رواية الحب قدر لا خيار الفصل الثالث عشر 13 والرابع عشر 14 بقلم غاده عبد الرحمن
الفصل_الثالث_عشر🔥
نحن عبارة عن شاعر بلا مشاعر , حبيب بلا زواج , زواج بلا حب , صديق بلا صدق و أب بلا أبوة
وقف الجميع مشدوه من ثواني علمو ان ليزيد ابنة والان يعلن خطبتها قد يعتقد البعض انه اب صالح فرح بابنته ولكن العائلة تعرف انه لا يمت للابوة بصلة
لم تستطع ان تقف صامته وهي تراه يدمر حياة ابنتها امام عينيها كما فعل بها في الماضي لتتقدم الجمع لتواجهه
- بتهيألي سمعتك غلط يا يزيد
= ليه يا فريال وهو انا قلت حاجة غلط لا سمح الله
- سمعتك بتقول بنتي !! بنتك منين ان شاء الله
= الله يعني ايه بقي الكلام ده بنتي ولا مش بنتي ؟؟
لتزيح نادين والدتها لتكمل ما بدأته
- اقولك انا بقي انت بالنسبة ليا .... انت مجرد اب علي ورق ولا نسيت اللي عملته زمان وانك حاولت تموتني وانا في بطن امي لاحول ليا ولا قوة .... الاب بيخاف علي عياله بيضمهم لحضنه بيحبوه ويحبهم بيجي معاهم اول يوم مدرسة بيشتري لهم لبس العيد اللي انا عمري ما عرفت يعني ايه عيد وعيلة وفرحة يا راجل ده انت اول مرة شوفتني كنت جاي تخطبني لابنك في اب كده يبقي انت اب ازااااي
لتلتفت الي الجمع من خلفها وهي تصرخ فيهم وهي تكاد ان تبكي
= يا ناس اشهدوا يا عالم قولوله يبقي اب ازاي ولا هي الابوة اسم بس وكمان جاي تتحكم في حياتي وتجوزني و تبيع وتشتري فيا علي مزاجك ليييييه عملت انا ايه عشان استحق اب زيك
وعندما التفتت وجدت يزيد وجها لوجه كادت ان تكمل حديثها لولا الالم الحاد الذي شعرت به من جراء صفعة شديدة هوت علي وجنتها من يد يزيد
لتأخذها فريال بين ذراعيها مهدئة لها بعد ان ابعد عامر ومحسن اخيهم عنها وهم يكيلون له العتاب واللوم علي فعلته
- ابعد عن بنتي وعني يا يزيد انا مش فريال بتاعت زمان خلاص حقي وفرطت فيه لكن حق بنتي لا سامع
كان الجميع يستمع لهم في ذهول حتي ان تميم مال علي توليب ليهمس في اذنها
= البنت نادين دي طلعت فعلا مغازية علي حق
لتنظر له مستفهمة
- ما هو انتوا يا بنات المغازية عاملين زي الشريك المخالف ماعادا لميس فلتت منكو هي العاقلة اللي فيكو
لم تستطع ان تتحمل حديثه علي لميس لتنظر له نظرة عتاب طويلة ثم تركته وذهبت لنادين
التف حولهم سوسن و شاهي وهم يصوبو نظرات الغضب والاحتقار ل يزيد علي ما فعله وحمدوا الله ان معظم الحضور قد ذهبوا ولم يتبقي سوي العائلة وعادل ومعاذ ووالدته
الذي ما ان هدأ الجميع هب واقفا ليتقدم من فريال و نادين رغم محاولات والدته ارجاعه وعدم التدخل فيما لا يعنيه
- كده يا طنط قولتي قصيدة طويلة عريضة و نسيتي تقولي اهم حاجة
لترفع فريال نظرها اليه وقبل ان تجيبه أكمل بصوت مرتفع نسبيا
= انا طلبت ايد نادين من طنط فريال وهي وافقت
ثم التفت الي نادين ليجثو علي قد واحدة ويبرز من خلف ظهره خاتما في غاية الرقة مقدما اياه لنادين
- تتجوزيني يا نادو
لا تعلم ما الذي يجري من حولها ولكنها قررت ان تجاريه فيما يفعل
= طبعا يا ميزوووو
ليصفق الجميع فرحا ماعادا يزيد الذي انسحب وهو يكاد يشتعل من الغضب
لم ولن تستسلم عن مخططاتها لقد قررت ان تدمر الجميع بلا استثناء ... وقد بدأت حربها
- انت اخليت بالاتفاق اللي بنا ليييه
= مكنش في حل تاني
- شفت وصلنا لفين
= مش انتي اللي قلتي لي اجيب ايمن
- ايوه قلت لك ابعت هات ايمن لانه خلاص مبقاش عايز يساعدني فنستغله عن طريقك
= وده اللي انا عملته يا بنت عامر
- يا عمو افهمني احنا جبناه عشان يلعب عليها و يوقعها مش اول ما يجي تخطبهم لبعض
= ما هو تميم اللي استفزني بحركته لما جابها هي وامها
- طب واديها باظت استفدنا ايه لما انت خليت تميم يستفزك
= مش عارف بقي هنتصرف
- ادي الفرصة راحت مننا
= لا لسه مرحتش عيب عليكي احنا نغير بس شوية حاجات
- قصدك ايه
= نخلي ايمن يوقع بين تميم وتوليب
- ازاي
= هههه انا يزيد المغازي ازاي دي سيبهالي
- طب وهو هيرضي
= عشان يسد اللي عليه مستعد يعمل اااي حاجة
لتتعالي ضحكاتهم الشيطانية الخبيثة
محظوظة من تمتلك رجلا حنونا ... يكن لها سندا وقت الشدة ... و حضن دافئ من برودة الزمان
يجلس معهم في منزلهم الجديد بعد ان رحل الجميع وقد اصر معاذ ان يوصلهم بنفسه و يطمئن انهم قد استقروا
- شكرا علي التمثلية اللي عملتها يا معاذ كام يوم كده ونفركش متقلقش مش هورطك
نظر اليها مبتسما
= تورطيني طب يا ستي الورطة عجباني وخلاص كده شطبنا
- يعني ايه
= يعني انتي دلوقتي خطيبتي ادام الناس والعالم كلها ومفيش حاجة تقدر تغير الوضع ده
- لا بقولك ايه انا محدش يفرض عليا رأيه و لا يحطني في امر واقع
