رواية ضحية فرعون الفصل الثالث والعشرون 23 بقلم منه محمد
علي السفره
يونس: شاهي جيلنا ضيفه الاسبوع الجاي متروحيش اي مكان
شاهيناز: مين الي جايه
يونس ابتسم: جيجي بنت اخويا راجعه من فرنسا
شاهيناز: وليلي راجعه امتي من سفرها
يونس :انتي حالتك كل يوم بتزيد للاسوء بلاش تنغمس في حزنك عشان بنتنا ترتاح في نومتها لو حسيتي انك حزينه اقري الفاتحه وطلعي صدقه في الجامع او حتي ملجاء الايتام بأسم المرحومه
شاهيناز: ده حلك الوحيد, بس اطمن من غير ماتقول ده الي كنت بعمله ولسه بعمله ،مش لازم تديني نفس المحاضره انا لوحدي مضايقه ومخنوقه
يونس :عشان كده قلت اجيب جيجي تسليكي وتشتغل معايا وتساعدني
شاهيناز :مين
يونس :جيجي تؤام بنتك ليلي
شاهيناز بسعاده : بجد فعلا جايه
يونس : ايوه بعد يومين
...........قصص منه محمد كاتب..........
قاعد في الصالون مشغول بموبيله وقلقان جدا وملامحه متغيره
ايمان قعدت جنبه : امير عندك مشكله
امير: مشكله ليه
ايمان بهدوء: اصلك قاعد لوحدك من فتره , وسرحان حتي لما اميره كانت بتكلمك مردتش عليها ومن ساعه ما وصلت وانت ماسك الموبيل بتكلم مين
امير :داخل مجموعه جديده
ايمان: اه مجموعه متدخلش جروبات مش كويسه
امير بنرفزه: بتتكلمي عن ايه شايفه عندي وقت كتير افكر في حاجات سخيفه , ومفيش داعي تزعجي نفسك بالسؤال عن ده وده , انا مشغول مش فاضي
ايمان حست انه اقصاها عن حياته الخاصه لابعد حدود وكانها غريبه
امير نزل وقعد ..........يالله ليه بس اتعصبت عليها هي كل همها تهزر
ايمان نزلت قعدت قدامه : امير انا بعتذرلك لو خليتك تتوتر زياده , عملتلك كوبايه ليمون دافيه بالعسل تروق دمك
امير اخده من ايدها: متشكر
ايمان : لو كنت متطفله او مزعجه ياريت تبلغني براحه , وصدقني لا كان هدفي ازعجك انا يهمني راحتك في المقام الاول
امير: لا في الواقع انا الغلطان , وانا الي المفروض اعتذرلك عشان مقدرتش اتحمل هزارك وانتي كان غرضك تهزري معايا , وفكرتيني بعاكس انا يا حياتي معندش وقت حتي اتنفس
ايمان: مين عارف شيفاك مشغول بالواتساب والمجموعه الجديده , ومعرفش ايه المجموعه دي
امير :دي مجموعه من تشكيله الدهب ثقي فيا لا يمكن اخونك , انا مغرم بعينك , بابتسامتك بصوتك , ضحكتك, لكن الاهم من ده كله انا مغرم بيكي انتي
ايمان : وانا شوفت عيوبك وحبيتك , وبعدها شوفت مميزاتك حبيتك اكتر ،وبقيت جزء مني
امير: ايمان انا( سكت مابين ملامح التوتر والتردد_
ايمان: ايه انت مخبي حاجه عني؟؟ اتكلم
امير :ولا حاجه تعالي نرجع لموضوع المعاكسه , حبي انا لو عايز اعاكس هاعكس مراتي القمر , لو هودت البنات التانيه مش هيبقي عندي وقت اهرش
ايمان :بجد
امير مبتسم ويبصلها بشوق غريب : ودلوقت عايز اخدك في حضني هتمانعي
ايمان : الاء خليها بعدين
امير ضم حواجبه: وليه بعدين
ايمان : صليت اللاول صلاه العشاء
امير: نسيت بس هقوم اصلي بس انتي صلتيها
ايمان : ايوه
امير: تمام هصلي لوحدي , وياريت ع ما اخلص القيكي قاعده وجاهزه ومستنياني بالبرتقالي متتاخريش انا مش قادر اصبر انجزي اوكيه
ايمان هزت له دماغها وبصت للفراغ وبينها وبين نفسها: ياتري عمل ايه في استثمار الدهب
.........قصص منه محمد كاتب...............
