رواية بيت جنب المقابر
الفصل الثاني عشر12
بقلم دانيا
الصباح صحينا هجزنا ونزلنا شربنا الشاي وطلعنا المدرسه قلت لأمي اليوم يمكن م نجي بدري عندنا مقيل لأنو الامتحانات قربت ، قالت لي تمام ، اسراء قالت بعد نهاية اليوم عندهم صاحبتهم عيانه ماشين عليها ، امنيه انا ح اجي بدري لأنو م عندي حاجه .
ابوي يافاطمه وينك بنادي لأمي مشت ليهو نعم ناديتني ااي تعالي عاوز اقول ليكي والله القائد دا جاء من السفر بعد زمن طويل عشان كدا الضباط منظمين ليهو قعدة عشاء برا وونسه الليله يمكن اتأخر في الجيه خلاص تمام يازول مافي مشكله انتبوا على نفسكم .
البراء ياامي انا الليله م ماشي الجامعه حاسي نفسي م تمام اجي مالك يا ولدي خير بتشعر بشنو اوديك المستشفى ، لالا ياامي بنوم حبه وبقوم ان شاء الله بلقى العافيه تمام ياولدي عندي مسكن في الغرفه ح اجيبو ليك.
بعد نص ساعه دق جرس الباب امي فتحت الباب ، سهى اهلين يابتي اتفضلي كيف اصبحتوا وناس امك كيف الليله خبارك م مشيتي الجامعه ، ناس امي كويسين والله م مشيت الليله قاب عشان كدا اتفضلي جوا ، البنات مشو المدرسه ول شنو يا خالتو فاطمه مشو ااي الايام دي مضغوطين مع القرايه لانو الامتحانات قربت.
البراء ياامي م لقيتي المسكن ول شنو ، هي سجمي يا ولدي ما نسيتو مع الشغله والمشغوليه ، م مشكله ياامي وصف لي قاعد وين انا بجيبو ، تعال تلقاهو قاعد جو في الدرج، البراء السلام عليكم سهى وعليكم السلام ومشى طوالي دخل غرفه ماما.
سهى دا ولدك ياخالتو فاطمه ،ااي يابتي دا ولدي الكبير بقرا في الجامعه لكن الليله م مشى قال متحسس شويه ، سهى ايواه الف سلامه ليهو وبقت تفكر في البراء طوالي وشردت في افكارها اثناء ماهي شارده بتفكر في كبايه من فوق الرف وقعت على الارض سهى نطت مخلوعه قالت الحاصل شنو وبقت تعاين لأمي ، امي قالت ليها عفوا انا غسلتهن الصباح وشكلي م ختيتهن سمح عشان كدا وقعت.
سهى قالت خلعتني بصراحه وبقن يضحكن مع امي قالت لأمي خليها انا بلمها قعدت تحت بتلم في القزاز اتجرحت في يدها ، امي قالت ليها ياالله سلامتك يابتي دقيقه اجيب ليكي مطهر وشاش من جو عشان الجرح ، امي ايديها كلهم عجين قالت ليها لالا م مشكله وصفي لي انا بجيبهم امي وصفت ليها مشت لخبطت بين الغرف بدال تمشي غرفة امي مشت غرفة البراء .
قاعده تفتش في الدرج عن المعقم والشاش البراء جاء طالع من الحمام قال احم احم