رواية بيت جنب المقابر
الفصل الخامس5
بقلم دانيا
اول ما وصلنا قصاد المقابر المره دخلت جوا ، انا هنا خسمي كلو نمل وحسيت بأطرافي بقت باره.
وقفت وقعدت اعاين وانا ميته من الخوف قلت المره دي جاية المقابر مع الوقت دا ليه بعاين فيها طوالي اختفت بعد وصلت لنص المقابر ، انا هنا بقيت ارجف ياسبحان الله المره كيف اختفت في نص القبور .
احس ليك بيد مسكتني من كتفي طوالي بقيت اصرخ من دون ما اتلفت ، قلت خلاص انتهى امري، اسمع ليك صوت بقول لي آيه مالك واقفه هنا يابت المطلعك في الوقت دا شنو قلت الصوت دا م غريب علي تاني اتزكرت دا صوت البراء اخوي اتلفت عليهو شفتو ياداب حسيت نفسي بأمان .
قال لي مالك يابت في شنو قلت ليهو وانا جايه المغرب اذن لي في الشارع في مره ماشه قدامي قلت الحق امشي معاها قبل ما اصل المقابر لأني بخاف ووقت قربت ليها بقيت ماشه وراها اول ما وصلنا المقابر دخلت جوا ووقت وصلت نص المقابر اختفت فجأة.
بحكي ليهو وانا مقبله على المقابر وبشرح ليهو كيف المره خشت جوا وبعدين اختفت ، وقت رجعت عاين ليهو لقيتو اختفى لقيت نفسي واقفه براي وبأشر زي المجنونه، انا هنا خلاص لو جاء زول قرصني نقطة دم م بلقاها فيني فتحت عيوني كبار وبقيت بعاين حولي الظلام بدأ يسد كل المكان والمكان صاني ومافي غيري انا والمقابر شويه واشوف ليك زول جاء طلع من وسط القبور ومع الظلام م مبين غير هيكل الجسم مبين انو هيئة انسان وجاي ماشي علي دقري ، وانا من الخوف ح النفس بقيت م قادره اتنفس.
اغمى علي في محلي ، وقت فتحت عيوني لقيت نفسي مرقده في السرير في بيتنا وامي واخواتي وابوي قاعدين ، بقيت اعاين ليهم واحد واحد قلت ليهم حصل شنو قالوا لي نحن راجنك انتي تصحي وتقولي لينا الحاصل شنو وكلهم بعاينوا فيني مستغربين ، امي قالت لي انتي البوديك المقابر بالليل دا شنو؟.
بقيت اعاين ليها بخلعه قلت ليها المقابر؟ اسراء قالت لي في ناس جابوا جنازه المقابر للدفن ولقوك راقده في نص المقابر بين القبور قايلنك مقتولة ورامينك في المقابر اتحسسو نبضك لقو شغال ، ودوكي الجامع عاوزين يزيعوك بالصدفه ابوي شافك قال ليهم دي بتي وجابوكي البيت .
انا بسمع في كلامها دا ومصدومه انا الوداني جوا المقابر شنو؟ حكيت ليهم الحصل واخر شيء وقت شفت الزول الطلع من المقابر تاني م بتزكر شيء.
ابوي قال لينا يمكن دا من الخوف م اكتر بقيتي تتخيلي لانك كن