رواية لن اتزوج حتي احب الفصل الرابع 4 بقلم فاطمة هشام
*كانت ندى زعلانة من البيحصل ده بس حاسة انها اتعودت على اسلوب مامتها وتفكرها وبرده هى مازالت عند مبدأها وبدأت معاملتها مع مامتها تبقى عادى وكانت احيانا مامتها تضايق منها لما تفتكر البتعملوا بس ندى مكانش هممها وكل الكانت بتفكر فيه دراستها واختها ال بسببها بتكون فرحانة اوى ولما تقعد معاها وتشيلها وتلعب معاها بتكون مبسوطة اوى وتدخل ندى سنة 3 ونادية تكبر شوية وتكون اول اسم نطقته ننا (ندى) وكانت بتحبها اوى اكتر من مامتها كمان عشان يعتبر هى المرابيها وفى يوم رجعت ندى من الكلية وفتحت الباب*
ندى:انوش انا جيت *وبصت حوااليها ملقتهاش رغم انها كانت كل ما ترجع تلاقى نادية وبتجرى عليها وتحضنها*وفضلت تدور عليها ودخلت اوضة من الاوض وكان باباها قاعد بيتفرج على التى فى*:بابا هى نادية فين
عاصم:مامتك خدتها وخرجت راحت تشترى حاجات
ندى*بحزن*:طيب عن اذنك
عاصم:ندى
ندى*وقفت وبصتله*:نعم يابابا
عاصم:عايزك متزعليش منى او من امك احنا بنحبك وعايزين مصلحتك
ندى:تانى يابابا بتقول مصلحتى انتوا شايفين ان مصلحتى فى الجواز وبس لا فى حاجات تانية كتير اهم وغير كدا انا لسه صغيرة ليه الاستعجال ما نصيبى والمكتوبلى ان شاء الله هييجى
عاصم*بصلها وكأنه عايز يقولها حاجة وسكت*:ياحبيتى احنا عارفين كدا بس مفيش مشكلة لو تكون مامتك عايزة تفرح بيكى وكمان الناس هى البتقدملك
ندى:ياسلام ,على اساس انها مش هى البتقول
عاصم:بتقول ازاى يعنى ,تفتكرى امك ممكن تقول لحد تعالى اتجوز بنتى لا ياندى غلطانة هم الناس عرفينك وعارفين اخلاقك وبيتقدمولك عشان كدا
ندى:لا يابابا مش العرسان هم البيتقدمه اهليهم انت ناسى اول واحد ال مامته جت وشافتنى الاول والتانى المامته كلمته وقالتلوا تعالا شوفها كل بييجوا عشان اهليهم قالولهم كدا مفيش واحد جى عشانى انا عشان بيحبنى انا لكن جى عشان مجرد قاعدة فى صالون وقراية فاتحة وياعالم هكتشف ايه ايام الخطوبة وايه بعد الجواز
عاصم:افهم من كدا انك رافضة تتجوزى بالطريقة دى
ندى:رافضة وبشدة عشان انا مش حابة طريقة التفكير والاسلوب ده طريقة قديمة اوى ماما مش قادرة تصدق ان احنا تطورنا واتغيرنا وكمان انا لو عايزة اتخطب كنت وافقت عن اى واحد من التقدمولى بس انا عندى مبدأ ومستحيل انى اتنازل عنه
عاصم*بصلها وسكت شوية*:مش عارف اقولك ايه يابنتى بس ربنا يرزقك بأبن الحلال
ندى:يــــــــــــــارب *ولسه هتخرج سمعت صوت الباب وخرجت لقت مامتها جاية ومعاها نادية واول ما شافتها جريت عليها وحضنتها*
نادية*بطريقة طفولية*:ننا
ندى:وحشتينى انوش*وبصت لمامتها*:ازى حضرتك ياماما
ناهد:كويسة ,نايمى نادية وتعالى عشان عيزاكى
ندى:خير
ناهد:لما تنيمى اختك الاول
ندى:اوكى
*ودخلت ندى اوضتهم ونايمت اختها وغيرت هدومها وخرجت وكانت مامتها قاعدة مستنياها فى الصالة*
ناهد:اختك نامت
ندى:اة ياماما
ناهد:فى موضوع عايزاكى فيه
ندى*وحست انه بخصوص العرسان*:خير ياماما ,رغم ان قلبى حاسس انه مش خير
ناهد:قصدك ايه يعنى ,بصى انا كنت هكلمك براحة بس اسلوبك ده بيخلينى اعملك بشدة
ندى:خلاص ياماما سكت ايه الموضوع
ناهد:بصى انا كنت بشترى حاجة وبعد ماخلصت جيت هنا العمارة وطلعت على السلم الاقالك ايه بقى يابت ياندى
ندى*بهزار*:ايه عيفريت
ناهد:عفريت لما يعفرتك يابت,طنطك انعام جارتنا عرفها طبعا كانت نازلة وانا طالعة وقاعدنا نرغى شوية على السلم والكلام جاب بعضه
ندى:ماما جيبى من الاخر
ناهد:عايزة تاخدك لآبنها كريم
ندى:تاخدنى ازاى يعنى!
