رواية الحب قدر لا خيار الفصل الاول 1 والثاني 2 بقلم غاده عبد الرحمن
وللانتظار طقوس مرهقة كدقات الساعة تدور وتدور بلا كلل او ملل وبلا نهاية
وها هي زهرتنا تذرع الغرفة ذهابا وإيابا في إنتظار مكالمته في كل عام عند دقات الساعة الثانية عشر مهنئا لها بعيد مولدها كما اعتاد منذ احدي عشر عاما ليقطع حبل ذاكرتها تصاعد رنين هاتفها معلنا اتصاله
توليب :الو
- كل سنة وانتي طيبة يا لي لي
= وانت طيب كنت عارفة انك مش هتنساني
- مقدرش انتي الصغنن بتاعنا و زي كل سنة قبل اي حد لازم اهنيكي بعيد ميلادك
= شفوي كده لا لا مينفعش
- وانا انسي برده الصبح هتوصل لحد عندك
= احلي تيمو في الدنيا
ليضحك بهدوء مجيبا
- يا بنتي راعي فرق السن ده انا اللي مربيكي
= متكبرش نفسك كده
- احممم طب يلا تصبحي علي خير
= وانت من اهله
لتغلق بعدها الهاتف و هي تقفز من السعادة في كافة انحاء الغرفة
لتستيقظ في الصباح بكامل نشاطها وحيويتها و باينتسامةواسعة مقبلة علي الحياة لتخرج من غرفتها منطلقة لاسفل ولكنها تصطدم بشخص ما
- ااااااه اااااخ
= مش تفتحي يا توليب كانت النظارة هتكسر
- معلش يا لميس مأخدتش بالي
= كعادتك طبعاااا
- يووه بقي ماشي يا ستي هي دي كل سنة وانتي طيبة
لتضرب لميس جبهتها بيدها
- اوبس نسيت كل سنة وانتي طيبة يا حبيبتي
= وانتي طيبة يا لميس يلا ننزل نشوف ماما وبابا و ......
لتقاطعها لميس وتكمل الجملة بدلا عنها
- وهدية تميم ههههههه صح
لتجيبها توليب وهي تؤكد علي كلامها
= ايوه صح
- والله هو اللي مدلعك زيادة عن اللزوم
= طبعا ما انا الصغنن
وهبطوا معا الي اسفل ووجدوا والدها ووالدتها ينتظروهن علي مائدة الافطار
لتهتف توليب بلهجة مرحة
- يا صباح الحلويات علي السيد عامر و حرمه المصون السيدة سوسن
ليضحكو جميعا علي اسلوبها المسرحي
= صباح الخير يا لمضة ... انا عارف بترمي الكلمة عشان تفكريني بالحفلة بتاعت عيد ميلادك
- لا يا بابا انت كان لازم تطلع ظابط مش جوهرجي والله
لتقاطعها والدتها
= بس يا لمضة كل سنة وانتي منورة حياتنا
- وانتي طيبة يا مامتي
لتوجه حديثها لأبيها قائلة
= طبعا حضرتك عزمت اونكل محسن واونكل يزيد
- اكيد ي حبيبتي انتي نسيتي حمزه كمان ولا ايه
= يووووه يا بابا ده عيل ملزق كده وسخيف وهمجي
- عيب يا توليب متقوليش كده علي ابن عمك
= حاضر يا بابا اسفة
اطال والدها النظر اليها فهو يعلم بتعلق ابن شقيقه يزيد بابنته المشاكسة كما يعلم الجميع ولكن من الواضح انها الوحيدة التي لم تلاحظ هذا الحب.
