رواية لكل قلب حكاية الفصل الثالث والعشرون 23 والرابع والعشرون 24 بقلم محمد منصور
وبسم الله توكلت علي الله وهو رب العرش العظيم
ومن جوة شقة وليد يفتح باب الشقة ويزق وليد مليكة بمنتهي العنف لدرجة ان مليكة من قوة الزقة وقعت علي الارض وبص لها وقال
اية. هتقولي اية المرة دي. جاي وراء منك ل غاية العيادة عايز منك اية
مليكة
وليد اهدئة مش لازم تفرج علينا الناس
راح لها وليد وضربها بالقلم وقال
ملعون ابوة الناس كلها. وحشتي ووحشك. كنتي متفقة معه تتقابلو هناك في العيادة صح.
مليكة وهي بتعيط وماسكة خدها
انت مجنون. يعني هاتفق معه اني اشوفو هناك وانا عارفة انك رايح معايا عند الدكتور
وليد
اومال لو مش انتي يبقي عرف ازاي انك موجودة في العيادة وفي الوقت دة
مليكة وهي بتلطم
ما عرفش ما عرفش.
وليد ببصة كلها شك
الحركتين دول مش هيخشوا عليه. سامعه
وضربها تاني بالقلم قامت مليكة وقفت وزقته وهي بتقول
بس بقي بطل ضرب. انا ما عملتش حاجة علشان تضربني كدة
وليد
والوسخ اللي عمال يلف وراكي
مليكة
وانا مالي. ما يعمل اللي يعملو. المهم اني انا ليك انت وبس
وليد
اصدقك ازاي.
مليكة بعصبية
تصدق ولا ما تصدقش انت حر
وسابته وراحت تدخل اوضتها راح ورها ومسكها من شعرها تاني وبدا يضرب فيها بمنتهي الغباوة وهو بيقول
عايزا تعمليها زعله علشان تروحي تقعدي عند اهلك ويخلي لك الجو. يا وسخة
مليكة بصت له بمنتهي التحدي وقالت
انا مش وسخة ولغاية هنا وتسكت وانا ما كنتش رايحة عند اهلي. انا كنت داخلة اوضي. دة بيتي وبيت ابني وانا مش هسيبة مهما حصل علشان خاطر مش عايزا ابني يتولد ويلاقي ابوة في حتة وامه في حتة. لكن لغاية هنا وكل حي يلزم ادبة ولما تهدي نبقي نتكلم. ووقتها هتتحاسب علي كلمة وسخة دي.
وسابته مليكة ودخلت اوضتها والكلمتين دول خلو وليد يحس انه خد قلم سخن علي وشة وبدأ يستعيذ بالله من الشيطان ورمي جسمة علي اقرب كرسي وولع سيجارة وبص لباب الاوضة لما سمع صوت عياط مليكة وبدا يلوم نفسه لكن اللوم ما كنش قد الشك اللي اتولد في قلبه ،،،،،،،،،،
ومن جوة اوضة عز يقعد عز علي سريرة وهو مهموم فتقف قدام منه شهد مراته وبصت له وقالت
من ساعة ما رجعت من برة وانت ساكت يعني
بص لها عز وقال
اصلي تعبان شوية
شهد باستهزاء
تعبان ولا. اللي حصل في العيادة قصر عليك
اتصدم عز وبص لها باستغراب وقال
انتي عرفتي ازاي.
لسة هترد شهد قال
لا. متقاولبش اصله بصراحة سؤال غبي مني. الشيطان جالك وحكي لك علي اللي حصل مش كدة
شهد
شيطان اية
عز
عمر.
شهد
انا ما حدش جالي. دي واحدة ست كبيرة اتصلت بيا وقالت لي جوزك بيتخانق في عيادة دكتور نساء علشان راح وراء. مليكة خطيبته الاوله وجوزها شافو. اية رجعت مراهق وبتجري وراء واحدة متجوزة
عز بعصبية
شهد انا مش ناقصك.
