رواية عقدة نقص الفصل الثامن 8 بقلم شذى عبدالمكرم

رواية عقدة نقص الفصل الثامن 8 بقلم شذى عبدالمكرم 

بعد الكلام السعمته من بنات عم عزام عن الشعر عدا يومين انا ما برد على رسائل عزام ولا حتى مكالماته  ، المفروض كان اواجهه بس ما كنت قادرة ابدا ولا حتى جاهزة للمواجهة   ،  امي جوها ضيوف عشان يكفروا لي مجرد ما طلعوا بس ميلت رأسي في سرير الصالة الكنت قاعدة فيه  ونومت طوالي فجأة صحيت من النوم مخلوعة لانو في زول رشاني بموية باردة 

_ امي ياااخ في زول بصحي زول كدا؟   ما ردت بعد مسحت وشي من الموية  عاينت لقيت دا عزام عصبت زيادة 

_ عزام والله ما ممكن معاك ياااخ 

__ ممكن 

_ في زول بصحي زول كدا؟ 

__ لو ناسية بذكرك انتي صحيتني بالطريقة دي قبل ما اسافر على فكرة ما نسيتها ابدا وجا وقت تصفية الحسابات   ،  كنت متنرفزة شديد 

_ والله ما ممكن ياااخ 

__ قولت ليكي ممكن 

_ اووف ياااخ 

__ مالك ما بتردي على مكالماتي؟ ،  عاينت ليه بزهج 

_ ما برد يا عزام خليني في حالي ياااخ  ،  عاين لي مسافة 

__ انا كنت الطرف المتنازل دايما اما بالنسبة ليكي  كنت دايما اخر اهتماماتك بتقربي وقت عاوزة وبتبعدي وقت عاوزة ما حصل كنتي الطرف المتمسك نهائي  

_ عزام 

__ ما ضروري تحكي حاجة لاني فهمت اي حاجة متؤكد لو جاكي عريس للمرة التانية ما حتترددي ابدا في انك توافقي حتشوفي الكل مناسب معاكي عداي انا كنت بجري وراكي دايما وبعد كل الحصل انا اتجاوزته ليكي ورجعت طبيعي معاكي بس حبيتي تبعدي تاني من دون سبب 

_ ياااخ دايما شايف هروبي منك من دون سبب 

__ حتى لو عندك اسباب ليه ما بتواجهيني؟  بس قولي لي ما شايفاك مناسب لي والله حأحاول اختك مكانة اخت واريحك 

_ عزام البحصل كلو بسببك انت  ، عاين لي بأستغراب 

__ ليه دايما بتقولي انا السبب 

_ سبب رفضي ليك خوفت انك تتنمر فيني  ،  عاين لي بدهشة 

__ اتنمر فيكي كيف؟   ،  نزلت وشي في ايادي واصلا انا كنت قاعدة في السرير وهو واقف دموعي نزلت في ايادي وبقيت اتكلم وانا على نفس الحالة 

_ خوفت انك في المستقبل تتنمر على شعري ذي ما بتعمل زمان وانا عندي عقدة من الحاجة دي حاسة بالنقص وبعدين لو جيبنا بنات احتمال يطلعوا لي ويجيهم عقدة نفسية من التنمر لانك كنت بتقول ما حتتزوج بت شعرها قصار ذي حقي وهسي ليه غيرت رأيك؟    ،  كان مصدوم من كلامي شديد 

__ قولي انك بتهظري  ،  زدت في البكي 

_ ما بهظر ياااخ

__انتي مجنونة عشان سبب تافه ذي دا توافقي بزول تاني وتدمرينا الاتنين هسي عاجبك الحصل فينا؟  لو كان جيتي وقولتي لي كدا من البداية ما كان وصلنا لهنا وتاني حاجة انا لمن كنت بقول ليكي شعرك قصار بهظر حتى كنت براضيكي وانا بحبك اكتر من روحي مستحيل افرض فيكي وانا اصلا ما بهمني شعرك بهمني انتي بس بسبب غبائك دمرتينا الاتنين  ، بقيت ابكي من كلامه زيادة  

__ ما كنت عارفة كدا 

_ لانك غبية وعشان تفكيرك دا ربنا يديكي بنات شعرهم قصار عشان اشمت فيكي بعدين   ،  وقام طلع هنا انا زدت في البكي وبصوت كمان من كلامه الاخير دا وجعني اكتر بقيت ابكي شديد لمن امي جات واتخلعت في منظري 

