رواية بيت جنب المقابر
الفصل التاسع والعشرون29
بقلم دانيا
اسراء عاوزة تفتح خشمها تتكلم قفلت ليها خشمها بي يدي قلت ليها هووس انتي م تتكلمي عارفاكي عاوزة تقولي شنو ح تجيبي مصيبه لنفسك يا بت.
زحت لي يدي وقالت لي م ح اتكلم لكن عاوزة اعرف ح يساعدونا كيف ؟ قلت ليها دا شيء بعرفوهو هم .
بالليل داك خالتي كانت نايمه ملك صحت عاوزة تشرب مويه م لقت قالت ح انزل تحت اجيب مويه واجي ، نزلت شافت الضوء في الحوش شغال وفي خيال زول قالت إلا امشي اشوف دا منو مشت لقتو دا البراء قامت قالت ليهو برو مالك صاحي للزمن دا عافيه ؟ م رد ليها تاني سألتو قالت ليهو انت سامعني اتلفت عليها وبقى يعاين ليها جوه عيونها بطريقه غريبه بقت حاساه زي المغنطيس اتحرك على الباب مشت وراهو وقف وقفت فتح الباب وطلع طلعت وراهو مشى بإتجاه المقابر بقت ماشه وراهو وبتقول برو اقيف ماشي وين انت في الوقت دا ومالك م بترد يا البراء دقيقه انا ما بتكلم معاك م شغال بيها ماشي ولاا حاول يتلفت حتى لمن وصل بوابة المقابر خشى جوه خشت وراهو لمن وصل لنص المقابر.
الصباح اصبح جهزنا للمدرسه ونزلنا شربنا الشاي امي قالت لأمنيه ودي الشاي لخالتك فوق ودت الشاي وجات بتسأل من ملك امي قالت ليها م شفتها نزلت من هناك خالتي جات نازله قالت ليها كيف يعني البت مشت وين انا من صحيت م شفتها فكرتها نزلت تحت ، امي قالت لي شوفيها برا وفي غرفة البراء وشوفي الصالون مشيت فتشت م لقيتها البراء لقيتو نايم لأنو الليله عندو قاب ، جيت قلت ليهم م لقيتها خالتي بقت تكورك وتقول البت مشت وين ابوي جاء طالع قال لينا مالكم اصواتكم طالعه في شنو امي قالت ليهو ملك مافيشا من الصباح البراء صحى على صوتنا جاء قال لينا مالكم في شنو قلت ليهو ملك مافي ، قال لينا كيف مافي يمكن طلعت بدري مشت الجامعه اتصلو في تلفونها امها قالت ليهو تلفونها قاعد.
اثناء ما واقفين بنتسأئل بين الحيره والاستغراب ، سمعنا الباب دقى ابوي والبراء طلعوا لقو ديل ناس من الحله شايلين ملك مغمى عليها ابوي لمن شافهم لمن ضغطو نزل والبراء بقى يسأل فيهم بخلعه ملك مالها الحصل ليها شنو مسكها منهم نحن لمن سمعنا الصوت طلعنا برا جري نشوف الحاصل لقينا البراء ماسك ملك ومغمى عليها والناس واقفين بتكلمو قالوا ، البت دي لقيناها الصباح في نص المقبره واقعه لمن الكلاب قطعو هدومها وهي م حاسه زي الميته الحمد لله