رواية كيان والشيطان الجزء الثاني الفصل السادس 6 بقلم محمد منصور
بسم الله توكلت على الله، وهو رب العرش العظيم
★ إسلام
اسمع يا أخ إنت… إحنا زي ما دخلنا هنخرج، ومفيش داعي لأي كلام تاني.
ضحك سلامة بسخرية وقال:
بجد؟! طيب مش لما تاكلوا الأول؟
وفجأة… عربية ملاكي سودا وقفت قدامهم… الإزاز نزل ببطء… وظهر فرج، عينه مليانة شر… ورافع رشاش آلي ومصوّبه على كريم!
وفي لحظة ضرب نار!!
طلقات متتالية شقت الهوا بسرعة مرعبة… لكن قبل ما توصل لكريم…
جسم اتحدف فجأة قدامه!
واحد لابس بروكة وقناع!
خطف كريم من قدام الموت في ثانية… طلع طبنجة… وضرب على فرج! مسك إيد كريم وجريوا بأقصى سرعة ناحية عربية كانت دايرة…
ركبوا… والعربية اختفت زي الشبح!
سلامة بص لفرج… وفرج قال للسواق ببرود:
اطلع…
والعربية اتحركت. سلامة بص لـ كيان وإسلام… نظراتهم كلها صدمة وأسئلة: مين اللي أنقذ كريم؟!
لكن فجأة سلامة مسك إسلام من رقبته وخنقه وهو بيزعق
يبقى إنتوا هنا علشان كريم!!
قال إسلام وهو بيحاول يفك إيده
إحنا مش فاهمين إنت بتقول إيه!
بص لكيان… وفجأة—وضربة دماغ قوية! كيان خبطت سلامة في مناخيره… الدم انفجر!
وجريوا! سلامة مسك مناخيره اللي بتنـزف وجري وراهم وهو بيصرخ بجنون!
بعد شوية…
وسط أرض زراعية مزروعة قصب…
كيان وإسلام مستخبيين… أنفاسهم مقطوعة… وسلامة بيدوّر عليهم، ودمه لسه بينزل… لكن بعد وقت… وقف…زهق… وخرج من الأرض ومشي. استنوا شوية…
وبحذر شديد… خرجوا هما كمان.
في نفس الوقت… خالد "العفريت" بيتكلم في الموبايل:
أنا شوفت بعيني… كيان وإسلام كانوا هناك… قبل ما الشخص المتخفي ينقذ كريم.
صوت غليظ متغير بسبب ابلكيشن تغير الاصوات
أكيد اللي أنقذ كريم ده تبعهم.
خالد:
مفيش تفسير غير كده.
الصوت:
يعني كيان لسه متابعة الموقع؟
خالد:
لسه.
الصوت ضحك بخبث:
رغم إننا خليناها فاكرة إنها "العراف"… وهي اللي بتحرك الكل…
وما تعرفش إنها كانت لعبة في إيدينا!
خالد بقلق:
وجودهم في الصعيد هيبوظ كل خطتنا… وكفاية الخساير اللي حصلت النهارده!
الصوت:
ابعت لسلامة… يخَلّص منهم.
خالد:
ما نخلص إحنا؟
الصوت بعصبية:
إنت غبي؟! إحنا عمرنا اشتغلنا بإيدينا!
خالد:
طب نعمل إيه؟
الصوت:
في حد هيعملها…
خالد:
مين؟
الصوت:
فرج.،،،،،،،،
بعدها بدقايق…موبايل فرج يرن… رسالة من "العراف":
"في اتنين… كيان وإسلام… سلامة مأجرهم يحمو ابنه منك.لو عايز تاخد بتارك… الحقهم قبل ما يهربوا."
واتبعت صورة ليهم مع سلامة…
فرج اتعصب… وبص لرجالته وقال
اقلبوا البلد… عايزهم قدام
ورفع الموبايل ووراهم صورة كيان واسلام ،،،،،،
نروح لكيان وإسلام… ورا بيت قديم في أرض زراعية…
كيان سندت ضهرها وهي بتنهج:
هنفضل نهرب لحد إمتى؟!
إسلام:
لحد ما الكلب ده يبطل يدور علينا.
فجأة… إشعار!
كيان فتحت الموبايل… واتصدمت!
إسلام
في إيه
ناولته الموبايل…
كان شغال فيديو:
"العراف خطف كريم… وهيتم قتله بعد 48 ساعة!"
إسلام:
كدب!
كيان:
ليه؟
إسلام:
لإن المراهنات وصلت أرقام خرافية علشان يعيش… مش يموت.
كيان:
يبقى ليه الفيديو دة
إسلام:
عايزينّا نفضل هنا…
كيان:
متأكد؟
إسلام:
هتأكد… بس لازم نرجع للشقة… اللاب هناك.
في الزريبة…باب بيتفتح بعنف…
سلامة داخل… مناخيره مكسورة…قرب من سحر…وضربها بالقلم!
وقعت وهي بتصرخ…
سلامة:
مين يعرف إنك هنا غير جارتك؟!
سحر مش فاهمة…شد شعرها بعنف وقال
انطقي!!
سحر بعصبية رغم الألم:
اضرب زي ما إنت عايز… أنا مش فاهمة حاجة
سلامة:
في حد كان عارف اللي هيحصل لكريم… ولحقه قبل ما يموت!
سحر بفرحة:
الحمد لله
وبصت لمناخيره:
واللي لحقو… علم عليك وكسرلك مناخيرك!
سلامة بجنون:
هكسر رقبتك
وخنقها! وفجأة—طوبة تضربه في دماغه! لف بالعافية… لقى كريم اللي قال
يا ابن الورمة!
وضربة تاني سلامة وقع مغمي عليه!
كريم جري على سحر
سحر! سحر!
فاقت… وعيطت… حضنته…
كريم وهو بيعيط:
عايز رز بلبن يا سحر… أنا جعان…
سحر ضحكت وسط دموعها:
هعملك اللي إنت عايزه… بس إنت جيت إزاي؟!
كريم:
في واد برة… فضلت أعيط له لحد ما جابني!
الشاب يدخل… ويفكها…
سحر:
أنا مش عارفة أشكرك إزاي…
الشاب:
نخرج الأول…
في العربية… الشاب دة كان سايق وبيقول لهم
حقكوا عليا… كل ده بسببي.
سحر:
بسببك؟!
الشاب:
أنا سيف… ابن سلامة.
الصمت نزل تقيل…
سيف:
أبوي كان عايز فرج ياخد التار من كريم بدل مني…
سحر مصدومة:
ورغم دة كله نويت تلحقه
سيف:
كريم أخويا… أسيبه لية يموت علشاني؟!
وسيف بدأ يعيط:
أبوي قتل أمي قدامي… وخلاني أشهد إنها ماتت طبيعي…
سحر بحنان:
اهدى يا ابني
سيف بص لها:
حاضر… يا أمي…
وانهار في العياط…،،
في إيطاليا…
ست قاعدة قدام شاشة ضخمة…
بتتفرج على فيديو كيان وإسلام…
وتبتسم ابتسامة خطيرة:
رجعتي تاني يا كيان؟ يبقى حسابنا لسه مخلصش…
والكرسي يلف… وتظهر: عفاف… خالة كيان!
★ اللي عايز يعرف حكاية عفاف… يرجع للموسم الأول ★
ولحد هنا… الديك أذن…