امي:  مالك يا بت بسم الله 

سدين:  امي انا دايما حظي كعب في الدنيا دي 

امي:  القال منو كدا؟ 

سدين:  كل ما اقول خلاص حأفرح بتحصل حاجة بتزعلني اضعاف 

امي:  كلها امتحانات من ربنا استغفري 

اخر الليل كنت نايمة فجأة صحيت بمكالمة من عزام اول ما رديت 

__ سدين دي حجتك؟ 

_ اي حجة؟ 

__ انك رفضتيني للسبب دا لاني ما حاسي كدا 

_ والله يا عزام 

__ يعني لو ما كانت المشكلة دي كان حتوافقي بي؟

_ امممممم

__ ما حاسي بحبك ابدا بسبب هروبك الكتير لانك عمرك ما كنتي الطرف المتمسك ابدا وكنتي جبانة مع اقرب فرصة انخطبتي يعني كان ممكن للان تكوني مخطوبة او لو اتفقتوا كنتوا حتتزوجوا صح ولالا؟    ،  ما قدرت ارد لاني ما عندي حاجة اقولا بعد كله دا يمكن لو ما اختلفت شخصيتنا مع مجاهد ذي ما قال احتمال كنت اتزوجته ما معروف لمن طال سكوتي وانا بفكر 

__ وصلني جوابك تصبحي على خير  ،  وقفل الخط خلاص اخلاقي باظت والنوم طار والزهج رجع من اول وجديد وكدا اتأكدت اني خسرت عزام لانه ما قادر يفهمني ولا يفهم موقفي بس واقف لي في حتة اني رفضته وانخطبت لغيره ما ختا نفسه ابدا محلي في الحالة دي ما بقدر ابرر اكتر حاولت انوم من التفكير ما قدرت طوالي قومت صليت ركعبتين وقريت قرآن شوية حتى قدرت انوم

 الصباح قررت انزل الشغل خلاص اتجهزت وطلعت بس لقيته في الشارع عاينت ليه بس واتخطيته حتى ما سلمت عليه وركبت الموصلات ومشيت الشغل وداومت عادي 

مر تلاتة ايام بدون ما اتقابل معاه ولا حتى نتكلم كنت في الدوام اتصلت علي خالتو اماني وقالت اغشاها لمن ارجع اشرب القهوة رفضت حنستني وافقت لمن خلصت دوام مشيت لقيت الجبنة جاهزة وقالت منتظرة امي حتجي فجأة اثناء ونستنا جا داخل عزام وبقرأ في ورقة كدا ما انتبه لي 

عزام:  امي حجزت خلاص مسافر بكرة  ،  انا اتخلعت كيف يعني مسافر بكرة 

خالتو اماني: لكن يا عزام بكرة قريبة شديد ليه حجزت كدا  ،  رفع عينه يجاوب اتفاجأ بوجودي 

عزام:  لازم اسافر بكرة ماف طريقة  ،  وقام طالع لحقته طوالي قبل ما يدخل غرفته واتكلمت 

__ بتقول انا جبانة وبهرب لكن انت جبان مني لمن تحصل حاجة طوالي بتسافر بدون سابق انذار دا حبك؟   عاين لي من دون ريأكشن 

_ ماف حاجة بتخليني هنا على ما افترض 

__ ايوااا ماف حاجة بتخليك هنا صح نسيت والله ربنا يسترك  ،  وجيت امشي مسكني من ذراعي وقفني 

_ سدين 

__ نعم 

_ ليه ما قادرين نكون ذي الناس الطبيعيين؟ 

__ لاننا لو قعدنا ذي الناس الطبيعيين كان قدرنا نتجاوز حاجات كتيرة  ،  هنا ضحك 

_ نقعد؟  نقعد كيف وانتي طوالي بتهربي وبتقفلي تلفونك حتى من دون شرح وبتخليني لنفسي وانا بفكر انا غلطت في شنو لدرجة يخليها ما ترد او ليه رافضاني هل فيني عيب؟