بعد فترة قصيرة و هم مجتمعون في الحديقة يمرحون و يتسامرون في جلسة لا تخلو من مشاكسات توليب المرحة قطع جلستهم اعلان مديرة المنزل عن وصول طرد ل توليب التي قفزت في سعادة تجري خارجا
ليفسر والدها قائلا :
هدية تميم
- لتؤكد والدتها علي حديثه
= اكييييد .... زي كل سنة مش بيتعب من طلباتها وبينفذها عن طيب خاطر
لتخرج توليب تتبعها لميس ليجدوا صندوق كبييير يحمل علامة دار ازياء عالمي شهير
لتشهق كلا منهما في دهشة وفرح
لتقول لميس
- متقوليش معقول يكون اللي في بالي
= اكيد رنيم قالت له ..... بس استني نشوف الاول
لتبدأ في فك رباط الصندوق وتساعدها لميس .... ليصدق حدسهم لقد رأت هذا الفستان في مجلة للموضة عندما كانت برفقة لميس و رنيم
تهتف لميس بإنبهار
- وااااااو يا لي لي الفستان رووووعة م تقسيه نشوفه لو محتاج تضبيط
= لا انا متأكدة انه مضبوط
- تميم طول عمره ذوق عالي اوي ومحترم
= انتي هتقولي شعر ولا ايه ههههههههه
لتنتبه لميس لما تقوله وما اوشكت علي قوله فهي تكتم حب تميم بداخلها فهي خجولة لاقصي حد و دائما ما تقول انه لن يلتفت لها ابدا و لكن من يعلم قد يكون للقدر رأي اخر. علي عكس من تترجم كل الافعال والكلمات علي انها حب صادق لا مجال للشك فيه قلب واحد وطريقين فأين الملاذ والمنجي
في فيلا يزيد
- طبعا لازم هو يسبقني في كل حاجة و يوصل للكل اني مش مهتم
لتتحدث والدته قائلة
= بلاش نظرية المؤامرة اللي عايش فيها انت و ابوك دي .... طول عمره تميم محترم و بيحب عيلته قبل اي حاجة
- انتي ليه كده .. انا ساعات بحس انك بتحبيه اكتر مني لا مش هو بس كلهم بتحبيهم اكتر مني
= كلامك مش صح لانك انت ابني واي ام بتحب ابنها يكون احسن واحد في العالم .. بس انت بتصرفاتك اللي كلها زي ابوك وبتوجيهاتو و مشورته خلتني احس انك مش ابني اللي ربيته
- انا عندي استعداد اسمع كلام الشيطان نفسه بس اوصل ل توليب وتبقي بتاعتي
= ربنا يهديك يا ابني
وتركته يستشيط غيظا وحقدا علي تميم وصعدت الي اعلي اتجهت الي الشرفة تبحث عن بعض الهدوء و الطمأنينة نظرت حولها لتري ان منزلها (فيلا) يتوسط منازل اشقاء زوجها
علي اليمين تقع فيلا محسن الشقيق الاكبر لزوجها يقطنها هو وزوجته سوسن وبناتهم توليب تدرس فنون جميلة ولميس تخرجت من كلية تجارة انجليزي وتعتبرهم بناتها فلم يمن الله عليها سوي بولد واحد وهو حمزه
وتنقل بصرها الي اليسار فتري فيلا عامر الشقيق الاوسط لزوجها وهو ارمل توفت زوجته وحب حياته بعد ولادة ابنته رنيم بعامين لتتركها هي واخيها تميم بلا أم يتجرعو مرارة فقدها
وها هي هنا زوجه ل يزيد شقيقهم الاصغر ولكنه غيرهم في الشخصية فهو يحب المال و السلطة ولا يعترف بالمشاعر لم يكن هكذا فقد تغير بعد ان فقد جزء كبير من ماله في مشاريع فاشلة حاول ان يتخذها طريقا ليبتعد عن اعمال العائلة ويثبت ذاته.
