رواية بيت جنب المقابر
الفصل التاسع9
بقلم دانيا
الجاره قالت لأمي البيت الجنبكم من الناحيه التانيه برا جايين يسكنو فيهو جيران جدد، امي قالت ليها الحمد لله كويس انو ح يتسكن واخيراً.
امي قالت ليها انا ماشه بعدا لانو م عملت الفطور وم رتبت البيت لسه ، رجعت البيت وبدت تنظف وترتب وبعدها مشت المطبخ عملت الفطور فطرت الظهر اذن قالت اخش استحمى بعدا عشان اصلي الظهر فتحت التلفزيوت شغلتو قران ومشت تستحم بعد طلعت بعد صلت قالت مافي موضوع خليني اشوف لي مسلسل حلو احضرو ، اول ما مسكت جهاز التحكم التلفزيون قفل براهو قالت دا مالوا كمان ، مشت فتحتو جات تاني عاوزة تحول القناة تحس بضربه على ايدها جات ايد ضربتها على ايدها رحمت جهاز التحكم وبقت تتلفت وبترجف من الخوف اتزكرت كلام ابوي قالت ايواه يعني م عاوزني اغير القرآن طيب.
اثناء ما هي بتفكر مع نفسهاالباب دقة مشت فتحتو نحن جينا من المدرسه قالت لينا حمد لله على السلامه البركه الجيتو ، قلت ليها عافيه ياامي كيف كان يومك عاينت لي مسافه وردت قالت لي تمام اياهو نفس الروتين لكن في خبر حلو البيت الفاضي الجنبنا دا جايبين ليهو ناس واخيرا ح يكون في جيران جدد معانا والله البيوت الفاضيه دي م سمحه قلت ليها ااي والله.
مشيت غرفتي استحميت وصليت الظهر جاتني امنيه قالت لي ورح تحت نتونسوا مع امي لانو الوقت كله قاعده براها ، مشينا تحت قعدنا مع امي نتونس معاها في المطبخ جاتنا اسراء قالت لينا انتوا هنا بقت واقفه في الباب ومخلوعه وبترجف قلنا ليها مالك يابت قولي بسم الله في شنوو ؟، قالت والبتونسو في غرفة ايه منو؟ امي طوالي قاطعت كلامها بسرعه قالت ليها جنيتي انتي كمان اكيد دا انعكاس صوتنا هنا انتي سمعتيهو وكأنو جاي من غرفة آيه قالت ليها لالا والله ياامي غرفه ايه جنبي كيف م اقدر اميز ، امي قاطعت كلامها بنبرة صوت حاده قالت ليها يابت م تجني اسكتي خلاص في لحظة سكون كلنا بقينا ساكتين بعد كلام امي نشوف الكرسي اتحرك من جنب السفره واتخت جنبنا
الفصل العاشر من هنا