط كدا وان شاء الله هتنام وهتبقى كويسة
وبعد ان اعطاها إياد الحبوب المهدئة
ظل بجانبها بصحبة شقيقتة حتى هدأت واسبلت اجفانها
فغادرا الحجرة وتركاها تنعم بالهدوء والسكينة
.................
آنذاك بالدور السفلى بالعمارة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تسائلت كاميليا قائلة.........هو اية اللى حصلها دة يارقية
رقية بحزن..........آيات بتخاف من منظر الدم
لانها شافت حدثة بشعة قدام عنيها ومن وقتها
وكل اما تشوف دم كتير تخاف
عبد الرحمن بإستياء.........طب اية اللى نزلها دى كانت
طالعة قدام عنينا
بدر بإنزعاج.......احنا اللى طلبنا منها انها متحضرش الدبيح
بس مش عارف اية اللى نزلها تانى
كاميليا وهى تشير لشئ ما........الميزان بتاعنا واقع ع الارض اهو
يظهر انها كانت منزلاة ووقع من بين ايديها لما شافت دم الضحية
عبد الرحمن بإستياء.........ووصلها ازاى دة
سامح بإمتعاض......اكيد الست منى هيكون مين غيرها
تلاقيها لما لقتنا نسيناة شافت آيات طالعة راحت مدياه ليها تنزلة
تأفف عبد الرحمن قائلا........يادى منى وزفت ,,الله يسامحها
بدر بخفوت.......ومنى مالها يااخويا اكيد مكنتش
تعرف الحكاية والحمد لله انها جت على اد كدا
وآنذاك انضم اليهم كل من ولاء وإياد
اطمأن الجميع عليها وعلموا انها نامت بفعل المهدئ
.......................
وعندما آرخى الليل سدولة افاقت آيات من نومها
فوجدت إياد مستلقى الى جانبها يرنو اليها بحب
اعتدلت بوهن فتحدث إياد مبتسماً اليها قائلا........
صح النوم يا باشا كل دة نوم ,,
كدا تسيبينى لوحدى النهار بطولة
اندهشت آيات ومن ثم قالت.......اية هو انا نمت النهاركلة
اومأ إياد بالايجاب
فتحدثت آيات بأسف قائلة........انا اسفة للى حصل الصبح
غصب عنى انااا
قاطعها إياد قائلا.......ولا يهمك ياقمرالمهم انك بخير
التقط إياد صينية الطعام التى كانت الى جانبة
ومن ثم وضعها على الفراش قبالها وهو يقول.......
الحمد لله انك صحيتى قبل ما الاكل يبرد
انا سخنتة 3 مرات وكل مرة اقول هتصحى وهنلحقة قبل ما يبرد
ابتسمت آيات بفتور ومن ثم قالت........طب مصحتنيش لية ياحبيبي
ابتسم اليها بحب ومن ثم قال.......محبتش اقلقك
وسبتك تاخدى راحتك ع الاخر
انتقل فى مجلسة واصبح مقابلها الان
نظر اليها مبتسماً ومن ثم قال.......اكيد انتى جعانة
لانك مأكلتيش طول النهار
آيات بخفوت......مش عايزة اكل يا إياد انا ماليش نفس خالص
إياد معارضاً........لاء مفيش حاجة اسمها مش عايزة وماليش نفس
ومن ثم رمقها بإستياء مصطنع وهو يقول.......طب يرضيكى
انا كمان ماكلش داانا مفطرتش لحد دلوقت
شهقت آيات قائلة.....ياخبر ,, طب لية كدا
تلمس إياد وجنتها برقة وهو يقول......مقدرتش اكل من غيرك
وسبت العيلة تفطر وتتغدى وانا مرضتش اكل معاهم
وانتى مش موجودة وسطينا
آيات بعتاب......لية بس كدا ,, طب انا ومأكلتش لانى نايمة
انت بقى لية مأكلاش دا اكيد كان يوم مرهق
صنع إياد اثنان من الساندوتش ومن ثم وضع
احداهم بيدها وهو يقول مبتسماً......