= مش يمكن اكون عايزك فعلا تكوني شريكة حياتي
- الكلام ده تضحك بيه علي البنات اللي تعرفهم انما انا لا واوعي تكون فاكر اني سهلة عشان انا وامي ملناش حد لا فوق كده وانا اصلا مرضاش بواحد زيك مفيش بيني وبينه اي مشاعر
ليقطع حديثهم مجئ فريال
= في ايه يا ولاد صوتك عالي ليه يا نادين
- استأذن انا يا طنط سلام
لم تهتم نادين برحيله لتستفسر والدتها منها
= في ايه يا نادين
- في ان البيه فاكر ان انا واقعة ومليش كبير و لا فاكر انه لقطة وهمووت عليه لااااا انا اكبر من الكل واحسن منهم
= طب بس بس وانتي طبعا سمعتيه الكلام ده
- ايوه واكتر كمان
= انتي غبية ايوووه غبية متبصيش كده ... وهو معاذ مغصوب يخطبك ... و بعدين الخاتم اللي في ايدك ده لقاه تحت الطربيزة مثلا ولا يكون لقاه جوه الشيكولاته اللي وزعوها في الفرح
بدأ يستوعب عقلها حديث امها الساخر
- قصدك ايه
= قصدي انه فعلا كلمني ولما عرف باللي تميم هيعمله قال تبقي مفاجأة ويطلبك قدام الكل وانا طمنته انك بتميلي ليه وهتوافقي
اعمممل فيكي ايه دلوقتي علي الكلام السم اللي قولتيه للراجل ده
حلت الصدمة والذهول علي نادين فجلست علي الاريكة تتطلع الي الخاتم ولا تعلم كيف ستصلح الوضع بينهم بعد ما قالته
اتجهت الي غرفتها فلم تعد تتحمل نظرات والدتها المؤنبة ... نظرت الي هاتفها بتردد لا تعلم رد فعله المنتظر
لم يستطع العودة الي المنزل ومواجهة والدته ففضل الجلوس علي النيل لبعض الوقت حتي يهدأ ويستعيد تركيزه عندما رن هاتفه معلنا اتصال ممن جرحت كبريائه منذ قليل
- ايوه .. لسه عندك حاجة عايزة تقوليها
= انااااا انا اسفة بجد ... انا مش هقول غير كده وبس انا شخصية متعقدة يا معاذ اللي شفته في حياتي خلاني اندفاعية ودايما في وضع دفاع
- وايه غير تفكيرك عني
= ماما قالت لي علي اتفاقكو .. بس انت كان لازم تعرفني
- انتي مش رومانسية خالص علي فكرة ... كنت حابب اعملك مفاجأة وكده زي الافلام
= الحاجات اللي انت بتقولها دي مبتحصلش في حياتي يا معاذ انا عارفة اني متعبة بس ارجوك استحملني شوية انا مش سهل اثق في حد واسلمله حياتي لو فعلا بتحبني خليك جنبي
- وانا عمري ما هسيبك انا ما صدقت لقيتك
= خلاص اتفقنا سلام يا معاذ
- استني بس مش كنت ميزو من كام ساعة وحياة الغاليين قوليها تاني
= ههههههههه سلام يا .... ميزوووو
⚡⚡⚡⚡⚡⚡⚡⚡
#الفصل_الثالث_عشر🔥
عاد من عمله منهك القوي توجه الي غرفة طفلته كعادته ليطمئن عليها ولم يجدها
- بابا توليب فين
= خرجوا
- ازاي يعني وانا معرفش
= اولا هم مش في سجن وانت السجان ثانيا البنت الصغيرة زهقت من البيت والجو المشحون وحبت تخرج ثالثا والاهم انهه استأذنوا مني ولا انا مش مالي عينك
- حضرتك علي راسي طبعا يا بابا بس كان لازم اعرف
لم يكد ينهي جملته حتي وجد توليب الكبيرة و الصغيرة يدخلو المنزل وبصحبتهم ايمن الذم ما ان رآه حتي تراقصت شياطين الانس والجن امام عينيه فتوجه لهم ولكن قبض والده علي يده وهمس له
= براااحة يا تميم متبقاش مندفع وتخسرها
- توليب تعالي عايزك فوق عن اذنك يا ايمن
امسك بيدها وصعدوا الي اعلي في هدوء تغير عندما اغلق بابا الجناح ليبادر بسؤاله سريعا
- مين سمحلك تخرجي وتاخدي بنتي معاكي
= انا مش محتاجة اني اخد تصريح عشان اخرج لوحدي او مع توليب
- انت الظاهر محتاجة تربية من اول وجديد
= انا الحمد لله متربية احسن تربية لا انت ولا غيرك ليهم الحق يقولو كده
- ولما تخرجي مع راجل غريب من غير جوزك ما يعرف يبقي اسمه ايه
= انا مخرجتش مع حد انا قابلته علي الباب واحنا داخلين انا خرجت مع توتي لانها زهقت وكمان رحنا اشترينا اوضة جديدة ليها بدل اوضة العواجيز دي و اشترينا شوية حاجات كتييير ليها
- مش شايف معاكو حاجة يعني
= مش معقول الشك اللي انت فيه ده ... بكره كله هيوصل خلصت حقيق اروح اشوف اللي ورايا ولا لسه عن اذنك
قبل ان تغادر الجناح التفتت له مردفة
= علي فكرة ايمن خال بنتك مهما كان وحش هيفضل خالها وهيفضل في حياتنا حاول تحل مشاكلك معاه
تركته وذهبت يتخبط بين افكاره لا يعلم هل تقول الحقيقة تم انها ممثلة بارعة كما قالو له
يحاول اسعادي بشتي الطرق ولا يعلم انه اجمل هدايا القدر
- مش معقول يا معاذ ما كنا في الشركة مع بعض
= امتي بس تقوليلي وحشتني حتي يا بنتي ده انتي ولا العسكري
- وبعدين بقي فيك
= والله ل اجي دلوقتي واقف تحت الشباك زي روميو واغنيلك
- هههههه مجنون وتعملها يلا عشان اخلص شغلي قبل ما ماما تيجي خلاص الافتتاح كمان يومين
= فعلا طنط بتتعب اوي ربنا يعينها ماشي عشانها بس هقفل سلام
