نتي مين
واقفة مستنياه من بدري وهو أتاخر ليه بس ياربي
الغايب حجته معاااااااه بس كل ده انا واقفة بقالي 3 ساعات انا خايفة من الفكرة اللي بتدور في دماغ معقول يكون بيضحك عليا لالالا مش معقول ، بس ليه مش معقول ، طب ما أتصل كده واشوف حصل ايه معااه وما جاش ، إيه ده تليفونه مقفول طب انا هستني شوية ولو ما جاش بقي هسافر لوحدي لاني ما ينفعش ارجع البيت بعد ما هربت منه .
قعدت علي الكرسي قدام القطار وسندت راسي ونمت
وبعديها بكام ساعة وبصيت للساعة
" ياااااااااااااااااه انا نمت كتير اووووووي دي الساعة 5 الفجر طب هاعمل ايه دلوقتي وبردوه ماجاش يبقي فعلا كان بيكدب
عليا "
بصيت حوليا ولقيت عامل النظافة بيكنس وبصلي وقلي
" أخيراً صحيتي يا بنتي ، أيه اللي خرج بنت في سنك في الوقت ده "
رديت عليه
" ظروف يا عمو أعمل ايه بس "
جيه قعد جنبي وقالي
" طيب قوليلي الظروف ديه يمكن اساعدك "
والله فكرة انا لايمكن ارجع البيت بتاعنا تاني طب ما اضحك علي الراجل ده ، عملت نفسي بعيطوقلتله
" أصل ياعمو بابا وماما ماتوا من وانا عندي 5 سنين وبعد كده خالي هو اللي رباني وبصراحة ياعمو خالي ده وحش اووووي كان بيشغلني عنده شغالة ليه ولمراته ولعياله ، لغاية لما عايزني
أتجوز راجل قد ابويا يرضيك كده ياعمو ؟ "
بصلي بحنان وقلي
" لا طبعا ما يرضينيش يا بنتي "
كملتله الكدبة بتاعتي وقلتله
" وعلشان كده انا هربت منه ومش عارفة أروح فين ففكرت أني أسافر محافظة تانية علشان ما يعرفش يوصلي ، بس للاسف نمت وفتني القطر "
سكت وبعد كده قلي
" طيب تعالي اقعدي معايا لغاية لما نشوف حل "
خفت وقلتله
" أأ أقعد عندك إزاي بس يا عمو "
ضحك وقلي
" ما تخفيش قوي انا مش ساكن لوحدي انا ساكن مع مراتي وعيالي "
إبتسمت وقلتله
" إذا كان كده معلش يالا بينا "
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
وصلنا بيت عمو وكان بسيط اووووي شكلهم فقراء ، أيه ده انا نسيت انه عامل نظافة يبقي اكيد بيته بسيط وفقير ، قفل الباب وفضل ينده " يا امو يوسف .. يا امو يوسف "
جتله جري وقلتله " أيوه يا أبو يوسف في ايه ؟ "
بصتلي وقلتله " مين البنوتة ديه ؟ "
رد عليها " هبقي أقلك بعدين ، المهم دلوقتي حاضرلها الاوضة بتاعت سلمي علشان هتنام فيها مع سلمي "
" حاضر "
وبعد ما مشيت مراته قلي
" ما قلتليش أسمك أيه ؟ "
رديت عليه
" غادة أسمي غادة يا عمو "
قلي بحنان " الله .. أسمك حلو يا غادة "
أبتسمت وقلتله " شكرا يا عمو وحضرتك أسمك ايه ؟ "
رد وقال
" أنا أسمي حسنين وقليلي عم أبو يوسف "
" حاضر يا عم أبو يوسف "في نص هدومي
" عندك كام سنة بقي يا غادة ؟ "
" أنا 18 سنة "
" أه يعني في سن سلمي بنتي هي عندها 19 سنة وطيبة هتحبيها أوووي "
" إن شاء الله "
" طيب انا هقوم والبيت بيتك يا بنتي "
" شكرا يا عمو "