مجانيش نفس اكل وانتى مش معايا
ابتسمت آيات بشدة فأنحنت وقبلتة من احدى وجنتية
فإتسعت إبتسامة إياد ومن ثم قال مداعباً.........
لية كدا ياتوتة خلتينى احلى قبل ما ابتدى أكل
الحاجات الحلوة دى بتبقى بعد الاكل ,, اتعلمى بقى
فضحكت آيات بسعادة واندفعت الى صدرة
احسستنى بوجودى فقط حين ضممتنى
دخلت قلبى وستبقى الى الابد بين اضلعى
فعينيك باحت لى بمكنونها
فبوجودك الى جانبى لا شئ سأخشاة
سأبقى كذلك واعدك مدى الحياة
فشعورنا مشاعر متبادلة بين
قلبين يشعرون بالحب واللوعة
.................
بمكان آخر داخل شقة سهير
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سمعت سهير صوت عدة طرقات خفيضة على باب شقتها
فعلى الفور ذهب عمر الصغير وفتح الباب للطارق
فسألتة والدتة التى كانت تتوضئ استعداداً لصلاة العصر........
مين ياعمر اللى جة
فأشار الطارق الى عمر بإلتزام الصمت
فإبتسم عمر واندفع الى احضانها بفرحة
آنذاك آقبلت سهير وهى تقول....ياواد بسألك
مين اللى بيخبط مابتردش ليــــــ
ومن ثم شهقت بسعادة.....آياااااات
إبتسمت آيات ومن ثم اندفعت الى احضان والدتها وهى تقول.....
كل سنة وانتى طيبة ياماما
سهير بحب.....وانتى طيبة ياعيون ماما
ومن ثم وجهت بصرها الى من يقف يقوم بمداعبة عمر الصغير
فقالت مبتسمة.....اهلا يا إياد اتفضل ياابنى
اقترب إياد اليها وصافحها وهو يقول.........آهلا بيكى ياطنط
وكل سنة وحضرتك طيبة
وحينما سأل عن فتحى زوجها وباقى اولادها
اجابتة سهير بأنة اخذهم وغادر الى الشرقية
لكى يقوم بمعايدة احدى معارفة وترك عمر الصغير بصحبتها
فشعرت آيات بالاسترخاء لكونها لن تلتقى بة
صاحبتهم سهير الى حجرة المعيشة وجلسوا بها
وقدمت اليهم الشاى الساخن وهى تشعر بالاستياء
لكونها لا تستطع ان تقدم الى زوج ابنتها
الذى جاء لزيارتها ولاول مرة
شيئاً اخر يليق بحضورة وفى ثانى آيام العيد
قدمت آيات الى والدتها حقيبة بلاستيكية كبيرة تحتوى
على اللحم النئ بعثتها رقية اليها من ضحية العيد
فشكرتهم سهير واخذتها ودلفت الى حجرة الطهى
وهى تتمتم قائلة.......ياخبر اعمل اية انا دلوقت واتصرف ازاى
انا لازم اغديهم دا اول مرة يدخل بيتنا
بس اعملهم اية الثلاجة فاضية ومش معقول هأكلهم اللحمة
اللى جابوها معاهم ,, انا لازم اتصرف
ان شالله حتى اجيب شكك لحد ما ربنا يسهل
دلفت سهير اليهم وهى تقول مبتسمة.......انتوا النهاردة هتتغدوا معايا
إياد معارضاً.......لا وحياتك ياطنط احنا هنقعد شوية وهنمشى
سهير مبتسمة.......ودى تيجى ياجوز بنتى داانت اول مرة تشرفنا
وبعدين انا مش هسيبكوا النهاردة ولازم نقضى اليوم كلة سوا
وبعد الحاح شديد من سهير انصاع الزوجان اليها
