رواية بيت جنب المقابر
الفصل الحادي عشر11
بقلم دانيا
نقلنا اغراض اسراء وامنيه في غرفتي ورتبناهم وبعدين نزلنا تحت لأنو ابوي جاء من الشغل ، صلينا المغرب واتعشينا وقعدنا نتونس مع ابوي امي قالت ليهو حكيت للبنات كل شيء قال ليها خوفتيهم يعني انا م قلت ليكي م ترعبيهم ساي نحن كدا كدا طالعين من هنا قلنا ليهو ياابوي نحن م خايفين اتقبلنا الموضوع لأنو امي قالت م بسألونا هم ونحن م نسألهم ، وكمان نحن التلاته ح نقعد في غرفه واحده ابوي قال لينا كلام جميل خير مافعلتو.
بعد صلينا العشاء طلعنا ننوم عشان بكره عندنا مدرسه ، اول ما طلعنا على الغرفه سمعنا صوت المويه في الحمام شغاله ، اسراء قالت ياالله مش نحن رحلنا ليكم من الغرف ديك ما خلاص تستخدموا حماماتها ليه تشاركونا في دا واول ما تمت جملتها دي نسمح ليك طاخ كيف على وجهها لمن اتصدمنا وهي من الصدمه وقعت وبقت تصرخ امي وابوي جونا جاريين مهجومين قالوا لينا مالكم في شنو اسراء مالها اسراء امي قعدت جنبها وبقت تسأل مالك يابت
قلت ليها ياامي لمن طلعنا سمعنا صوت الدش في الحمام شغال ، وطبعاً نحن وقفنا ساكتين ومصدومين بس انتي بتعرفي اسراء م بتعرف تسكت بقت تقول ليه بتستخدموا معانا الحمام دا ونحن خلينا ليكم الحمامات بتاعت الغرف التانيه ولمن قالت الكلام دا جاها كف على وشها
ابوي قال ليها اسراء تنزلي تقعدي مع امك تحت امي قاطعت كلاموا وقالت وانا امس لمن جيت استحمى لقيت في زول في الحمام م اتكلمت لمن طلع انتي يااسراء خشمك دا حاولي اقدري عليه.
قلت ليها ياامي م تشغلو بالكم بااسراء انا بتكلم معاها ، ناس امي طلعوا ونحن دخلنا الغرفه بعد شويه صوت المويه سكت نسمع صوت باب الحمام فتح عم الهدوء الغرفه كل واحده قاعده في سريرها وبنعاين ناحية الباب بعدها بخمس دقائق بدينا نشم ريحة عطر حلوه ، قلت الله ريحة عطر كل واحدة بقت تعاين للتانيه كلنا بصوت واحد دا مش عطر إسراء بقت تعاين لينا بخلعه قالت ااي والله دا عطري .
بقينا نضحك فيها انا وامنيه قلنا ليها دا انتقام عشان تاني تتكلمي والله اخير نحن خشمنا وعندنا ، امنيه قالت سبحان الله والله كنت عاوزة اتكلم إسراء سبقتني زي ما بقولوا الشقي بشوف في نفسه والمحظوظ بشوف في اخوه بقينا نضحك .
اسراء زعلت مننا قالت لينا والله لو م سكتوا امش اقعد مع امي تحت ، قلت ليها بنمزح معاكي يابت خلاص نحن آسفين يلا على النوم