عمو قام وانا فضلت ألف في الشقة دخلت المطبخ لقيته بسيط أووي وبعد كده بصيت علي الحمام بردوه كان بسيط اووي ووصلت للصالة هي صالة وسفرة في نفس الوقت ، السفرة صغيرة 6 كراسي ولونها أصفر وفرشها بسيط والصالة بردوه بسيطة فيها انتريه كنبة وكرسين وقدمها تربيزة صغيرة ، بصيت حوليا لقيت 3 أوض
قعدت علي الأنترية وفضلت أفكر في هشام اللي سبني أستناه في
المحطة وما جاش وأكيد بابي مش هيسكت وهيدور عليا فينك بس يا ماما تيجي تشوفيني وتشوفي اللي بيحصلي ، أكيد كنتي هتقفي في صفي ، هشام فينك دلوقتي أنا لايمكن أصدق أنك مش بتحبني
أحنا مع بعض بقلنا سنتين ولا يمكن أكون فهمتك غلط ، لالا لايمكن هو ممكن يكون حصلتك مشكلة ماقدرتش بسببها تيجي ونهرب مع .. أيه ده مين اللي دخل البيت ده بصلي وأستغرب جيه وقف جنبي وقلي
" أنت مين ؟ "
" أنا ..... أنا غادة " هع هع هع
" والله هو انا بقولك أسم حضرتك ايه o.Oمتنرفزة و على اخري !! أنا بقولك أنتي مين ؟ "
" وقلتلك غادة "
" أستغفر الله العظيم ، بصي ماهو لايمكن تكوني صحبة سلمي لأن سلمي في الكلية دلوقتي وسؤالي أنتي مين ؟غضبانة جدا "
عمو خرج من الاوضة وقال
" أيه الدوشة ديه في ايه يا يوسف ؟ "
" بابا مين البنت ديه ؟ "
" أيه يا أبني ، ديه بنت واحد من قريبي في البلد و مات من قريب وملهاش حد غيري علشان كده جبتها تعيش معانا هناملخبطة "
قلت في سري هو ليه عمو قاله كده o.O
" طيب يا بابا ، أنا أسف أنسة غادة علي الإزعاج اللي سببته "
ومشي وسبنا
قربت من عمو وقلتله
" هو ليه حضرتك قلتله كده "
" علشان انا عارف ابني لو كنت قلتله الحقيقة ماكنش هيرضي أنك تقعدي معانا وكان هيحصل مشاكل ، وبعدين خلي بالك ما تقليش لحد عن الحقيقة حتي سلمي ما تقللهاش أتفقنا ؟ "
" أتفقنا ، بجد شكرا ليك يا عمو شكرا شكرا "
" خلاص يالا علي الاوضة ، زمان خالتك أم يوسف خلصتها "
" حاضر "
دخلت الاوضة كانت بسيطة بردوه لقيت مرات عمو بتقولي
" يالا يا بنتي زمانك تعبانة نامي و أرتاحي "
" ماشي ، شكرا يا طنط "
" ههههههه طنط لا قوليلي يا خالتي "
" ماشي يا خالتي ، شكرا شكرا شكرا "
" بت يا هبلة أنتي أنا زي ماما يالا نامي قبل ما محمد يجي من المدرسة وساعتها ما تعرفيش تنامي من دوشته "
" محمد o.O ، محمد مين ؟ "
" محمد ده إبني الصغير في 5 إبتدائي "
" مممممممم فهمت طيب أنا هنام قبل ما سي محمد يجي هههههه ، تصبحي علي خير "
الحلقة ( 2 ) :ـ أبعدي عن طريقي/
صحيت لقيت بنت جميلة شعرها أسود طويلة ورفيعة واقفة قدام المراية بتسرح شعرهاواو بصتلي لما قمت وقلتلي
" مساء الخير لأننا بقينا بالليل ، أنتي غادة ؟ "
" أيوه وأنتي سلمي صح ؟ " /
" أيوه تشرفنا غادة ، أنتي بقي يا ستي هتعيش معايا في الأوضة يارب تكون عجبتك ؟ "
" لا حلوة أوووي كفاية أنك فيها "
" يا بكاشةمكسوفة ، قوليلي يا غادة أنتي مالكيش حد خالص خالص ؟ "
" أه كنت عايشة مع بابا وكنا لوحدينا مانعرفش حد ولما بابا مات عمو حسنين خدني أعيش معاكم هنا "
" أممممم فهمت بس أنا بجد مبسوطة أووووى
" ليه ؟ "