__ عزام انت ما حتفهمني ولا حتفهم احساسي لانك ما مكاني انا كل ما احاول اتجاوز في حاجة بتحصل بتذكرني انت ليه ما فكرت تتزوج وحدة من بنات عماتك ناس سما كلهم شعرهم طوال  ،  ضرب وشه بأيده 

_ يا الله  يا بت الناس في زول قال ليكي انا داير مرا عشان شعرها؟  ياااخ زمان بقول كدا عشان اجاكرك بس ياااخ انتي لو صلعة انا دايرك عندك مشكلة؟  هل انتي اول وحدة شعرها يكون ما طويل؟  هل لو كان شعرك طويل هل متأكدة انه دائم ليكي؟  ما تخليني اصرف عربي كتير قال سما قال هل انا عميان منهم؟   ،  هزيت ليه رأسي بمعنى لالا 

__ بس خلاص انا عاوزك بشعرك القصار دا يا ام قعر  ،  هنا ضحكت في وسط دموعي

_ بس انا ما دايراك 

__ ايي قولي كدا من البداية انك ما عاوزاني بس بدل تتحججي بشعرك 

_ عزام بهظر ياااخ 

__ فتش في وسط الهظار تلقى الكلام مقصود  ،  ومشى خلاني مصدومة يعني هسي افهم انه زعل ولالا  ، القهوة الجيت اشربها ذاتي خليتها خالتو اتكلمت معاي كدا اتحججت اني مصدعة ورجعت البيت ونومت ما عرفت اتصرف وانا بفكر انو عزام بكرة مسافر خلاص

__________

عزام انتظر ام سدين تطلع منهم ومشى جاب امه وابوه وخاتهم وقعد 

عزام:  يا حاج ويا حجة انا بكرة مسافر ان شاءلله 

ابوه:  تصحبك السلامة يا رب حترجع قريب صح؟ 

عزام:  ان شاءلله اصلا المفروض الزمن دا اكون هناك بس اخدت اجازة مرضية بسبب الحادث وهسي خلصت لازم ارجع بس حأجي قريب ان شاءلله 

امه:  ان شاءلله يا رب 

عزام:  بس قبل ما اسافر داير تمشوا معاي اتقدم للزواج  ،  عاينوا ليه بصدمة 

ابوه:  دقيقة دقيقة تتقدم كيف وانت بكرة مسافر.؟ 

عزام:  لسع المغرب قدامنا 

امه:  مغرب شنو انت يا ولد جنيت؟ 

عزام:  والله يا امي شوية وحأجن 

ابوه:  كدا استهدي بالله الامور ما بتمشي  كدا المفروض تكلم اهل البت اننا جايين ما تجي فجاة تقول ماشي تتقدم الامور دي عندها بروتوكولات معينة 

عزام:  عارف يا ابوي بس ماف زمن وانا اخدت القرار دا قبل شوية بس 

ابوه:  انت قايل الزواج دا لعبة؟ 

عزام:  يا ابوي انا فاهم وعارف اي حاجة بس عاوز اخطي الخطوة دي قبل ما اسافر 

ابوه:  اهل البت عارفين؟ 

عزام:  لالا 

ابوه:  يبقى اتوكل على الله سافر ولمن تجي راجع لو في قسمة بتتزوجها او تدي خبر وانا واعمامك بنتم ليك الموضوع 

عزام:  لالا حأمشي بنفسي 

ابوه:  عزام قول كلام منطقي يا ولدي ما المفروض نهجم اهل البت فجأة كدا 

عزام:  بس يا ابوي نحنا بنعرفهم حق المعرفة وما محتاج تعارف  ،  امه من الصدمة ما قادرة تتكلم لحدي اخر كلامه دا عاينوا ليه بإستغراب 

ابوه:  دي منو؟ 

عزام:  سدين  

ابوه:  سدين بت عمك سليمان؟ 

عزام: ايي هي ذاتها انت رأيك شنو؟ 

ابوه:  والله يا ولدي دا اختيارك انت مدام دايرها هي انا ما عندي مشكلة 

عزام:  وانتي يا امي؟ 

امه:  سدين تربيتي انا وزمان خاتها ليك بس لمن كبرت وسافرت قولت اخليك على راحتك بس سدين ما فيها قول واصلا انتو بتفهموا بعض ومتفقين 

عزام:  الحمدلله انكم رضيانين  ......

