رواية لكل قلب حكاية الفصل الثاني والعشرون 22 بقلم محمد منصور
وبسم الله توكلت علي الله وهو رب العرش العظيم
ووصل عند الاوضة المحجوز فيها وحيد وفتح الباب ودخل الاوضة وبص حوالين منه يمين وشمال وابتسم نفس الابتسامة الخبيثة وظهرت وراء الابتسامة شيطان اسمة عمر ،،،،،،
وتاني يوم ومن جوة اوضة وحيد يقف الدكتور المعالج لي ومعه الممرضة وكان بيتابع مؤشرات حاله وحيد وهو بيقول بمنتهي العصبية
الحاله دي كانت بتستجيب للعلاج اية اللي حصل وسبب الانتكاسة دي. انطقي
الممرضة
ما عرفش يا دكتور انا نفذت كل اللي حضرتك امرتني بي
الدكتور
في حد حاول يقتل المريض دة. ولازم نبلغ البوليس ،،،،،،،
ومن جوة المستشفي يقف ظابط وكام عسكري وبدات التحريات اللازمة للكشف عن اللي حاول يقتل وحيد وكان الظابط بيسال كل الموجودين في المستشفي لغاية ما وصل للممرضة اللي قبلت عمر وحكيت لهم علي اللي حصل فقال لها الظابط ويدعي محمد
وانتي من الطبيعي انك تقفي ترغي مع اي حد غريب عن المستشفي
الممرضة
انا لسة جديدة هنا وماعرفش كل الدكاترة وافتكرته دكتور
محمد
طيب استني شوية برة. وهيجي رسام من المديرية عايزك توصفي بمنتهي الدقة الشخص دة
الممرضة
حاضر
وولع محمد سيجارة وبص له المساعد بتاعه. تيمور اللي كان بيقول
تفتكر ان دة هو اللي حاول يقتل وحيد
محمد بص لها وقال
دة اللي قدام مننا لغاية دلوقتي ولما نوصل له هنعرف هو ولا مش هو
وهنا يظهر الدكتور المعالج ل وحيد. فساله محمد وقال
اية الاخبار يا دكتور
الدكتور
منع الهواء عن الدماغ اتسبب في تلف لمعظم خلايا الاعصاب ودة سبب للمريض شلل نصفي
محمد
ودة ملهوش علاج
الدكتور
صعب في الوقت الحالي علاجه.
محمد
هيقدر يتكلم عادي
الدكتور
هو هيتكلم بس بصعوبه ،،،،،،،،،،،،،،،،،
ومن جوة شقة مليكة كانت مليكة بتحط الاكل ل وليد اللي فضل يبص للاكل وبعدين قال
كلي انتي
مليكة
هاكل ل وحدي
وليد
ماليش نفس يا مليكة
مليكة
مالكش نفس ولا مش عايز تاكل معايا
وليد باستغراب
ومش هاكل معاكي لية
مليكة
علشان اللي عمله امين في اخوك. بس والله العظيم انا ماقولت ل امين حاجة عن اللي حصلت من وحيد يومها
وليد. باس ايدها وقال
انتي بتحلفي لية انا كنت معاكي وقتها وقضينا اليوم كله
بنفكر هنعمل اية في المشكلة دي لغاية ما عرفنا بالخناقة اللي حصلت بين الاثنين. ودي اخرة صحبة السوء
مليكة
بعني انت مش زعلان مني ولا زعلان من امين اخويا
وليد
امين عمل اللي يعمله اي راجل حر سمع شتيمة اخته بودانة وقدام الرجاله وعلي القهوة
مليكة هنا اتوجعت ومسكت بطنها فقال وليد بقلق
مالك
مليكة
دة تعب بسيط من المجهود اللي عملته.
وليد
انتي ميعادك مع الدكتور امتي
مليكة
المفروض بكرة
وليد
لا. هنروح له النهادرة
مليكة
ازاي بس في الظروف دي
وليد
اللي في بطنك ذنبه اية في الظروف دي. مش لازم نطمئن عليه وعليكي
مليكة
قلقان عليه ولا عليه
وليد بابتسامه
عليكم انتو الاثنين.