شهد
اعتبرني مليكة واستحملني. ولا انا ما شبهش
عز
ايوة ما تشبهيش. ولا عمرك هتشبهي. عارفة لية لان مليكة مافيش حد في الدنيا دي كلها
شهد بعصبية
يا سلام علي الحب. ولما هي حاجة جامدة اوي كدة كنت اتجوزتني لية
عز بعصبية
غلطة وامي السبب فيها
شهد
واية اللي يخليك تعيش مع غلطة
وراحت ناحية الدولاب وطلعت شنطتها وبدات تلم هدومها فقال عز
بطلي جنان ورجعي الشنطة مطرحها
شهد
انا مجنونه ومش هرجع عن اللي في دماغي. وانا في بيت اهلي هستني وراء طلاقي
عز راح ناحيتها وحاول يهديها وهو بيقول
اعقلي وبلاش تفرجي الناس علينا
شهد
الناس اتفرجت علي جوزي وهو بيتهزا في العيادة من جوزك حبيبته
عز
ما فيش حاجة حصلت في العيادة والشيطان اللي قال لك
كدة كذاب
شهد وهي بتقفل الشنطة قالت
لا. يا شيخ دة انت ما شوفتش نفسك اتعصبت ازاي لما بس جيبت سيرتها
عز
علشان هي برئية
شهد
وانت برئ. وانا غلطة. ولازم تتصلح. انت عمرك ما حبتني وكنت عايشة وصابرا لكن توصل للغلط. يبقي كفاية اوي كدة
وخرجت من الاوضة بشنطتها وهي بتقول
انا في بيت اهلي مستنية ورقة طلاقي. ياريت توصلي بسرعه
وخرجت من الشقة كلها وعز بيقول ل نفسه
خربها عمر وقعد علي تلها. بس والله ل لازم ارجعه المستشفي تاني، ،،،،،،،،،،
وتاني يوم ومن جوة صيدلية عز يقف عز وقت ما دخل عليه وليد وبص له عز وهو مكسوف من نفسه ووليد بيقرب منه وبيقول
لو عايز تقول حاجة خليك راجل وقولها ليا وفي وشي وبلاش اللف والدوران
عز
ماعنديش كلام اقوله غير ان قسما برب العزا. المرتين اللي شوفتني فيهم كانو بفعل فاعل.
وليد
تقصد اية
عز
هكون راجل معاك وهتكلم راجل ل راجل. في الاول اقسم بالله العظيم تاني. مراتك برئية. وثاني حاجة احب انك تعرفها ان في شيطان خبيث. والاسم انه اخوها.
وليد باستغراب
ما تفهمني انت عايز تقول اية
عز
عايز اقول عمر، ،،،،،،،،
من جوة مكتب الظابط اللي بيحقق في قضية محاولة قتل وحيد يقف امين وكان الظابط بيقول
يعني مش انت اللي بعت الواد اللي كان عايز يقتل وحيد
امين
مش انا يا باشا والله. وقولت لك كدة اكتر من مرة
الظابط
وانا مش مصدقك
امين
مش مصدقني ولا ليك كيف يا باشا تقفل القضية تحت اي وضع
الظابط بعصبية
بتقول اية يا ابن الكلب
امين
انا سمعتك بوداني يا باشا وانت بتكلم زميلك. وبتقول له انك ما بتحبش قضية تطول في ايدك واني عيل سوابق ولما البسها ماحدش هيسال ورانا.
الظابط ابتسم بشر وقال
وانا هكون صريح معاك انا فعلا عايز اخلص علشان طالع اجازة وقضيتك موقف لي الدنيا اية يعني لما تاخد فوق قضيتك الاصلية قضية تانية شروع في قتل. هو انت مش كنت عايز تقتله
امين
يا باشا حرام عليك قضية مشاجرة في شارع. كبيري فيها تلت سنين. تتحول ل شروع في قتل. اخد فيها 15 سنة يرضي مين دة
الظابط
يرضيني. انت عيل سوابق وملفك مليان مصايب بجملة المصيبة دي
وطي امين علي ايد الظابط وقال
ابوس علي ايدك يا باشا بلاش تقفلها معايا القفلة دي.