في الشركه سمع دقات متتاليه ع الباب
امير :ادخل
ايمن فتح الباب بهدوء ومال بدماغه: امير ممكن ادخل
امير شاورله : اه طبعا ادخل اقعد اقعد
ايمن قعد : متشكر عندي امر محتاج اناقشه معاك
امير بهتمام: ايه هو عندك مشكله
ايمن اليوم المفروض ندفع 30% من المبلغ الي علينا للمقاول مقابل الشغل الي نجزوه لكن المشكله ان قسم الماليه علق ان المبلغ في الحسبات مش مكفي نسدد الدفعه للسبب ده جيت اشوفك ابلغك بنفسي الامر
امير اتوتر وفتح شاشه الاب وقاله : الفاتوره ظاهره قدامي قدمنا ثلاث شهور لسداد الدفعه , انت اجلها دلوقت مفيش مشكلة , غير كدا احنا مش اغراب للشركه القابضه
ايمن: المشكله ان الفاتوره متاخره بالفعل وفات اكتر من ثلاث شهور عشان كدا بيطالبونا بالسداد , وفوق كدا المشكله دي مع شركات تانيه . ولو مقدرناش ندفع ع نهايه الشهر اكيد هيتخذوا الاجراء القانوني
امير قام بنفعال : دايما يتعلق الموضوع بالاجرائات القانونيه , نسوا لما بدؤا شغلهم اول مره مين دعمهم مش احنا , وكنا بنسدد المبالغ بدري لما كان عندنا راس مال كافي , ولما وقعنا في ضيقه ماليه حالا نسوا كل اعمالنا الطيبه, لدرجه مش قادرين يتهاونوا اطلاقا
ايمن : امير ممكن بالهداوه عشان نقدر نوصل لحل
امير رجع قعد في مكانه وقاله:سيبك من اللامر الاولاني ده انا هتعامل معاهم بنفسي , اما الشركات التانيه انت بس بلغهم بالبريد الالكتروني اننا بنطالب نمد المده شهر كمان
ايمن قام من مكانه: تمام همشي انا
امير هزله دماغه وبسرعه طلع الموبيل: الو ايوه ياحجاج ايه اخر المستجدات عن تجاره الدهب.......ايه ام السؤال الغبي هكون فين في الشركه.......ممكن تستعجل ممكن ....تمام هستناك
.......قصص منه محمد كاتب.............
قاعد يدلك دماغه من الم التفكير والصداع وتمتم: يالله هقع في ورطه لو اتنصب عليا هفلس
عادل وهو بيقعد قصاده: امير بتفكر في ايه
امير: ولا حاجه يابابا انا لاحظت في الفتره الاخيره انك دايما بتسافر بره البلد ليه متطلبش من حاتم هو الي يسافر انت بتشتغل زياده عن الزوم لازم تاخد بالك ع صحتك، مترهقش نفسك
عادل: طبعا لو امكن هطلب من حاتم بسافر بس انت عارف وضع مراته الصحي مدهور مش هيبقي عندي قلب لو طلبت منه يسافر وبعدين انا لسه قادر ادير الشركه سمعت انك مشغول جدا لدرجه مش متابع الفرع التاني الخاص بيك طمني ع شغلك فيه اي مشاكل
امير ملامحه انقلبت وسكت
عادل تابع: واضح من ملامحك ان فيه مشكله
امير ارتبك: لا المساله مش كده انا
صابرين: بتتكلموا في ايه اكيد الشغل الي مش بيخلص ابدا، انا بجد بزهق وبمل
عادل ضحك: امك بتزهق لما بنتكلم في الشغل بس لو جات لها الفرصه للشوبنج يختفي مللها
صابرين: بقي انا كدا برضو ياعادل انا بخرج من زهقي انت ع طول يا مسافر يا بره قاعد في الشركه وبعدين هو انا بشتري حاجه ليا ده لـ احفادي وغير كدا انا طلبت منك اسافر معاك بس انت رفضت وراجع دلوقت تشتكي