اتممت عملها وجلست تشاهد التلفاز في انتظار والدتها حتي سمعت رنين جرس الباب وذهبت لفتحه ولكن جحظت عيناها عند رؤيته ووجه يزينه ابتسامة بلهاء شرهة
- انت بتعمل ايه هنا وازاي الامن سمح تدخل
= ومدخلش ليه ولسه امك علي ذمتي ايه مش هتقولي اتفضل
بدا الخوف يدب بداخلها وتتذكر افعاله معها و كم كرهت ان تظل معه بمفردهم حاولت ادعاء القوة متوقعه انصرافه واجابته
- لا مش هقول ويلا من هنا بدل ما انده علي الامن يرميك بره
ولكن اجاباته كانت عكس ما توقعته فقد دفعها الي الداخل واغلق الباب وبدأ يتقدم منها ببطئ وهي تتراجع الي الخلف
- انننن انت عايز ايه و قفلت الباب ليه اطلع برا
= بقي اتخطبتي وعايزة تعيشي حياتك قبل ما ادوق من العسل اللي كبرته وربيته تحت عنيا
- ابعد عني وانا هديك كل الفلوس اللي انت عايزها
= فلوس ها ها لا مش عايز فلوس اصلها متشتريش اللي انا عايزه
- يا ناااااس يا مااااااامااااااا الحقووووني الحقووووووووني
لم يجيبها احد فتقدم منها وكتم انفاسها وبدأت يده تتحرك بتقزز علي جسدها النضر
في نفس التوقيت وعلي مقربة من مسكن نادين
وقفت رنيم و حمزه في الشرفة للاستمتاع بالهواء واحتساء القهموة سويا بعد الحاح من رنيم لتجذبه لها بشتي الطرق فحتي بعد زواجهما تراه بعيدا عنها
- حمزه حمزه
= هاااا ايوه يا رنيم
- انت سامع
= سامع ايه
- اسمع بس حد بيقول الحقوني ركز واسمع كده
ليأتي الي مسامعه صوت نادين وهي تستغيث لان شرفة جناحه تطل علي مسكنها
= دي نادين مش كده يا رنيم
- ايوه هي والنبي تعالي نشوف في ايه
ركض حمزه تتبعه رنيم حتي وصلو امام منزل نادين
طرق الباب بكلا يديه عدة مرات دون اجابة فنادي علي نادين عدة مرات حتي في النهاية سمع صوتها تصرخ
= الحقووووني ابعد عني يا حيوووووووووان
هنا لم يستطع ان يقف منتظرا فقام بدفع الباب عدة مرات متتاليه حتي كسره واصبح كالثور الهائج عندما وجد سعيد فوق اخته مكتفا يديها ويحاول الاعتداء عليها وقد مزق ملابسها فاندفع ناحيته انتشله من فوق اخته واخذ يكيل له اللكمات مصحوبة بالسباب لم يهدأ حتي جذبه بعيدا عن سعيد
- كفاية يا حمزه خلاص الراجل هيموت في ايدك
= يموت ولا يولع العينة الق.ذرة دي متستحقش تعيش
- روح اختك منهارة وانا هتصرف معاه روح
اقترب من اخته فحتي وان كان سئ الخلق جشع يحب المال فهي اخته يجري في عروقهم دما واحد نظره لها بحزن حاول ضمها ولكنها خافت وقاومته للحظات حتي شد من احتضانه لها وهو يتمتم ببعض كلمات حتي يهدأها
= ششششش خلاص هو مشي ... انا حمزه اخوكي .... متخافيش
شعور جديد يختبره حمزه فهو يريد ان يخبأها بين اضلعه ويحميها من كل من حولهم
اتصل تميم بالامن حتي جاء رئيسهم
- كل الطقم مخصوم منه 10 ايام علي التسيب ده والحيوان ده يفضل عندك انا كلمت البوليس وجاي ياخده فاااهم
= فاهم يا تميم بيه اسفين سعادتك
- وابعت فرد امن يقف هنا ليل نهار
= حاضر يا بيه
- رنيم روحي علي بيتك يلا كويس انك جيتي وقولتيلي الحمد لله
= طب وحمزه
- سيبيه مع اخته يمكن العلاقة بينهم تتغير
بعد ذهابهم جاءت شاهي وفريال والتعب يعلو ملامحهم ولكن الفزع سيطر عليهم عندما راوا سعيد ووجه مهشم يسوقه رجل الامن بقوة فركضو الي منزل فريال التي كادت ان تسقط اكثر من مرة بسبب قدمها ولكن يد شاهي لم تتركها
- بنتي بنتي يا شاهي بنتي
= اهدي يا فريال خير ان شاء الله
دلفو الي المنزل سريعا وفاجأهم ما رأوه
نادين جالسة بجوار حمزه يحتضنها ويحاول تهدئتها
- مالها بنتي يا حمزه مالها نادين
= اهدي يا طنط هي بخير
حاول ان يقوم من جوارها ولكنها تشبثت بقوة بقميصه لا تريد ن تتركه ولكنه هدأها وتركها حتي يتيح الفرصة لوالدتها بالاطمئنان عليها
خرج من منزلهم يحتله شعور جديد لاول مرة في حياته يشعر بأنه حماية لشخص ما وانه مصدر امان له ولكن اوقفه رجل الامن الذي عينه تميم لحراسة منزل نادين حتي يطمئنوا
- حمزه بيه
= ايوه يا عبد العزيز
- يا فندم والله ماذنبنا هو قال انه زوج الست فريال ووالد حضرتك اكد المعلومة
= والدي انا
- ايوه يا بيه هو كان داخل بالعربية وقتها بالله يا بيه انا عندي عيال و 10 ايام خصم عليا وعلي زمايلي صعب اوي وخفنا نقول لتميم بيه لان حسينا المشكلة هتكبر والنبي يا بيه كلم تميم بيه
= حاضر حاضر متقلقش
اخي ضلعي الثابت وسندي واماني .... الاخ لا يعوض
دلف الي منزله وجد والده يشاهد احدي المسرحيات وهو يضحك من قلبه علي احدي مشاهدها
- انت ازاااي اب بالشكل ده ... نفسي افهم انت عملت كده ازاي
= في ايه انت اتجننت وبتعلي صوتك عليا
- انا لسه عليت صوتي انا هخلي الدنيا كلها تسمع بعمايلك