اخذ إياد يداعب عمر الصغير ذو السبع سنوات
ويتحدث الية بمرح قائلا.........وانت بقى ياكابتن
مرحتش لية مع باباك واخواتك
اجابة عمر بجدية.......لاء انا مسبش ماما تقعد لوحدها
انا الكبير لما بابا يخرج انا اقعد بدالة
فضحك إياد بسعادة ومن ثم قال.........ماشاء الله عليك
انت جدع اوى ياعمر برافوا عليك
وآنذاك سمع عمر صوت صياح الاطفال يستدعونة
للخروج معهم للتنزه
فذهب عمر الى حيث والدتة وشقيقتة
بحجرة النوم ليستأذن بأن يذهب للتنزه مع اصدقائة
فأبت سهير الموافقة لكونة ما زال صغيراً
لكى يغادر بمفردة بدونها او بدون والدة
فدلف الى إياد ثانيتاً وجلس بجوارة وهو حزين النفس غاسق العينين
وحينما وجدة إياد بتلك الحالة ابتسم الية
ومن ثم قال لة بأنة سيخرج برفقتة
وسوف يقوما الاثنان بالتنزه فشعر عمر بالسعادة
وغادر بصحبة زوج شقيقتة بعد ان استأذنا من سهير
جلست سهير وابنتها يتحدثان واطمأنت سهير
على حال ابنتها ومن ثم استأذنتها لكى تذهب لتبتاع شئ ما
وتركتها بمفردها بالمنزل
وبعد قليل كان فتحى بطريق العودة الى المنزل وهو يتأفف قائلا.......
ياساتر ع المناظر بقى اليوم اللى اخرج فية
تحصل حادثة وتقفل الطريق
وحينما اقترب من المنزل تركاة الصغيران
وظلوا يلهو بالشارع مع بعض الصغار
صعد فتحى الدرج وهو يتأفف على حظة العاثر
وحينما اقترب من باب الشقة استمع الى الاتى
ايوة ياحبيبى انت فين دلوقت
.......................
لسة بتتفسحوا
.................
معلش يا إياد اصل عمر مبيخرجش
خالص واكيد فرح بالمراجيح والالعاب
...........................
تسلملى ياحبيبى متحرمش منك يارب
.......................
انا قاعدة لوحدى ماما لسة خارجة من 5 دقايق
راحت تشترى طلبات من السوق علشان تعملنا الغدا
.......................
قلتلها والله اننا ممكن نجيب اكل جاهز بس هى رفضت
.......................
لاء مش زهأنة وانا لوحدى انا قاعدة بنظف
البيت عقبال ما انتوا توصلوا بالسلامة
.......................
طيب ياحبيبى خللى بالك من نفسك ومن عمر
.......................
سيدنا محمد رسول الله
فضحك فتحى بتهكم حينما علم انها بمفردها الان
فأستل من جيب بنطالة شئ ما لونة داكن وقام بمضغة على الفور
ووضع المفتاح بالباب وفتحة ومن ثم دلف واغلقة ثانيتاً
كانت آيات تجلس بملابس البيت وبالطبع بدون نقاب
تقوم بتنظيف منزل والدتها لحين عودتها
وبغتة وجدت يد تتلمس خصلاتها بخفوت
فشهقت بفزع وحينما شاهدتة امامها
اتسعت حدقة عينيها بذعر شديد ازدردت لعابها بصعوبة
ومن ثم تمالكت من حالها وهى تقول........
اية دة انت جيت امتى وازاى تدخل علية وانا كدا
نظر اليها فتحى نظرة خبيثة ومن ثم قال........