" لأن أخيرا لقيت بنت تعيش معايا أصلا أخواتي الاتنين ولاد ويوسف أخويا ما ينفعش يتصاحب "
" ليه هو مش اخوكي ؟ "
" أيوه بس يوسف شديد أووي وماحدش بيعرف يتعامل معاه حتي بابا وماما بس تعرفي حنين أوووي لما حد فينا بيحصلوا حاجة بيموت علينا يعني أفتكر أنا محمد في مرة كان عيان بس عادي يعني ماكنش عيان أوووي ، يوسف ساعتها مرداش يسيبه وداه المستشفي وجابله أدوية قد كده وفضل سهران عليه كام يوم لغاية لما خف أصل يا ستي محمد ده حبيب يوسف أووي يا بخته "
" ههههههه أيه يابنتي بتغيري من أخوكي الصغير "
" ههههههههه أصلك ما تعرفيش محمد ده بيعمل فينا ايه ، مصيرك هتعرفي "
" ربنا يستر ، أه صحيح أنتي بتدرسي أيه ؟ "
" أنا في كلية الأداب قسم علم نفس و أنتي ؟ "
ما ينفعش أقولها أني بدرس أقتصاد وعلوم سياسية وأقولها كمان أن بابا جبرني أدخل الكلية ديه علشان أدخل معاه السلك الدبلوماسي
فاضطريت أكدب " لا أنا مش بدرس "
" ليه مش بتدرسي ؟ "
" علشان مش بحب الدراسة شغل البيت أرحم ياستي لكن يعني بيمر عليا وقت واقرأ شوية كتب وأستفاد منها ، ويوسف بيدرس أيه ؟ "
" يوسف في كلية الطب سنة رابعة وبيشتغل بردوه "
" واااااو ماشاء الله "
" طيب ، أنا هقوم أذاكر "
" ماشي وأنا هاخرج برا الأوضة وهاروح أشوف خالتي "
" طيب ، أقفلي الباب وراكي "
" حاضر "
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
رحت لخالتي في المطبخ ولقتها بتغسل المواعين
" أجي أساعدك يا خالتي "
" لا يا حبيبتي انا قربت أخلص أهو "
" لالا أدخلي حضرتك أرتاحي وأنا هاعمل بدالك "
" أه والله ده أنا تعبانة أوووووي من الصبح واقفة علي رجلي ، بس أنا خايفة أكون بتعبك "
" لالا ولا تعب ولا حاجة ، تعبك راحة "
" ماشي أنا هادخل أنام بقي تصبحي علي خير "
" وحضرتك من أهله "
هههههههههه أنا اللي خلاني أبقي شهمة ، طيب هجرب هي المواعين ديه بتتغسل إزاي أصلا ، أه أه أفتكرت عايشة الشغالة كانت بتغسلها إزاي وفضلت أغسل وأنا مبسوطة لأني أول مرة أحس أني بنت وبتعرف شغل البيت ///
بعد شوية سمعت صوت بيقول
" ماما يا ماما أنتي فين يا ماما "
وبعد كده سكت
" ماما ، أنسة غادة أنتي هنا "
" أيوه ، حضرتك كنت عايز حاجة ؟ "
بصلي وحش وقلي " لا مش شغلك
ومشي " هو ليه بيعملني وحش وكأني قتلتله حد هههههههه ، يالا أنا مالي خليني في المواعين ديه ، يارب بس خالتي لما تشفهم ما تكسرش الاطباق دي علي راسي هههههههه "
بعد شوية
ياااااااااااه أخيرا خلصت ، بس أنا جعانة أووووي
دخلت الأوضة ولقيت سلمي لسه بتذاكر ، أنا مكسوفة أقولها أنا جعانة قعدت علي السرير وخدت كتب من كتبها وفضلت أقرأها
وبعد شوية
سمعت صوت سلمي وبتقول
" يااااه أنا جعانة أووي أنا هاقوم أحضرلي أكل ، تأكلي معايا يا غادة "
" لا لالا شكرا "
" يابنتي أنتي ما كلتيش حاجة من الصبح ، أنا هقوم أعمل شوية أكل ، أه صحيح هو يوسف لسه ما جاش ؟ "
" لا جيه من شوية "
" طيب هو زمانه كمان جعان هقوم أحضر لينا كلنا "
" طيب "