اميره: جدو
عادل: نعم يا حبيبت جدو
اميره: انا جعانه عايزه اكل
صابرين: معقول حفيدتي القمر العسل جعانه, كنت جايه اخد باباكي وجدك ياكلوا
اميره: شوفت ياجدو تيته عملتلي ضفيره وربطهالي بشريطه كأني في الحضانه
صابرين: متشتكيش لخد الشريطه اريط بيها شفايفك
امير: وانتي كبرتي قلت لك كذا مره ركزي ع دراستك مش الموضه
اميره: بابا انا بذاكر وطالعه الاولي ع الفصل
ايمان تدخلت: اه طلعتي الاولي بعد ما عاقبتك وحرمتك من اللعب اسبوع بحاله ،ولا انتي قاعده طول الوقت ع النت
اميره بصتلها وكشرت بستياء
ايمان: حالا ضربت البوز افردي وشك للاخد الشريطه الف بيها شفايفك
عادل: كفايه تقطيم يا ايمان ويله ناكل
شاهيناز دخلت بأبتسامه: مساء الخير
عادل: مساء النور اهلا يا يونس
يونس سلم بحراره: اهلا يا عادل ياخويا
صابرين: عامله ايه يا شاهي
شاهيناز: بخير الحمد لله بس ايه الفوضي دي اكيد راجعين من المول
صابرين: لا دي اللعاب احفادي
شاهيناز: اميره كبرت ماشاء الله اميره مش عايزه تسلمي ع انسه حلوه زيك
جيجي دخلت واتكلمت برقه: بنسوار
شاهيناز: خلوني اقدملكم جيجي بنت اخوك يا عادل
جيجي عيونها اتسلطت ع امير الي ابتسملها وايمان حودت عيونها عليه
..................قصص منه محمد كاتب..................
في الصالون
عادل: كبرتي يا جيجي واتغيرتي خالص عامله ايه
جيجي: فاني ياعمو
صابرين: تصوري معرفتهاش اتغيرت خالص اخر مره شوفتها لما كان عندها 12 سنه
شاهيناز: هي ملامحها زي ماهي بس سافرت امريكا تكمل دراستها واتدردحت شويه ومن يوم وفاه ليلي مجاتش الا مره
صابرين: طيب يله بينا ناكل بالصدفه حاطين العشاء وجيجي جايه برزقها
يامن ياجدو يله بقي انا جعان انا وياسين وانتم غبتوا اوي
امير :يامن ممكن تصبر انت واخوك لحظه
صابرين :مساكين يا امير عيال وجعانين يله بينا
بعد العشاء قامت جيجي تغسل ايدها وهي خارجه قابلت شاهيناز
جيجي: مش امير وسيم اوي
شاهيناز : اه وسيم , بس لاحظتي مش لايق علي مراته , اصلهم مش من نفس المستوي لكن نعمل ايه امير كان مفتون بالبت الفلاحه دي لدرجه حرق عشانها قلب بنتي المسكينه
جيجي : فعلا مسكينه , بس لاحظت ان امير بيحب مراته رغم كان بينه وبين ليلي علاقه قبلها
شاهيناز ايوه كانوا ع علاقه وده سبب حزن بنتي لما قرر امير ينهي العلاقه
جيجي : يعني كانوا بيحبه بعض
شاهيناز اوي من صغرهم بيموتوا في بعض حتي دحلت نفس الجامعه الي راحها في سيناء عشان مقدرش يبعد عنها, لولا الخبيثه دي الي وقعته في الفخ اتمسكوا في قضيه اداب
جيجي شهقت بصدمه: معقول
شاهيناز : ايوه وامير اتورط معاها , والا كان اتجوز ليلي
جيجي : زعلت اوي يا طنط
شاهيناز : كل ده حصل بسبب الساقطه الفلاحه الي خلت امير اسير لحبها التافه, بس مش هسيبها تفلت بعاملتها , مش هسامحها ابدا
.............قصص منه محمد كاتب.............