في الشركة القابضة ل آل المغازي للمجوهرات والالماس
يتهامس العاملين بالشركة في قلق وتوجس
موظف 1 : قول يارب الموضوع يعدي علي خير
موظف 2: يبقي انت متعرفش تميم باشا المغازي الغلطة عنده بفوره
موظف 3: حتما ولابد في حد هيطرد انهارده ربنا يستر
ليصمتوا ويحبسوا انفاسهم فقد وصل نائب رئيس مجلس الادارة تميم المغازي بكامل هيبته واناقته يرتدي حلة باللون الكحلي تتوافق بشدة مع لون عينيه
- ابعتيلي مستر معاذ عندي علي المكتب حالا
= حالا يا فندم
ليستقر خلف مكتبه في انتظار مساعده و صديق دراسته
- ايه يا بني الرعب اللي انت عمله ده .... هبه السكرتيرة كان فاضل تكة ويغمي عليها في ايه
= فايق تهزر وتضحك ... ايه اللي حصل في شحنة الاحجار الكريمة
ليرتبك معاذ مجيبا
- كلها يومين وهتطلع من المينا
= وده ليه ان شاء الله
- في ورقة تبع اوامر الشحن مش عليها امضي
= اتفضل ابعت للموظف المسؤل يجي حالا
ليحاول معاذ تهدئته
- الموضوع مش مستاهل كلها يوم او اثنين و ......
ليقاطعه بشكل حاسم
= حالا يا معاذ
بعد مرور بضعة دقائق
بعد عدة طرقات علي الباب ولجت هبه السكرتيرة الخاصة ب تميم - استاذ سامي بره
= خليه يتفضل
ليهل عليهم رجل قد قارب علي الستون من عمره يتصبب عرقا من توتره
ليبدأ تميم الحديث متسائلا
- ممكن افهم ايه سبب اللخبطة؟
= يا فندم انا كنت في اجازة ورجعت امبارح بس
- والمفروض لما موظف ياخد اجازة الشغل يقف ؟؟ فين التيم اللي ف القسم عندك
= استاذ حمزه كان قلل الموظفين ومش معايا حد حاليا
لينظر تميم و معاذ لبعضهم البعض
ليردف تميم قائلا
- قولتلي بقي.... مخصوم منك 3 ايام و ده بس لانك قد والدي وانا بحترمك ولان انهارده يوم خاص عندي
ليكمل حديثه بصرامه اكثر
بس لو اتكررت فصل نهائي وبدون مبررات
لم يصدق ا. سامي انه قد نفذ منها بدون طرد ليجيبه مبتسما ومؤكدا
= اكييييد اكيييييد شكرا لحضرتك
ويتركهم ويذهب ليحول معاذ نظره الي تميم بنظره لعوب
- امممم يوم خاص يا تري ليه يا تيمو
= ما انت عارف انهارده عيد ميلاد توليب
- يا سيدي عيد ميلاد البرنسيس
= انت عارف توليب بالنسبة الي ايه دي بنتي انا مربيها علي ايدي
- بس متقولش بنتك
= لا بنتي و صاحبتي واختي ههههههه وساعات امي واقفل بقي كلام في الموضوع ده ومتنساش الحفلة بليل
في مكتب يزيد في مصنع ال المغازي
يجلس يزيد وولده حمزه وبينهم نقاش محموم
- انهارده لازم تتصرف و تاخد البت دي تحت جناحك
= يا بابا اسمها توليب و قولت لك اني فعلا بحبها
- بتحبها اشك ..... انت بس عارف انها تخص تميم فهتموت وتاخدها منه و تبقي تحت سيطرتك
لينفي حمزه حديثه ولكن بشك
= لا مش كده
- كده ولا مش كده مليش فيه .... انا المهم عندي فلوسها واللي هيبقي ليها من بعد ابوها
= انت اتغيرت اوي يا يزيد باشا
ليجيبه والده بمرارة وحقد
- اللي انا شفته يغير الحجر ... بعد ما خسرت ورجعت ليهم ذليل وشغلوني معاهم شفقة .. مش هتحس بإحساسي غير لما يتاخد منك اللي نفسك فيه
= ده عمره ما هيحصل ابدا
- هنشوف يا فالح هنشوف
ليسرح كلا منهما في ملكوته الخاص تاركين أنفسهم لألاعيب الشيطان تتلاعب بعقولهم .
