رواية كيان والشيطان الفصل الثامن 8 بقلم محمد منصور
بسم الله توكلت علي الله. وهو رب العرش العظيم
وزق حسن طارق بعيد عنه ووقع طارق علي الارض من قوة الزقة اتخبط في دماغه ونزل فاقد الوعي وحسن زي المجنون يولع ازازة وراء ازازة ويرميهم جوة الشالية وفضلت اصرخ واصرخ والنار بتاكل كل شبر في الشالية لغاية ما حرقت باب الاوضة ودخلت الاوضة وحسيت ان الموت في الوقت دة ما فيش اقرب منه. لكن في اللحظة دي لقيت مفتاح صغير بيترمي من ازاز اوضة النوم وحد واقف وراء الازاز وبيشاور لي علي القفل اللي في الطوق الحديد اللي انا مربوطة في رجلي قولت له
انت مين
لكنه شاور ليا بعلامه معنها السكوت وشاور تاني علي القفل وهو بيبص للمفتاح في الوقت دة باب الاوضة كان وقع علي الارض بسبب النار اللي كلته وصرخت ولقيت نفسي بمد ايدي ناحية المفتاح بسرعه وبفتح القفل وتتحرر رجليه من الطوق وبص لي الراجل دة وشاور ناحية ازاز الاوضة اللي كسره بايده لدرجة ان ايده بدات تجيب دم والاشارة بتاعته كانت معنها ان مافيش مخرج ليا الا الشباك دة فروحت ناحية الشباك وخرجت منه وهو ساعدني وروحنا ناحية موتوسيكل في ظهر الشالية كان داير وركب الموتوسيكل وبص لي وساعتها اتكلم وقال بصوت واطي
اركبي انتي مستنيا اية
قولت
مش اعرف انت مين. الاول
قال
نبعد عن الشالية وهقول لك انا مين
كيان
تاني اصدق بني ادم تاني
الراجل
مافيش وقت للرغي دة. انا لو عايز اذيتك كنت سيبتك للنار تاكل لحم جسمك
كيان
ما انت ممكن تكون بتلعب عليه لعبه جديدة
نزل ما فوق الموتوسيكل بتاعه وهو عصبي وبيقول
انت باين عليكي غبية وهتودينا في داهية
وضربني بكل قوتة لكمة في بوقي خلتني اقع من طولي ما حستش بالدنيا، ،،،،،،،،،،،،
وفي نفس الوقت ومن قدام الشالية كان حسن واقف زي المجنون بيبص للنار اللي بتاكل الشالية وشايف اثنين جوة بيتحرقوا من وراء ازاز الشباك وبدا طارق يرجع له وعيه وبص للنار اللي بتاكل في الشالية وقام بصعوبه وراح ناحية حسن ومسكة من لايقة القميص وقال
انت مجنون. ولو بنتي طلعت في الشالية هيبقي بموتك يا حسن
لكن حسن ما بيردتش وفضل باصص للنار وهنا بص طارق للنار وشاف الاثنين اللي بيتحرقو وقال
ازاي في اثنين يتحرقوا ويفضلو واقفين كدة
حسن
دول حتي ما حاولوش يهربو من النار ويخرجوا من الشالية
وحتي الكلام.بيتكرر.
وفعلا كان بيتكرر جملة بصوت عفاف
ما تعرفش يا اسلام انك بحبك قد اية
اسلام
انا اللي بحبك وقد الدنيا دي كلها
فيسمع طارق الجملة ويقول لحسن
يبقي دة ملعوب وانت وقعت في.
فيروح حسن ناحية باب الشالية والنار بتاكل في فيمنعه طارق وهو بيقول
انت رايح فين.
حسن
هدخل اشوف بنفسي النار بتاكل مين
طارق
هتدخل وسط النار علشان تتحرق بيها
حسن
مش مهم. بس اعرف الحقيقة
وخبط حسن الباب برجله ولمح تمثالين النار ماسكة فيهم وجنب بواقي كاسيت النار بتحرقة والكاسيت كان بيكرر نفس الجملة.