مليكة وهي بتبوس ايد وليد
ربنا ما يحرمني منك يا وليد
وهنا يخبط باب شقتهم فيقول وليد
ودة مين اللي بيخبط
مليكة
ممكن امك عايزا منك حاجة
وليد وهو رايح ناحية باب الشقة كان بيقول
امي ونرجس في المستشفي عند وحيد
وفتح وليد الباب علشان يلاقي قدام منه عز. اتصدم وليد لانه يعرف شكل عز وقال
نعم
عز رفع شنطة في علاج وقال
حد اتصل من عندكم وطلب العلاج دة وقال انها حاله مستعجلة
هنا سمعت مليكة صوت عز فانصدمت وبصت من وراء الباب ولمحها عز فارتبك وبان عليه فقال وليد بشك مخيف
مين اللي اتصل بيك
عز
واحدة ست كبيرة قالت انها مش قادرة تنزل وحاسة انها داخلة علي غيبوبة سكر ومحتاجة العلاج ضروري ومش معها حد
وليد
وانت متوعد ان اللي يتصل بيك توصل لك العلاج لغاية عنده
عز
دي حاله انسانية
وليد
العنوان غلط
ورزع وليد الباب في وش عز ودخل ل اوضة وهو متعصب وبص ل مليكة وفضل ساكت. بلعت مليكة ريقها بصعوبه وقالت
في اية
وليد
عارفة مين اللي كان علي الباب
مليكة
سمعاك بتقول عز
وليد
ومال وشك اصفر كدة
مليكة
وهيصفر ليه وشي
وليد
مش عارفة لية. طيب كنتي استني لما انزل وهاتي والبيت فاضي
مليكة اتصدمت وقالت
وليد انت عارف انت بتقول اية
وليد مسكها من شعرها وقال
انا بقيت نظيف علشانك. بطلت المخدرات. ووقفت ضد اهلي علشان خاطرك وفي الاخر اللي فيكي فيكي
زقت. مليكة ايدة بعيد عنها وهي بتقول
ورب الكعبة انا مظلومة. ومن يوم ما اتجوزتك وانا لاشوفت عز ولا كلمتة
وليد
اومال اية يعني جاي لك بالصدفة
مليكة
ما عرفش ما عرفش. انت ازاي تشك فيا. دة انا حبيتك
وليد
مليكة تحب وليد سواق الميكروباص وتنسي الدكتور عز
مليكة وهي بتعيط
انا حبيت وليد جوزي ابو ابني اللي اتغير علشاني وبقي يستاهل قلبي وكل ذرة في جسمي
وليد
و عز
مليكة
مجرد ذكري. وراحت ل حالها. انا مش خاينه يا وليد وربنا شاهد ومطلع علي كلامي
وبصت مليكة اوي في عيون وليد وقالت
انا مراتك حبيبتك. لو عايزا اخونك تفتكر اني غبية ل درجة ان اتصل بي يجي لي لغاية هنا وفين في بيت عيلة يعني لو انت مش موجود امك موجودة. او مرات اخوك
وحطت ايدها علي وش وليد وقالت
واخونك لية وانا لقيت معاك كل اللي نفسي في. ما حدش دلوقتي في حياتي اغلي منك ومن ابننا. وهات مصحف احلف لك علي كدة
وليد حضنها وهو بيعيط وبيقول
انتي مراتي وامي وحبيبتي وصاحبتي انتي دنيتي كلها
يا مليكة. انا بقيت واحد تاني بيكي. اوعي تخليني اندم
اني في يوم اتغيرت وبقيت ليكي
مليكة
انا مش قليلة الاصل علشان اسيب الحب دة كله وادور في اللي كان علي حب نسيته.