الفصل_الثاني💫
لم أرد شئ بقدر ما اردتك وان تكون في قلبي وان تحبني حبا شديدا لا يؤثر عليه لا المسافات ولا الوقت ... فقط ان تكون لي
في منزل عامر تجمع الاهل والاصدقاء لحضور عيد ميلاد اميرة عائلة المغازي المدللة
بعضهم ليشاركو الفرحة والبعض ليغتاب الاخرون او من دفعتهم غيرتهم للحضور
يزيد : امال صاحبة العيد ميلاد فين
عامر: زمنها نازلة يا يزيد انت عارف البنات بياخدو وقت يجهزوا
محسن: عندك حق والله يا عامر و رنيم كمان معاها هي و لميس
لم يستطع يزيد الصمت لينشر افكاره بإحاءات سخيفة
- طبعا بناتنا قمرات و ميطلعوش برا ابداااا
ليرد عليه محسن مستنكرا
= بناتنا احرار يختارو شريك حياتهم بنفسهم احنا ربيناهم صح وده الاهم
ليقطع حديثهم تغير الاضاءة وتسليطها علي الدرج في حين ظهرت كلا من لميس ورنيم في غاية الرقة والاناقة وتبعتهم في الظهور توليب وكأنها تطفو علي سحابة ملكية مرتدية ثوب متعدد الطبقات من خامة التل متدرج اللون من الاعلي ويتلاشي الي الاسفل عاري الكتيفين يتسم بالضخامة من الاسفل ليندهش كل من رأها وتنطلق بعض الصافرات الدالة علي الاعجاب الشديد بهن وتبدأ مراسم الحفل من تهاني و ضحكات و سمر و غناء
- كل سنة وانتي طيبة يا قلب عمك دي حاجة بسيطة كده
= شكرا يا عمو محسن كان كفاية هدية تميم ليه تعبت نفسك
- وانا عندي اغلي منك انتي ورنيم و لميس
= وانا يا توليب مفيش حضن لعمو يزيد
- لا ازاي حضرتك حبيبي برده هههههههه
لتلتفت الي ابيها تمازحه
- وانت يا سي بابا ايه ....... جو الهدايا و المباركات ده مش واكل معاك ولا ايه
= ولد اكييييد كنتي هتبقي ولد
ليضحك الجميع علي حديثه ليكمله قائلا
- اتفضلي احلي عربية لاحلي لي لي وموديل السنة كمان
لتقفز فرحة وتقوم باحتضانه ثم تتجه مسرعة الي الخارج لرؤية سيارتها الجديدة
ولكنها لم تنتبه الي مؤامرة النظرات التي تدور بين عمها يزيد وولده حمزه التي انتهت بإشارة من عمها لولده حتي يتبعها و ينتهز الفرصة للتقرب اليها
واااااو يا عامر بيه ذوقك اتحسن اوي واللون روعة حبيبي يا بابا
ليقطع عليها فرحتها صوت حمزه مهنئا لها
مبروك عليكي يا لي لي
لترد عليه ممتعضة
وانت طيب يا حمزه عن اذنك هدخل لاصحابي
لتفاجئ به يستوقفها ممسكا بذراعها لتستنكر فعلتها و تنتشل يدها من بين يديه بعنف
- انت اتجننت بتمسك دراعي كده ازاي
= انا كان قصدي تستني اكمل كلامي معاكي
- مفيش بنا كلام اصلا ولو كررت الحركة.....
ليقطع حديثها صوت تميم متسائلا بصوت جهوري
في ايه بيحصل هنا ؟؟!!