‏كثيرون .. لكن لا أريد الا أنت .❤️

يتبع......

بعد الكلام السعمته من بنات عم عزام عن الشعر عدا يومين انا ما برد على رسائل عزام ولا حتى مكالماته  ، المفروض كان اواجهه بس ما كنت قادرة ابدا ولا حتى جاهزة للمواجهة   ،  امي جوها ضيوف عشان يكفروا لي مجرد ما طلعوا بس ميلت رأسي في سرير الصالة الكنت قاعدة فيه  ونومت طوالي فجأة صحيت من النوم مخلوعة لانو في زول رشاني بموية باردة 

_ امي ياااخ في زول بصحي زول كدا؟   ما ردت بعد مسحت وشي من الموية  عاينت لقيت دا عزام عصبت زيادة 

_ عزام والله ما ممكن معاك ياااخ 

__ ممكن 

_ في زول بصحي زول كدا؟ 

__ لو ناسية بذكرك انتي صحيتني بالطريقة دي قبل ما اسافر على فكرة ما نسيتها ابدا وجا وقت تصفية الحسابات   ،  كنت متنرفزة شديد 

_ والله ما ممكن ياااخ 

__ قولت ليكي ممكن 

_ اووف ياااخ 

__ مالك ما بتردي على مكالماتي؟ ،  عاينت ليه بزهج 

_ ما برد يا عزام خليني في حالي ياااخ  ،  عاين لي مسافة 

__ انا كنت الطرف المتنازل دايما اما بالنسبة ليكي  كنت دايما اخر اهتماماتك بتقربي وقت عاوزة وبتبعدي وقت عاوزة ما حصل كنتي الطرف المتمسك نهائي  

_ عزام 

__ ما ضروري تحكي حاجة لاني فهمت اي حاجة متؤكد لو جاكي عريس للمرة التانية ما حتترددي ابدا في انك توافقي حتشوفي الكل مناسب معاكي عداي انا كنت بجري وراكي دايما وبعد كل الحصل انا اتجاوزته ليكي ورجعت طبيعي معاكي بس حبيتي تبعدي تاني من دون سبب 

_ ياااخ دايما شايف هروبي منك من دون سبب 

__ حتى لو عندك اسباب ليه ما بتواجهيني؟  بس قولي لي ما شايفاك مناسب لي والله حأحاول اختك مكانة اخت واريحك 

_ عزام البحصل كلو بسببك انت  ، عاين لي بأستغراب 

__ ليه دايما بتقولي انا السبب 

_ سبب رفضي ليك خوفت انك تتنمر فيني  ،  عاين لي بدهشة 

__ اتنمر فيكي كيف؟   ،  نزلت وشي في ايادي واصلا انا كنت قاعدة في السرير وهو واقف دموعي نزلت في ايادي وبقيت اتكلم وانا على نفس الحالة 

_ خوفت انك في المستقبل تتنمر على شعري ذي ما بتعمل زمان وانا عندي عقدة من الحاجة دي حاسة بالنقص وبعدين لو جيبنا بنات احتمال يطلعوا لي ويجيهم عقدة نفسية من التنمر لانك كنت بتقول ما حتتزوج بت شعرها قصار ذي حقي وهسي ليه غيرت رأيك؟    ،  كان مصدوم من كلامي شديد 

__ قولي انك بتهظري  ،  زدت في البكي 

_ ما بهظر ياااخ

__انتي مجنونة عشان سبب تافه ذي دا توافقي بزول تاني وتدمرينا الاتنين هسي عاجبك الحصل فينا؟  لو كان جيتي وقولتي لي كدا من البداية ما كان وصلنا لهنا وتاني حاجة انا لمن كنت بقول ليكي شعرك قصار بهظر حتى كنت براضيكي وانا بحبك اكتر من روحي مستحيل افرض فيكي وانا اصلا ما بهمني شعرك بهمني انتي بس بسبب غبائك دمرتينا الاتنين  ، بقيت ابكي من كلامه زيادة  

__ ما كنت عارفة كدا 

_ لانك غبية وعشان تفكيرك دا ربنا يديكي بنات شعرهم قصار عشان اشمت فيكي بعدين   ،  وقام طلع هنا انا زدت في البكي وبصوت كمان من كلامه الاخير دا وجعني اكتر بقيت ابكي شديد لمن امي جات واتخلعت في منظري 