ما تعرفش يا اسلام انك بحبك قد اية
اسلام
انا اللي بحبك وقد الدنيا دي كلها
اضايق حسن بشدة والغضب اتملك منه وضرب اول شئ قابلة برجله وطارق قال له
اهدئة وخلينا نفكر صح ونعرف اخرتها اية الحكاية دي
حسن
مش دة العراف اللي انت بتحكي وتتحاكي بي
طارق
مش وقت عتاب وخلينا نفكر صح ونعرف ازاي نوصل لطريق اسلام دة ،،،،،،،،
وفي نفس الوقت ومن جوة شقة متوسطة وعفشها تقريبا مش موجود كان اسلام قاعد قدام امة سميرة وبياكلها. وكانت سميرة رجعت لشكلها الطبيعي بعد ما خلعت ماسك عفاف وهنا يسمعو صوت خبط علي باب الشقة فيبص اسلام للباب فتقول سميرة
اوعي تفتح ليكون ابوك. عرف اننا رجعنا الشقة وجاي يخلص عليه
اسلام
متخافيش ابويا ما يقدرش يجي هنا بعد المحضر اللي عملته لي في النيابة
وقام اسلام وفتح الباب علشان يلاقي قدام منه عفاف وهدير فيبص لهم ويقول
كان قلبي حاسس ان انتم
عفاف
طيب اية هنفضل واقفين علي الباب
هدير
يمكن خايف ندخل ونعرف ماما سميرة حقيقته.
عفاف
اية دة هو لسة معرفها انه ما انطردتش من كلية الطب بسبب انه اتحرش ببنت العميد. ولا مقلهاش انه استغل انها عمياء ولبسها وشي وخلاها تساعدنا اننا نجنن كيان.
هدير
ونسيتي يا ماما. انه ركب لها شريحة في زورها وخلي صوتها بالظبط نفس صوت عفاف. بس عادي بقي. ما احنا هندخل ونعرفها
وتحاول هدير انها تدخل الشقة لكن اسلام يمنعها ويقول لها بصوت واطي لكنه حاد
لو رجعك خطت جوة الشقة هتكون بموتك انتي وامك
عفاف
اوعي تكون فاكر يا روح امك اننا جائين نتمحك فيك.
اسلام
اومال جائين هنا عايزين اية. انا قولت لكم اخر شغلي معاكم حوار كيان وخلاص الحوار خلص
هدير
مخلص. في واحد هرب كيان
فيفرح اسلام ويقول
الحمد لله.
عفاف
اية انت هتعمل فيها لسة عارف. انطق وديت كيان فين
اسلام
انتي في اية في دماغك. انا كنت لسة معاكي من ربع ساعه علشان برفع فيديو الشالية وهو بيولع. هلحق اروح الشالية واهربها طيب امتي وازاي
عفاف
هو حد قال انك انت هربتها بنفسك. انت بعت اللي يهربها
اسلام
هو رمي جتت وخلاص. انا ما هربتش حد
وفي الوقت دة تقف سميرة وراء منهم وتقول
اسلام انت بتكلم مين دة كله
اسلام وهو بيبص لامه وبيقول
ناس تاهين في العنوان بس خلاص وصفت لهم
ورجع بص لهدير وعفاف وقال
وهما ماشيين
هدير وهي بتبص لسميرة وبتقول
بصراحة يا ماما الحجة عليكي ابن في الوصف ما يتوصفش بس لو طلع المرة دي بيوصف غلط هنرجع بس المرة دي هنسالك انتي
اسلام بصوت واطي
العنوان يعرفه واحد رابع. العراف لية ما يكنش هو اللي هربها ماهي حبيبة القلب وما يقدرش يستحمل يشوفها بتتحرق
انصدمت عفاف وسابته ومشيت ومن بعد عفاف بصيت هدير لاسلام وقالت
لو بتحبها خاف عليها مني. علشان وحياة اللي بينا احزنك عليها. يا قلبي
اسلام بلامبالاة
الحقي امك.
هدير باستهزاء
هلحقها. بس الحق انت نفسك قبل ما العراف يعرف انك انت جوزي من غير ماذون. يا قلبي
وتسيبة هدير وتمشي واسلام يبص لها بنرفزة مكتومة ويقول في سرة
لسة 15 سنه. والشر عندها ملهوش حساب. بس هو دة اخرة الحرام اللي كبرت وسط منه ،،،،،،،،،،
ومن داخل كلية طب المنصورة يقف طارق ومعه حسن قدام موظف من موظفين شئون الطلبة وبالفلوس طلع ملف اسلام وقال لهم الموظف
الشهادة لله الدكتور اسلام دة كانت الدفعه كلها بتحلف بي وباخلاقة لكن مرة واحدة سمعنا انه اتحرش ببنت العميد ومن بعدها الدنيا اتقلبت واترفت
حسن
مش مهم عندنا قصة حياته المهم عنوانه
وفعلا اداهم الموظف العنوان وحسن وطارق كانو ناويين لاسلام علي الشر، ،،،،،،،،