حضنها وليد اوي اوي. ،،،،،،،،
ومن جوة شقة وداد كان عز واقف وهو متعصب ووداد بتقول
يا ابني اهدئة مش كدة
عز
اهدئة ازاي بس. انا يتعمل فيا مطب زي دة. بس لو اعرف مين هي الست اللي كلمتني وخلتني اتحط في الموقف الزباله دة
وداد
عز انت مش متعصب من الموقف قد ما انتي متعصب انك شوفت مليكة في بيت جوزها
اتصدم عز من كلام امه. لان الصدمة بتتولد من الحقيقية وبص لها اوي و وداد قالت
لسة بتحبها يا عز
عز قعد قدام امه وقال
وهفضل احبها. لغاية ما موت. وكان هاين عليه ازق جوزها بعيد عني وادخل جوة واحضنها وقولها قد اية هي وحشتني
وداد
تبقي اتجننت رسمي
عز
انا كنت مجنون علشان سيبتها تضيع مني
وداد
بعد كل اللي فات دة هنعيدة تاني
عز
هو اللي فات بيموت. دة حب
وداد
طيب ممكن بقي تنسي وتعيش
عز
سهله عليكم كلمة انسي. زي ما يكون النسيان دة مجرد زرار بندوس عليه وبعدها بنقدر ننسي. دة الحب حكاية مابتخلص الا بطلوع الروح
وداد
بعد الشر عليك يا قلب امك من طلوع الروح
عز
طلوع الروح هي الحقيقية ومسيرنا ليها بس عندي امل في رينا اني قبل ما اموت اكون ليها ولو ل يوم واحد، ،،،،،،
وبالليل ومن جوة الصيدلية يقعد عز وكان بيجرد العلاج اللي عنده ويدخل عليه الصيدلية عمر وكان بيقول
لسة زي ما انت. حتة صيدلي. مالكش لزمة
بص له عز واستغرب وجودة وقال
انت. خرجت من المستشفي امتي وازاي
عمر
هربت. علشان اخرب حياتكم وراجع تاني
عز
هتخرب فيها اية اكتر من اللي خربته
عمر
انت فاكر انك بتتعذب. مهما كان اللي بتشوفو في حياتك مش هيبقي زي اللي بتشوفو مليكة كل ليلة علي ايد وليد الشمام
عز بدا يقلق علي مليكة وعمر كان بيلعب في كام برشامة قدام منه وهو بيقول
شوفتها النهاردة ولا تحب ابعتك تاني ليها
عز
هو انت اللي ،،،،،،،،
هنا قاطعه عمر وعمل ايدة شكل سماعه التيلفون وقال بصوت ست كبيرة
والنبي يا ابني انا مريضة بالسكر وما فيش حد معايا يجيب لي الدواء. لو تعرف تجيب لي انسلوين وتيجي لي العنوان دة. بسرعه علشان حاسة اني داخلة علي غيبوبة سكر
وضحك عمر مسكة عز من لايقة القميص. وقال
انت لازم ترجع المستشفي تاني. يا مجنون
مسك عمر ايد عز وهو بيقول
راجع ما تقلقش. بس لما احضر دفنه مليكة. اصل بسبب زيارتك ليهم حصلت بوليكة كبيرة و جوزها فضل يضرب فيها لغاية ما نزل عليها دم. تقريبا كدة بتسقط وخدها وراح بيها ل دكتور امراض النساء اللي علي اول الشارع
ورفع عمر ايدة ل فوق وكانه بيدعي وقال
وانا من وقتها عمال ادعي ربنا واقول يارب تموت. والحق ادفنها بايدية دول
وبص ل ايدة. بجنون ورجع بص ل عز وقال
بس تعرف انا لو منك اروح ابص عليها البصة الاخيرة. وهي لسة فيها الروح. علشان بعد كدة مش هتعرف تبص عليه لانها هتكون ماتت. دة انت كمان مش من حقك تشيل النعش بتاعها
وخرج عمر من الصيدلية وهو عامل ايدة زي ما يكون شايل نعش وعز جسمة كله بيترعش من مجرد بس تخيلة للمنظر وعمال يقول ل نفسه
انا السبب كل دة بسببي انا. كل العذاب اللي بتشوفو بسببي انا. يا حبيبتي يا مليكة. انا لازم اروح اشوفها واطمئن عليها، ،،،،،،،،،،،،
ومن جوة العيادة يقعد وليد جنب مليكة وكان مشبك ايدة في ايدها. مستنين دوهم. وكان وليد بيبص لها وبيقول لها
ما تعرفيش انا مستني ال كام شهر دول يعدوا علينا ازاي علشان يشرف ابن الكلب
ابتسمت مليكة وقالت
ولية ما تبقاش بنت
وليد
وماله هتبقي بنت الكلب
ضحكت مليكة وقالت
برضو. يعني بتشتمهم ومش خايف من ابوهم
وليد
انا ما بقاش يهمني حد طول ما ايدية في ايديك
مليكة
بس انا تعبانه اوي وحاسة كدة انهم تؤام
وليد
الله اكبر عليه. ما انا برضو واد جامد
ضحكت ملبكة وقالت
طيب اتلم احنا في العيادة. وفي ناس حوالين مننا
وليد
ملعون ابوة الناس كلها. يا بت انا مبخافش من حد طول ما انتي معايا.
مليكة
لية بس متجوز سيلفستن
وليد
مين سيلفستن دة
ملبكة
بتاع امريكا اللي بيضرب. انا عارفة كل حاجة
ضحك وليد وقال
طيب بس كفاية فضايح. اسمه سيلفستر
مليكة ضحكت وقالت
ما انا عارفة. بس بشوفك انت عارف ولا. لا.
وهنا يدخل الي العيادة عز وهو زي الملهوف وشافهم وشافو انقبض قلب مليكة وبصت ل وليد اللي ملامح وشة اتغيرت وبص لها وهو في منتهي الغضب، ،،،،،،،،،،