ناهد:ايه ياندى مش فاهمة عايزة تخطبك لآبنها ,وعلى فكرة انا قولتلها دى البنت لسه صغيرة قالتلى ده كريم هيتهبل عليها ومستعد يستناها العمر كله بس عايز فى الاول يتكلم معاها ويتعرف عليها وطبعا لزما احنا نكون عارفين ده مؤدب اوى ياندى
ندى*بستغراب*:كريم مؤدب
ناهد:ايه انتى شوفتى حاجة وحشة منه
ندى:انا اصلا مبشوفهوش كتير بس هو شاب خرع كدا ومن الشباب البتسقط البنطلونات وفاتحلى القميص وبيلبس سلاسل وخواتم يعنى استايله نفسه ميطمنش
ناهد*بتحاول تمتص غضبها*:ماتخديش بالمظهر ياندى المهم الادب والاخلاق ,عموما انا قولت اقولك وانتى حرة والمرة دى اهوه قولت اقولك بالتفاهم ومش بالعافية بس عشان خاطرى او عشان خاطر اختك شوفيه واقعدى معاه
ندى*بصت الناحية التانية وفضلت ساكتة وبتفكر فى كلام مامتها*
ناهد:ها يا ندى
ندى:اوكى
ناهد*فرحت اوى وخدتها فى حضنها*:ربنا يخليكى يا حبيتى هاروح اقول لآبوكى
ندى*ابتسمت واستغربت اوى اول مرة تشوف مامتها فرحانة كدا وتاخدها فى حضنها ماكنتش فاهمة ليه اصرار مامتها انها تتجوز بس قالت المرة دى معندهاش حجة وبكلام مامتها ان هو جارها وكان بيشوفها وعايز يتقدملها وقالت يمكن ماحبش انه يكلمها زمان عشان كان لسه بيدرس ودلوقتى خلص بس برده ندى ما كنتش مطمنة خالص*وبعديها بفترة جت مامه كريم وهو واخوه الصغير فى اولى ثانوى ودخلت مامتها وباباها يقعدوا معاهم وشوية ودخلت ندى بصنية العصير*
انعام:ماشاء الله عليكى ياندى زى القمر
ندى*ابتسمت*:شكرا *ورفعت راسها عشان تشوف سى كريم ملقتهوش وبصت لمامتها*
ناهد:حطى الصنية يا حبيتى وادخلى لكريم فى البلكونة اصله قام يشرب سجارة
ندى:يشرب سجارة!
انعام:اة ده عنده شئ اساسى السجاير دى بجد مش عايز يبطلها خالص
ندى*لنفسها*:بداية مش مطمئنة بس ايه ياندى عادى ما انتى بطريقتك ممكن تخلى يبطلها ومدام هو بيحبك اكيد هيبطلها*
ناهد:يلا يا ندى ادخلى لعريسك البلكونة
ندى*دخلت البلكونة ولقت استاذ كريم واقف وساند على سور البلكونة وباصص على بنت ساكنة قصادهم بترقص وفاتحة الشباك وكانت لبسه قط وشورت فوق الركبة ومحزمة نفسها وهو كان عمال يتفرج ومركز معاها اوى ,ولسه ندى هتكلم لقته واقف وباصص للبنت دى وحست كأن عنيه قربت تخرج من مكانها بصت ندى عليه وعلى البنت وسكتت شوية وبعد كدا قالت بصوت عالى*:كـــــــــــــــــــــــــــريم
كريم*اتخض وبص وراه وقلبه كان هيقف عشان طبعا كان مركز مع البنت اوى*:ايه
ندى:ايه انت ,اصل انا شوفتك سرحان قولت افوقك
كريم:هه انا ماكنتش سرحان ولا حاجة وكمان انا فايق
ندى*بتريقة*:اة ماواضح
كريم:ممكن متعمليش الحركة دى تانى
ندى:مش لو اتكلمنا تانى
كريم:قصدك ايه!