دا بيتى اجى وامشى وادخل وقت ما يعجبنى ياحلوة
ابتعدت آيات عنة لكى تجلب نقابها وملابسها
فمنعها فتحى بوضع يدية الاتنان
على جوانب باب الحجرة مانعاً اياها من المغادرة
فتذمرت آيات قائلة........اوعى ووسع من قدامى خلينى اجيب النقاب
فتحى بتهكم.........نقاب اية وبتاع اية انتى كدا آحلى
دفعتة آيات بقوة وهى تقول.....آحلى فـ عينك وسع
وقبل ان تبتعد عنة كان يحملها
على كتفة فصرخت آيات وظلت تقاومة
دلف فتحى بها الى حجرة نومة ومن ثم القاها على الفراش
وحينما شرعت بالمغادرة بادر هو واغلق الباب بالمفتاح
ومن ثم وضع المفتاح بجيب بنطالة
ارتدت آيات للخلف وهى تشاهدة يقترب اليها بخطوات بطيئة
فتحدثت بتلبك.....ابعد عنى بدل ما اصوت والم عليك الناس
فوجدتة يستل من جيبة المطواة الخاصة بة والتى لا تفارقة ابدا
اقترب اليها فأرتدت هى للخلف حتى ارتطم ظهرها بالحائط
رمقها بحدة وهو يقول.......لو فتحتى بوئك هقتلك ياحلوة
ومن ثم رمقها بشهوة وشرة شديد وهو يقول.......
كل مرة كنتى بتهربى من بين ايدية المرادى انا مش هسيبك
الا لما اخد منك اللى انا عايزة ولو حكيتى لحد هقتلك حبيب القلب
فبكت آيات بشدة وهى تجدة يفتح ازارار قميصة
فأندفعت نحو باب الحجرة
وهى تبكى وتدفع الباب بقدميها وبقبضتيها
فجذبها فتحى من شعرها فتأوهت متألمة
دفعها نحو الفراش وهجم عليها بشراسة
فظلت تنهرة وتدفعة عنها بكل قواها
وهى تستغيث ليأتى احداً لانقاظها
وقع نظرها على المطواة المفتوحة الملقاة بجانبها
فيبدوا وانها وقعت من بين يدية دون شعور منة
فعلى الفور حاولت التقاطها بصعوبة بالغة
وبعد مشقة استولت عليها فعلى الفور وبدون تروى
وخزتة بكتفة وخزة غير نافذة
فتأوة فتحى بشدة وابتعد عنها وحينما
شاهدت آيات الدماء تتدفق من جسدة
تركت المطواة تسقط من بين اناملها وظلت تصرخ بهوجاء
فعلى الفور انقض عليها فتحى يكمم فاها بواسطة كف يدة
ومن ثم تحدث بإستخفاف.......شكل الحالة جتلك ,, تستاهلى
ومن ثم ارخى يدة عن فاها عندما توقف صراخها
واحتل محلة بكائها الحار
شرع فتحى بنزع ملابسها لكى يتمم ما يسعى لاجلة منذ سنوات
ولكنها انتفضت من مكانها وهبت واقفة رمقتة شزراً
والتقطت فازة متواجدة اعلى المنضددة وبغتة انهالت على رأسة بها
حتى تدفقت دمائة بشدة وهوى ارضاً
وفى ذلك الوقت كان إياد عائداً ومعة عمر الصغير ووالدة زوجتة
فيبدوا وانهم تقابلا بالطريق
وحينما اقتربت سهير من المنزل ورأت صغارها يلهون بالشارع
اندهشت بشدة وعندما سألتهم على سبب رجوعهم
لم تأخذ منهم جواباً نافعاً
فدلفت الى منزلها ومن ورائها إياد وظل عمر يلهو مع اشقائة بالشارع
تحدثت سهير بإندهاش.....ياترى اية اللى رجعهم ربنا يستر
اجابها إياد قائلا.......متقلقيش ياطنط يمكن ملاقوش مواصلة ولا حاجة
اصبحا الان بالدور الثانى امام الشقة
طرقت سهير عدة طرقات على باب الشقة
فما من مجيب فأندهش إياد بشدة وهو يقول.......
