رواية بيت جنب المقابر
الفصل العاشر10
بقلم دانيا
اثناء ما امي بتتكلم مع اسراء شفنا حاجه غريبه جداً الكرسي من جنب السفره اتجر علينا واتخت جنبنا ، من الصدمه عم الهدوء المكان كل واحده فينا كانت مخلوعه وبترجف من الخوف ، وبقينا نعاين لأمي وكلنا قمنا اتدسينا وراها بقت تقول لينا اهدأو ما تخافوا انا ح اشرح ليكم إسراء قاطعت كلامها وقالت انا مش قلت ليكم في حاجه م طبيعيه في البيت دا انتوا م عاوزين تصدقوا انا تاني م عاوزة اقعد هنا ورحكم نرجع بيتنا وبقت تبكي .
امي قالت لينا ورح برا انا ح اقول ليكم حاجه لكن م تخافوا قمنا طلعنا برا قعدنا في الحوش امي قالت لينا يمكن تستغربوا من الكلام الحأقولوا ليكم لكن م تخافوا مافي حاجه بتخوف صراحه نحن م عايشين برانا قاطعت كلامها بأستغراب وتعجب كيف م برانا؟ بقت تحكي لينا وحكت لينا الحاجات الحصلت معاها وكل شيء قالت لينا لكن م تخافوا هم في حالهم ونحن في حالنا لا هم بأذونا ولاا نحن بنأذيهم لمن نبيع البيت ونطلع من هنا.
قلت ليها نبيع البيت ؟يعني ابوي عارف ، قالت لي ااي قلت ليها طيب ليه م صدقني في اليوم داك قالت لي م كان بعرف ياداب عرف وقال لي م اوريكم عشان م تخافوا .
اسراء قالت ليها ياامي انا م بقدر اقعد هنا تاني خلينا نطلع من هنا هم طالما م بأذونا بظهروا لينا ليه وبتنكروا بأشكالنا ، امي قالت يمكن عشان عاوزين ينبهونا بوجودهم بس م اكتر ويابتي نحن هسي م بنقدر نرحل لأنو ابوكي م معاهو قروش عشان يشتري بيت جديد هسي إلا بعد نبيع البيت دا وانا قلت ليكم م تخافوا ولو م قادرين تقعدوا فوق براكم انزلوا تحت انتوا التلاته اقعدوا في غرفة البراء والبراء يقعد في الصالون كدا بترتاحوا.
انا قلت ليها ياامي انا م عاوزة انزل تحت ح اقعد في غرفتي دي فوق لا بسألهم ولا يسألوني ، امنيه قالت لي اختي آيه انا عاوزة ارحل معاكي قلت ليها م بتخافي يعني قالت لي لا م خايفه بس عاوزة اكون معاكي عشان اطمن اكتر ، قلت ليها طوالي م عندك مشكله .
على الرغم من انو امنيه اصغر من إسراء لكن اهدأ واوعى من اسراء .
إسراء بقت تعاين لينا ساي وبتفكر تعمل شنو ، قالت يعني فضلت انا بس انا ذاتي عاوزة ارحل معاكم قلت ليها اهلا وسهلا وبقينا نضحك قلت ليها انتي اكتر واحده خوافه بيناتنا ، بقت تقول لي والله م خوافه لكن الموضوع غريب شديد عشان ، مشينا رتبنا حاجاتهم في غرفتي وبقينا كلنا
الفصل الحادي عشر من هنا