الفصل السابع 🌟🌟🌟
لا تلومن الزمن فهو لا يغير احد ولكنه يكشف كل شخص علي حقيقته
جذبها من ذراعها خلف شجرة ضخمة تكمن امام مدخل العمارة حتي لا تراهم شاهي وهي مغادرة ونادين مازالت تحاول استيعاب معرفته بسرها الدفين ولكنها استجمعت شتات افكارها في لحظات
- كنت بتقول ايه بقي
جاوبها بصوت كفحيح الافعي
= كنت بقول اهلا ببنت يزيد المغازي
لتنظر له بقوة مجيبة
- ايوه وبعدين خفت انا كده يعني ولا ايه
= ليه مش خايفة اني اقولهم
- واخاف ليه ده انت هتوفر عليا لفه لا ليها اول ولا اخر
لتكمل بلامبالة
= روح وقول ولا يهمني بس يا عيني عليك مش هطول حاجة
لينخدع بقوتها المزيفة و يحاول الوصول الي اتفاق
- وهو يعني لو سكت هكسب ايه
- لو علي المكسب فطول ما انت معايا هتكسب ... خليك بس وقت ما اعوزك
= طب ايه ودلوقتي مفيش حاجة كده ولا كده
- طول عمرك بتجري ورا القرش .... خد حار ونار في جتتك
= برحتك برحتك هي الشتيمة بتلزق المهم الكاشات الفلوس يعني يا حلوة
ليتركها ويذهب وهو مستمع بعد ما معه من مال .... لا يعلم انها كانت علي شفي الانهيار بسبب علمه وخوفا من ان يخرب عليها مخططاتها لتصعد الي اعلي لتعرف سر تواجد شاهي في منزلها
- ماما يا ماما
ايوه يا نادين انا في المطبخ
= كانت عايزة ايه
- هتعوز ايه يا بنتي خايفة علي بيتها وابنها
لتضيف نادين علي حديث والدتها
= وعلي اخوها مش كده خايفة الحب القديم يصحي ولا خايفة لينتقم من يزيد لانه سبب البعد بينكم
لتردف والدتها بتحسر
- حب قديم.......... يزيد قضي علي كل احلامي وحتي لما جت لي فرصة ضيعها من ايدي ربنا يجازيه
FLASH BACK
لا تثقوا بالوجه الاول للانسان فغالبا ما يكون خلفه العديد من الوجوه
كانت فتاة في زهرة شبابها يملؤها الحماس والحيوية فقد تخرجت بتفوق من كلية لتجارة وعندما حصلت علي عملها في شركة المغازي للمجوهرات قسم المحاسبة كانت في قمة سعادتها وكلها امال وطموحات كثيييرة حتي قابلته يوما صدفة نسج خيوطه حولها واوهمها بحبه الطاهر لها وانه اخيرا وجد شريكة حياته التي لن يتخلي عنها ابدا
حذرها الجميع منه وانه صاحب نزوات و متزوج من ارقي سيدة في محيطه ولكنها ضربت بكلامهم عرض الحائط واستمرت في حبه حتي عندما تعرف عليها عادل شقيق شهيرة ومال لها الا انها صدته كثيرا وبشكل حازم لا تعلم انها ضيعت الحب الحقيقي من بين يديها
- يزيد... عادل حاول معايا اكتر من مرة وانا تعبت منه وقفه عند حده بقي كده كتير
= ما هو لو شايف منك صد مكنش حاول تاني
- انا بصده والله بس هو مش بيمل
= انتي فعلا محدش يمل منك بس انا عندي الحل
- ايه هنتجوز مش كده
= هو كده ومش كده
- قصدك ايه يعني
= قصدي نتجوز عرفي لحد ما اضبط اموري مع اخواتي
- عرفي بس انا عايزة ابقي مراتك في العلن
= يعني انتي المهم عندك ادام الناس واجهة يعني لكن انا لشخصي لا
- لا لا مش قصدي والله بس اصل ......
= لا اصل ولا فصل المهم اننا نكون مع بعض مش كده ولا ايه
- ايوه طبعا
= خلاص يبقي مبروك عليكي يا مراتي
بعد عدة أشهر
مهما كنت ممثل بارع لن تستطيع ان تواصل التمثيل الي النهاية
- يزيد انا حامل
تغيرت تعابير وجهه بشده
= بتقولي ايه
- بقولك انا حامل ايه مفرحتش لتسترسل في أحلامها الوردية واردفمش مصدقة هيبقي في عندي ولد او بنت منك اكيد هيبقي شبهك و ....
