رواية ضحية فرعون الفصل الثالث والثلاثون 33 بقلم منه محمد
في القربه
بسيمه: مكنتش اتوقع ان امير يبقي متعالي كده, مسكينه بنتي ع عيني اسيبها ليله امبارح
مرزوق بضيق: كانت جوازه سوده لما وقعنا فيه مفكر نفسه همنا فلوسه وبس, وهو ولا حاجه
بسيمه: ازاي بنتنا هتقدر تكمل وتعيش مع واحد زي ده
مرزوق: تلفونك بيرن
بسيمه اخدت الموبيل من ع التربيزه وقالت: دي ايمان بتتصل ع ذكر سيرتها ــ ردت ــــ السلامو عليكم
ايمان : وعليكم السلام يا ماما انتي كويسه وحاليا فين, اتصلت بيكي كذا مره امبارح , بس معرفتش اوصلكم فضلت قلقانه
بسيمه: احنا في البيت, امبارح البطاريه فضيت ومكنش معايا شاحن , وبالصدفه لما مشينا من عندك لقينا عربيه جنب بيتك ركبناها جابتنا ع البلد , الحمد لله لقينا مواصله
ايمان :الحمد لله انكم في امان وبعتذر عن الي حصل امبارح ارجوكي متكرهنيش انتي وبابا انا بحبكم اوي مش عايزه اخسر رضاكم
بسيمه : عدت يا ايمان واحنا مش بنلومك ابدا ,,احنا بنحبك وراضين عنك, المهم دلوقت اننا عايزيك سعيده واسمعي كلام جوزك وطيعي اوامره
ايمان بدموع كتير: امير بقي انسان عاق يا ماما , حتي مش بيحترم ابوه وامه انا حاسه اني مقهوره اوي منه
بسيمه: فاهمه يمكن عنده مشاكل كتير والي قاله من غير ما يقصد,, ايمان اصبري عليه جنتك عند جوزك , متبقيش عاصيه بسببنا وبخصوص ابوكي اطمني هتكلم معاه بعدين وهيهدا والموضوع هيعدي
ايمان : بلغي سلامي لبابا ومتقولوش حاجه خالص لـ ايمن , خايفه يروح يتخانق مع امير
بسيمه: ايوه ابوكي قال منحكيش حاجه , والا ايمن يروح يمسك فيه
ايمان : ده الي قلقانه منه, ايمن هيتعصب لو عرف ان امير مش احترمكم
بسيمه: اطمني, انتي اهتمي بنفسك ,ومتفكريش كتير مهما حصل واجب علينا نحترم راجلنا
مرزوق بصوت عالي : واحنا هنحترمه يا ايمان لو احترمك , بس يمين بالله لو غلط في حقك لاكله الطين
بسيمه: بس متقولش كده ايمان هتزعل , خلاص يا بنتي اقفلي وخدي بالك من نفسك وعيالك سامعه
ايمان بهدوء: حاضر يا ماما , مع السلامه
................قصص منه محمد كاتب...............
قاعد في مكتبه في حيره وقال: مش يمكن جيجي هي الزوجه الانسب ليا طيب وايمان , هو انا ممكن اتخلي عنها
اكرم فتح الباب وبصله وقاله وهو بيقعد قدامه: واضح انك غرقان في افكارك
امير اتعدل وقاله: ده الامر الطبيعي , حياتي كلها مشاكل كتير
اكرم: المشاكل دي من صنع ايدك
امير: ليه طلبت تشوفني عندي شغل كتير لازم اخلصه
اكرم بحكمه وعقلانيه: انت مركز كتير ع امور الدنيا براحه ع نفسك, حاول توازن بين امور الدنيا وامور الاخره , وتسمع نصايحي الايجابيه
امير : وانا نصيحتي ليك تقعد ساكت احسن , انت بتتكلم كلام اهبل اكنر من كلام نافع , عارف كده
اكرم ابتسم : اوكيه , اوكيه واضح ان شغلك دايما معصبك , اسمع ابوك تعبان ومتوتر , ووالدتك مصممه اقولك لازم انتم الاتنين تتصالحوا
امير : انت بتحسسني اني عيل قاسي وجاحد , وكاني مش مهتم ابدا بأبويا وامي , هما اهلي مش اهلك , انت ليه حاشر مناخيرك
اكرم: لاء انا
امير قطعه : عارف امي بتدفعني اصالحه بس هسألك سؤال هو الراجل العجوز ده مش قلقان عشاني , هو سال عني , لاء مسألش
