رواية بيت جنب المقابر
الفصل الرابع4
بقلم دانيا
قلت ل اسراء بعد استحميتي تاني لبستي هدوم المدرسه؟ وانا بعاين فيها مستغربه وخاته يدي في خدي قالت لي حمام ؟انا من جيت من المدرسه جدعت الشنطه في الكرسي ونمت لو م جيتك دي كان اصحى بعد العشاء ، انا هنا حسيت بجسمي نمل قلت ليها انتي مستهبله قبل شويه م طلعتي من حمامي اتكلمت معاكي م رديتي لي وكمان كنتي لابسه بجامتك العنابيه ، بقت تعاين لي بتعجب ومتفاجئة قالت لي انتي شكلك جنيتي انا لو استحميت بخليني ارجع البس ملابس المدرسه شنو.
بتناقش معاها جات امنيه قالت لينا امي قالت ليكم تعالوا تحت ابوي جاء ، طلعنا مشينا وانا لسه محتاره قلت هي انا شفتها طيب ليه بتكذب علي.
مشينا المطبخ نخت الغداء وريت امي واسراء تحلف تقول هي م جات استحمت في حمامي وهي اصلا من جات كانت نايمه، امي قالت لي يمكن بتتوهمي .
البراء جاء من برا سلم علينا وقال لأمي في حريم برا بسلموا عليكم امي مشت عليهم سلمت ليهم وانا وديت ليهم المويه وجيت راجعه المطبخ لقيت بت صغيره كانت واقفه جنب باب المطبخ قلت ليها تعالي ياحلوه اسمك منو م ردت لي طوالي طلعت السلم انا بقيت واقفه مكاني واعاين ليها بأستغراب قلت ياربي دي بت منو بتكون بت الحريم البرا ديل طلعت برا تاني قلت اسألهم لقيتهم مافي امي قالت لي المغرب جاء وقالوا مستعجلين بجوا يوم تاني في وقت اوسع ، قلت لأمي كيف يعني يمشوا ويخلوا بتهم، امي عاينت لي قالت لي بت منو م كان معاهم اطفال قلت ليها طيب البت الجوا دي بت منو فاتت فوق استغربت من كلامي قالت لي مافي اي بت جات داخله هنا ، قلت ليها والله في هسي ارح فوق ، مشينا فوق فتشنا كل الغرف والحمامات م لقيناها وجينا تحت مافي اي بت ، قلت لأمي والله في طفله كانت هنا قالت لي آيه يابتي قولي بسم الله وينا طيب ، اسراء قامت قالت ليها امي بتك دي جنت قبيل قالت انا استحميت في حمامها وهسي شافت بت هنا.
مشوا وخلوني واقفه محتاره شديد، الليل كلو في غرفتي نايمه في السرير وبفكر في الحصل
الصباح مشيت المدرسه ، كان عندنا معسكر جيت قريب المغرب المغرب اذن لي في الشارع كان في مره ماشه قدامي وانا ماشه وراها قلت هوي احسن امشي سريع سريع عشان المره دي م تفوتني الزمن فات وانا ح امر بالمقابر.
قربت للمقابر وهي كانت قدامي بخمسه شبر اول ما جات جنب المقابر خشت جواها ماشه بين القبور انا جسمي