شاهيناز دخلت لتنفيذ خطتها وقالت: رحمه ممكن تعملي كوبايه عصير لجيجي , اصلها مش بتشرب قهوه بالليل
رحمه: حاضر يا ست هانم
شاهيناز: انتي شاطره في غسيل الاطباق
ايمان ابتسمت: انا بحب اساعد داده رحمه
شاهيناز: غسيل الاطباق ولم الزباله لايق عليكي اوي الدور ده , قاعده فاضيه في البيت يبقي تشيلي شغل البيت ماهو مش معقول عايزه تبقي صاحبه البيت , الواحد لازم يعرف حجمه
ايمان قالت بعد صمت : انا الحمد لله عارفه حجمي كويس, انا زوجه وام , شكرا انك فكرتيني
شاهيناز: مش فاهمه كونك زوجه ايه الافتخار في كده انتي عباره عن ارنبه تخلف ولاد كتير ده بس الي تقدري تعرفيه
ايمان لفت وبصتلها: فين المشكله لو عندي ولاد كتير , هو انا من غير راجل , وبعدين هما زينه الحياه الدنيا , من غير وجودهم الدنيا تضلم
شاهيناز بغيظ: مفيش داعي خالص تمثلي انك راضيه , بحس بالقرف , مفكره لو عندك عيال كتير امير هيقدرك , لا يا روحي انا عارفه كويس الحياه الاسريه مش من طبعه
ايمان : هو جوزي وابو ولادي لمده 8 سنين
شاهيناز : وللسبب ده ضيعتي شبابه , كان نفسه يعيش سنه يسافر يقابل , مش يعيش معاكي ولا مع عيالك, انتي مفكره انه بيحبك بجد ومستعد يفضل معاكي لحد ما يموت, يبقي بتحلمي, فوقي واعرفي مكانتك اتجوزك لانه كان مضطر
ايمان: انتي ليه اتغيرتي معايا فجاه, لما كانت المرحومه ليلي مريضه كنت بزورها دايما وسامحنا بعض مش ده حصل
شاهيناز اتكت ع اسنانها بغيظ : عشان لسه قلبي محروق لما بشوف وشك
ايمان: لسه شايله في قلبك ضغينه ضدي وضد امير
شاهيناز بحقد: ملكيش دعوه بـ الي في قلبي , امير عايش معاكي بس عشان خاطر العيال
وطولت ولا قصرت هيمل لما يبص في وشك من خلفه العيال لا بقيتي ملفته ولا جذابه وكبرتي كان عندك خمسين سنه
ايمان: انا عملت لك ايه عشان تغلي مني كده مصدرش مني اي مشكله طول الفتره دي، ايه الي غيرك مني فجأه
شاهيناز: عشان قدرت اكون صبوره طول الوقت , حاولت اتقبل الي حصل بقلب راضي, بس مقدرتش كل لحظه مش بشوف غير دموع بنتي الي ماتت في عز شبابها , شوفت وجعها لما اتجوزك امير
ايمان : يعني كنتي بتتظاهري طول الوقت ده
شاهيناز : بنتي الوحيده ماتت بسببك مفكره هقدر اضحك في وشك وابوسك واحبك واباركلك انك دمرتي احلام بنتي , كان لازم انتي الي تموتي
ايمان : معقول بتتمني لي الموت , ايه الحقد الي جواكي ده كله , نسيتي ممكن دلوقت ربنا ياخد انفاسك بالحقد والضعينه الي جواكي
شاهيناز بحتقار: بت متقليش ادبك عليا
ايمان بحده: انا مش بحاول اقل ادبي عليكي انا بس بنصحك , وطالما ربنا ماخدتش امانته اسعي لفعل الخير , حاولي تسامحي الجميع , الموت ده امر حتمي علينا لا انا ولا انتي هنخلد
شاهيناز بنظرات احتقار : هتعملي عليا واعظه , انا بكرهك ومش هسيبك تعيشي يوم مرتاحه بعد ما اخدتي حقوق بنتي
ايمان اتحركت بسرعه من قدامها لان الكلام معاها مفيش منه فايده
شاهيناز : انا كل يوم بدعي ان عيالك يعيشوا من غير ماوي وبتمناه ان امير يرميكي في الشارع ونفسي قبل ما اموت اشوفك بتعاني من كتر الالم وحياتك مليانه بالقهر والدموع يا مدمره البيوت
ايمان وقفت: ليه بتتصرف الناس بالطريقه القاسيه دي ليه مش بيرضوا بقدرهم المكتوب ليهم ليه هي متكبره كدا
رحمه : ايمان غصب عني وقفت وسمعت كلامها معاكي, ليه مفضحتهاش قدامهم ليه سكتي
ايمان: اقولهم ايه هطلع انا الوحشه
رحمه : عارفه انك صبوره وحماله قاسيه .... متحطيش كلامها ابدا في بالك
ايمان: متشكره ياداده , رايحه اطمن ع الاولاد
رحمه :روحي هعملهم القهوه
ايمان: تمام
...............قصص منه محمد كاتب..................