اكرم: امير هو اب في النهايه , هو كاتم مشاعره لنفسه , بس هو ساكت لانه عايزك تتعلم من اخطائك , حتي في صمته لسه بيدعمك
امير: يدعم انت كوميدي, الراجل ده لو فعلا بيدعمني كان ده حصل من بدري مش دلوقت , كان فين لما كنت عايش في شقه في حاره وبطارد ممدوح كان فينه جه وساعدني ووقف جنبي اي اب ده
اكرم: افتكر ابوك سدد كل ديون شركتك الي بأسمك , والا كانوا اعضاء مجلس الاداره جروك للمحكمه بتهمه خيانه الامانه, لولا وقفته كان زمانك مشرف ع البورش
امير: للسبب ده قولتلك سابق ان احسن لك تسكت انت وعادل بتفكروه زي بعض شايفين كل الي بعمله غلط, انتم الاتنين ع اتم استعداد تشفوني وحياتي بتدمر بسبب الغلط البسيط الي عملته وبسالك انت وهو عمركم ما غلطوا ابدآ
اكرم: راجع نفسك لو مش قادر تسامح نفسك وابوك مش هتقدر تتخلص من غضبك الي في دماغك متسيبش نفسك الغضب وانفعالتك تسيطر عليك في يوم من الايام كل شئ في حياتك هيختفي
امير : تمام روح اتكلم معاه لو عايز نتصالح معنديش مشكله , يجي ونتواجهه ويتكلم قدامي مباشره
اكرم بصله لمده دقيقه وهز دماغ بيأس وقام مغادر المكان
..................قصص منه محمد كاتب..............
قاعده ع سجاده الصلاه ورافعه ايدها لفوق برجاء ملح: يارب ياكريم اسمع مني والله انا راضيه بأبتلاءك وطالبه منك الصبر والقوه والتحمل احفظ بيتي من شياطين الانس ودخل السعاده علي حياتنا
امير فتح الباب ودخل لقاها بتصلي لف عشان بمشي
ايمان قامت: امير
امير وقف مكانه: نعم
ايمان نزلت دموعها : انا اسفه اني اتعصبت عليك , وع كل تقصيري سامحني , اوعدك من اللحظه مش هجادل معاك تاني , وهسمع الكلام
امير بهدوء: خلاص كفايه مفيش داعي تعيطي انا مسامحك , بس متعصبنيش تاني بعد كده , مش بطيق النوع ده من الناس
ايمان ابتسمت ابتسامه بسيطه: حاضر واوعدك ابقي احسن زوجه ليك اوعدك ـ جات تضمه ــــ
امير بعد عنها : رايح اخد شور
ايمان كتمت وجعها وقالت :حبيبي
امير: نعم
ايمان :سبني احضرلك العشاء
امير: لا مفيش لزوم اكلت , انتي ارتاحي انا راجع تعبان
ايمان خلته دخل التوالت وطلعت قميص كحلي طويل ولمت شعرها كحكه لفوق كان خرج بيجفف شعره بالفوطه وقعد ع السرير
ايمان قربت منه : تعال انشفلك شعرك
امير: خلاص نشفته
ايمان: مش كنت دايما تطلب مني انشفلك شعرك سبني اعمل ده انت بس ارتاح
امير شد منها الفوطه وحدفها وقال : خلاص عايز ارتاح وانام
ايمان: طيب سبني اعملك مساج ع جسمك قبل ما تنام مسكين بتشتغل ليل ونهار كل يوم بشوف التعب ع وشك
امير من كتر التعب غمض عيونه وهي فضلت تعمل مساج لكن ايدها وقفت
امير فتح عيونه وبصلها: في ايه مالك
ايمان حاطه ايدها على جبهتها وتفركها بتوتر بالزيت : اسفه هعملك تدليك بعد شويه حاسه بصداع فظيع
امير : ليه فجأه ريحه ابو فاس ظهرت, كنت خلاص بدأت احس بالهدوء واستعيد صفا ذهني ـ وهو بيسحب مخده ــ ازاي هنام كده يالله ريحته مزعجه
ايمان لنفسها : من امتي بدأ يكره ريحته للدرجه ......معقول لان شاهيناز وجيجي مش بيحبوها .......عشان كده هو مش بيحبها دلوقت
ايمان سمت بالله ونزلت لقته راقد تحت ع الكنبه وحاطط دراعه ع عينه
ايمان: امير
