رواية اعيدوا لي قلبي
الفصل التاسع9
بقلم دانيا
بقيت واقفه محتارة كيف اتفتح الباب ،، قلت معقول عاوزين يساعدوني ؟! طلعت ومشيت فوق ، اول ما جيت عاوزة اطلع الطابق التاني لقيت دكتورة نور قدامي ،، قلت ليها صباح الخير ومشيت منها وقفت بقت تعاين لي مشيت منها خطوتين قالت لي اها قررتي شنو؟!!.
اتلفتت عاينت ليها وانا واقفه في اول السلم ،، قلت ليها ح تساعديني لو قلت ليكي؟؟؟ م ردت علي سكتت ومشت وانا اكتفيت بصمتها وعرفت الجواب... طلعت فوق كنت مستعجله مشيت على مكتب دكتورة بيان ،، جيت ماشه بسرعه لا تقل عن الجري وكنت بعاين للساعه اصطدمت بشخص كان واقف قدامي .
رفعت راسي قلت ليهو عفواً آسفه ومشيت منو خطوه تاني عاينت ليهو بسرعه... قلت ليهو انت؟!! د/خالد ! تاني بديت تظهر لي فهمك شنو انت ؟؟ بقى يعاين لي بطريقه قريبه وقال لي م توقفي مهما حصل م تستسلمي ،، في ارواح ناس كتار راحت بسبب دكتور إبراهيم ، بقيت واقفه وعلى وجهي ملامح الدهشه .
فجأه ظهر صوت من وراي بقول "بتتكلمي مع منو يادكتورة" ؟ عاينت وراي بسرعه لقيتو دا دكتور إبراهيم ،، شوفتو وترتني شديد قلت ليهو بتردد "ولااا مع زول " كنت بقول لنفسي اتأخرتي... بقى يعاين لي بطريقه غريبه كدا وقال لي تصرفاتك غريبه بس انتبهي م تجني ،، وابتسم إبتسامه خبيثه ومشى .
طلعت دكتورة بيان من مكتبها قالت لي صباح الخير يا جميل ،، قلت ليها صباح النور ، قلت ليها برنامجنا شنو الليله قالت لي هاك الملفات دي بتاعت حالات جديده تابعي معاهم وفي اجتماع اطباء الساعه وحده كوني في الموعد .
مشيت شيكت على المرضى وبعدها مشيت إستراحة الفطور ،، لاقيت دكتورة سحر في الكفتريا قعدت معاها وبقينا نتونس... فجأة خطرت على بالي فكره قلت ليها عن إذنك وقمت منها مشيت بسرعه طلعت الطابق التاني ، مشيت لنفس الغرفه ديك المقفولة وكانت لسه الأصوات طالعه منها "اعيدوا لي قلبي" .
وقفت جنب الباب وعاينت يمين شمال مافي اي زول أصلاً الغرفه في زاويه مافي زول بجي بجنبها إلا نادر ،، اتلصقت في الباب وبقيت اقول انا ح اساعدكم إذا انتوا ساعدتوني ، عاينت للساعه لقيتها لسه 11:30 لسه قدامي ساعه ونص قلت ليهم افتحوا لي الباب .
حسيت الأصوات اختفت وبقى مافي اي حركه جوا ،، بعد شوية حسيت بحركه في الباب وفجأة فتح قلت بسم الله ورجعت عاينت يمين شمال مافي زول... دخلت سريع وقفلت الباب ،، كانت