لتشعر بقبضة يده علي ذراعها تعتصره بشده
= نعم يا ختي حامل ده ايه ده انا مراتي اللي اسمها مراتي من ٤ سنين لسه حامل في ٦شهور انتي بتستعبطي ولا ايه
- انت قصدك ايه هو انا مش مراتك مش ده كان كلامك
= مرات مين يا حلوة انتي مجرد وقت حلو و يخلص واهو جه وقت الخلاصاللي ف بطنك ده نازليه هاتيه شوفيه ابن مين مليش فيه
- اااه يا ندل يا واطي
لم تستطع تكمله كلامها بعد أن انهال عليها يزيد بالضرب و الصفعات حتي فقدت الوعي و عندما استيقظت لم تجد يزيد ووجدت حقيبتها فارغة علي الارض و محتوياتها مبعثرة حولها لتصدم بالحقيقة المرة وان إثباتها الوحيد للزواج قد ذهب كما ذهب يزيدحاولت مرارا وتكرارا أن تقنعه و توسلت إليه في رجاء أن يستر عليها ...لا ذنب لجنينها في خطأها ولكنه كان بلا رحمة ولا قلبحتي الليلة التي ذهب له عند منزله في محاولة للضغط عليه أو حتي لطلب المساعدة من اخويه إن احتاج الأمر
- انتي هنا بتعملي ايه
= جيالك يا يزيد يا تكتب عليا يا هدخل لاخواتك
- هي حصلت انتي اكيد اتجننتي هو انتي فاكره انك هتلوي دراعي امشي يا فريال بدل ما اقتلك
وتركها وتوجه لسيارته ولم يكن يتوقع أن تقف ف منتصف الطريق تعترض طريقه ولكنه كان وصل إلي اقصي مراحل الاستفزاز و الضغط النفسي فقام بإدارة السيارة و قيادتها بسرعة حتي أطاح بفريال واصطدم بها بشده لم يتوقع أن تظل واقفة أعتقد بأنها ستشعر بالخوف و تبتعد عن الطريققلبه تحول الي قطعة من الصلب لم يهتز و لم يتفقدها بل تركها وذهب بلا مبالاة رب العباد دائم الرأفة بعباده هناك من يتابع ما يحدث
Back
- ماما يا ماما رحتي فين
= هااا لا انا معاكي اهو يلا غيري عشان
💫💫💫💫🌟💫💫💫💫
في ايطاليا صباح أول يوم لها في مكان جديد يجلسون مجتمعون حول مائده الافطار لا ينقصهم سوي ايمن
- شكرا جدا يا اونكل انك وافقت علي وجودي هنا معاكم فترة دراستي
= متقوليش كده يا توليب انتي زي بنتي ووجودك يسعدنا كلنا
لتبتسم له بسعادة ثم تكمل مداعبتها لطفلة الاء التي عشقتها منذ أول نظرة
- وانتي يا جميلة انتي نسيت اعرفك اسمك
لتتوجه بسؤالها الي الاء
- سمتيها ايه يا لولو
لتتوتر الأجواء و قبل أن تجيبها يأتي صوت ايمن مجيبا لها وهو ينزل درجات السلم
= اسمها توليب علي اسمك
- ايه ده بجد بتهزر
=ايوه انا اللي سميتها من كتر اعجابي بيكي و باسمك اكيد
نطق جملته الاخيرة وهو يرمق تميم بسهام نظراته غير عابئ بنظرات الوعيد من تميم
- الله حلووو اوي يبقي في حد علي اسمي بجد فرحت اوووي
= طب مش يلا لازم تسجلي انهارده في الجامعة
- تمام يلا بينا عن اذنكو يا جماعة
بعد ذهابهم وعيون تميم تتبعهم
- تميم تعال عايزك في المكتب
لم يترك له مجال للنقاش فتوجه الي المكتب يتبعه تميم
- الوضع كده كتييير انا صبرت وسكت كتير بس كفاية بقي
= الاتفاق اتفاق يا خالي وانا وعدت ووفيت ارجوك متضغطش عليا .... عن اذنك هروح اشوف الشغل بس اي حاجة هتخل بالاتفاق انا غير مسؤل عن ردة فعلي
في سيارة ايمن
- ايمن هو انا ليه حاسة مامتك اخده جنب مني
=ماما لا بيتهيألك
- لا فعلا انا لحظت ده وعلي الفطار اتاكدت هو انا زعلتها في حاجة
= يا بنتي ماما يا إيطالية يعني المشاعر و الكلام ده عادي عندهم ده انا ساعات بحس انها مرات ابويا
- ههههههههه انت فظيييع صحيح فين جوز الاء
= مسافر ولما بيجي بيروحو بيتهم
- متشوقة اوي اتعرف عليه
ليحدث نفسه بصوت منخفض قائلا
= مش اكتر مني
- ها بتقول ايه
= ولا حاجة يلا وصلنا