ندى:مفيش
كريم*بصلها من فوق لتحت على لبسها ^الجيبة الواسعة والبلوزة الواسعة والطرحة مغطية شعرها^ وقال *لنفسه*:باين عليها من لبسها محترمة اهوه دى ال اقدر امان على شرفى معاها عندك حق ياماما بس عادى لو اعمل كل فترة شوية تغيير واعرفلى كام واحدة ما انا لزما ابسط نفسى برده*
ندى:هتفضل تبصلى كتير
كريم*قرب منها*:اصلك جميلة اوى
ندى*بعدت عنه واتكسفت اوى واضايقت من العامله*:استاذ كريم ياريت كلمنا ميتعداش الحدود
كريم:مايتعداش الحدود ازاى
ندى:اصل ما بحبش الطريقة دى وانك تقرب منى كدا
كريم:يابنتى انتى هتبقى مراتى يعنى اقول ال انا عايزة واقرب براحتى
ندى*اضايقت اوى*:لا مش من حقك تقول ال انت عايزة ولاحتى تقرب منى ولا تمسك ايدى وكمان بتقول هبقى لسه هبقى بص احنا ندخل نتكلم جوه اتفضل قدامى
كريم:باين عليكى هتتعبينى معاكى
ندى*مردتش عليه وشاورتله عشان يخرج من البلكونة*وخرجوا من البلكونة وقاعده مع اهليهم*
ناهد:ايه ده لحقته تكلمه مع بعض
ندى:احنا لسه متكلمناش حبيت اتكلم المرة دى قصادكم ,ممكن اسألك كام سؤال يا استاذ كريم
كريم*بستغراب*:ليه هو انا داخل امتحان ولا ايه
ندى:طبعا الجواز ده اكبر واهم امتحان فى الدنيا وعلى حسب ردك هتعرف موافقتى او رافضى
كريم:ماشى اسألى
ندى:بتصلى
كريم*بصلها وسكت واتلغبط *:ايه ايه ال انتى بتقوليه ده
ندى:ايه هو انا بقول حاجة غريبة انت مسلم فالطبيعى ان اسألك السؤال ده بتصلى
كريم*بصلها وسكت شوية*:يعنى
ندى*بستغراب*:يعنى ايه يعنى!ما انت يا بتصلى يا اما لا
اسامة*اخوه*:لا مبيصليش ده حتى ماما بتتحايل عليه عشان ينزل يصلى الجمعة وانا بنزل وهو لاوبيفضل نايم او قاعد يتكلم شات على النت
انعام:ولد اسكت انت
ندى:لا ياطنط خليه يتكلم براحته ,طبعا مدام مبتصليش يبقى اكيد مبتقرأش قرأن مش محتاجة فقاقة يعنى
اسامة:يقرأ قرأن ايه ده كان كل سنة يسقط فى الدين المادة الوحيدة اليسقط فيها
ندى*مصدومة*:بتسقط فى الدين بتاعنا
كريم:هو فى ايه احنا فى حصة دين ولا ايه
ندى:خلاص ياعم بلاش الاسئلة دى مين المغنى المفضل ليك
كريم:عمرو دياب انا بسمعهم كلهم بس الاكتر عمرو دياب
ندى:بتحب تدخل السينما
كريم:اكيد واخر فيلم دخلته حلاوه روح قبل ما يتمنع من العرض
ندى:بجد! طب ايه رأيك فيه ايه هدف الفيلم ده يعنى
كريم*بستغراب*:هدف ايه!