امي:  مالك يا بت بسم الله 

سدين:  امي انا دايما حظي كعب في الدنيا دي 

امي:  القال منو كدا؟ 

سدين:  كل ما اقول خلاص حأفرح بتحصل حاجة بتزعلني اضعاف 

امي:  كلها امتحانات من ربنا استغفري 

اخر الليل كنت نايمة فجأة صحيت بمكالمة من عزام اول ما رديت 

__ سدين دي حجتك؟ 

_ اي حجة؟ 

__ انك رفضتيني للسبب دا لاني ما حاسي كدا 

_ والله يا عزام 

__ يعني لو ما كانت المشكلة دي كان حتوافقي بي؟

_ امممممم

__ ما حاسي بحبك ابدا بسبب هروبك الكتير لانك عمرك ما كنتي الطرف المتمسك ابدا وكنتي جبانة مع اقرب فرصة انخطبتي يعني كان ممكن للان تكوني مخطوبة او لو اتفقتوا كنتوا حتتزوجوا صح ولالا؟    ،  ما قدرت ارد لاني ما عندي حاجة اقولا بعد كله دا يمكن لو ما اختلفت شخصيتنا مع مجاهد ذي ما قال احتمال كنت اتزوجته ما معروف لمن طال سكوتي وانا بفكر 

__ وصلني جوابك تصبحي على خير  ،  وقفل الخط خلاص اخلاقي باظت والنوم طار والزهج رجع من اول وجديد وكدا اتأكدت اني خسرت عزام لانه ما قادر يفهمني ولا يفهم موقفي بس واقف لي في حتة اني رفضته وانخطبت لغيره ما ختا نفسه ابدا محلي في الحالة دي ما بقدر ابرر اكتر حاولت انوم من التفكير ما قدرت طوالي قومت صليت ركعبتين وقريت قرآن شوية حتى قدرت انوم

 الصباح قررت انزل الشغل خلاص اتجهزت وطلعت بس لقيته في الشارع عاينت ليه بس واتخطيته حتى ما سلمت عليه وركبت الموصلات ومشيت الشغل وداومت عادي 

مر تلاتة ايام بدون ما اتقابل معاه ولا حتى نتكلم كنت في الدوام اتصلت علي خالتو اماني وقالت اغشاها لمن ارجع اشرب القهوة رفضت حنستني وافقت لمن خلصت دوام مشيت لقيت الجبنة جاهزة وقالت منتظرة امي حتجي فجأة اثناء ونستنا جا داخل عزام وبقرأ في ورقة كدا ما انتبه لي 

عزام:  امي حجزت خلاص مسافر بكرة  ،  انا اتخلعت كيف يعني مسافر بكرة 

خالتو اماني: لكن يا عزام بكرة قريبة شديد ليه حجزت كدا  ،  رفع عينه يجاوب اتفاجأ بوجودي 

عزام:  لازم اسافر بكرة ماف طريقة  ،  وقام طالع لحقته طوالي قبل ما يدخل غرفته واتكلمت 

__ بتقول انا جبانة وبهرب لكن انت جبان مني لمن تحصل حاجة طوالي بتسافر بدون سابق انذار دا حبك؟   عاين لي من دون ريأكشن 

_ ماف حاجة بتخليني هنا على ما افترض 

__ ايوااا ماف حاجة بتخليك هنا صح نسيت والله ربنا يسترك  ،  وجيت امشي مسكني من ذراعي وقفني 

_ سدين 

__ نعم 

_ ليه ما قادرين نكون ذي الناس الطبيعيين؟ 

__ لاننا لو قعدنا ذي الناس الطبيعيين كان قدرنا نتجاوز حاجات كتيرة  ،  هنا ضحك 

_ نقعد؟  نقعد كيف وانتي طوالي بتهربي وبتقفلي تلفونك حتى من دون شرح وبتخليني لنفسي وانا بفكر انا غلطت في شنو لدرجة يخليها ما ترد او ليه رافضاني هل فيني عيب؟

__ عزام انت ما حتفهمني ولا حتفهم احساسي لانك ما مكاني انا كل ما احاول اتجاوز في حاجة بتحصل بتذكرني انت ليه ما فكرت تتزوج وحدة من بنات عماتك ناس سما كلهم شعرهم طوال  ،  ضرب وشه بأيده 