ليردف حمزه ساخرا
ايووه كملت وصل محامي الدفاع وحامي الحمي وكبيرنا مقاما وسنا
وعندما هم تميم بالرد عليه تدخل معاذ منقذا للموقف ومنعا للمشادة التي اوشكت علي الحدوث
= صاحبة السعادة الصغنن كل سنة وانتي طيبة
- وانت طيب يا معاذ
= انتي هنا يبقي لسه الكيكة متقطعتش .... يلا بينا بقي لاني جعان اوي
وغمز بعينه ل توليب لكي تجاريه في حديثه
- فعلا يلا بينا انا كنت مستنياكو
ودخلو جميعا الي الحفل الذي مر بدون احداث تذكر سوي تبادل نظرات باردة بين حمزه و تميم
😻😻😻😻😻😻😻
في جامعة الفنون الجميلة
- ناوية علي ايه بعد ما نخلص يا توليب؟
= والله لسه مقررتش نعدي السنة دي بس علي خير
لتردف صافي التي تشعر بغيرة مميته من توليب
- اكيد هتشتغل في شركات باباها مش محتاجة تفكير
لتكمل بغيرة واضحة
دول اصحاب اكبر ماركات المجوهرات في الشرق الاوسط
لتؤكد توليب علي حديثها
= وليه لا لو ده هيشبع رغباتي مش هتردد ارتاحي انتي بس ومتشغليش بالك بيا
عندما تعشق شخصا بكل وجدانك لا تقل محبته مهما كثرت اخطاؤه فقد تدركها بعقلك ولكن قلبك يبقي يحبه
عند عودة شاهندا من تسوقها التي تعوض به علاقتها كزوجة وام تفتقد التفاهم و الاهتمام
لمحت عند نزولها من السيارة جلوس رنيم علي احد مقاعد الحديقة شاردة حزينة فطلبت من السائق ادخال الحقائب و اتجهت لتري ما بها فهي تعتبرها كأبنتها
- الجميل زعلان ليه
حاولت رنيم ان تداري دموعها التي كانت تتساقط علي خديها ولكن سحبت يد شاهندا وجهها لتري ما بها
- ممكن اعرف حبات اللولي دي سببها ايه ؟
= مفيش يا شوشو
- منك لله يا توليب كلكو بقيتو تقولو شوشو هههههههه
لتبتسم معها رنيم
= ايوه كده اضحكي و افرحي هاا قوليلي في ايه
- اصل انا كلمت حمزه وهو يعني انا كنت عايزه
= ايووه هو حمزه انا عارفاه دبش زي ....
- زي مين يا شوشو
= متزعليش لما يجي هقرصلك ودانه
- لا يا شوشو بلاش حرام
= حرام !! طيب يا ختي انتي حرة والله ما عارفه بتحبيه علي ايه
- يا شوشو بقي
في الشركة القابضة لـ ال المغازي
في قاعة الاجتماعات يتحدث تميم بثقة و ثبات
- نسبة المبيعات في السنة الاخيرة مش مرضية بالمرة ولازم نصحح الوضع ده
ليضيف معاذ
= لازم نبحث عن اسواق جديدة ولازم نتطور في طريقة العرض والتسويق
- انا عندي اقتراح
نظر الجميع اليها فهي نادرا ما تتدخل في الحديث فهي تحب الاستماع اكثر
- اتفضلي يا لميس سمعينك
لتتنحنح لميس قبل ان تبدأ بالحديث
- احنا هنشارك في عرض ازياء
= ازياء ايه بس يا لميس احنا شركة مجوهرات ولا نسيتي
- لا منستش يا تميم اسمع كلامي للاخر
لتكمل حديثها بثبات تسرد فكرتها
احنا هنشارك في عرض الازياء بالمجوهرات اللي بتكمل مظهر اي سيدة و الازياء هتخدم المجوهرات بأنها تظهرها اكتر واكتر
ليقف معاذ وهو يصقف بيديه
- فكرة ممتازة عبقرية برااافو
لتلتمع اعين تميم بالفخر بإبنة عمه التي اثبتت جدارتها في العمل
= خلاص ادرسي الموضوع و هاتي الملف علي مكتبي
بعد انتهاء الاجتماع و في مكتب تميم
- فكره لميس جباارة يا تميم مش كده
= فعلا يا معاذ متخيلتش انها مركزة كده في الشغل