في احدي المستشفيات الاستثمارية التي لا يستطيع ايا من كان ان يدخلها ويتداوي فيها من مرضه
- الحمد لله علي السلامة يا دكتورة شيرين
= الله يسلمك يا دكتور عادل ايه اخبار المستشفي في فترة سفري
- كله تمام والتقارير ادامك
= هقراها بس ارتاح من تعب الرحلة مشفتش معاذ الفترة دي
- معاذ ربنا يبارك لك فيه ونعم الولد لا شفته من يومين كده كان معاه حالة و رحت معاه نشوفها وشوفي للصدف طلع حد كنت اعرفه من 20 سنة وهو جمعنا تاني
= حالة ايه
- دي ست وبنتها ساكنين في البرج بتاعكو الجديد انما ايه ناس جميييلة جدا والبنت بتشتغل في الشركة مع معاذ ومامتها كانت تعبانة
شعرت والدة معاذ بعدم ارتياح فوري لدي سماعها هذا الحديث وعزمت امرها ان تتأكد من الامر فهي تخاف ان تضحك عليه احدي الفتيات طمعا في ماله
- طيب استأذنك انا بقي شاهي وصلت وهنروح نتغدا سوا
= مع السلامة وبلغها سلامي
في احدي المطاعم التي تطل علي النيل يجلس عادل وشاهي يتناولون طعام الغذاء و لكن يخيم عليهم الصمت يخاف كلا منهم فتح مجال للحديث الذي سينتهي بتألم كلاهم
انا شفتها يا شاهي
لتجيبه بتوتر شفتها احمم شفت مين
شفت فريال ليصمت للحظة ثم يجيب و بنتها طول السنين دي مقولتيش ليا علي مكانها ليه
= مكنش ينفع كنت هتتعذب وبس
- بس انا كنت بحبها بجد ولولا حبي مكنش يزيد صمم ياخدها مني لمجرد انه يحرق قلبي
انا فاكر اليوم ده زي ما يكون امبارح
flash back
يقف في الشرفة فقد اختنق من تزيف مشاعره وهو جالس قبالة ليزيد ولكن ما رأه جعله يقف كالصنم لا يستطيع الحراك
الفتاة التي تمناها تتناقش مع يزيد نقاش حاد فتصرخ تارة وتبكي تارة ولكن ما انتهي عليه الامر من دهس يزيد لها وتركها مغطاة بالدماء جعله ينتفض ويجري ذاهبا اليها غير عابئ بنداء اخته او هرولتها خلفه لتري ما به
- فريال فريال فوقي
= عادل في ايه ومين دي
- مش وقته بسرعة هاتي عربيتك بسررررعة
لينقلها الي المشفي الذي يعمل به ويعطي تعليماته للمرضات
- عايز تحليل كاملة و اشعة الوعي 50% هندخل عمليات
بدأت بفتح عينيها عدة مرات متتالية لتجد من يمسك بيديها ويشجعها علي الافاقة
ا= نا فين
- انتي في المستشفي
= دكتور عادل بس ازاي انا جيت هنا
فسرد لها ما حدث وهنا تذكرت حملها ووضعت يدها علي اسفل معدتها دون القدرة علي طرح السؤال الذي فهمه عادل من سكوتها
- اطمني الجنين لسه بخير الظاهر انه شجاع ومتمسك بالحياة زيك بالضبط
= الحمد لله الحمد لله
- الجنين ده ابن يزيد مش كده
سؤال طرحته شاهي التي كانت تجلس علي مقعد في الخلف
لتجيبها فريال بإيماءة من راسها وهي تجهش في البكاء
back
- بس لو اعرف ايه اللي خلاها تختفي انا كان ممكن اتجوزها انا كنت بحبها بجد
= اجابة السؤال ده عندي
لينظر لها في انتظار تكملة حديثها
- انا اللي طلبت منها عارفة اني ظالمة واني زدت علي ظلمها من يزيد بس انت اخويا وكنت لسه دكتور شاب وقدامك مستقبل كبير خفت تتحمل مسئولية زيادة عن طاقتك ده غير يزيد واللي اكيد كان كمل عليها وقتلها فعلا انا خفت عليكي وعليها سامحني يا عادل ارجوك
و تبدأ في البكاء وتتابع حديثها
- ساعدتها وجوزتها من عامل كان في المصنع واديته مبلغ محترم وكنت ببعت لها كل شهر مبلغ بس كل ده مقللش من احساسي بالذنب ومن وقتها وانا كرهت يزيد بس كنت حامل ومكنش ينفع خلاص حمزه ربطني بيه وهو مكمل في نزواته و علاقاته اللي كلها بتوصلي بس مبقتش اتاثر خلاص معدش يفرق معايا
= خلاص معدش في فايدة من الكلام ده دلوقتي اهدي وبطلي عياط لازم نعرف هم ناوين علي ايه انا خايف يزيد يأذيهم