الظابط
ولا. انا مش ناقص قرف. خلصنا
امين
ياباشا دي مشاجرة في شارع وهو السبب دة شتم اختي يعني اسيبة
الظابط ما بصش لي اصلا وقال
يا عسكري
دخل عسكري بص الظابط للعسكري وقال
خدوا علي التخشيبة وجهزوا علشان هيترحل للنيابة
امين والعسكري بيجروا
يا باشا. بلاش افتري الظلم وحش. ورينا مش هيسييك يا باشا
لكن العسكري خرج بي امين من المكتب واتقفل الباب ،،،،،،،
ومن جوة المستشفي المحجوز فيها وحيد كانت نرجس بتلبس وحيد هدومة ومعها نعمه ووحيد بيقول بصعوبه
ل لسة و. وليد ف. في ال. البيت
نرجس
خلينا نطمئن عليك الاول وبعدها نشوف حوار وليد دة
وحيد بنفس الصعوبه بسبب الشلل النصفي
م. ما فيش. ب. بع بعد ين. و. وليد. م. مش ه هيبات. ف. في ال. البيت. و. ه. هيطلع ب. ال حك. الحكومة،،،،،،،،،،،
كانت في نفس الوقت مليكة قاعدة في شقتها بتفكز في اللي حصل واللي هيصحل. علشان تسمع الباب بيخبط راحت تفتح الباب لقيت قدام منها عمر اتصدمت وبرقت وقالت
عمر. انت خرجت امتي من المستشفي
عمر بجنون
خرجت لما حسيت انك فرحتي باللي حصل فيا
ودخل الشقة وقفل الباب وراء منه ورجعت مليكة ل وراء بخوف وهو كان بيقرب منها. وكانت بتقول
عمر. انت اخويا وانا عمري ما افرح فيك مهما حصل.
عمر وهو بيقرب من مليكة
اومال لية سيبتيهم يحطوني من المجانين. لغاية ما بقيت مجنون زيهم.
مليكة
مش انت اللي كنت عايز تقطع ايدك بالموس
عمر وهو بيضحك
صدقتي امين. زيهم. وفرحتي انك خلصتي مني. لكن انا ما بخلص. انا هفضل عملك الاسود يا مليكة
مليكة
لية يا عمر هو انا عملت لك اية. دة انا كنت ديما بقول انك
صرخ فيها عمر وقاطعها قائلا
اني مجنون.
مليكة خائفا
انا ماقولتش انك مجنون. بس انك تكون اخويا وما تفكرش الا في اذيتي. تفتكر دة عقل
عمر
برد لك الدين اللي في رقبتي. زي ما اذيتني اذيتك
مليكة
يا عمر ان،،،،،،،،
هجم عليها عمر وكتم نفسها وقال
العتاب دة بيكون بين اتنين بيحبوا بعض لكن انا مش بحبك مليكة ولا بحب اي حد فيكم. بكرهك ونفسي تموتي بس هترتاحي ودة انا مش عايزة ليكي. علشان كدة فكرت اذيكي في اكتر حاجة انتي اكيد مستنيها
وحط ايدة علي بطنها وهو مبرق وقال
ضناكي
حاولت مليكة تصرخ لكنه كان حاكم قبضتة علي بوقها وكان بيقول وهو بيبص ل بطنها
صحيح الخال والد. بس انا ما حبش اكون خالك
وضربها بمنتهي القوة في بطنها صرخت مليكة صرخة مكتومة وكرر عمر جملة
ما حبش اكون خالك
ومع كل مرة كان بيقول الجملة كان بيضرب مليكة ضربات غبية في بطنها وبدأ دم ينزل منها وهنا اتفتح باب الشقة ودخل وليد شاف المنظر بص له عمر وقال
اوعي تقرب
وسحب مليكة من شعرها وراح بيها ناحية الشباك وهدومها كلها دم وهو بجنون قال
هرميها من الشباك لو قربت خطوة
وليد بص ل مليكة وهو خايف عليها وقال
انت عمر. صح.
عمر بنفس النظرة المجنونة
حكيت لك عني وقالت المجنون
وضربها تاني في بطنها ومليكة بتتوجع وليد قال
لا. يا عمر مليكة اختك بتحبك.
