رواية بيت جنب المقابر
الفصل الثاني والثلاثون32
بقلم دانيا
كنت قاعده ابكي باعلى صوت سمعت صوت امنيه بتنادي فيني آيه آيه بسم الله مالك قومي اصحي ، فتحت عيوني لقيت نفسي نايمه في السرير وببكي ووشي كله دموع ملت المخده بقيت اعاين لأمنيه بخلعه وحزن وبقول إسراء اختي حبيبتي وااي انا ياسراء انا م قدرت انقذك تاني اتزكرت ابوي وبقيت ابكي بأعلى صوت ، وامنيه بتقول لي يابت قولي بسم الله م قدرت تهديني وانا م سكتت لمن الفي البيت كلهم صحو على صوتي وجو جاريين مخلوعين اول شيء دخلت الغرفه خالتي وبتها ملك لانو غرفتهم قريبه لينا بعديهم دخلت إسراء وانا من الصدمه بقيت ابكي زياده وجسمي كلو برجف قلت ليهم شوفوها متنكره بهيئة اختي إسراء كلهم وقفو مخلوين وبقو يعاينو على اتجاه الباب.
جات ماشه علي وقالت لي آيه انتي جنيتي دي انا اسراء يابت قولي بسم الله شفتي كابوس ول شنو قلت ليها لاا انتي كذابه انتي م إسراء اسراء ماتت ، على كلمتي دي ناس امي جو داخلين ابوي اداني كف قوي لمن اضاني صنت قال لي انتي جنيتي ماتت كيف يعني ، وانا من ابوي دخل بقيت م فاهمه حاجه وحركتي اتشلت من الصدمه بقيت زي المشلوله .
بقى يقول لي مالك في شنو بتصرخي في انصاص الليالي سرحت فيهو مسافه بحاول استوعب دا ابوي ؟ ، هو بتكلم معاي قمت حضنتو وبقيت ابكي واقول ليهو ابوي انت عايش انت عايش والله م بصدق امي قالت لي يابت قولي بسم الله ابوي بقى يقرا لي قرآن حتى هديت حبه .
قالوا لي مالك الحاصل شنو ؟ حلمتي بشنو يابت قلتا ليها امي دا كابوس؟ امي عليك الله دا كابوس حضنت إسراء وبقيت ابكي فيها تاني ، البراء قال لي مالك يابت بتخلعي فينا ماتحكي في شنو؟ حكيت ليهم الحصل كله بقوا يعاينو فيني مخلوعين ومزهولين من كلامي ملك قالت لي لسه صباح الجمعه م اصبح وزمن العقد م جاء انتي شفتي كابوس بس م اكتر.
ابوي قال لي دقيقه انتوا علاقتكم شنو بود الجيران ؟ قلت ليهو صراحه ياابوي ود الجيران قال شاف إسراء بالليل في السطوح وهو نايم في سطوح بيتهم وحكيت ليهم الحاصل كله
البراء قال لإسراء انتي البوديك السطح بالليل شنو ؟، قاطعت كلامو وحكيت ليهم إنو دي م اسراء وكدا ناس خالتي عرفو بموضوع البيت ، خالتي بدات تجوط في ابوي قالت ليهو انت كيف بتسمح تسكن في بيت زي دا انتوا موضوع الجنون والشواطين دا م تبتوا منو من الحصل مع اختك دانيا وراجل