= لاااا انت بقي اتجننت انت نسيت اني ابوك ولا ايه
- يارريت اقدر انسي انك ابويا وانسي اني علي اسمك مصعبتش عليك تحطها في موقف زي ده دي بنتك لحمك ودمك
جاء جميع من في المنزل بعد سماع صوت حمزه المرتفع حتي رنيم وقفت مشدوهة مما تري
= انت ااايه طب اخواتك وقلت ميهمش اكلين حقك ومحروق منهم لكن دي بنتك عرضك وشرفك تعمل فيها كده ازااااااي
كانت الاجابة صفحة مدوية سقطت علي وجه حمزه تبعها شهقة عالية من رنيم
- الظاهر انك جرالك حاجة في عقلك عشان تكلمني انا كده وايوه انا مش عايزها مش بحبها وياريتها فعلا كانت ماتت في بطن امها قبل ما تيجي الدنيا وكله ده انا بعمله علشانك بحافظ علي فلوسك
= ملعون ابو الفلوس اللي خليتك كده بس خليك عارف هي اختي وانا عايزها واللي هيقرب منها هنسفه
كان في قمه غضبه فاتجه خارجا من المنزل تلحقه رنيم ولكنه لم يكن في حالة تسمح له بالحوار والمناقشة فدفعها بعيدا عنها لتسقط علي الدرجات المؤدية الي المنزل لتجرح في رأسه دون ان ينتبه لها حمزه
لا تعلم كم مضي عليها ممدة علي الارض ولكنها شعرت ب شاهي تحدثها و تساعدها علي النهوض واتجهوا الي جناحها وهي تستند اليها
- ايه اللي حصل يا رنيم
= ها ولا حاجة يا شاهي انا بس دوخت ووقعت
- وقعتي برده هعمل مصدقاكي لحد ما تقولي انتي بنفسك
= صدقيني ده اللي يحصل لتكمل شاهي تضميد جرحها بصمت
⚡⚡⚡⚡⚡⚡⚡⚡
#الفصل_الثالث_عشر🔥
عاد الي المنزل بعد ان سلم سعيد الي الشرطة مع توصيات بتشديد حراسته وان ينال اقصي عقوبة ليسمع اصوات ضحك ولعب تأتي من الاعلي وبالاخص من غرفة ابنته التي من مدة لم يستمع الي ضحكاتها
ليري توليب و توتي في يرتدون (اوفر رول) سلوبت كالعمال و الغرفة فاغة من كل محتوياتها و يقومو بدهان الحوائط باللون الوردي المفضل ل ابنته واستمع لوعد توليب لها بانها سترسم لها جميع الاميرات المفضلة ليدها علي الحائط بيدها لتقفز توتي من السعادة وتحتضن توليب
ومش هنسي صورة بابي في البرواز اللي اخترناه مش انتي بتحبيه برده يا توتي
- ااايوه اوووي
= وانا كمان يا توتي بحبه زيك بالضبط واكتر
هنا اقتحم عليهم تميم وقتهم الممتع موجها الحديث لابنته مازحا
- طب وانا يا توتي مليش حضن زي ده
لتتجه اليه توليب وتحتضنه وهي سعيدة وتهتف في أذنه
= بابي تتممميم
- ايوه يا قلبي انا بابي برافو عليكي وعشان انتي شطورة يلا نروح ناكل ايس كريم كلنا
فرحت الاثنتان كأنهم طفلتان
= هروح اغير و ارجع علي طول واحضر لبس توتي
لم تستغرق وقتا فهي لا تضع مساحيق التجميل وعند عودتها وجدتهم يتحادثون واستمعت دون قصد لهم
- توتي خالو ايمن كان معاكو انهارده ؟
لتهز ابنته راسها نافية وجود ايمن معهم ليرفع راسه ويواجه نظرات توليب العاتبة فهمو لم ولن يثق بها ولكنها لم ترد ان تكسر فرحة توليب بخروجها مع والدة لاول مرة منذ وقت طويل
= يلا يا توتي تعالي اغيرلك
- توليب انااا...
= متقولش حاجة تخليني اشيل منك اكتر من كده نتكلم بعدين خلينا نفرح توتي انهارده
مضي الوقت وعادوا الي المنزل وتوليب الصغيرة في قمة سعادتها عكس تميم وتوليب اللذان لم يتحدثا معا الا للضرورة فقط ولكنهم قابلو شاهي وهي تركض لسيارتها ليوقفها تميم متسائلا
- مالك يا شاهي في ايه
= المحل بيولع يا تميم شقايا وتعبي بيروح
لتأتي من خلفهم فريال هادئة مستكينة
- ولا يهمك يا شاهي فدانا احنا وعيالنا لتتجه ببصرها ل تميم مردفة
= بس متزعلش مني يا ابني انا قفلت علي عمك يزيد وهو بيولع في المحل اصل نسيت هناك تليفوني رجعت اجيبه لقيت القفل مفتوح وعمك جوه بيولع فيه وهو منشكح اوي فقفلت عليه
ظلو الثلاثة ينظروا لبعضهم البعض ثم الي فريال التي كانت في منتهي الراحة
يووووه خلاص بطلو تبصولي انا طلبت المطافي يا تلحقه يا يبقي قدره وتركتهم في ذهولهم و اتجهت لمنزلها وماهي غير لحظات وانفجر تميم في الضحك لم يستطع ان يتمالك نفسه اكثر من ذلك تبعه بعدها توليب وشاهي ⚡⚡⚡⚡⚡⚡⚡
الفصل_الرابع_عشر💔
الكارما هي انعكاس للماضي يعود اليك لانك ببساطة تحصد ما زرعت
حالة من الهرج و الذعر تسود أجواء المشفي الخاص ليست بالجديدة علي طاقمها و لكن وقعها شديد في نفوس عائلات المرضي المترقبين بقلق لكل شاردة وواردة من الأطباء و الممرضات ينشدوا أي سبيل للاطمئنان
قام من مقعده قلقلا مردفا
- هو مفيش حد يطمنا هنا ولا ايه
ليضع عمه يده علي كتفه محاولا بث الاطمئنان فيه
= خير ان شاء الله خير يا حمزه اهدي اهدي
- ازاي بس يا عمي
ليجلس علي المقعد واضعا يديه علي رأسه بقلة حيلة
- انا عايز اطمن عليه بس هو عايش ولا .....
