الجزء الثاني2 الفصل الاول1
بقلم دانيا
محمد جاء من الشغل كنا قاعدين انا وامو ومرت اخوه مسلم جاء سلم علينا وخشى جوا قمت مشيت شلت مويه وديتها ليهو لقيتو خشى الحمام ختيتها في التربيزة ومشيت المطبخ جات هنا قالت لي مسلم قال متأخر شوية م يستنوهو للغداء عشان كدا انا بختو وانتي امشي نادي محمد خلي يدي يشيلو ويمشي لعمي قلت ليها طيب .
مشيت لقيت محمد بتكلم بالتلفون قعدت منتظراهو يخلص الحاجه الفهمتها من كلامو إنو في فرع جديد فاتحنو ناس شغلهم في منطقه تانيه .... بعد خلص المكالمه قلت ليهو ختينا ليكم الغداء تعال شيلو قال لي مسلم جاء ؟ قلت ليهو قال متأخر شوية هسي اتصل لهناء ،، قال لي تمام جاي قمت طالعه قال لي " ساجدة " اتلفت عاينت ليهو قال لي عاوزك في موضوع تعالي اقعدي جيت قعدت جنبو قال لي الموضوع م كعب انا شايفو لكن م عارف إنتي رايك يكون فيهو شنو ،، قلت ليهو احكي الموضوع شنو ؟ قال لي المصنع حقنا فتح موقع جديد واختاروني انا امشي اديرو وبقى يعاين لي منتظر ردي .
عاينت ليهو بإستغراب قلت ليهو ح تمشي مننا يعني ؟ ضحك قال لي مجنونه انتي امشي وين بلاكي ح نمشي سوى ... قلت ليهو كم فترة ؟ ختى يدو في دقنو نظام بفكر قال لي امممم والله م معروف يمكن اقل شيء خمسه سنه ،، طوالي قمت على حيلي قلت ليهو بتهظر انت طبعاً .... قال لي في شنو ياساجده الموضوع عادي وبعدين اتوقعتك تفرحي لأنو ح تمشي وتكتشفي منطقه جديده ومسك يدي وقال لي وح نكون برانا معقولة دي كلها م فكرتي فيها .
زحيت منو قلت ليهو منو قال ليك انا بعرف اعيش براي او بقدر اعيش براي حرام عليك كيف اخلي جو العائله الرهيب دا وامشي اقعد براي بين اربعه حيطان وانت اصلاً م ح تكون فاضي لي ح تكون في الشغل الوقت كله .... للحظه عيوني دمعوا قال لي بطلي دراما يابت حاولي تتعودي وانا هسي ح اتكلم مع البقيه في الموضوع وبعد الغداء حاولي رتبي امورك لأنو قالوا لازم بكره نكون هناك لو م عاوزة تمشي انا بمشي براي لأنو الشغل مهم بالنسبه لي وانتي خليكي مع الجو العائلي دا " قالها لي بطريقه مستفزة وطلع خلاني " .
بقيت قاعده وبفكر ونهائي عقلي م اتقبل الفكره جاتني هنا قالت لي يابت من قبيل بنادي فيك انا قلت طلعتي ولشنو .... قلت ليها م سمعتك والله قالت لي خير مالك ؟ قلت ليها الف خير مافي حاجه قالت لي ورح الغداء طلعنا ،، انا بأكل وم قاعد يتبلع لي تفكيري كله ناس بيتنا هنا في المنطقه دي وياهو اهل محمد ديل قاعدين ومااحلان