امير رد وهو صادد بوشه عنها كأن وشها مشوه او فيها حاجه مش قادر يبصلها وقال : في ايه تاني
ايمان: حبي غسلت وشي وجبيني , وحطيت برفان اوعدك مش هحطه تاني وانت جنبي اوكيه ,يله اطلع نام فوق ,,النوم ع الكنبه هيتعب جسمك, يله حبيبي
امير شد ايده منها بحده: مفبش داعي تسحبيني , هو انا عيل صغير
ايمان في سرها....اصبري يا ايمان اصبري
امير دخل حدف نفسه ع السرير وغمض عيونه وايمان راحت ترقد جنبه ولزقت جسمها في جسمه
امير قام بنزعاج : وبعدين في الليله دي بقي ممكن تنامي بعيد شويه , الي في بطنك بيتحرك هو صعب انام وبعد كدا البسي هدوم تقيله , مش لازم قميص نوم
ايمان : كنت بتضايق لما انام جنبك ببجامه , وكنت بتحب القميص ده عليا وقلت انه جميل , ليه كرهته الليله
امير بدون نفس: هو انتي عايزه ايه , انا مضايق خلقه وانتي عارفه انا مش طايق الطفل الي جواكي مش بحبه , تقومي تقربيه من دهري حاجه تقرف هو لازم اهينك واصرخ في وشك عشان تفهمي
ايمان عيونها اتملت بدموع كتير
امير: هترجع تعيط ع امر تافه ده الي كل الي تعرفيه ابنك يضربني في دهري وهي تعيط ليه عايزه تحضنيني مشغوله في رغبتك تحضنيني
ايمان حطت مخده ما بينهم ورقدت وحثت بطنها وقالت جواها: انا بحب ابني واخواته كمان بيحبوه
..................قصص منه محمد كاتب..............
في المكتب قاعده تنفخ بملل
امير: مالك بتزهقي بسرعه كبيره, لتملي مني بعدين بنفس السرعه
جيجي وهي بتقوم من ع الكنبه الجلد رايحه عليه: نو , مش هيحصل ابدأ مش همل منك كل يوم حبي ليك هيزيد بقوه انت الي مش بتحبني
امير: وعرفتي ازاي اني مش بحبك
جيجي: اوكيه لو كنت بتحبني ليه مخطبتنيش لحد دلوقت مش طايقه اصبر اكون مراتك عايزه اعيش معاك
امير: جيجي انا راجل متجوز وعندي اولاد وانتي لسه شابه صغيره دوري ع راجل عازب مش واحد عنده جبل مشاكل
جيجي: هو مش مسموح ان الراجل يتجوز اربعه معنديش مانع ابقي ضره
امير هز دماغه برفض قطعي: جيجي مينفعش خالص الي بتقوليه
جيجي: شوف رغم انت متجوز وعندك اولاد بس لسه شاب وسيم وكرشك من كبير عجبني
امير ضحك اوي: ايه ده , طب بس بس بصيتي ع بطني نكته انتي ياجيجي
جيجي سحبته من ايده : كده طيب يله نتغداه سوي
امير :هنروح فين
جيجي : مفاجاه يله بينا
..................قصص منه محمد كاتب............
في المول
ايمان: يامن هشتريلك سندوتش شاورما عشان عايزه اجيب اخواتك من المدرسه مش عايزه اتاخر
يامن: اوكيه يا ماما
ايمان: تمام يله بينا
حاتم مقرب عليهم بأبتسامه: ايه الصدفه الحلوه اوي دي
ايمان بضحكه: مين حاتم بتعمل ايه هنا؟ّ
حاتم بمرح: وبتسألي ليه هو انا مقدرش اجي اكل في المكان هنا
يامن: عمو حاتم ممكن تشيلني الاول
ايمان: تعرف يا يامن كل مره كنت تشوفه تطلب منه يشيلك , لما كنت صغير بس دلوقت كبرت
حاتم رفع يامن ع كتفه: اشيلك يا بطل حتي لما تكبر قادر اشيلك انت بتزيد لطافه كل ما تكبر وحشتني كتير
يامن: وانت كمان عمو حاتم انا جعان
حاتم: بس كدا حالا ناكل
ايمان: حاتم يامن ع طول شهيته مفتوحه دايما , ايه يا يامن ازاي تطلب منه كده
حاتم: ودي فيها ايه , هطلب وناكل مع بعض
ايمان: لاء انا هاخد تيك وي وامشي , لازم اروح اجيب الاولاد من المدرسه