= يا بني الاخبار السيئة مش بتستخبي ولا بتستني
جاءت والدته تحاول تهدئته ومواساته
- اطمن يا حمزه باباك قوي و هيعدي منها
لينفض يدها التي احتضنت يده مردفا باستنكار
= انتي ملكيش دعوة بيه انتي السبب مش اللي حصل ده في محلك انتي و الست اللي معرفش طلعت لنا منين
- وهو انا اللي قلت له يروح يولع فيه و يضيع تعبنا وشقانا
ليقف صارخا
= انا ميهمنيش كل ده انتي السبب انتي السبب وصدقيني هدفعك التمن غالي وغالي أوي انتي وست فريال بتاعتك
ليتوجه له عامر محاولا تهدئته
- خلاص يا حمزه دي برده مامتك و ده لا وقت ولا مكان الكلام ده
ليتفرقوا كلا في زاوية منتظرينبعد عدة ساعات أطل عليهم الطبيب خارجا من غرفة العناية المشددة التي يحوي أحد أسِرتها جسد يزيد المصاب لتندفع كل الأسرة متسائلة عن وضع يزيد و حجم مصابه ليبدأ الطبيب بالحديث
- نهدا يا جماعة وانا هشرح لكو الحالة
ليتقدمهم محسن مستفسرا
= طمنا من فضلك حالته ايه
- الوضع حاليا لسه في مرحلة الخطر جسمه حاليا في حالة صدمة و ده بسبب أن جزء كبير من جسمه حرق من الدرجة الثالثة وحاليا احنا اديناه منوم عشان الألم هيكون غير محتمل وهيفضل كده فترة بعدها لما نفوقه هنعرف مدي التأثر اللي حصله
ليتدخل عامر مردفا
= لو محتاج يسافر بره نسفره اي مكان وأغلي مستشفييا
- عامر بيه احنا عشرة عمر و عادل صديقي من الدراسة لو السفر هيفرق كنت قلت لك ومشيت في إجراءات السفر صدقني هنا زي هناك ويمكن افضل كمان
ليحزم ترددهم تميم موافقا علي حديث الطبيب
= اللي تشوفه الأفضل يا دكتور اعمله احنا واثقين فيك
- اذا كان كده بتمني تروحوا مفيش فايدة من القعدة مش هنفوقه قبل ٣ ايام ولا حاجة
= انا مش هسيبه انا هفضل هنا
- اسمع الكلام يا حمزه تعالي بس نغير و نرتاح و نرجع تاني بليل مش هنسيبه بس انت تعبان وكمان تطمن رنيم يلا
استسلم حمزه لنصيحة تميم فهو بالفعل يشعر بارهاق شديد نتيجة عدم نومه وقلقه الشديد علي والده
ذهبوا جميعا الي منزل محسن وتجمعوا فيه عادا حمزه الذي فضل الذهاب الي منزله لينال قسطا من الراحة قبل أن يعود إلي المشفي مرة أخري استقبلته رنيم قلقه تسأله عن حال والده وحالته
= مش كويس يا رنيم مش كويس خالص
- ربنا يطمنك عليه يارب بس هو مكنش المفروض يعمل كده
لتنقلب حالة حمزه وكأنه وجد منفذ يخرج فيه غضبه المكبوت من ولده الذي في هذه الحالة بسبب أفعاله الهوجاءليطبق يده بقوه علي ذراعها رافعا إياها لتقف في مواجهته و قد احمرت عيناه من الغضب
= انتي قصدك ايه
ارتعبت رنيم من نظراته
- ايدي يا حمزه ااااه .... ممممش قصدي حاجة والله
= لا قصدك ...... قصدك أنه هو الغلطان
ثم قذف بها بعيدا عنه لتسقط أرضا بقوة ليكمل حديثه بغضب
- انتي فعلا زي ابوكي واخوكي بتكرهوا ابويا طب اتجوزتيني ليييييه
ليهبط الي مستواها ويمسك بشعرها بقوة
= لازم تفهمي أن لولا ابويا مكنتش اتجوزتك ولا حتي فكرت فيكي
ليترك رأسها فجأة و بقوة لترتطم بخزانه الملابس (الدولاب)
جالسون وكأنه علي رأسهم الطير قلقين لا يعلموا بالقادم و قلقهم في تزايد علي يزيدلتقطع صمتهم توليب و هي تحاول بث الطمأنينة في قلوبهم
- عمو يزيد قوي وان شاء الله هيبقي احسن
كاد أن يجيبها محسن لولا أن قاطعه الخادم ومعه صحبة من الرجال متهجمي الوجه
= خير يا عبدالله
- انا اسف يا بيه بس الحضرات عايزين تميم بيه
ليتقدم احد الرجال معرفا عن نفسه
= انا المقدم حسام عزيز فين تميم محسن المغازي
ليقف تميم معلنا عن وجوده ظنا بأن الوضع يخص حادثة يزيد
- خير يا فندم انا تميم
= من فضلك اتفضل معانا مطلوب ضبطك وإحضارك لسرايا النيابة
- بخصوص حادثة عمي يزيد ؟؟
= لا يا فندم
ليقف محسن بجوار ابنه
- امال ايه خير
= منقدرش نقول هيعرف هناك اتفضل يلا
ليفاجأ تميم ب توليب تقف بجواره و تتشبث ب قميصه لا تريد تركه يذهب لينحني عليها هامسا
- متقلقيش كلمتين وارجع عيب عليكي انا تميم المغازي
ثم ربت علي يديها عدة مرات قبل أن يوجه حديثه للضابط
= اتفضل حضرتك وانا وراكو بعربيتي
- بسسس
= تقدر تركب معايا و نروح النيابة سوا
- تمام اتفضل
بعد أن ذهب و غاب عن أعينهم تاركا خلفه عقول لم تستوعب بعد ما حدث أو ماهية الأمر بل ومعهم قلب مقبوض لا يشعر بالراحة في ابتعاده
شعرت بيد تمتد الي كتفها تربت عليه و همس كفحيح الافعي في أذنها
= دي هدية بسيطة مني يارب تعجبك و المرة دي اللعب بقي علي المكشوف