هى آيات مبتفتحش لية
آجابتة سهير قائلة........يمكن خرجت الشارع تشترى حاجة
وآنذاك وجدوا آيات تفتح الباب اليهم وهى بحالة فوضة عارمة
حيث خصلاتها مبعثرة بعشوائية ووجنتيها ملطخة بظلال الجفون
والادهى من ذلك ان ملابسها ممزقة وملطخة بالدماء
ففزع كل من إياد وسهير بشدة
تسمرت سهير بمكانها
ولكن إياد اندفع الى زوجتة وسألها بذعر.......اية دة ,,
مين اللى عمل فيكى كدا ودم مين دة اية اللى حصل
رمقتة آيات بعين دامية وجسدها ينتفض بقوة
ومن ثم قالت....قتلتة,,قتلتة قبل ما يقربلى
سيحت دمة بإيدى
إياد بذعر...هو مين دة
فأجابتة آيات بصوت متهدج.....فتـــــحى
*•.¸(`*•.¸ ¸.•*´)¸.•*´)
..(------>البارت التاسع والثلاثون<------ )..
(¸.•*´(¸.•*´ `*•.¸)`*•.¸)
آعشق السحر المتواجد بعينيكِ
أعشق لون سنابل القمح المتغلغلة بخصلاتك
وحينما تفوهت آيات بأنها قتلت فتحى بيدها
شهقت سهير والقط ما بيدها مسرعة
ودلفت الى داخل الشقة بخطوات مترنحة
وعندما دلفت الى حجرة النوم
ووجدتة بتلك الحالة المزرية حيث كان يسبح
ببركة من الدماء صرخت بقوة فتجمهر الجيران
وابلغ احداهم الشرطة والتى جائت اليهم على الفور
ظل إياد مشدوهاً لا يقوى على التفكير
ولا الحراك فقط يحاوط زوجتة بين ذراعية
وهى تبكى وتبكى بإنهيار بدون توقف
وحينما وجدو فتحى لا زال على قيد الحياة
تم نقلة الى المشفى على الفور
اما آيات فأخذها رجال الشرطة ليتم التحقيق معها بتلك الوقعة
ومر اليوم بأكملة بداخل قسم الشرطة
وبعد تحقيق دام لساعات طويلة واخذ اقوال الشهود
الذى كان من بينهم والد احلام صديقة آيات المتوفية
وزوجتة التى كانت دوماً تراعى آيات
والذين كانوا على علم مسبق بخثة
فتحى واخفاء الامر على زوجتة
فادلوا بشهادتهم وقالوا بأنها ليست المرة الاولى
التى يتعدى فيها هذا الخسيس على ابنة زوجتة
وحينما ادلت آيات بأقوالها وقصت عليهم كل شئ
وبأنة كان يحاول التعدى عليها تحت تهديد السلاح الابيض
أمر وكيل النائب العام بحبسها يومان احتياطياً
لحين وصول تقرير المشفى الذى يفيد بحالة المصاب
ولكنها غادرت قسم الشرطة بصباح اليوم التالى
فعندما ذهبا رجال الشرطة ليأخذوا شهادة المصاب
تنازل فتحى عن المحضر وأبى رفع دعوة قضائية
وظل يبكى على ما فقدة
لقد فقد بصرة كلياً فيبدوا وان هذا كان عقابة بالدنيا
وبعد ان غادرت آيات قسم الشرطة
استأذنت من العائلة التى كانت تحاوطها بإهتمام لكى تذهب الى
فتحى لزيارتة بالمشفى فوافق الجميع فقد ان ذهب زوجها برفقتها
وبالفعل ذهبت آيات وإياد وسهير الى حيث يوجد فتحى بالمشفى
................
داخل مشفى حكومى
؛؛؛؛؛؛؛؛؛؛؛؛؛؛؛؛؛؛؛؛؛؛؛
دلف كل من إياد وآيات وسهير الى غرفتة
فوجدوة معصوب الرأس
مغمض العينين وحينما شعر بوجود احداً ما معة بالحجرة
فتح عينية على الفور ولكن بدون جدوى لانة لن يري اى شئ
فتسائل فتحى بذعر........مين
فأجابتة آيات قائلة..........انا
فعلى الفور تعرف اليها فتحدث وهو يبكى قائلا........