- ربنا يستر علينا و عليهم
في منزل عامر
يجلسون لتناول القهوة في الحديقة
- كلمت لي لي يا عامر
= لا والله سيبيها تتأقلم وتضبط امورها
- قلقانة عليها اول مرة تبعد عننا كده
لتدخل عليهم لميس التي كانت تستمع لحديثهم
= احممم نحن هنا يا ست ماما ولا مفيش غير توليب
- ليه بتقولي كده لميس ده انتي نور عنينا
= ما هو باين يا بابا بس ماما معندهاش غير توليب عن اذنكو انا رايحة ل رنيم
ليوجه عامر حديثه بلهجة عاتبة الي سوسن
- سوسن خلي بالك من كلامك بعد كده
= والله ما اقصد يا عامر دول بناتي يعني معزتهم في قلبي واحدة
توجهت لميس الي منزل محسن فهي تريد التقرب منه ومن رنيم حتي يكونوا كروت دعم لها حينما تحتاجهم
- ازيك يا اونكل بقالي يومين مشوفتكش
= حبيبة قلب عمك العاقلة وحشاني
- اخبارك ورنيم ايه محتاجين حاجة
= لا يا حبيبتي تسلمي اخبار اختك ايه
- الحمد لله هتبدأ الدراسة اول الاسبوع
= ربنا معاها ويخليكي ليها لولا انك نبهتيني للعبة حمزه وانه عايز يملي دماغها كان زمنا في مووايل
لترتبك لميس خوفا من ان يسمعهم احد
- الحمد لله يا اونكل ربنا يخليك لينا انا هطلع اشوف رنيم عن اذنك
النفوس الخبيثة لو صرت لها شمعة تضئ ظلمة لياليها لاشعرتك انك لازلت مقصرا في حقها
لتدخل الي حجرة رنيم وتجدها جالسة امام النافذة بصمت
- يااا رينووو كائن الحزن قاعدة كده ليه
= هيبقي ليه هو فيه غيره
- يبقي حمزه عملك ايه سبع البرومة
= المشكلة أنه مش بيعمل حاجة ولا معبراني خالص
- معلش عشان هي لسه مسافرة ملحقش يفوق من تأثيرها لسه
= تفتكري هو ده السبب
- طبعا اسمعي كلامي انتي بس
لتكمل بث سمها في اذن رنيم
وقال ايه انتي تقوليلي توليب هتقربني من حمزه وماشية ورا كلمها زي الهبلة
= خلاص بقي يا لميس متفكرنيش
_ لا هفكرك عشان تتعلمي ده انا لولا زغللت عينيها بالسفر كان زمانها لسه لازقة ل حمزه دي اختي وانا عارفاها
= ربنا يخليكي ليا لولاكي مش عارفة كنت هعمل ايه
الفصل_الثامن 💥💥
لا تقلل من شأن أحد وتعد نفسك في القمم فكلنا من طين و للتراب في المنتهي
بعد ستة أشهر
تهبط من سياراتها الفارهة متزمرة حتي ضوء الشمس لا يأتي علي هواها صعدت عدة درجات حتي وصلت الي المدخل انتظرت لعدة دقائق حتي نفذ صبرها وبدأت بالمناداه
بصوت يملؤه التكبر و التجبر
- يا سيد انت يا زفت يا اللي اسمك سيد
= ليأتي رجلا مهرولا لم يكمل حتي ارتداء حذائه
- ايوه يا ست الدكتورة نورتي يا هانم
= نورت ايه وزفت ايه علي دماغك .... سايب مدخل العمارة وامنها وبتعمل ايه
- ابدااااا والله يا ست هانم انا كنت بس بتغدا
= تتسمم ايه واحنا بندفعلك الفلوس عشان تأنتخ وتاكل بيها
ليجيبها بخشوع خوفا علي لقمة عيشه
- اسف يا ست هانم مش هتكرر تاني ابدا
= طيب يا سيد عرفت ان في ناس جابهم معاذ بيه هنا
- قصد حضرتك الست فريال و انسة نادين دول ناس طيبين اوي يا ست هانم
= ايوووه هم دول .... حكايتهم ايه بقي بالضبط
- ولا حكاية ولا حاجة دول ناس في حالهم من يوم ما جابهم معاذ بيه وهم في حالهم
= اطلب الاسانسير و طلعني ليهم يلا قال طيبين قال ... خلينا نشوف الطيبين دول
تقف في المصعد تنتظر الوصول الي طابق شقة نادين وهي تراجع بداخلها كل ما جمعته عن نادين وأكد لها ظنونها فماذا تريد فتاة مثلها من معاذ سوي المال و السطوة
- هنا يا ست هنام
= طيب غور انت وانا هتصرف
انا لست سيئة بل انتم من تدفعوني للسوء
