رواية الاعصار الفصل الثالث 3 بقلم محمد منصور
اوصلي لفاروق باي طريقة انا كدة روحت في داهية رسمي
دة اللي قاله امير ل داليا مراته والعسكري بيسحبو علي التخشيبة وقالت داليا وابنها هاشم علي ذراعها
لو كنت سمعت كلامي
ما كنش حصل اللي حصل دة
امير بعصبية
مش وقته يا داليا و اعملي اللي قولت لك عليه
وسحب العسكري امير لغاية التخشيبة ودخل امير التخشيبة و اتقفل الباب عليه،،،،،،،
ألاعصار
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
ونروح ل داليا اللي كانت مع ابن عمها الظابط نظيم وكانت بتقول له
دة لعبة وسخة اتلعبت علي جوزي ولازم تساعدني في الوصول ل خيري الطباخ وتوفيق الصياد
نظيم
اوصل لهم ازاي بس يا داليا والاثنين سافرو امريكا زي ما عرفت من ظابط في الجوازات تبعي
داليا
ما اسمهاش سافرو اسمها هربو بعد ما عملو عملتهم السوداء الله يرحمك يا عم عبود لو كان لسة عايش ما كنش حد منهم قدر يعمل ملعوب زي دة في جوزي
نظيم
ما تزعليش مني لكن عبود الباشا كان اسد ما عرفش ازاي خلي امير بالساذجة دي
داليا
امير كويس لكن خبرته في الدنيا قليلة و بيصدق اللي بيتقال له و ماكنش عنده ذرة شك في ان ملعوب زي دة يطلع من اكتر اتنين كان بيثق فيهم عمي عبود
نظيم
في زمنا دة الاخ لازم يحرص من اخوة وخصوصا لو في فلوس في النص ومش اي فلوس دة مليار ج
داليا
اللي حصل حصل يا نظيم
و اتصرف ورجع لي جوزي امير
نظيم
ارجعه ازاي دة واحد اعترف علي نفسه بجريمة قتل حصلت في فيلته اللي بالتجمع و بصماته في الفيلا وفوق الجثتين
داليا وهي مصدومة
يعني اية مش هيخرج حتي بعد ما اعترف وقال لمفتش المباحث علي الاتفاق اللي تم بينه وبين خيري وفاروق
نظيم
بعد اعترافه اي كلام تاني هيتقال ملهوش لزمة لكن لو قدرنا نثبت ان خيري كان علي علاقة ب سلوي القتيلة وقتها يمكن ملف القضية ياخد اتجاة تاني
داليا
انا هجيب لك الدليل دة وانت بقي بعدها تشوف شغلك، ،،،،،،،
ومن جوة شركة عبود الباشا كانت داليا قاعدة في مكتب السكرتيرة مني و داليا بص لها وقالت
مني انتي اقدم سكرتيرة في الشركة وكنت عايزا اعرف منك معلومة تخص سلوي
مني
سلوي دلوقتي بين ايدين ربنا وما يجوز عليها الا الرحمة
داليا
ربنا يرحمها لكن بسبب اللي حصل لها جوزي امير اتسجن ظلم
مني باستغراب
ازاي دة
داليا
من غير رغي كتير اية اللي كان بين خيري و سلوي
مني ارتبكت وقالت
انتي عرفتي
داليا
اة وعايزا اعرف منك كل اللي تعرفي عن علاقتهم ببعض
مني خافت تتكلم و افتكرت اللي ممكن يعملو فيها خيري لو اتعرف انها هي اللي قالت علي اللي كان بينه وبين سلوي وقامت مني وقفت ومسكت ملف كان قدامها علي المكتب وقالت
مدام داليا انا ورايا شغل كتير بعد اذنك لازم اقوم دلوقتي
داليا مسكت ايد مني وقالت
وانا بقول لك قولي اللي تعرفي لان كلامك معايا ممكن يخليني اقدر انقذ جوزي
مني
انا ما اعرفش حاجة
وسحبت مني ايدها من ايد داليا وقالت
بعد اذنك
داليا ضغطت علي اسنانها متغاظة من اللي عملته مني وفضلت تبص ناحيتها ومني عماله تبعد، ،،،،،،،،،
ومن جوة فندق خمس نجوم في امريكا يقعد خيري قصاد فاروق في مطعم الفندق وكانو مستنين نزول الاكل وقت ما فاروق قال
انا خايف اللعبة توسع و الواد يروح فيها
خيري
ما تجمد قلبك يا متر دة احنا بنفذ وصية عبود الباشا وكله الا وصية الميت
فاروق
قال لك خلي بيزنس مان زيك لكنه ما قالكش تودي في داهية وتكون السبب في دخوله السجن في جريمة قتل
خيري
هخرجه منها في الوقت المناسب ما تقلقش عليه وكمان هو اللي بدا لما جه لغاية الشركة و اتحداني وكان عايز يقومني من علي الكرسي اللي عيشت كتير احلم بالقعاد عليه ولا نسيت ان لولا خيري الطباخ الشركة دي كانت هتروح زي اللي راحو انا اللي عملت عبود الباشا وجه الوقت اعيش في خيره
فاروق
يا اخي انا ما اعرفش لية بسمع لك وكمان بصدقك مع اني عارف ان نهايتي هتكون علي ايدك في يوم من الايام
خيري
انا مش قتال قتله علشان اقتلك
فاروق باستهزاء
باين اوي بامارة سلوي
و اخوها محمود اللي قتلتهم في فليتك
خيري
تاني مصمم اني انا اللي عملت كدة طيب والله العظيم تلاته ما انا اللي قتلتهم
فاروق
اومال مين يعني
هنا ظهر عبود الباشا قصاد منهم وقعد علي التربيزة وبص لهم وقال
انا
الاثنين برقو من شدة الصدمة، ،،،،،،،
مين اللي بينادي ايوة يا عمو سحاب جاي اهو
عمو بينادي اشوفكم بكرة بس انتم قولو يا هادي