رواية بيت جنب المقابر
الفصل الثاني2
بقلم دانيا
وصلنا البيت الجديد وكانت الدنيا عصر ، صلنا العصر وبعدين بقينا نتفرج على البيت ، البيت باين عليه جديد صاحب ابوي قال سيد البيت سكن فيهو شهر واحد بس وبعدين قرر يبيعوا لأسباب خاصه م قال لينا الاسباب شنو ، والبيت شكله حلو شديد من برا مطلي باللون العنابي بالابيض ، البيت طابقين .
بقينا نتفرج على البيت ونشوف الغرف تحت فيهو تلاته غرفه وهول ومطبخ وسالون وفيهو تلاته حمامات وواحد خارجي، وفوق تلاته غرف وهول وحمامين .
امي قالت عاوزة تسكن في تحت ، واخوي برضو قال عاوز يسكن تحت في الغرفه الجنب الباب لأنها بتفتح على الصالون.
انا وسراء وامنيه قلنا عاوزين نقعد فوق مشينا رتبنا اغراضنا في الغرف الفوق.
انا بعد خلصت من الترتيب طلعت السطح عشان اشوف المنطقه عامله كيف.
كان بالاتجاه الغربي لينا مافي بيوت في مقابر وبينا وبين المقابر شارع صغير ، واتجاه الشرق في بيوت واتجاه الشمال في بيوت واتجاه الجنوب شارع رئيسي وبعده في بيوت.
واقفه في السطح وبعاين على اتجاه المقابر احس بلمسة ايد على كتفي اليمين لمن اتخلعت وبسرعه اتلفتت وراي لقيتهم ديل اسراء وامنيه بقوا يضحكوا قالوا لي مالك خفتي قولي بسم الله ، قلت ليهم الله يسامحكم في زول بجي بالطريقه دي بدون صوت وقفتوا قلبي .
قالوا لي ورح ماما قاعده تنادي لينا ، نزلنا قالت لينا تعالوا الجاره البناحيه الغربيه جات سلمت علينا ناديتكم عشان تجوا تسلمو عليها وانتوا اتأخرتو قامت مشت وقالت بتجي المره الجايه ماشاء الله شكلهم اهل المنطقه هنا طيبين .
انا بقيت عاين ليها بأستغراب وقاطعت حديثها ، بس ياامي غرب لينا مافي جيران في شارع وبعدو في مقابر ، امي بقت تعاين لي بصدمه وتعجب قالت لي هي قالت لي انا جارتكم وساكنه غرب منكم .
اسراء قالت يمكن طلعت من المقابر وبقوا يضحكوا مع امنيه، امي قالت ليهم اسكتوا يابنات دا شنو الكلام الفارغ البتقولوا فيهو دا.
ابوي جاء من برا قال لينا مالكم في شنو ، قال لأمي البنات مالهم قالت ليهو مافي حاجه .
قال لي يابتي هناك الاكياس ديل مشيت جبت ليكم حاجات عشان تجهزوا الغداء، شلتهن ومشينا المطبخ انا والبنات وناس امي قاعدين في الهول، ابوي كان بقول لأمي المستشفى بعيدة من هنا م ح تقدري تداومي فيها رايك شنو م تشتغلي وبعدين نحن في منطقه م بنعرف فيها زول بكره البنات