عمر
انا ماليش اخوات
عضته مليكة بكل قوتها في ايدة اللي كاتم بيها نفسها صرخ عمر وشال ايدة عن بوقها ومليكة قالت بمنتهي الوجع
وانا ما حبش يكون ليا اخ زيك
وزقت جسمها عليه علشان يختل توازن عمر ويقع من الشباك وتقع مليكة معه ، ،،،،،،،،،،،،،
ح(24)
لكل قلب حكاية
من تاليفي
محمد منصور. *منص*
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★عضته مليكة بكل قوتها في ايدة اللي كاتم بيها نفسها صرخ عمر وشال ايدة عن بوقها ومليكة قالت بمنتهي الوجع
وانا ما حبش يكون ليا اخ زيك
وزقت جسمها عليه علشان يختل توازن عمر ويقع من الشباك وتقع مليكة معه. لكن مليكة وقعت فوق منه علي الارض واثر الخبطة كلها خدها عمر اللي اغمي عليه في وقتها وبدأ يجيب دم من دماغه ومليكة بصت له وما كنتش قادرة تتكلم. ،،،،،،،،،،،،
وبعدها بشوية ومن جوة شقة وداد كانت وداد بتصلي في اخر ركعه وقت ما سمعت صوت عز ابنها بينادي عليها بلهفة شديدة خلصت صلاة وقالت
تعالي يا عز انا في اوضة النوم
دخل عليها عز الاوضة وهو ملهوف وبيبص لها وبيقول
قومي البسي بسرعه
استغربت وداد وقالت
البس لية
عز
مليكة وقعت من الشباك هي وعمر ونقلوها مستشفي الحسين
وداد بخضة
يا ساتر يا رب وحصل لها حاجة
عز بقلق شديد
الاسعاف جت شيلتهم هما الاثنين. عايزك بالله عليكي تروحي تطمئني عليها وتعرفي لي اية اللي حصل
وداد
اروح بس باي صفة
عز
جارتنا ورايحة. تطمئني عليها
وداد
يا عز ما فيش بينا الود اللي علشانه اروح وراء المستشفي
عز بعصبية
يا امي انا هتجنن واطمئن عليها وياريت ينفع اروح انا. بس ما بنفعش
وداد
وانا كمان ما ينفعش اروح
عز
لية.
وداد
علشان مرواحي ليها معني اني موافقة علي اللي انت بتعمله
عز
واية اللي انا بعمله
وداد
الاولي بانك تطمئن عليها هي مراتك اللي في بيت اهلها مش مرات واحد تاني
عز
انا طلقت شهد
وداد اتصدمت
انت بتقول اية
عز
اللي انتي سمعتي صلحت الغلطة اللي انتي كنتي السبب فيها
وداد بعصبية
لية عملت كدة.
سكت عز وما ردتش فقالت له بعصبية اكتر
ما هي تبقي مصيبة لو افتكرت ان مليكة هتبقي عليك. دي متجوزة
عز
طلاقي من شهد ملهوش علاقة ب مليكة
وداد
لا. لي. انا عارفة ومتاكدة انك معشم نفسك بيها
عز
وهفضل متعشم طول ما فيا روح
وداد
اول مرة اعرف ان ابني غبي
عز
انا كنت غبي علشان مراتي واحدة زي شهد. ودلوقتي شهد دي مش قصتنا. قصتي هي مليكة واللي حصل
وداد
لا. قصتك هي شهد اللي انت طلقتها ما جاش علي بالك قبل ما تعمل حاجة زي دي. انها ممكن تكون حامل منك
عز
واضح ان الكلام معاكي مش هيوديني لاي جديد. انا هشوف اي طريقة تانية اطمئن بيها علي مليكة
وسابها عز وخرج من الاوضة رغم ان وداد كانت عماله تنادي عليه، ،،،،،،،،،،،،
ومن جوة المستشفي يقفو كل اخوات مليكة ومعهم وليد قدام الاوضة المحجوز فيها مليكة بعد ما عرفوا بخبر موت عمر وقت نقلة للمستشفي وكانت شيماء منهارة من العياط وجنب منها جوزها فوزي اللي كان بيقولها
اهدي يا شيماء مش كدة
شيماء وهي مفحومة من العياط
قولي اعملها ازاي دي. عند اخ مسجون واخ مات. واختي حالتها مش عارفين وصلت ل فين
فوزي
امين يستاهل النهاية دي لان العافية والغشومية مش هي الحل لمشاكلنا مهما كانت صعبة. وهو كان واخدها بالذراع
عمره ما حكم عقلة مع انه طيب. لكن غشيم وايدة سابقة عقلة. وعمر بصراحة ما يتزعلش عليه. دة كان عايز يسقط اختك ما سمعتش وليد وهو بيحكي لينا اللي حصل
شيماء
برضو اخويا يا فوزي واحنا اللي سيبنا حالته تسوء لما حطينا بايدينا وسط المجانين
فوزي
بصراحة انا ما حدش زعلان عليه في الحدوتة دي كلها الا الغلبانه اللي جوة دي. وياعالم الدنيا مخبيئة ليها اية تاني
شيماء
كلنا في فترة ظالمنا مليكة.