دقت جرس الباب وعدلت هندامها استعدادا لما هي مقبلة عليه
- ايوه .. حضرتك عايزه مين
= انا والدة معاذ
- اه اهلا اهلا اتفضلي اتفضلي
ادارت عينها في الشقة وتفحصت محتواياتها حتي جلست وفي مقابلها نادين
- حضرتك تشربي ايه
= شكرا الموضوع مش مستاهل
ليظهر عدم الفهم علي ملامح نادين
- موضوع ايه حضرتك
بدأت في القاء كلماتها غير عابئة بتأثيرها علي نادين فهي حتي لم تلاحظ تغير ملامح وجهها
= بصي يا شاطرة حاول قبل منك كتير عشان يستغلو ابني و يستفادو من وراه بس بصراحة انتي وصلتي لابعد منهم و الدليل اهو شقة طول بعرض
- ثواني ثواني انتي بتقولي ايه والشقة دي انا بدفع ايجارها
= ايجار ايه يا ام ايجار هو انتي فاكرة الملاليم اللي معاذ بياخدها من مرتبك تمثل ربع ربع ايجار الشقة دي
لتجلس وتضع قدما علي اخري وتكمل حديثها بمزيد من التجبر
- ان كان اللي بيعمله ابني من طيبة قلبي شفقة عليكي و علي امك العاجزة انا معنديش مانع لكن تحلمي بأكتر من كده هرميكي و ادوس عليكي برجلي زي الحشرة
= لا لحد امي وتحترمي نفسك ابنك واهو عندك انا لا بحبه ولا عايزاه يحبني اشبعي بيه ولو علي الشقة ادبر اموري و هسبهالك مخضرة واظن كده يبقي خلصنا الكلام واتفضلي بقي
صدمت من قوة ردها و لكنها كابرت ووقفت شامخة الرأس متجهة الي الباب ولكنها وقفت وادارت وجهها لنادين التي تتعل من الغضب
- الحبتين دول مدخلوش عليا بس هنشوف
وخرجت مبتسمة لتنفيذها ما أرادته تاركة خلفها قلب ينزف وكرامة مجروحة وروح تتألم من كلماتها
لم تتحرك من مكانها بعد مغادرة والدة معاذ جلست تنعي حظها العاثر تحاول مداواة نفسها وجروح روحها ولكن ما هي الا لحظات حتي تغيرت تمام من الانكسار الي القوة و الصلابة وقد عزمت انا ترد الصاع صاعين لمن تجاوز حدوده معها والتقطت هاتفها وانتظرت حتي اجاب الطرف الاخر
ايوه ... جات لك فرصة العمر ... واللي هديهولك مش قليل بس بشرط ... تنفذ كل اللي هقوله بالضبط من غير ولا غلطة ..... كده يبقي اتفقنا
حاول بكل ما يمتلك من قوة الا يظهر مشاعر شوقه اليها وقلقه عليها كان لا يسأل احمد من العائلة عليها وفي ذات الوقت يسترق السمع الي اي حديث ذكر اسمها فيه دون ان يظهر مشاعره
- سرحان في ايه
= وانت مالك يا رخم
- سألت علي توليب
ليجيبه تميم بلا مبالاة
= لا واسال ليه
- تميم لو حاولت تخبي عن الدنيا كلها انا عارف اللي جواك والاكتر ان عيونك فضحاك
= بلاش كلام فارغ يا معاذ ... الاجتماع جهز
جاوبه معاذ بعد ان يأس منه
- برحتك ... كلنا موجودين ماعادا لميس
= طيب هعدي عليها واجيبها ونيجي
تجلس في مكتبها مستقصدة التأخر حتي يسأل عنها تميم او ان حالفها الحظ اتي الي مكتبها لتنفذ الباقي من خطتها الشيطانية
رأت قدومه من خلف زجاج مكتبها فقررت ان تنفذ الخطة التي اعدتها مسبقا
- نفسي اعرف ايه اللي في الموبايل مخليكي تضحكي كده ويناسيكي الاجتماع
لتمثل انها انتبهت له توا
= هااا لا ولا حاجة كنت بكلم توليب
لتترك الهاتف علي المكتب مدعية التخبط و الاستعجال
- انا جاهزة اهو يلا لتسبقه خارجة متجهة صوب حجرة الاجتماع دون انتظاره
عيونه معلقة بالهاتف يريد معرفة اخبارها لم يفكر فقد بلغ شوقه منتهاه واخذ الهاتف بين يديه الذي كان مازال مفتوحا علي محادثاتهم
لتصل رسالة منها لهاتف لميس
"لميس روحتي فين "
"هبعتلك صور اخر خروجة "
لتبعث بصور لها مع ايمن في اماكن مختلفة وهي في غاية السعادة
" ها ايه رايك"
"مش قلت لك هوقعه في ظرف شهرين ههههههه "
