رواية بيت جنب المقابر
الفصل الرابع عشر14
بقلم دانيا
امي قالت ليهم يلا انا ماشه بعدا لانو البنات هسي بجو من المدرسه طلعت منهم قدموها لحد الباب .
شويه وامنيه جات من المدرسه قاعدات مع امي في المطبخ بتونسو وبعملو في الجبنه قالت ليها ياامي اها ابوي عرض البيت للبيع ول لسه قالت ليها امس كان عندو صحبو قال عندو زبون بجي بشوف البيت يوم السبت بتكلمو كدا الصحانه وقعو من الرف كلهم اتكسرو ، امنيه بقت تعاين لأمي ومشت اتدست وراها ومسكت فيها قالت ليها م تخافي يابتي شكلهم م عاوزننا نطلع اتعودو علينا لمو القزاز داك وطلعو قعدو في الهول يشربو في الجبنه البراء جاهم قال ليهم مالكم انا كنت في الحمام سامع الكركبه في شنو امي قالت ليهو مافي حاجه وقع صحن واتكسر تعال اقعد اشرب معانا الجبنه قال ليها طالع انا الشباب مستنيني ماشين الكوره.
وانا جايه على البيت لاقيت اسراء وجينا سوى ، لقينا ناس في المقابر كانو بحفرو في قبر قالت لي والله الحي دا انا م ارتحت ليهو بتمنى ابوي يبيع البيت سريع عشان نطلع منو بسرعه وصلنا البيت وقعدنا نشرب مع ناس امي الجبنه اسراء قالت لأمي جو جيران جدد صاح قالت ليها ااي ماشاء الله والله فرحتا بجيتهم ، قالت ليها ياامي فرحانه على شنو هو نحن قاعدين بكره البيت يتباع وح نطلع من هنا على كلامها دا الكبايه اتكسرت ليها في يدها والجبنه حرقتها كلنا بقينا نعاين فيها مخلوعين امي قالت ليها عاد يابتي انتي خشمك دا م بتقدري عليهو نهائي، زعلت وقامت مشت فوق .
بعد المغرب نزلنا تحت صلينا وجينا نتعشى سألت امي عن ابوي وينو قالت لينا ابوكم قال متأخر الليله لأنو القائد حقهم جاء من السفر .
اتعشينا واتونسنا لحد الساعه عشره لانو بكره الجمعه مافي مدرسه قاعدين كدا نسمع صوت رجلين ماشات وماشاء الله ريحة عطر اسراء المابتغبانا بقينا كلنا نعاين لأسراء دايره تفتح خشمها امي قفلت ليها خشمها بأيدها لمن صوت الرجلين الماشات ديل فتحن الباب وطلعن .
امي زحت يدها من خشم اسراء وقالت ليها بقت على العطر يابتي بكره بجيب ليكي واحد لكن عليك الله بطلي توقعي نفسك في مشاكل معاهم هسي هم ليه ما بسألو ايه وامنيه ديل لأنهن م بفتحن خشومهن معاهم انتي ذاتك اسكتي والله لو زعلو منك م بنقدر نتوقع يعملو فيكي شنو، قالت ليها حاضر ياامي تاني م بتكلم ح اسكت واعاين بعيوني بس.
قاعدين نتكلم كدا جاء البراء داخل قاعد