جاية علشان تشمتى فية يا آيات
فتحدثت آيات مستفهمة......لاء ,,اعوذ بالله
انا جاية علشان اعرف انت لية اتنازلت
آجابها فتحى بحزن قائلا........علشان مش عايزك تتحبسى بسببي
فتدخل إياد قائلا.........وهى اية اللى كان هيحبسها
هى كانت بتدافع عن شرفها اللى انت كنت عايز تــ
فقاطعة فتحى قائلا......بس متكملش انا مكنتش فى وعيي
فعلى الفور صرخت سهير قائلة........
والمرة اللى فاتت بردو مكنتش فى وعيك
فأندهش فتحى بشدة ومن ثم قال.....سهير ,, انتى هنا
فأجابتة سهير قائلة........ايوة هنا ,, ياخسارة مكنتش مفكرة
انك بالندالة والسفالة دى كلها ,, انت تعتدى على بنتى انا
ومن ثم اردفت بتهكم......داانت طول عمرك بتقول دى زى بنتى
وانا صدقتك زى الهبلة وكنت عامية عن نظراتك السافلة ليها
وعمرى عمرى ما تخيلت ان يكون دة تفكيرك ببنتى
فبكى فتحى قائلا.......سامحونى انا كنت غلطان
والشيطان كام متملك منى
سهير بحدة.....الشيطان دة انت اللى سلمتلة نفسك
بالهباب اللى كنت بتشربة ليل نهار
غيب عقلك وضلك ,, حسبى الله ونعم الوكيل فيك
فتحى بصوت مخنوق.....واهو ربنا انتقم منى وهعيش بقيت عمرى اعمى
سهير بحنق...دا عقابك بالدنيا استنى بقى عقاب الاخرى
واحمد ربنا انك ممتش وهتعيش بقيت عمرك اعمى
ودة تخفيض من الذنوب اللى ملتك وفاضت منك
وقبل ان يغادرا تحدثت سهير بحسم.......
طلقنى يافتحى وانسى ولادك وسيبنا بالمعروف
لو كنت ندمان وعايز تخفض ذنوبك ابعد عننا خالص
وسيبنا نعيش مرتاحين من غيرك
سافر عند اخواتك بالبلد ياخدو بالهم منك
واعمل حسابك ان ولادك لو سألوا عنك هقولهم انك مت
فبكى فتحى متأثراً ومن ثم قال.......لاء ياسهير
بلاش تتخلى عنى بالذات بعد اللى حصللى
خلينى وسطيكوا وجمب ولادى
آبت سهير الموافقة وقالت........انت عايزنى اعيش معاك واخدمك
بعد اللى انت عملتة فى بنتى ,, لاء يا فتحى انت خلاص
سقطت من نظرنا كلنا
عيش حياتك وقرب من ربنا واستغفرلة يمكن يعفوا عنك
.......................
وتوالت الايام وانقضت بخفوت على تلك العائلة
وغادر فتحى الى البلدة ليستكمل ما تبقى من عمرة
بقرب اشقائة وقبل ان يغادر انفصل عن سهير كما طلبت منة
كما تركت هذة الحادثة آثراً جيداً على آيات
حيث ابتعد عنها ذعرها ورهبتها من منظر الدماء
واكملت حياتها بسعادة مع من تعشقة
اما عن اولاد فتحى لم يهتموا الى فقدانة
لكونة لم يكن بجوارهم يوما ولم يشعرهم بحنانة الابوى
فكل ما كان يشغلة هو ما كان يغضب الله
.................