"مفيش مكان مش روحناه لازم تيجي اجازة و هتستمتعي اوي "
"وبلاش تقوليلي خلي بالك منه وخايفة عليكي وكده انا عارفة بعمل ايه"
"شكلك مشغولة هكلمك بليل , سلام عشان خارجين "
اعتصر الهاتف بين يديه كاد ان يحطمه لولا ان جاء معاذ مناديا له ليتركه علي المكتب كما كان و عيونه تنطق بالكثير والكثير من الوعيد والتهديد ولكنه غفل عن أعين لميس المنتصرة فقد وصلت إلي مبتغاها بمساعدة هاتف قديم سجلته باسم اختها و هو لا يعلم أنها ترسل الرسائل من الحجرة المجاورة متقمصة شخصية اختها توليب التي ليس لها ذنب سوي أنها وثقت بشقيقتها
✨✨✨✨✨✨✨✨
قد يهيئ لك القدر الظروف لتناسب خططك وهذا من لطف الاقدار
- استاذة نادين .. استاذ معاذ عايز حضرتك في مكتبه
= ماشي يا هبه روحي وانا هحصلك
يجلس في مكتبه لا يعلم لما تغير تعاملها معه راجع كل افعاله لعله يجد شئ اخطأ به ولكن لم يجد فقرر ان يعاملها بالمثل فقد جرحت مشاعره من تعاملها الفظ معه فهي الطف من ذلك ولابد من ان هناك شخص ما يحاول الايقاع بينهم
- استاذ معاذ حضرتك طلبتني
= ايوه اتفضلي اقعدي
- لا مفيش داعي عندي شغل مستعجل اتفضل حضرتك عايزني في ايه
= برحتك انا حبيت ابلغك اني مسافر كام يوم هستلم شحنة وحمزه هيجي مكاني
- بجد حمزه هيجي
= ومالك اتبسطتي اوي كده وبعدين اسمه استاذ حمزه
- احمممم لا مش قصدي انا اقصد ان استاذ حمزه شغله في المصنع فاستغربت انه جاي
= ده بشكل مؤقت عشان الشغل ميتعطلش بسفري
- تمام تأمر بحاجة تانية
= لا شكرا .... نادين هو انا زعلت لك في حاجة
- لا خالص وانا اكون ايه عشان ازعل من حضرتك عن اذنك
لتتركه يتخبط في افكاره لا يعلم المغزي المخفي وراء حديثها و الشعور الذي انتابه بأن هناك شئ بينها وبين حمزه وهذا الشعور أشعل النار في قلبه
#الفصل_ الثامن 😻😻😻
لكل انسان حظ من اسمه ... التوليب هي زهرة تتمتع بألوان جميلة وحيوية، وهي من أشهر الأزهار ذات المظهر الخلّاب في العالم
وهي تزرع الجمال في كل النفوس التي تقابلها ان لم يكن حبا فأحتراما
عائدتان من الخارج يمسكون يد بعضهم البعض في سعادة بالنظر اليهم لا تفرقهم عن بعض فكلاهما طفلتان مرحتان
- الحمد لله علي السلامة .... اتبسطتو
لتومئ توليب الصغيرة برأسها فرحة
وتجيبها توليب الكبيرة بطريقة طفوليه
= جدا يا مامي لعبنا واكلنا ايس كريم و اشترينا بالونات كتيير
- طب فين خالو ايمن
= ايمن وصلنا وراح الشركة ... بصراحة انا محرجة منه جدا ... بيوصلني كل مكان و كل يوم اخرج انا و توتي و يصمم يفضل معانا لحد ما يروحنا
- ومحرجة ليه بس
= خايفة اكون بعطله عن شغله او اونكل كمال يضايق
- لا طبعا متقوليش كده كفاية انك مهتمة ب توتي و بتخرجيها بقالها كتير مخرجتش
= قوليلي بقي مش بتخرجي معانا ليه
- معلش اصل انا عندي ظرف
= ظروف ايه ولا مش بتحبي تخرجي وزوجك مش موجود
- اه هو كده هاخد توليب تاخد شاور وتغير
= لا استني لحظة عايزاكي واتمني تفهمي كلامي وانه مش تدخل ولولا اني فعلا بحبكم
- خير يا توليب في ايه
= وانا بتمشي انا و توتي لقيت يافطة دكتورة تخاطب ولما عملت عليها سيرش لقيت بيشكرو فيها اوي
- هو صحيح الايطالي بتاعي لسه مش اوي بس انا بفكر اخد توتي ليها ايه رايك
لتقم الاء باحتضانها بقوة وهي تبكي
= انتي ازاي جميلة كده بجد شكرا انك فكرتي فيها
- يعني انتي موافقة
= طبعا موافقة كلميها وخدي ميعاد
وتحدث نفسها بتأنيب ضمير
ياريت تنطق وتقولك اللي انا مش قادرة عليه
