الفصل الاول1
بقلم دانيا
"التغيير جميل احياناً، ومكلف احياناً".
السكن جنب المقابر ليس بهين احياناً، وإنما يمكن ان يشكل كابوس خطير في حياتك.
انا آيه وعندي اختين واخو واحد وامي دكتوره ، وابوي ضابط في الجيش نجي لقصتنا "بيت جنب المقابر".
ابوي جاء من الشغل بعد العصر، انا قاعده في البيت بزاكر مع اخواتي واخوي مشى الكوره.
ابوي دخل وسلم علينا السلام عليكم ، انا رديت وعليكم السلام ياابوي كيف قيلت ، ابوي رد تمام الحمد لله ، جبت ليهو المويه وكان قاعد وباين عليهو بالو مشغول قلت ليهو ابوي انت كويس ، قال لي كويسه يابتي بس تعب الشغل ، مشى استحمى مسافت يطلع امي جات سلمت وسألتني عن ابوي قلت ليها جاء اثناء ما بنتكلم ابوي طلع من الحمام سلم على امي وقعد برضو هي لاحظت انو م طبيعي قالت ليهو انت كويس م رد قلت ليها يامي اذا عاوزة تأخدي حمام عشان اخت الغداء ، قالت لي تمام بخش استحمى واطلع .
ختيت الغداء وقاعدين نأكل ابوي قال اسمعوني انا محولني لمنطقه تانيه لمدة خمسه سنه ، وانا فكرت كتير وقلت م بقدر اخليكم هنا لانو المدة طويله ح نبيع البيت دا ونرحل نشتري بيت تاني في المنطقه الحيحولوني ليها.
هنا بقينا كل واحد يعاين للتاني ، امي قاطعت كلامو وقالت ليهو نحن لينا عمر في البيت دا كيف نبيعو بالبساطه دي وكمان زكرياتنا الحلوه والمره ح نبيعها برضو؟ وم تنسى انا شغلي هنا ومدرسه الاولاد.
انا قلت ليهو ياابوي امي كلامها صاح، قاطع كلامي وقال لينا يا جماعه الحاجات دي كلها بتتعوض والزكريات بنعمل غيرها بس كيف اخليكم هنا براكم وامشي والدنيا م مضمونه وحياة العسكريه الصعبه دي هسي ممكن اكون معاكم وبكره لااا ، عاينا ليهو وبقينا نبكي قلنا قلت ليهو الف بعد الشر ياابوي صاح كلامك الزكريات بنكون غيرها المهم نكون مع بعض ، وامي قالت تمام مافي مشكله انا ح استقيل من المستشفى ، وبجيب النقليات حقت الاولاد من المدرسه.
مضى اسبوع وسافرنا منطقه اسمها البندر ابوي قال لينا عندي صاحبي هنا وكلتو بموضوع البيت اشتراهو وجهزو .
مشينا نزلنا فيهو كان الزمن بعد العصر ، نزلنا وارتحنا حبه وصلينا العصر كلنا جماعه، وبعدين طلعت السطح عشان اشوف المنطقه عامله كيف، لاحظت انو من ناحيه الغرب لينا مافي بيوت في شارع صغير كدا وبعدو في مقابر ، وشرق لينا في بيوت وجنوب شارع رئيسي ، وشمال في