حاتم بص في ساعته: تيك وي الوقت لسه بدري الساعه عشره , ومعاد خروج الاطفال 12 الدهر
يامن: اه يا ماما لسه بدري وانا جعان دلوقت
حاتم: كدا ممكن انت وامك تاكلوا براحتكم هنا وهاخد اكل جاهز لـ اميره وياسين
ايمان اخدت ابنها وقعدوا ع تربيزه وحاتم طلب اكل ليهم
ايمان بصتله : انت في اجازه
حاتم: ايوه
ايمان : اكيد عايز تخلص اجازتك السنويه انت بتشتغل بجد لازم ترتاح ليه مجبتش روز معاك
حاتم: احنا اطلقنا
ايمان: ايه اطلقتوا , امتي , متهزرش
حاتم: بتكلم جد اطلقنا من شهرين ايه الي في ايدي اعمله مش مقدر نكون مع بعض وعلينا نقبل قضاء الله وقدره, لكن الحلو في الموضوع اننا الحمد لله متخنقناش افترقنا بالمعروف , عشان كدا انا حر دلوقت محتاج استريح واخد بريك وارجع استئف شغلي
ايمان بحزن: مكنتش اعرف محدش قالي , حتي حمايا لما قابلته عند المدرسه
حاتم: عادي الامر من زمان يا ايمان ومفيش حاجه يتكلم فيها وحماكي راجل مسكين لما وقعت في مشاكل هو الي اتولي زمام الشركه اتمناه ارجع اساعده في اداره الشركه ع اكمل وجهه , ومكنتش اعرف ان عنده مشكله مع امير, طمنيني عن احوالك معاه , كله تمام
ايمان: بخير احنا تمام
حاتم: لسه حالا ملاحظ انك حامل مره تانيه وعارف ان حياتك احسن دلوقت اكيد امير متحمس بستقبل مولود جديد لسه فاكر لما كنتي حامل في يامن وياسين كان طاير من السعاده كان بيتكلم عنك بستمرار وعن اولاده حتي ايام وحمك كان بيفضل يدور عن كل الي بتطلبيه انتي محظوظه بزوج زيه
ايمان: اتمناه تقبل الطلاق واسفه لو مش هتمانع ممكن اسألك عن حاجه
حاتم: اتفضلي اسالي الي انتي عايزه
ايمان :مش بتفكر ترجع لروز
حاتم :مبقناش متفقين وشايف من العدل ليها اننا نفارق , صدقيني حاولت احبها لكن فشلت عمري ما حسيت اني مبسوط معاها
ايمان :انت بتحب واحده تانيه , مسكينه روز مكنتش المفروض تعمل معاها كده
حاتم :كان غلطي اجبرت نفسي اني احبها بس الواقع عمري ما حبيت غير ست واحده في حياتي ومتخلتش عنها لحد اللحظه
ايمان اتوترت وقالت ليامن : خلصت وشبعت كنت عايز بطاطس مقليه واكلتها , وعايز همبورجر واكلته ,عايز تاكل ايه كمان
..................قصص منه محمد كاتب.............
في نفس المول ماشين سوي يهزروا ويضحكوا
جيجي: انت شكلك صغير اما مراتك شكها كبير, لما تكون معايا متقلقش لاني هبقي اصغر منك
امير بمرح : يعني لما اكبر هتدوري ع بديل
جيجي: لا يا امير
امير شاف ايمان ماشيه بتضحك مع حاتم حرفيا اتجنن وانفجر جواه بركان الغيرة......لدرجة البركان طغى على كل حاجه وبقي همه الوحيد يدمر أي شئ يتعلق بحاتم
جيجي بمكر : مش دي ايمان ومين الراجل ده شكه مش غريب عليا, واضح كأنهم اتنين متجوزين وشكله لايق عليها ,ومناسبين لبعض , شكلهم واقعين في حب بعض
امير ملامحه اتغيرت للغضب وفضل يبصلهم والود وده يروح يدبحهم لكنه حاول يتمالك اعصابه لانهم في مكان عام!! (( الواد حسيس وبيفهم)
جيجي بخبث: ايه هو الحب ظهر من جديد
امير عيونه ع ايمان بغضب: تقبلي تبقي ضره
جيجي: اقبل طالما هكون مراتك
امير :هتصل بمراه عمي ترتبت لنا امورنا , دلوقت عايز ارجع البيت , هناك امر محتاج اسويه
............قصص منه محمد كاتب.................
