رواية شلة بنات الفصل التاسع 9 والعاشر 10 بقلم شذى عبدالمكرم
اتجهزنا للخطوبة بمزاج وكنا حارسين عربات العريس واصحابو عشان نمش على الصالة عاملين حفلة عديل ودا طلب حمزة مدام العرس لسع بقينا نتصور ساي اتصل لي سام
_ طلعتو؟
__ لسع منتظرين العربات
_ ايوااا خلاص وصفي لي الكوفير لو قريب مني بجي داير اشوفك
__ نحنا في كوفير ....... في شارع......
_ ما بعيدة مني
__ تمام . قفلت منو عشرة دقايق وصل اتصل لي طلعت ليهو برا
_ ما شاء الله تبارك الله اتحصني
__ كيف وكيف
_ اكيد طفيتي العروس . ضحكت بخجل
__ ما للدرجة ديك
_ للدرجة ديك واكتر بس جري الطرحة قدام شوية
__ حأخرب التسريحة
_ ما حيخرب بس شوية
__ اووف تمام . وصلحت الطرحة لقدام لمن غطيت شعري كلو
_ رأيك شنو نأخد صورة
__ ماف داعي
_ وحدة بس
__ تمام . اتصورنا كم صورة ودا انا البقول صورة وحدة خمسة دقايق وصلو عربات العرسان نزلو سلمو علينا
روز: الف مبروك يا عريس
حمزة: الله يبارك فيكي عقبالك كدا
روز: امين يارب
سام: الف مبروك
حمزة: الله يبارك فيك عقبالك
سام: امين يارب
حمزة: هديل جاهزة؟
روز: جاهزة منتظرينك بس
حمزة: روز محتاجك في حاجة بتقدري تعمليها
روز: بعملا ان شاءلله محتاجني في شنو
حمزة: ممكن تجي معاي خمسة دقايق
روز: سام حنتظرني؟
سام: تمام حانتظر . مشيت مع حمزة قريب لباب الكوفير
حمزة: روز عاوزين نقلبها عقد والرجال منتظرين هناك
روز: كيف الكلام دا يا حمزة هديل ما حتوافق دا ما كلامك في الاول
حمزة: عارف بس شايف انو دا احسن نعملا عقد منتظرين موافقتها بس
روز: ما حتوافق
حمزة: هي بتقتنع منك انتي بس وعاوزك تساعديني
روز: بس اديني وعد رجال هنا انو العرس بعد هديل تتخرج
حمزة: والله العظيم تلاتة مرات ووعد رجال انو العرس بعد هديل تتخرج
روز: تمام ورح ندخل انا بطلع البنات وانت مهد ليها الموضوع ولو جاط انا بتدخل تمام؟
حمزة: ما عارف اشكرك كيف
روز: انتو الاتنين غاليين علي واحلى حاجة تكون حلالك بتقعد تتعامل معاها عادي
حمزة: دا الانا عاوزو
روز: تمام خلينا ندخل . دخلنا الكوفير هديل كانت خجلانة طلعت البنات برا وفهمتهم الحيحصل ودخلت الكوفير وقفت بعيد......
__________
من جانب هديل
كنت متوترة ومنتظرة حمزة يجي بس البنات خففو لي حبة لمن سمعت صوت العربات التوتر تاني رجع شوية وحمزة جا داخل وروز طلعت البنات برا
_ست البنات . كنت خجلانة شديد ومنزلة رأسي
_ طالعة حلوة ما شاء الله تبارك الله
__ حتى انت طالع حلو . مسك يدي الاتنين
_ هدولة داير احكي معاكي بس حاولي تتفهميني . اتوترت اكتر
__ في شنو يا حمزة
_ عاوز اعقد عليكي هسي . طوالي سحبت ايدي منو
__ كيف يعني
_ الرجال منتظرين هناك حيقلبوها عقد