في الجنينه امير اخد ولاده ولعبه فريق كوره وجيجي قاعده تتفرج وعيونها هتطلع عليه
امير وقف ينهج بتعب واجهاد : لا خلاص تعبت ...العبوا بعيد والا هتخبطوا في طنط جيجي
اميره: يا بابا كمل معانا
امير: والله تعبت اريح شويه
جيجي: انت هايل بتمتع الاطفال , عشان كدا متعلقين بيك كلهم
امير: مين ميحبش ولاده , بكره لما تخلفي هتعرفي غلاوتهم , امتي هتعزميني ع فرحك
جيجي رفعت صوباع ايدها اليمين بأبتسامه: انا مش مخطوبه ،ومعنديش حبيب
امير:حبيب
جيجي بدلع ممزوج مع أبتسامة: سوري بيست فريند
امير: اممم لاء متقوليش ان مفيش حد في حياتك انتي جميله ,ومتعلمه بصراحه مش مصدق
جيجي تبتسم بأحراج: هو انا جميله
امير: اكيد بنات عمي كلهم حلوين بما فيهم انتي
جيجي كشرت: بتتريق
امير ضحك وقال:لا والله بتكلم بجد , انتي حلوه زي ما كنتي صغيره
ايمان بحده خفيفه: امير
امير بصلها :نعم
ايمان :خد الاولاد يناموا في السرير
امير : يناموا ليه لسه بدري , سبيهم بكره اجازه, حبي تعالي اقعدي جنبي اتعرفي ع جيجي عن قرب
ايمان قعدت لكن ماتكلمش أبدأ تتابع الموقف بصمت حاسة انها مخنوقة
جيجي :ايمان طنط شاهي كلمتني عنك كتير, لو مش غلطانه كنت الاولي ع الدفعه ومش مستغربه ليه ولادك طالعين اذكياء شبهك
ايمان حاولت تتصنع الابتسامه
امير بمرح :يعني لو مش شبهي مش اذكياء , مش لطيف منك خالص تقولي كده , ومش بقول كده عشان ادخل في منافسه لان لو فزت المسكينه مراتي هتحزن قريب
جيجي حست ان ايمان مش متقبلاها قامت: اوكيه هدخل
امير: تمام لو احتاجتي اي مساعده اتصلي بيا
جيجي مواجهه الكلام لايمان :انا بدئت اتعلم الشغل كنت بشتغل مع عمو يونس فتره من امريكا بس لسه بتوتر
امير :انا فاهم مفيش اي مشكله, ممكن تتصلي بيا في اي وقت لو قدرت اساعدك هساعد مش هتاخر
جيجي :اوكيه
ايمان: اميره يله خدي اخواتك اطلعوا ناموا والعبوا بكره
اميره :حاضر يا ماما
امير: سندريلا ابوها خدي علب الالوان دي معاكي
...............قصص منه محمد كاتب....................
