رواية كيان والشيطان الجزء الثاني الفصل الثامن 8 بقلم محمد منصور
بسم الله توكلت علي الله. وهو رب العرش العظيم
ومن جوة محطة سوهاج لعربيات الاجرة. يقعد سيف ومعه كريم وسحر جنب عربية كبدة وكانو بياكلو وسيف بيقول
العربية تحمل وتمشي من هنا وياريت تسيبي اسكندرية كمان
سحر
امشي. واسيبك لوحدك افرض ابوك عرف انك انت اللي هربتنا
سيف
ما تقلقيش ابويا شاكك في الاثنين الاغراب اللي كانو واقفين معه قبل ما فرج يضرب النار علي الكريم
سحر باستغراب
هما مين الاثنين دول.
سيف
ماعرفهمش بس كل اللي اعرفوا انهم خلو ابويا يركز معاهم وهما شكلهم فعلا كانو جائين علشان يلحقوا كريم
سحر
عرفت ازاي
سيف
في ناس وسط رجاله ابويا سمعوهم وهما بيتكلمو عنه وكمان فاكرني انا الثالث بتاعهم.
سحر
يبقي لازم استني هنا واشوف مين الاغراب دول ولية كانو في البلد ويعرفوني انا وكريم منين
سيف
اسمعيني يا امي قعادك في سوهاج في خطر كبير عليكي انتي وكريم.
سحر
طيب اطمئن علي الاغراب اللي جم يلحقوا ابن بنتي
في الوقت دة شافو سلامه واقف قدام منهم وبيقول
سيبي حكاية الاغراب دول عليه انا. يا بنت الكلاب
ومسك سلامه رقبه سيف وقال له
بقي انت اللي بتساعد الاوساخ دول. رقمك اللي اتصلت بي في الاسعاف فضحك يا ابن الخاطية. وعرفت من اهل البلد انهم شافوك رايح ناحية محطة سوهاج
سيف وهو بيحاول يفلت من ايدة
ايوة انا اللي بساعد سحر واخويا. انت اية ما عندكش قلب. ازاي دم البرئ دة يكون رخيص اوي كدة عندك
سلامه
يا حمار انا بعمل كل دة علشان احميك
سيف
وانا مش عايز حمايتك دي. دة انا ماصدقتش جدي لما اتصل بيا وقالي انك خاطف شاب برئ نظيف زي دة وحابسة في اوضتك.
سلامه وهو بيبص ل كريم
انت مالك شايل هم العبيط دة لية. ما يموت ولا يغور في داهية
سحر
زعلان ان ابنك طلع نظيف مش وسخ زيك
بص سلامه ل سحر وقال
كلامي مش معاكي انت يا مراة.
وطلع سلامه الطبنجة بتاعته وحطها في نص دماغ سيف وقال له بتهديد واضح وصربح
قسما برب العزة. لو ما طلعتش نفسك برة الحكاية دي لكون مخلص عليك بايدية ومستناش فرج لما يعملها
بص له سيف بتحدي وقال
يبقي خلص دلوقتي علشان مش هسيب برئ يموت مكاني
لسة هتهجم سحر علي سلامه شاور لها سيف بايدية وقال
خدي كريم يا امي ومش من البلد دي.
سحر
وانت
سيف
مش هيقدر يقتلني. انا نقطة ضعغة
سلامه وهو بيشيل الطبنجة في جرابها قال
انت غبي. بوظت كل حاجة بعملها علشان خاطرك.
سيف
اسمعني يا بوي احنا الاثنين ولادك. ازاي ترضي انك تضحي بواحد مننا
سلامه
انا ماعرفش غيرك انت ولدي. علشان كدة سحر وكريم هيموتوا دلوقتي
اتصدم سيف وقال
بتقول اية
سلامه
وانا جاي علي هنا واول ما اتاكدت انك في المحطة اتصلت بفرج وعرفته ان كريم في المحطة وهيهرب
حضنت سحر كريم وقالت بمنتهي الكره
انت مجنون. والشر دي بيجري في عروقك بدل الدم. غدرت بأم المسكين دة وخليتها تموت. ودلوقتي جاي تكمل علي اللي فاضل منها.