__ لالا ما موافقة دا ما كان اتفاقنا يا حمزة لالا ما عاوزة
_ دقيقة افهمك . رجعت ورا وبكيت
__ لالا ما تفهمني انت كذاب موش كان وعدتني انو بعد الجامعة حتى نتم العرس بس خلفت بوعدك عشان كدا كنت رافضة الحكاية من البداية
_ هديل والله ما حأتم العرس الا تتخرجي
__ ما حأصدقك انت كذاب ما دايرة اتزوجك . وبقيت ابكي بس فجأة جات روز مسكتني
هديل: روز شايفة دا الكنت خايفة منو
روز: كدا اهدي هسي واقعدي نفهمك الحاصل . زحيت منها
هديل: دقيقة يعني انتي كنتي عارفة برضو
روز: لا والله هسي بس قبل ما يدخل لقيتو برا وكلمني
هديل: المهم بس ما عاوزة
روز: حمزة ممكن تخليني اتكلم معاها براي
حمزة: تمام . وطلع كان زعلان شديد لانو قولت ما عاوزاهو
روز: اسمعيني حبيبتي دا عقد بس
هديل: ما عقد يا روز بكرة حيقول داير يتم الزواج وماف زول حيعترض لانو كدا كدا حاكون مرتو
روز: لا ما حيحصل كدا وهو اداني وعد رجال والله العظيم انا لمن حكى لي رفضت بس فهمني بالراحة ووعدني انو العرس بعد انتي تتخرجي
هديل: ما حيحصل كدا
روز: انتي ما بتثقي في حمزة . اخدت نفس
هديل: بثق فيهو بس كمان
روز: ما بس كمان موش بتثقي فيهو يلا ما تخافي وهو مستحيل يكسر ثقتك فيهو لانو كدا حيخسرك صح
هديل: صح
روز: خلاص اديهو الامان وهسي انا بخليهو يوعدك هنا وانا شاهدة وانا بتحمل جميع المسؤولية ما بتثقي فيني
هديل: بثق فيكي
روز: هسي الرجال منتظرين موافقتك انتي بس وحمزة دا لازم تعاقبيهو على العملة دي بس بعد العقد اوكي . اخدت نفس طويل لانو انا بثق في روز وفي اي كلام بتقولو
هديل: تمام خلاص موافقة . حضنتني شديد
روز: احلى قرار وكدا ممكن تتعاملي مع حمزة بحرية وتطلعي معاهو بدون خوف . ابتسمت لانو دي حتكون احلى حاجة
روز: شوية وكمان حتكوني مدام حمزة المالكي . ضحكت
هديل: فخامة كيف . قرصتني
روز: اخجلي شوية . وضحكنا مسحت لي دموعي ونادت حمزة جا داخل
روز: تعال اقيف هنا . وقومتني وبقينا مقاصدين بعض مسكت ايادينا وختتهم فوق بعض ومسكتهم بأياديها الاتنين
روز: حمزة هسي هنا تدينا وعد انو العرس بعد هديل تتخرج
حمزة: بوعدكم هنا انو يا هديل العرس نتمو بعد تخريجك
روز: وانا حاكون ضمانك خليك عارف
حمزة: ما بخذلك ابدا
روز: سامعة يا هديل اها قولتي شنو
هديل: موافقة
روز: ربنا يسعدكم يا رب
الاتنين: امين يارب . وروز طلعت خلتنا برانا
حمزة: موش واثقة فيني . هزيت ليهو رأسي بمعنى ايي
حمزة: عارف تفكيرك وانا معاكي ما بخذلك ابدا
هديل: ربنا يحفظك لي
حمزة: ويحفظك لي نطلع ؟
هديل: انت اطلع دايرة اصلح الميكب الخرب بسببك دا . قام ضحك
حمزة: منتظرك برا خلاص . وطلع مشيت لست الكوفير صلحتو لي وطلعت........