غافلة عن من سمعهم و لكنه ليس الوقت المناسب للفهم
- يلا يلا يا عامر نلحقه ونفهم في ايه
= انا جاية معاكووانتي هتيجي تعملي ايه يا توليب
- انا هاجي يعني هاجي مش هسيب تميم لوحده
لم يستطيعوا أن يثنوها عن قرارها فذهبوا ثلاثتهم وفي الطريق هاتفت محامي العائلة و طلبت منه التوجه إلي النيابة بشكل عاجل
كان المحامي خارجا من مكتب وكيل النيابة لدي وصولهم ليهرولو مقبلين عليه في تساؤل
= في ايه يا عبد الحكيم
- للاسف تميم بيه متهم بالغش التجاري شركة سنيوريتا مقدمة مستندات وأدلة بأن الاحجار اللي استلمتها من عندكو مغشوشة احجار فلصو
= ايه الكلام اللي بتقوله ده
لتهتف توليب
- ده مستحيل احنا عمرنا ما وردنا ولا استوردنا غير الاحجار الأصلية ومن محاجرها
= بس كل الكراتين عليها رقم تسلسل من مخازن الشركة و ختم الشركة كمان
- خلاص ياخدوني انا ويسيبو تميم انا رئيس مجلس إدارة
= تميم بيه معاها تفويض بالامضاء وهو اللي مضي العقد مع الشركة و مضي كمان خروج الشحنة
ليظهر تميم خارجا من مكتب وكيل النيابة مكبل بالاصفاد في يده
لم تتحمل رؤيته في هذه الحالة لتحتضنه باكية مردفة
- مش هسيبك تبعد عنا هقول لتوتي ايه
ليبعدها عنه قليلا وهو يزيح دموعها بأنامله
= خلي بالكو من بعض متقليش يومين وهرجع تاني ...... بابا متقلقش عليا الموضوع بسيط
خرجوا من مبني النيابة وتوليب شبه منهارة واستقلوا السيارة رجوعا الي المنزل بدون تميم
اتجهت توليب صاعدة الي اعلي ولكن اوقفها نداء عمها عليها
= ايوه يا عمو
ليجيب بصرامة
- تعالي ورايا علي المكتب
اخذت تتبعه وصولا الي مكتبه وهي تتسأل عن ما اقترفته او سبب طلبه الحديث معها
اغلق الباب خلفهم ووجه حديثه اليها
= انت بتحبي تميم ؟
رفعت اعينها محدقة باتساع من السؤال الغير متوقع ولكنها أثرت قول الحقيقة علي المراوغة
- ايوه بحبه
= مقولتيش ليه الكلام ده وقت جوازكم
- دي حاجات خاصة بيني وبين تميم
= احكيلي اللي حصل بالضبط يا توليب
- يا عمو حضرتك موترني وانا اعصابي تعبانه ممكن اروح اشوف توتي
= مش هتروحي لاي مكان لحد ما اعرف الحقيقة كلها ... حركاتك في القسم و نظراتك له بتأكد انك بتحبيه وانك مستحيل تكوني عملتي كل اللي اتقال ده ....
- انا معملتش حاجة ولا اي حاجة وبكره الحق هيظهر وتعرفوا كل الحقيقة
= وانا حابب اعرف دلوقتي كل حاجة وحالا يا كده يا تنسي انك ليكي عم
ضاق عليها المكان من محاصرته له فلم يبقي سبيل سوي ان تعترف بكل شئ
= حضرتك حابب تعرف .... طب كنتو فين وانا كل ده بيتلعب بيا و بتخان و اتجرح وانا ولا في الدنيا مأمنة ومطمنة انكو اهلي مين ميأمنش لأهله .. والوحيد اللي كان هممني اكتر واحد جرح فيا و صدق عني كل حاجة وحشة ونسي اني تربيته زي ما بيقول وان عيني عمرها ما شافت غيره
شعر محسن بصدق حديثها ومدي ألمها الداخلي ولكنه استمع لحديث لميس لها عن تميم ويجب ان تعترف بكل الحقيقة
= كملي يا توليب قولي اللي جواكي كله
- اللي جوايا نار وبركان غضب وحق متاخد لازم ارجعه
= وحقك عند مين
لم تجيبه وفضلت الصمت والنظر الي اسفل
ليصيب محسن الهدف حينما قال
- طب ولميس
= لميس دي جارح نازف جوه قلبي اقنعتني اسافر عشان تسيطر علي تميم و تحتل قلبه ولما فشلت شوهت صورتي قدام الكل وحضرتك اولهم بس اقسم بالله ما كنت اعرف انه متجوز وايوه واجهت الاء بس والله ما قصدت اموتها ولا عمري حبيت غيره هو بس ...رجعت لقيت الكل كارهني حتي ابويا ضربني لاول مرة عشانها .... لميس عكس اللي انتو عارفينه صدقوني ياريتني كنت ابقي كذابة وتكون هي الاخت والصديقة الحنينة
- نظرتي فيكي في محلها دايما صحيح انا صدقتها في الاول بس انا مش باخد بالامور مسلمة انا سألت وعرفت كل حاجة واوعدك اني مش هظلمك زيهم ولازم تثبتي برأتك للكل
= انا مش مهمة المهم تميم يرجع وبس مش عايزة حاجة تانية ان شاء الله يفضل كارهني .. هي اكيد عملت حاجة في الشركة من وراه وبتنتقم مني ومنه
- كله هيبان يا بنتي والحقيقة هتظهر اطلعي انتي ل توتي والصبح نتصرف
لن اتخلي عنكِ حتي ولو ألمتيني .. سأتمسك بك رغما عنكِ
= قومي يا بنتي الواد قاعد بره بقاله فتره عيب كده
- يا ماما مش قادرة والله ما قادرة
= طب طمنيه عليكي وهو هيمشي ده حتي التليفون مش بتردي عليه
- عايزاني اخرجله كده بمنظري ده ووشي المنفخ من كل حته و عيني الزرقة دي هااا اقوله ايه
ليدخل عليهم معاذ فجأة