سلامه
علشان ابني يعيش. زي ما العراف قال. افدي الغالي بالعبيط
ولف ايدة وبمنتهي القوة حوالين بوق سيف وكتف ايد سيف التانية. بايدة التانية وبدا يسحبة ويحاول سيف يهرب لكنه ما كانش قادر و في نفس الوقت يوصل فرج وكام راجل من اللي معه وطلع سلاحه وصوب السلاح ناحية كريم اللي خدته سحر في ظهرها وقالت باعلي صوتها ل فرج
الواد دة مش ابن سلامه. دة كداب.
بص فرج ل سيف وقال
يبقي اترحم علي سيف يا ولد الشناوي
صرخت سحر وقالت
ولا سيف ابنه.
استغرب فرج وكل الموجودين وبصوا ل سحر اللي قالت
انا كنت مرات سلامه تلت شهور وما حملتش منه. ومعايا الورقة اللي تثبت اني كنت مراته علي سنة الله ورسوله
بص فرج لرجالته وقال
مين فيكم بيعرف يستقراء
طلع واحد من الرجاله وقال
انا يا خال
راحت ناحيته سحر وكريم في ظهرها مرعوب وطلعت ورقة جوازها من سلامه. واديتها للراجل دة بص الراجل في الورقة وسحر كانت بتقول
جبتها معايا علشان كنت فاكرة اني جاية اخد حق اليتيم دة. وكويس اني جبتها معايا
بص فرج للراجل وقال
صح الكلام اللي بتقوله المراة دة
الراجل بص ل فرج وقال
ايوة صح.
سحر
ملهوش في النسوان. تلت شهور عشت معه وكاني عايشة مع حرمه زيي
بص لها سلامه وبعد سيف عنه وقال بمنتهي العصبية وهو رايح ناحيتها
بتقولي اية يا بنت الاوساخ. انا راجل
ولسة هيضربها مسكت سحر ايدة وقالت
لا. مش قدام الناس تعمل نفسك راجل انت مراة.
حط الطبنجة في نص راسها وهنا سمع سيف بيقول
ايوة انت مش ابويا. امي كانت ديما تقول لي وانا عيل صغير ابوك الله يرحمه راجل زين البلد دي ما جبتش زية
بص سلامه ل سيف وقال بمنتهي العصبية
هو مين اللي الله يرحمة يا ابن الكلاب
ضحك كل الرجاله اللي واقفين وقال فرج
سلامه المنشاوي طلع حرمه يا رجاله. كدة تاري اتاخد لان مافيش دم يتاخد من حريم
سلامه ل فرج
انا راجل وارجل من عيلتك كلتها يا فرج
ضحك فرج وقال
باين. بامارة ان ولادك الاثنين مش ولادك. وحتي المراة اللي عيشت معها تلت شهور ماحملتش منك
سلامه بعصبية
لا. انا راجل وابقي اسال اختك
اتقلب ضحك فرج لنار وقرب من سلامه والشر في عيونة وقال فرج وهو بيمسك رقبه سلامه
اية اللي جاب سيرة اختي علي لسانك النجس دة.
سلامه
هي خافت تقول لك اني قتلت اخوك علشان شافني معها
وطلعت رصاصة من طبنجة سلامه في قلب فرج اتوجع فرج وزقه سلامه وكان غرقان في دمه وجري سلامه بسرعه وضرب النار حوالين منه من رجاله فرج اللي كانوا معه واستغل سيف اللي بيحصل وراح ناحية سحر. ومسكها من ايديها وجري بيها هي وكريم. ،،،،،،،،،
ومن ايطاليا. وبعدها بساعه كانت عفاف بتكلم خالد في الموبيل وهي متعصبة اوي وطبعا مغيرة صوتها وبتقول
ازاي كل دة يحصل وانت بتتفرج. فرج يموت علي ايد سلامه وكل نبؤة اتقالت تطلع غلط عارف دة هيقصر ازاي علي متابعتنا وازاي هنطلع قدام كل المتابعين عبارة عن كذابين.
خالد
وهو انا بس كنت اعمل اية اكتر من اللي عملته. اسلام وكيان عمالين زي القطط بسبع ارواح.
عفاف
دة مش مبرر يا خالد. المتابعين بيدفعوا لينا فلوس علشان يتفرجوا علي اللي بيطلبوا. ازاي يطلبوا ان كريم يموت علي ايد فرج. وفرج يموت وفين في وسط محطة العربيات الاجرة. ويتصور فيديو والفيديو ينتشر علي كل مواقع التواصل الاجتماعي. ومش بس كدة كمان يتصور كريم وهو بيهرب مع سحر وسيف ابن سلامه.