________
من جانب روز
بعد تعب اقنعت هديل بفكرة العقد وطلعت خليتها مع حمزة يتكلمو لقيت نوسة واقفة مع سام مشيت عليهم
نوسة: ان شاءلله اقتنعت
روز: ايي اقتنعت الحمدلله
سام: يعني حيعقدو هسي
روز: ايي في الصالة هناك . نوسة انسحبت من جنبنا
سام: حأسوقك للقاعة انا
روز: لالا حأمشي مع البنات ما عاوزة انفصل منهم
سام: كلمي نوسة تمشي معانا خلاص ياااخ وافقي
روز: تمام خلاص . وبقينا نتونس شوية العرسان طلعو والبنات اتوزعو في العربات مشيت اكلم نوسة عشان تمشي معانا لقيتها ركبت عربية مع ناس قمر
روز: نوسة ورح معانا انا و سام
نوسة: انا خلاص ركبت امشي معاهو انتي . وغمزت لي دخلت ايدي جوا العربية قرصتها قامت تضحك ومشيت لسام
روز: نوسة ركبت خلاص
سام: ماف مشكله نمشي انا وانتي
روز: سام خليني امشي مع البنات ما اتعبك
سام: تعب شنو اركبي يااخ . ركبت معاهو واتحركنا عربيتنا كانت اخر عربية كنت ساكتة
سام: مالك ساكتة كدا خايفة مني ولا شنو
روز: ما خايفة منك
سام: ومالك
روز: ساي بس اها القى لينا موضوع نتكلم فيهو . هو الصراحة كنت متوترة شوية بس شغل لينا اغنية هادئة وفتح لينا موضوع وزال التوتر لمن وصلنا الصالة
_ انا حأمشي بعد دا
__ تمام
_ حترجعو مع رامي صح؟
__ ايي وناس امي حيكونو في الصالة جوا حارجع معاهم
_ مدام كدا تمام
__ باي
_ باي بس ما تنسي تتحصني . ابتسمت وهزيت ليهو راسي ونزلت ودخلنا الصالة ولقينا امي والتوأم وشوية الرجال عقدو وبرا ضربو زخيرة كمية وبدت المباركة ومشينا باركنا ليها كانت مبسوطة والحفلة بقت احلى بعد العقد وانبسطنا لمن الحفلة خلصت ورامي جا رجعنا البيت
___________
من جانب ريان
دخلت الواتس لقيت رسالة عاينت للبرو كان ريان لقيتو مرسل لي
_ ام لسان
__ هوي يا راجل منى موش قولت احظرك بعد الكول؟ . ما كان نشط مشيت غيرت وجيت لقيتو رد لي
_ بدخل ليكي برقم تاني بس
__ دا الكنت خايفة منو
_ مختفية وين كدا
__ خطوبة صحبتي وقلبوها عقد
_ الف مبروك ليها والعقبال عندك
__ الله يبارك + امين يارب وعقبالك
_ امين يارب اها وين الصور
__ صور شنو
_ كيف صور شنو صور الخطوبة
__ ريان حنكك ما سنين خليك في الواتس الدخلتو بدون اذن دا . قام ضحك
_ انتي اللعب معاكي صعب
__ بشدة
_ لا تمام بعجبني البت الصعبة كدا
__ بس احسن ما تعجب بي
_ ليه
__ كدا بس . وبقينا نتونس شوية ومشيت نومت........
10
عدا اسبوع كانت امتحانات السمستر الاول للسنة التالتة حتى سام كان نازل امتحانات السمستر الاول للسنة الاخيرة ليهو كنا نادرا ما نتكلم بصبح علي الصباح وبسألني من قرايتي ماشة كيف وانا بسألو وخلاص لمن جا اول امتحان هو الفترة الصباحية اتصلت ودعيت ليهو بالتوفيق وبعد الفطور اتجهزت وطلعت على الجامعة مع نوسة اتصل لي هو
_ طلعت خلاص؟
__ ايي
_ كان كيف
__ عدا على خير
_ الحمدلله
__ وصلتي الجامعة؟
_ ايي في البوابة داخلة خلاص
__ تمام نتلاقى قدام القاعة بتاعت امتحانكم
_ اوكي
__ فطرتي؟
_ ما بقدر افطر قبل الامتحان معدتي بتقبل طوالي
__ ما صح تدخلي وبطنك فاضية
_ عادي جدا متعودة . قفلت منو ومشينا على قاعتنا لقيت الشلة واقفين
قمر: جاهزين
روز ونوسة: الحمدلله . زمن الامتحان خلاص تم والناس بقت تدخل بقيت اتلفت اشوف سام وين ما لقيتو