فوزي
انتو خربتو لها حايتها. الله يسامحكم
شيماء عيطت اكتر وقالت
خلاص بقي يا فوزي بالله عليك انا مش مستحملة
وهنا يظهر الدكتور المتابع ل حاله مليكة واول واحد وصل له كان وليد اللي قال
خير يا دكتور
الدكتور
المريضة بخير لكن الطفل ما قدرناش نلحقة
وليد زعل اوي لكنه قال
الحمد لله
وكلهم قالو زيه وممدوح قال
باذن الله ربنا يعود عليكم بعيل تاني
وليد
باذن الله. المهم انها بخير
الدكتور
طيب نستاذنكم لو حد منكم يروح الحسابات علشان في مبلغ يخص عملية تنظيف الرحم اللي عملناها للمريضة
وليد
اديني بالظبط خمس دقايق اروح البيت وارجع ل حضرتك بالمبلغ لان الحادثة خلتني اجي من غير فلوس
ممدوح
مش لازم تروح في حتة انا عامل حسابي في فلوس
وليد
ورب الكعبة ما حد يدفع مصاريف علاج مراتي الا انا،،،،،،،
ومن قدام باب شقة وليد كان وليد بيحاول يفتح الباب بالمفتاح لكن الباب ما كنش عايز يفتح. استغرب وبص للمفتاح وحاول كمان مرة وبرضو المفتاح ما كنش عايز يفتح خد بعضة ونزل عند امه وبص لها وقال
المفتاح مش عايز يفتح. لية
بصت له نعمه وهي ساكتة وهنا خرجت نرجس وقالت
الكالون اتغير
وليد بعصبية
ومين اللي غير الكالون
هنا يظهر وحيد ويخرج من وراء نرجس ويقول
أ. أنا.
وليد وهو صعبان عليه حال اخوة اللي خرك بالعافية ورغم انا مضايق من الحركة الا انه قال بهدوء
لية يا وحيد.
وحيد
أ. أحنا. ه. هنعيده. ت. ت. تاني. م. مالكش. ع. عيش. ه. هنا.
وليد
يا وحيد حرام عليك اللي بتعمله
بص له وحيد ورجع بص ل نرجس وقال
أ. أنا. م. مش ق. قادر
ودخل وحيد اوضة وساب نرجس بتقول ل وليد
اخوك تعبان بلاش تعصبة زيادة
وليد
هو مين اللي بيعصب مين. دة طردتني من شقي
بص وليد ل نعمه وقال
اية يا امي. هتفضلي قاعدة تتفرجي وانتي ساكتة كدة ما تقولي حاجة.
