رواية اعيدوا لي قلبي
الفصل السابع7
بقلم دانيا
قلت ليها انتي من اسرة دكتور عبد الخالد ، طبعاً من غير مقدمات ،، حسيتها اترددت في الإجابه لأنو شافت الرساله وردت بعد مسافه ، قالت لي انا خطيبة المرحوم انتي منو ؟! قلت ليها انا الدكتورة زكريات حالياً شغاله في مستشفى إبراهيم جعفر ؛ يعني نفس المستشفى الكان بشتغل فيها ،، الموضوع طويل ممكن اشوفك ؟.
قرت الرساله سريع وبدأت تكتب ، قالت لي اختصري دايره شنو انتي وبتعرفي المرحوم من وين؟! رديت ليها قلت ليها م بعرفو والله وم حصل شفتو بس ممكن اقابلك والله الأمر ضروري ! قالت لي انا دكتورة نور الهدى بشتغل في نفس المستشفى قسم الأطفال ، قلت ليها حلو دوامك متين انتي ؟ .
قالت لي اليوم شغاله بس حالياً طالعه لأني خلصت ، قلت ليها طيب إذا عندك وقت ممكن تستنيني في الكفتريا الجنب المستشفى عشره دقائق وبكون عندك ،، قالت لي تمام ، لبست لي اقرب عبايه وطلعت من الغرفه لقيت عمتي سهيله في وشي قالت لي ماشه وين قلت ليها عندي ملف نسيتو في المستشفى بجيبو وبجي سريع ، قالت لي م تتأخري .
طلعت ركبت اقرب ركشه قلت ليهو وصلني مستشفى إبراهيم جعفر ، اول ما وصلت الكفتريا قلت لبتاع الركشه اقيف هنا ،، حاسبتو ومشيت نسيت اسأل دكتورة نور عن اني ح اعرفها كيف لمن اصل المفروض اشيل رقمها ، جيت داخله بقيت اتلفت طلعت تلفوني فتحت الماسنجر عاوزة اتراسل معاها ، لمحت بت قاعده تأشر لي ،، مشيت عليها قلت ليها دكتورة نور قالت لي ااي ، سلمت ليها وقعدت .
قلت ليها قبل اسالك عن اي شيء ح احكي ليكي كم حاجه ،، وبديت احكي ليها عن الحصل معاي من جيت ، لحد تاريخ اليوم الصباح ،، حسيت بتعابير وشها اتغيرت قالت لي اسمعيني يادكتورة الفضول الزائد م كويس ، استغربت من كلامها بعد الحكيتو ليها دا كله بس دا الطلع منها!! قلت ليها قصدك شنو ؟.
قالت لي اول شيء انا بحكي ليكي بس اوعديني الموضوع يكون سر بيني وبينك قلت ليها ابشري ،، قالت لي دكتور خالد مات مقتول انا من الصدمه فتحت عيوني قدر الفنجان وبقيت اعاين ليها بإستغراب شديد قلت ليها كيف يعني ؟! قالت لي زي ما سمعتي والشخص القتلو هو "دكتور إبراهيم جعفر" بحادث مدبر .
بقيت مخلوعه حسيت جسمي كله برد وقلبي م فضل ليهو غير يكسر ضلوعي ويطلع برا ،، قلت ليها السبب شنو ؟! قالت لي اياهو نفس فضولك دا يادكتورة ،، عاينت ليها بتعجب قلت ليها قصدك