نوسة: ورح
روز: قدمي بجي انا
نوسة: ما تتأخري
روز: تمام . عاينت كدا ما لقيتو قولت بكون انشغل بس فجاة ناداني التفت لقيتو قدامي
روز: سام اتاخرت مالك
سام: مشيت اشيل ليكي ديل . مد لي كيكتين وماذا
روز: ليه متعب نفسك
سام: انتي بطنك فاضية ما حتركزي
روز: سام بقدر قولت ليك . فتح لي كيكة وحدة
سام: اكلي سريع
روز: بتاخر ياااخ
سام: ما بتتاخري لسع الناس قاعدة تتدخل سريع يلا . عصرني اكلتها سريع واداني التانية مع الماذا
سام: اكليهم جوا الامتحان اوكي
روز: اوكي اوامر تانية قبل ما امشي؟
سام: اقلامك وين
روز بآخر نفس: اهو . فتحت الشنطة لقيتهم ماف
روز: حي بسم الله مشو وين . اتذكرت اني دخلتهم في الشنطة التانية وفي اخر لحظة بدلت الشنطة
روز: نسيتهم في الشنطة التانية . طلع لي من جيبو اقلامو الامتحن بيهو
سام: هاكي حقاتي ديل
روز: شكرا كنت حأتمقلب
سام: يلا بالتوفيق
روز: شكرا . ومشيت سريع كنت اخر وحدة تدخل في وحدة دخلت قبلي وبدا الامتحان سميت وبديت احل وبقيت اكل في الكيك واشرب في الماذا وانا بحل بمزاج لقيتها فكرة حلوة زمان بخاف بقول مع الخوف حتقلب لي بطني بس لقيتها عادية بالعكس ساعدتني لمن خلصت وزمن الامتحان خلص وطلعنا
قمر: اول امتحان عدا على خير
ريان: الحمدلله . زحيت بعيد شوية اتصلت على سام
__ حمدالله على السلامة
_ الله يقبل حمدك
__ كان كيف
_ كان حلو الحمدلله طلعت من الجامعة؟
__ لسع
_ طالع ولا اشوفك
__ هو انا لاقي لمن اشوفك . ضحكت
_ خلاص تمام بعد ربع ساعه بلقاك في الكافتيريا
__ تمام . رجعت للبنات لقيت هديل مافيشة
روز: وين هديل
ريان: راجلها اتصل
روز: ايوااا . حرسناها لمن جات
هديل: اها البحصل شنو نطلع طوالي ولا قاعدين شوية
نبأ: انا دايرة انوم بس
نوسة: نفس الاحساس
روز: انا حأشوف سام واطلع
هديل: حمزة حيجيني لمن اخلص
قمر: وانا ما عندي موضوع . ضحكنا
ريان: حأشوف ريان شوية لو ما طلع من الجامعة
قمر: هو مع ناس سام صح
ريان: ايي
روز: ورح معاي خلاص وشوفيهو لو قاعد يقعد معانا نتعرف عليهو
ريان: فكرة
روز: نوسة حتجي معانا
نوسة: ماف حل
روز: ولا اقول ليكم حاجة ورح كلكم نقعد شوية وانتي يا هديل اتصلي لراجلك يجي لمن يوصل تطلعي
هديل: فكرة حلوة
نبأ: انا اعفوني
روز: ماف كلام ذي دا . عصرتها ومشينا ضربت كلمت سام انو معاي البنات كلهم وانو ريان لو قاعد يجي يقعد معانا قال معاهو صحبة و ايد الفكرة مشينا عليهم وبالفعل معاهو مراد صحبو سلمنا عليهم وقعدنا......
_________
من جانب ريان
اتصلت على ريان
__ الليلة جاكي ملك الموت صح
_ انننن ظريف
__ لا بالله عملتيها كيف واتصلتي انتي
_ كان عندي باقي خدمة قولت اكملها فيك
__ كلامك شين والله . وضحكنا
_ امتحانك كان كيف
__ ماشي حالو وانتي
_ حلو الحمدلله طلعت من الجامعة؟
__ على وشك الطلوع
_ يعني لحقتك
__ ممكن تقولي كدا
_ خلاص تعال على الكافتيريا
__ عازماني ولا شنو
_ معاي الشلة ودايراك تتعرف عليهم
__ ابقى اخو البنات ولا شنو
_ ريااان يااخ حتى سام وصحبو معانا ما حتكون براك
__ سام ود دفعتنا الواحد دا؟
_ بتعرف كم سام في حياتك
__ مدام كدا جاي خلاص خمسة دقائق وبكون عندكم
_ تمام . وقفلت منو ورجعت للمجموعة ......