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
" يالا يا غادة الأكل جهز "
" حاضر جايه أهو "
وروحت أقعدت معاهم علي السفرة
ولقيت الطفل المشاغب هو كمان علي السفرة
" أيه ده حد عندنا ، أنتي صاحبة سلمي ؟ "
" لا ، أنا قريبتكم بس من بعيييييييييييييد أوووووي "
" بعيد o.O ، بعيد فين الشارع اللي ورنا ؟ "
" هاهاهاهاهاها لا المحافظة اللي وراكم "
" أنتي بتهزري ؟ مش عيب واحدة كبيرة وتهزر "
" يا سلام ومش عيب واحد صغير زيك ويهزر "
" لا لا شكلك لمضة "
" أنا بردوه اللي لمضة "
" بس بس أسكتي ، يوسف جيه "
قلت في سري وايه يعني لما يجي قعد جنب أخوه وباسه من غير حتي ما يقولي أزيك ، السلام عليكم أي حاجة ، هو حر بس شكله صعب زي ما سلمي قلتلي ، وبعد كده سلمي حطت الأكل علي السفرة وقعدت وقالت " أول مرة أقعد علي السفرة وأحس أني هاكل بشهية "
رد عليها يوسف " وده ليه بقي يا ست سلمي "
"علشان قاعدة مع بنت قدي زي زيها مش أنت وأخوك اللمض ده "
محمد زعل وقلها " أيه ده هو كله بيقول عليا لمض "
رد عليه يوسف وقله
" أنت محسسني أنهم كدبوا ، ما أنت فعلا لمض "
سلمي بصت لمحمد وقلتله
" أهو شفت ماجبتش حاجة من عندي "
بصتلي وقلتلي " أيه يا غادة من ساعة ما يوسف أقعد وأنتي ما اتكلمتيش يعني "
" ها لا لا عادي والله ، مش لاقية حاجة أقولها "
بصلي محمد وغمزلي وقالي
" مش لاقية ولا مكسوفة من يوسف :P "
" لا يا خفيف ولا مكسوفة ولا حاجة :P "
" خفيف o.O كام كيلو ؟ "
" يكفيك 2 جرام هههههههه "
" ياااااااااه ده أنتي بخيلة أوووووووي "
" لا يا عم ديه الحقيقة بس أنت بتحاول تخبيها أنت يا صغنن أنت "
" صغنن o.O "
يوسف زعق وقال " بـــــــــــــــــــــس كلوا وأنتوا ساكتين "
رد عليه محمد وهو بيعبط " طيب أنا أسف ما تزعلش مني
" لا مش زعلان بس وأنت بتأكل ما تتكلمش ماشي أتفقنا "
" أتفقنا "
كان عندها حق سلمي يوسف صعب أووووووي وحنين أووووي بردوه
خلصت أكل وقلت " الحمد لله "
كلمتني سلمي " أيه يا غادة كملي أكل "
لسه كنت هرد لقيت يوسف بيرد عليها " سبيها براحتها ، عايزة تأكل كويس أو مش عايزة دي حاجة ترجعلها مالناش دعوة يا سلمي "
" أيه يا يوسف في ايه ، دي ضيفة عندنا بردوه "
رديت عليها
" لالا عادي يا سلمي مافيش حاجة "
رد يوسف " الحمد لله خلصت "
دخلت غسلت أيدي وبعدها خرجت من الحمام وراجعة للاوضة وكنت باصة للأرض وخبط في حد لسه كنت هبوص للحد ده لقيته بيزعقلي ويقولي " أيه مش تأخدي بالك وأنتي ماشية "
لسه هرد علي اللي اسمه يوسف ده لكن مالحقتش لقيته بيقولي " يالا أبعدي عن طريقي وشوفي أنت كنتي رايحة فين "
لالا أنا مش هرد عليه إحتراماً لعيلته ومشيت ورحت الأوضة
" وأنتي من أهله "
ياااااااااااااااااه قلتلي أنا زي ماما ، الشعور حلو لما يكون ليك أم وبتخاف عليك وتكون حنينة وانا اتحرمت من الشعور ده من 10 سنين يااااااااااااااه يا ماما وحشتيني أووووووي وفضلت أعيط لغاية لما نمت