= مش هتقولي حاجة انا مش مهم عنديي كل ده ولا حتي مهم عندي اللي حصل
ليقترب منها ماسكا يدها
- انا كل اللي يهمني انتي وانتي وبس فداكي الدنيا بما فيها كفاية اشوف ضحتك تنور حياتي
لم تتحمل كم هذه المشاعر لتبدأ نوبة من البكاء الحار لتخرج فيها كل ما حل عليها من الم
ليقوم باحتضانها ليهدأ من روعها
- لا يا طنط احنا نكتب الكتاب بقي
= الظروف تتحسن بس وان شاء الله نكتبه يا حبايبي
ولو امتلكت الف منزل .... يظل منزل عائلتك هو معني الامان
عادت الي منزل والدها فقد قررت ان تقضي ليلتها معهم في غياب تميم وبالاخص لان حمزه سيبيت الليلة في المشفي عند والده ليكون بجواره
وجدت والدها جالس واجم يفكر في حل ليخرج تميم من مصابه
كانت تسير علي مهل فقد تأذي ظهرها اثناء سقوطها اثناء مشاجرتها مع حمزه الذي لم يحاول تطيب خاطرها او الاعتذار منها
- تعالي يا رنيم ايه يا حبيبتي
= وحشتني ووحشني البيت قلت اجي انام هنا ولا في مانع
- لا يا حبيبتي ده البيت نور تعالي احكيلي اخبارك ايه
= الحمد لله يا بابا
- وعاملة ايه مع حمزه
لتتنهد بتحسر مردفة
= حمزه .....
كويسين يا بابا بس دايما حاساه بعيد عني حتي لو جنبي ..... مع اني حاولت كتير ومن قبل الجواز ياما توليب حاولت تكلمه عني ولميس كماان سمعت كلامها في كل حاجة حتي في سفر توليب قلت يمكن بتشغله ولا حاجة بس هو بارد مفيش فايدة
- مش هقولك حذرتك بس اصبري عليه حمزه معدنه طيب بس محتاج يتوجه صح
= حاضر يا بابا عن اذنك هطلع اوضتي
جاء الصباح ... جالبا معه امل جديد واشراقة شمسه بعثت الدفء في قلوبنا الباردة
جلس محسن لتناول الافطار عندما رأي توليب مرتدية ملابس عملية و بكل عزم متجهة للخارج
= توليب مش هتفطري
- معلش يا عمو انا مستعجلة معاذ مستنيني برا هنروح كذا مشوار بخصوص تميم
= طب خير فهميني
- لما اجي يا عمو ادعيلي و توتي انا فطرتها و المربية معاها مش هتأخر
لم تذق عيونها النوم طوال الليل فقد اعتادت ان يكون معاها في نفس الغرفة فهو اصبح امانها
من الصباح هاتفت معاذ وعزموا امرهم علي الذهاب الي مقر شركة سنيوريتا والوصول الي حل بعيدا عن المحاكم
عند وصولهم الي مقر الشركة اتجهت بكل ثقة و غرور الي السكرتارية
- مساء الخير مكمن اقابل رئيس مجلس الادارة
= في ميعاد يا فندم
- لا بلغيه ان توليب المغازي صاحبة ماركة majestic للمجوهرات والاحجار طالبة تشوفه
= تحت امرك يا فندم
غابت الفتاة بداخل المكتب لعدة دقائق ثم عادت مبتسمة داعية لهم للدخول
وجدت شاب اكبر من عمرها بقليل يتفحص مستندات علي مكتبه
- صباح الخير انا توليب المغازي وده ا.معاذ مدير العلاقات العامة
لتفاجئ بصوت تعرفه جيدا يقفز صاحبه في سعادة
= ياااا تولا واتقابلنا تااااااااااني يا بنت الايه
- مش معقووولة ادم رفعت بتعمل ايه هنا
= دي شركة عيلة والدتي انا سمعت كلامك لما اتقابلنا في ايطاليا وركزت في مستقبلي
- فرحت ليك جدااااا واخبار ندا ايه
= انا وندا اتجوزنا و عندنا رفعت الصغنن سنة
ليتنحنح معاذ ليذكرهم بوجوده وسبب وجودهم ايضا
- احمممم مش نرجع لموضوعنا
= ايوه فعلا فعلا نورتني يا ا. معاذ
- بص يا ادم انت اكيد عرفت باللي حصل
= طبعا انا اللي قلت للشئون القانونية تمشي في الاجراءات .... حاولنا نتواصل مع حد من هناك بس للاسف كل مرة يأجلوا الاجتماع و انا عملت اللي يحميني ويحمي شركتي
- طبعا طبعا بس للاسف ده خطأ غير مقصود كل الموضوع ان حصل لخبطة بين الشحنة بتاعتكو و شحنة تانية لدار ازياء هتستخدم الاحجار في الملابس
= وليه من الاول مبلغتوناش قبل ما نبدأ تصنيع و يحصل اللبس ده كله
- كان في حالة وفاة عندنا وبعدها فرحي
= لاااا بجد اتجوزتي
- ايوه تميم يكون زوجي وفعلا المسؤال هيتعاقب واحنا علي استعداد لتعويض كافة الخسائر المادية
= وانا مرضاش جوز الانسانة اللي غيرت حياتي يتحبس خلاص انا هكلم المحامي ويخلص كل حاجة
- شكرا بجد يا ادم ده جميل عمري ما هنساه وشحنتك عليها خصم 30% عشان نصلح الخطأ ده
= العفو اتمني اشوفك مع زوجك قريب ونتعرف كلنا ندا هتفرح جدا لما تشوفك
- شكرا يا ا. ادم بس ممكن اعرف مين اللي حاولت تتواصل معاه لان لازم يتجازي
= اعتقد واحدة اسمها همسة او لميس مش متذكر ممكن اتاكد من السكرتارية
- ااااه لا لا مفيش داعي عن اذن حضرتك
خرجوا من مكتبه في غاية السعادة
= معاذ كلم المحامي وبلغه يستعد يخرج تميم اول ما ادم ينفذ كلامه
