رواية بيت جنب المقابر
الفصل السادس والعشرون26
بقلم دانيا
صلوا على النبي عليه افضل الصلاه والسلام.
بعد جن داخلات امي قالت ليهن الجاء منو ، ملك قالت ليها جاء برو خالتي قالت ليها وماكن مستلمات الولد في الباب ساعه م عاوزات تخشن ، طوالي ملك قالت ليها كنت بسألو عن كليه الهندسه انتي عارفه انا بكره نازله الجامعه ، سهى بقت تعاين ليها بي غيره قالت ليها يعني ح تقري هنا قالت ليها ااي يا حبيبتي ح انزل جامعه هنا م مرحب فيني قالت ليها لالا انا م قصدي كدا لكن انا سألتك لأنو فكرتكم جايين زياره ، قالت ليها لالا عاوزين نستقر هنا جنب ناس خالتي فاطمه نقدر نفوتهم وين نحن طبعاً بتقول الكلام دا بنظرات وطريقه غياظه ومستفزة ، سهى قالت ليها اهلين فيكم شرفتو ونورتو وعلى فكره انا زاتي بدرس هندسه اذا عاوزة بكره ممكن نمشي سوى ، قالت ليها غير يوم لأنو اول يوم دا عاوزة امشي مع البراء هو ح يوصلني .
خالتو ام سهى قالت لينا نحن نستأذن بعدا لأنو ياداب عاوزين نسوي الغداء امي مرقت معاهن تقدمهن وخالتي قالت ماشه ترتاح فوق ، ونحن شلنا عده الجبنه ودخلنا المطبخ ، استلمتنا ملك بالونسه او ممكن نقول القطيعه في سهى طبعاً مغيوظه منها شديد اسراء قاطعت ونستها المسيخه دي وقالت لي آيه انا عاوزة امشي الصيدليه رايك شنو تجي معاي قلت ليها جداً ورح طلعنا الكلام دا بعد العصر مشينا وجينا راجعين على البيت لقينا ود الجيران الجدد في الطريق إسراء قالت لي والله الليله لو اتكلم معانا م اسكت ليهو نهائي ، جاء ماري بي جنبنا قال لينا السلام عليكم بقينا مستغربين رديت ليهو انا بعد مسافه وعليكم السلام عدينا فيهو فايتين ، قام وقف واتلفت علينا قال لينا عفواً ممكن دقيقه اسراء عاينت لي قالت لي دا معانا نحن طبعاً هي م بتعرف تهمس قالت الكلام دا واظنو سمع قال ااي انتوا وقفنا لكن م اتلفتنا عليهو جانا راجع وقف قدامنا بقينا نعاين فيهو مستغربين قال لينا انا آسف بعتذر على سوء التفاهم الحصل ، بقينا نعاين لبعض انا قلت في نفسي دا جنى ول شنو هوي ياآيه امشو البراء هسي بجي ماشي الكوره لو شافكم ح يسود عيشتكم ، مسكت اسراء من ايدها وقلت ليها ورح مشينا منو سريع سريع بقى يقول م جاوبتوني قبلتو اعتذاري م اشتغلنا بيهو قال لإسراء لو قبلتي اعتذاري المساء اقيفي في السطوح على الجهة المقابيل بيتنا ، قلت ليها واحد مستفذ قايل روحو شنو هو.
وصلنا البيت مشينا فوق لقينا امنيه وقاعده