= علي فكرة انا ودتها كتير بس مكنش في اي تقدم ودايما بابا كان بيقولي انها فترة وهتتكلم لوحدها
- انا عايزكي تطمني خالص ... توليب مش بس محتاجة دكتورة تخاطب هي كمان محتاج حد يتكلم معاها باستمرار ويحمسها
لتصمت للحظات ثم تكمل
= وانا بصراحة دايما شيفاكي حزينة ومكتبئة وده طبعا بسبب سفر جوزك فانتي ركزي معاه وسيبيلي انا الموضوع ده
- ربنا يخليكي لينا يا توليب يارب
✨✨✨✨✨✨✨✨
في شركة ال المغازي
- القهوة دي لمين يا هبه
= ل ا. حمزه يا نادين
- طب هاتيها هدخلها انا
تعجبت هبه من موقفها ولكنها اذعنت امام اصرارها
طرقات علي الباب
= ادخل
ليرفع نظره عن جهاز الحاسوب
- معقولة ا.نادين جايبة القهوة بنفسها
لتبتسم نادين مجيبة
= ما هي مش لاي حد ولا ايه يا ا. حمزه
- استاذ ايه بقي خلي البساط احمدي
= ههههههه ماشي يا حمزه
- ايوووه بقي ده انا طلع اسمي حلو وانا معرفش
= طب عن اذنك نشوف شغلنا
- سلام يا قمر
لتقف نادين قبل ان تخرج تماما من الباب وتردف
ياريت تفضل منورنا في الشركة حساك فرفوش اكتر من معاذ
مضي يوم العمل سريعا و تبقي عدد قليل من الموظفين ومعهم نادين وحمزه لانهاء بعض الاعمال المتأخرة
ليعلن حمزه انهاء اليوم
- كفاية كده يا شباب نكمل بكره احنا قطعنا شوط كبير انهارده
معاكي عربية يا نادين ؟
لتجيبه نادين مازحة
= عربية ايه ده انا غلبانه
- طيب تعالي اوصلك
= طيب ماشي ليه لأ
استقلو المصعد هابطين الي جراج الشركة وحمزه يحاول بشتي الطرق ملامسة يديها او شعرها ولم يخف ما يفعله علي نادين فحاولت ترك مسافة امان بينها وبينه
- تعالي العربية في اخر الصف يمين
= خلي بالك من العربيات لحسن تتخبطي
- متقلقش عليا انا واخدة بالي كويس
= طب يلا اركبي وصلنا عربيتي اهي
ثواني العربية تسخن ونطلع علي طول
مش عارفة الحزام ده ماله حالف ما يتقفل
= طيب وريني كده
ومال عليها في محاولة اصلاح حزام الامان التي لم تخلو من محاولته لملامستها و في لحظات انقلب الوضع الهادئ الصامت الي رعب مطبق وصوت تكسر زجاج باب السيارة بأداة حادة يتبعه انفتاح الباب علي مصرعيه
- الله الله بقي ده الشغل اللي قلتي هتتأخري فيه وبتقرطسيني انا وامك
ليسحبها من السيارة ويسحب بعدها حمزه الذي لم يستوعب الوضع بعد واسنده علي الحائط وهو يهدده بسلاح ابيض (مطوة)
= انت مين يا عيل انت وكنت بتعمل ايه فوقيها ياض
- نزل ايدك يا راجل انت ... اننننت متعرفش انا مين
= تكون ما تكون الا الشرف يا بيه احنا ناس ولاد بلد ودمنا حامي
نظر حمزه ل نادين املا في مساعدتها ولكن وجدها متكورة في ركن تبكي علي مصابها
- استهدي بالله يا استاذ .... اسم الكريم ايه
= سعيد اسمي سعيد ابو المحروسة اللي جابت لنا العار
نظر الي الاداه الحادة التي يزيد من ضغطها علي عنقه كلما تحدث
- ولا عار ولا حاجة انا هصلح كل حاجة
= وده ازاي ان شاء الله
- انا هتجوزها بس عرفي لحد ما اضبط اموري اصللل اصل انا خاطب
= عرفي ليه هو ايه اللي حصل بينكو
- يا عم ما تهدي محصلش حاجة اسمع كلامي انا هتجوزها لان فيها حاجة شدتني ليها من اول ما شوفتها وانا هبسطك اخر حاجة
= بس بشرط
- اامر يا عم سعيد
= عم الدبب انا لسه مش عمك ابوك يجي معاك يحضر الاتفاق ... يا كده يا بلاش واوعي تكون فاكر اني لوسيبتك دلوقتي وانت منفذتش مش هعرف اجيبك لاااا تبقي غلطان وغلطان اوي كمان فاهم
- فاهم فاهم ابعد بس كده واسبوع وهاجيلك انا والوالد
ليترك سعيد ملاس حمزه بعنف ثم يتوجه الي نادين يأخذها من ذراعها بعنف