داخل منزل عائلة \ العطار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى يوم من الايام آتاها إياد مبتسماً بسعادة
وطلب منها ان تصعد معة الى اعلى حيث شقتهم الجديدة
والتى لا تعلم عنها شئ قط
فرافقتة الى اعلى وقبل ان يقترب عصب عينيها بواسطة اناملة
وعندما سألتة آيات عن السبب
برر لها فعلتة بأنة يود ان يفاجأها بما صنعة لاجلها
فأندهشت بشدة وسارت برفقتة الى ان وصلا الى باب الشقة
ازاح إياد اناملة من فوق عينيها ولكنة اصر عليها
ان تظل مغمضة الى ان يسمح لها بالنظر
فتح إياد باب الشقة ومن ثم جذبها برقة
الى ان دلف وأغلق الباب خلفة
ومن ثم اذن اليها بالابصار
فرفعت آيات نقابها الى اعلى
وفتحت آيات عينيها ورمشت بخفوت حتى تمعنت بالرؤية
اتسعت حدقة عينيها بذهول وشهقت بشدة حينما
وجدت حالها تقف بشقة مثل التى تشاهدها بالتلفاز
عند القوم ذوات الطبقات الرفيعة
رمقها إياد بحب ومن ثم قال....اية رأيك ياقمرى
آيات بإنبهار......مش ممكن مش معقول اية دة
احنا فين احنا لسة فى بيتنا وللا خرجنا وطلعنا عمارة تانية
فضحك إياد ومن ثم قال......لاء ياعمرى احنا لسة فى عمارتنا
واحنا حاليا بالدور الخامس
اتسعت إبتسامة آيات ومن ثم قالت..........لالاء مش معقول
اومال فين المرسم بتاعك
احتضن إياد كف يدها ومن ثم قال.......
المرسم بتاعى كان اوضة من الاوض دى
وانا قفلتها واصبحت شقة كبيرة زى ماانتى شايفة,, هاة عجبتك
آيات بإنبهار وهى تدلف الى الحجرات........لالاء دى جميلة جدا جداااا
حلوى بمعنى الكلمة يابخت اللى هيقعد فيها
آقترب إياد اليها ومن ثم قال بصوت حانى........
يابختك انتى ياحياتى
رمقتة آيات بدهشة وقالت....يابختى انا !!!!!
فأبتسم إياد اليها ومن ثم قال.......الشقة دى بتاعتك يا آيات
بتاعتنا احنا الاتنين ياتوتة
آيات غير مصدقة......لاء مش معقول
ضمها إياد بين ذراعية بحب ومن ثم قال بإسف........
حبيبتى انا عذبتك معايا كتير اوى واستحملتينى كتير
لكن خلاص كفايانا عذاب بقى
احنا لازم نبتدى حياتنا زى اى اتنين زوجين بيحبوا بعض
ونفسهم يكملوا حياتهم بسعادة وفرح
ابتعد عنها قليلا واردف قائلا.....وانا مكنتش قادر
اقدملك كل دة واحنا فى شقة مصطفى الله يرحمة
علشان كدا قررت اننا نبعد ونسيب الشقة اللى تحت
واستأذنت من بابا وامى انى اوضب الدور دة
واحولة لشقة تليق بيكى ياعروستى
آيات بإندهاش......عروستك
داعب إياد وجنتها بحب ومن ثم قال.......طبعاً عروستى
ولازم تدخلى الشقة دى وانتى عروسة زى اى عروسة
لازم استقبلك فى بيتى بفستان الفرح
زى ما كنت بتمنى طول عمرى ياعمرى
آيات مستفهمة بذهول......انت عايزنى البس فستان فرح
إياد مؤكدا......طبعاً ولية لاء دى امنية حياتى
وانا نفسى اشوفك زى ما اتمنيتك بفستان الفرح والطرحة
بس حلمى مش كامل للاسف
لان مش هيكون فية زفة ولا كوشة ولا معازيم
بس هيكون فية انا وانتى وبس والقمر والنجوم وسمانا هيشاركونا فرحتنا
ابتسمت آيات بود ومن ثم قالت........وكمان طرحة مش كفايا فستان
انحنى مقبلا إياها من وجنتها ومن ثم قال.......لاء بالفستان والطرحة
زى ما اتمنيت اشوفك وعلى فكرة الطرحة تكون طرحة محجبات مش تول