امير دخل البيت حرفيا عفاريت الكون بتنط قدامه وقعد ع كرسي جنب الباب
يامن دخل جري عليه ضمه: بابا
امير اخده جوه حضنه وحاول يبان طبيعي جدا
يامن: بابا شوفنا عمو حاتم من شويه , وجب لي همبورجر ولـ اميره وياسين كمان
ياسين: ماما عايز عصير برتقال فيه
ايمان بخوف من منظر امير قالت: ايوه جوه في التلاجه
اميره رمت الشنطه جنبه وسألته: بابا هو انت مروحتش الشغل النهارده
امير : روحت ولسه راجع البيت من شويه
ايمان: وليه راجع البيت بدري انت عيان , بالمناسبه حاتم موصلك سلامه
امير قام يمشي بخطوات واسعة : حصليني ع فوق
ايمان وقفت خايفه جدا من هيئته وملامحه الثايرة
امير صرخ بقوه: انتي طرشه اطلعي ورايا
يامن: ماما هو بابا شتمك لما زعق
ياسين: هو زعلان منك
ايمان مسحت ع شعرهم وقالت وهي بتحاول تبتسم : لاء فكرني مسمعتهوش عشان كدا زعق , يله روحوا اقعدوا قدام التلفزيون متعملوش دوشه هطلع اشوفه لحظه يله كلوا انتم
......
ايمان طلعت ووقفت مرعوبه ع عتبه الباب لانه رايح جاي زي الاسد
امير لف بصلها : روحتي فين
ايمان بهدوء: اخدت يامن للعياده لانه تعب وقت التمرين
امير : ثم
ايمان :روحت المول اشتري هدوم اطفال للبيبي
امير قرب منها: وليه اشتريتي له , ليه مستعملتيش هدوم عيالك القديمه هو العيل الي في بطنك مميز لدرجه تنسي اصلك وتشتري له جديد
ايمان: اتبرعت بهدوم ولادي القديمه لما رجعت القريه , ومشترتش الا حاجات قليله مش كتير
امير: مدهش! اتبرعتي بيها للناس اكيد ابوكي وامك فخورين جدا بوجود بنت زيك ميعرفوش ان بنتهم متملكش اي حاجه انتي بتعتمدي ع فضلاتي
ايمان بحده : اياك تهني, ومدخلش اهلي بينا وانا مش عايشه بفضلك انا مسؤله منك, لو كنت حمل تقيل عليك طول الوقت ليه مسمحتليش اشتغل واصرف ع نفسي
امير ضربها بالقلم ع خدها: وبتردي عليا, وعدتيني انك مترديش عليا, لكن لسه بتردي ورجعتي تتصرفي بشكل سئ تاني وانا موتي وسمي الي يقف ويرد عليا , لكن لسه بتعملي كده
ايمان صرخت فيه ببكاء:انا عملت لك ايه عشان تعمل فيا كده
امير سحبها من كتفها من غير رحمه : انتي عارفه ان انا غشيم , ليه بتستفزيني وتردي عليا , يله ردي عليا يله انتي قليله الادب وممكن اعمل اكتر من ضربه قلم ممكن اموت العيل الي في بطنك حالا وادوس عليه لحد ما يموت اليوم
ايمان لفت ايدها ع بطنها وصرخت بقوه: اياك تأذي ابني
امير حاصرها في الحيطه وطبق ع رقبتها بكف ايده القاسي وقال وهو بيصرخ في وشها بغضب اسود : انتي بجد ست وقحه تعملي ده قدام ابنك , كده رايحه تحبي قدامه وماشيه جنب راجل عارفه انه بيحبك , ونسيتي انك ست متجوزه انا شوفتك مع حاتم انا مش اعمي لسه,, وكنتي مبسوطه جدا ,,وعارفه انه مطلق وانتي ع ذمتي , ليه روحتي تقابليه استغليتي فرصه ترجعي حبك القديم كدا بتنتقمي مني , انتي خونتيني يا ايمان , خونتيني
ايمان ببكاء وخوف من هيئته نطقت بصوت مرتعش : لاء
امير : خلتيني راجل ضعيف
ايمان : لاء يا امير مستحيل اخونك,,لا ديني و لا تربيتي و لا أخلاقي تسمح لي اعمل كده ,,انا قابلت حاتم بالصدفه ليه ابقي عايزه اهينك قدام الناس ارجوك صدقني