= يلا انجري ادامي يا مصيبتي السودة حسابك لسه في البيت
لتذهب معه بخنوع وهي تنظر الي حمزه نظرات المغلوبة علي امرها
وينظر حمزه الي سيارته وماحدث به ويحدث نفسه مؤنبا
- اهي دي اخرة الرمرمة شوف بقي هتعمل ايه مع يزيد بيه يا فالح
وصلت نادين عند منزلها برفقة سعيد
- لما يكلمني هكلمك مش عايزة اشوف وشك لحد ما اكلمك
= طب ليه كده طاااه
لتنظر له باحتقار وتكمل طريقها الي اعلي
- الحمد لله علي السلام يا بنتي اتاخرتي ليه
= معلش يا ماما كان عندي شغل اضافي
- ربنا يقويكي يا حبيبتي ... بس مال وشك اصفر كده ليه
= شوية ارهاق هدخل ارتاح عن اذنك
وقبل ان تدخل الي غرفتها التفتت الي والدتها قائلة
- ماما انا جايلي عريس يتقدم في خلال ايام
= بجد يا بنتي الف مبروك
- وده مين وابن مين
= هتعرفي لما يجي يا ماما عن اذنك
لتدخل الي حجرتها و تستند الي الباب وتجهش في بكاء مرير لما يحدث في حياتها
✨✨✨✨✨✨✨✨
انتي التي تصل الي قلبي قبل ان أتي إليها
وصل الي ايطاليا بطائرة خاصة استئجارها فهو لم يطق المكوث بعيدا عنها اكثر من ذلك
اول الاماكن التي توجها اليها هو دار ازياء مشهور فقد اقترب عيد ميلاد احدهم بالرغم من موقفه منها الا ان الطبع غلب التطبع
ثم توجه الي جامعتها وصدق حدثه فوجدها تخرج برفقة بنتين من الواضح انهم اصدقاءها فطالما كانت قادرة علي تكوين صدقات في اي محيط تكون فيه كان يعانق كل تفصيله فيها بعيونه فحتي روحه اشتاقت لها
- اهلا يا تميم حمد الله علي السلامة .. خير في حد حصله حاجة
= خير مكنتيش عايزاني اجي
- لا طبعا ازاي انتو كلكو وحشتوني
= طيب تعالي اوصلك في طريقي
فرحت كثيرا بعرضه ووافقت في الحال
- عاملة ايه في الدراسة
= الحمد لله كان اخر امتحان انهارده وكده عدت سنة و باقي اثنين
- انا فرحان انك بتحققي اللي نفسك فيه
= بجد مكنش باين عليك وانت بتمانع سفري ودراستي
- ده كان من خوفي وقلقي عليكي متنسيش ان انا اللي يعتبر مربيكي
= انا مش بنسي بس انت اللي ساعات بتنسي اني اتربيت صح
ليتذكر رسائلها الي لميس والصور
- كله هيبان وهيتكشف الغلط مش بيستخبي
= قصدك ايه
- ولا حاجة وصلنا
لم تحاول ات تلح في السؤال يكفيها انه لم يجرحها هذه المرة بكلماته وعوضا عن ذلك اكتفت بالهدنة المبطنة الغير معلنة بينهم في الوقت الحالي لم يأتي في بالها انه الهدوء الذي يسبق العاصفة
= مش هتدخل
- لا ورايا شغل تشاااو
عاد الي منزله في ايطاليا بعد يوم ملئ بالاحداث من لقائه بها لمتابعته للاعمال في شركات خاله هنا ولكنه لم يكن يعلم ما ينتظره بعد في هذا اليوم
- بتعملي ايه هنا
= ده بيتي يا تميم ولا نسيت والمفروض والعادي ان انت لما بتيجي ببقي معاك
- بس الظروف دلوقتي غير
= يعني ايه مش فاهمة هتسبني
- انا مقولتش كده بسسسسس
= بس ايه قول
- الوضع دلوقتي غير ولا انتي جاية هنا عشان تسبيهم برحتهم اتفضلي ارجعي
لتحتل الصدمة معالم وجه الاء
= انت بتطردني يا تميم بتطرد مراتك وام بنتك
- انتي اللي جيتي من نفسك من غير ما تسألي نفسك ايمن هيعمل في توليب ايه وانتي اكتر واحدة عارفة اخوكي ولا نسيتي اللي حصل زمان
لتجيبه الاء
= لا منستش ولا هقدر ولا حتي انت بتديني فرصة انسي كده خلصت خلاص
جذبت حقيبتها من علي الاريكة و الدموع تتساقط من عينيها ولكنه لم يتأثر واعطاها ظهره
وبعد لحظات سمع صوت ارتطام وعندما التفت وجدها ساقطة مغشيا عليها بجوار الباب فاتجه اليها راكضا لا يعلم هل هو حب ام احساس بالمسئولية ام خوفا من ان تعلم توليب بالحقيقة