دخلت ايمان ووراها تربيزه بعجل مليانة حلويات قهوة وشاي ...وسحبتها قداهم وفضلت واقفه وامير قام ولف ايده حوالين كتافها
صابرين : جيجي مبسوطه بالشغل مع عمك يونس
جيجي : لسه مش عارفه يا طنط , انا لسه جديده بس لو مشيت وري احساسي نفسي استرخا واستمتع بوقتي , لكن عمو اصر اشتغل ,عشان كدا هساير الامور
صابرين : معلش ملحقتيش تاخدي شويه راحه , انتي حلوه عندك حبيب
جيجي ضحكت ضحكه غريبه : طنط صابرين
شاهيناز :دي معجبنها كتير وبيتنافسوا عليها زي النحل , بس جيجي عاقله جدا بتقول لسه ملقتش اميرها الي هيخطفها
صابرين : ده ع كده له مواصفات استثنائيه صح
جيجي : لو عليا انا عايزه ادخل حياتي راجل عادي
شاهيناز عيونها راحت ع ايمان وقالت بمغزي : حقك لا يمكن تاخدي راجل عادي , لازم يكون شخص من نفس مستواكي
جيجي ضحكت نفس الضحكه الصاخبه وقالت :متكسفنيش , عمتا انا معنديش مانع اطلاقا طالما بحبه
صابرين: لو مفيش ممكن ارشحلك
جيجي : يا طنط بتكسف
يامن :جدو عايز انام
عادل: تعالي ادخلك السرير
ايمان : يامن سيبه جدو قاعد مع الضيوف
يامن :انا عايزه مليش دعوه
امير : انت جرالك ايه عيب تقاطع كلام الكبار
صابرين : يامن شكله نعسان يله يا بني انا هحطك في السرير واحكيلك الحدوته نفس جدو معلش اعذروني ياجماعه
شاهيناز :خدي راحتك احنا قاعدين مع عادل
صابرين : تمام اتكلموا سوي يله يامن
ايمان قامت تتحرك ع بره وامير مسكها : حبيبتي رايحه فين
ايمان بهدوء : هروح الم لعب الاولاد من الجنينه
امير : استني جاي معاكي
...............قصص منه محمد كاتب...............
لاحظ عصبيتها وسكوتها وهي بتلم الالعاب لانها اتاكدت ان فيه عاصفة كبيرة ممكن تقتلع
ورد الحب مع بيوت الأحلام ألي تعبت كتير عشان تخلقها
امير مسكها وهو بيسأل:ايمان انتي كويسه ,مزاجك وحش طول اليوم , فيه اي حاجه زعلتك
ايمان: انا تمام
امير: ازاي تمام كاني معرفكيش ولا عشنا مع بعض سنين انا بفهم تعابير وشك كويس, متاكد فيه حاجه في قلبك مش عايزه تقوليها, معقول غيرتي لما اتكلمت مع جيجي
ايمان: وليه اغير شايفني متخلفه عشان احس بالغيره والعبط ده , ولا عشان قعدتني في البيت يبقي خلاص تفكيري بقي محدود وراجعي , انا معنديش وقت للغيره
امير: انتي ليه اتعصبتي عليا كدا , انا كنت بخمن لو مش صح خلاص حصل خير
ايمان :انا بالنسبه لي الحب مش بيجي بالاجبار , ممكن اعمل ايه لو الراجل الي بحبه مبقاش يحبني, لو حسيت انك مبقتش تحبتي وانك اعجبت كتير بيها قولي وانا اساعدك واخطبهالك
امير حرك دماغه بضجر ينفي كلامها :ايه الكلام البايخ والسئيل ده , عيب انا بتعامل معاها عشان بس ضيفه , مش هدفي اضايقك , بس انتي ضايقتيني, فكي بقي ولا اهبدك كف معتبر
ايمان قدام ابتسامته الجميله دوبتها ونستها زعلها منه وهزرت
امير يقرب منها ويمسك خدها : ايوه كدا انا مش بحس ان الشمس اشرقت الا بأبتسامه ايمان
ايمان قرصته في كتفه : خلاص فكيت
امير: ع فكره ايدك تقيله وهبوسك من شفايفك واعضك فيها
ايمان وهو بيبوسها لمحت شاهيناز بتبص عليها بنظرة حسد وحقد
امير بعد وقالها: بتبصي ع ايه
ايمان: ما تيجي نطمن ع الاولاد
امير: يله وبعدها تبصي ع الوسيم
ايمان حطت ايدها في دراعه: تمام ياجوزي الوسيم ندخل