امير بنظره مرعبه: اهانتيني قدام كل الناس , عارفه كانوا بيقوله ايه انا وقتها الدنيا ضلمت قدامي لما شوفتك معاه وماشين ولا كانكم متجوزين , واظن كده الوضع كان عجبك وده الي انتي عايزه , مش هصدق اي حاجه تقولها ست رخيصه زيك , ودلوقت اسمعيني كويس مش باخد الاذن منك وميهمنيش سواء عجبك ولا انشا الله ما عجبك , هتجوز جيجي وهخطبها الاسبوع الجاي وفرحنا خلال شهرين غوري لوحدك من هنا يله
ايمان اتغصبت ع نفسها وراحت له بكل توسل وذل عشان ميحرمهاش من ولادها قالت ببكاء : امير انا غلطت لما كلمت حاتم
امير بيحاول يهدى بعد ما اتبدلت ملامحه وكان عامل زي الوحش : انتي شايفه نفسك زوجه مفيش منك , وهقبل منك اي فعل , خليني افكرك لو نسيتي كنت بقولك اني عايز اتجوز ليلي , وسالتيني ليه هي, ما فيه ستات تانيه
ايمان: ليه بتفتح الموضوع
امير: في اليوم ده اتقهرتي قلتي لو اتجوزت ليلي تطلقني, ورديتي عليا بتعبير حزين وقلتي بلاش اتجوز وهتبقي ليا افضل زوجه بس انا اليوم بقولهالك انك فشلتي تكوني افضل واحده ليا , للسبب ده بدور ع واحده تانيه افضل منك عشر مرات
ايمان بقهر: اتمني تكون مبسوط معاها
امير مسك فكها بين ايده وبكل عصبيه : انتي بتتريقي عليا ولا ايه نظامك , بتوريني انك مش مهتمه لو روحت اتجوزت عليكي واحده تانيه , تمام لو دي الطريقه الي هتردي عليها بيها يبقي اتفضلي اخرجي من بيتي ,مش عايز اشوف وشك
ايمان : اتقي الله بقي يا اخي متطردنيش اروح فين واسيب ولادي ارحمني
امير : هتطلعي ومش هتشوفيهم تاني خاي العناد ينفعك يا ايمان
ايمان برجاء: انا اسفه مكنش قصدي ارد عليك, معرفتش اقول ايه انت ادعيت اني ست فاشله اكون مراتك , ودافعت عن نفسي,خلاص مبقاش عندي حاجه اقدمهالك كل الي فاضل حياتي حتي دي ملهاش قيمه عندك
امير زقها وقعها ع الارض: الست الخاينه الي زيك لازم تموت , انتي عايشه تخلقي متاعب لغيرك
ايمان اتمسكت برجله تحت وهي منهاده : سيبني اعيش عشان ولادي ومش عايزه منك حاجه غير افضل ع ذمتك و اربي ولادي مش عايزه ابعد عنهم انا موافقه تجيب عليا ضره , واعمل الي تعمله بس متأخدش مني ولادي
امير رفسها برجله : امشي من قدامي ابعدي بدل ما افعصك تحت رجلي
.................قصص منه محمد كاتب................
امير اخد اكياس الهدوم ونزل يجري ع تحت شاف الاولاد قاعدين ياكلو ع السفره
امي: متاكلوش الاكل ده اميره خديه ارميه
يامن: انا عايز اكل منه يا بابا
امير صرخ فيه: متعاندش قلت ارميه يله بسرعه
ياسين: بابا عايز الهمبورجر
امير اخد العلب من قدامهم وقال بنرفزه: ايه الصعب, خلاص لو مأكلتهوش هتموتو من الجوع مفكرين مقدرش اشتريلكم زيه
اميره: في ايه يا بابا
امير: في ان ده الي هتاخدوه لما امكم تروح عشان تتغزل في راجل تاني
ايمان اتحاملت ع نفسها ونزلت جري عشان ميتعصبش ع اولادها الي جريوا عليها
ايمان: اسمعوا كلام ابوكم ماشي
امير دخل يزعق: اسمعيني هنا لو اتجرئتي واشتريتي هدوم للي في بطنك مره تانيه هرميكي بره سامعه
يامن: ماما ليه رماه هدوم اخويا بره
اميره بدموع: كدا مش هيبقي عنده هدوم المسكين
ياسين: انا زعلان من بابا انه زعقلك
اميره: اكيد بابا ضربك صح
ايمان: لا يا حبيبتي متضربنيش انا اتخبطت في الدولاب وانا ماشيه كفايه متقوليش كلام سخبف عن ابوكي
ايمان بصت للسقف وقالت وهي كابته دموعها: يارب لو ده الي مكتوب لي هقبله عشان ولادي هكون جامده في مواجهه كل الصعب ده
.................قصص منه محمد كاتب...............