_ يا الله  يا بت الناس في زول قال ليكي انا داير مرا عشان شعرها؟  ياااخ زمان بقول كدا عشان اجاكرك بس ياااخ انتي لو صلعة انا دايرك عندك مشكلة؟  هل انتي اول وحدة شعرها يكون ما طويل؟  هل لو كان شعرك طويل هل متأكدة انه دائم ليكي؟  ما تخليني اصرف عربي كتير قال سما قال هل انا عميان منهم؟   ،  هزيت ليه رأسي بمعنى لالا 

__ بس خلاص انا عاوزك بشعرك القصار دا يا ام قعر  ،  هنا ضحكت في وسط دموعي

_ بس انا ما دايراك 

__ ايي قولي كدا من البداية انك ما عاوزاني بس بدل تتحججي بشعرك 

_ عزام بهظر ياااخ 

__ فتش في وسط الهظار تلقى الكلام مقصود  ،  ومشى خلاني مصدومة يعني هسي افهم انه زعل ولالا  ، القهوة الجيت اشربها ذاتي خليتها خالتو اتكلمت معاي كدا اتحججت اني مصدعة ورجعت البيت ونومت ما عرفت اتصرف وانا بفكر انو عزام بكرة مسافر خلاص

__________

عزام انتظر ام سدين تطلع منهم ومشى جاب امه وابوه وخاتهم وقعد 

عزام:  يا حاج ويا حجة انا بكرة مسافر ان شاءلله 

ابوه:  تصحبك السلامة يا رب حترجع قريب صح؟ 

عزام:  ان شاءلله اصلا المفروض الزمن دا اكون هناك بس اخدت اجازة مرضية بسبب الحادث وهسي خلصت لازم ارجع بس حأجي قريب ان شاءلله 

امه:  ان شاءلله يا رب 

عزام:  بس قبل ما اسافر داير تمشوا معاي اتقدم للزواج  ،  عاينوا ليه بصدمة 

ابوه:  دقيقة دقيقة تتقدم كيف وانت بكرة مسافر.؟ 

عزام:  لسع المغرب قدامنا 

امه:  مغرب شنو انت يا ولد جنيت؟ 

عزام:  والله يا امي شوية وحأجن 

ابوه:  كدا استهدي بالله الامور ما بتمشي  كدا المفروض تكلم اهل البت اننا جايين ما تجي فجاة تقول ماشي تتقدم الامور دي عندها بروتوكولات معينة 

عزام:  عارف يا ابوي بس ماف زمن وانا اخدت القرار دا قبل شوية بس 

ابوه:  انت قايل الزواج دا لعبة؟ 

عزام:  يا ابوي انا فاهم وعارف اي حاجة بس عاوز اخطي الخطوة دي قبل ما اسافر 

ابوه:  اهل البت عارفين؟ 

عزام:  لالا 

ابوه:  يبقى اتوكل على الله سافر ولمن تجي راجع لو في قسمة بتتزوجها او تدي خبر وانا واعمامك بنتم ليك الموضوع 

عزام:  لالا حأمشي بنفسي 

ابوه:  عزام قول كلام منطقي يا ولدي ما المفروض نهجم اهل البت فجأة كدا 

عزام:  بس يا ابوي نحنا بنعرفهم حق المعرفة وما محتاج تعارف  ،  امه من الصدمة ما قادرة تتكلم لحدي اخر كلامه دا عاينوا ليه بإستغراب 

ابوه:  دي منو؟ 

عزام:  سدين  

ابوه:  سدين بت عمك سليمان؟ 

عزام: ايي هي ذاتها انت رأيك شنو؟ 

ابوه:  والله يا ولدي دا اختيارك انت مدام دايرها هي انا ما عندي مشكلة 

عزام:  وانتي يا امي؟ 

امه:  سدين تربيتي انا وزمان خاتها ليك بس لمن كبرت وسافرت قولت اخليك على راحتك بس سدين ما فيها قول واصلا انتو بتفهموا بعض ومتفقين 

عزام:  الحمدلله انكم رضيانين  ......

‏كثيرون .. لكن لا أريد الا أنت .❤️

يتبع......

                     الفصل التاسع من هنا 

 لقراءه باقي الفصول من هنا