اندفعت آيات الى صدرة وهى تقول بمرح.....على فكرة بقى ,,
انا بحبك اووووى
ضمها إياد بتملك ومن ثم قال......وانا اكتر ياحياتى
ابتعد عنها ومن ثم قال بمرح.......هاة يلا بقى قوليلي اية اليوم
اللى يناسبك علشان تكونى فية عروستى
خجلت آيات بشدة وطأطأت رأسها الى اسفل ولم تعقب
فتحدث إياد مبتسماً.......لاء ماانا مش عايز اى مفاجأت انا عريس
ولازم افرح وافرح عروستى معايا
وعند صمتها بادر قائلا.......طب يناسبك يوم الخميس الجاى
فرفعت آيات بصرها الية ومن ثم قالت بدهشة....اية الخميس ,,
كدا على طول
فأجابها إياد بنبرة شجية....مشتاااااااااق
فزمت آيات شفتيها ولم تعقب
فتحدث إياد بجدية قائلا.....بصى بقى الشقة وجاهزة
والعفش جديد وموجود تحت هنطلعة هنا
من النهاردة وعلى بكرة هيكون كل شئ جاهز
والعفش القديم هننزلة تانى زى ما كان الاول
يبقى كدا كلة تمام الشقة موجودة والعفش جاهز
وانا موجود مش هيكون ناقصنى غير عروستى الحلوة
رمقتة آيات بإضطراب ومن ثم قالت........زى ما تحب
إياد بحب......انا بحبك انتى
صمتت آيات لثوان ومن ثم قالت مندهشة........
اية دة دا الخميس هيكون شبكة وكدب كتاب منى
ابتسم إياد ومن ثم قال.........اة ماانا عارف
وانا اخترت اليوم دة بالذات علشان ميكنش
حد موجود معانا بالبيت
ضمت آيات حاجبيها ومن ثم قالت........اية هو احنا
مش هنحضر معاهم
حاوط إياد كتفيها وقال......لاء طبعا احنا هنحضر معاهم بالقاعة
بس هنستأذن منهم بدرى شوية
ونرجع على بيتنا انا وانت ولا حد تالتنا ياقمرى
قلبى يدعوك فإستمع الى نداءاتة
لماذا ندع المسافات تتوسع بيننا
دعينا نخطف لحظات جميلة من فروع شجرة الحياة
وهذة اللحظات اريدها معك
اريد ان اعيش الامس واليوم والغد والمستقبل والى الابد برفقتك
انفاسى اريد ان اطلقها برفقتك
مهما كان طريقنا صعب سنخوضة معاً
دعينى اكف عن الوجود وان اصبح جزء لا يتجزأ منك
....................
مساءاً داخل شقة \ عبد الرحمن العطار
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كانت منى تشعر بالحنق الشديد فتمتمت قائلة.......
يالهوى عليكوا انتوا هتسيبوا شقة مصطفى
اة تلاقيكوا مش عارفين تاخدوا راحتكم
تعالى يامصطفى وشوف مراتك واخوك بيعملوا اية
اتجوزوا وعايشين حياتهم ومحدش بيفكر فيك خلاص نسيوك
ومن ثم اردفت بحزن.......وانا بس اللى بفكر فيك ياحبيبى
وعمرى ما هنساك الله يرحمك يامصطفى
فدلفت والدتها اليها ومن ثم قالت مبتسمة.........عقبال شقتك ياعروسة
سليم خطيبك كان بيكلم ابوكى من شوية
وقالة ان الشقة قرب يشطبها خلاص
فتأففت منى ولم تعلق
فجلست كاميليا الى جانبها وضمتها بين ذراعيها ومن ثم قالت.......
يابت افرحى وانسى الهم انتى اتعذبتى كتير كفاياكى بقى
انتى خلاص كلها كام يوم وهتبقى على زمتة ميصحش المعاملة اللى انتى
بتعاملهالة دى دائما مبترديش علية لما بيتصل بيكى ومطنشاة ع الاخر
وانا تعبت من كدبى علية كل اما يسأل عنك
اقولة نايمة فى الحمام خرجت فوق عند عمها
فوقى لنفسك بقى يابنتى وخللى الفرحة تدخل قلبك
وبعد ان انهت حديثها نهضت وغادرت حجرة ابنتها وتركتها
تفكر بمصيرها المجهوووول