امير داخل الشركه شافها قاعده قال لنفسه: اكيد جايه عشان جيجي , اهلا يا ماما , عامله ايه
صابرين: كويسه , بس قلقانه لطب ساكته من عمايلك, الي تجيب المرض
امير: اكيد جيتي هنا دلوقت لان مراه عمي قالت لك
ضابرين: مفكره نفسها مين ست تافهه , جايه لي عشان اروح اطلب ايد جيجي ليك , مستحيل اعمل ده حتي لو مت ورجعت للحياه , مراه عمك اتجننت عايزه تخرب بيتك يا اهطل يا عبيط
امير بص حواليه وقالها بهدوء: ماما ممكن تهدي فيه ناس حوالينا
صابرين بصوت اعلي : ايه رأيك هزعق وافرج كل الناس دي عليك , انا مش هتحمل تعمل كده في ايمان ,,الوليه العقربه متحمسه لانك هتتجوز بنت عمك الحربايه خرابه البيوت, انا رافضه الجوازه دي تتم
امير مسح بين عيونه وقال: ماما لو مش عايزه تحضري الخطوبه مفيش مشكله ممكن اسوي اموري بنفسي ,,ولو مش عايزه تحضري الفرح براحنك مش هضايق
صابرين: ما تبطل ياواد عجرفه واتكلم بأدب بقيت شايف نفسك حاجه كبيره
امير: مش عارف ومش مهتم,الي مهم هو ان فرحي يتحدد بصراحه مش عايز اشد قصادك عندي شغل كتير
صابرين جريت وراه ومسكت دراعه يقف وقالت: انت مش ممانع ليه مفكرني هموت احضر فرحك انا جايه هنا عشان ايمان هي الي تهمني, امير انا مش موافقه تتجوز البت المايعه دي يابني فكر في مراتك دي حامل ليه بتتصرف كده
امير بغيظ: لانها حامل عايز اتجوز ست تانيه
صابرين: استغفر الله العظيم يا واد انت مسلم ,,وبعدين هي حملت فيه من مين مش منك , كانت ضربتك ع ايدك
امير: هو عشان اخد حقي منها تطلع كل مره بعيل, يا امي افهميني انا مش لاقي ست معايا دي كل الي يهمها وشاغلها تولد كل سنه , ماشيه من غير عقل
صابرين: مين انت ولا ايمان
امير : هي يا ماما ,,هي الحامل مش انا ,,لو اقدر ابقي حامل مش هعمل زيها دلوقت انتي مفكراني ايه اله هشتغل لحد ما اموت عشان اربي عيالها , انا انسان ليا حياتي الخاصه , مفكره هفضل شغال في الـ 24 ساعه ابصلها هي وولادها ,,فكري فيا شويه اشفقي ع حالي ,,عندي الف حاجه بفكر فيها وبحس بالدوخه والصداع انا مزعوج منها
صابرين بحتقار: اقسم بالله ولا كأنك اتعلمت , مش عارف مسؤلياتك كزوج واب هي حملت ع الوسيله تعمل ايه المسكينه , بدل ما تلاقه حل تاني عشان تنقذ بيتك من الخراب تتجوز يا فرحتي بالخيبه
امير: هو انا مش من حقي اطلق واتجوز تلاته ومن حقي اقرر اقبل الطفل ده ولا لاء هي عنيده خلي عنادها ينفعها بقي
صابرين: استغفر الله, يا بني امر غصب عنها لو مش عايزه انا اخده اربيه فين المشكله , ومش يمكن بعد الولاده تغير رأيك وتحبها ,كفايه يا بني ارحم مراتك وبطل تعذب حياتها لحقت تنسي وعدك ليا لما قررت ارجعلك ايمان قبل كده قلت انك مش هتاخد اي قرار متسرع , امير ده متعلق بمستقبل ايمان وولادها ليه مبقتش بتحبهم ولو كنت مفكر ان ايمان بعدت عنك عشان حامل ده امر طبيعي لكل الستات الحوامل , هي تعبانه فتره مؤقته وهينتهي كمان شهرين
امير بضيق : ماما انا مش بحب اتكلم معاكي , لانك مستحيل تفهميني انتي بتحطيها فوق مشاعر ابنك
صابرين: امير مش فاهمه لما كانت مراتك حامل في يامن وياسين كنت بدلعها وتدللها راح فين الشعور والحب ده , غاب عشان مراه عمك رمتلك فلوس , دوست عليها مش عايزك تندم بعدين
امير: مفكره بعمل كده بسبب الفلوس ماما دي مسأله مشاعر وقلب ازاي اجبر نفسي ع حبها, عشان اجبلك من الاخر انا مبقاش في قلبي مشاعر ناحيتها وغير كدا ليه ارجع اندم لما هلاقي واحده احسن من ايمان الف مره ماما ده قسمه ونصيب انا وجيجي مقسومين لبعض مين احنا عشان نعارض اراده الله