نعمه
ما عنديش حاجة اقولها
وليد
يعني اية اروح فين انا ومراتي
نرجس
هي لسة عايشة بعد وقعتها من الشباك. دي قطة بسبع ارواح بقي
وليد
نرجس وحيد بيسمع لك كلمي وقولي اللي بيعمله دة ما يرضيش ربنا وخلي يتعظ من اللي حصل له
نرجس
اخوك المرة دي مش هيسمع لي. بلاش انا
وليد
طول عمرك سماوية وعارف ان اللي بيحصل دة علي هواكي لكن لا. دي شقتي ورثي في بيت ابويا وما حدش هيعرف يطلعني منها
وطلع وليد للشقة وبدأ يخبط الباب برجلة وبمنتهي العنف ويخبط ويخبط ل غاية ما الباب اتفتح وما فكرش غير في انة ياخد فلوس ويرجع للمستشفي. ،،،،،،،،،،،
وفي نفس اليوم بالليل تنزل ممرضة عند باب المستشفي وتروح ناحية عز اللي كان قاعد مستخبي جنب شباك قطع التذاكر وقالت
مليكة بخير اطمئن لكن الواد اللي كان في بطنها مات
عز طلع خمسين جنية وحطهم في ايد الممرضة وقال
شكرا جدا تعبتك معايا
ومشي بسرعه من المستشفي قبل ما حد يشوفو وكان مبسوط وزعلان. مبسوط انها بخير وزعلان انه مش قادر يشوفها، ،،،،،،،،،،،،
وبعدها بيومين يقعد وليد قدام مليكة اللي بدات تتعافي وابتسم وقال
الف حمد لله علي سلامتك
مليكة كانت بتعيط وساكتة فقال لها وليد
لو بتعيطي علي ابننا. ربنا هيعوضنا بغيرة. المهم انك بخير
مليكة
الابن هيتعوض. لكن الاخ
فهم وليد هي تقصد اية فقال
اللي يفكر انه ياذيكي وبس. ما ينفعش يتزعل عليه
مليكة
انا السبب في موته. انا اللي قتلته
وليد
وهو قتل ابنك
مليكة
لية يعمل كدة. لية كلمة قولتها وانا عيلة صغيرة تكبر لدرجة تكون السبب انه يموت بسببي.
وليد
خلاص يا مليكة الكلام في اللي فات مش هيرجع حاجة
مليكة
وليد هما دفنوا ولا لسة
وليد
ادفن امبارح بالليل بعد ما خدوا الامانة من المشرحة
مليكة
وانا هخرج امتي من المستشفي
وليد
بكرة باذن الله
مليكة
محتاجة ارجع شقتي وارتاح
هنا بان الحزن علي وليد فلحظت مليكة وقالت
وليد في اية
وليد
مافيش
مليكة
لا في سيرة الشقة خليت وشك يتقلب. اية اللي حصل
وليد
وحيد وداني القسم وخد عليه تعهد وطردني برة الشقة وخد مني الميكروباص. ومش عارف اعمل اية واروح فين
مليكة
لسة الحزن مكمل معايا المشوار وحالف ل يجيب اجلي
وليد
مليكة هو في حل واحد للمشكلة دي كلها ودة اخر كلام تم بيني وبين نرجس. وبامر من وحيد. علشان نرجع نعيش في الشقة تاني وارجع للميكروباص
مليكة
اية هو الحل دة،،،،،،،،،،،،،
ومن جوة شقة وحيد تقف مليكة قدام وحيد وجنب منها وليد ونرجس جنب وحيد. وقالت مليكة
حقك علية.
شاور وحيد علي ايدة وقال
بو. بوسي. ا. ايدي. ي. يا. اخ. اخت. أ. أمين
بصت مليكة ل وليد اللي عينه كانت مكسورة وبص الناحية التانية صعبان عليه اللي بيحصل ل مراته لكن مليكة فهمت انها داخلة علي ايام صعبه. وانتقام وحيد منها بسبب اللي عمله امين في. لكنها قررت تستحمل علشان خاطر وليد جوزها وراحت ناحية وحيد ونزلت باست ايده. لكنة زقها بعيد عنه وقال
غ. غوري. أ. اعملي. ش. شاي.
وراحت مليكة تعمل الشاي. وكانت بتفكر ازاي ايام الذل تعدي علي خير.،،،،،،،،،،