رواية بيت جنب المقابر
الفصل الثالث3
بقلم دانيا
قال ليها في الفتره دي م تشتغلي لانو نحن في منطقه جديده ، وبكره البنات بنزلوا المدارس ، والبراء بنزل الجامعه وانا بكون في الشغل لمن يجوا وم يلقوا زول في البيت ح يكون ليهم صعب يتعودوا على المنطقه.
امي فكرت وودت الكلام في راسها وجابتو في الاخير قالت ليهو مافي مشكله م ح انزل شغل .
عملنا الغداء واتغدينا وشربنا شاي ، والصباح ابوي وصلنا على المدراس انا بدرس ثانوي واخواتي اساس بس المدارس جنب بعض والبراء قال بنزل بكره بس اليوم عاوز يمشي يكشف في السوق شويه ويتعرف على المنطقه.
اول يوم في المدرسه الجديده كان جيد بالنسبه لزول جديد يعني ، اتعرفت على بنات وفي منهم ساكنين في نفس الحي.
رجعنا البيت لقينا امي معاها ضيفات سلمنا عليهن واي واحدة مشت غرفتها انا بعد صليت الظهر نمتا صحيت قريب المغرب حسيت بصوت المويه في الحمام الجنب غرفتي قاعده تتدفق وكأنو في زول بستحمى قلت كل واحدة فينا جنب غرفتها في حمام دي منو الجايه تستحم في الحمام حقي ؟ بقيت قاعده في نص السرير وخاته اصبعي في خدي ومستغربه قلت كدي اطلع اشوف ، طلعت برا لقيت اسراء طالعه من الحمام ، قلت ليها حمامك مالو مويتو م شغاله ، عاينت لي بعين حاره وم ردت لي ومشت، بقيت مستغربه قلت دي مالها تاني رجعت جوا.
طلعت لي ملابس وشلتها مشيت استحميت ، وطلعت مشيت تحت لناس امي لقيتها في المطبخ براها قلت ليها وين البنات قالت لي من جو من المدرسه طلعوا فوق وتاني م نزلوا بكونو نايمين امشي صحيهم لانو المغرب قرب وابوكي بكون قرب يجي ، قلت ليها اسراء هسي طلعت من حمامي شفتها طالعه قلت ليها حمامك مويتو قاطعه ول شنو لكن م ردت لي قالت لي خطوط المويه كلهم واحد كيف تشتغل عندك وم تشتغل عندها.
طلعت فوق مشيت غرفة امنيه لقيتها نايمه صحيتها ومشيت غرفة اسراء برضو لقيتها نايمه كمان بهدوم المدرسه ، انا لمن قلبي عمل شح من الصدمه اجي هسي مش كانت طالعه من الحمام ولابسه بجامه تاني رجعت لبست هدوم المدرسه؟ مستحيل، مشيت عليها وبقيت انادي فيها يااسراء قومي اصحي يابت اتحركت وفتحت عيونها ببطء وقالت لي بصوت ناعس خير ياآيه في شنو قلت ليها بعد استحميتي تاني لبستي هدوم المدرسه مالك جنيتي انتي؟ فتحت عيونها وصحصحت قالت لي حمام شنو انتي الجنيتي انا من جيت من المدرسه نايمه لو م جيتك دي كان نمتا للعشاء، انا هن