- ان شاء الله علي طول
= معاذ ممكن طلب بلاش حد يعرف عن لميس لحد ما اقدر اثبت كل حاجة
- لميس السبب مش كده
سردت له مختصر للاحداث
= طول الوقت كنت شايفها مثالية زيادة عن اللزوم بس تميم دايما كان في صفها
- اوعدني تميم ميعرفش حاجة لان من غير اثبات هكون برده في نظره وحشة
= حاضر مع اني مش مستوعب ازاي تبقي مستهترة كده وازاي اصلا الاحجار دي دخلت المخازن
- كله هيبان بس تميم يرجع وكله هيتحل
الحقيقة دائما تؤلم من تغذي علي الاوهام
في نفس الوقت انهي محسن افطاره و عزم امره بمواجهة صغيرة مع لميس فبعد حديثه مع رنيم تأكد من براءة توليب وانها كانت تخبره بالحقيقة
- صباح الخير يا عامر
= اهلا يا محسن كنت هخلص فطار واجيلك
- عارف يا حبيبي بس كنت عايز لميس في كلمتين
= طبعا دي بنتك يا محسن اقعد
- لا هاخدها ونتمشي في الجنينة
شعرت بغرابة عمها منذ دخوله فهو لم يبتسم ولم يوجه لها كلامه المعسول المحبب كعادته ولكنها ارجعت ذلك الي قلقه علي تميم
= عارفة يا لميس بتفكريني بمين
- بمين يا عمو
= بميرفت مراتي والدة تميم كانت زيك كده بتحبني وعايزاني ليها لوحدها عشان كده كرهت العيلة وقربنا من بعض بس هي كانت شبه معقدة نفسية لان عيلتها مفككة وعايزة الكل زيها وانتي من حبك في تميم بقيتي ملازمة ليها في كل وقت وانتي عندك امل ان بقربك منها هتقربك من تميم
كانت تطلع له لميس بعدم استيعاب لا تعلم هل يمدحها ام يذمها
- بس للاسف انتي حبك حب تملك و سيطرة لان تميم عمره ما اتأذي من والدته لكن انتي أذتيه مش مرة لا مراااات كتير حاسس ان مرض امه اتنقلك واتطور اكتر منها
= عموو اناااا
اسكتها بصفعة موجعة ثم اتبعها بحديثه اللازع الحازم
- مش عايز ولا كلمة كدب كمان كفاية لحد كده ومن دلوقتي بقولك ابعدي عن تميم وعن توليب كفاية اللي عملتيه فيها انتي شبه دمرتي حياتها وكرهتي الكل فيها حتي ابوها وامها اخدوا جنب منها
= انتو كلكو بتحبوها ومحدش بيحبني
- اخرسي عمرنا ما فرقنا بينكو كلكو توليب الصغيرة عشان كده دلعها زيادة لكن كلكو اخدتوا نفس الحب والحنية مننا كلنا انا عارف انك السبب في حبس تميم وسفر توليب و و و حاجات كتير عمري ما توقعتها منك بس خلاص انا حذرتك حاولي تتصلحي مع نفسك بدل ما تخسريها وصدقني وقتها هخليكي تندمي اشد الندم وهتدفعي ثمن كل اخطاؤك
وتركها وهي تغلي من الحقد وكيف ان انكشف امرها وبدأت تخسر حلفاءها
لم تكن علي دراية بمن استمعت لهم وعلمت بحقيقة كانت مغيبة عنها كيف وصل بها الحال الي هذه الدرجة وتبعتها حتي غرفتها لمواجهتها ولكن انتبهت لحديثها الغاضب في الهاتف
- يعني ايه مش عارف بقولك ده كانت اتفاق بيني وبين عمي يزيد
= وانا بقولك انا مش فايق لالاعيبك دي دلوقتي انا المهم ابويا يقوملي بالسلامة
- يعني ده اخر كلامك علي العموم هو لبسها لبسها لانه هو اللي ورد البضاعة في المخزن يعني من المصنع عنده انا هعرفك ازاي تبقي ضدي يا حمزه والله لاندمك
التفتت لتري والدتها علي باب الغرفة بعيون جاحظة
= ماما !! ماما اناااا
لتسكتها بصفعة مدوية
- انتي شيطااانه شيطاااانه حاولت اقرب منك كتير بس كنتي بتبعديني دلوقتي عرفتي ليه عشان مش اشوفك علي حقيقتك و اعرف قد ايه انا معرفتش اربي
= ليه كلكو عليا ليه محدش حاسس بيا
- انتي اللي كارهه نفسك وكاهه كل اللي حواليكي بس حذاري حذاري تعملي حاجة تاني صدقيني لا هتبقي بنتي ولا اعرفك فاااهمة
= انتي في صف توليب عشان عملت زيك لما اخدتي بابا من طنط ميرفت ماما تميم زمااان انتي فاكرة اني مش عارفة هي ياما حكت لي ازاي فرقتي ما بينهم وقد ايه هي حبت بابا واتجوزت عمو محسن عشان تكون قريبة منه ودلوقتي بتعيدوا معايا اللي حصل زمان كان عندها حق لما قالت لي محبش غير نفسي مفيش حاجة اسمها اخوات وعشان كده عمري ما قربت منك ومنها لان محدش حبني قدها
وقفت سوسن مذهولة مما تسمعه وعلمت ان سبب الحقد الدفين والغيرة هو ما زرعته ميرفت بداخل ابنتها دون علمها احتارت ماذا تقول فما راوته لميس من وجهة نظر ميرفت خطأ فقد احبها عامر بشدة وقد حاولت ميرفت استمالته عدة مرات ولكنه كان يحبها بصدق ولم يلتفت لمحاولات ميرفت و عند خطبتهما اعلن محسن خطبته لميرفت ايضا فعاشوا وتناسوا الماضي ولم يعلم احد بما كانت تكنه ميرفت لهم ولا ما زرعته في لميس
عندما لا تري سوي جانب واحد مني فأعلم اني اظهر لك ما يناسبني