خالد
انا عندي فكرة تخلي كل متابعين الموقع ينسوا اللي حصل ويدفعوا اكتر واكتر في المشاهد الجديدة.
عفاف
قول اللي عندك
خالد
نفضح كيان واسلام علي الموقع وقدام كل المتابعين ونفتح باب التصويت علي العقاب اللي يتمنوا المتابعين يشوفوا
عفاف
تقصد اننا نعمل زي محاكمة كدة
خالد
بالظبط. محكمة القاضي فيها هو المتابعين. واللي يحكموا بي يحصل
تضحك عفاف وتقول
نفذ فكرتك يا ابن ابليس
ضحك خالد وقال
ساعه بالظبط ونعرف المحكمة هتحكم باية،،،،،،،،
ومن سوهاج. يقعد اسلام مع كيان وهما مغيرين شكلهم نهائي جوة مطعم كشري وكانو بياكلو وسمعوا الناس بتتكلم في المحل عن فرج اللي مات مقتول علي ايد سلامه بصت كيان ل اسلام وقالت
مين فرج دة ولية سلامه قتله
اسلام
ملناش دعوي. احنا دلوقتي لازم نعرف فين كريم ونطمئن عليه وناخدة هو وسحر ونسيب البلد دي بسرعه
كيان
وهنوصل لهم ازاي بس. وفين ناس عايزا تقتلنا
اسلام
سيبيني افكر وهقول لك هنعمل اية
وفتح اللاب بتاعه وبص في اللاب قالت له كيان
انت بتعمل اية
اسلام
بشوف خالد. قدر يخترق حسابي ازاي وعرف مكانا ازاي
كيان
ما تتعبش نفسك. خالد اخترق الموبيل بتاعي اول ما دخلت علي موقع العراف
اندهش اسلام وقال
عرفتي ازاي
فتحت كيان الموبيل بتاعها وحطته قدام اسلام وشاورت بصباعها علي رساله غريبة في حساب الجيميل بتاعها قال لها اسلام
وانتي ازاي تستقبلي رساله زي
كيان
جت وسط اشعارات الموقع وماخدش بالي
اسلام
طيب اعملي ضبط مصنع للموبيل بتاعك بسرعه
كيان
حاضر
ولسة هتعمل كيان ضبط مصنع جالها اشعار من موقع العراف بنشر فيديو باسم العراف و بيحكي في كل اللي حصل من كيان واسلام وازاي انقذوا كريم. وفي اخر الفيديو طلب خالد من متابعين الموقع الحكم النهائي اللي يتنفذ في كيان واسلام وبدا المتابعين التفاعل علي منشور خالد وجت التعليقات وراء بعضها وبصت كيان للي بيحصل وحطت الموبيل قدام اسلام وقالت
شايف خالد بدأ يضرب تحت الحزام
اسلام وهو بيبص علي التعليقات كان بيقول
المرضي المتابعين للموقع هما اللي هيختاروا نهايتنا
وهنا بعتت عفاف رساله باسم مجهول وكتبت
★كيان اختارت انها تنقذ كريم وسحر. وانا شايفا ان في المقابل انها تختار اختيار من اربعه. اما تسلم لينا روح ابوه وامها. او تسلم لينا سحر وكريم او اما حسن يندفن حي. او اما كيان تطلع وهي علي جهاز كشف الكذب وتقول هي بتحب مين اكتر. اسلام جوزها ولا حسن حبيبها الاولاني. فاكراه طبعا وفاكره يوم ماقال لك يا كياني ★
اتصدمت كيان وبصت ل اسلام وقالت
التعليق دة بعته حد يعرفني كويس
اسلام
هيكون مين يعني
بدات كيات تهز دماغها وهي هتجنن. وتقول
ماعرفش.
وانصدم اسلام وبرق في شاشة الموبيل وقال
التعليق المجهول ناس كتير. بتطلبة وشكله هيبقي الحكم النهائي. انك تختاري
بصت كيان للموبيل وما بقتش مصدقة الجنون اللي بيحصل واسلام يقول لها
نهاية الحكاية دي في ايدك انتي. هتختاري اية
بصت له كيان وسكتت. الاختيار صعب والنهاية بتاعته هتبقي اصعب. بس تفتكروا كيان هتختار اية.،،،،،،،.