رواية بيت جنب المقابر
الفصل الثالث عشر13
بقلم دانيا
البراء طلع من الحمام لقى سهى واقفه في غرفتو وقف جنب باب الحمام وقال احم احم ، اول ما سمعت الصوت اتلفتت لقتو واقف اتلبشت وبقت تعاين ليهو وهي ساكته ، قال ليها عاوزة حاجه ؟ قالت ليهو بتردد عفوا دي غرفتك انا شكلي خربطت خالتو فاطمه وصفت لى عشان اجيب المعقم والشاش وكانت ماسكه يدها ، عاين ليها في يدها وقال ليها انتي كويسة الجرحك شنو جاء عليها فتح الدرج اداها شاش ومعقم وقال ليها سلامتك ، قالت ليهو تسلم شالهم وقامت طالعه هو انشغل تاني م جاب ليها خبر وقفت جنب الباب اتلفتت عاينت ليهو نظره اخيره نظرة اعجاب حست بحاجه طاخ ادتها كيف ، اتخلعت وبقت مصدومه قالت بسم الله لمن الحاجات الشايلامهم وقعو منها بقى يعاين ليها جاء عليها قال ليها مالك يابت انتي كويسه بقت نعاين ليهو باستغراب وجسمها كله برد من شدة الخوف طلعت مسرعه من مكانها والباب ، امي لمن شافتها طالعه استغربت بقت تنادي ليها ياسهى يابت مالك ماشه م لقيتي الشاش والمعقم ، البراء طلع قال ليها دي منو المجنونه دي ياامي طلعت من الحمام لقيتها واقفه قالت عاوزة شاش يدها اتجرحت اديتها الشاش والمعقم قامت ماشه وقعتهم في باب الغرفه وبقت تعاين بطريقه غريبه ومشت م بعرفها مالها.
امي فهمت قالت ليهو يمكن نست ليها حاجه م تشتغل بيها امي عملت الفطور وبعد فطرو مع البراء طلعت قالت ليهو ماشه لجارتنا دي بي جاي م بتأخر وطلعت مشت بيت ناس سهى لقتها قاعده مع امها سلمت عليهم وقالت ليها يابتي مالك طلعتي طوالي كدا خوفتيني ، قالت ليها والله ياخالتو فاطمه هسي كنت بتكلم مع امي في الموضوع قلت ليها في حاجه ضربتني كف عديل ، امي قالت لي البيت دا ما مسكون انتي م عارفه عليك الله يا خالتو فاطمه انتوا عايشين في البيت دا كيف؟ امي قالت ليها م بسألونا هم والله إلا احيانا وبقو يتونسوا ويضحكوا قالت ليها ولدك اكيد بكون قال عني مجنونه قالت ليها والله يابتي البراء دا الوحيد الماعارف حاجه عن البحصل في البيت عشان كدا يمكن يقول مجنونه م تستبعدي لكن م تخافي ح اشرح ليهو الموقف وبقوا يضحكوا.
امي قالت ليها شايفه الجيران الجدد جو خلاص ماشاء الله ، سامعه حركتهم كدا احسن يتقلو علينا الحي شويه ، خالتو امنه قالت ليها ااي والله الحمد لله قلنا بكره نمشي عليهم ول رايك شنو ؟ قالت ليها مافي مشكله طوالي، يلا انا بعدا