____________
من جانب روز
ريان رجعت بعد ما كانت بتتكلم بالتلفون
ريان: ريان حيجي هسي
سام: ريان منو؟
ريان: ود دفعتكم
سام: بتعرفيهو؟
ريان: صحبي
سام: ايوااا . خمسة دقائق وريان وصل وسلمنا علينا
ريان: شنو يا مان بتعرف البرالمة ديل من وين
سام: شايفة اللابسة حجاب بيجي دي . ووصف علي
ريان: ايي
سام: دي مرتي . انا طوالي نزلت رأسي براحة من الخجل كلهم ضحكو
ريان: لالا تمام
قمر: انا للان ما قادرة استوعب ريان وريان ديل
نوسة: ولا حتى انا
ريان البت: خليكم انتو انا عن نفسي بحس كأنو بتكلم مع نفسي . قومنا ضحكنا
ريان الشب: نفس الاحساس
سام: بس صدفة حلوة
روز: بالجد . طبعا مراد صاحب سام هادئ ما بتكلم كتير كان اغلب القعدة بعاين بس وحتى نبأ كأنو ما عاجبها الوضع شوية كدا استأذنت هديل لانو حمزة وصل وكلنا قومنا معاها
سام: خليني اوصلكم
روز: ماف داعي بنمشي
نوسة: اي ماف داعي . ودعناهم وطلعنا كلنا لقينا حمزة برا سلمنا عليهو
حمزة: اركبو نقدمكم في طريقنا
روز: ماف داعي نتعبك معانا
حمزة: لالا ماف اي تعب اركبو
روز: خليهو المرة الجاية
حمزة: مصر انا
هديل: اركبو يلا . اصرو علينا ركبنا معاهم بس في اول محطة نزلنا وركبنا مع نوسة ركشة ووصلنا البيت
الامتحانات مرت على هذا المنوال وطبعا من حادثة الاقلام سام قبل كل امتحان بسألني منهم سؤال ثابت في اخر امتحان نوسة كانت معاي في البيت بنراجع مع بعض لمن الزمن اتأخر
نوسة: خليني ارجع بعد دا الزمن فات
روز: يااهو بيتكم الفي اخر الشارع دا ولا غيروهو
نوسة: حتى ولو الشارع حيكون ضلام شديد
روز: هسي رامي حيرجع من الشغل وحنقدمك مع بعض
نوسة: روز ياااخ
روز: ولو على امك دي انا بتصل عليها وبعدين بندخلك لجوا البيت . اتصلت لامها وفهمتها الحصل وانو حنرجعها مع رامي ووافقت وبقينا نراجع فجأة سمعنا صوت كركبة برا نوسة اتخلعت
نوسة: دا شنو
روز: ما تخافي دا رامي رجع
نوسة: متأكدة؟
روز: راااااامي
رامي: نعممممم
روز: اهااا
نوسة: الحمدلله . فجأة دخل رأسو جوا الغرفة
رامي: روز صاحية للزمن دا؟ . اتفاجأ لمن لقى نوسة قاعده هي طوالي رفعت طرحتها في راسها سريع كنا قاعدين في الارض
رامي: كيفك نوسة
نوسة: كويسة الحمدلله
رامي: كيفكم مع القراية
الاتنين: ماشي الحال
رامي: ربنا يعينكم
الاتنين: امين يارب . وطلع
نوسة: روز كلميهو عشان نمشي خلاص
روز: تمام قومي ورح . قامت معاي مشيت غرفتو هي وقفت برا لقيت بقلع في جزمتو
روز: رامي ورح نقدم نوسة ونرجع
رامي: يعني ما بايتة معاكي؟؟
روز: لالا
رامي: تمام . قام قلع الشراب ولبس شبشبو وطلع معاي لقيناها برا
روز: نوسة انتظريني البس عبايتي . ما خليتها تقول حاجة جريت من قدامها .........
___________
من جانب نوسة
كانت واقفة مع رامي والاتنين ساكتين
رامي: نوسة
نوسة: نعم . وكانت بتفرك في اياديها هو لاحظ ليها
رامي: للان بتخافي مني؟
نوسة: رامي انا ما بخاف منك بس ما عارفة المرة الفاتت خوفت منك
رامي: يعني ما خايفة هسي
نوسة: لالا
رامي: خلاص ليه بتفركي اياديكي كدا
نوسة: انا دايما كدا
رامي: ما تنسي انا دكتور وبفهم . اتوترت زيادة
نوسة: اممممم خايفة تكون اخدت مني موقف بسبب الحصل المرة الفات
رامي: ما اخدت موقف بس ما عاوزك تخافي مني كنت بهظر معاكي بس
نوسة: عارفة
رامي: ومالك خلاص
نوسة: ما عارفة يا رامي ما عارفة والله وانت ما تعاين لي كدا بتوترني زيادة . قام ضحك
رامي: ما اعاين ليكي كيف
نوسة: رامي عاين قدام بس محل انا بعاين
رامي: المفروض لمن تتكلم مع زول تعاين ليهو جوا عيونو دا من الذوق
نوسة: وانا ما عندي ذوق وما دايرة الزول البتكلم معاي يكون عندو ذوق . قام ضحك تاني
رامي: خلاص تمام . وعاين قدامو شوية وروز جات
روز: اتاخرت صح؟
نوسة: شديد
روز: فردة الشبشب عشان القاهو روحي طلعت . وطلعو قدمو نوسة لبيتهم وسلمو على امها وطلعو رجعو البيت..........