صابرين بشخط : وايه عن ايمان مكنش مكتوبالك, ومش عايزه اعارض اراده الله , لكن اسأل نفسك هو انت مكنتش بتحبها
امير: عارف اني مش راجل مثالي يا ماما لكن مش هتجاهل مسؤلياتي ناحيه مراتي وولادي , هوفر للطفل الي في بطنها احتياجاته متقلقيش لسه عارف الواجب الديني
صابرين: سهل طبعا تقول كده كاراجل مسموح تتجوز تاني بس ياتري هتعدل بين ايمان وجيجي
امير: ان شاء الله اديني فرصه خليني اثبت اني اقدر اكون عادل مع مرتاتي
صابرين بسخريه: مش محتاجه للاثبات ده , ربنا يعلم الي في قلبك , يابني متكدبش ع نفسك ليه بتحب تحط نفسك في متاعب , والله لو لفيت الدنيا ما هتلاقي تاني زي ايمان وبكره تبكي بدل الدموع دم , وترجع تبوس ايدي ارجعهالك , انا عارفه انت
جيجي قطعت كلامهم لما دخلت مبتسمه ومدت ايدها تسلم عليها: طنط هاي عامله ايه
صابرين بحتقار : مش هسلم ع واحده ملعب زيك , خرابه البيوت الله يخرب اليوم الي رجعتي فيه
جيجي بصدمه: في ايه
صابرين بصت لامير: بقي الاراجوز دي الي عايز تتجوزها , مراه ابني اجمل منها الف مره , ربنا ياخدها مزعجه
جيجي: شايف اسلوبها معايا بجد في منتهي الوقاحه
امير راح ناحيه المكتب وقعد ع الكرسي وهو مستاء جدا ومكشر
جيجي ابتسمت: اهدا يا حبيبي الصبح كنا صاحين رايقين , لما يضايقك حد او حاجه تزعجك لو كنت متعصب مش هتعرف تركز ابتسم يله
حنين فتحت باب الغرفة بغضب وناويه تعلمه وتعلمها الأدب دخلت بتصرخ وهي مقهوره من تصرفه الغبي : انت يا حقير
امير مسك القلم وبقوة رماه على الجدار وطلعلها وجيجي خافت من شكلها واتخبت وري جسم امير
اكرم بيجري وراها: هنتكلم براحه ليه بتزعقي
حنين: مش محتاجه اتكلم مع واحد من عينته براحه
امير: اكرم هي مراتك اشتاقت لـ اسلوبها القديم , تهاجمني فجأه عشان تدعم صاحبتها الانتيم
حنين وهي بتشاور عليه بنرفزه: انت عارف انت عملت ايه
امير: عارف , والكل مضايق اني عايز اتجوز تاني, اكيد امي الي قالت لك لان مراتي اعتقد متجرؤش تفتح بؤها
حنين بصوت عالي: ليه متجرؤش عارف ليه لانك واحد جبان ضعيف , بتمد ايدك عليها , جاوبني ليه ضربتها مره تانيه
امير بلهجه حاده : متدخليش في حياتي , ومراتي ملكيش علاقه بيها
حنين: انت ايه مشكلتك , ايه الي جرالك ليه كرهت ايمان كده فجاه , لانك غيرت عليها بشكل مفرط
امير انفعل: اكرم خد مراتك من قدامي قبل ما ايدي تسلم ع وشها
اكرم بهدوء : احترم نفسك شويه انا جوزها , مين انت تضرب مراتي
امير برفعه حاجب: انت جوزها صح , علمها تحترم غيرها , هي قالت كل الي هي عايزه تقوله , ارجوك خدها وامشي من وشي , لانها مش بتعرف تسيطر ع لسانها
حنين بردح : انت الي مش بتعرف تسيطر ع لسانك, ورجعت تتصرف زي زمان فرعون , متعلمتش الدرس ابدا
امير ابتسم بستخفاف : انتي ليه متعصبه مني كده , عارف انك عايزه تدافعي عن صحبتك بس لو عايز اتجوز تلاته ولا اربعه الامر راجع لي , مالك انتي
حنين : تقدر تروح تتجوز كل الستات انت حر , مفكرني ههتم, بس ايمان خلاص مش هتتحمل تصرفاتك الهمجيه دي تاني , يابو احساس ميت
امير زعق فيها : روحي اهتمي بجوزك الكيوت الهادي, لو اتعاملت معاكي انتي الي هتطلعي خسرانه
اكرم سحب دراعها وهو يبيص لامير نظرات غاضبه وقال : حنين كفايه الامور مش هتستقر كده, احراج لو الموظفين سمعونا بنتخانق
حنين بعصبية: هو الشورعجي ده يعرف يبقي محرج, لو كان يعرف ليه ضرب ايمان حتي ناوي يتجوز واحده رقاصه , مش مستوي ايمان المتدينه