- هي مش مركزة في الشغل بس
= قصدك ايه يا معاذ
- ولا قصدي ولا غيره دي حاجات لازم تفهمها لوحدك سلام انا رايح مكتبي
في احدي الاحياء متوسطة الحال
تجلس فتاة ترتسم ملامح التصميم والارادة علي محياها
والدتها بصوت كله رجاء
- يا بنتي الله لا يسيئك ... ارجعي عن اللي في دماغك
= يا أمي الشغل مش عيب وانا خلاص قررت وهستلم الشغل بكره
- انا مش مطمنة قلبي مش مرتاح
= كفاية يا ماما كفاية .... ان الاوان اني دلوقتي اعوضك عن كل الشقي اللي شوفتيه بسببي واخد حقي
- انا عمري كله ليكي يا نادين ربنا يحميكي من نفسك ومن كل سوء
في الغرفة الخاصة بمكتب عامر في منزله
- محسن احنا لازم نقرب من يزيد اكتر هو طول عمره طايش
= هنعمل ايه اكتر من كده يا عامر ... اخد ورثه و بعد عنا وجازف وتاجر وخسر
ليستطرد بعد ذلك
وقفنا جنبه و انقذنا اللي قدرنا عليه من فلوسه و كمان مسكناه المصنع كل ده وهو لسه زي ما هو مش عارف طالع كده ليه
ليردف عامر
- حتي مراته مسلمتش منه هي مش بتقول حاجة بس انت عارف سوسن دايما بتحس بيها و بعمايله ونزواته بس صابرة عشان خاطر حمزه وعشان خايفة تفقدنا احنا كعيلة مع بعض
بس في الاول والاخر اخونا لازم نقف جنبه ومعاه لحد ما يتصلح حاله
يجلس في صومعته التي لا يجرؤ احد علي الدخول اليها سواه هو فهي ملجأه و ملاذه من كل الضغوطات و الاعباء هنا فقط يكون علي طبيعته يمارس هوايته المفضله بالاضافة الي الصيد هنا يطلق العنان لمخيلته ويده ليرسم ما يجول بخاطره لتخرج من تحت يديه قطع فنية تخطف الانفاس يتم تنفيذها لتكون قطعة مجوهرات فريدة المعني والشكل ولكنها تظل في نظر الجميع مجهولة المصمم فهذا هو سره المخفي بين ضلوعه
تجلس في غرفتها تتصفح الانترنت علي حاسوبها المحمول بعد ان انهت اعمالها واصبح الملف كاملا لتقدمه ل تميم في الصباح بكل زهو فهي علي كامل الثقة ان هذه خطوة فارقة في تاريخ الشركة ولكن ما يشغل بالها كيف سيكون رد فعل تميم فكل مناها ان تكون عند حسن ظنه بل واكثر ... لقد انضمت للعمل في الشركة ليست لانها فقط شركة العائلة بل لتكون بالقرب ممن ملك فؤادها ولكن خجلها و تحفظها يمنعها من البوح بمكنونات صدرها
في منزل اقل ما يقال عنه انه ساحة لممارسة اللهو والعبث في كل ركن من اركانه زجاجات فارغة من مشروبات مسكرة تكاد من الدخان المتصاعد من احتراق السجائر ان لا تري من يجلس بجانبك
يجلس كالاسد في عرينه يعاين فرائسه بعين شبه مقفلة
ايه يا زوووما مش في المود ليه يا بيبي؟
بقي انا حمزه المغازي ترفضني حته عيلة لا راحت ولا جت
ليقف وهو يترنح يكمل حديثه البغيض كرائحة أنفاسه
والتاني اللي راكب عليا في كل حاجة ومكوش علي فلوسي وفلوس ابويا تميم باشا المغازي
اووووه بس تميم بيه جان اوي في نفسه وكل البنات تتمناه
ليجذبها من يديها بقسوة وعينيه تشتعل غيرة وغضب
بتقولي ايه يا حلوة
بقول ان تميـ .....
لم تكمل حديثها عندما بدأ يكيل لها الصفعات واحدة تلو الاخري حتي فقدت الوعي
ليتركها وهو يشعر بلذة التفوق المزيفة التي يشعر بها كل مريض تسول له ضرب النساء