ومن جوة مخزن معرفش بتاع مين بدات افوق ولقيت نفسي وسط حوالي 40 جهاز كمبيوتر وكلهم متوصلين بشاشات اصغر شاشة 32 بوصة. بصيت للمكان دة وموقع العراف اللي بيعرض كل الاحداث اللي عديت بيها في مقاطع فيديو. كل اللي حصل من اول رجوع حسن من ايطاليا متصور صوت وصورة بدات اتفرج وانا هتجنن ومش فاهمه اية المكان الغريب دة واية العراف دة. ولقيت تعليقات المتابعين. اللي كاتب
★عايزين نشوف كيان وهي بتتجوز حسن ★
★عايزين نشوف كيان وهي بتجنن ★
★الموت لكيان اللي كانت السبب في ان حسن يقتل
عفاف ★
تعليقات كتير وكلها طلبات لا دي اوامر واللي بيطلبو متابعين الموقع دة هو اللي حصل لي وحصل لطارق وحسن. اية العالم دة انا وقعت فين بقعه وحل انكتب عليه اغرق فيها وغصب عني لقيت نفسي بعيط وفهمت اني كنت مجرد عروسة بتتحرك من فوق باحبال علشان تبسط شوية مجانين بيتفرجوا ومبسوطين بالعذاب والوجع اللي كنت فيهم. وفي عز ما انا بتفرج علي العالم الوسخ دة سمعت صوت اسلام بيقول
انا اللي هربت وجيبتك هنا علشان افرجك علي الحقيقة
بصيت لاسلام وانا مغلوله منه لكنه كان بيقول
ايامك اللي فاتت كانت ملك للي بيدفع ثمن عذابك زيك زي غيرك من اللي موقع العراف بيستغل حكايته علشان يمتع المتابعين بتوعه
كيان
وانت بقي العراف اللي بيحرك الدنيا دي كلها. وبيخلق الالم والعذاب لكل فريسة تقع تحت ايده
اسلام وهو بيقرب مني قال
انا مجرد هكر خدام بالايجار. اللي يقبل الرسالة اللي ببعتها لي بيكون موبيلة والكمبيوتر بتاعه وكل حساباته تحت ايديه وبسجل له كل اللي انا عايزه يتسجل وكمان اقدر اشغل كاميرة الموبيل واصوره وقت ما حب
كيان
وترجع تستخدم كل اللي عرفته ضده
اسلام
بالظبط. وأتنبأ له بكل اللي هيحصل بعد ما حط كل الظروف اللي تخلي يوصل للي انا عايزة
كيان
وتصوروا الضحية وكل المشتركين في الموقع يتفرجوا صوت وصورة علي اللي بتموت بالبطئ
اسلام
اللي عندنا في الموقع اغني ناس في الوطن العربي كلهم معاهم فلوس ملهاش اخر بيحبوا يتفرجوا علي الوجع ويتمتعوا بعذاب غيرهم. تخيلي ان في اللي دفع للعراف
5 مليون جنية علشان انتي تموتي محروقة
كيان باستغراب
وهو يعرفني منين علشان يدفع مبلغ زي دة في موتي
فيضحك اسلام ويقول
ولا عمره شافك الا في الفيديوهات. لكنه شاف ان متعته مش هتتحقق الا ب موتك
كيان
دة انسان مريض. اللي يتمني موت واحدة مايعرفهاش ويدفع الرقم دة كله.
اسلام
كلهم كدة. مرضي
كيان
بس انا عمري ما قبلت رساله من حد غريب ازاي موقع العراف قدر يوصل لي
اسلام
علشان العراف وصاحب الموقع دة كله اقرب واحد ليكي وهو اللي رباكي
اتصدمت وقولت
تقصد مين. بابا طارق. ولا حسن
اسلام
واحد منهم عرفت ان كان حاله علي قده وبعد كدة الفلوس بقيت معه من غير حساب
كيان
بابا وحسن دنيتهم في الاول ما كنتش مظبوطة
وخرج اسلام موبيلة وفتح صورة علي موبيلة وقال
دة العراف اللي خطط ورسم وخلاكي تعيشي ايام العذاب بالاتفاق مع عفاف وهدير
ومد ايده بالموبيل ناحيتي وانا كنت حاسة ان ايديه مش عايزه تطاوعني امسك الموبيل لكني جمعت اعصابي او اللي فاضل من اعصابي ومسكت الموبيل من اسلام وبصيت للصورة وكانت صورة لي ،،،،،،،،،،،،،،
تتوقعوا صورة مين. وبعد ما وصلنا للحلقة قبل الاخيرة. مين الشيطان اللي قلب حياة كيان كدة.
1. الشيطان اللي زين ليها حب حسن مع انه جوز خالتها واللي رباها.
2. حسن اللي طاوعها في الحب دة وعشمها
3. اسلام. مع انه صلح غلطته ومسبهاش تموت لكنه برضو ساعه عفاف وهدير
4. طارق. اللي وافق بسهوله علي جوازها من حسن علشان بس العراف قاله كدة.
مستني اجابتكم. قبل ما نعرف مين هو العراف