ندى:ما اى فيلم او مسلسل بيبقى لي هدف معين الواحد بيستفيد منه اومال انت فاكر انهم للتسلية وبس
كريم:انا مالى بده كله انا داخل عشان اشوف هيفاء
ندى*بصتله بأرف*:داخل عشان هيفاء
كريم:اة طبعا وكمان ايه الاسأله الغريبة دى*وبص لمامته*:ايه يا ماما
ندى:هى مامتك ملها انا بسألك انت مش انت الجى تتقدملى ومعجب بيا من زمان
كريم:انا معجب بيكى مين قال كدا ,انا كل ما فى الموضوع ان خلصت دراستى وبدور على عروسة عشان اتجوز وماما قالتلى عليكى وانا طبعا كنت عارفك فوفقت
ندى*اتصدمت من كلامه وبصت لمامتها وبعد كدا بصتله تانى*:طب اسمع بقى الكلمتين المحشوريين فى زورى ,انا اصلا عرفاك من زمان وماكنتش بطمنلك وبكره اسلوبك بس قولت يمكن اتغيرت لكن للاسف ده انت اتحولت للآسوء ازاى انت هتجوز وانت كدا كل يوم مع واحدة شكل وبتلعب على دى وبتضحك على دى وعايز ربنا يرزقك ببنت كويسة ومحترمة!وقبل ده كله الصلاه ازاى واحد فى سنك مبيصليش ولا حتى بيقرأ قرأن يعنى حتى فى رمضان ده لو كنت عارف يعنى ايه رمضان وبتصوم انا مش شيخة ولا حاجة انا زيك بسمع اغانى وبتفرج على الافلام العدلة طبعا مش زى الافلام الهابطة بتاعت اليومين دول لكن فى نفس الوقت لزما احافظ على الصلاه ولزما اقرأ القرأن واعرف دينى وافهمه مش ابقى مسلمة بالاسم وخلاص ومن غير اى كلام كتير ,,الميصليش ميلزمنيش ,كان نفسى اقول شرفتونا *وقامت وقفت*:لكن انت الوحيد الهقولك بـــــــــــــــــــــــرة
كريم*بصلها*:انا تقوليلى كدا ماشى ياندى والله لندمك على كل كلمة قولتيها
ندى*بصتله بأرف وبتشاورله على باب الشقة*:بــــــــــــــــــــــــــرة
*وخرج كريم مع مامته واخوه وراحوا على شقتهم ودخلت ندى اوضتها وكانت مستنية مامتها تدخل تزعق كالعادة بس المرة دى حصلت حاجة غريبة مامتها مجتش فخرجت ندى لقت مامتها وباباها قاعدين فى الصالة*
ندى:ايه مدخلتيش تتخنقى معايا ليه
ناهد:عشان اول مرة يكون عندك حق ال زى ده مينفعش يكون زوج
ندى*ابتسمت*:اخيرا اقتنعتى برأيى
عاصم:بصراحة برافو عليكى فى الكلام القولتيه لى ده
ندى:انا اصلا اول ما شوفته مطمنتلوش وحسيت انه مش كويس ومن الشباب الضايعة
ناهد:بس برده ما انتى ممكن كنتى تغيريه
ندى:تانى ياماما ,وكمان ال زى ده عمره ماهيتغير انا كنت بشوفه على طول بيرجع وش الصبح وسهران مع اصحابه واكيد بيشربه اى نيلة وده واضح على شكله الصراحة الواد وانا مش مستعدة ان كان يجيلى اطفال مشواها بسبب ان ابوهم بيشرب سجاير او ان فى اخر ايامى ابقى دايخة فى المستشفيات بسبب كمية الامراض الهتكون عنده عشان شربه للسجاير دى ال هى اساسى عنده الانسان ده مش هيتغير غير لما ربنا يريد ان يهديه غير كدا هو هيفضل كدا وكمان انا مستحيل اغيره عشان ده مابيحبش غير نفسه وعلى فكرة ياماما انتى خليتى شكلى وحش اوى هو ده الهيتهبل عليا
ناهد:ما انا قولت هكدب كدبة بيضا عشان توافقى
ندى:كدبة بيضا! ماشى ياماما عموما محصلش نصيب بينا ممكن بقى متفكريش فى الموضوع ده وانا لسه ناقصلى سنة لما اخلص ان شاء الله هييجى نصيبى
ناهد*بحزن*:وافرضى حد اتقدم تانى
ندى:قوليلوا انى مش موافقة ارجوكى ياماما
ناهد*بتنهيدة*:ماشى,تصبحى على خير
ندى:وانتى من اهله
*وكانت ندى فرحانة اوى واول مرة تنام وهى مبسوطة عشان خاطر مامتها شالت الفكرة من دمغها وانها قدرت تقنعها بأنها مش هتجوز دلوقتى وان نصيبها لسه مجاش وافتكرت ان مامتها فعلا شالت الموضوع من دمغها,بس ناهد برده مقتنعتش وقالت تسكت لحد ما تجيبلها عريس تانى محترم وابن ناس وتطمن على بنتها معاه*
ياهل ايه رأيكوا فى الكلام القالته ندى للعريس التالت وياترى هتعمل ايه مع العريس الرابع؟